Presidenti Rugova mban fjalimin vjetor ne kuvend

[Brari]

nga trepcanet


Fjalimi vjetor i Presidentit të Kosovës Dr.Ibrahim Rugova para Kuvendit të Kosovës më 22 janar 2004




---------------------------------------------------

Prishtinë, 22 janar 2004 - Po e japim fjalimin e plotë të Presidentit të Kosovës Dr.Ibrahim Rugova, të cilin e mbajti sot, më 22 janar 2004, para Kuvendit të Kosovës.

- Ndihem shumë i nderuar që kam mundësi të bëjë këtë Fjalim Vjetor para Kuvendit të Kosovës, këtij institucioni të lartë të vendit tonë.

Në fillim dëshiroj t'Ju njoftoj se kam vendosur që Fjalimi Vjetor i Presidentit të Kosovës të mbahet çdo vit në formë tradicionale të enjten e parafundit të janarit.


Fjalimi i Presidentit do të bëhet në formë solemne në frymë të vlerësimit të gjendjes dhe të vizionit për kombin në fillim të vitit.


Zonja dhe Zotërinj,

Në këto katër vjet e gjysmë në liri Kosova ka pasur një progres të madh në të gjitha fushat e jetës. Mund të themi se këto ishin vite të forcimit të lirisë, të sigurisë, të ekonomisë dhe të demokracisë. Ndërsa sot, pas afër dy vjetësh të ndërtimit të institucioneve shtetërore të Kosovës, do thënë se këto institucione kanë funksionuar me sukses.

Kjo ishte një periudhë e konsolidimit të institucioneve nacionale të Kosovës. Me këtë rast do të veçoja punën e Kuvendit të Kosovës, i cili ka miratuar me dhjetëra ligje sistemore bazike dhe ligje të tjera si dhe rezoluta e deklarata të ndryshme në interes të qytetarëve të vendit tonë. Mendoj se gjatë kësaj kohe Kuvendi i Kosovës ka kultivuar frymën dhe funksionimin demokratik të institucionit.

Po ashtu edhe Qeveria me të gjitha ministritë ka funksionuar mirë dhe ka arritur të jetë një ekzekutiv i qëndrueshëm. Presidenti i Kosovës është kujdesur për funksionimin e institucioneve dhe i ka ndihmuar ato me ide e propozime dhe ka luajtur rolin reprezentativ të popullit dhe të gjithë qytetarëve në vend dhe jashtë. Prioritet kryesor ka qenë ruajtja dhe forcimi i stabilitetit politik dhe shtetëror të vendit. Mund të themi se kemi fituar një përvojë të mirë në funksionimin e pushtetit legjislativ, ekzekutiv dhe reprezentativ si dhe të vendosjes së shtetit ligjor.

Do përmendim këtu edhe funksionimin e mirë të pushtetit lokal të vendit, që gjithnjë e më shumë po forcohet, e që ka gëzuar përkrahjen tonë.


Deputetë të nderuar,

Në planin ekonomik Kosova ka pasur progres. Është forcuar sektori privat në të gjitha fushat, që sot përbën gjysmën e ekonomisë. Gjatë kësaj kohe kosovarët kanë treguar shpirtin e tyre ndërmarrës dhe dinamik. Element me rëndësi është edhe buxheti i Kosovës, që mblidhet nga të ardhurat vetanake, çfarë tregon se Kosova është në gjendje të funksionojë si shtet. Euro ka ndikuar në stabilitetin monetar dhe ekonomik. Që dy vjet kemi pasur suficit që do ta përdorim në mënyrë racionale.

Herave të tjera duhet të kujdesemi që buxheti të realizohet me kohë, sepse paraja e shpenzuar në kohën e duhur, ka vlerën më të madhe. Segment me rëndësi në fushën financiare është konsolidimi i bankave në sektorin privat, të cilat duhet të lidhen me bankat ndërkombëtare dhe të ndihmojnë ekonominë e Kosovës dhe qytetarët përmes kredive të ndryshme për prodhim. Do të bëjmë më shumë në stimulimin e eksportit të prodhimeve kosovare në tregjet ndërkombëtare dhe t'i zvogëlojmë barrierat e ndryshme, që e pengojnë këtë veprimtari.

