Komisioni parlamentar "Rama"

[ALBA]

Enver Hoxha i shkruan Edi Ramës

U bë ca kohë që nuk të kam shkruar sepse kam pasur ca punë partie me zarar këtu në Sharrë dhe mua më duhet që t’i zgjidh pa shumë qejfmbetje. Në organizatën bazë të partisë jemi bashkë nja shtatëmbëdhjetë-tetëmbëdhjetë Biroista dhe anëtarë të Presidiumit të Kuvendit Popullor, por ka shumë kërkesa për pranime të reja. Na mbitën kërkesat, ka rritje partia dhe këtu poshtë jo vetëm atje lart. Në mbledhjen e fundit ishim unë, Husni Kapo, Çet Peçi, Xhi Lleshi, Lim Peza, Vojo Kushi, Manush Myftiu, Bato Karafili, keshim edhe ca mungesa sepse ca shokë na i kishte zënë dizanteria. Një ditë para më tha Haqi Toska se ca nga ish shokët tanë që i kemi pushkatuar dhe i dergjëm burgjeve e kampeve të përqëndimit, kërkojnë të ripranohen në parti. Hej bela, s’na u ndanë këta edhe në botën tjetër.

- Po kush janë këta, mo, i thashë Haqiut.

- Koçi Xoxe, Nako Spiru, Abdyl Këllezi, Koço Theodhosi, Maqo Çomo, Kadri Hazbiu, më tha ai dhe më numëroi edhe nja dymbëdhjetë shpirt që ne i kishim shpallur armiq dhe i kishim pushkatuar në çdo pesë vjet.

- Po me ne janë prapë këta, mo, të mëngjërt, i thashë Haqiut.

- S’kanë nga të venë, mendojnë se uji nga udhëheqja ka qenë llagar por turbullohej nga poshtë.

- Ashtu ka qenë vërtet, i thashë Hakiut. –se ashtu u kam thënë u. Një herë ndërseja një palë për të eleminuar palën tjetër dhe këtë e kam bërë derisa më erdhi paraliza që më karfosi një shpatull, atë që ngreja për të përshëndetur fitorjet e socializmit. Po mirë mo, të presin dhe ca kohë në provë, punë dy-tre vjetësh aq sa ka qenë stazhi i kandidatit të partisë.

- Mos na kritikojnë për sektarizëm, më tha Hakiu.

- Pika në bithë, vetë i kemi në dorë bëjmë ç’të duam. Ç’do na thotë Presidiumi, asgjë. Po Komiteti Qëndror? Do ngrëjë dorën përpjetë. Po levat? Edhe ato janë me ne. Punë levash, i ngrefim e i çkrefim kur të duam. Po populli inë trim dhe largpamës që e ka çarë udhën e historisë me shpatë në dorë? Populli do fërkojë millin e shpatës dhe do pocaqiset përpara.

Kështu që edhe këtë mbledhje e bëmë pa pranime të reja. Helbete kemi edhe merak për ty dhe për pinjollin e Persefoni Kokëdhimës. U gëzuam shumë që e kllaposi ai tenderin për pastrimin e mbeturinave të Sharrës. Këtu nën dhe u mbytëm, ç’bie jashtë hyn brenda. Poshtë është kutërbi saqë na therin kockat nga sabahu në aksham, por edhe lart nuk është më mirë, ka qenë të ngordhur, minj të pavarrosur, llum e kashturina madje gjer lart fare dhe tashmë edhe Kokëdhima që do na bëjë helaq më keq se ai vetëm merr paratë dhe nuk bën asnjë qindarkë punë.

[ALBA]

I dashur djali i mikut tim, Kristaqit.

Shumë jam lumturuar kur djali i Thanasit tha në një mbledhje që për pushtetin lokal duhet të punojmë si Edvin Rama. Bëmë baba të të ngjaj, thoti populli. Të gjithë e kemi nga një babë, thotë Tosi. Ashtu thoshja edhe unë, të punojmë si Fuat Çela. Fuati, i ngrati shihte nga sytë por ne ia nxorrëm kllup se ashtu na duhej, të mos shihte dhe të realizonte nga dy-tre norma që ta bënim Hero të Punës Socialiste. Po se mos qe vetëm Fuati, bëmë edhe ndo dhjetë a pesëmbëdhjetë të tjerë, muslimanë, katolikë, ortodoksë dhe bektashinj.

Tani më ngatërrohen se kam nja dy dekada larg jush, po më kanë thënë se heronjtë e mi janë katandisur si mos më keq. Këta demokratët i kanë lënë jashtë dore, nuk i respektojnë më në festa dhe kremtime dhe disa prej tyre kanë shkuar emigrantë. Ai heroi i kursimeve të gomave e karburanteve ka hapur një një dyqan në mes të Athinës, ai i çarjes së tuneleve ka shkuar në një fshat shqiptar të Maqedonisë dhe punon si roje moteli, një tjetër që e përdorja për të kapur divesantë ka fituar grinkartën për në SHBA, ndërsa një grua me shumë fëmijë që i kisha dhënë nja dy dhi mallteze për të ushqyer fëmijët ka bërë divorc me bashkëshortin dhe bashkëjeton me një vulëhumbur që merret në Shqipëri me grumbullimin e armëve.

Mu bë zemra mal kur mora vesh se ai Njazi Kosovrasti të ka lënë rehat. Dëgjomë mua ti, shtipjua kokën, futjua që të të mos hedhin vickla. Edhe atij Olldashit mos i jep asnjë dukument, po fol herë pas herë o në gazetën e Koçes, o në televizorin e Rexhinjotit Skëndo, o në kabllën e niviciotit tjetër Duka, a ku të të teket.

Më dërgonte një letër Bilbil Klosi e më molloiste se të kanë dalë përkrah Llambi Gegprifti, Myqerem Fuga, Kurt Kola, Mumtaz Dhrami, Musa Lavatriçja, Sevo Tarifa, Gaqo Nesho, Rexhep Meidani e Pirro Dodbiba. Domosdo do të dalin. S’të lë vetëm partia, mos ki merak.

Ti je mërzitur pak se je mësuar me skena masive, me podiume të ngritura që të flasësh me shkumë e me gjeste, të përplasësh grushtet dhe të shtrish atë alamet këmbe me numër pesëdhjetëenënta që asnjë kopil mos të të kërkoj hesap. Mos ki dert për këtë, porosit nënkryetare Mimin, analist Qimin, ekonomist Eminin, publlicist Bolinin që të bëjën letra përditë dhe t’i botojnë në organet indipendente dhe të mosvarme. Se më kanë thënë që kini shumë nga ato të pavarurat andej sipër. Tani të pavarura fare jo, po me pak lëkurë, si herdhet e mia, do varen gjëkundi.

