Politika u drejtohet intelektualeve shqiptare

[Albo]

Eshte interesant fakti qe sot shtypi shqiptar shkruante mbi dy thirrje qe dy lideret e politikes shqiptare u bejne shoqerise civile ne pergjithesi dhe intelektualeve ne vecanti. Te dy keta lider qe kane sunduar skenen politike shqiptare keto 13 vjetet e fundit, sot kane gjetur kohe qe te kujtohen per intelektualet shqiptare.

Pavaresisht se te dy keta flasin nga pozita opozitaresh, mesazhi qe keta drejtojne eshte i njejte: perfshirjen e intelektualeve shqiptare ne procesin politik ne vend. Ajo qe ndryshon, eshte misioni qe keta dy lider mundohen ti ngarkojne intelektualeve shqiptare. Teksa Nano flet per nje "plakje te PS-se" dhe nevojes per njerez te rinj, Berisha ben takime neper rrethe me intelektuale duke u bere atyre thirrje qe "te mbrojne voten e lire".

Ajo qe me intereson mua te lexoj ne kete teme eshte mendimi i intelektualeve shqiptare si brenda dhe jashte Shqiperise karshi klases politike dhe ofertave qe u vijne nga politika:

A jane keto thirrje te sinqerta apo jane thjeshte mashtrim i rradhes?

A kane intelektualet shqiptare besim tek politika shqiptare?

Cili eshte qendrimi qe intelektualet shqiptare mbajne ndaj fenomeneve negative qe has shoqeria shqiptare si krimi i organizuar, korrupsioni qe ka kapur cdo nivel te administrates publike?

A jane intelektualet shqiptare te gatshem te marrin persiper pergjegjesite historike qe dikton realiteti qe jetojne shqiptaret?

[Albo]

Kryetari i PD, Sali Berisha takohet me intelektualët e Beratit

Intelektualët, misionarë të votës së lirë

"Asnjë intelektual nuk duhet t?i lejojë vetes që t?i dhunohet vota, pasi kur dhunohet ajo, lind e drejta e dhunës, por dhuna sjell vetëm drama dhe tragjedi kombëtare. Ndaj duhet të punojmë me çdo qytetar që të shkojë për votime"

Kryetari i Partisë Demokratike, Sali Berisha, deklaroi dje nga Berati se, "intelektualët duhet të jenë misionarët e votës së lirë". Lideri i PD-së Sali Berisha në kuadrin e takimeve elektorale që ka nisur në disa nga rrethet e vendit ka qenë sot mes intelektualëve beratas. Rreth orës 17:30 i shoqëruar nga Njazi Kosovrasti, Sali Berisha ka mbërritur në selinë blu të këtij qyteti ku ka zhvilluar një takim me anëtarët e Kryesisë së kësaj dege. Në mbledhjen me Kryesinë e Partisë Demokratike Berat, kryetari i PD, Sali Berisha i bëri thirrje drejtuesve të kësaj dege, që të bëjnë një analizë të faktorëve favorizues dhe disfavorizues, me qëllim fitimin e zgjedhjeve lokale të Tetorit 2003. Sipas Berishës, detyra të rëndësishme për degët e PD në rrethe janë: Dosja e seksionit si dhe zgjedhja e komisionerëve, të cilët sipas tij janë faktor determinat, në numërimin e votave, pas votimit. Më pas, rreth orës 18:00 Kryetari i PD-së ka mbërritur në Pallatin e Kulturës "Margarita Tutulani", ku është pritur nga qindra demokratë, intelektualë të këtij qyteti. Pjesëmarrësit dhe liderin e PD-së i kanë përshëndetur disa nga intelektualët e njohur të këtij qyteti. Më pas përshëndeti Prof. Dr. Sali Berisha. "Kam ardhur këtu si njeri i thjesht jo si drejtues i PD-së. Jemi këtu për të qenë të bashkuar si intelektualë, tha Berisha, pasi thelbi i intelektualit nuk qëndron në fushën profesionale, por qëndron në fushën sociale e të shoqërisë atje, ku shpesh në realitet i takon më shumë se çdo gjë tjetër. Për këtë arsye ne së bashku, tha ai, në vitin 1990 u ngritëm për vlerat që i mungonin shoqërisë, duke u bërë zëdhënës të fjalës së lirë, duke përmbushur misionin e shembjeve të epokave të vjetra dhe ngritjen mbi to të epokave të reja. Por sot, nuk jam për t?u bërë apel për një axhendë tjetër, por për t?i vërtetuar shoqërisë shqiptare të vërteta që na presin, që ne me mendjet tona të bëhemi zëdhënës të tyre në mbarë shoqërinë shqiptare dhe t?i japin zgjidhjen që u takojnë". Më tej Berisha shtoi se, nuk është vetëm opozita shqiptare dhe klasa intelektuale ato që po dënojnë çdo ditë korrupsionin, por janë dhe institucioniet ndërkombëtare. Sipas Berishës, Raporti i fundit i OSBE-së, e tregon më së miri këtë. "Nuk është vetëm opozita, media dhe klasa intelektuale që po e dënojnë çdo ditë korrupsionin në Shqipëri. Komuniteti ndërkombëtar ka deklaruar se në Shqipëri sundon një regjim i fortë korrupsioni. Dhe nuk ka si ndodh ndryshe kur në dogana vendoset një kontrabandist si Papadhima. Nuk ka si ndodh ndryshe, kur një e treta e taksave të shqiptarëve vidhet nga ministrat dhe deputetët që nuk pranojnë të dorëzojnë imunitetin. Nuk ka si të ndodhë ndryshe, kur shtetarët tanë kanë nën mbikqyrjen e tyre magazinat doganore. Sepse nuk janë biznesmenët e Beratit, apo gjetkë ata që nuk paguajnë taksat, janë pikërisht ministrat e qeverisë Nano, ata të cilët i kalojnë mallrat nëpërmjet magazinave të tyre pa kontroll doganor".