Në masë të madhe është përmirësuar infrastruktura e përgjithshme dhe infrastruktura rrugore nacionale e lokale, ku do të realizohen projekte të rëndësishme, si pjesa kosovare e Autostradës Prishtinë - Durrës që ka edhe karakter ndërkombëtar. Edhe trafiku ajror i Kosovës ka pasur sukses nga kompanitë e ndryshme, e sidomos me themelimin e kompanisë ajrore kosovare dhe me modernizimin e aeroportit të Prishtinës dhe së shpejti të aeroportit të Gjakovës. Në fushën e telekomunikacionit ka pasur progres në telefoninë mobile e fikse dhe tash po hyjmë në fazën e konkurrencës. Do të forcohet sistemi i internetit.


Zonja dhe Zotërinj,

Gjatë kësaj kohe është forcuar siguria publike. Policia e Kosovës sot ka një kontigjent të qëndrueshëm, që duhet të specializohet për detyra të ndryshme. Trupat mbrojtëse të Kosovës kanë arritur fazën e organizimit dhe do të kenë përkrahjen tonë në konsolidimin dhe profesionalizimin e tyre, që të jenë forcë e aftësuar për detyrat e veta dhe forcë mbrojtëse në të ardhmen.

Në fushën e arsimit po realizohet procesi i reformave, që të kemi një arsim kompatibil me zhvillimet ekonomike dhe demokratike të vendit. Do të angazhohemi për një kompjuterizim të shkollave, që çdo fëmijë të ketë qasje dhe të mësojë gjuhën angleze që po bëhet gjuhë e dytë në Kosovë.

Shëndetësia gjendet në etapën e reformimit dhe do të ndihmojmë që kjo fushë e rëndësishme të stimulohet dhe do të bëjmë përpjekje për vendosjen e mjekësisë së lartë. Edhe farmaceutika kosovare ka arritur që të anëtarësohet në këtë fushë ndërkombëtare.

Çështjet sociale kanë qenë preokupim për kujdesin ndaj grupeve të caktuara sociale për punësimin e tyre dhe ndihma. Ne duhet të shikojmë mundësitë e konsolidimit të Fondit të pensioneve e të invalidëve të punës e të luftës.

Sektori i bujqësisë ka pasur përparime dhe do të angazhohemi për stimulimin dhe subvencionimin e projekteve në këtë degë, siç veprohet në BE dhe në SHBA si dhe në vende të tjera. Kosova ka një tokë fertile, që është në gjendje të ushqejë popullin e vet.

Në fushën e mbrojtjes së ambientit ka pasur një kujdes të shtuar dhe duhet të bëjmë përpjekje për hartimin e planeve hapësinore nga komunat për të gjitha qytetet dhe vendbanimet në harmoni me planin global hapsinor të vendit tonë, që është në përgatitje e sipër.

Gjatë këtyre viteve është punuar në fushën e sportit, po duhet të angazhohemi më shumë në ndërtimin e infrastrukturës sportive dhe të kultivohet fryma e garës dhe e miqësisë midis të rinjve. Do theksuar se disa federata sportive janë anëtarësuar në federatat ndërkombëtare, si sukses i punës së tyre.

Në fushën e kulturës kemi pasur përparime të qëndrueshme dhe do të bëjmë më shumë për financimin e këtij segmenti me vlerë të vendit tonë dhe afirmimit të këtyre vlerave kosovare në botë.

Kujdes të veçantë kemi pasur dhe më shumë do të kemi për diasporën kosovare në SHBA dhe në Europë, që t'i ndihmojmë në fushën e komunikimit me atdheun dhe t'u ofrojmë mundësi për investime në Kosovë, që tashmë disa i kanë filluar me sukses.

Në mënyrë të veçantë do të theksoja se gjatë kësaj periudhe është forcuar mendimi për njohjen formale të pavarësisë së Kosovës.


Të nderuar deputetë,

Viti në të cilin kemi hyrë do të jetë vit i progresit më të madh të Kosovës në të gjitha fushat, sepse kemi krijuar një bazë të mirë të zhvillimit. Institucionet e Kosovës do të koncentrohen më shumë në zhvillimin ekonomik, në procesin e privatizimit, në sigurimin e investimeve dhe në përkrahjen e sektorit privat dhe në krijimin e vendeve të reja të punës për të rinjtë e vendit tonë, që duhet të krijojnë familje të reja.

Në do t'i kushtojmë më shumë vëmendje zgjidhjes së problemit energjetik që është element kyç për zhvillimin ekonomik të Kosovës. Duhet të shikojmë mundësinë e koncesioneve, që besojmë së shpejti ky Kuvend do të miratojë Ligjin për Koncesione që do të hapë perspektiva të reja. Ne duhet të mendojmë edhe për forma të tjera të energjisë alternative.