Më erdhi jashtëzakonisht mirë që kanë heshtur edhe të përmbyturit nga diga e liqenit artificial, pas shpërndarjes së ca batanijeve me vrima dhe të ca thasëve orizi me krimba. Ashtu ua bëja edhe unë: i përmbyta për dyzet e ca vjet dhe ke parë ti që trembeshin edhe në gjumë. Atë që u kam punuar unë, ti as që e përfytyron dot, por kjo është tashmë një kohë e perënduar, veç atë që u bën ti me fondet unë s’mund ta imagjinoj edhe sikur të jem Krisht. Edhe unë e praktikoja që jepja urdhërin dhe fimosnin të tjetër nën meje, por nuk guxoja asnjëherë që të vishesha me rroba firmato që kushtojnë dhjetra-mijë dollarë. Ca kohë mbaja rroba ushtarake jugosllave, pastaj rroba sovjetike, kineze dhe kur më goditi ajo damllaja që më bllokoi dorë e shpatull, porositja copa të huaja në Paris ose në Romë.

Një vajzë e një marksisti neozelandez që punon tani në një ambasadë perëndimore në Tiranë më dërgoi një mesazh celulari dhe më kallzoi që ishe grindur keq më një të huaj. Më dukej se kishte qenë për punë kostumi. Ambasadori i huaj e merr rrogën 30 mijë USD në muaj dhe ishte pataksur me petkat e tua. Me një milionë të vjetra, nuk e mban dot këtë luk, të kishte thënë i habitur ambasadori. Kaq doje ti, të kishin rënë xhindet dhe ia kish përveshur sikur të ishe jo me një të huaj por me Mimin a Dashin: idiot, i pafytyrë, të ka nxitur opozita, të ka përdor Njaziu, të ka shtyrë Minarolli, bathoras, enverist, këpëdëist… Po ç’bën kështu mo, apo do të na lësh pa kandidaturë për mandatin tjetër. Edhe në një mbledhje me Bin Benin kishe sharë me nënë e motër edhe Bankën Botërore, OSBE-në, ambasadat e huaja, imperializmin amerikan, socialimperializmin sovjetik, revizionizmin kinez.

Ta them si prind se e ke shkelur fare. Atë vezë vetëm unë e bëja, i shaja të gjithë me Greqi, me Maqedoni, me Serbi, me Itali, me Bullgari, me Poloni; i merrja me radhë shtetet fqinje dhe i demaskoja; vazhdoja më tutje me blloqet e mëdha me amerikanët, me sovjetikët, me kinezët. Asnjë nga ata nuk ma varte sespe na lënin të qetë në varfërinë tonë dhe populli më besonte. Po tani ndryshon meseleja, ata presin ndihmat, heqin donacionet dhe e kapitullojnë shtetin për njëzet e katër orë.

[ALBA]

Djali im, Edvin,

Megjithëse nuk kam shumë informacon të detajuar se më është shpërbërë edhe arma e diktaturës së proletariatit, Sigurimi i Shtetit, nuk parashoh zhvillime të mira për mandatin tjetër tëndin. Ata komisionerët e opozitës të janë qepur si Skënderbeu turqve dhe po të nxjerrin lakuriq me ato fondet që ke marrë sa të zënë ato alamet shpatulla sa një skodë e turi. Deri tani e ke lojtur mirë pjesën, jep ndonjë dukumend dosido e shty një javë, mill tre katër kumbulla majhoshe dhe e shtyn dhe një javë tjetër, ia fut një pesëmbëdhjetëditsh në Kinë e shtyn edhe ca kohë, pra, mirë i ke bërë këto, por duhet të kesh kujdes nga firmat. Unë i pushkatoja njerëzit me Internacionale në buzë dhe ata thoshin se nuk na i ka fajin Enveri, po këta poshtë tij. Gjëkundi nuk del firma ime, megjithëse i bëja të gjitha vetë. Po ne ishim socializëm dhe na lejoheshin. Në këtë rendin tuaj, kapitalizëm, a si i thoni sipërmarrja e lirë, firma e abuzimeve të çon te shtatë penxheret dhe nuk ka b. kurve që të të nxejrrë. Këta të huajt të lëmojnë para e mbrapa po në fund të fusin shqelmat dhe të vërvisin andej nga ke dalë.

Shirti im i trazuar,

Mos mëno të më vësh në dijeni se si do të rrjedhin ngjarjet deri në tetor që kemi edhe jubileun e ditëlindjes sime. Atij Nako Spiros do ia shtyp prapë kokën dhe do e heq nga parcela e mirë ku e kemi varrosur. Tutkun fare, është, thotë se partia është themeluar në tetor dhe jo në nëntor. Po ç’kuptim ka tani. Partinë na e krijuan jugosllavët, bënë ç’deshën me të derisa na ndihmoi Stalini që t’i hiqnim qafe. Kush besonte në parti, asnjë. Sa beson ti në Partinë Socialiste, aq besonin edhe shqiptarët në partinë që na krijuan jugosllavët. Ne u ndihmuam shumë nga të huajt dhe fituam luftën, anglezët na hidhnin me parashuta këpucë të një këmbe, por këmbët në një këpucë na i vunë herë jugosllavët, herë Stalini dhe herë Mao Ce Duni.

Përqafime të tërë punonjësve që ke grumbulluar në bashki, të gjithë e meritojnë të jenë përkrah teje sepse janë pinjollët e komunistëve tanë të lavdishëm që s’kanë bërë ndonjë gjë të madhe për këtë vend por kanë përfituar më shumë se çdo shtresë tjatër.

[Brari]

Rama censuron median

Skandal i ri i Edvin Ramës. Kryebashkiaku ndërhyn për të caktuar gazetarët në televizionet kombëtare që do të mbulojnë komisionin anti-Rama. Si censurohet fjala e kryetarit të komisionit Olldashi dhe manipulohet opinioni publik. Pse tani para zgjedhjeve?

