Komisioni parlamentar "Rama"

[Orku]

Kurthi i socialistëve për Edi Ramën

Nga Mero Baze

Ka pasur shumë debate mbi suksesin apo dështimin e mundshëm të Komisionit Anti-Rama. Thelbi i debatit ka qenë politik dhe në qendër të tij ngrihej pyetja nëse Komisioni do të heroizonte Ramën dhe do ta impononte atë si figurë brenda socialistëve, apo do të dobësonte popullaritetin e tij. Opozita u tregua gjakftohtë në atë fazë të debatit dhe pranoi në heshtje "kritikat" mbi rritjen e mundshme të popullaritetit të Edi Ramës nga ky Komision. Duket se këtë arsyetim, më shumë se kushdo tjetër, e besuan vetë socialistët që morën pjesë në Komisionin Anti-Rama. Për gati një muaj nga dita e ngritjes së këtij Komisioni, përveç karagjozllëqeve me bizhgat e Bashkisë, edhe për shkak të nivelit të tyre të intelektual, jo vetëm që nuk janë marrë seriozisht me mbrojtjen e mundshme të Edi Ramës, por as kanë denjuar të besojnë shkresat që gjenden në sirtaret e tij për këto abuzime. Ata janë mjaftuar me gëzimin e njeriut inferior duke pirë ndonjë kafe me Edi Ramën dhe tregimin e ndonjë barcalete për Brojkën apo Sali Kelmendin.

Por çfarë po ndodh në të vërtetë?

Në seancën e djeshme u pa qartë se opozita ka punuar me seriozitet për t'i verifikuar abuzimet e Edi Ramës. Shfletimi i dy dosjeve të para, të cilat janë më të voglat e abuzimeve të Ramës, të bind për shkelje të tmerrshme. Në përgjigje të këtyre fakteve kokëforta, deputetët socialistë tundin disa letra të zverdhura të Sali Kelmendit dhe Albert Brojkës. Karakteri politik i debatit në kohën që u ngrit Komsioni, duket se dëmtoi rëndë pikërisht mbrojtjen e Edi Ramës duke e vendosur parametra të gabuar në mënyrën se si do të mbrohej ai. Edi Rama, pikë së pari, do të mbrohej duke studjuar dosjet e Edi Ramës. Deputetët socialistë janë krejt të papërgatitur tani për ta mbrojtur atë, pasi ata nuk janë marrë me Ramën, por me paraardhësit e Ramës duke shpresuar se dhe në këtë rast do të funksionojë teoria e krahasimit me vitin 1938. Nëse socialistët vërtet kanë ndërmend të mbrojnë Ramën duke sharë Kelmendin dhe Brojkën, është e sigurt se ata, ose kanë zgjedhur të shesin Ramën me takt, ose nuk kanë ndërmend ta mbrojnë dhe hiqen sikur bëjnë zhurmë.

Qetësia me të cilën Olldashi mori periudhën fillestare të Komisionit dhe serioziteti me të cilin ai ka përpiluar relacionet e abuzimeve për çdo dosje, tani janë një minë me sahat nga e cila nuk mund të shpëtosh duke qëlluar me kapsolla. Edi Rama përpiqet që edhe mbi akuzat për vjedhje, të operojë me të njëjtin model duke u krahasuar me paraardhësit e vet. Unë nuk di nëse është apo jo abuzues Brojka dhe Kelmendi, por di që ata nuk i janë trembur ballafaqimit gjyqësor dhe publik për përgjegjësitë e tyre. Edi Rama po. Ai bëri ç'kishte në dorë ta sabotonte këtë Komision, por nuk ia arriti. Tani që erdhi ora e gjykimit, ai mendon se do të shpëtojë sipas modelit, që kush ka bërë punë më shumë i takon, për të vjedhur më shumë.



Copyright © Media Enter 2003

[Brari]

Orku..ku jane ato shkrime tjera te Altin Xhaferit?

Vertet ai djal shkruan bukur.

Suksese atij ne demaskimin e Hajdutve.

Nuk di ne se PD ka vendos ke do kandidoje ne Bashki dhe nuk di si e mendon PD kryetarin e ardhshem te Bashkise.