Në planin e brendshëm do të vazhdojmë të punojmë në integrimin e grupeve etnike apo minoriteteve në shoqërinë dhe shtetin e Kosovës dhe në garantimin dhe mbrojtjen e tyre. Njëherësh e dëshirojmë një vullnet më të madh të minoriteteve për integrim në shoqërinë dhe shtetin e Kosovës.


Zonja dhe Zotërinj,

Një kujdes të veçantë do të kemi për mundësitë e përfaqësimit të Kosovës, përmes hapjes së zyrave në botën e jashtme apo formave të tjera. Në vitin 2002 kemi bërë një hap në këtë plan me emërimin e mikut të madh të Kosovës Senatorit Dole Ambasador nderi të Kosovës në SHBA. Kjo është një çështje vitale për Kosovën në këtë fazë të zhvillimit. Ne do të kërkojmë një liberalizim të vizave, sidomos për njerëzit e biznesit të Kosovës me vendet e BE dhe me SHBA.

Një veprim të përbashkët do të bëjmë me UNMIK-un rreth bartjes së kompetencave, me qëllim të shtimit të efikasitetit të institucioneve të Kosovës. Ky është një proces që duhet ta zhvillojmë së bashku.


Zonja dhe Zotërinj,

Një element tjetër me rëndësi do të jetë puna në vlerësimin e standardeve të paraqitura, të atyre që i kemi përmbushur dhe të atyre që do t'i përmbushim në bashkëpunim me UNMIK-un, OSBE-në dhe me KFOR-in. Ne mendojmë se këto standarde janë në të mirë të zhvillimit dhe të prosperitetit të vendit tonë, e jo punë e nisur prej fillimit, sepse të gjithë e kemi pranuar se Kosova ka pasur progres, të cilin duhet fuqizuar.


Deputetë të nderuar,

Njëherësh ne do të punojmë dhe insistojmë në njohjen formale të pavarësisë së Kosovës, e cila gjë do të shpejtonte dhe stabilizonte proceset e brendshme ekonomike e demokratike dhe do të qetësonte këtë pjesë të Europës e të botës dhe popullin e Kosovës.

Një Kosovë e pavarur, demokratike e paqësore e integruar në BE, në NATO dhe në miqësi permanente me SHBA që është vullnet politik i popullit dhe i qytetarëve. Vëmendje të veçantë do t'i kushtojmë kultivimit të marrëdhënieve të mira me fqinjtë e vendit tonë dhe t'i përparojmë ato, çfarë është politikë nacionale e Kosovës.


Të nderuar deputetë,

Në vjeshtë na presin zgjedhjet e dyta nacionale të Kosovës së lirë. Ne jemi të bindur se do të kemi zgjedhje të mira e të qeta, sepse tash kemi një eksperiencë të mirë në këtë plan. Të gjithë duhet të kontribuojmë në këtë drejtim. Kosova e ka dhënë tashmë këtë provim. Do thënë se Kosova po hyn në fazën e një vendi normal dhe është e gatshme t'i pranojë obligimet ndërkombëtare.


Zonja dhe Zotërinj,

Do të shikojmë të gjitha mundësitë e angazhimit tonë në ndriçimin e fatit të të zhdukurve.
Njëherësh sot i kujtojmë me pietet të lartë të gjithë ata që ranë për lirinë, pavarësinë dhe demokracinë e vendit tonë.


Zonja dhe Zotërinj,

Me këtë rast e përshëndesim Zotin Harri Holkeri dhe UNMIK-un, Ambasador Fieschin dhe OSBE-në si dhe Gjeneralin Kammerhoff dhe NATO-KFOR-in, që po bëjnë një punë eksellente në mbrojtjen dhe sigurinë e Kosovës. Po ashtu përshëndesim Korin Diplomatik në Kryeqytetin e Kosovës në Prishtinë. Njëherësh i përshëndesim institucionet ndërkombëtare e financiare në Prishtinë dhe donatorët që po e ndihmojnë Kosovën.


Zonja dhe Zotërinj,

Nga kjo Seancë Solemne e Kuvendit të Kosovës i përshëndesim Presidentin Bush, Kryeministrin Blair, Presidentin Chirac, Kancelarin Schröder dhe Kryeministrin Berlusconi që vazhdimisht e përkrahin Kosovën.

Përshëndetje të veçantë i bëjmë Atit të Shenjtë Papa Gjon Pali II, që gjithmonë lutet për Kosovën.