Kleves Bitro

Kryebashkiaku Edi Rama ka ndërmarrë që prej një jave një sulm frontal ndaj të gjitha televizioneve kombëtare dhe jo kombëtare, por edhe të shtypit të shkruar, punonjësit e të cilit paraqesin me paanshmëri zhvillimet e abuzimeve dhe shpërdorimeve të fondeve publike nga ana e tij që deri tani, në mënyrë të faktuar, kanë arritur në 7 miliardë lekë. Me afrimin e fushatës zgjedhore, Edvin Rama ka bërë presion mbi shefat dhe pronarët e televizioneve kryesore të Shqipërisë dhe kryeqytetit që të zëvendësojnë të gjithë gazetarët që nuk janë 'të besuar' dhe që nuk mbulojnë sipas preferencave të tij, rubrikat e komisionit anti-Rama. Kaq e prekshme është ndërhyrja, sa shumë gazetarë të njohur të terrenit dhe të njohur edhe në qarqet gazetareske «janë zhdukur» kohët e fundit nga mbulimi i lajmeve të komisionit anti-Rama. Në vend të tyre në mediat kryesore vizive kanë ardhur të tjerë persona(e) që më parë kanë mbuluar sektorin e bashkisë së Tiranës dhe që njihen personalisht me Edvin Ramën. Për arsye etike dhe profesionale, por edhe për arsye se mund të ketë pushime masive të kolegëve tanë që punojnë në këto media, nuk po publikojmë emrat e kanaleve televizive që kanë larguar gazetarët e mëparshëm nga mbulimi i lajmeve mbi komisionin anti-Rama, por do të denoncojmë sërish mekanizmin se si funksionon logjika e «padrinos së Tiranës» për të kontrolluar mediat dhe për të censuruar faktet që janë bërë publike nga kryetari i komisionit hetimor Sokol Olldashi. Me anë të telefonatave por edhe kontakteve dypalëshe Rama ka kërkuar nga drejtues dhe pronarë të mediave që të vendosin në mbulimin e lajmeve të komisionit vetëm persona të besuar, të cilët ose nuk do të reagojnë ose do të censurojnë në maksimum fjalën (sinkronin) e marrë nga Olldashi gjatë seancave të komisionit hetimor dhe kundërvënien e kronikave të zgjeruara me pamjet e vetë kryebashkiakut nga të ashtuquajturat «vepra dhe punime në Tiranë». Nuk dihet me saktësi se me çfarë mjetesh presioni Rama ka kërcënuar 'shefa' dhe 'pronarë' mediash (disa prej të cilëve janë kthyer në kapitalistë të komanduar nga qeveria me mijëra hektarë tokë në bregdet), por është fakt se ka mëse një javë që në kronikat televizive, zhvillimet e komisionit anti-Rama janë paraqitur të cunguara dhe të censuruara duke dhënë aty vetëm pjesët më të parëndësishme të fakteve apo provave të bëra publike nga komisionerët. Me afrimin e fushatës zgjedhore për përballjen lokale, Rama dhe mbështetësit e tij kanë hartuar strategjinë e njëanshmërisë për të mos lejuar që taksapaguesit shqiptarë të njihen me vëllimin e abuzimeve dhe shpërdorimeve të fondeve publike nga institucioni i bashkisë. Një fakt tjetër komprometues është se rritja e taksave dhe gjithë shërbimeve të tjera bashkiake nuk është justifikuar bindshëm nga Edi Rama dhe është miratuar vetëm me vullnetin e tij, pa miratimin e opozitës bashkiake, duke hedhur të tjera dyshime të rënda mbi përpjekjet e tij dhe personin e kryebashkiakut. Edhe pse Rama ka deklaruar se nuk ka njeri që të mund të faktojë shkeljet e tij ligjore si dhe të thotë se ka vjedhur, debatet dhe puna e ekspertëve të komisionit hetimor parlamentar ka nxjerrë në pah skandale me veprimet e administratës së bashkisë së Tiranës që, në rastin në të mirë, janë shprehje e paaftësisë dhe përzgjedhjes së rastësishme të njerëzve që drejtojnë Bashkinë e Tiranës. Ndërkohë në krahun tjetër prokuroria ka të hapur çështje të Ramës për abuzime me fondet publike gjatë kohës kur ai ka qenë ministër i Kulturës, ndërsa komisioni hetimor i brendshëm i bashkisë së Tiranës është penguar që të kontrollojë si në çdo vend demokratik, personin dhe veprimtarinë e kreut të bashkisë.

Nuk dihet ende se cili do të jetë fjalori dhe reagimi i Edvin Ramës kur ai të gjendet përballë komisionit hetimor dhe deputetëve që aktualisht paguhen më pak se ai, por pritet që interesi i publikut dhe i mediave të jetë në maksimum për të duke shpresuar që të mësojë jo fjalorin me të q...ërrofsha syrin të kryebashkiakut, por të vërtetën mbi arsyet e abuzimeve dhe shpërdorimeve të parave të tyre.


---------

Mbas Rruajtje- Xhvatjes 220 miljonshe nga Zana Cela dalin perseri te tjera te vjedhura nga Legjendari Ed Rama

--
Kambana e Paqes, Edi Rama gllabëron mbi 50 milionë lekë

Projekti i kambanës së Paqes në total është financuar me një shumë prej 105 milion lekë, nga të cilat 5.370.000 lekë të reja janë abuzuar nga ish-ministri i Kulturës Edvin Rama. Dosja është bërë publike nga komisioni hetimor, i cili ka zbardhur abuzimet disa milionëshe me këtë projekt. Sipas relacionit të komisionit, kambana e Paqes është konsideruar vepër arti, e për ta ndërtuar atë është angazhuar me prokurim të drejtpërdrejtë një firmë ndërtimi pa përvojë në vepra të tilla

Komisioni hetimor parlamentar për hetimin e bashkisë së Tiranës dhe Ministrisë së Kulturës ka publikuar dje Dosjen "Kambana e Paqes", e cila njëkohësisht është duke u hetuar nga Prokuroria për abuzimet e mëdha që ka bërë ish-ministri i Kulturës Edvin Rama për këtë projekt. Komisioni në një relacion të bërë publik ka theksuar se me propozim të Ministrisë së Kulturës, Këshilli i Ministrave, me Vendimin nr. 586, dt. 08.12.1999, ka miratuar ngritjen e monumentit "Këmbana e Paqes", në krah të QNK-së, me një vlerë prej 10.500.000 lekë, duke autorizuar prokurimin e drejtpërdrejtë në favor të firmës "Trema Engineering".

"Nga kontrolli që i bëhet dosjes së "Këmbanës" rezultojnë diferenca të jashtëzakonshme në volumet e punës, duke vërtetuar se 5.370.000 lekë, diçka më shumë se gjysma e fondit të prokuruar është vjedhur", thuhet në relacionin e komisionit hetimor. Relacioni thekson se ndonëse kambana e Paqes është konsideruar vepër arti, për ta ndërtuar atë është angazhuar me prokurim të drejtpërdrejtë një firmë ndërtimi pa përvojë në vepra të tilla. Në relacion thuhet se ekzistojnë dy situacione përfundimtare, njëri prej të cilëve pa datë dhe tjetri i shkruar me dorë. "Dy situacionet përfundimtare kanë ndryshim në volume dhe në çmime, por, çuditërisht, të dy, japin të njëjtën vlerë. Nga matjet në terren, rezulton se sasitë e përdorura të konstruksioneve metalike, pllakave, qelqit dhe zërave të tjerë janë shumë më të ulta sesa janë relatuar dhe vjelë nga firma "Trema Engineering", me president z. Ilir Trebicka, bashkëshorti i specialistes së investimeve në MKRS, znj. Vjollca Trebicka", thuhet në relacionin e komisionit hetimor. "Diferencat mes çmimeve të përdorura dhe çmimeve reale, përfundimisht rezulton se nga 10.500.000 lekë që janë prokuruar drejtpërsëdrejti për firmën "Trema Engineering", 5.130.000 janë përdorur për të ndërtuar "Këmbanën e Paqes", ndërsa 5.370.000 lekë, pra më shumë se gjysma e fondit është vjedhur, duke përfunduar në xhepat e atyre që nuk duan ta dëgjojnë këmbanën", thuhet në relacionin e komisionit hetimor.