Tirana eshte qytet ( per mendimin tim) qe e ka mbaruar ose e ka konsumuar teper procesin e zgjerimit.

Ne tirane duhet bere stop gratacielave.
Tirana ska as det as nje lum si Buna ose Vjosa per tja hedhur tonelatat me m-ut diku.

Lana qe ka 60 vjet qe eshte vec nje prrua qe con m-ut ne Det e qe nuk ka fuqi te dergoje me as shu-rren e Nanos e jo me dhe te Kuksiano-Tepelenasve qe e kan dyfishuar.
Qe ne vitet 60 duhej ndaluar ndertimi ne Tirane dhe ajo qe ish te ri-ndertohej e modernizohej.

Shqiperia nuk ka nevoje per zgjerim Qytetesh sepse asnje qytet nuk i ka ato mundesi.
Qytetet Shqiptare jane fshatra te cilat u ben fshatra para 100- 200 vjetesh dhe nji fshat nuk behet dot qytet sepse ska fuqi as teknik Shqiperia te konceptoje e ndertoje qytete.
Ne Shqiperi jane bere ARNIME e jo konstruktime moderne.
Pamvaresisht se nje grataciel e sotme ne Tirane duket moderne por kablli elektrik qe ushqen ate eshte i konceptuar per barake aksionesh. Tubat e m-utit jane te konceptuara per lagje Bombeji.
Shkurt asgje qe mund ti thuhet RRJET INXHINIERIK nuk ka as TIRANA e as nji qytet tjeter.

Duhet nji konceptim i ri ne Shqiperi qofte per qytetin e fshatin qofte per administrimin e TOKES..




Dalim tek TOKAT.

Toka bujqesore po shkaterrohet nga ndertimet e boseve fshatare te DROGES te cilet ne fushat me pjellore qe duhet te prodhojne buk e qumesht per sot e per neser ndertojne vilat e tyre beton arme 3-e 4 katshe.

Kjo eshte padrejtesi sepse keta fshatare hajdute nuk e meritojne ate TOKE.
TOKA bujqesore eshte PASURI KOMBETARE dhe duhet drejtuar e organizuar mbi te PRODHIMI bujqesor blegtoral i udhehequr nga Shkencetaret tane Agro-veterinar.

Shqiperia nuk ka TOKE si RUSIA qe te mbjelle vilen e tije motell-Bordell ku te doje nje hajdut qaflesh i llojit te Gezim Celave e Lul Berishave e sorrollop.
JOOOO

TOKA BUJQESORE ka dy ZOTER.

Zotin- NATYRE qe e krijoi dhe ZOTIN- NJERI qe punoi mbi te me shkence e pasion nji jete te tere.

Ky zoti- njeri eshte jo ai fshatari qe sot rastesisht e pa merite gjendet mbi ato toka te bekuara por eshte SHTETI SHQIPTAR i cili qe me 1920 dergoi jashte djemte e tij dhe i beri agranome e Veterinere e ata punuan keto 80 vjet e pergatiten kuadrot e tjere shkencore dhe e bene Token Shqiptare kte qe eshte.

Ata jetojne ne kate te treta pallatesh te qelbura qytetesh dhe duke ju dridhur dora blejne nje tuf majdanoz sa frangu pulen te nje zorraxhi matrapaz fshati.

TOKA duhet RREGULLUAR qe te jete SIGURIA per buke e nji populli sot e MOT.

Ruset le ti ndajne tokat....ata kane hapsira pa fund.

Neve na duhet nji rruge tjeter.

...

[Orku]

Brari me pare ato shkrime kane qene ne ish webin e Temes. Do te mundohem ti gjej dhe nese arrij do t'i postoj te dyja.

[ganoid]

Faji i Edit

Nga apartamenti i tij ne kate te 12 fatos nano mund te shikoje se cndodh poshte ne Tirane. Ndoshta do te kopjoje dicka nga kryetari i bashkise piktor, ose ndoshta jo. "Pjesa tjeter e Shqiperise", eshte duke pritur vazhdimin e historise.

nga Luigi Lusenti

"Tirana dhe pjesa tjeter", ku pjesa tjeter eshte i gjithe vendi. Keshtu e mendojne shqiptaret dhe vezhguesit e huaj nuk mund te bejne gje tjeter vecse te bien dakord. Tirana eshte ne mes te reformave te nxitura nga kryebashkiaku piroteknik i saj, Edi Rama. Inteligjenca e do, qytetaret e mesem duken indiferente. Kjo ndoshta sepse shumica e nderhyrjeve te kryebashkiakut piktor kane si skene vetem qendren e kryeqytetit.

