Komisioni parlamentar "Rama"

[reporter]

Per mendimin tim fatkeqesia kryesore e Shqiperise nuk eshte ndarja e hajduteve ne te mire dhe te keqinj, por fakti se askush prej pozitareve nuk i ndahet dot trashegimise sone vdekjeprurese per t'i bere ndere miqve edhe kur vete mbetet pa gje. Sepse kjo ben qe, sikurse thote edhe ai "Altin Xhaferri", stili i te cilit i ngjan shume analistit titullar te gazetes "Tema", edhe idhujt te kthehen ne djaj me t'u ulur ne kolltuk. Nese tre hallkat e pushtetit shqiptar do te cliroheshin se pari nga ky VES GJENETIK, atehere do te ishte edhe shume me e thjeshte per te nxjerre zbuluar "peshqit e medhenj", korrupsioni dhe lidhjet e te cileve me krimin e organizuar jane absolutisht shume me te rrezikshem sesa banalitetet apo arroganca e nje kryetari bashkie, qofte kjo edhe bashkia qendrore e vendit. Persa i perket ketij te fundit, s'besoj se shumica e shqiptareve te Tiranes ia vene fajin Edi Rames per cilesine e ajrit qe thithin, per togjet e plehrave poshte pallateve, apo s,mbaj mend cfare tjeter permend ai i "Temes". Qe nga viti 1992, ata s'kane pare ndonje investim per t'u mbajtur mend, pervec mbipopullimit te kryeqytetit dhe te drejtorive urbane nga bashkekrahinore te Berishes e te Metes gjate sundimit te tyre. Dhe Meta, e ca me pak Berisha, nuk jane lakuar kushedi cfare per hajdutlleqe ne publikun shqiptar. Por akuzat ndaj tyre, shume prej te cilave sot nuk ekzistojne me per merite te Rames, jane gjendjet e mjerueshme ne te cilat lane rruget kryesore si Unazen, ate te Durresit apo te Elbasanit. Apo Lanen e kioskat anektodike te parkut Rinia. Duke anashkaluar keto, personazhe si ai Xhaferri me bejne te besoj se me deklaraten e tij ai i mohon Edi Rames nje vote qe ky i fundit kurre nuk e ka pasur...

[Dita]

nga reporter

stili i te cilit i ngjan shume analistit titullar te gazetes "Tema",

reporter,

e kini fjalen per kete analist besoj (si vijon)

Shqipëria/Kriminaliteti/Korrupsioni

Korrupsioni dhe krimi prodhojnë Albtraumën shqiptare

Nga Roland Siegloff, DPA



Tirana (DPA) ‑ Me një gotë verë të kuqe në dorë, Mero Baze tregon për mafien. Nis me vdekjen e dhunshme të njërit prej bosëve të tregtisë së hekurit ‑ "për rrethanat në të cilat ndodhet Shqipëria ai ishte i ndershëm". Për arsye se disa ministra të qeverisë shqiptare kanë gisht në aferat e dyshimta të klaneve ‑ "shumica e qeverisë kontrollohet nga tri grupet më të mëdha të mafies". Befas, një bip në celular ndërpret ligjëratën e kryeredaktorit të gazetës së përditshme "TemA". Baze shikon mbi ekranin e celularit dhe vë re mesazhin që i ka ardhur: "Varri yt ka kohë që është hapur", shkruan dërguesi anonim.

A i ke lajmëruar organet e policisë? Kjo pyetje Bazes, i shkakton të qeshur. "Policia është e lidhur ngushtë me qeverinë dhe këto grupe", thotë drejtori i gazetës. Në tre ditë ai ka marrë 15 mesazhe të tilla. E kanë qëlluar me armë zjarri ndërsa i jepte makinës. Ndërsa arma e tij është fjala në gazetë.

E kanë qëlluar me plumba në Mercedesin e tij, pasi "TemA" ka shkruar për afera të dyshimta të një ministri dhe shoferit të tij nga të cilat fitoheshin 300 000 dollarë. "Pastaj unë shkrova: Ata duhet të më padisin", tregon Baze nga jeta e përditshme në Tiranë.

55

apo jo?


Kjo sa per piken 5 ne shkrimin tuaj me pika

nga reporter

5 - nuk ia kane haberit vleres se lirise se shprehjes

Ama liri e madhe shprehje per gazetaret ne Shqiperi. NUk ke c't'i thuash!!!!!!!!








Kurse ne lidhje me punen e kryetarit.

Shume mire qe jane bere ndryshime ne Tirane. Kot nuk po qendron ai si shef i Tiranes qe prej vjeshtes se 2000.

Po nga puna e komisionit pse tronditeni kaq shume. Frike nga rezultati i kerkimeve?

Po qe se eshte i pafajshem, pike do te fitoje.
Po qe se eshte i fajshem, atehere do te gjykojne te tjere e publiku do te kete mundesine te vendose nese me te rendesishme jane ato qe do t'i jene vertetuar, apo ndryshimet qe shohin rrugeve te Tiranes.

[Brari]

Mero eshte pasuri Kombetare.

Natyrisht qe Mafia dhe mund ta vras ndonje dite por do vi nje dite tjeter qe do behet GJYQI i Vertete i Stalinizmit Shqiptar qe nuk u be kurre dhe Mafies do i tregohet vendi...atje ku e meriton..
Ne Biruc..

...

[Brari]

RD
------


Komisionerët e opozitës zbardhin skandalin me 650 mijë markat e koncertit të "Scorpions"

Edvini, për të vjedhur, shkel kushtetutën

Kryebashkiaku ka marrë hua nga Shoqëria e Sigurimeve "Sigal" shumën prej 650 mijë DM apo rreth 300 mijë dollarë. Ky veprim, sipas komisionerëve, bie ndesh me nenin 156 të Kushtetutës, sipas të cilit "shteti mund të marrë dhe garantojë hua apo kredi vetëm kur autorizohet me ligj"

Edvin Rama ka shpenzuar vetëm në dy ditë 650 mijë DM, duke shkelur njëkohësisht edhe ligjin për huamarrjen. Bëhet fjalë për dosjen, e cila ka të bëjë me koncertin e grupit "Scorpions" në datat 4 dhe 5 Qershor 2001. Për abuzimet në zhvillimin e këtij koncerti, kreu i Bashkisë së Tiranës është ndihmuar edhe nga këshilltarët socialistë në Bashkinë e Tiranës, pasi në atë kohë në Këshillin Bashkiak nuk merrte pjesë opozita. Me urdhër numër 348 të Edvin Ramës, e miratuar dhe nga Këshilli Bashkiak, i cili jo vetëm e ka përkrahur këtë vendim abuziv të Edvinit, por atë e ka marrë tre ditë pas daljes së urdhërit. Ndërkohë që duhej të ishte ky i pari që ta aprovonte dhe më pas Edvini të nxirrte urdhëresën e tij për përgatitjen e koncertit, Edvin Rama ka marrë hua nga Shoqëria e Sigurimeve "Sigal" shumën prej 650 mijë DM apo rreth 300 mijë dollarë. Ky veprim, sipas komisionerëve, bie ndesh me nenin 156 të Kushtetutës, sipas të cilit "shteti mund të marrë dhe garantojë hua apo kredi vetëm kur autorizohet me ligj". Pra, zoti Edvin e ka pasur të drejtën për të marrë hua për këtë koncert vetëm me miratim të Parlamentit shqiptar, të cilin Edvini duket se e ka shpërfillur.

