Komisioni parlamentar "Rama"

[Brari]

KJ

-------

META: BERISHA, LARG DUART NGA PROKURORIA

"Une denoj presionin qe Berisha po ben ndaj Prokurorise per ceshtjen Rama. Opozita, e cila eshte e paafte te gjeje nje kandidature perballe Edi Rames, duhet te kuptoje se ka ikur koha kur Prokuroria perdorej per qellime politike"

Zevendeskryeministri Ilir Meta del hapur ne mbrojtje te kryebashkiakut te kryeqytetit Edi Rama, ndryshe nga zyrtare te tjere te larte socialiste. Shkak per kete mbrojtje eshte bere deklarimi i liderit te opozites Sali Berisha per te derguar ne prokurori Edi Ramen, ne baze te shkeljeve qe opozita pretendon se ka gjetur ne dosjet e kontrolluara.

"Une denoj presionin qe po ben lideri i opozites Sali Berisha ndaj Prokurorise per ceshtjen "Rama". Nje gje e tille eshte e papranueshme, pasi prokuroria nuk mund te perdoret per lufte politike ne nje moment te tille te fushates zgjedhore. Opozita, e cila eshte e paafte per te gjetur nje kandidature perballe kryetarit aktual te Bashkise se Tiranes, Edi Rama, duhet te kuptoje se ka ikur koha qe Prokuroria te perdoret per qellime politike", tha dje ne nje prononcim per "KJ" zevendeskryeministri Ilir Meta. Kur kane mbetur edhe dy dite nga perfundimi i punes se komisionit hetimor anti-Rama, situata eshte renduar se tepermi nga te dy forcat politike.

Per here te pare, nje zyrtar i larte i qeverise, deklarohet kunder presioneve te Berishes ndaj kryetarit te Bashkise se Kryeqytetit. Ndersa, pervec anetareve socialiste te komisionit "Rama" asnje insitucion parlamentar, qeveritar apo partiak, nuk ka dhene prononcime ne emer te forumeve per te mbajtur nje qendrim te perbashket.

Mbrojtja e paket qe po i behet Rames nga socialistet, gjeneron ndoshta nga konfliktet qe jane ekspozuar prej kohesh brenda rradheve roze. Burime nga selia e PS, thane per "KJ" se gjate zhvillimit te mbledhjes se Komitetit Drejtues te Tiranes, ku Nano, Rama e Meta ishin te tre ne kete mbledhje, nga struktura te caktuara te partise u bene perpjekje per te ndare Ramen nga Meta, duke mos i lene te dilnin bashke nga mbledhja. Por, pavaresisht nga perpjekjet e bera, Meta e Rama serish dolen bashke nga kjo mbledhje. Megjithate, nuk mund te shmangeshin pasojat e "shitjes" se Rames, duke filluar qe nga shkarkimi i drejtoreshes se Teatrit te Operas dhe Baletit, Zana Cela. Duket se ideja qe po qarkullon prej kohesh ne PS, se ka dy rryma per ceshtjen e zgjedhjeve lokale, eshte konkretizuar tashme.

Zevendeskryeministri Meta i kujtoi Berishes se nuk eshte koha e qeverisjes se PD-se, kur edhe vete socialistet e cilesonin prokurorine teresisht politike dhe qe e perdornin per te tilla qellime. Por, ndoshta Meta, nuk ka nenvleftesuar edhe Nanon dhe presionet e bera sipas tij, (ne deklarimet e vitit 2001), ndaj qeverise socialiste te drejtuar nga Meta, duke perdorur edhe prokurorine.

Pavaresisht nga deklarimi i Metes, PD ka derguar ne prokurori dosjet qe disponon, ku sipas konstatimeve te eksperteve demokrate te komisionit, jane verejtur shkelje te shumta qe e cojne Ramen deri ne ndjekje penale.

Edlira Prenga


------------------

Edlira e prengajve thot mes tjerash se :

"Mbrojtja e paket qe po i behet Rames nga socialistet" etj etj..

Moj edlir oj frrok cupjane e Kj -se .. ku po shikon "mbrojtje te paket" ti.
As Enveri nuk eshte mbrojtur nga PPSH sa po mbrohet Ed Rama nga PS.
Ps-se i ka ngel vetem te vrasi pluralizmin, edhe at pik pluralizem formal qe ka ngelur, per hater te Edi Rames.

Totalisht PS nga Kupola Meta-Nano-Ruci e deri tek Mafia Brace, Braho, Agasi e deri tek frrok cupisti i fundit ne Iball te Pukes e deri tel cobani me trushkulur i Terbacit jan mobilizuar te mbrojne Enver dy metroshin Edi Rama.


Meta me kte akt zbuloi se eshte ai Tutori i Edit , eshte Ai qe e ka furnizuar Edi Ramen me miliarda Leke te cilat Ed Rama me variantin "ndrro dy pllaka trotuari e lidh dy poca" ka futur bashk me METEN ne Xhep kto shuma astronomike Parash.
Edhe Thesarin e Shtetit Ilir MEta e vodhi per Edi Ramen prandaj ai e ka frike Prokurorine e do qe Vjedhja Rama te mbetet ne Kuvend ne trajtim llafollogjiko -parlollo e jo ne Inventar Zyrtar.

Bravo Olldashi...

