Kryetari i kuvendit shqiptar viziton Kosoven

[Beqari002]

Athue ka fare redakture ne shkrimet qe behen e publikohen, apo punohet me gjuhen vetem shkel e shko.Ja nje shembull konrekt lidhur me kete.


Kryetari i Kuvendit të Shqipërisë Servet viziton të hënën Pëllumbi


Prishtinë, 24 maj (Kosovapress) Time 17.35

Me ftesë të kryetarit të Kuvendit të Kosovës, Nexhat Daci, të hënën, më 26 maj, do të vijë për një vizitë treditore në Kosovë kryetari i Kuvendit të Republikës së Shqipërisë, Servet Pëllumbi.
----------------
---------------------
Oj sharki e lehte si era , a ka ardhur ne Shqiperi pranvera?

[Llapi]

Beqari002 Nuk e di a eke hap ate tem apo e ke reklamue gabimin e shtypit si doqoft nese eshte tem lus moderatoret qe temen time te mbyllin.

**************************************************

Kryetari i Kuvendit të Republikës së Shqipërisë, Servet Pëllumbi, i cili me ftesë të kryeparlamentarit Nexhat Daci do të qëndroj për një vizitë tre ditore në Kosovë, ka arritur sot pasdite rreth orës 15 në Aeroportin e Prishtinës.
-----------------------------------

Pëllumbi: Statusi i Kosovës të zgjidhet në përputhje me vullnetin e qytetarëve


Prishtinë, 26 maj (Kosovapress) Time: 18.40

Kryetari i Parlamentit të Shqipërisë, Servet Pëllumbi, gjatë tri ditëve do të jetë mysafir i udhëheqësve të institucioneve dhe partive politike të Kosovës. Në kuader të kësaj vizite, kryeparlamentari Pëllumbi, të hënën në Prishtinë, u takua me kryeadministratorin e Kosovës, Mihajl Shtajner.
--------------------------------------

Kosovë: Pëllumbi takoi kryeadministratorin Shtajner


Me ftesë të kryeparlamentarit Nexhat Daci, në Kosovë për një vizitë triditore, në orët e pasditës, ka arritur kryetari i Kuvendit të Shqipërisë, Servet Pëllumbi. Kryekuvendari i Shqipërisë fillimisht është takuar me kryeadministratorin Mihael Shtajner. Ndërsa në orën 17 ai do të ketë një takim me homolugun e tij Nexhat Dacin. Pëllumbi nesër do të takohet edhe me kryetarin e Kosovës, Ibrahim Rugova, kryeministrin Bajram Rexhepi, me kryetarin e Partisë Demokratike të Kosovës, Hashim Thaçin si dhe me kryetarin e Aleancës për Ardhmërinë e Kosovës Ramush Haradinaj.



26 maj 2003, ora: 16:09 CET

[Iceberg]

Po Llap...ka ardhur ne Kosove profesori i Marksizmit njeriu i cili konsideron ruset e kinezet vellezer dhe shqiptaret e Kosoves miq.
Njerez te tille, Llapush, sa me larg Kosoves aq me mire.
Asgje e mire nuk ju vjen Kosovareve nga viztitat e ideologeve marksiste te zier me gjak shkiesh te stepave. Ata kane punuar e vazhdojne te punojne me zell kunder bashkimit te shqiptareve, kunder Ceshtjes sone.

[olsen]

ja fut kot fare ti iceberg.nuk jemi me ne kohen e enverit o njeri.po te ishte ashtu sic thua ti ,atehere edhe plaku jot njesoj si pellumbi do jete...

[Iceberg]

Postuar më parë nga olsen
ja fut kot fare ti iceberg.nuk jemi me ne kohen e enverit o njeri.po te ishte ashtu sic thua ti ,atehere edhe plaku jot njesoj si pellumbi do jete...

