Presidenti kthen mbrapsht ligjin mbi ushtrine

[Albo]

Shtohen përplasjet mes kreut të shtetit dhe ministrit të Mbrojtjes. Presidenti nuk dekreton ligjin për ushtrinë

Moisu kthen prapa ligjin për ushtrinë

“Deri në 2005-ën, studentët të mos përjashtohen nga shërbimi detyrueshëm ushtarak”

TIRANE - Presidenti Alfred Mosiu kthen në uvend ligjin “Për shërbimin e detyrueshëm ushtarak”, të miratuar para një muaji. Burime nga stafi i tij i ngushtë thanë dje për “Shekullin” se kreu i shtetit, pasi ka shqyrtuar dhe konsultuar me hollësiligjin, me ndihmën dhe të juristëve dhe ekspertëve ushtarakë, mendon ta kthejë atë mbrapsht, pa e dekretuar. Sipas të njëjtave burime, ligji i padekretuar pritet të depozitohet në zyrat e kuvendit këtë javë, ndoshta që sot. Neni, të cilin presidenti e ka parë si jo konform Kushtetutës, është ai që përjashton studentët deri në vitin 2005 nga kryerja e shërbimit ushtarak. Në motivacionin që Presidenca do të dërgojë në kuvend thuhet se, në hartimin e kësaj pike, shkelet parimi kushtetus i barazisë së shtetasve para ligjit. Mosiu ka argumentuar, ndërkaq, se kjo përbën edhe një shkelje të të drejtave të njeriut.
Ligji
Ai u miratua para një muaji në kuvend, por nuk kaloi pa debate, pikërisht për nenin që përjashton deri në vitin 2005 studentët nga kryerja e shërbimit ushtrak. Sipas ligjit të hartuar nga Ministria e Mbrojtjes dhe qeveria, të gjithë studentët që ndjekin shkollën e lartë deri në 2005, do të përjashtoheshin nga detyrimi për të shërbyer në ushtri. Ndërkaq, pas këtij viti, studentët do të kryenin vetëm 6 muaj ushtri, në ndryshim nga të tjerët, që do të shkonin nën armë për 12 muaj.
Ligji “Për shërbimin ushtarak” është i dyti që Presidenti i Republikës kthen në kuvend brenda pak ditësh. Ai nuk pranoi të firmoste edhe marrëveshjen për bazën detare të Bisht-Pallës, duke kontestuar dy nene të saj: afatin e mbarimit të punimeve, qëndrimin e ushtarakëve grekë aty si dhe paqartësinë në lidhje me futjen e anijeve greke, luftarake dhe tregtare, në këtë bazë. E ndërsa ky dekret pritet të diskutohet edhe sot në seancën e pasdites duke shkatuar debate të mëdha, ai për ushtrinë mund të shyrtohet të enjten e kësaj jave.
Sipas ligjit në fjalë, shërbimi ushtarak i detyrueshëm është 12 muaj, ndërsa mosha e kryerjes së tij u ul nga 40 vjeç në 27. “Nëse një shtetas është 27 vjeç e një ditë, ai përjashtohet nga ky shërbim”, thuhet në të. Ndryshe: të gjithë shtetasit, që kanë lindur në vitin 1976, nuk kanë detyrim të bëjnë ushtrinë. Ndërsa mosha e kryerjes së ushtrisë, nga 18 vjeç, që ishte më parë, është rritur në 19 vjeç. Nga shërbimi ushtarak i detyrueshëm përjashtohen të gjithë ata meshkuj që kanë lindur deri në vitin 1976. Ky brez tashmë i ka dhënë lamtumirën shërbimit ushtarak të detyrueshëm. Në bazë të këtij drafti, sipas ekspertëve të Ministrisë së Mbrojtjes, “nëse një shtetas ka mbushur 26 vjeç dhe një muaj, nuk duhet të merret ushtar”. Në të është parashikuar që koha, përveç shërbimit ushtarak të detyrueshëm aktiv ose alternativ, të jetë 12 muaj, ndërsa e koha shërbimit ushtarak rezervë është 4 deri në 7 ditë në vit. Në bazë të ligjit, parashikohet që në radhët e ushtrisë të jenë 4000 vetë me parà dhe 3500 persona në shërbim të detyrueshëm. Ndërsa për shtetasit që nuk duan të kryejnë ushtrinë, në bazë të draftit, është caktuar pagesa 3 prej milionë lekësh të vjetra. Të gjitha këto ndryshime në ligj do të jenë të vlefshme deri në vitin 2010.
Një veçanti e këtij ligji ka qenë edhe ringjallja e zborit të famshëm të ushtrisë, të cilin shqiptarët i kanë përjetuar përgjatë 50 viteve të regjimit diktatorial komunist. Në ligj është përcaktuar se “kohëzgjatja e shërbimit ushtarak të detyrueshëm në rezervë është 4-7 ditë në vit”. Mosha e përfshirjes në shërbimet ushtarake të detyrueshme si rezervistë, sipas këtij drafti, përfshin meshkujt deri në moshën 50 vjeç, ndërsa femrat deri në moshën 35 vjeç.