--------------------------------------------------------------------------------

Shkeljet, sipas komisionit, në dosjen "Kambana e paqes"

- Këmbana është konsideruar vepër arti, por për ta ndërtuar është prokururar drejtpërsëdrejti një firmë ndërtimi pas asnjë përvojë në vepra të tilla.

- Kontrata është lidhur pa u siguruar në masën 10 për qind

- Preventivi mbi bazën e të cilit është lidhur kontrata, për tre zëra, në një vlerë prej 727.400 lekë është vetëm në vlerë, pa njësi matëse çka tregon se është bërë pa asnjë studim dhe konkretizim të zërave.

- Dy ditë pas lidhjes së kontratës, pra pa përfunduar punimet është bërë likujdimi i të gjithë vlerës prej 10.500.000 lekë.

- Situacioni i punimeve të kryera është pranuar nga MKRS pa datë dhe i është paguar firmës.

- Garancia e objektit është vetëm dy muaj.


--------------------------------------------------------------------------------

Socialistët paralajmërojnë braktisjen e komisionit hetimor

Komisionerët e PS-së duke marrë në mbrojtje kreun e Bashkisë Rama, dhe duke deklaruar se ata nxehen shumë kur denigrohet figura e tij, kanë kërkuar që përgjegjësitë për shpërdorimet që mund të jenë kryer, të shpërndahen që nga kryeministri i asaj kohe, Ilir Meta, që ka firmosur projektin për Kambanën e Paqes dhe deri tek ministrat e tjerë socialistë. Komisionerët e PS-së nuk kanë ngurruar të sulmojnë edhe ministren Dade pse çoi në prokurori dosjen e Kambanës së Paqes.

Komisionerët socialistë kanë kërcënuar dje disa herë largimin nga komisioni hetimor dhe mbylljen e këtij komisioni, duke paraqitur si pretekst shkeljet e vazhdueshme që po i bëhet rregullores së kuvendit nga komisionerët e opozitës. Sekretari i komisionit hetimor, Fatmir Xhafaj, i mbështetur edhe nga pesë deputetë të tjerë socialistë, është shprehur se mazhoranca në komisionin hetimor nuk do të marrë pjesë më në mbledhje, nëse nuk respektohet rregullorja. Ndonëse në bazë të kësaj rregulloreje dhe në bazë të vetë mënyrës së krijimit të komisioneve hetimore, rendi i ditës dhe përcaktimi i mbledhjeve bëhet nga kryetari i komisionit, kjo është konsideruar jo normale nga socialistët. Ata, ashtu si edhe disa ditë më parë, kanë ripërsëritur thirrjen se do të largohen nga komisioni, nëse në të nuk do të merren parasysh edhe propozimet e hedhura nga komisionerët socialistë. "Propozoj që komisioni fillimisht të mbyllë çështjet e hapura në një mbledhje të mëparshme dhe më pas të fillojë shqyrtimin dhe më pas debatin për dosjet e reja. Ne duhet të ndryshojmë mënyrën e procedimit, ndryshe e deklaroj se do të largohemi nga komisioni, i cili do të mbyllë më pas veprimtarinë e tij", u shpreh Xhafaj. Më pas ai ka kundërshtuar edhe publikimin para opinionit publik të dosjes "kambana e Paqes", duke e argumentuar këtë me faktin se kjo dosje është duke u hetuar nga organi i prokurorisë dhe duke qenë se është një dosje nën hetim, nuk mund të rihetohet nga një komision parlamentar. Propozimet e deklaratat e bëra nga Xhafaj janë mbështetur nga i gjithë grupi socialist në komisionin hetimor, ndërsa këto deklarime kanë ndezur debatet në komision. Komisionerët e opozitës kanë kërkuar që socialistët të respektojnë fillimisht të gjitha rregulloret dhe pikat që përmban ajo, pasi ato janë votuar me konsensus në komision. Kryekomisioneri Olldashi, në lidhje me deklarimet e bëra nga socialistët për braktisjen e komisionit, tha se socialistët që pa u krijuar ky komision kanë qenë kundër ngritjes së tij dhe kërcënimet e vazhdueshme që ato bëjnë për të bllokuar komisionin janë në vazhdën e qëndrimit të njohur tashmë nga opinioni publik. "Unë do të respektoj rregulloren dhe nuk do të lëshoj pé në kompetencat që më jep ligji, pasi, si kryetar i komisionit, kam të drejtë të vendos se kur do të mblidhet komisioni si dhe të bëj prezente rendin e ditës", u shpreh Olldashi.


--------------------------------------------------------------------------------

Socialistët: Për shpërdorimet e Ramës duhet të mbajë përgjegjësi edhe Meta

Komisionerët socialistë në mbrojtjen që i kanë organizuar dje Edvin Ramës, kanë qenë të gatshëm të njollosin dhe të akuzojnë çdo zyrtar socialist vetëm të mos pranojnë se Edi Rama ka abuzuar me fondet. Ndonëse dosja "Kambana e Paqes" është dërguar në prokurori nga një ministre socialiste për abuzimet ligjore dhe financiare që ajo përmban, kjo nuk ka bindur komisionerët socialistë. Deputeti Braçe, duke shpërfillur ministren e Kulturës, Arta Dade, e cila ka depozituar dosjen në organin e akuzës, ndërmjet të tjerave tha se nuk mund të merrte për bazë injorancën e disa njerëzve, të cilët janë në pozitë ose jo. Braçe u shpreh se nuk mund të pranonte asnjë nga faktet që paraqiteshin, qofshin ato edhe të ministrave socialistë, ku hidheshin akuza ndaj kreut të bashkisë Rama. Nga ana tjetër komisionerët e PS-së nuk kanë ngurruar që t'u kërkojnë komisionerëve të opozitës që me përgjegjësi të mos ngarkojnë vetëm ish-ministrin e Kulturës, kreun aktual të bashkisë Edvin Rama, por të shikojnë edhe përgjegjësitë që mund të ketë Ilir Meta, si ish-kryeministër për vendimet që ai ka firmosur, apo edhe ministra të tjerë socialistë.