"Downtown", u pelqen ta quajne te entuziazmuar fansat e Rames, duke perkufizuar keshtu nje nga lagjet me shtate apo tete pallate, qe te kenaqin syrin nga ana estetike e me njezete apo me shume kate, me vetrata te medha e tarraca te bukura. Ne katet e poshtme lokale te modes, dyqane luksi, pika interneti dhe shume, vileza te blinduara ku jane strehuar ambasada, konsullata, agjenci nderkombetare dhe banka. Cdo vile ekspozon flamurin e vet, targat e saj, fuoristradat dhe njerezit e vet te armatosur.

"Downtown" tashme e ka shpergulur qendren e vjeter te kryeqytetit, sheshin "Skenderbej". Sheshi i heroit kombetar, zgjerimi ne fund te bulevardit te madh, imazhi qe kane fiksuar te gjitha televizionet e botes gjate trazirave te vitit '97, tashme eshte ne nje gjendje te braktisur. Dy pallate te epokes fashiste kane nisur te degradojne me te shpejte ne mes plehrave, lypsave apo kafsheve rrugace. Edhe Hotel Tirana, nje paralelopiped xhami dhe cimentoje, i ndertuar ne vitet '80 nga nje sipermarrje italo - shqiptare, qe mblidhte deri para pak viteve politikanet dhe biznesmenet, xhambazet e zote dhe trafikantet e vegjel, nuk eshte me ai i njehere e nje kohe. Kete e kane vene re edhe shitsesit ambulante me ngjyre qe me nje zgjuarsi si prej afaristesh kane nisur te spostohen drejt "4 yjeve" te Downtown.

Por pjesa tjeter, Shqiperia tjeter, nuk eshte jashte Tiranes. Ajo lind pikerisht ne qender, ne rruget e gjata qe shtrihen drejt periferise, drejt pjeses se jashtme te kryeqytetit. Ketu Edi Rama ka lyer me boje te verdhe, limoni dhe te kuqe te ndezur fasadat e shumices se shtepive dhe asgje me teper. Kur te degjojne te thuash emrin e kryebashkiaut, banoret e periferise ecin me tutje pa u ndalur per te bere komente. Kane nje tjeter problem per te zgjidhur, problemin e mbijeteses. Dhe atij i kushtohen me dinjitet.

Por nje gje duhet thene: qe ne ndryshim nga pjeset e tjera vendit, vetem ne Tirane mund te shihen gjurmet e ndihmes nderkombetare te dhene per kete vend. Sepse pjesa tjeter e kesaj ndihme nuk ka mjaftuar te ndricoje Shqiperine e cila eshte e detyruar akoma te jetoje edhe pa tete ore drita ne dite?

Po kush eshte konkluzioni atehere: Mos kemi te bejme me nje kryetar bashkie te mire dhe me nje qeverisje te keqe?

Eshte shpejt per ta thene, pasi zgjedhjet e tetorit ku do te zgjidhet qytetari i pare i kryeqytetit mund te rezervojne ndonje surprize. Kryebashkiaku piktor eshte i dyshuar per korrupsion. Nje komision parlamentar eshte duke hetuar, nese kryetari i tanishem i bashkise do te akuzohej, atehere rikandidimi i tij do te vihej ne loje. Korrekte apo jo, loja e Ballkanit nuk eshte e re dhe identifikohet me cdokend qe merret me politike. Faji i Edi Rames eshte se ka qendruar larg luftes se zoterinjve te pushtetit qe prej nje dhjetevjecari po mbajne peng Shqiperine: Sali Berishes, lider i Partise Demokratike dhe i veriut te vendit dhe Fatos Nanos, kryeministrit socialist zot i pjeses tjeter.