[Albo]

Opozita kërkon debat në Kuvend për të gjitha dosjet e Edvin Ramës pas refuzimit të kryebashkiakut për të dëshmuar para Komisionit parlamentar. Opozita po ndërton një strategji të re për ripërsëritjen e debatit mbi dosjet dhe dorëzimin e tyre në prokurori

Opozita do të rishfletojë "Dosjen Rama"

Berisha lavdëron Olldashin për qetësi dhe kthjelltësi politike

Opozita shqiptare do të rifillojë shfletimin e dosjes së Edi ramës në parlament një për një duke zhvilluar debat publik mbi përmbajtjen e tyre, për shkak të refuzimit që kryebashkiaku i bëri dëshmisë së tij para Komisionit parlamentar. Opozita do të angazhohet në një debat parlamentar në lidhje me fakte mbi abuzimet me fondet publike të kryebashkiakut Edi Rama, por edhe publikimin e të gjitha fakteve për opinionin dhe qytetarët, para se këto dosje të paraqiten në prokurori. PD ka paralajmëruar botimin e plotë të dosjeve që lidhen në mënyrë të drejtpërdrejtë me moralin e Edvin Ramës. Dosja ka të bëjë me padinë e ngritur nga Edi Rama kundër të atit ku e akuzon këtë të fundit për inçest. Gjithsesi Edi Rama do të ketë përballë opinionin qytetar tashmë nga podiumi i Kuvendi ku do të ketë fakte mbi dosjet e zbuluara. Berisha tha dje se dokumente të dosjes si e "Skorpions"-ave ku janë të faktuara se 180 mijë dollarë janë dhënë në zarf, përveç vjedhjeve me bileta në një shumë të barabartë me 300 mijë USD, do të jenë të pranishme dhe të prekshme nga qytetarët. Taktika e opozitës ka të bëjë me paraqitjen e të gjitha dosjeve, parlamentarëve të fjalës së lirë dhe më pas këto të gjitha do t'i paraqiten Prokurorisë.

"Ne nuk bëjmë presion mbi prokurorinë, por ne bashkëpunjmë ngushtë me institucionet e zbatimit të ligjit," sqaroi Berisha. Kryetari demokrat pohoi se Edvinit iu krijua mundësia të shpjegohej për akuzat e ngritura, por ai nuk pranoi të përgjigjej i vetëm duke provokuar ligjin dhe komisionin me dëshmi kolektive të jashtëligjshme. Berisha ka përmendur në akuzat e tij edhe thirrjen nga ana e komisionerëve të opozitës, të dëshmitarëve si Koço Kokëdhima duke u kujtuar socialistëve se mund të kishin thirrur edhe Esmeralda Uruçin, e cila ka paditur Ramën në prokurori. "Mirë ishte që pranoi Koçoja ballafaqimin përmes centimetrave të Edvinit, por duhej të thirrej edhe Esmeralda Uruçi, Ministrja që e ka paditur në prokurori", sqaroi kryetari demokrat.

Berisha ka vlerësuar dje punën e bërë nga ana e komisionit hetimor me dosjet e abuzimeve duke përgëzuar kryetarin Olldashi. "Unë e përgëzoj zotin Olldashi, ai besoj se meriton përgëzimet e të gjithë grupit për gjakftohtësinë politike dhe kthjelltësinë politike që dëshmoi në drejtimin e asaj seance, sikundër i përgëzoj të gjithë anëtarët e komisonit, të cilët demonstruan kulturën politike, kulturën parlamentare të përballur me atë që e kemi quajtur dhe do të quajmë vazhdimisht "Nezirin e gjymit", sepse ai kishte llogaritur hajdutët me kollare dhe minigone si mënyrë që të dëshmonin kolektivisht", sqaroi Berisha. Në fakt Komisioni ka ndjekur rrugën e hetimit total, sepse shqyrtimi i të gjitha dosjeve sipas vlerësimeve të ekspertëve kërkonte 1 vit kohë ose më shumë, por është ndjekur rruga tjetër që parashikon ligji, ajo e shqyrtimit selektiv.

Opozita që në fillim ka akuzuar Edi Ramën dhe mbrojtësit e tij për kundërvënie të hapur kundër punës hetimore duke i etiketuar këta të fundit me përfaqësuesit të klaneve të drogës në komison dhe të krimit të organizuar. Ndërkohë Edvini edhe dje është akuzur nga kryetari demokrat si personi i cili bllokoi tërësisht dëshminë dhe nuk "nguroi të zhvishej lakuriq si primitiv duke kërkuar si një kretin i vërtetë që t'i pranohej dëshmia kolektive"!"

[Asteroid]

Morri Braçe, ka humbur arsyen nga mospërmbushja e detyrave të ngarkuara prej Edvin Ramës e në fund të mandatit të Komisionit Hetimor "Rama" po e kërkon protagonizmin në kurriz të gazetarëve. Pasi një ditë më përpara, sulmoi gazetarin e "RD"-së Armand Maho me arsyetimin se, po e shikonte në sy e po destabilizohej, dje Braçe ka sulmuar publikisht me akuza të ngjashme gazetarin e Shijak TV, Fatmir Guda, si dhe gazetaren e rrjetit televiziv Alsat, Elona Meço. Morri Braçe i sulmoi që të dy nën akuzën se po pasqyronin në mënyrë të njëanëshme e denigruese për Edvin Ramën punimet e Komisionit Hetimor, ndërkohë që ndaj Meços ai rezervoi edhe një sërë akuzash të tjera, që kishin të bënin me pasqyrimin e aktiviteteve të tij e të Edvinit nga një rrjet televiziv, ku gazetarja punonte më përpara e që duket se është larguar prej andej nga protestat e tyre. Braçe ka mashtruar në mënyrë flagrante, edhe pse ekzistojnë pamje filmike që e fyen Mahon, sepse "e di se ti je gazetar i "RD"-së", ndërkohë që gjatë gjithë kohës ka përshtatur një sjellje provokuese ndaj përfaqësuesve të mediave. Ndërhyrjet brutale të morrit Braçe kanë shkaktuar dje reagimin e komisionerit të opozitës Uran Metko, i cili ka kërkuar që komisioni të mos shndërrohet në një institucion inkuizicioni për mediat. Në mënyrë të çuditëshme, në krah të morrit Braçe e kundër përfaqësuesve të medias që denonconin vazhdimisht klimën e dhunës, ka dalë kryetari i Komisionit të Mediave, Musa Ulqini, që me një retorikë të papranueshme për mbledhjen ka bërë fajtorë gazetarët e ka akuzuar politikën e djathtë si fondamentaliste e të lidhur me mediat. Për incidentet e të dyja ditëve, gazetarët kanë përgatitur denoncimet penale në Prokurorinë e Tiranës, ndërkohë që deputetët e Komisionit të Mandateve deklaruan se, ishin në pritje të kërkesës për heqjen e imunitetit të Erion Braçes.