Në kuadër të mbrojtjes së Ramës, dhe duke paraqitur disa dosje të tyre, komisionerët socialistë kanë paraqitur dosjen e rrugës "Mihal Grameno", e cilat sipas tyre është shtruar në kohën kur në krye të bashkisë ishte Albert Brojka. Gjithsesi, dosja në fjalë, ndonëse ka qenë me prokurim të drejtpërdrejtë, është shtruar në kohën kur ministër financash ka qenë Anastas Angjeli dhe kryeministër Ilir Meta, çka ka bërë që edhe këtë radhë vetë komisionerët socialistë duke tentuar të mbrojnë Ramën kanë kërkuar përgjegjësi edhe për zyrtarët e tjerë të PS-së.


--------------------------------------------------------------------------------

Milionat që shpërdoroi Rama

Monumenti "kambana e Paqes" është ndërtuar me një pjesë të fondit rezervë të Këshillit të Ministrave, ndërsa institucioni i autorizuar për të prokuruar fondin prej 105 milion lekësh të vjetra ka qenë ministria e Kulturës. Kambana e paqes është vendosur për t'u ndërtuar më 8 dhjetor të vitit 1999, ndërsa procedurat e tenderit kanë qenë me prokurim të drejtpërdrejtë. Sipas vendimit të qeverisë, ministria e Kulturës, e cila drejtohej nga Edvin Rama, duhej të prokuronte fondin e mësipërm me shoqërinë e ndërtimin "Trema Engineering", ndërsa ministria e Financave dhe ajo e Kulturës ngarkoheshin për zbatimin e vendimit qeveritar.


--------------------------------------------------------------------------------

Ulqini: Kur shani Ramën, unë nxehem

Komisioneri Ulqini ka qenë një nga deputetët socialistë, i cili është shfaqur dje më shumë se kushdo tjetër në mbrojtje të kreut të Bashkisë së Tiranës Edvin Rama. Duke ngritur herë pas here tonet, por pa paraqitur ndonjë argument kundërshtues ndaj dosjeve të bëra publike nga komisioni, dhe ku provohen abuzimet disa milionëshe të Edvin Ramës, Ulqini është shprehur se ai përgjithësisht është njeri i qetë, por kur shahet dhe fyhet figura e kreut të bashkisë së Tiranës, ai nxehet dhe humbet durimin. Ulqini tha se Rama mbetet figura kryesore e socialistëve të kryeqytetit dhe të gjitha akuzat e hedhura nga opozita, nuk qëndrojnë. "Unë e kam deklaruar dhe e rideklaroj se ju kërkoni të njollosni emrin e Edi Ramës, ju kërkoni që përmes këtij komisioni të denigroni figurën e tij, por ne do e mbrojmë Ramën", u shpreh Ulqini.


--------------------------------------------------------------------------------

Policia i merr Erion Braçes makinën

Ndërsa komisioni hetimor ishte duke zhvilluar mbledhjen e tij, policia rrugore po merrte masat për të hequr makinat që ishin parkuar keq në bulevardin Dëshmorët e Kombit. Ndër makinat që kanë qenë të parkuara keq ka qenë edhe makina e Erion Braçes, i cili kishte parkuar keqasi makinën përballë hotel "Rognerit" në bulevardin qendror. Në momentin që makina po sekuestrohej në sfond është shfaqur duke vrapuar deputeti Braçe, i cili fillimisht ka treguar se është deputet dhe më pas ka lëshuar një sërë sharjesh ndaj punonjësve të rendit. Duke qenë se edhe kartela e deputetit nuk u përfill nga policët, të cilët i tregonin Erionit ligjin, dëshmitarë okularë thonë se ai është lidhur me një drejtues të policisë, i cili më pas ka nxjerrë nga sekuestroja makinën e deputetit të PS-së.

--------

Pazar i rëndë i kryetarit të bashkisë së Tiranës me firmën 2K për rrugën "Myslim Keta"

Rama - Kokëdhima, 578 milionë lekë vjedhje në bashkëpunim

Vetëm për Rrugën "Myslym Keta" në Shishtufinë, Edvin Rama rezulton të ketë vjedhur rreth 578 milionë lekë apo afërsisht rreth 50 përqind të vlerës së objektit. Faktet i bëri dje të ditura në Komisionin parlamentar për Hetimin e veprimtarisë së Bashkisë së Tiranës, kryetari i këtij Komisioni, Sokol Olldashi. Bëhet fjalë për dy tendera të zhvilluara nga Bashkia e Tiranës, për Rrugën "Myslym Keta" 1500 metra të gjatë, punimet e së cilës u kryen në dy faza. Të dy tenderat janë fituar nga firma "2K Group" me president Koço Kokëdhimën, në një vlerë totale prej rreth 135 milionë lekësh e barabartë kjo me 1 milion dollarë. Të dy fazat e kësaj rruge janë të tenderuara në vitin 2002. Kontrata për fazën e parë është nënshkruar më 4.6.2002, kurse për fazën e dytë në datën 3.10.2002. Megjithëse janë segmente të të njëjtës rrugë, (pra largësi transporti të pandryshuara) dhe pothuajse të njëkohëshme vihet re se: - Çmimet e ndryshme që përdor Bashkia në preventivin e parë dhe të dytë, konfirmon shumë qartë praktikën antiligjore të vendosjes së çmimeve (neni 3, kap. I, neni 1, datë 01.01.1996). Po kështu ndryshon struktura e kostos të marrë për bazë nga Bashkia në të dy preventivat. - Kushtet e ndryshme të vëna në të dy prokurimet për kualifikimin e firmave pjesëmarrëse, ndonëse vlera e tyre është pothuajse e njëjtë. Edhe kjo është një praktikë e zakonshme e Bashkisë së Tiranës me qëllimin e vetëm për të ulur konkurrencën, sikurse ka ndodhur dhe për të përcaktuar fituesin. Sipas komisionerëve, projektet e zbatimit në dy faza janë paraqitur me mangësi të shumta. Projektet e zbatimit në të dy fazat janë me mangësi të shumta, sipas asaj çfarë kanë konstatuar. Mungonin:1) Tabelat e volumeve në prerjet e profileve tërthore. 2) Në projekt nuk janë parashikuar muret mbajtës dhe pritës. Në projekt nuk janë parashikuar punimet për ujësjellësin. 3) Nuk janë parashikuar punimet për kanalizimet. 4) Nuk janë parashikuar punimet për rrjetin elektrik. Për sa i përket fazës së dytë të punimeve, komisionerët kanë konstatuar shkelje në disa zëra të ndërtimit të kësaj rruge. "Në fazën e dytë të punimeve janë vënë re mangësi. Në planimetri:

- Koordinatat ose grafikisht për objektet në akset e rrugës, prerja tërthore e rrugës (specifikimet e shtresave).

