Asambleja e NATO: Shqiperia, karteli i droges ne Evrope

[Shijaksi-London]

Asambleja Parlamentare e NATO-s evidenton një tjetër raport “bombë” për vendin tonë

Shqipëria, karteli i drogës në Evropë
“Klanet shqiptare, kontroll kanaleve të trafikut të prostitutave”



Tiranë

Shqipëria është karteli më i madh i prostitucionit në Evropë dhe klanet shqiptare të drogës kontrollojnë kanalet e trafiqeve të narkotikëve. Kjo është “bomba” e fundit e lëshuar nga qarqet diplomatike ndërkombëtare për vendin tonë, nëpërmjet një raporti konfidencial.

Javës së shkuar në Ohër, Sekretari Përgjithshëm i NATO-s, Lordi Robertson, dha alarmin se mafia po merr pushtetin në Ballkan. Të hënën, më 26 maj, pra katër ditë më parë, në Pragë në Asamblenë e Përgjithshme Parlamentare të NATO-s është paraqitur një raport konfidencial (i përvitshëm), në të cilin alarmi i lëshuar nga Lordi Robertson është shpjeguar në detaje për të gjithë vendet problematike anëtare të NATO apo të Paktit për Partneritet për Paqe. Raporti, që i është dhënë vetëm Presidencës, Kryeministrisë, Kuvendit dhe opozitës përmban të dhëna dhe konkluzione alarmante për Shqipërinë dhe Qeverinë shqiptare. Po botojmë të plota, pa bërë komente fragmentet që kanë të bëjnë me Shqipërinë dhe krimin në vendin tonë.

“Delegatët vunë në dukje se konfliktet në Ballkan lehtësojnë kalimin tranzit të heroinës në Evropë përgjatë këtij rajoni, dhe që fluksi i refugjatëve dhe emigrantëve nga zonat e luftimeve për në Komunitetin Evropian, kanë parë emergjencën ndaj llojeve të mafiave të tmerrshme shqiptare, roli i të cilave është treguar në raste të shumta, duke përfshirë narkotikët, emigracionin ilegal dhe prostitucionin. Këto klane mafioze kanë vendosur bazën e tyre të përhershme në Itali, nga ku ata mund të hyjnë në lidhje me siçilianët, për të kultivuar kanabis në Pulia dhe Kalabri, dhe thuhet se po kërkojnë tanimë të spostojnë organizatat italiane. Ata janë duke u përhapur në Francë, duke marrë kontrollin në mënyrë të veçantë në zonën e Rhone-Alpes, jo larg nga kufiri me Zvicrën, ku jetojnë shumë kosovarë…

Në Evropë, aktiviteti i mafias së narkotikëve është edhe më i madh (mbi 65 për qind në Holandë dhe në Mbretërinë e Bashkuar), shumë nga shtetet anëtare të Komunitetit Evropian kanë treguar se ekzistojnë aleanca afatgjata strategjike të rrjeteve të tilla për shpërndarjen e tregjeve ekzistuese ose krijimin e të rejave (vëreni lidhjet e mafias ruse dhe kolumbiane, ose ato midis turqve, shqiptarëve dhe Evropës Qendrore)…

Për trafikimin e narkotikëve, emigrantëve dhe njerëzve
…së fundmi shqiptarët, të cilët gjenden në të gjitha zonat. Me fillimin e konfliktit në ish-Jugosllavi, shqiptarët të përshkruar nga INTERPOLI si “organizata hibride” shpesh të përfshira në aktivitete kriminale me prapavijë politike, kanë qenë “përmbaruesit” e punëve të mafias italiane, për sa i përket shpërndarjes së narkotikëve në rajon…

Që atëherë, shqiptarët kanë zënë pjesërisht vendin e turqve dhe të kurdëve në shpërndarjen e heroinës - ata kontrollojnë rreth 70 për qind të tregut në Zvicër, Austri dhe Gjermani dhe 80 për qind në vendet skandinave dhe tani thuhet se konkurrojnë me sicilianët. Klanet e tyre janë të tipit patriarkal dhe ndjekin rregullat e vjetra të jetës rurale (kodi i nderit, mbledhje ku thirren pak persona), gjëra të cilat e bëjnë rrjetin e tyre të vështirë për t´u infiltruar nga të tjerët. Përveç kësaj, ata kanë avantazhin e një strehe të sigurtë në vendin e tyre dhe një diasporë në rritje…

