Komisioni parlamentar "Rama"

[Orku]

Triumvirati i Ramës: Vali B. , Keti T dhe Mimi K.
Altin Xhaferri

Mbrojtësja më e fundit, sipas grafikut që u ka caktuar kryebashkiaku Edi Rama, Keti Treska, doli në një konferencë për shtyp ku nuk tha asgjë për atë që akuzohej, as për shkollimin që ka bërë në fakultetin e Agronomisë dhe që postin e ka për burimet njerëzore. Edvini sërish mbrojtjen e tij e bën me një grua të bëshme, shpatullgjerë që nuk tha asgjë për menaxhimin e fondeve por lezoi një traktat edvinramist anti-opozitë. Kështu del edhe një grua në radhën e gjatë të bashkisë që duket se vetëm gra paska me shumicë, pasi burrat, siç thonë nën zë, s’ka bir k... që punon me Edi Ramën...

Nuk ka asgjë të re në shfaqjen publike të shefes së kuadrit të bashkisë. Madje nesër do të jetë sërish një grua tjetër e listës së parapregatitur prej Ramës (ose Kodheli M., ose Vali B.) që do të dalë të na bëjë thirrje herë si nënë, herë si motër, herë si shoqe “të bëjmë pak kujdes për Andon ledhin!”, si në ato skeçet e dikurshme të “Estradës së Ushtarit”. Nuk ka rëndësi në do të jetë njëra prej kushurirave të së ëmës nga ato që kanë uzurpuar këshillin bashkiak, nuk ka rëndësi nëse do të ketë emrin Lidra Meidani apo Lira Gjika, mbrojtësja e radhës e kryebashkiakut; - e rëndësishme është që do të jetë sërish një grua e caktuar sipas grafikut të bashkisë që të kujton rojen e dikurshme operative. Plani i Ramës për vetëmbrojtje jo vetëm që është i pasuksesshëm, por duket, edhe i dëshpëruar, dhe infantil. Ndërsa vetë s’guxon të bëjë një mbrojtje të besueshme, nxjerr në radhën e parë një tufë grash të mjera që i ka zënë halli t’u mpihen dhëmbët prej kumbullave të ngrëna prej tjetërkujt, gjë që s’është dhe aq e moralshme për të vetmin burrë të bashkisë.

Në deklarimet e tij me drejtim të theksuar blegtoral, ku flitet vetëm për dhi, për cjepë, për keca, ujq e deshë, ai kurrë nuk thotë asgjë për problemin për të cilin akuzohet, nuk jep asnjë kundërargument, gjë që të bën të besosh se, ose nuk ka të tilla, ose i ka vjedhur vërtet të gjitha ato që thonë. Përrallën e kecave e dinë të gjithë shqiptarët dhe s’është nevoja t’ua përsërisë kush, aq më shumë një rob i shkundur i tipit Rama.

Por le të kthehemi tek rasti fundit i mbrojtjes dështake të zonjës Keti Treska. Askush nuk ka thënë se zullumet e bashkisë i ka bërë Keti. Ajo sigurisht ka pjesën e saj të bashkëfajtores, është përgjegjëse e drejtpërdrejtë për emërimet dhe çemërimet në këtë insitucion, por gjithsesi nuk është fajtorja kryesore. E prapë ajo e ndjen të nevojshme të dalë e të na hajë minuta të panevojshme me deklaratën e saj. Ndryshe nga agresiviteti i grave paraardhëse, Keti kish zgjedhur një strategji tjetër, atë të bërjes thirrje prej nëne; të mëshirës. Deklarata e saj nënkuptonte: ‘lëreni Edin të punojë!’ thënë më shkurt, ‘lëreni të bëjë prapë ç’të dojë siç ka bërë gjer më sot, e bashkë me të, dhe ne!...’