Nga ana tjetër, në vendimin e Këshillit Bashkiak thuhej se të gjitha paratë e grumbulluara nga shitja e biletave, duhej të shkonin në arkën e Bashkisë, gjë që sipas relacionit nuk mund të verifikohet, sepse mungojnë kontrabiletat e shitjes. Gjithashtu, sipas relacionit të paraqitur dje, e paligjshme është dhe praktika e pritjes dhe e akomodimit të grupit "Scorpions", pasi shuma është tejkaluar me më shumë se 25 milionë lekë. Për të gjitha shkeljet e evidentuara, kryetari i këtij Komisioni, Sokol Olldashi, propozoi që dosja t'i kalojë Prokurorisë për ndjekje penale.

Fakti



Kemi të bëjmë me një dosje prej 650 000 DM, një nga më skandalozet e Bashkisë së Tiranës, në të cilën dëshmohet se Edvin Rama ka shkelur në mënyrë flagrante Kushtetutën e Shqipërisë, për të shpërdoruar dhe vjedhur paratë e qytetarëve të Tiranës. Neni 156 i Kushtetutës së Shqipërisë sanksionon se, "shteti mund të marrë dhe garantojë hua ose kredi financiare, vetëm kur autorizohet me ligj". Kjo nënkupton se çdo hua apo kredi e marrë nga ndonjë institucion shtetëror duhet që, rast pas rasti, të shndërrohen në ligj, vetëkuptohet nga Parlamenti. Pra, hua dhe kredi merren vetëm me miratim të Parlamentit. Në përputhje me Kushtetutën, Ligji 8652 "Për organizimin dhe funksionimin e qeverisjes vendore", në nenin 16/5 thotë se, "Komuna dhe Bashkia marrin hua për qëllime publike vendore, në përputhje me mënyrën e përcaktuar me ligj". Megjithëkëtë, në dhunim të Kushtetutës, Edvin Rama, më 18.04.2001, propozon dhe vendos në Këshillin e Kulturës së Bashkisë së Tiranës financimin e projektit "Scorpions live in Tirana" me një borxh të marrë nga një firmë private në shumën 650 mijë DM.

Për më tepër, të gjitha veprimet për këtë aktivitet janë kryer tre dite para vendimit të Këshillit Bashiak. Urdhëri 348 i kryetarit të Bashkisë, Edvin Rama, dhe lidhja e aktmarrëveshjes për huamarrjen me kompaninë SIGAL të 650.000 DM janë bërë në të njëjtën ditë, më 08.05.2001, ndërkohë që vendimi antikushtetues i Këshillit Bashkiak për autorizimin e vendimeve të mësipërme është marrë më 11.05.2001, pra tre ditë më vonë. Nëse Këshilli Bashkiak nuk do ta aprovonte projektin, Bashkia e Tiranës automatikisht i detyrohej "Scorpions" 180.000 DM.



Pika 4 e vendimit të paligjshëm të Këshillit Bashkiak , datë 11.05.2001 përcakton se të ardhurat e krijuara nga shitja e biletave për këto 2 koncerte do të derdhen në buxhetin e Bashkisë.

Megjithatë, edhe në historinë e të ardhurave nga biletat ka pikëpyetje, pasi në dosje nuk ndodhen kontrabiletat, që do të mund të vërtetonin numrin e biletave të shitura dhe të saktësonin të ardhurat që Bashkia ka siguruar nga to.



E paligjshme është edhe praktika e akomodimit, ushqimit, transportit, etj., që është miratuar me akt-marrëveshje juridike midis Bashkisë dhe personave të tjerë që do të kryenin shërbimet, pa vendim të Këshillit Bashkiak dhe duke tejkaluar kuotën e shpenzimeve të planifikuara për këtë aktivitet me 2.538.600 lekë. Ky është i gjithë shpenzim i jashtëligjshëm, sepse nuk është paraparë me vendimin e Këshillit Bashkiak, i cili ka miratuar për këtë projekt kulturor, me të gjithë zërat e tij, 650.000 DM.



Për dosjen prej 650.000 DM të grupit "Scorpions" ka patur akuza serioze jo vetëm nga opozita, por edhe nga segmente të Partisë Socialiste.

Kryetari i PS-së, më 03.11.2001, në mbledhjen e KPD-së së PS-së së Kavajës, e akuzoi zotin Rama për shpërdorim të fondeve publike me koncertin "Scorpions" dhe kërkoi që "Edi Rama të përgjigjet për 300 mijë dollarë që i ka borxh Bashkisë për koncertin e "Scorpions".



Për të gjitha problemet e renditura më lart, dosja prej 650.000 DM e "Scorpions" duhet t'i dërgohet Prokurorisë, për të filluar ndjekjen penale dhe për të zhvilluar hetime të thelluara për vjedhjen dhe shpërdorimin e parave të qytetarëve të Tiranës.



PD denoncon korrupsionin, spastrimet politike si dhe abuzimet me fondet publike në TOB

Zana Çela ka shkelur ligjin

Xoxa: "Duke shumëfishuar artificialisht të gjitha preventivat, nga ato për shpenzimet personale e deri tek ato për shfaqjet, stafi i sotëm i drejtuar nga Çela ka hyrë në rrugë korruptive dhe faktet që dalin nga komisioni "Rama" vetëm e vërtetojnë këtë"

Duke iu referuar debatit, akuzave e kundërakuzave, që javën e kaluar kanë përfshirë mediat e shkruara e ato elektronike, mbi abuzimet dhe aktet korruptive në TOB, Departamenti i Artit e Kulturës pranë Partisë Demokratike vëren se:

Nuk është hera e parë që Drejtoria e TOB-it, e "këshilluar" nga tutorët e saj, kërkon që problemet e saj me ligjin, me paaftësinë e saj profesionale dhe me kolektivat e artistëve, t'i kthejë në probleme politike. Duke iu referuar faktit të odiseve së tre vjetëve më parë, kur "tutori" e "menaxheri" i saj kryesor, aktualisht kryetar i Bashkisë së Tiranës (atëherë ministër i Kulturës), arriti me sukses që protestën artistike ta manipulojë në protestë me karakter politik, drejtoria e TOB-it, sot, me të njëjtat mjete e duke bërë shou mediatik e "ndihmuar", padashur, nga TV Shijak me deklarata të keqinformuara (të inskenuara nga vetë Drejtoria), kërkon të kthejë vëmendjen e opinionit publik se prapa akuzave që i bëhen, qëndrojnë kundërshtarë politikë të qeverisë.

E kemi thënë dhe e përsëritim, se drejtimi në TOB nuk ka të bëjë aspak me çështje politike dhe mbështetja që i bëhet asaj, për t'i futur akuzat në këtë proces nga "dishepuj" apo "admirues" privatë, është një përpjekje krejtësisht e kotë.

