Komisioni parlamentar "Rama"

[ALBA]

Fjalimi i plotë dhe gjithë replikat e Sali Berishës në sallën e parlamentit

Shteti i Edvinëve dhe Eminëve

Të gjitha akuzat e përmbledhura rreth dosjes së Edi Ramës. Paralajmërimet e opozitës për rihapjen e dosjeve të vitit 1991-1992 për Fatos Nanon dhe vendimet e paligjshme të qeverisë Meta për financimin e korrupsionit të Edi Ramës.

Kleves Bitro

Komisioni hetimor parlamentar i ngritur për hetimin e abuzimeve dhe shpërdorimeve në Ministrinë e Kulturës dhe bashkinë e Tiranës, për të hetuar njeriun, për të cilin, siç do të deklaronte pak kohë më parë Fatos Nano, e solli nga Parisi me thonj të pista dhe flokë të palara për të drejtuar kulturën shqiptare, Edvin Ramën, mund të them se një nga realizimet e para të tij ishte krijimi i një kupole mafioze në të cilën ligji i parë ishte shndërrimi i financave publike në financa jo private por familjare.

Në zbatim të këtij parimi, burrat firmosin tenderat që shpallin gratë dhe gratë dalin fituese në tenderat që shpallin burrat. Ky është shteti i Edvinëve dhe Eminëve. Më lejoni t'jua ilustroj pak me dosje.

Studimi i dosjes së Kambanës të Paqes dëshmon se tenderin e shpallur nga zonja Trebicka e fitoi zoti Trebicka. Pra, tenderuese zonja Trebicka, fitues tenderi Ilir Trebicka. Dhe kjo gjithmonë sipas rregullave të kupolës, me bekimin e padrinos, me bekimin e Edvinit. Çfarë bëri Edvini për të realizuar këtë mekanizëm? Edvini shkriu Këshillin e Kulturës dhe vend të Këshillit të Kulturës të ngritur, në të cilin bënin pjesë ekspertë të dy ministrive dhe ekspertë të shquar të kulturës krijoi këshillin e ndrikullave dhe të kumbarëve, sipas rregullit të kupolës. Ndaj dhe u vendos pra, financat publike të shndërroheshin në financa familjare. Trebicka-t firmosin, njëri për tenderin, tjetri për fituesin.

Po sa është shuma? Pllaka e betonit mbi të cilën është vendosur kambana, ka marrë, sipas firmës që ka shitur gjithsej 4 metër kub beton me një vlerë totale 200 dollarë, por unë do ta dyfishoj dhe do të deklaroj këtu 400 dollarë. Ka marrë për tonë dhe 100 kg hekur. Unë do t'i dyfishoj në 200 kg. Pra gjithsej 1000 dollarë vlera e saj. E dyfishuar 2000 dollarë, por kur të vijë puna në familje, nga financat publike tek financat familjare duhet të kalojnë në 70 mijë dollarë. Ju ministra e mbroni këtë sepse mund të keni shumë raste analoge në dikasteret tuaja. Ju siguroj se në atë bankë tek Edvini do të përfundoni edhe ju. Nuk janë Trebickët të vetmit mëkatarë. Edvini vetë me Edvinen e tij feston Shën Valentinin me 40 milionë dhe e ndjek "fati" Edvinen gjer dy muaj më parë në "Porta e fatit" me paratë e bashkëshortit. Ky është shteti i Edvinëve dhe Eminëve, ky është shteti i turpit.

Në rastin kur nuk kanë mundësi që të firmosin bashkëshorti dhe bashkëshortja, kontratën financiare për të përvetësuar financat publike, këshilli i ndrikullave vendos ndryshe. I njëjti person në këshill voton për veten e tij. Dhe ky person, President i Fondacionit Edvin Rama "Media-art-kulturë" por që mban një emër tjetër kjo zonjë, është fituese e këtij projekti. Dhe kjo fitimtare e projektit nënshkruan kontratën me veten e saj, drejtoreshë e TOB-it. Ky është shteti i Edvinëve dhe Eminëve. Kur nuk kanë mekanizëm tjetër si të vjedhin, atehere përdorin "bujarinë".