Po kush është zonja në fjalë. Ashtu siç e tha dhe vetë në deklaratë, e vetmja vlerë e saj mbetet të qenit nëna e dy studenteve shembullore, a thua se kjo është argument i mjaftueshëm për komisionin. Harroi të thoshte jo vetëm shembullore, por dhe të mirëmbajtura, për shkak të mirëqenies që u sigurojnë fitimet e së ëmës edhe të veshura shik sa i kanë zili shoqet me nëna të thjeshta. E po të thellohej hetimi do të gjendej ndoshta se me lekët e palltos së ndonjërës prej tyre, blerë në butikët e Parisit, mund të ishin rregulluar disa handikapatë, me lekët e këpucëve të tjetrës, një fëmijë i varfër rruge mund të kish shtyrë dy muaj ushqim e veshje.

I them të gjitha këto, jo për të prekur bijat e zonjës në fjalë, por thjesht për t’iu bërë të ditur dhe atyre se nga vjen një pjesë e mirëqenies së tyre. E kisha harruar zonjën në fjalë, madje nuk e njihja fare, gjer disa muaj më parë, kur në një seminar kombëtar që drejtohej prej Vali B. , doli për herë publikisht i akuzuar emri i saj. Vali Bizhga ende s’qe bërë nënkryetare bashkie dhe bënte intelektualen e pavarur prej partive, duke prezantuar si koordinatore, një fond prej 15 milionë dollarë të dhëna nga Banka Botërore për shtresat në nevojë. Imagjinoni sikur gjysma e tyre të shkonte aty ku duhej, si do të qe gjendja e të varfërve, të paktën në Tiranë. Njëra prej presidenteve të një shoqate fëmijësh bëri akuzën se Keti Treska u kërkonte pará në dorë përpara se të miratonte çdo projekt. E mbështetur dhe nga një tjetër shoqatë, akuza për zonjën Treska u bë e besueshme, sepse askush veç Bizhgës, nuk mundi ta kundërshtonte.

E vetmja Valentina që u mundua ta mbronte zonjen Treska tashmë kuptohet se ka qenë dhe vetë pjesë e atij rrjeti të emërtuar si mafia e rrjetit të OJQ-ve. Ajo bënte të mundur që çdo projekt të kalonte patjetër nga ustallesha Treska, gjoja në emër të bashkëpunimit me pushtetin lokal. Në pushim shumë pjesëmarrëse treguan eksperienca të hidhura për këtë grua që dje bëri të virtytshmen. Sipas tyre ajo ishte një gjobëvënëse e OJQ-ve, aq sa e krahasonin me variantin femëror të një njeriu të njohur për bëma të tilla në pjesën verilindore të qytetit. Megjitatë ajo doli duke bërë nënën, ndërkohë që s’është aty për të bërë nënën, por politikën e kuadrit, të cilën e ka kryer duke mos përfillur as shërbimin civil dhe as ndopnjë status nënpunësi. Ka nxjerrë lajmërime të gënjeshtërta për vende pune, ndërkohë që i punësuari që kërkohej kish muaj që kish filluar e kish marrë rrogën e tretë, i ka ndarë të gjithë aplikuesit në ‘tanët’ dhe ‘të atyre’ duke bërë të mundur futjen vetëm të njerëzve të klanit të kuq në bashki, ndaj dhe çuditen kur mendojnë se dikush u ka nxjerrë dokumente, pasi i dinin të gjithë të besuar aty brenda.

Asgjë nuk tha për problemin që pritej, nuk tha nëse dosja është manipuluar apo jo, nuk tha asgjë për praktikën e punës në dosje, pra atë që donim të dinim prej saj; ajo vetëm na porositi të kemi pak kujdes për ‘Andon Ledhin’ se është shëndetlig e s’i duron dot hetimet.

Rreziku i madh Shqipërisë i ardhka prej Olldashit që do të dijë se është vjedhur apo jo në bashki dhe jo prej vjedhësve, as prej zonjave të mirëmbajtura që harxhojnë kaloritë e tepërta nëpër palestra, ndërkohë që shumica e të sunduarve nuk ngopen as me bukë. Rreziku vjen prej atyre që duan të dinë se ku kanë vajtur paratë e tyre, e jo prej atyre që i kanë futur nëpër xhepa.

