Ali Ahmeti

[Davius]

Kush eshte Ali Ahmeti?

Kryetar i Bashkimit Demokratik për Integrim, dhe deputet në Parlamentit e Maqedonisë, ka lindur më 4 janar 1959 në fshatin Zajas, Kërçovë.Angazhimi politik i tij ka filluar qysh në shkollë të mesme, kur arriti që me sukses të vendoste përdorimin e gjuhës shqipe në gjimnazin e tij në Kërçovë. Në vitin 1979 Ahmeti fillon studimet në Fakultetin filozofik pranë Universitetit të Prishtinës, ku diplomon në vitin 1983. Gjatë viteve 1981 dhe 1983 ai bëhet njëri nga bartësit e lëvizjes studentore qëllimi i së cilës ka qenë përmirësimi i statusit politik të shqiptarëve në Kosovë dhe Maqedonis dhe ka ndihmuar në organizimin e protestave studentore në Prishtinë, aktivitet i cili kulminoi me arrestimin dhe dënimin në një vit bur për bindje politike.

Në vitet 1984/86 ka ndihmuar në ripërtërirjen e lëvizjes studentore dhe popullore në Kosovë. Në vitin 1986, Ahmeti fiton azil politik në Zvicër, ku jeton deri në vitin 2001 dhe vepron si koordinator i grupeve të ndryshme. Në vitet 1988/89 ai është njëri nga udhëheqësit e protestave të minatorëve dhe studentëve të cilat për herë të parë më seriozisht e sfiduan regjimin e Sllobodan Miloseviqit. Në vitet 1989/90 ai ka qenë njëri nga organizatorët e protestave masive të diasporës shqiptare nëpër Europë.

Mbështetjen e tij politike gjatë këtyre viteve Ahmeti e ka pasur në Lëvizjen Popullore të Kosovës. Në vitin 1986 ai është zgjedhur anëtar i Këshillit të Përgjithshëm, me detyrë ndërlidhjen ndërmjet Kosovës dhe Europës. Në vitin 1988 ai është zgjedhur anëtar i Kryesisë së Lëvizjes Popullore të Kosovës, funksion në të cilin është rizgjedhur në vitin 1993, me detyrë special sektorin ushtarak.

Në vitin 1996, në vlugun e rritjes së presionit dhe dhunës kundër shqiptarëve të Kosovës, Ahmeti ka qenë njëri ndër themeluesit e Ushtrisë Çlirimtare të Kosovës dhe në vitin 1998, në fillim të luftës, ai është zgjedhur anëtar i Shtabit të Përgjithshëm të Ushtrisë Çlirimtare të Kosovës.

Në vitin 2001 Ahmeti zgjidhet Komandant Suprem dhe Përfaqësues Politik i Ushtrisë Çlirimtare Kombëtare në Maqedoni. Pas Marrëveshjes kornizë të Ohrit të nënshkruar në gusht dhe shpërbërjes së Ushtrisë Çlirimtare Kombëtare në shtator të këtij viti, Ahmeti angazhohet aktivisht në procesin e implementimit të Marrëveshjes Kornizë. Për këtë qëllim, në fillim të vitit 2002 ai e inicoi dhe u emërua Kryesues i Këshillit Koordinues që bashkonte partitë politike shqiptare në Maqedoni dhe strukturat e mëparshme të Ushtrisë Çlirimtare Kombëtare në një platformë të disenjuar për ta shtyrë përpara implementimin e marrëveshjes paqësore.

Në qershor të vitit 2003, Ahmeti e themelon Bashkimin Demokratik për Integrim dhe zgjidhet Kryetar i kësaj partie. Në shtator të vitit 2002, Bashkimi Demokratik për Integrim e fitoi besimin e shumicës dërrmuese të elektoratit shqiptar në zgjedhjet parlamentare të Maqedonisë. Ali Ahmeti u zgjodh deputet i Parlamentit të Republikës së Maqedonisë, ndërsa Bashkimi Demokratik për Integrim hyri në koalicionin qeveritar. BDI mbanë pozicionet e një Zëvendës-Kryeministri, 5 ministrave dhe pesë zëvendës-ministrave.