Ja çka bërë Edvini. Në vitin '97 Teodor Laço nënshkruan një kontratë me Televizionin Shtetëror dhe i jep i atij me qira hapësirën 300 metra katrorë me 11 dollarë/metër katror. Ky televizion ia kalon këtë kontratë një televizioni tjetër, i cili gjatë katër viteve nuk paguan një qindarkë dhe mbetet borxh tek shteti 140 milionë lekë. Edvini i drejtohet gjykatës, fiton në të tre shkallët, pastaj kthehet dhe i thotë: po t'i fal paratë por më një kusht, t'i ndajmë sëbashku. Dhe i ndanë sëbashku paratë me TV-Alba.

Po në këtë mënyrë si TV Alba, Edvini i Eminit dhe Emini i Edvinit i dhanë me qera 5500 metra katror sipërfaqe të klasit të parë në qendër të Tiranës, me 1/30 e vlerës së tregut.

Çfarë ndodhi? I ndau paratë apo mori peng pronarët e mediave, unë nuk e di, por monologjet e Edvinit tani janë edhe më të gjata se monologjet e Fatosit, aty ku ai ka aksionet e tij.

Edvini është i pashpresë. Ju mund ta kandidoni. Mbi të rëndojnë me qindra e mijëra metra katrore trutuare të ngrëna. Fatmirësisht, i pohoi vetë Edvini sipas të cilit trotuaret nuk janë ndërtuar në Bulevardin "Bajram Curri" pasi rruga nuk mbante peshën e tyre! Se paratë peshonin më rëndë në xhepat e Edvinit. E dëgjuat Edvinin të deklaronte se aty ku trotuaret duhet të ishin 4 metër katror mund të ishin dhe gjysëm metri sepse ndërtimet pa leje s'na lejonin. Edvini ndërtoi 360 metër rrugë në drejtim të zonës së famshme elektorale të Kombinatit, natyrisht me VKM të zotit Meta, pa ndonjë vështirësi, duke shpenzuar 1.3 milionë lekë për metër linear rrugë.

Edvini është firmëtar i marrëveshjes "Ekspo - Hanover" në të cilën qindra milionë lekë të 122 objekteve të blera në tregun shqiptar, punime nga më të hollat të argjendta, ikona dhe vlera të mëdha artistike, ishin për t'u rikthyer të gjitha në Shqipëri. U shitën të gjitha në Gjermani dhe s'u kthye asnjë qindarkë në vend dhe kjo me firmën e Edvinit. Sepse në shtetin e Edvinëve dhe Eminëve ku ju jeni lojtarë dikush duhet të ndërtonte vila me paratë e prodhimeve artizanale të blera me paratë e taksapagueve shqiptarë.

Mbi Edvinin dhe Edvinët rëndon dosja e rëndë e fasadave. Aty ku sot qeveris Luan Rama janë ca lampadarë, të cilët kanë katërfishin e çmimit të lampadarëve Majko. Çfarë kanë lampadarët e tij më shumë se lampadarët e Luan Ramës, përveç vjedhjeve që ka bërë Edvini dhe Edvinët, se

fasada e zotit Majko ka kushtuar tre herë më shumë se fasada e zotit Rama. Le të na e thotë zoti Majko, me çfarë e ka sherbetisë fasadën e tij. Ky është shteti i Edvinëve dhe Eminëve, shteti juaj, të nderuar ministra. Jeni të gjithë bashkautorë në këtë.

Ky është shteti i padrinos, i cili më së fundi mbërriti dhe braktis parlamentin në mënyrën më të padenjë. Dije mirë zoti Nano se do të marrësh përgjigje shumë të rënda.

Edvini është frymëzuesi i shndërrimit të financave publike në financa familjare. Thuajua shqiptarëve zoti Nano. Ke rastin të tregosh se si shteti i Naçit dhe i Baçit bëhet shteti i Edvinit dhe Eminit.

Dosja "Scorpions" është një dosje e 650 mijë markave, në të cilën janë vjedhur 150 mijë marka siguracion, të cilat sipas kontratës duhet të ktheheshin në rast se koncerti nuk do të realizohej. Koncerti u realizua, paratë nuk u kthyen.