Trafiku i drogës
I ashtuqujturi “Balkan Route” në shqip “rruga, shtegkalimi ballkanik” (i kontrolluar gjerësisht nga klanet shqiptare), përfshin kalimin nga Irani në Lindjen e Mesme, Turqinë dhe Bullgarinë, më pas ose nëpërmjet ish-Republikës Jugosllave të Maqedonisë dhe Sqipërisë, ose nëpërmjet Rumanisë, Hungarisë, Sllovakisë dhe Republikës Çeke…

Trafiku i qenieve njerëzore
Emigracioni ilegal
Emigracioni ilegal duket se është “në rrugë të mbarë” për t´u bërë okupimi kryesor i rrjeteve kriminale në Evropën Perëndimore. Ky aktivitet thuhet se u garanton atyre një burim të sigurtë e të rregullt fitimi, me pak rrezik, duke u mundësuar atyre të formojnë rrethe të tjera shtesë për më shumë aktivitete ilegale, fitmprurëse e të rrezikshme si narkotikët dhe prostitucioni…

Sipas INTERPOLIT, shumica e rrjeteve të përfshira në trafikimin e emigrantëve vijnë nga jashtë. Shqiptarët kanë një rol predominant në të. Për shembull, në Vlorë, porti më i madh në jug të vendit, thuhet se rreth të paktën 30 banda që ndajnë tregun e tyre…

Rruga që kalon nëpërmjet Kosovës, Shqipërisë, FYROM-it (shiko fshatin Velesht (Strugë), qendra rajonale e prostitucionit) dhe Mal i Zi dhe më pas nëpër Itali (shiko “women market”)

Mafia shqiptare ka ngritur një kartel të vërtetë prostitucioni. Ajo administron më shumë se 65 për qind të trafikut të femrave në Ballkan; në zonën Schengen është ngritur mbi një bazë permanente në Itali, Francë, Belgjikë dhe Britaninë e Madhe. Në Francë 60 për qind e prostitutave janë të huaja, 35 për qind vijnë nga vendet e CEEC dhe Ballkani. Në Bruksel dhe Antverp mafiozët shqiptarë janë ndeshur me turqit dhe kurdët për të pasur kontroll mbi zonat e trafikimit. Në lagjen Soho të Londrës policia së fundmi ka vlerësuar se këto mafiozë kontrollojnë rreth 75 për qind të prostitucionit dhe se mbi 18 milionë euro, dërgohen në Shqipëri çdo vit, si pasojë e kësaj veprimtarie

Gazeta Panorama

[Honezmi]

Te na "rroje" Partija dhe Fatos Nanua qe na solli keto dite te "lumtura"!!!!!
Keto jane "shpifje" qe i nxjerin ata qe s'na duan dhe qe na kane "zili" per "sukseset" tona ne arenen nderkombetare.
Si ka thene DULLA: "Armiqte na kane hale ne sy, e ne i kemi ne gryke te pushkes"

[olsen]

rrofte droga qe po mban popullin e varfer gjalle me buke.

[Engjell11]

O shijaks ne shkrinet e tua lexon vetem historira per gangestere ,prostitucion, droge ,kriminalitet .
Mos jeton gje ne Haringay ti?
You boring pillock.