Fatos Nano, kryeministri fuqiplote, ka blere si rezidence private dy katet e fundit te njerit prej pallateve me te larte te Tiranes. Pothuajse nga te gjitha pjeset e qytetit, banoret qe japin voten, mund te ngrejne kokat drejt vetratave te medha gjithnje te ndricuara. Edhe Fatos Nano mund t'i hedhe syte poshte. Ndoshta do te kopjoje dicka nga kryetari i bashkise piktor, ose ndoshta jo. "Pjesa tjeter e Shqiperise", eshte duke pritur vazhdimin e historise.

[Dita]

Prangat presin Ramën për 80 milionët e "ALBA TV"


Komisioni hetimor ka bërë publike dje dosjen e "ALBA TV", e cila provon një tjetër skandal të kryebashkiakut Rama gjatë periudhës që ka qenë ministër Kulture. Edhe publikimi i kësaj dosjeje është shoqëruar me dabate të shumta në komision hetimor. Komisionerët socialistë herë pas here kanë kërcënuar me faktin se dosjet e tyre do t'i çojnë në prokurori për të kërkuar fillimin e ndjekjes penale ndaj ish-drejtuesve të bashkisë së Tiranës, por kur deklarimi i tyre është përshëndetur nga kreu i komisionit hetimor ata kanë dëgjuar në heshtje dosjen në fjalë. Ajo hedh dritë mbi abuzimet financiare dhe ligjore të Edvin Ramës. Si rezultat i këtyre abuzimeve shtetit i është shkaktuar një humbje prej 13. 653. 093 lekë, përfshi këtu edhe 7% të shumës që i është paguar Përmbarimit për ekzekutimin e vendimit të gjykatës, e cila me vendim të formës së prerë detyron "ALBA TV" të shlyejë detyrimet ndaj shtetit.



Marrëveshja e paligjshme mes Edvin Ramës dhe “Alva-TV”

Duke iu referuar dosjes së bërë publike në komisionin hetimor në datën 15 gusht të vitit 2000 me nr.2771 prot., është nënshkruar një kontratë mes zonjës Irena Dule, e cila përfaqësonte ministrinë e Kulturës me autorizim të Edvin Ramës, dhe Qendrës Ndërkombëtare të Kulturës, e cila i fal në mënyrë të paligjshme "ALBA TV" një detyrim prej 7. 999. 755 lekësh, që ky televizion i kishte QNK-së në formë qiraje për ambientet që kishte zënë. Në total "ALBA TV" i detyrohej shtetit një shumë prej 15.9 milion lekë, ndërsa nga kjo shumë Rama i ka falur këtij televizioni shumën prej 80 milionë lekësh, ndërsa rreth 27 milionë lekë të tjera ALBA do t'ia shlyente shtetit duke transmetuar disa spote publicitare, të cilat përfshihen në marrëveshjen e nënshkruar. Shuma prej 80 milionë lekësh, në bazë të vendimit të formës së prerë të gjyqësorit shqiptar duhej të derdhej në buxhetin e shtetit nga "ALBA TV", ndërkohë që ajo është falur nga akt-marrëveshja e mësipërme. Duke iu referuar deklaratave të bëra nga zonja Dule, deklarime që përfshihen në dosjen e komisionit, si dhe përfaqësuesit të QNK-së, të dy nënshkruesit e kontratës janë thirrur në zyrë nga ish-ministri Rama, i cili u ka kërkuar atyre hartimin e një marrëveshjeje, sipas të cilës "ALBA TV" do të shpëtonte nga falimentimi. Sipas deklarimeve të bëra nga nënshkruesit e kontratës, kjo marrëveshje është mbikëq_yrur dhe aprovuar nga titullari i MKRS-së Edvin Rama. Në dosje thuhet se në akt-marrëveshjen e 15 gushtit 2000 vlera prej 15. 904. 840 lekësh që "ALBA TV" i detyrohet MKRS-së dhe QNK-së, konsiderohet si objekt, ndërkohë që në asnjë rast nuk përcaktohet vlera e falur dhe vlera e negociueshme. Nga analiza që i është bërë akt-marrëveshjes nga kontrollet e njëpasnjëshme, Edvin Rama i ka falur pa kushte dhe pa asnjë qëllim fondin prej rreth 80 milionë lekësh "ALBA TV", si dhe është vendosur fondi prej 2.709 milionë lekësh për blerjen e 753 spoteve tek ALBA me nga 25 $ për spot, spote këto të patra_nsmetuara dhe të pafaturuara, gjë që vër_tetohet edhe nga shkresa e shefes të financës së MKRS-së. Në total si rezultat i marrëveshjes shteti shqiptar nuk ka arkëtuar fondin prej 13.4 milion lekësh, ndërsa akt-marrëveshja e mësipërme është kërkuar të prishet nga ish-ministrja e Kulturës Uruçi, në një kohë kur në 25 nëntor 2002 MKRS-ja i ka kërkuar gjykatës së Tiranës zgjidhjen e kontratës në fjalë si të pabazuar ligjërisht.