[ALBA]

Rama përzgjedh njerëzit që do të mbushin sallën

Edvin Rama përzgjedh njerëzit që sot do t'i bëjnë pyetje atij në një takim, të cilin ai e ka konsideruar si një ballafaqim me banorë të kryeqytetit. Gjatë ditës së djeshme stafi i bashkisë së Tiranës ka përzgjedhur auditorin, i cili do të ballafaqohet me Edvinin në ambientet e Akademisë së Arteve. I paraqitur si një takim i hapur me banorë të kryeqytetit, ku Rama do të tentojë të pastrojë veten nga akuzat që i janë bërë në komisionin hetimor, në sallë do të gjenden vetëm individë që kanë marrë nga një ftesë.

Burimet nga bashkia e Tiranës konfirmojnë se ftesat janë shpërndarë në mënyrë nominale, çka tregon se njerëzit që do të jenë përballë Ramës do të jenë të zgjedhur.

[ALBA]

Socialistët kërkojnë të shesin sapunin për djathë

Nga Ervin Koçi

Edvini, ky hajdut i pafajshëm

Alarmi: Komisionerët e PS-së paraqesin provat e paligjshme të Koço Kokëdhimës dhe ekspertëve të tjerë, të pasqyruara në raport si prova zyrtare të komisionit

Socialistëve na u ardhka shumë keq për Edvinin, prandaj për këtë, janë gati që ta nisin klandestin, vetëm si e si ta shpëtojnë nga dënimi për vjedhje. Aq e madhe është dëshira e socialistëve për të mbrojtur "Mister Bashkinë", saqë këto ditë kanë nisur dhe fushatën më të re, atë të falsifikimit të provave të ekspertëve. Mbledhja e djeshme e komisionit hetimor për shpërdorimin e fondeve publike nga Edvin Rama, gjatë 5 viteve të fundit, kur ai ka drejtuar Ministrinë e Kulturës, Rinisë dhe Sporteve, apo tashmë bashkinë e Tiranës, ka rregjistruar përpjekjen e fundit të përfaqësimit socialist në komision, për t'u dhënë skemave klandestine me ekspertë, të drejtën e provave ligjore për raportimin përfundimtar ditën e enjte. Erion Braçe e Fatmir Xhafa kanë kërkuar planifikimin e një seance të posaçme të administrimit të provave, ku parashikohej edhe homologimi, si prova zyrtare të disa matjeve të kryera në terren prej njerëzve të mandatuar prej Koço Kokëdhimës e klientëve të tjerë të Ramës e që kanë nxjerrë rezultatet qesharake, se asfaltet e tij kanë një trashësi më të madhe sesa kërkohet në dokumentacionet e tenderimeve. Pretendimi është refuzuar prerë prej kryekomisionerit Sokol Olldashi, që tashmë gjykon se dita e mbetur duhet të shërbejë për paraqitjen e konkluzioneve e për të kërkuar modalitetet e hartimit të raportit unik, qoftë me mendimet e shumicës, që duket se i ka paravendosur vetë Edvin Rama me Fatos Nanon, qoftë ato të komisionerëve të opozitës, që janë mbështetur mbi hetimin tremujor në dokumentacionet e bashkisë, apo në shikimin e gjendjes në terren. Komisioni hetimor ka rregjistruar dje polemikat e radhës, ndërkohë që ka evidentuar gjendjen antiligjore në të cilën e katandisën periudhën e dëgjimit të dëshmitarëve komisionerët socialistë, që përkundër hetimeve e akuzave që lëshuan ndaj ish‑zyrtarëve demokratë në bashkinë e Tiranës, në vitet 1992‑2000, nuk thirrën asnjërin për shpjegime, por u përqendruan në shndërrimin e komisionit në një tribunë politike, duke thirrur atje gjithë bashkëpunëtorët e Edvinit, në dosjet e shpërdorimeve, lexuar prej Olldashit. Socialistët, nga ana e tyre, kanë mohuar çdo mundësi për rithirrjen në komision të Edvin Ramës, në mënyrë që të përmbushet detyrimi i tij ligjor për të dëshmuar lidhur me shpërdorimet 7 miliardë lekëshe me fondet e buxhetit të shtetit, si dhe kanë refuzuar një kompromis që thirrja e tij të bëhej e njëkohshme me thirrjen e disa të akuzuarve të tjerë të rëndësishëm të dosjeve të shpërdorimeve, si Zana Çela apo Dritan Agolli. Sot, komisioni hetimor "Anti‑Rama" shënon edhe ditën e fundit të tij, ndërkohë që vetëm dy ditë më vonë, raportimi i opozitës për shpërdorimet, shoqëruar edhe me dokument‑analizat e ekspertëve kontabël për dy dosje të rëndësishme, atë të koncertit të grupit "Scorpions", si dhe për "Ekspo Hanover 2000", do të paraqiten në Kuvend, përpara se t'i dorëzohen prokurorisë për hetime të mëtejshme, afërmendsh edhe për kryerjen e ekspertizave që u sabotuan nga njerëzit e Edvin Ramës e të mazhorancës së majtë.


