Perndjekja e endrres....

[Dita]

Përndjekja e ëndrrës


Për fyti ta pushtosh ëndrrën,
Tundimeve t’i rezistosh,
T’ia mbyllësh gojën,
T’ia çjerrësh maskën,
T’ia nxjerrësh sytë,
T’ia ndjekësh hapat,
Nga pas si hije t’i shkosh,
Tek ti ta bësh të qëndrojë,
të të lutet e të rënkojë,
Për iluzionet falje të kërkojë,
T’ia mbytësh fjalët pa i dalë
Nga goja e plakur, e përtharë,
që s’ia njomi as edhe një zë,
as belbëzim, rënkim a vuajtje
në gjumin e ndonjë të shkreti,
sikur në tëndin deri tani;
Merr hak tek ëndrra,
Merr hak për ne,
Për të përvuajturit në këtë dhé,
ta lësh të flasë, të belbëzojë,
vetëm atëherë kur të kuptojë,
se dhe premtime duhet të plotësojë,
Jo vetëm mashtrime të predikojë,
Ta lësh të lirë kur të mësojë,
Se ëndrra duhet të gëzojë,
E t’mos guxojë,
Njeriun më ta vëjë në lojë.






Ditë që lind


Natë në mbarim,
Merre vrapin me nxitim,
S’me ngjan aspak me nje pushtim,
Jam Ditë që lind,
Ma tha dhe Zogu n’cicërim,
Ma tha dhe Lulja që po mbin,
Ma tha dhe Dielli
Që duket ndrin,

Bëj gjumin ti,
Se tash po vij,
E sytë e njerëzve
Po i grish,
Shpejt po i ftoj për
Një zgjim,
Për një kalim
Në pragun tim.

[shigjeta]

Luajne endrat me ne apo luajme ne me endrat per te mbajtur gjalle shpresat.

Ta lësh të lirë kur të mësojë,
Se ëndrra duhet të gëzojë,
E t’mos guxojë,
Njeriun më ta vëjë në lojë.

Urime Dita

[Dita]

I pranoj me gaz ne shpirt keto urime!
Falmenderit!

Dita

[Dita]

Me duket shpeshhere se jane endrrat ato qe paturpersisht ne pushtojne. E luajne me realitetin tone, shpeshhere duke na ndihmuar te dalim mbi te dhe ta mundim boshesine e tij e ne kete monment na lumturojne, se themi jo nuk eshte ashtu sic duket, por mjerisht na cojne shume here ne zhgenjim.
E ne ate moment njeriu i mjere ehte i vene ne loje.


Te falemnderit per konstatimin Shigjeta.
Dita

[Brari]

...thot proverbi..

Keq te enderosh keq te mos enderosh. Sdi njeriu si te bej.

Poezite ishin shume te bukura. Urime Dita !

[kosovar]

Urime Dita. Të lumtë! Unë s'di më mirë të flas!

[Dita]

Falemnderit Brari!

[Dita]

Falemnderit Kosovar!

Te ftoj te lexosh tek tema e hapur prej meje me titullin "Shprehje..."

[Sokoli]

Ditë që lind ...
Dita! Te kam lexuar nga pak. Komente letrare s'te bej, as pergezime, mos ua pac nevojen.
Po nuk mu ndejt pa thene qe mes shkronjave te tua fshihet nje shpirt i cilter, prej njeriu te mire (ruaju moj se je specie ne zhdukje).
Sokol fallxhori

[Dita]

-------

Meqe sa shkrova dje me la nje shije jo te mire (por vetem me vonese), korrigjoj postimin si me poshte....

Fal Ditën që lind
Sokol fallxhori,
më e mira gjë që
kjo dorë bëri,

qe t’fshinte përqeshjet
e ditës së djeshme,
që dëshira për t’iu gjegjur
fjalës sate i nxorri,

dora sërish
sot i largoi,
e me këto vargje
postën mbuloi.


Përshëndetje!
Dita