Me nje ndryshim qe babai im nuk ka ndryshuar as pretendon te ndryshoje..ka qene dhe ngelet kunder ideologjise satanike, komuniste, pansllaviste te uraleve.

Pellumbit i dhemd me shume zemra per shoket e tij Serbe te zemres se sa shqiptaret.

[Llapi]

iceberg

Po me sa e di une ket ftes ja ka ba Kryeparlamentari Demokrat Nexhat Daci i cili nuk flet me Marksistat e ruset e kinezet po kqyre lexoje edhe njiher ftesen e bjeri pishman se u bat hor per bes tu ja fut kot kot.

[Iceberg]

Nexhat Daci e ka ftuar, Llapush se para botes duhet me manifestue nje ndjenje vellazerore. Mbi te gjitha ai ka respektuar instuticionin e Parlamentit te Shqiperise, dhe ai e di shume mire se nga cfare gjelle eshte gatuar ai. Pra ai eshte kryetari i atij parlamenti qe ka mbajtur zi per Zoran Xhinxhiqin dhe as i ka vajte mendja per burrat e Kosoves qe jane vrare me urdher te mentoreve te Pellumbit.

[olsen]

zoran xhinxhic ishte ai qe e hodhi poshte miloshevicin dhe po e conte serbine ne rruge te drejte.pastaj e pe ti kur erdhi ne kosove serveti ,nexhat daci qe eshte homologu i tij nga kosova nuk i dha doren por e krahet dhe e perqafoi sikur ishte vellai i tij qe kishte kohe pa e pare.ata as nuk e njohin mire njeri tjetrin dhe si ka mundesi qe ata te prezantoheshin aq afer dhe ngrohte ndaj njeri tjetri.ti iceberg ,jo vetem nga theksi por edhe nga menyra e te shprehurit je rugovian.dmth ti ke rene ne dashuri me perrallat qe te thote ty ibrahim rugova ,i cili ka 7 vjet pa ardhur ne shqiperi.

[Llapi]

28.05.2003
Rugova: “Dialog me vendet e tjera, e edhe me Beogradin”

Kryetari Rugova dhe kryeministri Rexhepi u takuan me kryeparlamentarin e Shqipërisë, Servet Pëllumbi