--------------------------------------------------------------------------------


Ja si e kërcënojnë socialistët policinë e shtetit

Agasi, presion Ndreut për të mbrojtur Edvinin

Nënkryetari i komisionit hetimor, me ndihmën e sekretarit të përgjithshëm të Kuvendit, urdhëron drejtorin e policisë së Tiranës të mos zbatojë ligjin për sjelljen forcërisht për të dëshmuar të kryebashkiakut Rama

Kuvendi i Shqipërisë ka shënuar të dielën njërën nga ndërhyrjet më flagrante në punën e policisë së shtetit. Duke iu kundërpërgjigjur një kërkese të kryetarit të komisionit hetimor "Anti‑Rama", Sokol Olldashi, drejtuar drejtorit të policisë së Tiranës, Pjerin Ndreu, për të mundësuar në bazë të ligjit "Për komisionet hetimore" sjelljen forcërisht për të dëshmuar të kryetarit të bashkisë së Tiranës. Nënkryetari i komisionit hetimor, Bardhyl Agasi, i dërgon Ndreut një letër kërcënuese, ku i thotë se nuk duhet të zbatojë kërkesën ligjore të kryetarit Olldashi. Përpjekja politike e Agasit për të sabotuar ditën e fundit marrjen e dëshmisë së Edvin Ramës, ka marrë çuditërisht edhe siglën e sekretarit të përgjithshëm të Kuvendit, Artan Banushi, edhe pse siç thuhet në shkresë, institucioni i tij vetëm "sa është vënë në dijeni të shkresës". Siglimi i shkresës që e informon njërin nga titullarët më të lartë të policisë së shtetit, se nuk duhet të zbatojë shkresën e kryetarit të një komisioni hetimor, një institucion kushtetues me atribute të veçanta parlamentare, nuk është komentuar dje nga komisionerët e opozitës, megjithatë, incidenti me firmën e Banushit shënon precedentin e radhës, pas firmave të mëparshme për thirrjen e dëshmitarëve, vetëm me kundërfirmat e Bardhyl Agasit, apo edhe nga bashkëpunimi i njëanshëm me sekretarin e komisionit hetimor të Fajdeve, Bashkim Fino. Vetë komisar Pjerin Ndreu, nuk ka dhënë shenja se do të lëvizë në ditën e fundit të komisionit hetimor për të sjellë forcërisht aty kryebashkiakun e Tiranës, megjithatë, pranimi i korrespondencës me Agasin e Banushin mbetet të interpretohet si një veprim jashtë marrëdhënieve të zakonshme mes Kuvendit të Shqipërisë dhe drejtuesve të policisë së shtetit.

E. Koçi


--------------------------------------------------------------------------------

A do të jetë serioz kryeprokurori në hetimin e tetë dosjeve me vjedhjet e Edvinit?

Sollaku: Hetim serioz për dosjet e Edi Ramës

Kryebashkiaku rrezikon dënimin me 7 vjet heqje lirie

Prokurori i Përgjithshëm, Theodhori Sollaku, konfirmoi dje në një prononcim për mediat se do të merrte seriozisht të gjitha denoncimet që do t'i vinin në ngarkim të kryebashkiakut të Tiranës, Edi Rama. I thirrur në komisionin parlamentar të Ligjeve për të mbrojtur disa ndryshime në ligjin "Për organizimin dhe funksionimin e prokurorisë", Sollaku iu përgjigj interesimit të gazetarëve rreth mënyrës se si do të trajtoheshin 8 dosjet me akuza për shpërdorim në shumën prej 7 miliardë lekësh që janë përgatitur nga komisionerët e opozitës e pas 11 qershorit do të depozitohen në zyrat e institucionit të tij për hetime të mëtejshme. "Do të trajtojmë me seriozitet çdo dosje në ngarkim të Edi Ramës", u përgjigj në mënyrë lakonike kryeprokurori Sollaku, pa bërë referenca të drejtpërdreja për dosjet që pritet të administrojë nga komisioni hetimor. Aktualisht, mësohet se prokuroria ka përfunduar procesin e hetimit për dosjet e "Fasadave" e të "Këmbanës së Paqes" e se mjaft shpejt ato do të përcillen në Gjykatën e Tiranës për gjykim. Në të dyja këto dosje, mbi Edvin Ramën rëndon akuza e shpërdorimit të detyrës, që në bazë të "Kodit Penal" ndëshkohet deri në 7 vjet heqje lirie.

E. Koçi.

hmmmmmmmmm kaq pak.

[Albo]

Hetimi RAMA

Komisioni hetimor parlamentar miraton raportin përfundimtar, i cili përmban qoftë konkluzionet e përfshira në projekt-raportin e opozitës, qoftë konkluzionet e raportit të mazhorancës. Raporti do të bëhet publik në kuvend ditën e enjte

"Rama", një raport me dy medalje

Olldashi: Raporti i komisionerëve socialistë në mënyrë të paligjshme u referohet dëshmitarëve dhe ekspertëve, të cilët nuk janë thirrur në komision me vendim të komisionit, por janë thirrur gjatë seancave në mënyrë të paligjshme nga komisionerët socialistë

Gjergji Koja

Komisioni hetimor parlamentar për hetimin e bashkisë së Tiranës dhe Ministrisë së Kulturës ka miratuar dje një raport me dy qendrime në lidhje me veprimtarinë e bashkisë së Tiranës dhe Ministrisë së Kulturës në periudhën 1992-2002. Komisionerët socialistë kanë rrëzuar projekt-raportin e paraqitur nga opozita me shumicë votash, ndërsa kanë miratuar projekt-raportin e tyre, i cili në thelb përmban thjesht oponencën për dosjet që janë paraqitur në komision nga kryekomisioneri Sokol Olldashi. Sekretari i komisionit hetimor Fatmir Xhafaj duke kontestuar projekt-raportin e paraqitur nga opozita u shpreh se ai binte ndesh me ligjin mbi funksionimin e komisioneve hetimore, pasi sipas deputetit socialist ky projekt-raport nuk përputhej me objektin e hetimit. Xhafaj tha se komisionerët socialistë pasi kishin shqyrtuar për 30 minuta raportin e paraqitur nga opozita, i cili përmbante rreth 100 faqe, arritën në konkluzionin se ky raport nuk plotësonte kushtet për të qenë një raport përfundimtar. "Duke qenë se raporti i opozitës nuk mund të konsiderohet si raport përfundimtar atëherë ne si maxhorancë kemi paraqitur një raport alternativ, i cili duhet t'i paraqitet kuvendit si raport përfundimtar. Komisionerët që do të votojnë kundër këtij raporti kanë të drejtë të paraqesin në kuvend objeksionet e tyre si mendim i pakicës", u shpreh Xhafaj në emër të komisionerëve të PS-së.