Në vendimin e Eminëve dhe Edvinëve, figuronte se të gjitha paratë do të nxirreshin nga biletat. Po ç'bënë Edvinët dhe Eminët? Si lukuni u lëshuan mbi biletat, i vodhën të gjitha paratë e biletave. Nga 37 mijë bileta të shikuara inkasuan gjithsej shumën e 6500 biletave.

Kostumet e policëve të Edvinit kushtojnë sa katërfishi i kostumeve të policëve të shtetit. Edvini do përgjigjet sepse kravatat e policëve të Edvinit që ai të vjedhë ka vendosur çmime katër herë më të shtrenjta se të kravatave të luksit. Edvini do të përgjigjet, sepse për të prerë një pemë ka vjedhur katër rroga arsimtarësh. Edvini juaj do të përgjigjet sepse ka shitur fierin për palma të arta, "çështja e spitalit".

Edvini do përgjigjet, sepse ka vjedhur si hajdut xhepash vetëm në "Ekspo-Hanover 2000" mbi 120 mijë marka në formën e ahengjeve dhe orgjirave, pa llogaritur biletat e avionit.

Po ç'janë 120 mijë marka për ju në krahasim me vilat që keni ndërtuar me paratë e vjedhura? Ç'janë 120 mijë marka në krahasim me abuzimet që keni bërë gjatë këtyre viteve? Ç'janë 120 mijë marka për ministrat tuaj zoti Nano, të cilët çdo ditë vjedhin në doganë dhe ngrenë trarët e tyre. Ç'janë 120 mijë marka për ty zoti Nano, që u vë gjoba biznesmenëve dhe investitorëve?

Edvini iu kërkonte biznesmenëve 1 milion dollarë në natyrë për heqjen e plehrave të Lanës dhe taksat e taksapaguesve shqiptarë ndaheshin midis tyre dhe Edvinit, në fakt edhe midis qeveritarëve. Është koha të bëheni seriozë. Unë jam i bindur se ju që nuk patët kurajon ta mbroni, se zoti Meta që qëndron në ballë të piramidës Rama dhe të tjerët që bëjnë pallate në trojet e dhëna nga zoti Rama, sot do ta mbroni. Por shpreh bindjen se një shtet jo i Edvinëve dhe Eminëve, por një shtet ligjor, edhe 30 vjet prapa do ta ndjekë Edvin Ramën për paratë që ka vjedhur. Para se të dalim nga salla e Kuvendit hajdeni të dalim bashkërisht dhe 40 metra larg kësaj salle të masim një trotuar, të cilin Edvini juaj e ka paguar për 45 metra katror një sipërfaqe gjithsej vetëm 11 metra. Por ju këtë nuk e bëni dot. Qytetarët e Tiranës kanë nevojë për fakte dhe ne po i provojmë vjedhjet e Edvinit, po i bëjmë gjyqin qeverisë së sotme. Këtu nuk gjykojmë Edvinin, por gjykojmë Eminët dhe Edvinët e këtij pushteti. Sot është dita e gjyqit. Ne s'jemi prokurorë, s'jemi gjykatës, sepse ata i ka shuar me dhunë dhe hekur njeriu që festoi në vilën e Enverit dit-emrin e partisë së tij. Por ne zotohemi se do të bëjmë të gjitha përpjekjet për të vendosur në Shqipëri shtetin ligjor dhe dosjet e Edvinit do të paraqiten zyrë më zyrë, sokak më sokak, rrugë më rrugë, aty ku ai ka vjedhur sëbashku me portretet e atyre që kanë asistuar në këto vjedhje të pashembullta të parave të taksapaguesve shqiptarë. Beteja jonë ndaj krimit, ndaj lidhjeve të krimit është betejë e vendosur, është dhëmb për dhëmbë, është për jetë a vdekje, është e pakompromis. Unë kam besim të madh se shoqëria shqiptare do t'u japë përgjigjen më të shkëlqyer Edvinëve, do t'u japë përgjigjen më të shkëlqyer sejmenëve të tyre!