Duke iu drejtuar intelektualëve të Beratit dhe të gjithë Shqipërisë, Berisha theksoi rëndësinë e mendimit dhe kontributit të tyre, në funksion të votës së lirë. Sipas kreut të Partisë Demokratike, nuk mund të ketë të ardhme të Shqipërisë, pa pasur rrotacionin politik nëpërmjet votës së lirë. "Ju duhet të bëheni misionarët e votës së lirë. Sot, është shumë e qartë për ne, tha Berisha, mekanizmi themelor i lirisë mungon, na takon ne intelektualëve të bëhemi nismëtarë të zhvillimeve dhe t?i japim zgjidhje problemeve. Problemi i votës së lirë nuk ngrihet vetëm nga opozita, por çështja e votës së lirë të shqiptarëve është bërë një çështje ndërkombëtare, ku personalitete të mëdha të perëndimit janë shprehur se, regjimi në Shqipëri është çdo gjë tjetër, por jo i lirë dhe i ndershëm. Kjo vjen se ky regjim ka dhunuar votën e popullit. Asnjë intelektual, tha ai, nuk duhet t?i lejojë vetes që t?i dhunohet vota, pasi kur dhunohet ajo, lind e drejta e dhunës, por dhuna sjell vetëm drama dhe tragjedi kombëtare. Ndaj duhet të punojmë me çdo qytetar që të shkojë për votime, PD-ja ka bërë përpjekje për të damkosur këtë regjim. Ne kemi arritur të imponojmë një president tjetër, kemi përmbysur Kodin Elektoral dhe ju sigurojmë se do të sjellim vëzhgues për zgjedhjet e ardhshme. Por këto, tha Berisha, janë të pamjaftueshme. Intelektualët e Shqipërisë nuk do të shtrojnë çështjen e votës çështjen më të rëndësishme të shoqërisë shqiptare vetëm kur ne të bindim qytetarët shqiptarë e ndeshemi me votën është ndëshkim me veten, është ndëshkimi për Shqipërinë dhe shoqërinë shqiptare, prandaj ne do të marrim pjesë në këto votime, do të rikthejmë mekanizmin e votës së lirë, duke futur Shqipërinë në shinat e progresit të zhvillimit", përfundoi fjalën e tij kryetari i Partisë Demokratike Sali Berisha

Eriola Azizolli

[Pirro i Epirit]

...Pse ne Berat i kerkon intelektualet Sala? Une e dija qe kane marre arratine jashte shetit!!

[sn0m]

Anetari u paralajmerua per mungese serioziteti.