Në zgjedhjet e 5 korrikut 2006, koalicioni BDI-PPD që e udhëhiqte Ali Ahmeti fitoi 17 deputë dhe paraqet grupin më të madh parlamter shqiptar.

[djalmalori]

o ali rrnofsh

[bili99]

Ali Ahmeti eshte nje atdhetar idealist dhe nje politikan realist.Ai nuk hyj ne kategorine e politikaneve me paramendim per nje parti, me paramendim per nje pushtet, me paramendim per nje pushtim te dyte mbi popullin e tij te pushtuar. Nje atdhetar , nje bire fisnik i kombit shqiptar si Ali Ahmeti jane pak, disa kane fatin te flijojne gjithcka per kombin dhe disa te punojne, flijojne dhe mbijetojne .E tille eshte jeta, rradhitet krah per krah me me atdhetaret qe rane deshmore ne gjithe luftrat e fundit ne Ballkan, shumicen e deshmorve i kishte bashkepuntore te mire ne Kosove dhe ne mergim, bashkenjohes dhe bashkeveprimtar i vete Komandantit Legjendar te UCK-se feniksit Adem Jashari.Njeri nga kreret kyc per themelimin e Ushtrise Clirimtare te Kosoves ishte vete Ali Ahmeti.
Kur ndegjoj emrin e tij nuk me shkon ne skaj truri emri kryetar partie politike, por, nje personalitet gjitheshqiptar , nje personalitet qe doli nga gjiri i atij populli te roberuar, nje personalitet qe iu kethye vete popullit te vet per ti dhene kushtrim per clirim nga roberia, per ti dhene nje kushtrim zgjimi atij populli te shkelur dhe neperkembur.Pra kur mendoj Ali Ahmeti , une mendoj popullin tim dhe nje bir besnik qe aq mire e personifikon kete popull te vuajtur,me personifikon mua, me jep nje arsye se ende ia vlen nje ceshtje e pergjitheshme...
Kur mendoj Ali Ahmeti une mendoj nje personalitet gjitheshqiptar, se i tille eshte ne realitet, eshte tjeter rrethana vepruese ne siperfaqen politike te Ballkanit dhe eshte tjeter veprimi i kordinuar gjitheshqiptar.Perfundimisht nuk mendoj lokalisht kur mendoj per kete emer, per kete atdhetar qe me shume miqesi me perqindje ka pasur gjithmone jashte vendlindjes se tij kjo si deshmi e gjitheshqiptarizmes ne zemer.
Me 2001 kur dha kushtrimin iu pergjigjen vellezerit e idealit nga gjithe bota shqiptare.Kapitali i luftes se 2001-shit duhet te ruhet dhe shfrytezohet deri ne maksimum nga shqiptaret e atij nenqielli.Betejat per ardhmeri mund ti fitojme vetem me perkrahje te pergjitheshme per idealistat e dedikuar te ceshtjes kombetare, bashke mund te fitojme dhe bashke mund edhe te humbim POR, pa perkrahje vetem mund te humbim te gjithe ne.

Kur nisi lufta me 2001 ja si folem ne me gojen e Ali Ahmetit, vargjet ia kam kushtuar atehere gjate kushtrimit per kryengritje dhe perkrahje, partia athere nuk egzistonte por edhe sot qe egziston une e dije qe perpara do te vdese Ali Ahmeti se sa sa perkushtimi i tij per ceshtjen kombetare .
Partite vijne dhe shkojne, parti do te kete dhe mund mos te kete, kryetaret e partive gjitheashtu vijne dhe shkojne por JO edhe personalitetet kombetare qe hyjne ne historine kombetare ,nje personalitet i tille eshte Ali Ahmeti.


ME THIRRI LIRIA

Ju vellezer a me ndegjoni,
kudo jeni neper bote.
Une kam dale e kam marre malin,
Vendit tim ti dal sot Zot.

Mua me thone Ali Zajazi,
mua me thone Ali Ahmeti.
Nga cdo cep i tokes Tone,
shoke te mire kam me veti.