Nga ana tjetër kreu i komisionit hetimor, duke komentuar raportin e paraqitur nga mazhoranca, i cili u miratua në komision me 6 vota pro, u shpreh se ky raport në vetvete përmban përpjekje të vullnetit të mazhorancës për të mbuluar abuzimet financiare dhe ligjore, të cilat janë konsumuar nga institucionet që kanë qenë nën hetim. "Raporti i komisionerëve socialistë në mënyrë të paligjshme u referohet dëshmitarëve dhe ekspertëve, të cilët nuk janë thirrur në komision me vendim të komisionit, por janë thirrur gjatë seancave në mënyrë të paligjshme nga komisionerët socialistë, dhe në këto kushte dëshmitë apo thëniet e tyre nuk mund të merren për bazë dhe të përfshihen në raportin e komisionit. Në tërësinë e tij ky raport i komisionerëve të PS-së paraqet thjesht një oponencë ndaj dosjeve që ne si komisionerë të opozitës kemi paraqitur në komision dhe ai nuk paraqet asgjë që ka lidhje me hetimin që komisioni kreu për tre muaj", u shpreh Olldashi. Më tej ai duke respektuar procedurat parlamentare dhe rregulloren e kuvendit ka hedhur në votim dy projekt-raportet, ndërsa në përfundim të votimit raporti i komisionerëve të PS-së është cilësuar si raport përfundimtar i komisionit, ndërsa konkluzionet e raportit të opozitës do t'i bashkangjiten këtij raporti përfundimtar.

Vendimi i paraqitur dje nga komisionerët socialistë ka qenë thjesht një zbatim i vendimit politik që grupi parlamentar i PS-së kishte marrë në lidhje me raportin përfundimtar të komisionit. Pak orë përpara zhvillimit të mbledhjes, grupi parlamentar socialist, në mbledhjen e tij, ka diskutuar edhe mbi komisionin hetimor, ndërsa në këtë mbledhje është vendosur që komisionerët socialistë të rrëzonin projekt-raportin e opozitës.

Burimet nga PS konfirmojnë se grupi parlamentar kishte marrë vendim politik për të mos pranuar raportin që do të paraqiste opozita, dhe komisioni në këto kushte të miratonte raportin e hartuar nga komisionerët socialistë.


--------------------------------------------------------------------------------

Socialistët ushtrojnë presion mbi prokurorinë

Ruçi: Sollaku të zbatojë ligjet

Socialistët fillojnë presionet mbi organin e akuzës në lidhje me hetimin që mund të nisë ky institucion ndaj kryetarit të bashkisë së Tiranës Edvin Rama. Një ditë pasi kreu i prokurorisë së përgjithshme ka deklaruar gatishmërinë për fillimin e hetimeve ndaj dosjeve që do të depozitoheshin në prokurori nga komisioni hetimor, ka qenë kreu i grupit parlamentar socialist, i cili i ka kërkuar Theodhori Sollakut të zbatojë ligjet.

Në një prononcim për mediat Ruçi ka deklaruar se prokuroria duhet të zbatojë ligjet dhe kushtetutën dhe nuk duhet të bjerë pré e ndikimeve politike. Sipas sekretarit socialist, organi i akuzës është një institucion i pavarur, i cili nuk duhet të zbatojë urdhrat politikë apo të bjerë pré e presioneve. Ruçi u shpreh se në rast se do të ketë shkelje ligji, atëherë politika nuk mund të marrë në mbrojtje asnjë punonjës të prokurorisë.

Kryetari i këtij grupi, Gramoz Ruçi, u shpreh pas mbledhjes se "raporti që do të paraqitet në Kuvend do të përshkohet nga e vërteta politike, ligjore dhe institucionale mbi këtë hetim tremujor të komisionit". Duke iu përgjigjur akuzave të bëra nga opozita për "abuzime" në projektet e Bashkisë së Tiranës, Ruçi theksoi se "do të shihet nëse këto akuza, janë të mbështetura në legjislacionin shqiptar dhe në të dhënat teknike, ekonomike dhe financiare që do të paraqesin ekspertët përkatës".

Grupi Parlamentar i Partisë Socialiste konfirmoi dje mbështetjen për punën e përfaqësuesve socialistë në komisionin parlamentar hetimor për përdorimin e fondeve publike në Bashkinë e Tiranës dhe në Ministrinë e Kulturës.

[ALBA]

Monologu i Ramës

Opozita deklaroi dje se Rama pranoi të gjitha akuzat e bëra ndaj tij në mbledhjen e organizuar në "Black Box" të Akademisë së Arteve ku ishin të pranishëm edhe bashkëpunëtorët dhe stafi i tij më i ngushtë. Pranimi në heshtje i akuzave, pasojë e frikës nga Prokuroria dhe jo e ndershmërisë së kryebashkiakut

