Vlore, bomba me telekomande vret taksistin

[Asteroid]

Atentati i tipit mafioz i ka marrë jetën 42-vjeçarit Agron Paja, ish-punonjës policie

VLORË- Vritet taksisti 42-vjeçar, nga shpërthimi i një bombe me telekomandë, e vendosur poshtë sediljes së viktimës. Ngjarja nga ndodhur dje dhe viktimë e kësaj ngjarjeje është Agron Teki Paja, baba i tre fëmijëve, i cili deri në vitin ’97 ka qenë efektiv i uniformave blu dhe njihej si njeri pa probleme. Viktima ndodhej i vetëm në makinë kur bomba me telekomandë ka shpërthyer në segmentin e rrugës Vlorë –Fier, pranë fshatit Bestrovë. Në vendngjarje kanë shkuar menjëherë banorë të zonës përreth, të cilët kanë dëgjuar zhurmën e shpërthimit, si dhe uniforma të shumta policie. Trafiku u dërpre për 1 orë, derisa policia kreu hetimet e nevojshme, ndërsa trupi i pajetë i 42-vjeçarit, i prerë në dy pjesë nga shpërthimi i bombës me telekomandë është përcjellë për në morgun e spitalit të Vlorës. Në një gjatësi 100 m në asfalt kishin ngelur mbeturina të pjesëve të makinës. Policia ende nuk ka dalë me një version zyrtar lidhur me motivet e këtij atentati të tipit mafioz sipas saj, ndërsa mësohet se po punohet në disa pista, ku më e mundshmja është ajo e hakmarrjes, pasi një nga vëllezërit e viktimës është ndaluar nga policia pasi dyshohet për vrasjen e dy personave.


Ngjarja

Agron Paja ndihmonte të vëllanë e tij, i cili posedonte një makinë të bardhë tip Benz 250 me targa taksie 301. Edhe dje ai ka dalë në punë si zakonisht, pranë shkollës Halim Xhelo, vend ku ai priste klientët e tij. Sipas disa kolegëve të viktimës që punojnë në këtë vend, rreth orës 10:30 të ditës së djeshme Paja ka marrë disa pasagjerë për t’i çuar në Fier. Pasi ka lënë pasagjerët në Fier dhe ka marrë rrugën drejt Vlorës ka ndodhur dhe shpërthimi i bombës, i cili i ka marrë jetën Pajës. Sipas burimeve të policisë bomba e telekomanduar ishte vendosur poshtë sediles ku ishte ulur viktima. Po sipas këtij burimi, pas shpërthimit makina ka fluturuar rreth 100 metra dhe ka përfunduar në kanalin buzë rrugës. Shpërthimi është dëgjuar nga banorët e fshatit Bestrovë, ç’ka ka bërë që ata të pushtojnë rrugën nacionale Fier- Vlorë. Kajtaz Golaj, banor i Bestrovës, thotë se “isha në arë dhe po merrja bar, kur dëgjoj një shpërthim. Më pas pashë se si një makinë e bardhë po fluturonte në ajër. Shtanga nga kjo skenë, pasi kam parë shumë aksidente, por makina që fluturonin…..”. Golaj tregon se më pas së bashku me disa bashkëfshatarë ka shkuar menjëherë tek makina, por shoferi kishte vdekur. Nga shpërthimi makina ka pësuar demtime serioze, sidomos në pjesën e përparme, si pasojë e afërsisë së bombës. Makina është marrë nga policia dhe është vendosur pranë ish-rezervave të shtetit, ku dhe do të kryhet ekspertiza e mëtejshme.


Motivet e mundshme

Agron Paja, i lindur në Peshkëpi dhe banues në Vlorë, ka punuar si polic deri në ngjarjet e 97-ës. Më vonë ai ka kryer punë të ndryshme dhe së fundi ndihmonte të vëllain e tij që kishte një makinë taksi. Burimet e policisë thanë për gazetën se vëllai i Agronit, Isuf Paja, është arrestuar pak ditë më parë, pasi ai dyshohet për vrasjen e Edmond Sadikajt, nga Selenica, ngjarje kjo e ndodhur para 10-ditësh në fshatin Peshkëpi si dhe për vrasjen e Arben Torros, ngjarje kjo e ndodhur dy muaj më parë tek shkolla mjekësore. Nisur nga ky fakt, policia dyshon për një hakmarrje të mundshme. Policia po heton për zbardhjen e rrethanave të kësaj ngjarjeje. Sipas burimeve bomba me telekomandë ose është vendosur në sedilje nga klientët që viktima çoi në Fier, ose ajo është vendosur aty prej ditësh dhë vrasësit kanë pritur ditën, kur në makinë si shofer do të shihnin Agronin jo të vëllain, sepse shpesh ata ndërronin njeri-tjetrin në punë, dhe pasi janë siguruar kanë shtypur komandën e tyre. Mendohet që në të dy variantet autorët e këtij krimi të kenë ndjekur gjithë lëvizjet e makinës së viktimës. Ata kanë qëndruar mbrapa makinës taksi dhe në momentin e duhur kanë dhënë OK me pultin e tyre. Gjithsesi një vrasje e tillë ka sjellë tension në qytetin bregdetar, i cili është dhe në prag sezoni turistik.