Drejtorja e TOB-it është thjesht një titullare, emëruar sipas ligjeve në fuqi, por në kundërshtim me kriteret e përzgjedhjes profesionale. Duke iu referuar këtij fakti, ne kemi konstatuar që në fillim të emërimit të saj se:

- Së pari, drejtorja e TOB-it nuk përmbush kriteret profesionale për të drejtuar një institucion si TOB-i.

- Së dyti, duke qenë një shërbëtore e papërgjegjëshme e klanit që sot drejton Bashkinë e Tiranës (atëherë Ministrinë e Kulturës), emërimi i saj në këtë post ishte më tepër se i dyshimtë dhe linte të hapur rrugën drejt një drejtimi aprofesional, klanor e korruptiv.

Këto kanë qenë opsionet tona mbi këtë fakt, e në rast se dikush nga partia në fuqi, për arsye private a më tej, kërkon ta mbrojë me verbëri, duke njehsuar veprimet e saj me të partisë së tij, ky fakt është një problem personal i subjektit në fjalë.

Ne nuk mendojmë se institucionet përkatëse si Ministria e Kulturës, Rinisë dhe Sporteve apo institucionet nga varet kjo ministri, e shohin nën këtë prizëm gjithë odisenë e dëshpëruar të Drejtorisë së TOB-it, të inskenuar, e nënvizojmë, nga vetë ajo.

Nga ana tjetër, duke kërkuar që shtypi dhe opinioni të informohet drejt mbi veprimtarinë e stafit që drejton aktualisht TOB-in, duke përqëndruar vëmendjen tonë si Departament i Artit mbi këtë veprimtari artistike, konstatojmë se:

1. Gjatë drejtimit të stafit aktual të TOB-it, ky institucion ka regres të theksuar në cilësinë artistike, pavarësisht nga publiciteti i jashtëzakonshëm e i kushtueshëm që bëhet. Deklaratat e drejtores mbi sukseset dhe numrin e rritur të shfaqjeve janë qesharake. Në rast se ajo, kur deklaron këto "suksese", i krahason ato me arritjet e stafit të mëparshëm që ajo zëvendësoi, pra atij të viteve '97- '99, kur në dy vjet TOB-i mezi arriti të realizonte një premierë dhe vetëm 4 shfaqje skenike, Departamenti ynë i jep të drejtë, se në drejtimin e saj TOB-i të paktën arriti të shfaqte 15- 20 vepra në vit. Por në rast se do të bënim krahasim me disa vite më parë, me vitet '94-'96, kur TOB-i mesatarisht realizonte 60-70 shfaqje skenike në vit e gati po kaq në skenat e Italisë, Greqisë, Turqisë, Francës, atëherë del se këto deklarime s'janë veç mashtrime të rastit.

Gjatë drejtimit të stafit aktual të TOB-it u dëmtuan rëndë kolektivat artistike, në disa drejtime: Së pari, u fut fryma e përkatësisë politike, që deri atëherë nuk ekzistonte dhe kolektivat u ndanë në militantë e simpatizantë të PS-së (nënkupto të saj) e në armiq të tyre; së dyti, me veprimet e saj (të mbështetura fuqimisht e shtetërisht nga "tutori" i saj), duke pushuar nga puna në mënyrë të paligjshme shumë artistë e personalitete të këtij institucioni, fryma e punës në TOB u zëvendësua me atë të frikës, të servilizmit dhe spiunazhit vullnetar; së treti, duke shumëfishuar artificialisht të gjitha preventivat (në krahasim me të mëparshmet), nga ato për shpenzimet personale e deri tek ato për shfaqjet, stafi i sotëm ka hyrë në rrugë korruptive dhe faktet që dalin nga Komisioni "Rama", vetëm e vërtetojnë këtë. Së katërti, duke shkelur ligjin, drejtorja e TOB-it, nën titullin producent e si titullare e këtij institucioni, thith investime nga buxheti i shtetit dhe i menaxhon ato nga shoqata personale, ku ajo është presidente, e që e pakta, ligjërisht përbën shkelje të hapur interesash. Së pesti, drejtorja e TOB-it dhe stafi i saj kanë përgjegjësinë morale e ligjore të prishjes së programacionit të ngritur me aq mund, me aktivitetet jashtë vendit, me institucione analoge apo në aktivitete të ndryshme ndërkombëtare. Së gjashti, e ndoshta më e rëndësishmja, drejtorja e TOB-i dhe stafi i saj mbajnë përgjegjësi morale e ligjore që me drejtimin aprofesional, klanor e jo stimulues për artistin, e kthyen edhe njëherë teatrin në vitin '91, kur artistët morën rrugët nga sytë këmbët.

Dhe tani, mjerisht e fatkeqësisht, TOB-i i kthyer në ato kohëra mezi arrin të realizojë disa shfaqje (që vishen nga jashtë me lluks e potere mediatike), vetë duke ftuar artistë të huaj e duke harxhuar shuma të mëdha financiare. Mjaft të përmendim dëbimet në mënyra të ndryshme të artistëve Bujar Llapaj, Suzana Turku, Agron Xoxa, Manjola Nallbani, Hysen Koçia, Gjergj Sulioti, Agim Duro, Petrika Rembeci, Besnik Dashlani, Fatos Jaho, Ilir Mërtiri, Alban Zadeja, Andrea Canaj, Adrian Xhema, Josif Gjipali, Shpresa Terezi, Skënder Jergeni, Edmond Tullumani, Besim Mesiti e shumë të tjerë, që për arsye vendi nuk mund t'i përmendim të gjithë, për të dhënë një tablo të përafërt të masakrës artistike të drejtimit në TOB. Nga ana tjetër, Departamenti i Art-Kulturës nuk i ka lidhur e nuk i lidh artificialisht sukseset e një teatri, të artistëve të tyre e të spektakleve të veçanta, si opera "Nora" apo baleti "Katedralja e Parisit", të realizuara gjatë kësaj periudhe, si suksese të stafit drejtues, por e sheh punën e drejtuesve nëpër institucione në kuadër të përgjithshëm, duke bërë bilance e krahasime profesionale. Nën këtë pikëvështrim, e nënvizojmë, jashtë publicitetit të jashtëzakonshëm mediatik, të cilin ajo di ta bëjë vërtet mirë, puna në këtë institucion, siç detyrohet ta pranojë dhe vetë ministrja e Kulturës, ka patur të meta të mëdha në drejtimin artistik dhe në atë të kuadrit ligjor.

Por Departamenti i Artit dhe Kulturës është i ndërgjegjshëm se nga institucionet përkatëse sot, askush s'do ta vërë para përgjegjësisë ligjore e morale drejtoren e TOB-it, sepse akoma në Shqipëri veprimtaria e një titullari shihet si veprimtari e partisë në fuqi. Edhe në rast se ajo do ndërrohet, e drejta do të vihet në vend, vetëm atëherë kur vetë drejtësia të ndërrojë e të reformohet, se vetëm kështu drejtësia do të arrijë të bëjë detyrën, një detyrë vërtet e vështirë, sepse elemente veprimtarish të tilla e me personazhe të komplikuara, me mbështetje të dyshimta, ne i takojmë sot për fat të keq kudo.

