Dhuroni gjak ju lutem!

[MRI]

kam vene re se Shqiptaret e kane te veshtire te dhurojne gjak, bile as per te afermin e tyre, e kane me te lehte te paguajne sesa te japin gjak. Gjaku ehte ilaci qe nuk ka analog(te ngjashem) dhe detyrimisht e vetmja rruge eshte qe te perftohet nga njerezit. Ne bote, ne cdo tre veta njeri merr gjak, dhe cdonjeri te pakten njeher ne jeten e tij merr gjak( te mos permendim disa prej semundjeve te gjakut ku palca nuk arrin te perdori rruazat e kuqe dhe pacienti eshte i detyruar qe te jetoj duke marr cdo 2 jave nga 1 lt gjak).

Te dhurrosh gjak do te thot qe dike ta lidhesh me jeten, te japesh jet ne njefar menyre. Por nuk mjafton me kaq, shkencetaret kane filluar te kerkojne se cfar dobish ose demesh sjell dhenja e gjakut tek dhurusi. Deri tani nuk eshte pare ndonje rrezik perata qe japingjak rregullisht, perkundrazi jane verejtur disa dobi si; ul rrezikun e semundjeve te zemres, stimulon palcen te prodhoj rruaza te kuqe, ul akumulimin e hekurit te tepert ne gjak(hemochromatosis) dhe njekohesisht mendohet se ul rrezikun e semundjeve te zemres duke ulur rritjen e vajrave ne gjak.
Doktoret rekomandojne dhenjen e gjakut cdo 6 muaj, megjithese koha minimale qe mund te dhurohet eshte 8 jave pas heres se fundit.
İnformacion me te gjer mun te perftoni duke lexuar link'et e meposhtme. kush di dicka me teper le ta na e shkruaj.
respekte

http://www.physicians-background.com/blood.html

http://circ.ahajournals.org/cgi/content/full/104/18/e99

[cool_dancer]

dhurimi i gjakut eshte dhurata me e bukur qe e jap ndonjeri dikujt!

[DI_ANA]

Ne ditet e sotme gjaku konsiderohet si ilaç ne “boten spitalore”,si ilaç themeltar i cili nuk ka analog.Nje kirurg nuk mund te futet ne operacione nese nuk ka rezerva gjaku, nje hematolog nuk mund ti ndihmoje pacientit te vet nese nuk ka rezerva te mjaftueshme. Sa per ta konkretizuar çeshtjen mund te japim shembull anemite e renda si Sindroma Mielodsplastike, Leuçemite, anemine Aplastike…etj. Ku pacienti ka te nevojshme te marre gjak nje here ne 2 jave.
Per te perballuar keto nevoja si burim i vetem mbetet qenia njerezore. Eshte e nevojshme dhe e keshillueshme qe cdo qytetar te dhuroje gjak vullnetarisht 1 ose 2 here ne vit. Fitimiet e ketij veprimi jane te dyanshme, sjell dobi si per dhuruesin dhe per pacientin i cili e ka te domosdoshme.
Shpesh here shoqata te ndryshme bejne fushata per te motivuar civilet te dhurojne gjak dhe gjithmon theksojne anen humane te ketij veprimi. Por, eshte per tu habitur se perse nuk i motivojne civilet duke permendur dobite qe i sjell dhurimi i gjakut donorit? Megjithese jetojme ne shekullin e 21, shkencetaret nuk kane kryer kerkime serioze mbi kete çeshtje. Megjithate ekzistojne disa hipoteza ku thuhet se dhurimi i gjakut stimulon prodhimin e rruazave te kuqe te gjakut, pengon akumulimin e hekurit ne trup dhe mund te uli rrezikun e semundjeve te zemres,sidomos tek personat qe vuajne nga semundja e hemokromatozis.
Disa studime kan bere te ditur se ataket ne zemer dhe semundjet e tjera te zemres jane verejtur me pak tek personat qe kane dhene gjak ne krahasim me ata qe skan dhene fare. Dy studime te kryera nga Universiteti i Kansas’it dhe Universiteti i i Kuopios ne Finland, vertetojne se duke dhene gjak burrat (mbi 40 vjec) dhe grate pas menopauzes, lehtesojne trupin e tyre nga masa e lart e hekurit i cili mendohet se kontribon ne semundjet e zemres duke nxitur kolesterolen LDL te pershpejtoj procesin e atherosklerozes. Dhurimi i nje uniti gjak largon 250mg nga rezervat e hekurit ne trup. Tek dhuruesit qe nuk pin duhan eshte verejtur nje ulje rreth 30% ne semundjet e zemres. Rritja e kolesteroles LDL ne gjak ndikon negativisht ne muret e damareve duke u bere edhe shkas per pershpejtimin e atherosklerozes, gjithashtu mendohet se demtimi mund te preke edhe damaret ne pjeset e tjera te trupit si syri, truri etj.
Ne raste te veçanta leshimi jasht vene i gjakut perdoret edhe si kure per semundje te ndryshme nen vezhgimin e mjekut.