--------------------------------------------------------------------------------

Kontrata Rama-Kokëdhima nuk është shoqëruar me bilanc të ekspertëve të liçensuar, nuk është shoqëruar me proçes-verbal të dorëzimit të pasurisë, çka do të thotë se ajo i është falur Koço Kokëdhimës pa inventar. Si rezultat i shkeljeve ligjore të lidhjes së kontratës, dëmi ekonomik i shkaktuar llogaritet në 30 milion lekë

Kokëdhima, pronar i paligjshëm i "Sportit Shqiptar"

Komisioni hetimor parlamentar për hetimin e bashkisë së Tiranës dhe Ministrisë së Kulturës, ka filluar dje publikimin e dosjeve që janë hetuar nga ky komision. Kreu i komisionit hetimor, deputeti Sokol Olldashi, ka paraqitur para komisionerëve dy nga dosjet, që i përkasin kohës kur Edvin Rama ka qenë ministër kulture, dhe përkatësisht kontratave apo marrëveshjeve që ai ka lidhur në atë kohë me Koço Kokëdhimën për gazetën "Sporti Popullor", e cila aktualisht menaxhohet nga sh.a. "Spektër", një nga shoqëritë e Kokëdhimës. Publikimi i dosjes në fjalë, e cila pasqyron shkeljet financiare dhe ligjore të ish-ministrit Rama ka shkaktuar debate të shumta në komision dhe pothuajse gjatë gjithë kohës komisionerët socialistë kanë humbur totalisht kontrollin. Për minuta të tëra komisionerët e PS-së, përveçse janë shfaqur avoketër të Edvin Ramës, kanë krijuar tensione në komision dhe kanë tentuar të prishin mbledhjen, me synimin e vetëm, mospublikimin e dosjeve në fjalë. Ndonëse kjo dosje cilësohet si ndër më të voglat përsa u takon shkeljeve dhe abuzimeve, ajo nxjerr në pah sesi ka vepruar kreu aktual i bashkisë, për kohën kur ka qenë ministër kulture, dhe sesi ka vepruar ai në kundërshtim me ligjet dhe aktet nënligjore. Komisionerët e PS-së kanë kërkuar mospublikimin e dosjeve nën preteksin se ata nuk i kishin parë ato dhe nuk mund të dëgjonin konkluzionet, të cilat jepeshin nga komisionerët e opozitës. Gjithsesi kjo nuk ka penguar kryekomisionerin Olldashi që, me gjithë zhurmën e krijuar në komision, të bënte publike dosjen si dhe abuzimin financiar prej qindra milionë lekësh.



Marrëveshja Kokëdhima-Rama për "Sportin"

Duke iu referuar dosjes, - e etiketuar "Gazeta Sporti", e cila ka qenë nën varësinë e ministrisë së Kulturës deri në vitin 1999, - ministri i atëhershëm i Kulturës, Edvin Rama, ia dha të drejtën e menazhimit për këtë gazetë, shoqërisë anonime "Botimet Periodike Spektër", pronë e Koço Kokëdhimës. Dosja hedh dritë mbi veprimet e paligjshme të Edvin Ramës si dhe favorizimet që i ka bërë Kokëdhimës për marrëveshjen në fjalë, si dhe dëmin pasuror prej 30 milion lekësh që i është shkaktuar shtetit dhe ndërmarrjes që menaxhonte gazetën 'Sporti' përpara se ajo të bëhej pronë e Kokëdhimës. Paligjshmëria e kontratës Kokëdhima-Rama vërtetohet edhe në faktin se në vitin 2002, datë 19 dhjetor, ministria e Kulturës ka kërkuar nga Gjykata e Tiranës prishjen e kontratës për gazetën "Sporti", duke e argumentuar këtë kërkesë padi me paligjshmërinë e kontratës së lidhur nga Rama.