Agron Xoxa

Drejtor i Departamentit Art-Kulturë



Ziso Kristopulli kërkon të rifitojë nga PS pularinë

Përse mashtron i ziu Ziso

Ziso Kristopulli shpreson që pas gjithë këtyre keqpërdorimeve të tij, t'i falen edhe borxhet ku është zhytur nëpërmjet kredimarrjes në bankat shtetërore

Ziso Kristopulli është vënë ditët e fundit në qendër të mediave për një ngjarje të ndodhur shumë vite më parë. Ajo që bie në sy në deklaratat e Zisos janë kontradiksionet e mëdha. Të gjitha këto kontradikta në deklaratat e tij hedhin dritë mbi të sotmen e Zisos, i cili është një tregtar i falimentuar dhe i mbytur në borxhe.

Ziso shpeson që pas gjithë këtyre shërbimeve të kryera ndaj PS dhe personave të caktuar që kanë fabrikuar të tilla deklarata qesharake t'i kthehet pularia, që i është konfiskuar dhe i është shitur jo në kohën e qeverisjes së PD-së, siç thotë ai, por në kohën e qeverisjes socialiste. Gjithashtu sipas njerëzve të afërt të tij ai kërkon t'i falen borxhet ku është zhytur nëpërmjet kredimarrjes në bankat shtetërore.

Këto kërkon t'i arrijë, duke luajtur rolin e viktimës, por edhe duke marrë pozat e heroit të harruar apo të liderit socialist të rënë nga vakti. Në se ai është keqpërdorur apo keqtrajtuar, kjo është një gjë tjetër. Motivet e keqpërdorimit dhe keqtrajtimit le të zbardhen në dritën e së vërtetës. Problemi qëndron në rrugët me dredha që ai ka zgjedhur për realizimin e këtyre synimeve.

Të dhënat që jepen nga vetë ai apo nga ata që janë prononcuar rreth kësaj çështjeje, dalin shumë kontradiktore. Zisoja thotë se Armando Loshi, i prezantuar si gazetar austriak ka qenë tek ai për 12 ditë rresht në muajin gusht '95, ndërsa Fatos Klosi, ish-kreu i SHISH-it thotë se Armando Loshi ka qenë në lokalin e Zisos një orë para se atë ta rrëmbenin. Kujt i duhet besuar në këtë rast? Po kështu, Kristopullos deklaron se Resmiu (ai e ka emrin Remzi) është një burrë i hollë, i gjatë, pak tullac, ndërsa po ky njeri në një deklaratë tjetër thotë se nuk e ka parë ndonjëherë personin në fjalë. Seria e gënjeshtrave vazhdon me të tjera broçkulla, kur merr trajtat e një heroi disident, i cili është përballur kaq shumë me PD-në e Ksamilit e të Sarandës, sa që e paska dërrmuar fare atë, nuk e ka lejuar të kalojë kufirin nga shtatë deri 12% në zgjedhjet qëndrore e lokale. Sipas të dhënave të konfirmuara nga institucionet zgjedhore, në zgjedhjet e 22 marsit '92 në këtë zonë ka fituar kandidati i PD-së, Ridvan Bode.

Në zgjedhjet lokale të tetorit '96, kur u krijua Komuna e Ksamilit, ka fituar kandidati i PD-së, Astrit Oruçi. Në zgjedhjet lokale, të vitit 2000 dhe ato parlamentare të 2001 PD dhe aleatët e saj kanë arritur shifrën 45%, pavarësisht manipulimeve të partisë në pushtet. Sipas burimeve të mirinformuara nga Ksamili, Ziso Kristopulli nuk ka qenë ndonjëherë kryetari i PS-së, siç pretendon. Ai ka qenë kryetar i Partisë Agrare gjatë kohës kur ka qenë Xhuveli ministër i Bujqësisë.

Gjatë kësaj periudhe është emëruar drejtor në Ndërmarrjen e Peshkimit, por është shkarkuar nga Duka për abuzime me detyrën. Gjatë zgjedhjeve lokale të tetorit 2000 ka kandiduar për kryetar komune si kandidat i PBDNJ-së dhe kanë marrë më pak se 10% të votave. Tani nuk është e qartë se me ç'parti është? Pra nuk kemi të bëjmë me ndonjë person me atribute politike, siç propagandohet për qëllime dizinformimi. Siç del nga analiza e të gjithë fakteve, në këtë mesele ngatërrohen pulat e Zisos, SHISH-i dhe puçi mediatik. Koha do të filtrojë gjithçka e do të flasë për këtë histori.

B.K



Pas deklaratave të Kristopulos, reagon PD Sarandë

"Ziso, mjaft gënjeve"

Dega e PD Sarandë ka reaguar dje ndaj intervistave të parapërgatitura në disa media të Ziso Kristopulosit, banor i Komunës Ksamil.

Për sa i përket ngjarjes, Dega e Partisë Demokratike Sarandë mbështet organet kompetente për zbardhjen në mënyrë të pavarur të saj.

PD-Sarandë mohon që Ziso të ketë qenë kryetar i PS Ksamil në periudhën ku ka ndodhur ngjarja. "Zoti Kristopulos deklaron se në periudhën që ka ndodhur ngjarja, ka pasur funksionin e kryetarit të PS për Ksamilin, gjë që nuk është aspak e vërtetë.

Për sa i përket rezultateve të PD në Komunën e Ksamilit që zoti Ziso deklaron se "nuk shkojnë më shumë se 12%", jemi të detyruar t'i kërkojmë zotit Ziso, partisë së tij dhe sejmenëve të saj mediatikë, se vetëm në zgjedhjet e Qershorit 2001 pa gjithë terrorin e paparë fizik e psikologjik të strukturave shtetërore dhe të atyre ilegale të partisë së zotit Ziso, Partia Demokratike doli me rezultatin mbi 40%.

Megjithatë, Dega e PD Sarandë nuk është shumë e shqetësuar për monologun e vonuar e të mësuar keq të zotit Ziso, se sa me rendjen sa fëminore, aq edhe keqdashëse të disa mediave drejt zotit Ziso, dhe padashur na vijnë ndërmend disa pyetje: - Ku ishit ju flamurtarë të mbrojtjes se të Drejtave të Njeriut, kur jo më shumë se dy javë më parë, djali i Gramoz Ruçit terrorizoi në një lokal, jo një pronar, por një Ksamil të tërë? A e dini ju se viktimat e zotit Ruçi janë qelive të komisariateve të këtij shteti. Por fatkeqësisht në Shqipëri vazhdojnë të qarkullojnë akoma dy kritere vlerësimi, një për Partinë mëmë 60- vjeçare dhe një për atë parti, që duke pranuar publikisht edhe gabime të së kaluarës, punon çdo ditë kundër krimit, kundër korrupsionit, kundër shkeljeve të të Drejtave të Njeriut, për një Shqipëri më të mirë, më demokratike", thuhet në deklaratën e PD, Dega Sarandë.