Përveç vendosjes së ndriçuesve në një azhornim nuk jepen në planimetri pusetat e çfarëdolloj projekti të rrjetit inxhinierik.

Në prerjet tërthore të rrugës mungojnë:

Sipërfaqet e gërmim-mbushjeve

Tabelat e volumeve

Projekti i zbatimit të kanalizimit (paragrafi II i preventivit me vlerë 2 584 350 lekë, pa strukturat).

Projekti i ujësjellësit të zbatimit, sipas paragrafit III të preventivit me vlerë 3 277 210 lekë, pa struktura).

Për projektin e ndriçimit jepet vetëm një axhornim në terren i rrugës, në të cilin përcaktohet vetëm vendosja e ndriçuesve. Ndodhen vetëm disa hollësi dhe detaje tip të pafirmosura nga projektuesi L. Muho.

Këto fletë-projekti janë të pakonfirmuara nga Enti Prokurues, iu mungon firma e titullarit dhe vula e institucionit", thuhet në raport. Si pasojë, volumet e vendosura në preventivat përkatës, jo vetëm janë të pasakta, por është e pamundur të llogariten. Megjithatë, oferta fituese, e cila është në ndryshime të vogla nga preventivi, kurse pa strukturë kostoja është e lartë, paguhet e gjitha me situacionet nëpërmjet praktikës së shtresës së punimeve fiktive ose të ndryshme.

Shkelje ka konstatuar grupi i punës së komisionerëve edhe gjatë kolaudimit të rrugës pas përfundimit të fazës së parë të punimeve. "Grupi i kolaudimit i përbërë nga Mihail Cico, Sabri Hoxha, të cilët janë punonjës në Bashki, nuk kanë liçensë personale për kolaudim, në kundërshtim me UKM nr.3, datë 15.02.2001, "Për mbikqyrjen dhe kolaudimin e punimeve të ndërtimit", kapitulli II/ 1. Në këtë grup është dhe Kujtim Çela, i cili sipas akt-kolaudimit është i liçensuar, por në dosje nuk ndodhet liçensa e tij. Procesverbali i kolaudimit bie në kundërshtim me realizimin e projektit fillestar të miratuar dhe të fituar në tender, pasi nga kontrolli i dosjes së zbatimit kanë dalë ndryshime të mëdha ndërmjet projektit të zbatimit të miratuar dhe realizimit në fakt, gjë që nuk është reflektuar në procesverbalin e kolaudimit, në kundërshtim me UKM nr.3, datë 15.02.2001, "Për mbikqyrjen dhe kolaudimin e punimeve të ndërtimit", kapitulli II/ 3/a", shton raporti. Ndërsa përsa i përket fazës së dytë, e cila është në proces zbatimi, komisioni ka konstatuar se, "në datën 27.01 2003, është hartuar një procesverbal, i cili bën ndryshime të qenësishme në projektin e rrugës, i shoqëruar me bilancin e punimeve që shtohen, hiqen dhe të përdorimit të fondit rezervë. Në llogaritjet tona ne nuk kemi marrë parasysh këtë procesverbal, sepse: Nuk është i shoqëruar me ndryshimet përkatëse në projekt dhe preventiv. Nga fotografitë në terren që kemi bërë rezulton se mashtrohet me shtresat rrugore të parashikuara në projekt-preventivin", thotë raporti. "Për këto arsye, në përfundimet tona, për vlerat reale të punimeve për fazën e II ne jemi bazuar tek preventivi, oferta fituese dhe kqyrja e punimeve në terren, të cilat kanë shmangie të mëdha nga preventivi. Theksojmë se në llogaritjet ne kemi pasur rezervë në favor të zbatuesit dhe kërkojmë që për këtë objekt të bëhet matja dhe marrja e provave. Kjo është e rëndësishme edhe për faktin se punimet e parashikuara në këtë fazë dhe ato të realizuara në fazën e parë janë si për ndërtimin e një rruge të re, të gërmuar në gjithë gjatësinë e gjerësinë e saj rreth 60 centimetra. Fatmirësisht të gjithë qytetarët që kalojnë në atë rrugë, kanë pasur mundësi të vëzhgojnë se kjo s’është aspak e vërtetë. Ka pasaktësi që duhen verifikuar, pasi vendosja e tubacioneve me f (FI) 500 mm në preventiv është e ndryshme në sektorë të ndryshëm. Gjithashtu bie në sy zvogëlimi i dukshëm i trotuareve në krahasim me likuidimin e tyre sipas situacioneve, preventivimi në trashësi të ndryshme i shtresave asfaltike në të dy fazat, etj.", thuhet më tej. Nga të gjitha këto prova komisionierët kanë arritur në konkluzionin se për shkak të abuzimeve të Edvin Ramës në këtë aks rrugor, i është shkaktuar buxhetit të shtetit një dëm prej rreth 580 milionë lekësh. "Pas llogaritjeve që kemi bërë, bazuar në çmimet e përdorura nga Bashkia, firma zbatuese e të tregut, vëllimet e parashikuara, të paguara me situacion (për fazën e parë) dhe faktike rezulton, se dëmi ekonomik për rikonstruksionin e dy fazave të Rrugës "Myslym Keta" është si më poshtë: Sikurse kemi vënë në dukje më lart, llogaritjet përfundimtare për fazën e II, që është në zbatim, janë bazuar në kryerjet në terren dhe preventivin e firmës fituese. Duke pasur parasysh se argumentohet për të dy fazat një vjedhje prej 57.648.045 lekë ose afërsisht 50 përqind e vlerës së objektit, dosja duhet t’i dërgohet Prokurorisë për të filluar ndjekjen penale ndaj Edvin Ramës", përfundon raporti

A. M


-----Rd -------

[Brari]

Moderator... nuk e kuptoj pse vendosni vulen "kryeteme" ?

Dashje pa dashje e ktheni Temen nga te fresket ne Bajate.

Leri temat e lira te ulen e ngrihen ne krye si ne kampionatin e Futbollit..pra nga interesimi i lexuso-shkruesve...

Cdo te mire..