Më konkretisht, në dosje thuhet se në 24 mars 1999 mes Edvin Ramës dhe Koço Kokëdhimës është nënshkruar një kontratë menazhimi në lidhje me gazetën "Sporti Popullor", sipas të cilës sha Spektër merrte përsipër të shlyente borxhin prej 1.3 milion lekësh që gazeta "Sporti" i kishte shtypshkronjës Demokracia, si dhe merrte përsipër vazhdimësinë e kësaj gazete nën përgjegjësinë financiare dhe me mjetet e saj financiare. Kontrata Rama-Kokëdhima përveçse bie në kundërshtim me ligjin 7582 "Për ndërmarrjet Shtetërore", është lidhur pa marrë miratimin e Këshillit Drejtues të gazetës "Sporti", i cili ka qenë i vetmi organ administrativ i kësaj ndërmarrjeje. Sipas dosjes në fjalë e cila u bë publike nga komisioni hetimor, kontrata Rama-Kokëdhima nuk është shoqëruar me bilanc të ekspertëve të liçensuar, nuk është shoqëruar me proçes-verbal të dorëzimit të pasurisë, çka do të thotë se ajo i është falur Koço Kokëdhimës pa inventar. Dosja përmban shkresat që administrata e shtypshkronjës "Demokracia" provon se Kokëdhima nuk ka derdhur asnjë qindarkë për llogari të gazetës "Sporti", duke krijuar një detyrim të gazetës ndaj shtypshkronjës në masën e rreth 1.5 milion lekëve. Sipas dokumentave që shoqërojnë këtë dosje Ministria e Kulturës nuk ka asnjë informacion zyrtar mbi zbatimin e kontratës së lidhur 4 vjet më parë apo mbi veprimtarinë e redaksisë së gazetës "Sporti" pas nënshkrimit të kontratës. Kontrata Kokëdhima-Rama është cilësuar në kundërshtim të plotë me ligjin edhe nga KLSH-ja, kontestimet e së cilës përfshihen në raportin përfundimtar për periudhën janar '99- dhjetor 2000. Sipas dokumentave zyrtare që përfshihen në dosje KLSH-ja në kontrollin e kryer ka verifikuar se kontrata e firmosur nga Rama dhe Kokëdhima është pa sigël dhe se ajo nuk është hartuar nga sektori juridik i Ministrisë së Kulturës.

Duke iu referuar dokumentave të dosjes "Sporti Shqiptar", përgjegjësja e zyrës juridike në ministrinë e Kulturës, Nikolina Gjordeni, sqaron se nuk ka pasur asnjë dijeni për këtë kontratë dhe kushtet e saj. Gjordeni në sqarimin e saj thotë se për këtë kontratë është vënë në dijeni nga akti i verifikimit të inspektorëve të KLSH-së dhe fakti që kontrata nuk ka sigël tregon se ajo është redaktuar jashtë sektorit juridik.



Çfarë përmban kontrata?

Kontrata e nënshkruar më 24 mars 1999 përbëhet nga katër pika të saj dhe ajo është firmosur nga ish-ministri i Kulturës Edvin Rama dhe presidenti i sh.a. "Spektër" Koço Kokëdhima. Në pikën 1 të saj, thuhet se Ministria e Kulturës ka në varësi të saj redaksinë e gazetës "Sporti Shqiptar", e cila ka marrë statusin e një ndërmarrjeje shtetërore me vetëfinancim dhe funksionon në bazë të ligjit 7582. Sipas kësaj pike, gazeta është në gjendje financiare të dështuar dhe ka një borxh më të madh se 1. 3 milion lekë që rezulton nga kontrolli i MKRS, pra aktualisht aftësi paguese. Në pikën 2 dhe 3 të marrëveshjes Rama-Kokëdhima thuhet se sh.a. "Botimet periodike Spektër", merr përsipër detyrimin e sigurimit të vazhdimësisë së botimit të kësaj gazete nën përgjegjësinë e saj me mjetet financiare, si dhe sh.a. "Spektër" merr përsipër likujdimin e shumës 1.3 milion lekë ndaj të tretëve.