I nderuari Kryetar Daci,

Në fund të këtij Fjalimi dëshiroj t'Ju njoftoj se së shpejti do të fillojmë ndërtimin e Pallatit Presidencial Shtëpisë së Bardhë të Kosovës dhe do t'Ju ftoj së bashku me deputetët e nderuar në këtë ceremoni solemne e të rëndësishme për vendin tonë.

Shpresoj se së shpejti do të takohemi në përurimin e Sallës Solemne të Kuvendit të Kosovës, që po i përfundon punimet këto ditë dhe Ju deputet të nderuar do të keni më shumë kushte për punë edhe më të suksesshme.

Zoti Ju bekoftë.
Zoti e bekoftë Kuvendin e Kosovës.
Zoti e bekoftë Kosovën.
Ju falemnderit.

Dr. Ibrahim Rugova
President i Kosovës

[Llapi]

PDK DHE AAK TË PAKËNAQURA ME FJALIMIN E KRYETARIT RUGOVA NË KUVEND

KUVENDI


Grupi parlamentar i Partisë Demokratike, përmes një kumtese për media, ka publikuar qëndrimin lidhur me fjalën e kryetarit Ibrahim Rugova, në Kuvend. PDK-ja vlerëson se fjala e paraqitur sot do të duhej te ishte raport të cilin ai sipas Kornizës Kushtetuese do të duhej t’ia paraqiste Kuvendit mbi gjendjen e përgjithshme në Kosovë, së paku një herë në vit.

Sipas kësaj partie, ky obligim kushtetuese as sot nuk u përmbush. “Funksioni kushtetues i tij nuk është duke u respektuar përderisa ai vazhdon të jetë edhe kryetar i një partie, fakt ky që është i papajtueshëm me funksionin e tij si përfaqësues i unitetit të popullit” thotë grupi parlamentar i PDK-së, i cili gjithashtu konsideron se kryetari i ka tejkaluar dhe keqpërdorur kompetencat kushtetuese me rastin e promovimit dhe përdorimit në manifestimet publike të simboleve private dhe partiake në vend të simboleve kombëtare në kohën e mosekzistimit të një ligji të Kuvendit të Kosovës për simbolet e vendit. Imponimi dhe favorizimet e simboleve vetëm partiake, thotë PDK-ja, po krijojnë dilema dhe përçarje tek qytetarët dhe nuk janë në funksion të ndërtimit të institucioneve shtetërore të Kosovës.
Ndërkohë, Aleanca për Ardhmërinë e Kosovës, përmes shefit të grupit parlamentar Bujar Dugolli poashtu është shprehur e pakënaqur me fjalimin dhe punën e kryetarit.

“Përveç shkeljeve kushtetuese ai nuk ka paraqitur as raportin vjetor para Kuvendit siç prashihet me Kornizë. Ai ka pranuar poste të dyfishta që është në kundërshtim me Kornizë”.

“Mitrovica, drejtësia, lufta ndaj krimit të organizuar, çështja e të zhdukurve etj” , janë çështje ku ai ka dështuar tha Dugolli.

Dugolli, në një konferencë për shtyp, përmendi edhe siç tha, mosangazhimin e kryetarit për çështje ekonomike si privatizimi, investimet, gjendja në PTK etj, por edhe në bashkëpunimin me jashtë dhe platformën për pavarësinë.
“Kryetari nuk ka platformë për jetësimin e deklarimit të popullit për pavarësinë e Kosovës dhe nuk ka pasur gadishmëri për përkrahjen e iniciativave të Kuvendit rreth pavarësisë. Kryetari ka qenë i obliguar të bashkëpunojë dhe t’iu prijë takimeve me nenshkruesit e bashkëqeverisjes, takimeve të cilave ai iu ka ikur; tri takime të thirrura nga kryeministri për hartimin e strategjisë bashkëqeverisëse kryetari nuk iu ka përgjigjur “.
Prandaj, Aleanca tha Dugolli, vlerëson se në këto dhe çështje tjera kryetari ka dështuar në punën e vet. Partia Demokratike dhe Aleanca kanë kritikuar edhe kryeparlamentarin Nexhat Daci i cili, sipas tyre, nuk ka lejuar hapjen e debatit në parlament. (RADIO kOSOVA

[DriniM]

Shiheni mjerimin e deputetëve të PDK-së së Thaçit dhe AAK-së së Ramushit si dhe aleancën e këtyre me '' kthimin '' sërb kundër dr.Rugovës :-

Lamjë

[DriniM]

Kjo fotografi më ariti para disa ditësh në postë elektronike ,nga një militant i LPK-së .
Pra këtu tregojnë fare kjartë se çka janë e çka mendojnë ata, si ata e shohin vetën dhe se si e paramendojnë dr. Rugovën dhe Akad. Dacin .