Në këtë kuptim zonja Treska na mësoi t’i tregojmë munxët Olldashit që gjithsesi është më i pastër se cilido në bashki, qoftë dhe për faktin e vetëm se është i ri dhe nuk ka pasur kohë të fëlliqet, e ndoshta as mundësi për diçka të tillë.

Më vjen vërtet keq të replikoj me një grua cilado qoftë ajo, por ja që burri i fshehur pas fustanit të grave këtë stil ka zgjedhur për mbrojtje. Sidoqoftë zonja Treska e ka zgjedhur vetë rrugën e ushtarit të bindur e për rrjedhojë mund të ketë dhe fatin e tij, flijimin në betejë sipas grafikut të caktuar tjetërkund.



Copyright © Media Enter 2003

[ALBA]

Tenderat e bashkisë janë vjedhur mbi 70 përqind

"Gorillat" e Edvinit bllokojnë ekspertët Komisionerët e opozitës në "Anti-Rama" nuk lejohen të kryejnë ekspertizën në rrugën "Myslym Keta" Anëtarët e opozitës në komisionin hetimor "Anti-Rama", janë bllokuar e ndalur që të kryejnë ekspertizën në rrugën "Myslym Keta", duke mos u lejuar me forcë nga policia bashkiake dhe "gorillat" e Edvin Ramës. Komisionerët e opozitës bashkë me kryetarin e komisionit Olldashi, si dhe me ekspertët e caktuar nga ky komision, kanë shkuar dje pasdite për të kryer prova në terren, në momentin kur policë bashkiakë të veshur civilë dhe njerëz të tjerë të vënë nga kryebashkiaku Rama, ia behën dhe larguan me forcë deputetët. Kjo ka qenë një tjetër masë e raprezaljes që kryebashkiaku i Tiranës Edi Rama, kryen me kokën e tij, si për t'i treguar njerëzve se mund të bëjë si të dojë me këtë qytet. Kryerja e ekspertizave në terren është kundërshtuar dhe nga përfaqësuesit socialistë në këtë komision, gjatë paradites së djeshme, duke u cilësuar prej tyre "si dhunim i ligjit". Gjatë kësaj seance, kryetari i komisionit parlamentar hetimor "Anti-Rama" Sokol Olldashi, bëri të ditur se përfaqësuesit e opozitës, "do të fillojnë mbasdite ekspertizën e rrugës "Myslym Keta" për të parë cilësinë e punimeve", si dhe "për të verifikuar në terren, vjedhjet dhe shpërdorimet nga ana e drejtuesve të bashkisë". Pasi kanë mundur të kryejnë disa prova në terren, ekspertët dhe komisionerët e djathtë kanë konstatuar vjedhjet që janë kryer në këtë rrugë. Cilësia e punimeve është vërejtur se ka qenë mjaft e dobët, çka tregon se jo të gjitha paratë e parashikuara në tender janë shpenzuar për këtë rrugë. Ekspertët kanë konstatuar gjithashtu dhe, se gjerësia në trotuaret e disa rrugëve të ndertuara nga firma "2 K", me president Koço Kokëdhimën, nuk kanë qenë në cilësinë dhe gjerësinë e duhur. Po në këto rrugë, as cilësia e ndriçimit nuk ka qenë konform kushteve të paraqitura në tender.

[Brari]

KJ

--------

E Shtune, 07 Qershor 2003


MARRJA E OBJEKTEVE ME QIRA "1$", ESHTE VJEDHJE

Nga Bashkim Kopliku*

Kam ndjekur me deshperim sofizmat e hedhura ne hapesiren mediatike, nga politikane dhe gazetare ne ze, ne perpjekjet e tyre naive per te justifikuar vjedhjen e tejskajshme, qe po behet publike keto dite, per dhenien e objekteve shteterore me qira "me cmim shteteror", dhe po ashtu edhe per shitjen e tokes shteterore me "cmime shteterore". Nuk dua te prononcohem, nese ka vjedhur apo jo, e sa e si ka vjedhur z. Rama; me kete problem po merret komisioni parlamentar perkates.