“Flebotomia si kurim duhet te keshillohet nga mjeku dhe njekohesisht te aprovohet nga doktori i bankes se gjakut. Receta duhet te permbaj masen e gjakut qe duhet te hiqet, frekuencen dhe masen e hematokritit qe i duhet dhene pacientit pas leshimit te gjakut. Gjaku i pacientit nuk duhet perdorur per transfuzion allogjenik per shkak te gjendjes shendetesore te pacientit.” (Eva D. Quinley; Immunohematology 2ed. p.19)

Marre nga "Mjekesia.net"!

Cili eshte mendimi juaj persa i perket dhurimit te gjakut?!
A keni dhene ndonjehere personalisht?

[DI_ANA]

- Disa informacione për dhuruesit e gjakut -

Kërkesat për gjak po rriten për çdo vit si rezultat i operacioneve të shumta që po bëhen në spitalet tona, si dhe përparimeve të shumta në trajtimin e pacientëve. Shumë prej këtyre operacioneve varen nga mbështetja e rregullt dhe e sigurtë me gjak dhe ky gjak vjen vetëm si rezultat i entuziazmit dhe mbështetjes nga ju.

Dhurimi i gjakut

Dhurimi i gjakut është mjaft i shpejtë dhe nuk kushton asgjë.Rreth 250-450 ml mbledhet -normalisht për 5-10 minuta dhe pastaj përcjellet me periudhën e pushimit dhe freskimit me ndonjë lëng pemësh dhe çokolatë, që zgjatë rreth 10 min. Gjaku juaj mbledhet në kese të posaçme plastike - për sigurinë tuaj, dhe i tërë materiali dhe mjetet që ne i përdorim janë komplet sterile dhe vetëm për një përdorim.

Para se të dhuroni gjak

Ne duhet të jemi të sigurtë që ju ndjeheni krejtësisht mirë me shëndet para se të dhuroni gjak dhe se dhurimi i gjakut nuk do të ju shkaktoj asnjë dëm në organizëm gjithashtu që pacienti që e merr gjakun tuaj të mos jetë i rrezikuar nga marrja e ndonjë sëmundjeje nga gjaku. Për këtë arsye ne kërkojmë nga ju bashkëpunim që me ndërgjegje të plotë të plotësoni pyetësorin shëndetësorë dhe të përgjigjeni në çdo pyetje që ne mund tua bëjmë. Nëse keni ndonjë shqetësim apo pyetje lidhur me këto mund ti drejtoheni zyrtarit të sesionit i cili do të jetë shumë i gatshëm të ju ndihmoj. Çdo informatë personale që do të jepni do të trajtohet me mirëbesim të plotë.

Testimi për anemi

Ne do ta testojmë gjakun tuaj për anemi para se të dhuroni. Një pikë gjaku nga gishti juaj është i mjaftueshëm për këtë test të shpejtë. Nëse hemoglobina në gjakun tuaj është shumë e ultë (e kjo quhet anemi), ne do të ju udhëzojmë të shkoni për testim detal dhe tretman të mëtejmë. Anemia e lehtë është mjaft e shpeshtë dhe zakonisht trajtohet lehtë.