Gazeta TemA

[Albo]

Interesant per mua ne kete debat eshte papergjegjshmeria si shtetas te denje shqiptare e nje pjese te madhe te shqiptareve. Per shume nga ju debati shtrohet:

Duhet te hetohet Edi Rama apo jo?

duke anashkaluar ate me esenciale qe prek direkt interesin e cdo shtetasi shqiptar qe jeton ne Tirane. Pyetja qe cdo shtetas shqiptar duhet te ngreje eshte:

Ka abuzuar Edi Rama dhe administrata e tij me taksat dhe pushtetin e votebesuar nga zgjedhesit si kryetar bashkie apo jo?

Ato miliona me te cilat luan Rama, jane taksat qe paguajne mesuesit, shoferet, banoret e Tiranes, biznesmenet e vegjel e te medhenj, shitesit ambulante e kushdo qe jeton e punon ne Tirane. Pra jane parate tuaja te dashur shqiptare, nuk jane "parate e mjerkut shtet". Ju e mbushni arken e shtetit dhe arken e Edi Rames. Nese Rama dhe njerezit e administrates abuzojne dhe vjedhin, nuk vjedhin parate e opozites por te shqiptareve.

Argumenti i dyte qesharak, qe eshte bere tashme mentalitet i pergjithshem i shume prej jush qe shkruani ne forum, eshte se: "Te gjithe vjedhin, por ne duhet ta falim Edin pasi Edi beri dy gjera per Tiranen". Pra per keta bashkekombas te mi, paska hajdute te mire dhe hajdute te keqinj. Pra ligji duhet perthyer qe te akomodoje hajdutin e mire Rama, dhe te ndeshkoje vetem hajdutin e keq qe vetem vjedh dhe nuk ben gje per popullin e thjeshte. Ky lloj te menduari eshte thelbi i fatkeqesise se vertete te shqiptareve, eshte kjo arsyeja perse prokuroret nuk hetojne, qe kriminelet dhe mafiozet e shtojne pushtetin e tyre nga dita ne dite, pasi populli hesht dhe e pranon realitetin e shthyrrur qe jeton.

Argumenti i trete qe une dua te ngreh ne kete debat, eshte argumenti i injorances se shoqerise shqiptare. Duke qene se kemi ngelur rreth 50 vjet mbara ne mentalitet, e kemi patur paksa te veshtire qe te kapim mentalitetin perendimor ne lidhje me rrugen se si zhvillohet shoqeria shqiptare. Une ne forum apo ne jeten e perditshme lexoj shpesh njerez qe pasi kthehen nga Shqiperia, gezohen me pallatet shumekateshe, me hotelet me 5 yje te Sarandes, me kartodromet madheshtore te Lundres dhe hidherohen kur mesojne se njerezit e aferm te tyre qe gjithe jeten kane qene me rroga buxhetore, kthen me ato 150 000 leket qe marrin rroge ne muaj qe nuk dalin per te blere as ushqimet e muajit. Teksa ju gezoheni per te tilla "vepra madheshtore", dhe mundoheni ta krahasoni zhvillimin e Shqiperise me keto "vepra", une ligeshtohem pasi e di qe ata qe i ndertojne keto jane ata qe shesin drogen, armet, femrat e deri femijet shqiptare dhe me ato leke "mahnisin" shqiptaret. Teksa keta krijojne monopole, ne rruget shqiptare krijohen tragjedi ku njerezit qe nuk e perballojne dot me jeten kalojne ne depresion te thelle derisa marrin edhe jeten e tyre.