Po si Ju dhe une ne bote,
gjeta per vehte liri.
Por, liria vec per vehte,
eshte me e madhja roberi.

Ku i thone bukes buke,
Ku i thone ujit uje.
Kete vend na mohuan,
dhe na quajn per te huje.

Une roberise i thash sot STOP,
Me ndegjoni anembane.
Nese derdhet gjak e lot,
do te derdhet ne dy ane.

Me dha Zoti sot takat,
te braktis vendin e huaj.
ME THIRRI LIRIA,
VENDI IM E VENDI JUAJ.

Ne cdo cep te tokes sone,
ku shqiptari ka oxhakun.
Aty eshte fryma ime,
aty kam une jatakun.

Kush neve na e ndal rriten?
Kush na kethen ne kohe Migjeni?
Me barbari i kesaj bote,
Qen bir qeni i pa-qeni.

Une shume e urrej luften,
por, s'i trembem JO ushtimes.
Ne vendin tim t'na bejne rob,
si le kurre bijte e shkines.

O ju njerez t'vendit tim,
O ju njerezit e mije te mire.
Zgjatni doren dhe ndihmoni,
qe te jemi gjithe te lire.

Kur te shkoni n'gjume te fleni,
te rrethuar me bollek.
T'ju shkoje ndermend per ne,
qe gurin kemi jastek.

Kemi nisur kete rruge,
ta mbarojme si i ka hije.
Me sa me pak gjak trimi.
Me me pak lot femije.

Doni te keni emer?
Doni te keni flamur?
Ne kalane qe ne ndertojme,
Veni edhe JU nje gur.

Ju o krahu yne i forte,
mos kurseni djerse e pare.
Keshtu jemi Bashke ne Lufte,
PER LIRINE KOMBETARE.


Maj 2001,Chicago ,USA

.................................................. .

Kudo ndodhesh ne Atdhe , o ne mergim;
Ti je ai qe je, o Ali o vella i urte o trim.
O thesar i gjalle i Vendit Tim.



me nderime,
bili99

[naqeta]

Ky soj i monstrumëve ndërnacionalë, ka dalë mbi sipërfaqen e gjithë të këqiave dhe i ka vënë kapakun e zi gjithë asaj barbarie të zhvilluar gjatë shekullit që shkoi , dhe po me të njëjtin skenar ka hy në Shekullin e Ri – të vazhdojë ! Monstrumët e tillë, gjithmonë me një strategji bizare, janë përpjekur të përfitojnë nga rastet, se , duke bërë krime, duan të përfitojnë. Të njëjtit janë ata të atij soji që bënë vrasjet, ndezjet , dhunimet më 1912 ! Po ajo farë e kaurrisë ishte më 1940 ! Po ata bijë të shkinave, më 2001! Deri në krimin e fundit mbi malësinë e Sharrit në Brodc! Gjithmonë nëpër dekada me skenarë barbarie kanë dalë amalgamët makosllavë të përcaktuar herë si bullgarë, herë si sërbë ! Rrëshqanorët e Kaukazit të cilët hynë në përmasat shqiptare vetëm si xhelatë, dhe përpiqen të mbesin shenjtorët e njerëzimit!

[Davius]

Kryetari i BDI flet në "Top Show" për marrëdhëniet Shqipëri-Maqedoni, Kosovën, si dhe raportet me Berishën, Topin, Nanon e Ramën

Kriza e vizave, sipas Ali Ahmetit

"Më 1998 qëndrova në shtëpinë e Berishës në Tropojë, ishte kthyer në kazermë"