Dega e PD Sarandë

[Brari]

KJ
---------

EDI RAMA MES SIKLETIT DHE HAKMARRJES

Nga Rudi Erebara

Rruges per ne shtepi, - i tha Circja, Odiseut, - do te hasesh Skillen dhe Karibden. Njera ka dhjete koke e t'i ha shoket, tjetri thith ujin e detit dhe te merr anijen me gjithe shoket.

Askush nuk e di se ku do te ishte Odiseu ne te dyja rastet, kur u shpetoi gjithe rreziqeve te rruges. Askush nuk e thote dot se ku do te jete Edi Rama, nese nuk do te jete me kryetar i Bashkise se Tiranes. Por askush nuk mund ta thote se kush do te jete sikur te fitoje serisht. Pse? Sepse kur Rama vendosi kandidaturen per kryebashkiak nen vellon roze, disa e mendonin si dobesi e disa si shitje. Kur Rama ndryshoi fytyren e Tiranes,- si kembet e zbathura e te cara te Odiseut,- te gjithe e pershendeten. Kur Rama shkruante politike dhe rebelizem, te pakten partia qe i propozoi vendin e kryetarit nuk e besonte se do ta kishte kandidature. Por, as partia qe e sulmon sot nuk e besonte se do te perballej me te ne kete forme.

Kryetari energjik i Bashkise se Tiranes, jo rralle eshte mosbesuar, si pasoje e nje sjelljeje personale karizmatike qe ai percjell. Vec, gjithmone ky njeri, ia ka dale t'i mbeshtese idete e veta, pergjithesisht pozitive me nje sukses te dallueshem.

Me fadromen e shtetit Rama preku interesat e individeve politike te te dyja paleve me shembjen e kioskave. Kujtoj se shume deputete te majte e te djathte ishin pronare lokalesh e kioskash. Preku gjithashtu dhe interesat e biznesit te vogel, te paperzier me politike, individe qe ushqeheshin nga ky biznes, qofshin te majte dhe te djathte.

Tirana ndryshoi per me mire. Nuk eshte me Tirana - Kairo e Xhemal Tafait, me dy drita te ura dhe nje te treni. Nuk eshte as Tirana e dy kryebashkiakeve demokrate me shume kioska me drita ku shikoje pellgje te vjellash, e ku shqiptaret e gjithe Shqiperise pinin parane e vet te investuar ne skemat piramidale. Sot, Tirana eshte nje qytet i ndertuar mbi deshtimet e te gjitha qeverive te majta apo te djathta. Deshtime te kuadrit ekonomik, demografik, strukturor, ligjor, politik, deri edhe etnik. Edi Rames i ka dale te pergjigjet per deshtime qeverish ne kuader vendi dhe te lavderohet ne kuader vendi. Ai duket se personalisht deshiron te ndryshoje qytetin qe i dha voten dhe ku eshte rritur.

Ketu, socialistet pervec merites qe e kandiduan nuk kane tjeter. Demokratet vec pasionit politik per te luftuar socialistet nuk duhet te gjejne tjeter.

Trashegimia e problemeve qe qeverite i lane Rames ne nje qytet te shnderruar ne metropol per me pak se 10 vjet eshte e pallogaritshme. Nuk jane kioskat dhe boja e cngjyrosur e fasadave qe e percaktojne imazhin e Rames. Eshte guximi qe njeriu mori per te zgjidhur disa nga problemet e trasheguara. Rruget, kanalizimi, ujesjellesi, pemet, te gjitha te para ne kuader historik.

C'do te ndodhe nese Rama del i pafajshem ndaj akuzave qe i vijne?

Socialistet do te marrin edhe nje here bashkine me te rendesishme ne Shqiperi, me t` edhe levdatat qe realisht ne kuader kombetar nuk u takojne. Demokratet do te marrin nje deshtim me shume qe do t'u heqe nga territori nje qytet qe i krijoi dhe i ushqeu politikisht.

C'do te ndodhe nese Rama, ta zeme, gjendet fajtor?

Per here te njemilionte ne rang vendi, do thuhet se korrupsioni u luftua. Socialistet do te gjejne nje zgjidhje per ta mohuar Ramen, ashtu sic harruan te shkuaren e tyre. Demokratet do deklarojne nje fitore si te 1996, e cila zgjati me pak dite se apartamente te ndertuara sot.

Tirana do te ndeshkohet ne guximin e saj qytetar. Do te ndeshkohet ne deshiren per te rritur vleren e prones se masakruar per vite. Do t'i duhet te prese derisa nje kryetar tjeter te kete kurajon te trashegoje dhe zgjidhe problemet e qeverive shqiptare, te cilat nuk e pranojne se qyteti ka nje rend per qytetaret.



----------------



Rududushi...!!

Nje gje ke harruar dhe qe nuk eshte me tendenc partiake fare..
Ska rendesi a vodhi a nuk vodhi Ed Rama..por nje fakt bie ne sy e nuk mund te anashkalohet..qe per cdo ide qe i ka lindur Rames ne Koke qofte si minister a kryetar..atij i eshte derdhur pa numerim nje Lum i pafund Milionash..nga Qeverria META-NANO.
Shifrat astronomike te marra nga EDI nuk diskutohen fare sepse ato jane ne Leter te qarta..
Debati mes Rozve e Bluve eshte se sa nga ato miliona Edi i vuri ne Pune dhe sa i futi ne Xhep..

Me aq miliona qe i jane dhene EDIt per dy kumblla e 300 metra trotuare e per ca kioska te shembura..kish ndertuar Xhuliani nji NJU JORK TE RI.

Tirana vertet ka bere ndryshime e kto ndryshime jane te llojit "ARNIM-Larje-Shplarje ".. por cfar mund te ishin bere me Ato Miliona ne rang Republike ne se ishin Nikoqi-r-rosur mire??

Me siguri asnji fshat skish mbet pa uj e asnji fshatare nuk kish pi Fotoksine..

Edi ka notuar ne nji AMAZON me Miliona dhe kushedi se cka per te nxjerre neser Revizor OLLDASHI ..megjith miljona pengesa qe i bejne Bizhgo-Brace-Agasat e PS-se.

...

[Brari]

Ne Shekullin e koko koko-dhimjes por xhep-plotit ka nje shkrim:

----------

Kryeministri kërkon anëtarësimin e të rinjve në PS-në e Tiranës. “Gjysma e anëtarëve janë pensionistë”

Nano mbron Ramën nga sulmet e Berishës

Arritjet e pushtetit vendor të kryeqytetit, janë një garanci për rikonfirmimin e mandateve tona qeverisëse edhe këtë vit.