Berisha: Rama lehtësoi veten para prokurorisë

Zgjedhjen më të gabuar ka bërë Edi Rama me monologun e tij të ditës së mërkurë për opozitën, pasi ai është përpjekur që të shfajësohet apo të mbrohet ndaj akuzave kundrejt tij me përgjigjet e së shkuarës. PD ka reaguar dje në lidhje me monologun e Edvin Ramës duke pohuar se kryebashkiaku nuk mundi të rrëzojë asnjë akuzë të ngritur ndaj tij për shkak të frikës nga prokuroria, pasi diçka e kundërt do të 'dyfishonte fajin e tij para Prokurorisë'. Kryetari i PD-së Sali Berisha theksoi se "Për herë të parë Edvin Rama pati kurajon që në heshtje të pranojë të gjitha akuzat e bëra në drejtim të tij nga anëtarët e opozitës në komisionin anti-Rama. Deklarata e Berishës u bë vetëm pak minuta para seancës plenare të dëgjimit të raportit të përgatitur nga komisioni Rama. Berisha sqaroi se Rama nuk u mor me asnjërën prej akuzave publike të bëra në drejtim të shpërdorimeve me fondet publike, të bëra prej tij gjatë kohës që ka drejtuar bashkinë e Tiranës si dhe Ministrinë e Kulturës. Taktika e përdorur nga Rama ka qenë përgjigjet krahasuese me të kaluarën. Ndërkaq PD kishte paralajmëruar se 'monologu i tij do të administrohej' dhe do të përbënte një provë më shumë për drejtësinë. Kryetari i PD-së Sali Berisha theksoi gjithashtu dje se opozita do të vazhdonte pandërprerë misionin e saj kushtetutes për të kontrolluar ekzekutivin dhe abuzimet e tij me fondet publike, 'si një obligim ndaj taksapaguesve shqiptarë pavarësisht nga bindjet politike'. Kryebashkiaku Rama ka qenë nën hetim parlamentar për rreth tre muaj dhe nuk ka pranuar që të dëshmojë së fundi para komisionit për akuzat e ngritura duke preferuar një 'show' televiziv të vetin mes një audience të përzgjedhur nga ai, për t'u mbrojtur. Hapësira mediatike nga ana e opozitës ka qenë maksimale për monologun e Ramës 'kemi vjedhur apo s'kemi vjedhur' të Edvinit si kryebashkiak. Sali Berisha ka këmbëngulur në vlerësimet pozitive mbi rezultatin e komisionit pasi 'me dokumenta zyrtare në tërësi që të gjitha të firmosura nga Edvini është faktuar vjedhja dhe shpërdorimi në dhjetëra e dhjetëra afera që shtrihen nga shën Valentinot deri në Ekspo-Hanovër, e rrugë, trotuare të ngrëna dhe lulishte të pambjella.


--------------------------------------------------------------------------------

[ALBA]

Reagon Brojka për akuzat e Edvinit

Brojka: Edvini, person i rrezikshëm për shoqërinë!

Ish kryebashkiaku Albert Brojka ka akuzuar Ramën si mashtrues dhe hajdut duke i kujtuar se në krahasim me të kishte vjedhur më shumë se 50% të fondeve publike. Kjo për shkak se të njëjtën rrugë, me të njëjtën gjatësi, Brojka e ka realizuar me 30 milionë lekë të reja, ndërsa Rama e ka bërë me 69 milionë lekët të reja. "Dua t'i them popullit të Tiranës, se kryehajduti që vjedh e ka emrin Edvin Rama, dhe me njerëz të tillë s'duhet dialogu, duhet ligji', ka pohuar Brojka. Ai denoncoi Ramën se nuk njeh as shtetin dhe as ligjin duke mos përmendur moralin. "Edvini ka marrë qindrafish fonde më shumë se qeverisja e viteve të mëparshme, dhe s'ka të drejtë të bëjë CV-në e askujt", është deklaruar Brojka. Ai ka deklaruar se nuk duhet të flasë për krahasime, një person i cili ka fjetur në "bunker" duke pëshpëritur "Ina, Ina hiqi brekët...".

Përsa i përket banesës për të cilën akuzohet, Brojka pohon se shtëpinë e ka marrë në vitin 1994, dhe e ka blerë me kredi ku bëhet fjalë për një apartament 60 metra katrorë. "Po a ka moral ky njeri të përmendë strehimin, kur ky vetë ka shtëpinë tek 21 dhjetori, dhe me anë të një kredie, formale që ka marrë nga Ilir Meta, ka blerë shtëpi tjetër për të bashkëjetuar me atë gocën e spektakleve", është shprehur ish kryebashkiaku Brojka.


--------------------------------------------------------------------------------

[ALBA]

Raporti Rama

Komisioni hetimor parlamentar ka publikuar dje në kuvend raportin e tij përfundimtar, në të cilin janë përfshirë konkluzionet e pozitës dhe opozitës. Gjatë leximit të raportit komisionerët socialistë janë nervozuar në disa raste, ndërsa opozita ka argumentuar shpërdorimet e rreth 6 miliard lekëve nga Edvin Rama

6 orë për 6 miliardët e shpërdoruar nga Rama

Komisioni hetimor parlamentar ka paraqitur dje para kuvendit raportin me konkluzionet e pozitës dhe opozitës në komision, ndërsa për gati 4 orë ky raport është lexuar nga kryekomisioneri Sokol Olldashi. Fillimisht parlamenti është njohur me raportin e komisionerëve socialistë dhe me qëndrimin e tyre ndaj hetimit, ndërsa më pas kuvendit i janë bërë të njohura provat dhe faktet që opozita ka publikuar në komision, në bazë të të cilave gjatë 5 viteve kur Edvin Rama ka drejtuar Ministrinë e Kulturës dhe Bashkinë e Tiranës janë shpërdoruar rreth 6 miliard lekë të vjetra. Kryekomisioneri Olldashi duke bërë publik raportin ka argumentuar se gjatë periudhës kur në krye në Ministrisë së Kulturës, dhe më pas në Bashkinë e Tiranës, ka qenë Edvin Rama janë financuar në kundërshtim me ligjin dhe në mënyrë krejtësisht abuzive disa shoqata joqeveritare, në krye të të cilave kanë qenë njerëz të njohur të Edi Ramës. Duke paraqitur raportin e komisionit, kryekomisioneri u shpreh se gjatë periudhës kur Rama ka drejtuar Ministrinë e Kulturës dhe më pas Bashkinë e Tiranës llogariten me qindra milionë lekë shpërdorime vetëm nga financimi i projekteve kulturore. Në këtë kuadër kreu i komisionit ka përmendur financimin qindra milionësh për shoqatën e drejtuar nga ish-drejtoresha e TOB Zana Çela si dhe financimet që u janë bërë shoqatave të drejtuara nga Rudina Magjistari, bashkëshorte e Edvin Ramës.

"Për organizimin e festës së Shën Valentinit 2000 janë shpërdoruar 3.939.000 lekë. Më tej Edi Rama shpërdoron 1.700.000 lekë për të financuar spektakle që mbulojnë llotari multimilionere si Portat e Fatit. Rama ka shpërdoruar 20.230.000 lekë për të financuar shoqatën e znj. Zana Çela,", thuhet në raportin e paraqitur në kuvend nga komisioni.