Per ta mbyllur ne fund me nje perfundim timin qe kam thene shpesh ne kete forum. Ne Shqiperi nuk behet politike pasi po te behej problemet e shoqerise shqiptare nuk do te shtoheshin por do te gjenin zgjidhje, dhe me shume se sa "problemi Rama", ky eshte nje krize e thele morali per gjithe shoqerine shqiptare. Nuk behet me fjale nese Tirana dhe mbare Shqiperia duhet te kete nje kryebashkiak demokrat apo socialist, behet fjale nese do te vazhdohet me moralin e rruges apo me moralin njerezor qe e cmon dhe vlereson cdo popull njesoj.

Nese Tirana ka nje kryebashkiak qe shkel ligjin, abuzon pushtetin dhe perdor nje fjalor rruge, ai nuk eshte turp vetem per socialistet por per gjithe Tiranen dhe mbare Shqiperine. Tirana nuk eshte kryeqytet vetem i atyre qe banojne ne Tirane, por i mbare Shqiperise.

[Henri Anderson]

Shkrimi i Altinit eshte shume i arritur nga ana artistike. Nese do me duhej ta vlersoja artistikisht ai meriton graden A+.
A eshte sjelle ky shkrim ketu per te na treguar sa bukur shkruan Altini apo per te na thene se Edi Rama nuk punon mire. Per kete te dyten Altini meriton R.
A mundet ndokush te me shpjegoje pse ky "Altini" nuk shkruajti kur Tirana po shkaterrohej por po shkruan tash qe ajo po rregullohet? E gjitha eshte tifozllek politik. A me verte ju nuk e kuptoni apo ju vjen per shtat dhe e perkrahni.
Altini i drejtohet madje dhe me termin Idhull i humbur per te na e bere sa me te besueshme ate qe thote se gjoja ai na e paska pasur idhull Edin por tani qe ai s'po punon mire qenka bere ish idhull, idhull i shembur etj. Idhulli i vertete i Altinit eshte Berisha dhe doktrina e tij. Nese ke idhull Edin nuk mund te punosh tek Tema o Altin.
A ka shkruar ndonjehere ky Altini kur e drejtonte Tiranen Kelmendi me Brojken? As qe e ve ne dyshim qe jo. Pse? Sepse ateher Tirana ishte me uje e drita? Sepse ishte e paster? Sepse....? Jo mor jo arsyeja e vetme eshte se atehere qeverisnin ata qe Altini i kishte per zemer ndersa sot ata qe ia i quan "armiq". Nese nuk eshte keshtu a mund te ma shpjegoje ndokush qe di me shume persene?
Do kisha deshire te rishkruaje ne Tetor Altin. Te lexojme se si ju Altineve ju eshte "vjedhur vota"
Ah mer Altin edhe une kam nje te mete te perafert me tenden. Behem gjithmone tifoz me ate qe humb por jo ne politike por ne Sport. Politika eshte interes dhe cilido behet me ate qe i perputhen interesat. Fatkeqsisht ata qe "Altinet" perkrahin permbushin interesat e minorances dhe si rrjedhoje jane ne minorance.
Altin mos peshty larte se te kthehet peshtyma e te bie ne surrat.

[Dita]

nga Henri Anderson

A me verte ju nuk e kuptoni apo ju vjen per shtat dhe e perkrahni.

E ty te vjen per shtat te mos e perkrahesh Henri. A nuk po ben dhe ti tifozllek politik???

Cfaredo qe te ndodhe me zgjedhjet lokale, nuk ka me bukur se kjo qe po ndodh keto kohe, qe Edi Rames po i dalin te palarat nje nga nje. E per kete komisioni qe po punon do te mbetet i nderuar para qytetareve te Tiranes e atyre te krejt Shqiperise.

[Henri Anderson]

Dita!
Me sa me kujtohet mua ne nuk njihemi me njeri-tjetrin, apo jo?

Nuk e di nese e keni lexuar ate qe une shkrova apo i keni hedhur nje sy. Me siguri kjo e dyta do jete. Te lutem riktheju dhe nje here asaj qe une kam shkruar me lart dhe rilexoje. RI-lexoje mire te lutem dhe cito ku eshte tifozlliku im.
Mundesh?

[Henri Anderson]

Ah dhe dicke Dita.
Nese keni kohe pergjigjuni pyetjeve te mia ne ate post. Do te ishte interesante se si ju do te argumentonit.