Eshte fyese per civilizimin e sotem shqiptar, te pranohet absurdi se na qenka e ligjshme te marresh nje objekt shteteror me qira 1$/muaj, kur objekti i njejte privat, jepet me qira, per shembull 40$/muaj, pra, dhjetera here me shtrenjte. Nuk ka nevoje te jesh ekspert i ekonomise se tregut apo i ligjeve, per te kuptuar se dikush ka futur ne xhep diferencen ne mes qirase shteterore (1$ ne shembullin e mesiperm) dhe qirase se tregut (40$ ne shembullin e mesiperm). Dhe sasia qe pervetesohet, futet ne xhep, nga keta te korruptuar, nuk eshte e vogel, po te kihet parasysh se jane dhene me qira shteterore me dhjetera mije metra katror ndertesa. Po te bejme se bashku, shpejt e shpejt, disa veprime aritmetike te klases se katert fillore, do te nxirrnim nje shifer orientuese, sa per te pasur idene se per cfare shumash flitet. Pra, le te llogarisim:

Per cdo 1 meter katror, shkon ne xhepat e te korruptuarve nje diference, cmim tregu-cmim shteti, prej 39$ (40-1=39, sipas shembullit te mesiperm). Per cdo 10 000 metra katror, per 1 vit, rezultojne rreth 5 milione dollare (12 muaj x 39$ x 10 000 m2 = 4 680 000$ afersisht 5 milione).

Me kaq shume para, disa pese milioneshe dollaresh ne vit, se paku do zbuteshin disa halle te shqiptareve, si p.sh. kanalizimet, furnizimi me uje te paster, pensionet, e te tjera, nese keto para nuk do shkonin ne xhepat e ministrave dhe ne arkat e pronareve te mediave, qe jane aq te pasur saqe bejne edhe biznes krejt me humbje, sipas asaj qe degjuam dje e sot te deklarohesh ne disa masmedia, me afsh e pasion miliona dollaresh. (Une do te keshilloja qe shteti te mos jape fare me qira, por te privatizoje ato qe i ka teper!)

Nuk mund te hy ne hollesi sesi ndahen parate e korrupsionit: sa merr ministri qe shpie objektin shteteror per dhenie me qira, sa merr ministri i ministrise tjeter qe cakton se kush do ta marre objektin me qira, e se sa i mbetet realisht te fitoje qiramarresi i objektit. Kjo do te ishte objekt i nje hetimi, qe ne vendet normale behet nga prokurorite e gjykatat, e kam fjalen per ata vende ku ka te atilla qe japin drejtesi e nuk jane bashkefajtore ne korrupsion. Ajo qe mund te them me siguri eshte, se te tre aktoret e lartpermedur, ministra e qiramarres, jane bashkefajtore ne vjedhjen e pasurise se popullit.

Natyrisht, edhe mediat mund te sponsorizohen nga shteti, ka shume vnde ne bote qe e bejne ket_, por sponsorizimi duhet te behet me ligj, dhe si nje kompromis, transparent e ligjor, ne mes shume nevojave e deshirave te tjera per sponsorizime, qe i dalin cdo vit perpara shtetit. Caktimi i ketyre sponsorizimve, eshte vetem e drejte e parlamenteve, pra, behen me ligj konkret, e rast pas rasti.

Edhe qeverisjet me te korruptuara ne bote, nuk do te guxonin te kishin lene pa e ndryshuar me kohe, cdo lloj akti ligjor apo nen ligjor qe do lejonte nje abuzim te tille, hajdutet e "mencur" nuk vjedhin duke lene gjurme ne fatura. Nga ana tjeter, edhe cdo minister ne bote, me minimumin e moralit, apo se paku me minimumin e mendeve, nuk do te zbatonte akte ligjore qe sjellin keto rezultate evidente katastrofike, ne si shtet nuk na mbajne per budallenj, por per te korruptuar. Ju kujtoj, se qeverisja e sotme (ekzekutivi, ligjori, gjyqesori), ka mbi 6 vjet ne pushtet.