[Arb]

Presidenti Rugova: Në katër vjet e gjysmë në liri Kosova ka pasur një progres të madh në të gjitha fushat e jetës



Prishitnë, 22 janar - Presidenti i Kosovës Dr. Ibrahim Rugova në seancën e sotme të Kuvendit të Kosovës mbajti fjalimin vjetor.

Në fillim të fjalimit të tij, Presidenti Rugova vlerësoi se në këto katër vjet e gjysmë në liri Kosova ka pasur një progres të madh në të gjitha fushat e jetës, duke shtuar se këto ishin vite të forcimit të lirisë, të sigurisë, të ekonomisë dhe të demokracisë.

Ndërkaq, duke folur për periudhën dyvjeçare të ndërtimit të institucioneve shtetërore të Kosovës, ai tha se se këto institucione kanë funksionuar me sukses. "Kjo ishte një periudhë e konsolidimit të institucioneve nacionale të Kosovës", tha Presidenti Rugova, duke veçuar punën e Kuvendit të Kosovës që ka miratuar me dhjetëra ligje sistemore dhe ligje të tjera si dhe rezoluta e deklarata të ndryshme në interes të qytetarëve të vendit tonë.

Njëherit theksoi se gjatë kësaj kohe Kuvendi i Kosovës ka kultivuar frymën dhe funksionimin demokratik të institucionit. Gjithashtu ai tha se edhe Qeveria me të gjitha ministritë ka funksionuar mirë dhe ka arritur të jetë një ekzekutiv i qëndrueshëm.

"Presidenti i Kosovës është kujdesur për funksionimin e institucioneve dhe i ka ndihmuar ato me ide e propozime dhe ka luajtur rolin reprezentativ të popullit dhe të gjithë qytetarëve në vend dhe jashtë. Prioritet kryesor ka qenë ruajtja dhe forcimi i stabilitetit politik dhe shtetëror të vendit. Mund të themi se kemi fituar një përvojë të mirë në funksionimin e pushtetit legjislativ, ekzekutiv dhe reprezentativ si dhe të vendosjes së shtetit ligjor", theksoi Presidenti Rugova.

Në vazhdim të fjalimit të tij, Presidenti i Kosovës foli për aspektin ekonomik, në të cilin, siç tha, Kosova ka pasur progres, duke veçuar sektorin privat në të gjitha fushat, i cili përbën gjysmën e ekonomisë. "Gjatë kësaj kohe kosovarët kanë treguar shpirtin e tyre ndërmarrës dhe dinamik. Element me rëndësi është edhe buxheti i Kosovës, që mblidhet nga të ardhurat vetjake, çfarë tregon se Kosova është në gjendje të funksionojë si shtet", nënvizoi Dr.Rugova.

Si segment me rëndësi në fushën financiare Presidenti theksoi konsolidimin e bankave në sektorin privat, për të cilat tha se duhet të lidhen me bankat ndërkombëtare dhe të ndihmojnë ekonominë e Kosovës dhe qytetarët përmes kredive të ndryshme për prodhim. "Do të bëjmë më shumë në stimulimin e eksportit të prodhimeve kosovare në tregjet ndërkombëtare dhe t'i zvogëlojmë barrierat e ndryshme, që e pengojnë këtë veprimtari", tha Presidenti.

Pasi vlerësoi përmirësimin e infrastrukturës së përgjithshme rrugore, ai veçoi si prioritet realizimin e projekteve të rëndësishme, si pjesën kosovare të Autostradës Prishtinë B Durrës që ka edhe karakter ndërkombëtar, ndërkaq në trafikun ajror veçoi themelimin e kompanisë ajrore kosovare dhe me modernizimin e aeroportit të Prishtinës.

Në vazhdim të fjalimit të tij, Presidenti Rugova tha se është forcuar siguria publike. "Policia e Kosovës sot ka një kontigjent të qëndrueshëm, që duhet të specializohet për detyra të ndryshme. Trupat Mbrojtëse të Kosovës kanë arritur fazën e organizimit dhe do të kenë përkrahjen tonë në konsolidimin dhe profesionalizimin e tyre, që të jenë forcë e aftësuar për detyrat e veta dhe forcë mbrojtëse në të ardhmen", nënvizoi Presidenti i Kosovës.