Pas dhurimit tuaj të gjakut

Ju do të pushoni për pak kohë - kjo i jep organizmit mundësi të rregulloj qarkullimin e gjakut pas dhënjes së një sasie të tij. Nuk preferohet pirja e duhanit menjëherë pas dhurimit. Pije të freskëta dhe çokolata do tu ofrohen juve pas dhurimit dhe ne do të dëshironim që ju të bisedoni dhe shoqëroheni edhe me dhuruesit tjerë që do të gjenden aty, disa prej të cilëve mund të kenë dhuruar gjak për shumë vite rregullisht.

Para se të shkoni

Te një numër i vogël njerëzish mund të shfaqet një plogështi e lehtë gjatë dhurimit, apo pak pas dhurimit të gjakut. Ne u preferojmë dhuruesve që para se të dhurojnë gjak të kenë ngrënë ushqimin e tyre-kjo e largon shfaqjen e plogështisë. Është gjithashtu e preferueshme që pas dhurimit të gjakut, dhuruesit të pijnë mjaft lëngje. Ju lutemi, mos e lëshoni sesionin deri sa të jeni plotësisht të sigurtë se nuk ndjeheni keq-kjo më së tepërmi ju përket vozitësve. Nëse rastësisht ndjeni plogështi, ju lutemi tregoni stafit tonë dhe ata do të përkujdesen për ju.

Problemet që mund të përcjellin dhurimin

Ne kemi për qëllim që të bëjmë dhurimin e gjakut një kënaqësi ashtu siq është në realitet. Shumë rrallë, mund të ndodhë që kjo të përcjellet me ndonjë shqetësim të vogël- kjo mund të jetë derisa gjilpëra të vendoset në venë, ose nëse rastësisht lëvizet krahu pa dashje- nëse kjo ndodhë, tregoni menjëherë ndonjërit nga stafi ynë dhe ai menjëherë do ta rregulloj këtë në mënyrë korrekte.Nëse shqetësimi vazhdon, atëherë dhurimi gjithsesi do të ndërpritet. Kjo rastësisht mund të shkaktoj ndonjë hematom në krah- por mos u shqetësoni ngase kjo vetëm duket më keq se sa që realisht është. Nëse keni ndonjë hematom, ky do të zhduket dhe normalisht nuk lë asnjë pasojë. Sidoqoftë, ju lutemi, ia bëni me dije Qendrës Kombëtare nëse merakoseni apo keni shqetësim të vazhdueshëm. Ne kemi për qëllim që çdo veprim që bëjmë, të kemi kujdes në problemet e mundshme.

Dhuruesit që nuk do të mund të pranohen

Nëse ne e kemi të pamundshme të ju pranojmë si dhurues sot, ju lutemi pranojeni që këtë vendim nuk e kemi marrur lehtë dhe me dëshirë. Ne e kuptojmë që kjo mund tu shkaktoj zhgënjim apo shqetësim. Principet tona, me të cilat jemi të udhëzuar, janë që ju si dhurues të jeni krejtësisht i shëndetshëm për të dhuruar gjak, dhe që të mos u shkaktojmë asnjë dëmtim si rezultat i dhënies së gjakut. Arsyeja që nuk jeni pranuar sot si dhurues do të ju shpjegohet juve nga zyrtari i sesionit. Nëse ju megjithatë do të keni pyetje të tjera, ju lutemi bisedoni me ndonjë nga mjekët tanë të pranishëm në sesion apo në Qendrën Kombëtare të Transfuzionit.



Testimi për sëmundjet infektive

Pasi ju të keni dhuruar gjak, ky do të testohet për markerët e infeksionit me virusin e quajtur AIDS (HIV) dhe për disa viruse të hepatitit (B dhe C) dhe për bakterien që shkakton Sifilisin.