--------------------------------------------------------------------------------

Replika e Berishës me Metën

Të siguroj se minimumi i përfundimit tënd është dëshmitar në bankën e Edvinit, se për më tutje e kanë në dorë të tjerët. Janë vendimet e tua (VKM-të) që ushqejnë Edvinin dhe kupolën si dhe të krijojnë modelin më të shëmtuar të zyrtarit të korrupsionit dhe të përvetësimit. Kam bindjen më të thellë se prapa fjalëve që the, zoti Meta, qëndrojnë tërësisht lidhjet e tua me Edvinin.


--------------------------------------------------------------------------------

Replika me Nanon

Unë dua t'i them zotit Nano se kur ai e akuzonte Edvin Ramën, si shitës i ikonave të vjedhura në Paris, e akuzonte për 300 milionë lekë borxhe të qytetarëve të Tiranës, e akuzonte si pronar të paligjshëm të kryeqytetit, e akuzonte për milionat e fasadave me Luanin dhe Pandeliun, e akuzonte për leje ndërtimi për miqtë, dhe për komplekse tezesh. Zoti Nano nuk ishte gjë tjetër, veçse Robert Çamçakëzi. Nano ti hesht tani, sepse për hir të vërtetës Edvini të ka shpërblyer rëndë dhe bindshëm në natyrë. Tek Edvini ke vendosur interesa të mëdha biznesi. Nano largohet nga parlamenti në një akt infantil, për të mos thënë më shumë se kaq, sepse ai në të vërtetë nxin në mungesën e tij, dhe në këtë rast më mirë larg se në parlament.


--------------------------------------------------------------------------------

Berisha paralajmëron Nanon se do kërkojë hetim parlamentar për '91-'92

Kryetari i PD-së Sali Berisha ka paralajmëruar Nanon që të mos përmendë emrin e burgut dhe situatën nëpër të cilën e çoi shpërdorimi dhe abuzimi me ndihmat e fëmijëve gjatë viteve '90 për të nxjerrë përfitime politike nga lufta e brendshme e PS-së. Në rast të kundër, Berisha ka paralajmëruar Nanon se do të kërkohet komision hetimor parlamentar për t'i faktuar, se si ai me firmë dhe vulë ka vjedhur dhe shpërdoruar miliona dollarë ndihma humanitare të fëmijëve shqiptarë. "Unë nuk e kam bërë këtë për ta kursyer, por sepse ai në 1997, u amnistua nga shqiptarët dhe mua më takon të respektoj sovranin. Por në rast se ai vazhdon t'u nxjerrë kundërshtarëve të tij luspat e burgut, atëherë unë premtoj se atij do t'i nxjerr dosjet një e nga një", ka sqaruar Berisha.


--------------------------------------------------------------------------------

Berisha-Majko

Unë dua t'i kërkoj zotit Majko të më thotë se çfarë kanë llampadarët e vendosur pranë zyrës tuaj që kushtojnë 2.5 milionë lekë, në krahasim me ata që janë vendosur në ministrinë e Rendit, të cilët e njëjta cilësi, e njëjta markë kushtojnë 600 mijë lekë të vjetra. Ju sot duhet t'u thoni shqiptarëve se çfarë kanë pusetat e vendosura tek ministria e Mbrojtjes, të cilat kushtojnë katërfishin e pusetave që janë vendosur tek ministria e Rendit.



Berisha-Xhafa

Qeshni z.Xhafa por do të mbani përgjegjësi që vëllai yt bandit, me urdhrin tënd, ka marrë deputetët në telefon.



Berisha- Çeço

Ti mos fol zonjë, se ke marrë pallatin pa lejë!



Çeço-Berisha

Pallati është i kohës tuaj!



Berisha-Gjinushi

Gjinushi foli këtu, i nisur nga lidhjet e tij me skafistët dhe drogën.



Gjinushi-Berisha

Sa herë një budalla hedh një gur në pus, shkojnë qindra dhe merren me të. Më mirë të mos merremi me gurin, por le të hedhim budallain brenda që të shpëtojmë!