Kryeministrat e Shqipërisë dhe Maqedonisë duhet ta zgjidhin krizën e vizave mes dy vendeve. Kryetari i Partisë Bashkimi Demokratik për Integrim (BDI) në Maqedoni, Ali Ahmeti, i ftuar në emisionin "Top Show" në "Top Channel", drejtuar nga gazetari Alban Dudushi, foli për marrëdhëniet mes dy vendeve, raportet e tij me Nanon dhe Berishën, si dhe çështjen e Kosovës. "Të gjitha shtetet që aspirojnë integrimin evropian, përfshirë edhe Shqipërinë, i kanë të shënuar me yll disa ligje që duhet të votohen. Një prej këtyre ka qenë edhe Ligji për të Huajt i 14 marsit 2006, por problemi është se ky ligj ka pësuar ndryshime në maj të një viti më pas, kohë kur Bashkimi Demokratik për Integrim nuk ishte në pushtet", tha Ahmeti. Sipas tij, ndër 140 shtetet që janë përfshirë në këtë ligj me ndryshimet e 2007, është edhe Shqipëria, "çka është e padrejtë" dhe se "vendimi i qeverisë së Maqedonisë është i njëanshëm". Për kryetarin e BDI-së kjo është një çështje bilaterale dhe duhet të zgjidhet midis dy shteteve. "Duhet bërë një marrëveshje si ajo me Serbinë e Bullgarinë. Dy qeveritë respektive, ajo e Shqipërisë dhe ajo e Maqedonisë, duhet të ulen dhe më pas dy kryeministrat duhet t‘u japin direktiva ministrave të Jashtëm për zgjidhjen e kësaj çështjeje. Për mendimin tim, kjo çështje ishte një provokim nga ana e qeverisë së Maqedonisë. Sepse nuk ka kuptim për ne, dy vende që pretendojmë të jemi pjesë e Bashkimit Evropian, që jemi në një pako për anëtarësim në NATO, që të dy vendet tona presin ftesë për në Samitin e Bukureshtit dhe pala maqedonase kërkon të shtrëngojë regjimin e vizave. Kjo u vërtetua në momentin që ministri i Jashtëm i Maqedonisë doli dhe tha në Bruksel se "ne këtë regjim e vendosëm sepse Shqipëria ndjek dy standarde; për shqiptarët e Maqedonisë nuk ka viza, ndërsa për shtetasit maqedonas po", u shpreh Ahmeti.

Raportet me Berishën dhe Nanon

"Fizikisht, zotin Berisha e kam takuar në vizitën time të parë në Evropë, në një konferencë ndërkombëtare në Zvicër. Më 1998 kam qëndruar në shtëpinë e tij, në Tropojë të Vjetër, e cila ishte shndërruar në kazermë. Berisha ishte në dijeni të këtij fakti dhe i bëhej shumë presion që të na dëbonte, por sigurisht që ai nuk pranoi", tha Ahmeti, sipas të cilit, 10 vitet e fundit ka qenë një ndër vizitorët më të rregullt të Veriut të Shqipërisë, të Kukësit e Tropojës. "Jam një ndër themeluesit e Ushtrisë Çlirimtare dhe sigurisht edhe rrugët aty i kemi pasur. Malësorët aty na kanë pritur, aty na kanë varrosur trimat. Pas vitit 2000, në zgjedhjet parlamentare që u zhvilluan në Shqipëri, përpara se të bëhej transferimi i pushtetit, më thirri për vizitë zoti Nano dhe u takuam në Korçë, në shtëpinë e Bajo Topullit. Më tha që deri më tani ju keni mbajtur linjat me shtetin, tani është një preokupim imi që ju të keni kontakte me shtetin, sepse pavarësisht se çfarë them unë, zgjedhjet i kam të humbura. Tani, pas fitores së zotit Berisha, kam pasur vizitë zyrtare dhe dy takime të tjera më pas. Kam raporte shumë të mira me Berishën, Topin, ashtu si edhe me Ramën. Pavarësisht situatave e kam shumë mik edhe Nanon, pasi kur ne digjeshim në flakë, ai na ka pritur me ujë e bukë. Dhe këto ne nuk duhet t‘i harrojmë, së paku në aspektin njerëzor", vijoi Ahmeti.