JU LUTEMI, ASNJËHERË MOS DHURONI GJAK VETËM SA PËR TË BËRË KËTO TESTE. NËSE MENDONI SE KENI QENË I RREZIKUAR NGA KËTO INFEKSIONE, MOS DHURONI GJAK- JU MUND TË KËRKONI TË BISEDONI ME MJEKUN APO ZYRTARIN TJETËR TË SESIONIT NË MIRËBESIM TË PLOTË.

Nëse ndonjëri prej këtyre testeve jep rezultat të pastër pozitiv, ju do të jeni të njoftuar me mirëbesim nga mjeku i Qendrës Kombëtare të Transfuzionit. Nganjëherë gjaku juaj mund të jep rezultat jo të plotë kur ne e testojmë për sëmundje infektive, prandaj ne do të kërkojmë mostër tjetër-natyrisht vetëm aq sa juve nuk do tu shkaktoj problem dhe sa për të konfirmuar rezultatin e testit.

Marre nga "Transfuzioni i gjakut"

[lisjana]

une kam dhene vetem nje here gjak. dua te flas rreth ndjesise.
e bera sepse e ndjeva, e nuk ka gje me te bukur sesa te besh dicka kur e ndjen nga shpirti, cfardolloj qofte. qofte edhe hakmarrje. nesje, mos dal nga tema.
do rish shtrire per 5 minuta, dhe do ndjesh gjakun te te dale nga vena, jo vetem do shikosh por mbi te gjitha do ndjesh.
te duket sikur eshte cope shpirti.
per mua eshte nje ndjesi qe gjynaf ta humbasesh, per te mos harruar te tjerat qe shpeton nje jete, e ndjen sa i gjalle je dhe ndoshta behesh aq njerezor sa falenderon zotin per faktin qe ke shendet.
pastaj ndjehesh njeri per ca momente. te pakten nje te mire e ke bere!

[alda09]

Personalisht kam dhuruar 3here gjak ne interval 3vjecar.
Ju i keni permendur me larte dobite dhe te keqiat(qe s'ka) por doja te shtoja vetem qe vendi jone ka shume nevoje per dhurimin e gjakut sepse vetem ne Fier dhe Lushnje eshte nje numer i jashtezakonshem i femijeve qe vuajn nga Talasemia-e anemi te ndryshme.
Dhe ne vendin tone edhe pse kemi nevoj fushatat jane te pakta,Qender trasfuzioni ka vetem ne Tirane,bejne femijet(dhe te rriturit)kilometra me radhe e presin me dite se nuk ka gjak.Keto i kam pare e degjuar personalisht. Mbi te gjitha eshte veprim human.
Shpeto nje jete sepse neser mund te jesh ti ai qe ka nevoj.

[Flora82]

Nuk kam kam jep kurr gjak !

por nese eshte nevoja do jepja .

[DI_ANA]

Dhuruesit e rinj të gjakut më të rrezikuar nga komplikimet

Sipas një studimi të ri, tinejxherët të cilët dhurojnë gjak, mund të jenë më të rrezikuar për zhvillimin e ndonjë komplikimi.

Rezultatet kanë treguar se dhuruesit e gjakut të moshave 16 dhe 17-vjeçare ishin tri herë më të prirë për të vuajtur nga komplikimet të cilat janë në lidhje me dhurimin e gjakut, në krahasim me dhuruesit të cilët janë mbi 20 vjeç.

Studiuesit thonë se nevoja e madhe për gjak dhe kufizimi i personave të cilët dhurojnë gjak, ka bërë që qendrat e ndryshme të rekrutojnë më shumë dhurues të gjakut duke pranuar edhe të rinj të moshave nga 16 vjeç e sipër.

Shumica e shteteve i lejojnë të rinjtë nga mosha 17-vjeçare të japin gjak pa pëlqimin e prindërve, derisa 22 shtete në SHBA pranojnë edhe gjakun e 16-vjeçarëve, por me pëlqimin e prindërve.

Megjithatë shkencëtarët nga ky studim i fundit sugjerojnë se gjatë kohës së rekrutimit të dhuruesve të rinj të gjakut, duhet të kihet parasysh siguria e dhuruesit.

"Spekter"