Më tej në raport përfshihen abuzimet e rreth 1.4 milion markave vetëm në dy projekte, EXPO 2000 Hannover dhe koncertin e 'Scorpions'. "Përmes ekspertizës provohet se në Expo Hanover 2000, janë ekspozuar 122 objekte që kushtonin 852 mijë marka, të cilat u shitën në ankand nga gjermanët, pa lënë gjurmë, për faj të palës shqiptare. Rama ka shpërdoruar 650 mijë markat e shpenzuara për koncertin e grupit "Scorpions",dhe kur komisioni nisi hetimin e dosjes u falsifikuan dokumentet zyrtare për të mbuluar vjedhjet dhe shpërdorimet", u shpreh Olldashi.

Më tej ai duke paraqitur raportin u shpreh se Rama në mënyrë krejtësisht abuzive i ka falur ALBA TV një shumë prej 7.999.755 lekë, ndërsa Koço Kokëdhimës me anë të një kontrate që është hartuar jashtë zyrave të Ministrisë së Kulturës i ka falur gazetën 'Sporti'.


--------------------------------------------------------------------------------

Raporti i publikuar në kuvend nga komisioni hetimor akuzon Edi Ramën se duke shfrytëzuar postin e kreut të bashkisë ka favorizuar firmat e ndërtimit, ka aplikuar çmime shumë më të larta se ato të tregut duke shtuar koston e punimeve dhe njëkohësisht edhe shpërdorimet

Rama ka shpërdoruar rreth 4 miliard lekë si kryetar bashkie

Problemi thelbësor me lejet e ndërtimit qëndron në faktin se ato janë dhënë edhe në hapësirat e gjelbërta, edhe në oborret e shkollave apo kopshteve

Duke paraqitur raportin para parlamentit kryekomisioneri Olldashi është shprehur se në periudhën kur Rama ka marrë në dorë drejtimin e Bashkisë së Tiranës dhe më pas ky institucion ka aplikuar çmime shumë më të larta sesa çmimet e aplikuara nga Drejtoria e Përgjithshme e Rrugëve dhe nga Enti Kombëtar i Banesave duke rritur fiktivisht koston e punimeve.

"Bashkia ka prokuruar rrugë pa projekte zbatimi, ka aplikuar volume punimesh qëllimisht të fryrë, gjë që bën të paguhen pará për punë të pakryera. Procedurat e tenderave të bashkisë janë fiktive, pasi fituesi është parazgjedhur dhe nuk mbetet për të përzgjedhur më gjë. Të gjitha prokurimet, me vetëm një përjashtim, janë fituar me mbi 95 për qind të fondit limit, gjë që tregon sesa fiktivë kanë qenë tenderat", u shpreh Olldashi duke paraqitur raportin e komisionit hetimor. Sipas tij bashkia e Tiranës ka abuzuar gjithahshtu me dhënien e lejeve të ndërtimit, ku kryetari i bashkisë ka favorizuar një pjesë të firmave, duke i dhënë atyre sheshe ndërtimi, edhe për rastet kur ligji nuk e parashikonte ndërtimin në një shesh të caktuar. "Problemi thelbësor me lejet e ndërtimit qëndron në faktin se ato janë dhënë edhe në hapësirat e gjelbërta, edhe në oborret e shkollave apo kopshteve. Ato i janë dhënë një firme të caktuar e cila më pas ia ka kaluar këtë leje një tjetër firme, duke shkelur totalisht ligjet", u shpreh kryekomisioneri.

Më tej ai duke argumentuar abuzimet e Ramës u shpreh se vetëm në rrugën Bajram Curri shpërdorimet arrijnë në 41.2 milionë dhe kjo ka ndodhur thjesht se janë shtuar volumet e punës. "Në rrugën e Kavajës, nga përdorimi i supercmimeve të Bashkisë, rezulton se janë vjedhur 12.281.728 lekë, ndërsa në Bulevardin "Zogu i parë", rezulton se nga 24,3 milion lekë të paguara, 16,198 milion lekë janë vjedhur", u shpreh kryekomisioneri Olldashi. Sipas tij rrugët e shtruara nga Edvin Rama kanë një kosto për njësi shumë më të lartë se kostoja e autostradës Vorë-Durrës. "Bashkia e Ramës ka paguar 643 mijë lekë të vjetra për të prerë një pemë, ndërsa në pjesën më të madhe të tenderave ka një rritje të konsiderueshme të volumit të punës, gjë që do të thotë se është rritur kostoja e projektit dhe njëkohësisht edhe fodni i akorduar", u shpreh Olldashi.


--------------------------------------------------------------------------------

Raporti i PS flet për arritjet e Ramës

Raporti i hartuar nga komisionerët socialistë dhe që është miratuar me shumicë votash edhe nga komisioni vlerëson veprimtarinë e dy institucioneve që kanë qenë nën hetim gjatë kohës kur ato janë drejtuar nga Rama. Sipas këtij raporti, i cili u lexua nga kryekomisioneri Olldashi, Edi Rama gjatë kohës që ka drejtuar të dy institucionet ka dhënë një kontribut të vlefshëm përsa i takon sponsorizimit të aktiviteteve kulturore duke ruajtur vlerat kombëtare. Në raportin e komisionerëve socialistë vlerësohet puna e kreut të bashkisë së Tiranës Edvin Rama përsa i takon shtrimit dhe rikonstruksionit të rrugëve të kryeqytetit, duke e cilësuar në raport Ramën si simbol të qeverisjes. Gjithashtu raporti i komisionerëve të PS merr në mbrojtje kryetarin e bashkisë së Tiranës duke i dhënë atij kontribute për ndryshimet që ka pësuar kryeqyteti, për prishjen e ndërtimeve pa leje, për krijimin e hapësirave të gjelbërta etj.. Raporti i komisionerëve socialistë në pjesën më të madhe të tij rrëzon poshte akuzat dhe faktet që janë paraqitur nga opozita ndaj kreut të bashkisë së Tiranës. Gjithashtu ky raport në përbërje të tij akuzon ish-kryetarët e bashkisë Kelmendi dhe Brojka për shkelje ligjore dhe financiare, duke i cilësuar të dy paraardhësit e Ramës si drejtuesit bashkiakë për shpërdorime në shuma të mëdha.