TIRANË-Kryeministri Fatos Nano mbron kryebashkiakun Edi Rama nga sulmet e liderit të PD-së, Sali Beirsha. Në mbledhjen e djeshme të Komitetit Drejtues të PS-së së Tiranës, kryeministri, njëkohësisht edhe kryetar i PS-së ka marrë në mbrojtje Edi Ramën, duke vlerësuar arritjen e tij në këto tre vjet qeverisje të Bashkisë së kryeqytetit. “Arritjet e pushtetit vendor të kryeqytetit, si në bashkinë e madhe dhe në 11 njësitë bashkiake, janë një garanci për rikonfirmimin e mandateve tona qeverisëse edhe këtë vit. Shpifjet qesharake të shefit të opozitës së vjetër ndaj përfaqësuesve tanë në pushtetin vendor nuk po arrijnë të prishin qetësinë e komunitetit zgjedhor metropolitan dhe as vlerësimin e tij për atë transformim që Tirana ka kryer sidomos këto 3 vitet e fundit. Duke vlerësuar ashtu si ju punën dhe kontributin e kryetarit të Bashkisë së Tiranës Edi Rama, si dhe të kryetarëve të njësive bashkiake, një vlerësim të veçantë kam për të gjithë përfaqësuesit tanë në këshillat bashkiake që me kontributin e tyre të pazëvendësueshëm bëjnë të mundur vazhdimin e transformimit të kryeqytetit. Kur ne demokratizonim PSSH deri në vetëkorrigjim ai shndërronte edhe shtetin e ri në bisht të Partisë Demokratike. Pas letargjisë së merituar të anarkisë të ‘97 shumë njerëz prisnin që Berisha të zgjohej ndryshe, tjetërlloj. Pra ai vazhdon edhe sot e kësaj dite të prishë gjumin e fëmijëve që duken se edhe ata mezi po presin gjumin e fundit të Stalinistit të fundit të kohës tonë”,-tha Nano. Kryesocialisti i ka kujtuar Berishës kohën e drejtimit të Bashkisë së Tiranës, në të cilën shkatërroi të gjithë kryeqytetin. “Ata që për 9 vjet në pushtet e shndërruan Tiranën në kryeqytetin e kaosit, të kioskave, të ilegjitimitetit, të vetëgjyqësisë, të katastrofës urbane, varfërisë dhe pisllëkut, nuk duan të pranojnë se po jetojnë në një qytet që po evropianizohet dhe modernizohet çdo ditë. Kjo është bërë kaq e jetueshme sa që po bëhet dhe qendra ku po grumbullohen anëtarët e PD-së nga rrethet. Këta njerëz mbeten të paaftë për të shfrytëzuar hapësirat demokratike dhe ligjore të lirisë së sipërmarrjes, jo vetëm në politikë por edhe në dije, kulturë e biznes. I vetmi ndryshim që kanë bërë këta parademokratët në strategjinë e tyre politike është se kanë zëvendësuar gurët mbi institucione me topa balte mbi titullarët e institucioneve”,-theksoi Nano. Ai i kërkoi anëtarëve të KD -së së Tiranës të forcojnë më shumë kontrollin politik mbi trupat përfaqësuese socialiste nga minibashkitë e deri në qark për të mos lejuar që as në fund të mandatit të ketë shpërdorime apo abuzime, veçanërisht në fushën urbanistike që cënojnë perspektivën urbanistike të kryeqytetit evropian të Shqipërisë. Nano i kërkoi shtimin e anëtarëve të rinj të PS-së, pasi “në Tiranë gjysma e anëtarëve përbëhet nga pensionistë”. Në mbledhjen e djeshme kanë marrë kryetari i Bashkisë së Tiranës, Edi Rama, zëvendëskryeministri Ilir Meta. Që të dy, Rama dhe Meta kanë qenë të ulur pranë. Në këtë mbledhje ra në sy edhe prania e ish-shefit të SHIK-ut, Fatos Klosi, i cili prej dy muajsh është anëtar i KD-së së PS-së së kryeqytetit.

B.Hoti

-----------------------


Pra...

Thonj palari e haduti milionave te skorpionsave e Ikonave (qe Nano vet i ka deklaruar keto) e ka ndritur me pun te ndershme..

Sa demagog i felliqur eshte..

Saliu thote Nano eshte Stalinisti i fundit...e ti Nano kush je??
Ti je Sulltani i pare Socialist qe harxhon Miliona per qejfe..
Vet pranon Nano se PS eshte plot me pleq e ata pleq dihet kush jane.. Jane Aranit Celat e Manush Myftite e Pirro Dodbibat..e ata o Nano demagogu jane staliniste dhe kte e di dhe Bufi..e ne salle ke pasur dhe Klosin i cili vrau Hajdarin qe rrezoi Stalinizmin e ATSH-se se Thanasit..Pra ku e gjete Stalinin tek Saliu?
Kur qenke Parti europiane pse e ke partine plot me ish prokurora e hafije pensionista?
Pse nuk hyri Shqiperia ne EUROPE qe me 1945 si gjith Europa??
Ja nga keta qe ti i ke ne Parti o Nano Djalli..

Mbroje Nano Edin por Olldashi ju kapi me presh ne duar.. megjithse 6 muaj kohe kishit te zhduknit Dokumentat.. por sdini c'te Zhdukni me pare se ne cdo Dokument keni vetem Vjedhje.
A te ka ngel ndoj Socialist i Pafe or Nano..pra qe ska zhytyr lopaten ne thesin e Shtetit???

Asnjiiiiiii...vec ndoj bujk andej nga Devolli..

Lum Shqiperia qe ju ka..

...

[Brari]

KJ

-------

VAZHDON MARATONA "RAMA"

Komisioni "Rama" vazhdon punimet mes diskutimesh te ashpra per dosjet e hapura te Bashkise se Tiranes dhe Ministrise se Kultures. Maratona "Rama" solli dje fakte te reja si nga demokratet, edhe nga socialistet. Vjedhjet e bera sipas PD-se ne ankandin e ekspozites "Hanover 2000" dhe punimet ne Rrugen e Kavajes, ishin objekt debati gjate mbledhjes se djeshme. Socialistet e kane mbrojtur kryebashkiakun Edi Rama gjate akuzave per vjedhjen e 825 mije markave, me mallrat e ekspozites "Hanover 2000". Por ata i kane dale krah edhe gjate akuzimit nga ana e demokrateve per vjedhjen e 58 perqind te fondeve te punimeve ne rrugen e Kavajes.

Sipas akuzes se Olldashit, Edi Rama ka perfituar nga "Ekspo-Hanover 2000" shumen e 825 mije markave nepermjet shitjes se objekteve te ekspozites. Socialisti Erion Brace thote se nga kontrollet e eksperteve kontabel nuk eshte zbuluar asnje qindarke e vjedhur. Ai tha se ne dispozicion te Rames, nga ana e shtetit shqiptar eshte dhene shuma e 680 mije markave. Shuma tjeter e nevojshme prej 800 mije marka per zhvillimin e ekspozites eshte levruar nga qeveria gjermane nepermjet fondacionit GTZ te pranishem ne Shqiperi. "Shifra e dhene prej Berishes dhe Olldashit prej 825 mije markash nuk qendron, pasi Edi Rama nuk kishte kaq leke ne dispozicion per zhvillimin e ekspozites" sqaroi Brace.