Precedenti

Vrasja me bombë me telekomandë e Ardian Muhos i quajturi Dap-Dapi

VLORË- Krimi i djeshëm ngjason shumë për mënyrën, armën e krimit si dhe vendin e vendosur, me vrasjen e Ardian Muhos, 33-vjeç. Ky i fundit u ekzekutua me bombë me telekomandë, në 25 dhjetor të vitit të kaluar, në bulevardin Vlorë- Skelë. Të dyja këto vrasje janë kryer më bombë të telekomanduar dhe mjete të tilla kërkojnë shpenzime nga 5000-10000 dollarë. Pak ditë pas vrasjes së Muhos ekzekutohet ish-polici Ardian Kajmaku, së bashku me djalin e tezes së tij, Arben Hoxha, nga Fieri të cilët u rrëmbyen nga makina e tyre tip Fuoristradë dhe u dogjën pranë varrit të Ardian Muhos në një makinë tip “Audi”. Burimet e policisë thanë se nuk përjashtohet mundësia që këto vrasje të kenë lidhje më njëra –tjetrën. Pritet që nga Tirana të vijnë ekspertë kriminalistikë që njohin bomba të tilla. Në historinë vrasjeve të ndodhura ë Shqipëri, ky është i dyte rast që personat ekzekutohen me bomba të tilla. Vrasja e Ardian Muhos fund-vitin e kaluar dhe vrasja e Agron Pajës, një ditë më parë.

[BlEdIi]

Po c'behet atje ne Vlore o vella,me duket se po mer ferra uraten aty.
Kam bere shkollen te Halim Xhelo dhe e njifja viktimen dhe te vellain,nuk me dukeshin tip kriminelesh por nje Zot e di te verteten.
Po i vrasin sikur te jen zogj e jo njerez!

Bledi

[FJORIN]

Ca behet keshtu more e beren VLOREN CHIKAGO ,pak halle kane njerezit andej dhe bombat me telekomande na mungonin tani

Ishkreti popull

[angel82]

Miremengjes Shqiptaret e Shqiperise.
Te jetosh larg vendit tone , te le me pasoja ne qetesimin e trurit, ne harrimin e tmerreve te 97, fshirjen nga kujtesa e loteve te derdhur nga nenat shqiptare, bashkeshortet dhe femijet e viktimave.Mbase shume prej jush kane ishin thjesht me fat duke pare filma ne kinema ato qe ndodhnin ne vendin tone. Te tjere si mua lotojne duke perjetuar kujtimet e embla qe kane lene njerezit e zemres se tyre. Shqiperia Chigaco dhe Sicilia ka vite te dashur bashkatdhetaret e mi. Kush jane ata te degjeneruar qe kontribojne per te kthyer vendin tone ne token e grave me veshje skifteri?Kush jane ata te degjeneruar qe vazhdojne te ngjallin urrejtjen e hasmit ne filizat e vendit tone.
Shqiperia eshte e jona, le te japim miresine e shpirtrave tane per ta bere ate vend te hijshem, ashtu si i takon. Dashuria dhe malli me beri te kthehesha duke lene studimet ne Londer per te vajtur ne qytetin tim, Fier, atje ku e kisha harruar se sa te zeza ishin rrete e diellit. brenda 2 ditesh degjova per vrasjen e babait te 3 femijve, pronar i nje hoteli. Nuk zgjati shume dhe brenda 1 jave duhet te perjetoja vrasnjen me makabre te nje kambisti qe aktualish shkaktoi vdekjen e 2 te tjereve , dhe paralizimin e nje djaloshi 25 vjecar, biri i vetem i asaj familjeje, te cilet nje vit me pare kishin humbur djalin tjeter i vrare mes shokesh.
Nuk mendova se do te mund tu rezistoja dot historive te sherifave shqiptare, prandaj preferova te kthehesha ne angli per te vazhduar studimet. Deshiroj qe nje dite te puth token nene te mbushur me lule, dhe jo levozhga plumbash.
Mos harroni te dashur bashkatdhetare, se krimi e ka folene ne policine dhe rendin publik. Me i degjeneruar eshte shtypi, qe loz me fatin dhe ndodhite e familjeve duke u dhene ngjarjeve ngjyrat e tyre politike.
Ju uroj fat ne jeten e tyre te gjate te gjithe femijeve te oficereve ushtarak dhe te rendit publik, fatkeqesisht te ngelur jetim nga akte te tilla barbare, nje prej te cileve kam perjetuar dhe vete.
Behuni dikushi per te mbrojtur idealin.

[Viki]

Vlora jone heroike, dite pas dite, me tragjike!

[ermal80]

viki eshte per te ardhur ke jo vetem per vloren por per te gjithe vendin tone sepse sot ndodh ne vlore neser diku tjeter .....
.besoj se e lexove dhe shkrimin e angel82 nuk ndodhin vetem ne vlore te tilla masakra ,me bombe ose me pushke ,krimi mbetet krim eshte gjynah qe shqiperia ne vend qe te eci perpara ecen prapa
e ndryshova cike ate shkrimin tend te mesiperm .......nuk besoj se do te te ngelet qejfi .....sipas meje do te ishte me e drejte te shkruaje SHQIPERIA JONE HEROIKE ,DITE PAS DITE ,ME TRAGJIKE