Faktori shqiptar në Maqedoni

I pyetur se çfarë arritën nga Marrëveshja e Ohrit në 4 vjet të qëndrimit në pushtet, ai tha: "Nga 2001 e deri kur jam larguar nga pushteti, ishin 1200 oficerë dhe nënoficerë shqiptarë. Në bazë edhe të kërkesave të njerëzve, hapa Universitetin e Tetovës. Faktorin shqiptar e gjeta pa flamur kombëtar dhe në kohën time ai u zyrtarizua. Gjithashtu kam krijuar miq për shqiptarët, në NATO, BE, në Uashington. Nga 2% që ka qenë administrata në 2001, kur kam dalë nga pushteti, administratën e kam lënë me 18% punonjës shqiptarë.

U kam treguar shqiptarëve të Maqedonisë përse nuk u zgjidh problemi i gjuhës. Kur është bërë marrëveshja, jam marrë me helikopter nga Shipkovica dhe jam çuar në një kamp të NATO-s, ku janë zhvilluar negociatat. Dhe ja cilat ishin çështjet në agjendë: zyrtarizimi i Universitetit të Tetovës, ligji për dokumentet personale, decentralizimi, flamuri kombëtar, ligji për nënshtetësinë, gjuha dhe statusi legal. Me këshilla dhe angazhim të SHBA dhe BE, më është sugjeruar se pakoja është tepër e ngarkuar, kështu që bëni dy-tre dhe pasi të keni realizuar këto, i hapni edhe këto çështjet e tjera. Për arsye pragmatike, jam pajtuar me palën maqedonase, që pasi të mbyllen këto tema të merremi me ligjin për gjuhën dhe zgjidhjen e statusit legal për ushtarët", ka shpjeguar Ahmeti.

Duke folur për situatën politike në Maqedoni dhe koalicionet e partive, ai tha se ato nuk varen nga vullneti i tij, i Gruevskit, apo Cervenkovskit. "Politikisht jemi të organizuar mbi baza etnike. Shqiptarët janë të organizuar në parti shqiptare e maqedonasit në partitë e tyre politike. Nga Marrëveshja e Ohrit, shumë ligje që kanë të bëjnë me kulturën, me nacionalitete, votohen me shumicë të dyfishtë. Këtu ka një zgjidhje të gabuar nga Kryeministri Nikolla Gruevski, me të cilën u solidarizua edhe PDSH, duke ia kaluar një deputet shqiptar të BDI-së maqedonasve. Dhe që atëherë ne kemi paralajmëruar se në Maqedoni po instalohet kriza politike. Nga Brukseli nuk ka ardhur asnjë dokument pozitiv në drejtim të të çuarit të çështjeve përpara", tha Ahmeti. Kreu i BDI-së, duke iu përgjigjur pyetjes se a përfaqëson Cervenkovski lobin maqedon apo është më afër shqiptarëve, tha se ende nuk ka partnerë strategjikë në Maqedoni. "E di që të gjithë shqiptarët e Shqipërisë nuk më shohin me sy të mirë, për shkak të luftës së 2001, duke ulur dinjitetin e tyre. Jam njëri prej atyre që kam vazhduar që prej viteve ‘80 e këtej po atë stafetë. Në sajë të luftës së 2001 erdhëm te Marrëveshja e Ohrit, për të cilën nuk them që është e përkryer. Ajo është një kompromis, por që shqiptarët kanë akoma punë për të bërë për të qenë të barabartë me maqedonasit. Ata janë 50 vjet para nesh, e ne duhet të punojmë me hapa gjeometrikë për t‘i arritur. Ata, shteti jugosllav i ka ledhatuar me universitetet më të mira të Evropës, ndërsa ne, shqiptarët, jemi shkolluar me copa e thërrime sa në Prishtinë e Zagreb. Ne kemi qenë jetimë, ne nuk kemi pasur nënë", u shpreh Ahmeti.