Sipas demokrateve, Rama "ka vjedhur" edhe gjate ndertimit te rruges se Kavajes rreth 58 perqind te fondeve te percaktuara per rehabilitimin e saj. Olldashi tha se vlera e saj ishte 479 milione leke per 360 metra rruge. "Kostoja e nje metri rruge, ka qene 1 milione leke. Ky eshte nje abuzim mjaft i madh", tha ai. Socialistet nuk kane pranuar asnje nga keto akuza duke thene se shuma e tenderit e ka justifikuar koston e punimeve.



----------------------

Pra 360 metra rruge...ja po themi 500 metra ..dhe populli ka paguar tek Kok dhimat gati 500 milion pika djerse..

1 meter rruge...1milion leke..

Kulmi...

Mao Ce Duni do kish bere nje MUR TE RI KINEZ me kaq pare..


OLLDASHI heroi i dites..

Jepi Olldash o Sokoli i maleve.. le te dridhen erion Brockullat e ZP-se..

Kush e njeh Sokol Olldashin ..le te na tregoj kush eshte ky djal trim qe guxon te kacafytet me Mafien e Jaho -Klos-Gjinush-Brace-Aranitave..??

Hallall qumshti i Nenes..


...

[Orku]

KOMENTE

Komisioni Anti Cjap dhe nderi i humbur i shoqërisë civile

Altin Xhaferi

Dy vjet më parë, kur Fatos Nano shpallte përpjekjen për mbijetesën e vet me anë të slloganit "aleancë e PS me shoqërinë civile" pakkush e mori me seriozitet. Të mësuar me pavendosmëritë e shumta të tij, të bindur se ky njeri nuk është i aftë të shpjerë në fund asnjë nismë të marrë, e morën deklaratën e Nanos, herë si një trill dhëndërrie, e herë si piruetë ala Nano. Ata më pak të moralshmit e krahasuan si një 'flirt' nga ato të shumtat, që mbarojnë me hapje këmbësh e të nesërmen në mëngjes harrohen, të zotit Nano me ca OJF zhurmëshuma e punëpaka. Por koha tregoi të kundërtën, ajo ka qenë një hile e stisur hollë prej Nanos për të konsumuar mandatin me legjitimitet të lëkundur sa më afër fundit. I mbetur në krye të një armate të plakur pensionistësh dhe fanatikësh ideologjikë, Nano kish nevojë të ndryshonte lukun e tij politik, ashtu siç ndryshonte sistematikisht atë të mjekrës. Zor se gjeje aso kohe, qoftë dhe militantë të të dy kohëve, të entuziazmohej nga fytyrat e konsumuara të atyre që kish përreth Gramozit, Servetit, Namikut, Brahos apo plot të pavlerësh të tjerë, të cilët i mbante të bashkuar, jo më ideologjia, por vetëm inati i verbër anti-Berishë. Zor të gjeje njeri dhe të gënjehej nga titujt mistrecë të Erion Braçes për alternativën socialiste e për të ardhmen që i priste ca më tepër që shumë ende mbanin në kurriz plagët e pathara, bërë prej sojit të mësipërm. I lodhur dhe vetë Nano prej tufës kope që kish në grigjën e së majtës e që s'mund ta bindje veç me logjikë shkopi, ai dinakërisht hodhi sytë në armatën rezervë të së majtës në të cilën qëmtoi ata që i dukeshin më afër me veten, herë si karakter, herë si xhins e herë si klan. Këtu zgjodhi Edi Ramën, Vali Leskën, Vali Bizhgën, Ilir Gjonin, Sokol Tonën, Blendi Gonxhen dhe këtij skalioni i vuri emrin shoqëri civile, ndonëse shumica e tyre as që kishin qenë kurrë anëtarë të ndonjë OJF-je. Madje shumë prej të zgjedhurve s'i lidhte thuajse asgjë me civilen. Duke qenë më së shumti bij ushtarakësh të regjimit të Hoxhës, atyre, dhe adoleshenca, iu kish ardhur erë vaj pushke prej erës së repartit që sillte babai në shtëpi mbasditeve, kur kthehej prej pune, me një fjalë, dhe në kuptimin banal, qenë larg të qenit civilë. Aleanca "Nano - shoqëri civile" u bë si një marrëveshje me përfitim të dyfishtë, ishte një lloj simbioze, kënaqte ambicjet e tyre për pushtet të pakufizuar si etërve dhe iu siguronte hapësirën për ta ushtruar atë, ndërsa nga ana tjetër ndreqej imazhi i Nanos duke u hequr si më tolerant, që lëshon pushtet për të bërë shtet, si më njerëzor, e dëngla të tjera të tipit Nano.

Sot, tre vjet më pas, aleancës së tyre i ka dalë kallaji dhe shumë prej tyre rezultojnë mëkatarë pushteti më të zinj se vetë Nano, madje edhe në kërkim të policisë. Sot mund të bëhet dhe bilanci ç'humbën dhe ç'fituan shqiptarët prej simbiozës Nano-Rama. Shpura e shoqërisë civile sot është një konfiguracion amorf pasanikësh mëkatarë: Gjoni sot rezulton një vjedhës i tenderit të pasaportave, Leskaj është ujku i përrallës me këmbën e lyer me miell, Bizhga një kartëpecetë që merr përsipër faje që i ka bërë Edi me përulësi, ndërsa për Edi Ramën komenti është i tepërt.

Në komisionin anti-Rama që njerëzit tani e quajnë me shpoti "komisioni anti-cjap" (nuk dihet për ç'arsye: prej kryesuesit Olldashi; prej sjelljes prej keci parlamentar të Erionit; prej përrallave me dhi e me ujq që tregon Rama nëpër prononcime; prej përbërjes së tufës femërore që ka marrë përsipër të përçojë; apo thjesht prej mjekrës së ngjashme të këtij të fundit me cjapin dhe erës së dikurshme prej përçi) po deklamohen abuzime marramendëse që dhe në mos qofshin të gjitha të vërteta, edhe çereku i tyre është i mjaftë për t'u skuqur e për t'u ndier me faj.

Por më shumë se ekonomia e dëmtuar dhe buxheti i taksapaguesve i cënuar, dëmin e madh sot rezulton ta ketë pësuar shoqëria e vërtetë civile, ajo që aspiron vërtetë për të drejta dhe liri, për transparencë e shtet të të gjithëve. E konceptuar si nje shtresë e ndërmjetme midis pozitës dhe opozitës, ajo tashmë e ka humbur përgjithnjë këtë rol, që në momentin që dikush u bë palë me qeverisësit, madje segmenti më i zi i qeverisjes. A e imagjinon dot njeri shoqërinë civile cjapërishte të sotme midis palëve? Ndaj dhe duhet pranuar se dëmin më të pariparueshëm nga sjelljet e shpurës Rama, do të rëndojnë mbi shoqërinë e vërtetë civile, besueshmëria ndaj së cilës ka humbur dhe pa të ajo nuk mund të bëjë asgjë këtej e tutje.

