Fjalët që s'kam thënë

[KUKUMJAÇKA]

Postuar më parë nga drini_në_L.A.
vajzë, je prekja që më bëri botën
ti e le kërcellin të kputesh në dorën e një tjetri
më bën të pafuqishëm kur s'të kam pranë
shko, rrënjët e tua do t'i mbroj që t'mos vdesin

thash shumçka por jo gjithçka
unë jam ai që s'kam thënë
ai që s'ka folur
se nga zero në një numrat s'kanë të sosur
ti s'do më kuptosh, askush s'do më kuptoj
unë thjesht të desha
unë jam trupi që s'flet
që ndrydhet kur ti je mungesa.

.......pjesa qe me pelqeu mua me shume... dhimbje e qete, e paqme, joagresive... Drini... thjesht te uroj qe te pakten ajo t'i meritoje ndjenjat e tua ... dhe pse jo... u kthefte tek ti. Te perdhendes.

Syte tane vec bekohen
nen entitetin shpirteror vigan
mbi te cilin prehen.
Por a do zhgenjehen?
A do te defrehen?
Apo ata furishem do na presin burimin dritor,
qe inekzistente syte tane te zbehen?

[drini_në_TR]

Të Falemnderit Kukumjaçka .


Sot ndihem sikur s’kam gjë për të thënë. Sot më duket sikur fjalët që them s’kanë vënd. Pa rrimë, dhe mbase pa kuptim. Por jam shumë i gëzuar. Megjithëse kam folur i pari për fjalët e pathëna, unë prapsiprap s’e kam thënë se çfarë ndjej vërtetë, dhe për më tepër, se cilat janë ato fjalë . Kam folur për çfarë ndjenja më ka bërë, por jo për ndjenjën në vetvete. Ndjenja është Zoti, është gjëja më abstrakte që kurrë s’do t’i dihet kuptimi, që kurrë s’do t’i bjerë drita e plotë, se po të them se çfarë ndjej plotësisht përbrënda s’do të di çfarë të bëj më si njeri. Ta hap zemrën aq shumë është vetvrasje, është vetkryqëzim. Historia e ka treguar vetë, Krishti u kryqëzua se e dha të gjithë zemrën, John Lennon u qëllua se foli për “Fjalët që s’duhet t’ishin thënë.” Figura të tjera të njohura ka me siguri, nga ata ose ato që e dhanë zemrën e tyre të plotë në të shumtën kanë përfunduar të vdekur si Jim Morrison, Kurt Kubain, Elvis Presley. Kush s’vdiste për ta në ato kohë dhe s’pyeti se pse vdiqën? Por një nënë si Shën Tereza nuk e dha zemrën por bëri gjithçka me të, ndaj nuk humbi jetë por fitoj shënjtërimin gjeri sa t’ketë njerëz.

Të dal prap tek fjalët e pathëna, unë morra përgjigje ndaj postit të parë, ndaj çfarë në të vërtetë s’kisha thënë me anë të atyre fjalëve, por që e kisha nënkuptuar . Tashmë di se çfarë është, por ne s’e thamë, thjeshtë është e qënë. Jam i gëzuar sot sepse më duket se mësova sesi të komunikoj pa fjalë por me mënd dhe me ndjenjë, sesi të gjej ç’më duhet pa kërkuar, dhe sesi të pres për ato përgjigje që për fjalë s’ka nevoj...

... s’ishte për mua. Mund të them se në pasqyrë s’e shoh më djallin Drin, s’di pse por në mëndje kam më shumë botën, pemët, rrugët, dritën dhe errësirën që lidhen bashkë në çastet kur i kam parë. Bota është e bukur kur qetësisht ndjen.

Los Angeles 26.06.03