Nuk dua te merzis lexuesin me hollesi te akteve nenligjore ku jane mbeshtetur te korruptuarit, per te pasur goje te thone formalisht "eshte vepruar ne baze te ligjit", por vetem shkurt, e per ata qe kane akoma durim per hollesi ligjore, mund te shtoj se aktet ligjore ku eshte bazuar kjo dhenie me qira dhe shitje me cmime shteterore, datojne nga fundi i vitit 1994 e fillimi i vitit 1995. Ne ate kohe, projektet e ketyre akteve nenligjore u kapen qe ne proces aprovimi, nga une personalisht, dhe u rrezuan qe ne mbledhjen e aprovimit te tyre te Keshillit te Ministrave. U miratua ne princip ndryshimi i tyre nga mbledhja, dhe u ngrit nje grup pune, i perbere nga une dhe ministri i ndertimit te asaj kohe. Projektvendimet u ndryshuan brenda dy diteve, duke u kerkuar qe per cdo dhenie me qira (apo shitje) te kerkohej cmimi i tregut, nepermjet ankandit e formave te tjera, e ku cmimet fikse do te sherbenin vetem si vlera minimale te nisjes se ankandit. Per cudi, aparati i Keshilli te Ministrave zbardhi vendimin e rrezuar dhe jo ate te ndryshuarin (ne ate kohe isha ne spital i aksidentuar). Por, per te kufizuar demin ekonomik, dhe per arsye te tjera, menjehere u ndalua, qe ne vitin 1995 shitja e tokes shteterore, nderkohe qe dhenia e objekteve shteterore me qira mbi 1 vit, ishte ndaluar qe ne vitin '93-'94, dhe gjithashtu dhenia me qira per me pak se 1 vit, behej detyrimisht me tender apo ankand, pra, me cmime tregu dhe jo shteterore. Si rezultat i ketyre kufizimeve, efekti i absurdit te cmimeve shteterore fikse, ne "kohen e qeverisjes se PD" u reduktua ne zero, sepse, praktikisht, as shitesh me toke e as jepeshin me objekte me qira. Vetem shume me vone, e pas '96, nga qeverisja me maxhorance socialiste, u be deti kos, filluan te hiqeshin gjithe kufizimet per dhenien me qira, dhe te shkelesh me te kater kembet ligji i ndalimit te shitjes se tokes. Ne kete menyre, filloi abuzimi masiv me dhenien me qira apo shitjen e tokes, gjoja "ligjor".

*Ish-zevendeskryetar i Keshillit te Ministrave

-----koha jone......

[ALBA]

RAMA DESHMITAR

PERSONAZHET E PERRALAVE

Pinoku, Delja e Borëbardha
Videokonferenca e Ramës para komisionit


--------------------------------------------------------------------------------

Erl Murati

TIRANE

Personazhet e përrallave si Pinoku, Borëbardha dhe delet u bënë dje pjesë e hetimit parlamentar të përdorimit të fondeve publike në Bashkinë e Tiranës. Në momentet kur anëtarët e komisionit parlamentar ishin në kulmin e zënkës mes tyre, kryebashkiaku Edi Rama, si pa të keq, rrëmbete mbi tavolinë ndonjë libërth përrallash dhe e këndonte me qetësi. Më shumë se një herë në ekranin e videokonferencës që u përgatit nga Bashkia, u shfaq Pinoku me hundën që herë i rritej e herë i zvogëlohej dhe dele që kapërcenin pengesa pa fund. Që nga ai çast, personazhet aq të dashur për fëmijët u bënë pjesë e debatit të ashpër që u zhvillua në ambientet e kryesisë së Kuvendit.