[Brari]

shekulli
---------------

Drejtoresha e Teatrit të Operas dhe Baletit u përgjigjet akuzave të bëra në komisionin hetimor parlamentar

Zana Çela: Akuzat e Olldashit konfirmojnë suksesin e punës time

“Nuk e kam dhënë dhe s’kam ndërmend ta jap dorëheqjen nga detyra, sepse jemi më të angazhuar se kurrë”

TIRANË – Drejtoresha e Teatrit të Operas dhe Baletit Zana Çela i është përgjigjur dje, akuzave të një dite më parë të kryetarit të komisionit hetimor parlamentar Sokol Olldashi. Ai përmendte Çelën për blerjen me prokurim të drejtpërdrejtë të makinave për aktivitetin kulturor për shoqatën e drejtuar nga ajo, “Media-Kulturë-Art”. Çela u shpreh dje, për gazetarët se e ka për nder që është vënë në shënjestrën e opozitarëve të këtij komisioni, sepse, tha ajo, “më kanë dhënë një konfirmim të suksesit të punës sime”. “Zoti Olldashi dhe ata që e dirigjojnë atë kanë shpallur një luftë të humbur qysh në fillim, duke kërkuar korrupsionin dhe abuzimin me fondet publike prapa kuintave të Teatrit të Operas dhe Baletit”, -tha drejtoresha e TOB-it. Sipas saj, “çdo shqiptar normal e kupton se arritjet disavjeçare në skenën e TOB-it ata i bëjnë hakmarrës jo vetëm sepse për nga vetë natyra dhe formimi i tyre urrejnë çdo rezultat të arritur me punë, por edhe sepse këto arritje lidhen qartësisht edhe me emrin e njeriut që transformon Tiranën, pra me zotin Edi Rama, i cili qoftë si ministër Kulture, qoftë si kryetar i Bashkisë së Tiranës ka kontribuar në mënyrë konstante në suksesin e punës sonë”. Ajo është shprehur se “i shpreh zotit Sokol Olldashi dhe gjithë atyre që mendojnë si ai, falenderimin tim më të sinqertë për vlerësimin që më bënë dje, duke më konsideruar pjesë e hetimit të tyre sa të turpshëm, aq edhe qesharak”. Se çfarë është shoqata “Kulturë-Media-Art” dhe se cilat janë abuzimet e saj me fondet publike që aq shumë i dhimbsen zotit Olldashi dhe species së tij, tha Çela në deklaratën e saj për median, do t’ia them në sy vetë zotit Olldashi kur të më japë kënaqësinë e paçmuar që të dëshmoj përpara tij dhe të gjithë burrave si ai në atë komision të ngritur vetëm e vetëm për të bërë me baltë gjithçka që është pastruar nga balta në Tiranën e viteve të fundit. “Dua të nënvizoj se do të më mungonte vërtet në karrierën time si drejtore e TOB-it një sulm i tillë, sepse ky lloj sulmi është prova më e shkëlqyer që suksesi i Teatrit të Operas dhe Baletit, suksesi i Festivalit “Marie Kraja”, suksesi i shfaqjeve tona në vazhdimësi ka qenë vërtet i konsiderueshëm përderisa ka arritur të shqetësojë seriozisht edhe atë soj parazitësh që ushqehen prej vitesh duke i shpallur luftë punës dhe njerëzve të punës”, -nënvizoi Zana Çela. Ajo theksoi se nuk e ka dhënë dhe s’ka ndërmend ta japë dorëheqjen nga detyra, sepse përkundrazi, tha ajo, jemi më të angazhuar se kurrë për të realizuar dhe sfida të tjera të planifikuara në kalendarin e shfaqjeve. “Besoj se gjatë këtyre katër vjetëve kemi shkruar një kapitull dinjitoz të historisë së këtij teatri. Këtë e kemi bërë në kushte shumë të vështira falë punës së përbashkët të një ekipi të shkëlqyer njerëzish që nga violina e parë e orkestrës sonë të pashoqe në Shqipëri tek punëtorët e skenës sonë të mbushur me evenimente, që nga këshilli artistik ku kontribuojnë figura të respektuara të artit skenik, tek të rinjtë e talentuar që kemi rekrutuar me kurajo, që nga solistët tanë të jashtëzakonshëm deri tek administrata e aftë që kemi ngritur me mund”, -u shpreh Çela. Transformimi gjatë këtyre katër viteve i Teatrit të Operas dhe Baletit nga një institucion publik i falimentuar për shkak të keqmenaxhimit dhe braktisjes së spektatorit në vitet 1992-1998, tha Çela, në një institucion më të suksesshëm kulturor të vendit, është përpara syve të të gjithë qytetarëve të Shqipërisë dhe ka merituar në vazhdimësi duartrokitjet e nxehta të spektatorit tonë të mrekullueshëm. Ajo është shprehur se tashmë spektatori jo vetëm që është kthyer në sallën e TOB-it, po ka mundur të konstatojë se integrimi evropian për ne nuk është një parullë pa kuptim, por një realitet i ditës falë shumë e shumë bashkëpunimeve me artistë e kolegë nga të katër anët e botës.
D.Tanushi




-----------


Eh moj Zan ty t'kjosha fale
Ma n'fund hajnia zu me t'dal
Po c'kujtove moj zagare
Se vec ti don me vjedh pare
Don dhe Arta moj llapushe
Qe ta futi oj sorr-ushe
Shko tash ti neper gjykata
Se nuk ka ca t'ban traviata
Se ju s'ngopeni me miliona
Tash u dhit ner pantallona

qashtu..



Zaneee moj Zane... ku i cove 220 milion lekat e Popullit?

A mos pa Populli ndonje opera?

A mos i ra radha Popullit te unjet ne stolat e Teatrit?

Jo moj Zane se ti i rruajte per vete ato 220 milione e tani kerkon te perlyesh ne Vjedhjen astronomike violinistet Shqiptare qe shkojne ne Pune akoma me bicikleta kineze..

Leri te qete Muzikantet tone e ti shko ne Biruc bashk me Dashnorin tend ...

Apo e ke ujdisur dhe me Xhefrin sic e pate ujdisur me Limprehtin..qe e vdiqet ****** ne gerxhet e Lures..

Eh moj Mata Harri e Edi Rames dhe Mafias.


I thate Olldashit "OLLDELE" ne fillim me e vu ne loje e megjithse 6 muaj kohe patet ti hanit dokumentat prape OOLDASHI ju zuri me presh ne duar.
Duall Luan ai Djal.

Ka djem trima shqiperia oj ZAn e nuk jan gjith legena e hajduta si rrethi yt militant enverist oj SHIKI-stja e TOBIT..

[Dita]

Alba,

te bukura ato komentet e gazetes TemA.

Se c'kam nje pershtypje qe qenka si "Tej e ketej" e diteve tona

[manoklla]

Ky eshte forum diskutimesh e jo forum informimi me bejte te shpelara nga "Tema" qe na bejne per te vjelle.
Me vjen keq qe emri i Edi Rames aktualisht shqiptohet nga plera si ato artikujt me siper.

[Orku]

Ne fakt ke te drejte sepse duhet te shqiptohet nga gjykatesit.

[ALBA]

Bulevardi "Zhan D'Ark": Rama shpërdoron 140 milionë lekë

Sipas relacionit të paraqitur nga komisioni për këtë tender, prokurimi ka filluar me urdhrin nr. 383 datë 25.10.2002, ndërsa në relacion thuhet se punimet ende nuk kanë përfunduar. "Kontrata me firmën fituese është lidhur më datë 16.12.2002 me vlerën 68.754.480 lekë, kundrejt 96.720.221 lekë që është vlera e preventivit të bashkisë.