Nano-Berisha

Ju po bëni gjyq politik të kohëve të shkuara. Synoni të godisni qeverisjen qendrore dhe lokale. Doni të realizoni një linçim publik të tipit stalinist të kryebashkiakut.

Ky është një proces farsë. Ti e keqorienton shoqërinë!

Erion Braçe bllokon përgjigjet e pyetjeve nga Olldashi

Përfaqësuesit e mazhorancës socialiste i janë trembur një përgjigjeje të Olldashit për pyetjet e drejtuara atij në lidhje me hetimin parlamentar ndaj abuzimeve të kryebashkiakut Rama me fondet publike. Kjo për shkak se ata nuk kanë dashur që ai të gjejë hapësira të reja për të denoncuar shkelje dhe abuzime të tjera të kryebashkiakut me fondet publike. Ka qenë deputeti socialist Braçe, i cili ka kërkuar që Olldashi t'u përgjigjet pyetjeve vetëm pasi komisioni të mblidhej dhe të administroheshin aty pyetjet.

Kjo kërkesë u hodh poshtë nga kryetari Olldashi, pasi komisioni kishte përfunduar punën e tij dhe ishte shpërndarë, ndërkohë që pyetjet i ishin drejtuar individualisht.


--------------------------------------------------------------------------------

[ALBA]

Vjedhjet e Edvinit, detyrim ligjor i Prokurorisë

Dosjet me abuzimet e Edvinit në të gjitha përfaqësitë më të rëndësishme diplomatike në vendin tonë

Edvin Rama ka nxituar dje të festojë votimin politik të mazhorancës së majtë për të mos zbardhur vjedhjet e tij, të vlerësuara sipas ekspertëve të Komisionit Hetimor në vlerën e 7 miliardë lekëve, përmes entuziazmit të deklaruar para mediave se "hetimi parlamentar u varros". Gazi i Edvinit është interpretuar si një çlirim nga pozicioni i vështirë ku u gjend me denoncimin e rreth 30 dosjeve korruptive në të gjithë aktivitetin e vet politik, qoftë si ministër i Kulturës, Rinisë dhe Sporteve, qoftë si kryetar i Bashkisë së Tiranës, megjithatë anëtarë të Komisionit të Ligjeve thanë dje se Edvini s'ka asnjë arsye ta quajë hetimin të mbyllur. Institucioni i akuzës, deklaruan dje deputetët e opozitës, Beja, Shehu e Mediu, ka përgjegjësinë të hetojë çdo akuzë publike, edhe pa një denoncim formal në dyert e institucionit të saj. "Tashmë, opinioni publik është njohur me akuzat për shpërdorime, vjedhje e falsifikime dokumentash, që ngarkojnë drejtpërsëdrejti me përgjegjësi penale Edvin Ramën, prandaj institucioni i Prokurorisë besoj se do të zbatojë detyrën e vet kushtetuese, duke iniciuar një hetim serioz për to", tha dje deputeti Fatos Beja. Më herët, kur socialistët ende nuk e kishin shpallur qëndrimin e tyre zyrtar se do të bllokonin çdo propozim për të dorëzuar një kopje të raportit përfundimtar të Komisionit Hetimor në zyrat e Prokurorisë, kryeprokurori Theodhori Sollaku shprehu gatishmërinë për të konsideruar çdo akuzë e për t'i shkuar me seriozitet deri në fund procesit të hetimit. Megjithatë, qëndrimi socialist bllokoi në seancën plenare të së martës respektimin e frymës së Ligjit "Për komisionet hetimore", duke mos pranuar që raporti t'i dorëzohej zyrtarisht kryeprokurorit Sollaku, çka sipas konstitucionalistëve nuk interpretohet në "varrosje të hetimit", siç u shpreh dje kryebashkiaku. Një burim nga Komisioni i Ligjeve tha dje për "RD"-në, se mungesa e formalizimit të një kërkese për të dorëzuar raportin në Prokurori ka çliruar këtë institucion nga trysnia politike, duke krijuar një klimë të favorshme për hetime të pavarura rreth shpërdorimeve 7 miliardë lekëshe. Prokuroria po heton aktualisht edhe për 3 dosje të tjera në ngarkim të Edvin Ramës e besohet se përfundimet për to do të publikohen përpara nisjes së fushatës për zgjedhjet vendore. Varrosja e hetimit për Edvinin është mjaft larg, edhe për shkak të vendimit të përfaqësuesve të opozitës, për të vënë zyrtarisht në dispozicion të titullarëve të përfaqësive kryesore diplomatike në Tiranë një kopje të raportit që fakton shpërdorimet e të zgjedhurit të Fatos Nanos si "model të qeverisjes socialiste", aksion që pritet të nisë që në mbyllje të kësaj jave.