Replikat
"O letrar i vogël, çohu në këmbë dhe betohu, lëre Borëbardhën se nuk të shpëton dot", iu drejtua kryetari i komisionit, Olldashi, kryetarit të Bashkisë së Tiranës. Edi Rama në ato momente kishte marrë në dorë një libër për fëmijë të ilustruar me figura me titullin "Borëbardha dhe shtatë xhuxhat". Ai e la atë mbi suprinën e tavolinës, u çua në këmbë dhe nisi të bëjë betimin, duke përsëritur fjalët e Olldashit. Kur u ul, Rama tha: "Më kanë thënë se ke qenë i mirë në miting dhe merrje notën dhjetë. Hë, si t'u duk veshja ime". Replika e Olldashit nuk vonoi: "Mirë m'u duke, pak si folklorik, po ec mo…" Pas fjalëve të deputetit demokrat, Rama u përkul pak pas karriges dhe nxori një megafon, i cili më pas u bë shkaku i një sherri që desh degjeneroi në përplasje fizike. "E ke parë filmin 'Ilegalët'? Ti i ngjan atij Xhevatit", shqiptoi ai. "Ulu aty, o Pinok, ulu se je çmendur fare", u përgjigj Olldashi.

Videokonferenca
Para se të niste pasqyrimin e punimeve të bashkisë në videokonferencë, si në një film vizatimor u shfaq në ekranin e madh një dele e bardhë e cila kapërcente pa pushim pengesat që i vinin një nga një. "Ja, kjo je ti, zoti Olldelja", tha Rama. Delja vazhdoi për 15 minuta të kapërcejë pengesa, duke shkaktuar të qeshurat e gazetarëve, derisa deputeti Edi Paloka iu afrua bezes së bardhë, ku përplasej drita e projektorit. Paloka tentoi ta griste bezen e bardhë, gjë që shkaktoi reagimin e kryetarit të Bashkisë dhe të komisionerëve socialistë. "Lëre atë se e paguajnë taksapaguesit e Tiranës, vetëm të shkatërroni dini ju", tha Rama. "Ku e dini ju që unë nuk kam bashkëpunuar me atë delen aty", shtoi ai.
Kaloi vetëm një orë dhe krahas shifrave dhe pamjeve të rrugëve që u shfaqën në ekran, u projektua një Pinok me një hundë që herë i zgjatej e herë i shkurtohej. "Ja ku është Pinoku, që ju merr ju tani në celular", u shpreh Edi Rama. "O Shaban, o hunderr, mos u grric po të them se do e hash keq", tha deputeti Paloka, gjë që acaroi sërish nervat e pjesëmarrësve në mbledhje.


Monitorimi i debatit në Komision

Mbledhjen e djeshme të komisionit "Anti-Rama" e ndoqën me vëmendje edhe përfaqësues të trupit diplomatik të akredituar në Tiranë. Në sallën e madhe ku u zhvillua mbledhja, erdhën që në fillim përfaqësues të OSBE-së, të Bashkimit Europian dhe konsulli i Ambasadës amerikane. Këta qëndruan në pjesën e parë të mbledhjes dhe u larguan menjëherë kur situata filloi të precipitonte dhe deputetët nisën të fyejnë njëri-tjetrin.


Kënga e Ramës për Olldashin

"Fillo edhe të këndosh tani, se vetëm kjo të ka mbetur". Kështu iu drejtua dje Sokol Olldashi kryetarit të Bashkisë, Edi Rama, dhe ky nuk e zhgënjeu. Rrëmbeu megafonin dhe në sytë e deputetëve dhe të kamerave televizive filloi të rimojë: "Delja vogël pse mendushëm beebeebaa/ pse më rrin ashtu trishtushëm beebeebaa/ do të hajë mama dhia sot, sot, sot,/ se ia fute kot, kot, kot". Olldashi e shoqëroi këngën duke tundur kokën majtas-djathtas.