Në relacion thuhet se edhe për këtë tender, ashtu si edhe në tenderat e mëparshëm të organizuar nga bashkia e Tiranës, nën drejtimin e Edvin Ramës, çmimet e vëna në preventiv nga Bashkia janë marrë në kundërshtim me pikën 3, kap I, UKM nr. 1, datë 01.01.1996 me shtesën përkatëse. "Në këtë prokurim, dhe që rrëzon pretendimet e Bashkisë, por edhe të përfaqësuesve të Partisë Socialiste në komision, është se çmimi i ndriçuesve dekorativë tredegësh, është realisht çmim tregu, me një vlerë prej 31.000 lekësh, e përafërt me ofertën e tegut. Sikurse kemi theksuar, në të gjithë preventivat, por edhe në ofertat fituese dhe situacionet e prokurimeve të mëparshme, vlera e ndriçuesve ka qenë nga 90.000 në 100.000 lekë", theksohet në relacion. Sipas relacionit për këtë tender rreth 14 milion lekë ose 25 % e fondit të akorduar është shpërdoruar nga bashkia e Tiranës.

Duke iu referuar projektit të zbatimit, në relacion theksohet se në planimetri mungojnë: koordinatat nga poligonët, prerja tërthore e rrugës, pusetat e çfarëdo lloj projekti inxhinierik. Përsa i takon preventivit relacioni thekson se ai, për shkak të mangësive të theksuara në projektin e zbatimit, është i pasaktë. "Këto volume nuk përfaqësojnë punimet reale të kryera në terren. Me gjithë këto të meta e mangësi, ky projekt dhe preventiv është bërë pjesë e dokumentave të tenderit dhe është tenderuar", thuhet në relacionin e komisionit hetimor. Përsa i takon inspektimit të punimeve në terren, inspektim i cili është bërë nga komisionerët si dhe nga ekspertët pranë komisionit, relacioni thotë se deri tani rezulton mosvendosja e materialeve me sasinë e cilësinë e preventivuar.


--------------------------------------------------------------------------------

Bulevardi "Bajram Curri": Rama shpërdoron rreth 240 milionë lekë

Në relacionin e hartuar nga komisioni në lidhje me rikonstruksionin e bulevardit "Bajram Curri", theksohet se prokurimi ka filluar me urdhrin e prokurimit nr. 205, datë 12.06.2002. "Kontrata me firmën fituese është lidhur me datën 19.08.2002 me vlerën 79.443.821 lekë, kundrejt 79.711.238 lekë të preventivit të bashkisë", thuhet në relacionin e paraqitur nga komisioni. Sipas tij edhe për këtë tender në projektin e zbatimit të rrugës dhe më konkretisht në planimetri mungojnë koordinatat nga poligonet, ose grafikisht nga objektet e aksit të rrugës, prerja tërthore e rrugës, profili i tokës, sipërfaqet e gërmim mbushjeve, si dhe tabelat e volumeve, gjë që bie në kundërshtim me nenin 9/a të Ligjit nr. 8402, datë 10.09.1998. Përsa i takon zbatimit të punimeve relacioni thekson se ndodhen të njëjtat projekte që janë në dokumentat e tenderit, dhe kanë të njëjtat mangësi të sipërcituara.


--------------------------------------------------------------------------------

Konkluzionet për të dy tenderat, sipas komisionit

Nga analizat e vlerave të fituara, situacioneve që kemi në dispozicion krahasimit me vlerën reale të punimeve të kryera (rrugë, trotuare) rezulton:

Vlera e fituar Vlera reale Vjedhja

120.354.764 82.167.072 38.187.692

Vlera reale në % 68.3 % 31.7 %


--------------------------------------------------------------------------------

Rama abuzon edhe në tenderin për veshjet e Policisë Bashkiake

Komisioni hetimor parlamentar ka bërë publike dje dosjen e "Blerjes së disa pajisjeve për Policinë Bashkiake", ndërsa në relacionin e komisionit thuhet se edhe në këtë tender abuzimet ligjore dhe financiare janë të shumta. Duke iu referuar relacionit nga komisioni hetimor rezulton se shkelja e parë fillon që në momentin kur për këtë tender është përcaktuar procedura "Tender i Kufizuar". Në relacion theksohet se një tjetër shkelje është fakti se fondi limit i përcaktuar për blerjen e pajisjeve është ndarë në dy pjesë, çka sipas komisionit është e jashtëligjshme dhe që u ka dhënë të drejtën drejtuesve të bashkisë ta përcaktojnë këtë tender si të kufizuar, duke ulur ndjeshëm dhe në minimum konkurrencën. "Dy ditë më parë e njëjta radio me të njëjtat parametra është blerë 104.400 lekë të reja ndërsa pas dy ditësh në një tender me mundësi më të vogël për korrupsion, është blerë 45.000 lekë nga e njëjta njësi prokurimi", thuhet në relacionin e komisionit. Sipas relacionit fondi limit i përcaktuar ka qenë 3.315.000 lekë. "Për këtë me vendim të kryetarit të entit prokurues është vendosur që fondi limit të përdoret me procedurën " Tender i Kufizuar" me dt.02.11.2001 në vlerën 3.000.000 leke dhe "Ftesë për Kuotim" para dy ditësh në dt.29.10.2001 në vlerën 315.000 lekë.

Pra Enti Prokurues ka vendosur që të bëjë dy tendera me fondin prej 3.315.000 lekësh brenda dy ditëve duke e ndarë dhe duke bërë kështu të mundur që të thirren në tender vetëm tri firma konkurruese dhe jo procedurë tenderi të hapur", theksohet në relacion.


--------------------------------------------------------------------------------

Shkeljet ligjore, sipas komisionit

Në kohën kur janë zhvilluar këto procedura prokurimi ka qenë në fuqi ligji 7971 ndryshuar me ligjet nr.8039, datë 23.11.1995, nr.8074, datë 22.2.1996, nr.8112, datë 28.3.1996 dhe nr.8767, datë 5.4.2001 i cili në nenin 17 percakton se: Enti prokurues mund të përdorë një procedurë tjetër, përveç tenderit të hapur, vetëm në rastet e parashikuara në nenet 18, 19, 20, 21 dhe 22.

Persa i përket vlerës dhe përcaktimeve të bëra në nenet e sipërcituara ato përcaktohen në VKM 335 dt 23.06.2001, i cili ka qenë në fuqi dhe ku përcaktohet në pikën 1 se vlera për tenderin e hapur duhet të jetë për mallrat mbi 3.000.000 lekë.


--------------------------------------------------------------------------------