[kundraRRYMES]

Tere problemet tona vijne nga reklamimi i "idiotsirave" dhe" parrullave raciste" te shtypit te ekstremist europian.
Problemi qendron se nuk po behet aspak per reklamimin e punes se njerzve te thjeshte, meritat e tyre, dhe arritjet ne sektore te ndryshem , por kemi ngelur ne lajmet "bum" qe duhet te futen tek "kronika e zeze". Cfare ndodh kur njerez te ndryshem lexojne dicka te tille rreth shqiperise dhe shqiptareve.?! Imagjinojne qe cdo gje po ndertohet bazuar ne tregtine e droges, prostitucionit, e trafiqeve te tjera.
Eshte e vertete qe ka elemente qe merren me gjera te paligjshme, por ka shume nga ata qe punojne dhe jetojne te ndershem, dhe po ecin perpara. Gazetat shqiptare po reklamojne "felliqesirat" dhe harrojne pjesen e ndershme.
ndoshta ngaqe akoma jemi te pushtuar nga ndjenja e pasigurise, dhe e tipit "futja tja fusim, se diku do te dalim ", ose " livadhisim sa kemi mundesi, se nuk i dihet se cfare na sjell e nesermja", dhe pa menduar shume se cfare ndikimi ka ajo cfare bejme.

Askush nuk e mohon egzistencen e klaneve apo grupeve kriminale, por kjo nuk do te thote qe te zere faqen e pare te shtypit shqiptar, e per me teper te publikohen si "frute" te gazetarise.

Korespondentat shqiptare ne europe peshkojne rajonet e policise, gazetat raciste, dhe gjygjet, per te publikuar veprat e disa " lapanjosve shqiptare", dhe thone "grupet shqiptare".
Harrojne se neper bote ka rreth 3 milion shqiptare(jasht shqiperise) , dhe nga keta vetem nje pjese e vogel merret me gjera te paligjshme. Nuk kam lexuar qofte nje shkrim te vogel per dike qe punon jeton ne emigrim, dhe se si e ka ngritur jeten e tij. Nuk lexoj qofte dhe nje shkrim per te reklamuar veprat e shqiptareve si "Karl Gega" e kompani, qe bota ta kuptoje qe shqiptaret punojne dhe jane dhe krijues.
Gjate bisedes me nje turk me tha qe krijuesi i shtetit te pare Turk Sulejman Ataturku , ishte GREK. Hapa syte dhe thashe, qe ai eshte shqiptar, dhe ai se ka mohuar kurre qe ka qene shqiptare. Sa e sa raste te tjera, me te cilat ne si shqiptare mund te krenohemi. Por mesa duket jemi perfshire ne vorbullen marramendese te "rremujes, dhe anarkise" dhe i japim rendesi, lajmeve"thashetheme", dhe jo ngritjes se vlerave dhe krenarise kombetare.

Shijaks - nuk ke faj aspak kur publikon gjera te tilla, sepse fajin e ka PUBLIKUESI, qe te kerkon te shkruash gjera te tilla. Nuk je i vetmi i armates se "shkruesve" qe publikojne lajmet e gazetave lokale dhe buletinet e kronikave te zeza.

Ja kalofshi sa me mire,,,,

[Wordless]

shume dakort me kundraRRYMES!!!

[Orku]

Jam dakort se qofte si pasoje e deshires per te terhequr lexuesin ashtu dhe per shkak te racizmit mediat e huaja kane tendence te percojne nje realitet te ekzagjeruar duke na etiketuar kolektivisht per shkak te akteve individuale.

Por ky lloj stili mediatik i cili nuk eshte i ri dhe qe perdoret jovetem per shqiptaret nuk duhet te eklipsoje apo bllokoje qe ne te shohim nje realitet qe na percillet tashme jo vetem nga shtypi qe kerkon te shese <> por edhe nga institucione nderkombetare drejt te cilave ne synojme anetaresimin.

Panorama nxjerr nje nr te ri cdo jave ndersa raporte si ai i Natos qe paraqesin kartelin shqiptar te droges dhe prostitucionit ne krye te klasifikimit duan vite per te ndryshuar.

Dhe sigurisht gjerat nuk ndryshojne vetiu. Duke u perpjekur t'i injorojme keto fakte, bejme vetem rolin e strucit me shpresen se cfare nuk degjojme dhe nuk shohim, nuk ekziston.

[olsen]

si lopa bajgen i lidh fjalet ti orku.ne universitetin e b.......shkon ti?!

[Orku]

Une e kam mbaruar universitetin olsen, tani po bej praktiken ne vendin nga ke dale ti.....