Ajo ka dalë krejt e çnderuar nga kjo histori, me nderin e humbur ndoshta përfundimisht. Pasi Nano pështyu edhe në çorbën me emrin shoqëri civile, ajo s'mund të jetë më një institucion i respektuar; ajo përgjason këtej e tutje me femrat prostituta të rikthyera pas vitesh pune në fshatin e lindjes që, edhe pse kanë një makinë që s'e kanë moshataret e tyre, edhe pse kanë veshje firmato, edhe pse hedhin parfume të shtrenjta - askush s'i respekton, pasi shumëkush e di se mirëqenia e tyre s'vjen prej djerse balli, por prej një djerse tjetër...

Nëse dikujt nesër do t'i kujtosh shoqërinë civile, menjëherë do t'i dalë para syve fytyra e qimosur e Edvinit. Por dhe nëse "Anti-Cjapi" arrin të kapërcejë pengesat e të vërtetojë vjedhjet që e vendosin para përgjegjësisë, termi shoqëri civile do t'iu kujtojë njerëzve një krijesë tjetër të ngjashme me Ramën, një portret të sajuar që do të ketë mollëzat krejt pa gjak të Bizhgës, zërin hormono maskulin të Mimit, dorën me miell të Vali Leskës, vetullat kaleshe të Arben Putos, prapanicë spërdredhjet e Gonxhes, petinimin makabër të faqeve të Zana Çelës, apo syzet minus infinit të ndonjë ojëqisteje tjetër. Nga flirti me Nanon, shoqëria civile rezulton sieropozitive dhe prej saj do të largohen si prej djallit, të gjithë me frikë ashtu siç iu rrinë larg të prekurve nga Sida. Njerëzit që kishin zgjedhur të prostituonin me karakterin e tyre, tani janë më të pasur, por kurrsesi më të nderuar. Sidoqoftë ishte një lloj prostitucioni i paralajmëruar i një shoqërie civile që s'qe kurrë civile, por një hibrid i ngritur mbi baza klanesh të së shkuarës ish komuniste dhe mbi interesa të vogla provinciale, si një meduzë që thithte me feçkën e saj milionat. Në këtë kuptim përfundimet e komisionit "anti-cjap" nuk kanë thuajse asnjë rëndësi. Ai dëmin e madh tashmë e ka bërë. Shoqëria e vërtetë civile paskëtaj do të emërtohet nën zë, si një kurvë që s'i beson me njeri.

[Brari]

Bukur Altini...


Ra nga fiku nje nga bashk-milion-rruajteset e Edush Ramollarit..

Ja cthot BalkanVebi i Bolinos.

---------

TIRANE (29 Maj) - Drejtoresha e saposhkarkuar e Teatrit Operas dhe Baletit Zana Çela në një intervistë ekskluzive për News24 është prononcuar, se ende nuk ka marrë një shkresë zyrtare ku të njoftohet për shkarkimin nga detyra. "U habita shumë kur e lexova vendimin e qeverisë në ekranin tuaj. Deri tani mua nuk më ka ardhur asnjë njoftim, ndaj edhe nuk mund të jap asnjë deklaratë në lidhje me të", u shpreh Çela. Nga ana tjetër drejtori i sapoemëruar i TOB, muzikanti Zhani Ciko, menjëherë pas emërimit në këtë detyrë, u shpreh se ndjehej i vlerësuar pas një stazhi kaq të gjatë pune. "Është një kënaqësi mjaft e madhe e cila shoqërohet me një përgjegjësi edhe më të madhe. Unë do tentoj të konkretizoj ide të reja së bashku me mbështetjen, që do të më japin kolegët e mi të TOB", u shpreh Ciko. Qeveria ka vendosur sot pasdite ne mbledhjen e saj, të shkarkoje nga detyra drejtoreshën e TOB Zana Cela, motivin "Për shkelje që janë vënë re nga kontrollet e njëpasnjëshme, në institucionin që ajo drejtonte". Shkarkimi i Çelës u kërkua nga ministrja e Kulturës Arta Dade. Dade kërkoi nga kryeministri shkakrimin e drejtoreshës sepse sipas saj, në punën e Çelës ishin vënë re shkelje të mëdha, si psh shkelja e së drejtës së autorit. Emri i Çelës u lakua mjaft nga përfaqësuesit e opozitës në Komisionin e hetimit të veprimtarisë së bashkisë së Tiranës dhe ministrisë së Kulturës. dxh/dxh (BalkanWeb)




Qeveria shkarkon Zana Çelën, emërohet Zhani Ciko

Lajmi i ores 7:30 PM



TIRANE (29 Maj) - Qeveria ka vendosur sot pasdite ne mbledhjen e saj, të shkarkoje nga detyra drejtoreshën e TOB Zana Cela, motivin "Për shkelje që janë vënë re nga kontrollet e njëpasnjëshme, në institucionin që ajo drejtonte". Shkarkimi i Çelës u kërkua nga ministrja e Kulturës Arta Dade. Dade kërkoi nga kryeministri shkakrimin e drejtoreshës sepse sipas saj, në punën e Çelës ishin vënë re shkelje të mëdha, si psh shkelja e së drejtës së autorit. Emri i Çelës u lakua mjaft nga përfaqësuesit e opozitës në Komisionin e hetimit të veprimtarisë së bashkisë së Tiranës dhe ministrisë së Kulturës. Ish-drejtoresha u akuzua nga opozita për shkelje në tenderat e kryera në këtë institucion. Vetë Zana Çela deklaroi para dy ditësh në një konferencë shtypi, se akuzat e PD janë të pabaza, dhe se ajo nuk shhte asnjë arsye të jepte dorëheqjen. Postin e Çelës do ta mbajë tani ish-drejtori artistik në TVSH, Zhani Ciko. Sapo u njoh me vendimin e qeverisë, Ciko deklaroi se emërimi i tij në krye të këtij institucioni nuk ishte i papritur. Ai siguroi se gjatë drejtimit të TOB, do të jetë i prirur për reforma dhe i hapur me mediat.

anjo/dxh (BalkanWeb)

--------

Si thoni juve...

Do dalin me Edin ata si PS ne Fushat per Bashkine ose do e ndrrojne?

[Dita]

Aman po kete a e keni lexuar?



Rama, 400 mijë lekë për një pemë të prerë

Duke iu referuar preventivit të hartuar nga bashkia e Tiranës, i cili është miratuar edhe nga kreu aktual i bashkisë Edvin Rama, institucioni në fjalë ka paguar 400 mijë lekë për prerjen e një peme. Në preventiv, dhe konkretisht në zërin 12 të tij, thuhet se për prerjen e një peme me diametër 800 milimetra nga bashkia është paguar 400 mijë lekë. Sipas preventivit në këtë segment rrugor janë prerë 10 pemë, ndërsa janë paguar 4 milionë lekë të vjetra. Preventivi në total ka 22 zëra, të cilat japin një vlerë të përgjithshme të gjithë projektit dhe që është llogaritur nga bashkia e drejtuar nga Rama 49. 873.937 lekë. Preventivi është bërë publik nga komisioni hetimor, i cili e ka konsideruar si krejtësisht të parregullt këtë preventiv për faktin se çmimet e aplikuara për të janë disa herë më të larta se ato të tregut.


Gazeta TemA