[Beqari002]

Moisiu "i bie Majkos", sherri nisi për disa grada e dekorime



TIRANE (20 Maj) - Mes Moisiut e Majkos prej kohësh ka nisur një përplasje e fortë. Ministria e Mbrojtjes e mohon këtë gjë zyrtarisht me anë të një deklarate. Por në këtë deklaratë të zëdhënëses së Majkos nuk sqarohet se pse ministri i Mbrojtjes e anashkalon presidentin në pozicionin e tij të komadantit të përgjithshëm të Forcave të Armatosura. Marrëdhëniet nuk kanë qenë të tilla. Ato ndryshuan në nëntorin e kaluar. Presidenti Moisiu, si ish-gjeneral, u kujdes personalisht për mbarëvajtjen e ceremonisë me rastin e përvjetorit të Ushtrisë Shqiptare. Kërkesës së tij për gradim dhe dekorim të ushtarakëve të lartë, Majko i ktheu një përgjigje mohuese. Arsyeja ishte se s'ka fonde. Kjo ishte fyese për një ish-ushtarak të nivelit më të lartë dhe për komandatin e përgjithshëm të Forcave të Armatosura. Psikologjia dhe mentaliteti i tyre për ushtrinë nuk përputhen aspak. Njerëzit e shtypit pranë Majkos vrapuan dje që të thonë se nuk ekziston asnjë përplasje ndërmjet institucionit të Presidentit të Republikës dhe Ministrisë së Mbrojtjes. Shumë muaj më parë në drejtim të Presidencës nga ana e Ministrisë së Mbrojtjes u dha një tjetër sinjal aspak i mirë për marrëdhëniet mes këtyre dy institucioneve. Këto marrëdhënie nuk riparohen me një deklaratë të zëdhënëses. Ajo që tregoi hapur për përplasjen mes Moisiut dhe Majkos, ishte edhe vizita e fundit e ministrit të Mbrojtjes në SHBA, takimet e tij në Pentagon dhe biseda me sekretarin e Mbrojtjes së SHBA-së, Ramsfild. Pas kthimit Majko foli për baza ushtarake amerikane. Askush nuk është kundër kësaj ideje, por protokolli kërkon që ministri i Mbrotjes të bisedojë me komandatin e përgjithshëm të Forcave të Armatosura, i cili në këtë rast është presidenti Moisiu. Ky i fundit është treguar tepër i vëmendshëm ndaj Majkos. Dy dokumente mjaft të rëndësishme të përgatitura nga Ministria e Mbrojtjes janë rrëzuar nga ana e presidentit. Dokumenti i parë ishte ai i marrëveshjes shqiptaro-greke për bazën ushtarako-detare të Bishtit të Pallës. Juristët e Presidencës i gjetën defektet e kësaj marrëveshjeje të firmosur nga Mjako disa javë më parë. Dokumenti i dytë ishte ai për ligjin mbi shërbimin ushtarak. Ky ligj është miratuar nga Kuvendi, por presidenti Moisiu dekretoi rrëzimin e tij. Arsyeja është shkelje e Kushtetutës për barazinë e shtetasve. Pretendimi i ngritur nga presidenti i Republikës është mbështetur edhe nga deputetët. Në ligjin e paraqitur nga Mjako përjashtoheshin studentët nga shërbimi ushtarak. Kjo për Moisiun është shkelje ligji dhe duhet të riparohet. Kryetari i Komisionit parlamentar të Mbrojtjes, Dashamir Shehi, është pozicionuar dje, por vendimit të Moisiut për të rrëzuar ligjin për ushtrinë. Shehi është shprehur se ky ligj ishte ndërtuar nga Majko në këtë mënyrë, sepse ministri u premtoi forumeve rinore se do ta ligjëronte përjashtimin e studentëve nga shërbimi ushtarak. Kjo, sipas Shehit, është e paligjshme dhe veprimi i presidentit Moisiu e rregullon këtë parregullsi. Shehi zbulon se pse Ministria e Mbrojtjes kërkonte përjashtimin e studentëve nga shërbimi ushtarak. Ai përmend premtimin e Majkos si të padrejtë. Ligji për ushtrinë pritet që të kthehet në Kuvend sërish për riparim dhe rivotim, duke shqyrtuar edhe vërejtjet e presidentit. ro/anjo (BalkanWeb

-------------------------
----------------------------
Oj sharki e lehte si era , a ka ardhur ne Shqiperi pranvera?