ARBEN RUGOVA
PRISHTINË, 27 MAJ - Kryetari dhe kryeministri i Kosovës, Ibrahim Rugova dhe Bajram Rexhepi, shpresojnë dhe presin që Shqipëria ta luajë rolin e avokatit të Kosovës dhe të jetë përfaqësuese e saj në të gjitha institucionet e bashkësisë ndërkombëtare, ku ajo nuk është e përfaqësuar. Dy përfaqësuesit më të lartë të institucioneve vendëse të Kosovës, Rugova dhe Rexhepi, pas takimeve, të ndara, që zhvilluan, të martën, në Prishtinë, me kryetarin e Kuvendit të Shsipërisë, Servet Pëllumbi, kanë vlerësuan se bashkëpunimi me Shqipërinë është një proces i pandalshëm dhe duhet të aktivizohet edhe më shumë në të ardhmen. “Presim që institucionet e Shqipërisë gjatë komunikimit me vendet e tjera në rajon të ndikojnë në ulje të tensionit me Kosovën, në mënyrë që ajo të jetë më afër proceseve integruese në Ballkan”, është shprehur kryeministri i Kosovës, Bajram Rexhepi. Sipas tij, kontaktet në mes të Shqipërisë dhe Kosovës janë të natyrshme dhe shumë të dobishme “sidomos për Kosovën që ka institucione të reja dhe të cilat mund të mësojnë shumë nga përvoja e institucioneve homologe në Shqipëri”. Po ashtu, presim që në të gjitha institucionet ndërkombëtare ku në nuk jemi të përfaqësuar, Shqipëria ta luajë rolin e avokatit apo të të jetë një përfaqësuese e denjë e Kosovës. Nga ana e tij, kryekuvendari i Shqipërisë, Servet Pëllumbi, i ka quajtur takimet e tilla si ngjarje të rëndësishme për institucionet e Shqipërisë dhe Kosovës. “Këto takime janë shumë të rëndësishme për neve, pasi hapin rrugën për intensifikimin e bashkëpunimit dhe janë hap i domosdoshëm për fillimin e proceseve integruese”, është shprehur Pëllumbi para gazetarëve. Sipas tij, këto procese janë tash të pandalshme dhe për këtë arsye nuk duhet të vonohemi, por të jemi protagonistë të tyre. Pëllumbi nënvizoi se është pajtuar me qëndrimin e kryeministrit Rexhepi që “Kosova të jetë protagoniste e integrimeve në rajon, dhe jo thjesht e ftuar për një bamirësi, por si një pjesëmarrëse në këto procese pasi Kosova ka bërë përparime të dukshme dhe inkurajohemi nga këto suksese”. Nga ana tjetër, kryetari Rugova, pas takimit me kreparlamentarin e Shqipërisë, Pëllumbin, është shprehur se “duhet ta aktivizojmë këtë bashkëpunim edhe më shumë në të ardhmen”. “Shpresoj që do të kemi mbështetjen e Shqipërisë në realizimin e objektivave që i kemi, si zhvillimin ekonomik, privatizimin, integrimin e shoqërisë kosovare” si dhe “në atë që unë insistoj njohjen formale të pavarësisë së Kosovës të integruar në Evropë, në NATO dhe miqësi të përhershme me SHBA-në”, është shprehur kryetari Rugova. Ndërkohë Pëllumbi ka shprehur para mediave, gëzimin e vet për shëndetin e mirë të kryetarit Rugova dhe e ka çmuar shumë punën e tij, e sidomos idenë për ndërtimin e rrugës Prishtinë - Durrës. “Rruga Prishtinë - Durrës, që është ide e juaja zoti kryetar, do të jetë një arterie që do ta lidhë Kosovën dhe Shqipërinë, që do t’i japë pulse të reja zhvillimeve politike e ekonomike në mes dy vendeve”, ka nënvizuar kryetari i Kuvendit të Shqipërisë, Pëllumbi. Të tre bashkëbiseduesit kanë sqaruar pas takimit për media se insistimi i Shqipërisë për dialog në mes të Prishtinës dhe Beogradit është i drejtë, sepse “dialogu është forma e zgjidhjes bashkëkohore”. Për kryeministrin Rexhepi, “për statusin përfundimtar të Kosovës nuk do të ketë dialog, sepse është pak herët, por nëse eventualisht propozohet një dialog në mes Kosovës dhe Beogradit, atëherë do të bisedohet për çështjet me interes të përbashkët dhe për çështje praktike”. Ndërsa, nga ana e tij, presidenti Rugova është shprehur se “Tirana po insiston që Kosova të përfshihet në integrimet rajonale dhe nëse bëhen takime me vendet rajonale, atëherë ne do të bisedojmë edhe me Beogradin”. Kryeparlamentari i Shqipërisë, Servet Pëllumbi, do të përfundojë të mërkurën vizitën e tij zyrtare në Kosovë dhe pritet që të zhvillojë takime të tjera zyrtare edhe me liderë të partive politike kosovare.
koha ditore

[Llapi]

Servet Pëllumbi sot viziton Drenasin dhe Prekazin

Prishtinë, 28 maj - Kryetari i Kuvenditë Shqipërisë, Servet Pëllumbi, sot do të vizitojë Drenasin dhe do të marrë pjesë në zbulimin e përmendores së dëshmorit të lirisë, komandantit të njohur të UÇK-së, Fehmi Lladrovci dhe pastaj do të bëjë homazhe në varrezat e Jasharajve në Prekaz.
Sot delegacioni i Kuvendit të Shqipërisë i jep fund vizitës triditëshe në Kosovë delegacioni i Kuvendit të Shqipërisë.