Opozita, e vendosur për t'i shkuar deri në fund abuzimeve në bashkinë e Tiranës
Mare nga rilindja demokratike

[manoklla]

E si do dilte me sukses nje komision i drejtuar nga nje provincial tipik si Ollollodashi, i cili deri me 1990 vinte ne Tirane me vize?

[Honezmi]

Uauu.. po me traper si ULQINI, ai tjetri qe leshone mesazhe kercenuse nga telefoni(krye- redaktori i pacamuresPS-se)po dhe kamarjeri i GJirokastres;kuptohet qe me keta debile qe futi PS-ja ne komisjon kete perfundim do te kishte!
Mano; di gje per keta me larte, se nga ishin dhe se si vinin ne Tirane para 1990?Po ky ULQINI shkelqen nga ZGJUARSIJA.....
Po -dardha e ka bishtin mbrapa- thote populli.

[pelin]

E pse i dergojne dosjet neper ambasadat e huaja ?

Duan ta gjykojne ne Hage???

[manoklla]

Une si mbrojta Ulqinin dhe Bracen. Edhe ata provinciale dhe grrica jane. Vetem sa u prononcova per Ollolodashin.

[ALBA]

Edvini, gati projektin grek për shkatërrimin e Tiranës

Rrënimi: Qendra e kryeqytetit, në shesh eksperimental

Ideja ekstreme e kryebashkiakut Edvin Rama, për një ndryshim total të qendrës së kryeqytetit, duke e kthyer atë nga një ansambël muzeal me vlera të rralla, në një qendër "moderne" të tipit "karakatinë", duket se ka nisur të vihet në zbatim. Për të treguar mospërfilljen dhe arrogancën e tij, tani që duket se nuk do t'i ndodhë asgjë, edhe pse ka vjedhur miliardat e qytetarëve tiranas, Edvini ka nisur që ta trajtojë këtë qytet si një pronë të babait. Vetëm dje, si për ironi të fatit, kryebashkiaku ka shpallur projektin "bashkëkohor" për një ndryshim rrënjësor të qendrës së Tiranës. Për mos t'i lënë fjalë kundërshtarëve të tij, kryebashkiaku Rama ka deklaruar, gjoja tenderimin e hapur për projektin e qendrës së kryeqytetit, ku sipas tij, me qindra shoqëri projektimi nga shumë vende të botës, kanë treguar interes. Sipas kryebashkiakut, "për ndryshimin e qendrës së Tiranës, kanë paraqitur idetë e tyre shoqëri japoneze, kineze, koreane e deri afrikane, të cilat do të ndryshojnë pamjen ekzistente të Tiranës, duke e kthyer, nga një qendër muzeale në një qendër shumë funksionale". Por, cilat janë ato shoqëri projektimi kaq të njohura nga vende të ndryshme të botës, që sipas Edvinit, duan të investojnë në ndryshimin e Tiranës, në një kohë që ansambli muzeal i qendrës së kryeqytetit mbrohet nga konventa ndërkombëtare? Kush do të jenë këto shoqëri të njohura që kryebashkiaku do t'u besojë projektin e kryeqytetit, të cilat kanë miratimin dhe të qeverisë shqiptare? I mbrojtur nga krerët e PS-së dhe i bindur në marrëzitë dhe aventurat perverse të mendjes së tij, Edvini mendon se me kryeqytetin e Shqipërisë dhe me banorët e tij, mund të bëjë si të dojë. Këtu ndihet dhe dora e "ekspertëve" të PS-së, të cilët janë të interesuar për një kaos të ri urban dhe për një prishje të identitetit të qendrës muzeale të kryeqytetit shqiptar, pasi vetëm kështu mund të mbulojnë ndërtimet e tyre të paligjshme, të cilat i kanë prishur imazhin karakteristik qendrës së Tiranës, të cilën dhe regjimi i diktatorit Hoxha nuk pati guximin ta prekë. Megjithatë, është fare e qartë se, pas ideve "brilante" të Edvinit, fshihet i famshmi projekt grek i prishjes së identitetit kombëtar të Shqipërisë, të cilin kryebashkiaku nuk mundi ta realizojë dot kur ishte në krye të Ministrisë së Kulturës. Megjithatë, pikërisht në kohën kur kryebashkiaku, me idetë e tij donkishoteske kërkon të bëjë katrahurën në Tiranë, nuk është vonë që kryeqytetasit të tregojnë kulturën dhe ndërgjegjen e tyre qytetare, për t'i prerë duart "katallanit debil", që të shëmtojë identitetin kombëtar.