--------------------------------------------------------------------------------

Raporti nervozon socialistët

Gjatë kohës kur kreu i komisionit hetimor parlamentar ka filluar leximin e raportit komisionerët socialistë herë pas here kanë thyer rregulloren e kuvendit duke ndërhyrë dhe duke ndërprerë disa herë rradhazi publikimin e raportit. Ka qenë deputeti Erion Braçe, i cili nën preteksin se kreu i komisionit nuk po lexonte siç duhej raportin ka kërkuar të marrë fjalën për procedurë. Braçe ka këmbëngulur disa herë duke mos lejuar kryekomisionerin të lexojë raportin, dhe duke detyruar kreun e kuvendit t'i japë fjalën. Braçe ka thënë se raporti që po lexon kryetari i komisionit hetimor nuk është ai i miratuar në komision, por një gjë e tillë nuk është pranuar nga kryeparlamentari Pëllumbi. Ai ka deklaruar se deputetët nuk duhet të ndërhyjnë gjatë leximit të raportit, ndërsa ka kërkuar që secila palë të dëgjojë me qetësi dhe pa nervozizëm argumentat që paraqiten në raport si mendim i shumicës apo i pakicës.


--------------------------------------------------------------------------------

Debati për raportin pas 5 ditësh

Debati mbi raportin e paraqitur në kuvend nga komisioni hetimor do të zhvillohet pas pesë ditësh. Një gjë e tillë është vendosur nga byroja parlamentare. Të martën e ardhshme komisioni fillimisht do t'u përgjigjet pyetjeve të deputetëve dhe më pas për gati 3 orë parlamenti do të debatojë mbi këtë raport si dhe mbi qëndrimet që përfshihen në të. Pas debatit pritet që kuvendi të miratojë raportin përfundimtar. Pritet që në këtë seancë debati deputetët socialistë të marrin në mbrojtje kreun e bashkisë së Tiranës, ndërsa konfirmohet se më të ashpër në mbrojtjen ndaj Ramës do të jenë deputetët socialistë të Tiranës, që do të kryesohen nga kryesocialisti i Tiranës Musa Ulqini.


--------------------------------------------------------------------------------

Olldashi: Dosjet duhet t'i çohen prokurorisë

Kryetari i Komisionit hetimor parlamentar Sokol Olldashi gjatë raportimit të tij në kuvend ka kërkuar që të gjitha materialet dhe provat që provojnë abuzimet financiare dhe ligjore duhet të depozitohen në organin e akuzës. "Çështja tani është se çfarë do të bëhet me këto dosjet që provojnë shkeljet financiare dhe ligjore. Unë besoj se misioni ynë është që të gjitha gjetjet, konstatimet, provat, konkluzionet duhet t'i dërgohen prokurorisë. Ne nuk mund të mbajmë qëdrimet të dyfishta politike ndaj dosjeve, sikurse kanë bërë përfaqësuesit e Partisë Socialiste në këtë komision për tre muaj me radhë", u shpreh kreu i komisionit hetimor parlamentar. Sipas tij nuk duhet t'i ndajë shpërdoruesit apo vjedhësit në socialistë e demokratë, apo t'i klasifikojë ata në të dobishëm dhe të dëmshëm.

Disa nga dosjet që do të depozitohen në prokurori nga komisioni

Dosja Shën Valentin 2000., shpërdorimi llogaritet 3.939.000 lekë

Financimi për shoqatën e Zana Çelës shpërdorimi llogaritet 20.230.000 lekë

Dosja Shën Valentin 2001, shpërdorimi llogaritet 7.500.000 lekë

Dosja Hannover shpërdorimi llogaritet në 852 mijë DM

Dosja Alba TV shpërdorimi llogaritet në 7.999.755 lekë

Dosjet e rrugëve ku shpërdorimet llogariten në qindra miliona lekë

Dosja e Urbanistikës, e cila përfshin ligjshmërinë për zhvillimin urbanistik

Dosja mbi dhënien e lejeve të ndërtimit


--------------------------------------------------------------------------------

Opozita kërkon transmetimin direkt të seancës

Pak përpara se kreu i komisionit hetimor parlamentar të fillonte leximin e raportit përfundimtar, deputetët e opozitës kanë kërkuar që seanca të transmetohej direkt nga televizionet kombëtare. Kreu i opozitës Sali Berisha u shpreh se duke qenë se kemi të bëjmë me një raport të komisionit hetimor, të paktën duhet të merren masat që mos ketë ndërprerje të energjisë elektrike, si dhe duhet të të paktën televizionet kombëtare ta transmetojnë direkt seancën. "Televizionet kombëtare mendoj se duhet të marrin masa për transmetimin direkt, ndërsa Ministria e Energjitikës të marrë masat që energjia elektrike të mos ndërpritet", u shpreh Berisha. Menjëherë pas kësaj kërkese ka reaguar kreu i kuvendit Pëllumbi, i cili është shprehur se askush nuk kishte ndaluar mediat për të transmetuar direkt një seancë plenare, ndërsa ministri i energjitikës Doda ka premtuar furnizimin me energji në mënyrë të pandërprerë për banorët e kryeqytetit.

[Idmon]

KOMISIONI RAMA ESHTE TAMAM SI KOMISIONI KLOSI QE NE FUND NUK NXOREN AES GJE DHE KY KOMISION MA SA SHOHIM ESHTE I DESHTUAR NE MOS KA DESHTUAR QE NE FILLIM. KY KOMISION ESHTE NJE KOMISIN POLITIK SE SA JURIDIL SE NE FUND TE FUNDIT FJALEN E FUNDIT DO E THOTE DREJTESIA SHQIPTARE DHE NUK DO E THOTE SALIU APO SALINJTE ESHTE MIRE QE DREJTESINE POLITIKA TA LERE TE PUNOJE DHE JO TI BEJ PRESION .