Presidenti pastaj foli veç e veç për fushat e ndryshme të jetës në Kosovë, për arsimin, shëndetësinë, çështjet sociale, të bujqësisë, të mbrojtjes së ambientit, të sportit e të kulturës, për të theksuar: "Në mënyrë të veçantë do të theksoja se gjatë kësaj periudhe është forcuar mendimi për njohjen formale të pavarësisë së Kosovës".

Duke folur për periudhën e ardhshme të zhvillimit të Kosovës, Presidenti Rugova tha se gjatë këtij institucionet e Kosovës do të koncentrohen më shumë në zhvillimin ekonomik, në procesin e privatizimit, në sigurimin e investimeve dhe në përkrahjen e sektorit privat dhe në krijimin e vendeve të reja të punës për të rinjtë e vendit. Vemendje të veçantë, tha ai, do t'i kushtohet zgjidhjes së problemit të energjetikës që është element kyç për zhvillimin ekonomik të Kosovës, duke shtuar se duhet menduar edhe për forma të tjera të energjisë alternative.

"Në planin e brendshëm do të vazhdojmë të punojmë në integrimin e grupeve etnike apo minoriteteve në shoqërinë dhe shtetin e Kosovës dhe në garantimin dhe mbrojtjen e tyre. Njëherësh e dëshirojmë një vullnet më të madh të minoriteteve për integrim në shoqërinë dhe shtetin e Kosovës", theksoi Presideti Rugova.

Ndërkaq, në planin e prezentimit të Kosovës në botë, Dr. Rugova tha se një kujdes të veçantë do të ketë për mundësitë e përfaqësimit të Kosovës, përmes hapjes së zyrave në botën e jashtme apo formave të tjera, sepse, si tha, kjo është një çështje vitale për Kosovën në këtë fazë të zhvillimit. "Ne do të kërkojmë një liberalizim të vizave, sidomos për njerëzit e biznesit të Kosovës me vendet e BE dhe me SHBA", tha ai.

Ndërkaq, duke folur për bartjen e kompetencave, Presidenti tha se kjo do të bëhet me një veprim të përbashkët me UNMIK-un me qëllim të shtimit të efikasitetit të institucioneve të Kosovës dhe ky do të jetë një proces që duhet zhvilluar së bashku, tha ai dhe shtoi:

"Një element tjetër me rëndësi do të jetë puna në vlerësimin e standardeve të paraqitura, të atyre që i kemi përmbushur dhe të atyre që do t=i përmbushim në bashkëpunim me UNMIK-un, OSBE-në dhe me KFOR-in. Ne mendojmë se këto standarde janë në të mirë të zhvillimit dhe të prosperitetit të vendit tonë, e jo punë e nisur prej fillimit, sepse të gjithë e kemi pranuar se Kosova ka pasur progres, të cilin duhet fuqizuar", theksoi Presidenti Rugova për të nënvizuar: "Njëherësh ne do të punojmë dhe insistojmë në njohjen formale të pavarësisë së Kosovës, e cila gjë do të shpejtonte dhe stabilizonte proceset e brendshme ekonomike e demokratike dhe do të qetësonte këtë pjesë të Europës e të botës dhe popullin e Kosovës. Një Kosovë e pavarur, demokratike e paqësore e integruar në BE, në NATO dhe në miqësi permanente me SHBA që është vullnet politik i popullit dhe i qytetarëve. Vëmendje të veçantë do t'i kushtojmë kultivimit të marrëdhënieve të mira me fqinjëtë e vendit tonë dhe t'i përparojmë ato, çfarë është politikë nacionale e Kosovës".

Duke folur për zgjedhjet e dyta nacionale në Kosovë që do të mbahen në vjeshtë, Presidenti shprehu bindjen se ato do të jenë zgjedhje të mira e të qeta, sepse tash Kosova ka një eksperiencë të mirë në këtë plan, duke bërë thirrje që të gjithë të kontribuojmë në këtë drejtim. "Kosova e ka dhënë tashmë këtë provim. Do thënë se Kosova po hyn në fazën e një vendi normal dhe është e gatshme t'i pranojë obligimet ndërkombëtare", theksoi Presidenti i Kosovës. Gjithashtu tha se duhet angazhuar në ndriçimin e fatit të të zhdukurve, duke përkujtuar me pietet të lartë të gjithë ata që ranë për lirinë, pavarësinë dhe demokracinë e vendit tonë, the mes tjerash në fjalmin e tij para deputetëve të Kuvendit të Kosovës, Presidenti Ibrahim Rugova.