Marrëdhëniet e fqinjësisë

Me shpërbërjen e ish-Jugosllavisë, Maqedonia trashëgon problemin e emrit kushtetues. "Ne si shqiptarë jemi përcaktuar pro emrit kushtetues. Mirëpo, në grupet vendimmarrëse, ne kërkojmë që shqiptarët të jenë pjesëmarrës dhe asnjë vendim për emrin e Maqedonisë të mos merret pa përfaqësues shqiptarë. Nuk po them pa BDI, por pa përfaqësues shqiptarë. Çdo zgjidhje që do të mund të arrihet midis Maqedonisë e Greqisë, mund të kontestohet dhe për ne është e papranueshme ajo zgjidhje", tha kreu i BDI-së. Sipas tij, Greqia frikësohet se Maqedonia do të ketë pretendime territoriale ndaj saj, edhe pse Maqedonia nuk është ndonjë faktor që rrezikon Greqinë. "Problemi më i prekshëm mbetet çështja e historisë. Nëse maqedonasit janë maqedonas antikë, atëherë duhet të ndryshojë historia e Maqedonisë. Pasi në historinë e saj shkruhet se origjinën e kemi nga sllavët e jugut. Dhe ja kontradikta tani, kur thuhet se ne jemi popull shumë i lashtë, Aleksandri i Madh është yni. Këto janë probleme serioze që duhet të zgjidhen mes dy vendeve", tha Ahmeti.

GAZETA SHQIP

[Beni_The_Great]

Nuk e di se çka kuptoni ju me elitë kombëtare! Nëse edhe Ali Ahmeti me Menduh Thaçin bëjnë pjesë në këtë grup njerëzish, vaj halli për ne.

Edha ky zotëria, si shumë të tjerë të këtij soji, bëjnë pjesë në grupin që Minatori thotë: "kur të folish me 'ta të duket vetja shkallë".

A, e votoka populli këtë! Po cilin nuk e ka votuar populli ynë i mjerë deri më sot?

[Pyrrhus_Mollos]

Me falni nuk kam shume dijeni nga punet politike te Ilirides por dy pyetje kam...

Çfare ka implementuar dhe realizuar Z. Ahmeti pas marreveshjes se 2001 dhe me konkretisht per popullsine e thjeshte shqiptare te Ilirides (jo burokratet os nepunesit publike)?
A ndihet populli i Ilirides i çliruar dhe i kenaqur me qeverisjen e tij ne lidhje me zbatimin e te drejtave thelbesore njerezore?
Falemnderit.

[Beni_The_Great]

Me falni nuk kam shume dijeni nga punet politike te Ilirides por dy pyetje kam...

Çfare ka implementuar dhe realizuar Z. Ahmeti pas marreveshjes se 2001 dhe me konkretisht per popullsine e thjeshte shqiptare te Ilirides (jo burokratet os nepunesit publike)?
A ndihet populli i Ilirides i çliruar dhe i kenaqur me qeverisjen e tij ne lidhje me zbatimin e te drejtave thelbesore njerezore?
Falemnderit.

Nje pergjigje te shkurter do ta jap une, te tjeret mund te filozofojne me shume.

Do fokusohem ne dy drejtimi, ekonomikisht dhe politikisht.

Ekonomikisht Maqdonia me ane te luftes se 2001-shit arriti ne nivelin e vitit 1990 (11 vite pas sipas GDP-se) dhe me pas kishim deklarata se aq e kaq perqindje ka arritur rritja ekonomike. Qe ne fakt i bie 11 hapa pas dhe nje hap pare = 10 hapa pas. Mund te flas shume ne kete drejtim, por njehere do ta le me kaq.

Shikuar politikisht, Ali Ahmeti e ka impleteruar aq shume (me nder me thene "marreveshjen e Ohrin") sa qe kur e dorezoi qeverine doli me konstatimin se "marreveshja e Ohrid" nuk eshte realizuar aspak, dmth e tregoi te verteten. As nje nga pikat nuk eshte realizuar si duhet dhe shume pika te tjera kane ngeluar fare te parealizuara. Edhe pse kur ta shikosh "marreveshjen e Ohrid" si te plote, nuk i ploteson kushtet e shqipetareve, e jo me si e cunguar. Pastaj mos te flasim per jeten ne Maqedoni pas 2001-shit, sigurine, etj, etj, sepse eshte e mjerueshme.

p.s: Ne asnje rast nuk do te thoja se dikush tjeter ka qene me i mire atje, por me plot bindje them se ky zoteria nuk ka aspak dallim nga paraardhesit e tij (njekohesisht edhe pasardhes).