[Enri]

Presidenti Moisiu ka sqaruar dje arsyet qe e shtyne te kthente ne Kuvendin e Shqiperise ligjin per "Sherbimin e detyrueshem ushtarak". Sipas zyres se shtypit te Presidentit, arsyet e mosdekretimit te ligjit lidhen me antikushtetueshmerine e nenit 43, qe parashikon se shtetasit shqiptare, qe perfundojne shkollat e larta universitare deri ne 31 dhjetor 2005 perjashtohen nga kryerja e sherbimit te detyrueshem ushtarak aktiv dhe alternativ. Kjo, sipas Presidentit, vjen ne kundershtim me Kushtetuten, qe percakton se te gjithe jane te barabarte para ligjit dhe askush nuk mund te diskriminohet, nese nuk ekziston nje perligjje e arsyeshme dhe objektive. Presidenti gykon se shmangia e kryerjes se sherbimit te forcave te armatosura, nuk perben element te diskriminimit pozitiv, por, perkundrazi, ai krijon pabarazi perpara ligjit, per nje shtrese te caktuar, e cila eshte pikerisht, grupi i shtetasve shqiptare, qe mbarojne shkollat universitare me shkeputje nga puna, deri ne 31 dhjetor 2005. Gjithashtu, Moisiu vlereson se neni 43 i ligjit bie ne kundershtim edhe me nenin 166 te Kushtetutes, sipas te cilit sherbimi ushtarak eshte i detyrueshem per te gjithe shtetasit e afte dhe ne moshen qe percakton ligji. Gjithashtu, shtetasit te cilet per arsye ndergjegje nuk pranojne te bejne sherbim me arme, detyrohen qe ate ta kryejne ne menyre alternative. "Percaktimi, ne nenin 43, se shtetasit shqiptare, qe kane perfunduar ose perfundojne shkollat e larta universitare me shkeputje nga puna brenda dhe jashte vendit, deri ne 31 dhjetor 2005, nuk thirren per kryerjen e sherbimit te detyrueshem ushtarak aktiv dhe alternativ, ne vleresim te Presidentit bie ne kundershtim me nenin 166 te Kushtetutes. Sipas kesaj dispozite, ata ne kundershtim me Kushtetuten, perjashtohen fare nga kryerja e detyrimit te sherbimit ushtarak", sqaroi zyra e shtypit. Nderkohe, Ministria e Mbrojties ka reaguar ndaj veprimit te Presidentit Alfred Moisiu, duke "konsideruar si nje procedure normale kthimin me dekret presidencial te ligjeve, pjese gjithashtu normale te ushtrimit te kompetencave kushtetuese te institucionit te Presidentit te Republikes". Ministria e Majkos ka vleresuar edhe rolin e Presidentit si komandant i pergjithshem i Forcave te Armatosura. Nga ana tjeter, Dashamir Shehi, kryetar i Komisionit te Mbrojtjes, shprehet se ne tryezen e tij nuk kishte mberritur dekreti i Moisiut. Shehi pranon se ne miratimin e ligjit ka pasur nxitim. "Fatkeqesisht ate nate u gjykua pak me shpejtesi, me deshiren e mire per ta aprovuar ligjin dhe me deshiren e mire per t'i bere nje favor kategorise se studenteve, gje per te cilen ne urojme te gjithe qe te gjendet nje zgjidhje", pohon kryekomisioneri. Por, ai mbron ate, duke thene se ligji ne vetvete eshte i mire dhe eshte nje ligj modern.

[Enri]

1 - Neni 43, i cili shtetasit shqiptare, qe perfundojne shkollat e larta universitare deri ne 31 dhjetor 2005 i perjashton nga kryerja e sherbimit te detyrueshem ushtarak aktiv dhe alternativ vjen ne kundershtim me nenin 18 te Kushtetutes. Sipas kesaj dispozite kushtetuese, te gjithe jane te barabarte para ligjit, askush nuk mund te diskriminohet nese nuk ekziston nje perligjje e arsyeshme dhe objektive. Shmangia e kryerjes se sherbimit te forcave te armatosura, nuk perben element te diskriminimit pozitiv, por, perkundrazi, ai krijon pabarazi perpara ligjit, per nje shtrese te caktuar, e cila eshte pikerisht, grupi i shtetasve shqiptare, qe mbarojne shkollat universitare me shkeputje nga puna, deri ne 31 dhjetor 2005.

2 - Neni 43 vjen ne kundershtim dhe me nenin 166 te Kushtetutes, sipas te cilit sherbimi ushtarak eshte i detyrueshem per te gjithe shtetasit e afte dhe ne moshen qe percakton ligji. Gjithashtu, shtetasit te cilet per arsye ndergjegje nuk pranojne te bejne sherbim me arme, detyrohen qe ate ta kryejne ne menyre alternative.

Percaktimi, ne nenin 43, se shtetasit shqiptare, qe kane perfunduar ose perfundojne shkollat e larta universitare me shkeputje nga puna brenda dhe jashte vendit, deri ne 31 dhjetor 2005, nuk thirren per kryerjen e sherbimit te detyrueshem ushtarak aktiv dhe alternativ, bie ne kundershtim me nenin 166 te Kushtetutes. Sipas kesaj dispozite, ata ne kundershtim me Kushtetuten, perjashtohen fare nga kryerja e detyrimit te sherbimit ushtarak.

[Henri Anderson]

Ka bere gjene me te mire. Te gjithe jane te barabart me apo pa shkolle te larte.
10 piket e mundshe Mojsiut.

[olsen]

shume mire ja beri grekeve dhe socialistave