Burimi: QIK-u

[DIDIBE]

MË NË FUND PAS DY VITEVE KRYETARI GJETI KOHË TA QEL GOJËN NË PARLAMENT(TË FLAS E JO TËBUZËQESHETQARAVESHET).
KRYETARI THOT SE ESHTE ARRITUR NJE PROGRES I MADH,NJE SIGURI E LART PAS KETYRE VITEVE PAS LUFTE ,E HARRON KRYETAR ZIU SE MITROVICA EDHE PAS 4VITEVE PAS LUFTE MBETET E NDAR ,KRYETAR PIJANECI NUK I SHKON NDER MEND TI PERMEND TE ZHDUKURIT QE EDHE PAS KATER VITEVE ASGJE NUK DIHET PER FATIN E TYRE.
KRYETARI NUK MUNDOHET TE ZE NE GOJE QESHTJEN E PAPUNSIS QE KA PERFSHIR KOSOVEN E SIDOMOS TE RINJET.
SI NUK I SHKOJ NDERMEND NDONJEHER QE TA PERMEND EMRIN E TE PA VDEKSHMIT UKSHIN HOTI , APO NDOSHTA KA FRIG KRYETARI SE MOS DEL GJALL BACA UKSHIN E PASTAJ NGA TI JA MBAJ KRYETAR ZIU.
O KRYETAR O KRYETAR ATYRE DUARTROKITJEVE NE PARLAMENT I'U MUNGOJ VETEM REFRENI PARTI ENVER,PARTI ENVER...

[Petriti Sokoli]

Fjala e Rugovës në Parlament

Rugova ma në fund u paraqit në parlament,por jo për të raportuar,për punët e (pa)kruyera nga ai,por për të paraqit të ashtuquajturat të arritura mbrenda kohës sa ai është krytar i Kosovës,po jo edhe dobësit.Aq ma keq,pas përfondimit të fjalës së tij u largu nga frika e kritikave që do ti vinin,nga ata që nuk i duartorokiten si në mbledhjet e partis komuniste.Fjala e tij ishte në stilin e njejt të komunistëve të Titos,besa me prezantimin e të arriturave të kosovës në fushën e ekonomisë i përngjante fort komunistëve të xhaxhit Enver.Njëmendësia komuniste nuk hiqet let nga koka e disa politikanve tan me mosh mbi 50 vjeqare se ata jan brumos me atë politikë dhe vështir e kan të dalin nga ai mentalitet.Po edhe Daci tregoi se s'është gjë tjetër pos një prototip i komunistëve kryefort të tipit Ali Shukrisa,kam than njëher edhe nuk mund të më ndalin as tenkat ta ndrroj mendjen.
Ju lumt komunistave të Totos veç vazhdoni se mir jeni nisë në drejtim të pamvarësisë formale se edhe ashtu formal jeni.

Përshëndetje

[sirena_t]

Te lumte o Petrit se njemend i'a ke qelluar.
Ha ha se ç'pune te madhe ka bere dje Rugova..................
Rugova me sharmin e tij demode edhe kesaj radhe i iku kritikave dhe leshoj sallen e parlamentit menjehere pas fjalimit, sepse i frikohej realitetit. Edhe fjalimin vjetor nuk e di se si ka vendosur ta mbaj, meqe ai kurre nuk e sheh te arsyeshme te jep pergjegjesi dhe llogari para popullit (por sigurisht ndonjeri nga keshilltaret e tij e ka bindur te paraqitet)
Nuk e di se a ka pasur informacione te sakta nga sukseset e Qeverise, pasi qe me ministrat te cilet nuk i ka zgjedhur vet dihet se nuk ka kurrfar bashkepunimi.
Sepse ai koperon me shume me Povratakun se sa me perfaqesuesit (ministrat) e subjekteve tjera politike shqiptare.
Megjithate asgje nuk na befason nga ai qe eshte pjelle e sistemit Komunist.

Po nuk ka faj ai por populli yn i papjekur dhe pa vizion i cili krijon idhuj edhe ne shek 21, duke u'a dhene voten njerezve tashme te shpenzuar.

pershendetje

[DriniM]

Postuar më parë nga Arb
Presidenti Rugova:

Duke folur për periudhën e ardhshme të zhvillimit të Kosovës, Presidenti Rugova tha se gjatë këtij institucionet e Kosovës do të koncentrohen më shumë në zhvillimin ekonomik, në procesin e privatizimit, në sigurimin e investimeve dhe në përkrahjen e sektorit privat dhe në krijimin e vendeve të reja të punës për të rinjtë e vendit.