[krokodili_73]

Alba diskutimi jot eshte i tipit, per inat te vjerres do vete te fle m muixhine. Qendra e tiranes eshte nje turp i vertete, nje arkitekture absurde qe u krijua qe ti sherbente nje qellimi, bustit te ish diktatorit, dhe si rrjedhim tani ka dale nga funksioni dhe eshte nje non-sense. Persa i perket edvinit, atij ja ka dhene votat qytetaret e tiranes. Kur tja japin nai tjetri do bejme revolucione, por te pakten tani-per tani te zbatojme ligjin, dtmh te respektoime rregullat e demokracise, ok.
Ta

[Orku]

Krokodil, ndryshimi i qendres edhe ne qofte (nuk eshte) kompetence e nje njeriu te vetem per vete rendesine qe ajo ka ...behet fjale per qendren e kryeqytetit duhet te kaloje neper nje debat publik dhe teknik shume te gjere ne menyre qe qendra te mos ndryshoje sa here nderrohen kryetaret e bashkive.

Llangosja e pallateve me ngjyra anormale per banesa private e jo me publike, ishte shume me keq se nje lajthitje.... ne radhe te pare qe nje arrogance dhe arbitraritet i nje njeriu i cili Tiranen e konsideron dhe trajton si kanavacen e pikturave te veta. Ajo qe dua te them eshte se te qenurit kryebashkiak nuk do te thote te jesh pronar dhe per gjera te rendesishme si pamja e qendres nuk i takon atij te marre vendime individuale.

[krokodili_73]

Orku, po mir ti si thua qe te mbledhim organizaten baze te partise apo te mbledhim popullin e tiranes ne shesh dhe te bejme kuvend burrash per sheshin e tiranes. Apo akoma me mire, te bejme nje komision dypalesh ps-pd me shaban memin e me lush perpalin, dhe ata, ti japin besen njeri tjetrit per sheshin e tiranes?????

Meqe po thua qe si takon rames ky vendim, atehere kujt i takon sipas teje????

Shteti ligjor ka struktura qe duhen respektuar po deshe shtet, nese te pelqen apo jo. Prandaj eshte dhe vota, nese mua nuk me pelqejne politikat e tua, nuk te zgjedh heres tjeter, por ama derisa te vij votimi tjeter, cdo njeri, i majt i djatht apo i mesem duhet te zbatojne ligjet dhe institucionet. Ksaj rradhe, per fatin tuaj te keq, votat per tiranen i ka marre edi rama, dhe deri diten qe ai do te rrezohet nga posti me ane te elektoratit, ju dhe ne jemi te detyruar ta pranojme ate.

Kjo eshte demokracia, ne ndryshim nga anarkia, ku institucionet ngrihen dhe rrezohen sipas oreksit.

Prandaj, lerini diskutimet e pabaza qe udhehiqen vetem nga deshira per te share apo denigruar deri ne ekstrem edi ramen.

Beni dicka ndryshe.

Me respekt

crocodile