[Bl3ri]

Atdhetar i shquar dhe meriton shum respekt i pari qe mund te quhet politikan ne mesin e politikaneve shqiptare ne Maqedoni.

[bOndi_oo7]

Me falni nuk kam shume dijeni nga punet politike te Ilirides por dy pyetje kam...

Çfare ka implementuar dhe realizuar Z. Ahmeti pas marreveshjes se 2001 dhe me konkretisht per popullsine e thjeshte shqiptare te Ilirides (jo burokratet os nepunesit publike)?
A ndihet populli i Ilirides i çliruar dhe i kenaqur me qeverisjen e tij ne lidhje me zbatimin e te drejtave thelbesore njerezore?
Falemnderit.

Une po ti them shume shkurt dallimet qe ndjeu popullata e theshte nga qeverisja e tij.
Me mbarimin e luftes (udheheqes i se ciles ishte z.Ahmeti) rrjedhimisht me ardhjen e tij ne pushtet, qytetarit shqiptar te Ilirides filloi ti hiqet frika nga forcat e uniformuara te shtetit, sepse ne to u inkuadruan nje numer i konsiderueshem shqiptaresh. Ne kohen kur partia e tij ishte ne pushtet u soll Ligji per decentralizim (sigurisht me disa te meta), i cili ndikoi shume ne lirine e vendimmarrjes se vete shqiptareve neper komunat ku ishin shumice. U mundesua perdorimi i lire i Flamurit Kombetare (neper komunat shqiptare). Legalizimin e Universitetit te Tetoves. U soll ligji per perdorimin e gjuhes shqipe (ne nivel lokal dmth neper komunat shiptare dhe ne nivel te qytetit te Shkupit, qe eshte shume me rendesi). Me ardhjen e partise se tij ne pushtet pati nje tendence qe Shkupit si kryeqender e Dardanise (dhe vend ku shqiptaret qe moti kishin humbur ndikimin) t'ia kthente rendesine historike qe kishte pasur per shqiptaret e Ilirides. Ne kohen e qeverisjes se tij per se pari here ne histori festa e 28 Nentorit u festua ne menyre pompoze ne qender te Shkupit dhe e finansuar nga buxheti i shtetit. Ne 28 Nentor te 2006 strukturat e Partise se tij me ne krye Kryetarin e Komunes se Cairit e administruar nga kjo parti sollen dhe vendosen ne Shkup bustin e Heroit Kombetar Skenderbeut dhe emeruan nje shesh ne qender te Shkupit, Sheshin Skenderbeu.

Sigurisht asnje nga ligjet dhe iniciativat e z.Ahmeti dhe Partise se tij nuk kane qene te perkryera, sepse dihet boterisht se askund nuk ekzistojne Ligje te perkryera

Dhe c'eshte mjaft me rendesi per ju opinionin shqiptar jashte Ilirides, ne kohen sa Partia e z.Ahmeti ishte ne pushtet, nga anketat e ndryshme shihej se rejtingu i partise se tij kishte tendence rritje kurse e partise maqedone ne koalicion renie te dukshme, dhe si pasoje humbje ne zgjedhje. Kurse tani ne kohen kur Partia e z.Thaqi eshte ne pushtet bashke me partine tjeter maqedone kemi nje fenomen te kundert. Edhe pse rejtingu i PDSH-se nuk ishte i madh as para zgjedhjeve (se sic dihet ato nuk i fituan zgjedhjet), tani qe jane ne pushtet rejtingu i tyre c'do dite eshte ne renie, kurse i partnerit te tyre maqedon eshte c'do dite ne rritje, ne kurriz te mossuskeseve dhe leshimeve qe po ben Partia e z.Thaqi.

sqarim: ketu ne Iliride rejtingu i partise maqedone ne koalicionin qeveritar dhe sukseset e partise shqiptare ne qeveri jane ne proporcion te zhdrejte, dmth sa me shume e suksesshme partia shqiptare ne pushtet aq me i ulet rejtingu i partnerit qeveritar maqedon.



Shendet