Gjithashtu tha se duhet angazhuar në ndriçimin e fatit të të zhdukurve, duke përkujtuar me pietet të lartë të gjithë ata që ranë për lirinë, pavarësinë dhe demokracinë e vendit tonë, the mes tjerash në fjalmin e tij para deputetëve të Kuvendit të Kosovës, Presidenti Ibrahim Rugova.

Burimi: QIK-u

Ky citim i më lartë ,është vetëm për DIDIBE ,se sikur duket ka qenur shkrimi i gjatë dhe nuk ka mundur ti mban mend , për çka ankohet se kryetari Rugova nuk i paska përmendur .


Eh more Brari !

Është ekonomia e tregut more mik ,e sërbia pasi mer kredi nga bota ( po edhe me nuk marë fare ) ,pak kacidhe edhe ndan veçan për vëllezërit e Adem Demaçit ( se fukaraja rehet me pak e për pak ) .
Porandaj mos u çudit ,përse parolla // proletarë shqiptar bashkohuni me '' kthimin '' // është aktuale në Kosovë sa herë është e nxehtë klima poltike .

Disa paskan pritur që kryetari Rugova edhe tiu zgërdhihet apo bën grimasa gjatë fjalimit nga foltorja !.
Por edhe me iu dhënë përgjigje koxha analfabetëve në parlament ,kur ata vetë nuk e respektuan për kryetar .
Këtu shihet serioziteti i tyre nda institucioneve të Kosovës dhe vetë Kosovës ,dhe më e çudia po të njetit e akuzojnë Dr. Rugovën për përçarës !!!!!!!!!
Sigurisht paskan pritur që Dr.Rugova të shkon e ti përqafon me rend e ma ju thënë falm. për të gjitha ,, të mirat '' që mi keni bërë ( mbi njëzet vrasje aktivistësh, kryetarë e deputet të LDK-së ) .

Pa le edhe kanë hall të flasin ( kallash deputetët e Kosovës ) ,e nuk qenë të zotët të qeverisin Kosovën për një vjet të vetëm .

[Drini]

PDK, AAK, KTHIMI të njejtin qëndrim

23 janar 2004 / TN

I. L. / Evropë

PDK, AAK, KTHIMI te njejtin qendrim ne fjalimin e presidentit
PDK, AAK, KTHIMI te njejtin qendrim ne zgjedhjen e presidentit
A nuk i thuhet kesaj kualicion ??

Sot pash nje turp te madh ne parlamentin e Kosoves. Sot para parlamentit foli kryetari i shtetit Ibrahim Rugova. Se a eshte i mire apo a e meriton ate pozite eshte nje gje tjeter. Une nuk them se a ka merita apo jo, por nje gje e kuptova se Kosova udheheqet me inate te cilat edhe per femijet e vegjel do te ishte nje turp i madh. Kur presidenti mbaroj fjalimin perveq anetaret e e LDK-s asnje nuk u qua ne kembe.

As 21 antaret e PDK-s, as 8 antaret e AAK dhe as 12 antaret e KTHIMIT. Ndaj ketyre te fundit nuk u qudita sepse keta bojkotojn gjithqka qe eshte Kosove, por keta atedhetaret ton nga PDK dhe AAK edhe pse nuk pajtohet me politiken e Rugoves apo personalitetin e tij ata duhet te pajtohen qe aji eshte kryetari i Kosoves dhe turpi te mos i len ulur.

Para tri kater ditve foli para kongresit edhe Bushi por edhe pse ka vetem 42%republikan qe e perkrahin (jo shumicen) ne kongres ne fund aty te gjith u quan ne kemb dhe duartrokiten. Ajo eshte nje shebull e nje shteti te fort edhe eshte fakt.

Edhe njeher nuk kundershtoj as nuk po e lavderoj fjalimin e Rugoves, por veprimin e deputetve ne opozite e quaj qyqar dhe te turpshme.

Ju pershendes
--------------------------------------------------


Militantet e PDKs dhe AAKs, pervec qe konfirmuan koalicionin me Povratakun, kesaj radhe edhe nje here deshmuan se vetedija e tyre shteterore eshte nen cdo nivel.