[ALBA]

Edi Rama, shpërdorime dhe abuzime të reja me pronën publike

Kosovrasti: Edi Rama grabit trojet publike

Kryebashkiaku Edi Rama duke përfituar nga tërheqja e vëmendjes së opinionit tek puna dhe veprimtaria e komisionit hetimor, ka zhvilluar në ilegalitet mbledhjen e këshillit bashkiak, me qëllim fshehjen nga publiku të informacionit në lidhje me abuzimet në trojet publike. Njazi Kosovrasti, kryetari i grupit të këshilltarëve opozitarë ka akuzuar Ramën se ka refuzuar ngritjen e një komisioni të përkohshëm në Këshill, për të kontrolluar përputhjen ose jo të përmasave të shesheve të ndërtimit të miratuara në lejet e ndërtimit, me realitetin në terren. "Ne kemi kërkuar kështu të verifikojmë një fakt të thjeshtë, por shumë të rëndë, grabitjen e trojeve publike nga ndonjë firmë ndërtuese në bashkëpunim dhe miratim të Kryetarit të Bashkisë", është shprehur Kosovrasti.

Kërkesa ka 50 ditë 'që fle' në sirtaret e zotit Toska, por ky i fundit nuk ka marrë mundimin të vërë në dijeni këshilltarët për të. Opinioni nuk është njohur as me kërkesën tjetër të opozitës për heqjen e mandatit të këshilltarit Adi Shamku, i cili që nga data 14 mars 2003, rezulton i dënuar me një vendim të formës së prerë nga Gjykata e Apelit, për veprën penale të falsifikimit të dokumentit zyrtar. "Një falsifikator nuk mund të rrijë këshilltar. Mesa duket dikush është i interesuar që ai të rrijë në Këshill dhe opinioni publik të mos e dëgjojë këtë debat", është shprehur Kosovrasti. Por nga ana tjetër, Kryebashkiaku Edi Rama dhe kryetari i këshillit bashkiak Leonidha Toska kanë vënë në veprim planin e tyre për të shpërndarë këshillin bashkiak të Tiranës në prag të zgjedhjeve lokale. Kjo pasi prej një periudhe prej dy muaj e gjysëm nuk është thirrur mbledhja e këshillit bashkiak ndërkohë që neni 31/2 i ligjit "Për organizimin dhe funksionimin e qeverisjes vendore", kërkon thirrjen e mbledhjes të paktën një herë në muaj. Toska kërkoi thërritjen e kësaj mbledhjeje, një javë më parë dhe çuditërisht nxitoi ta mbyllte për mos pjesëmarrje.

Ai e ka thirrur atë para dy ditësh fshehurazi, duke mos lajmëruar mediat, për arsye që askush të mos merrte vesh se ç`do të diskutohej në këtë mbledhje. Grupi i këshilltarëve të PD-së dhe vetë kreu i opozitarëve në këshillin bashkiak Njazi Kosovrasti ka sqaruar se sipas nenit 38, pika 1 germa a, "Këshilli Bashkiak shpërndahet para kohe, kur nuk mblidhet për një periudhë të vazhdueshme tre mujore", ç`ka duket të jetë edhe dëshira e dikujt.

[helios]

Heu...vetem "akuza" po lexojme ketu...prit njehere se ai tjetri doli me megafon dhe me perralla perpara "vogelusheve"...ta lexojme njehere "fjalen e mbrojtjes"

Sot jam thirrur nga ky komision hetimor i Kuvendit të Shqipërisë për të dhënë shpjegime në cilësinë e dëshmitarit që ka lidhje me çështjen objekt hetimi. Përpara se t'u përgjigjem të gjitha pyetjeve që do të më bëhen, dëshiroj të deklaroj sa më poshtë vijon: Unë, Edi Rama, kryetar i Bashkisë së Tiranës, jam bërë prej shumë muajsh objekt i një barbarie politike, e cila ka marrë formën e vet jo më njerëzore me krijimin e këtij komisioni hetimor parlamentar. Ky komision, si një organ i lindur në kundravajtje flagrante me parimet themelore të Kushtetutës së Shqipërisë dhe me të gjitha parimet e demokracisë, ka prodhuar në tre muaj një vandak dokumentesh të fabrikuara në mënyrë të njëanshme nga pala akuzuese, lumë shifrash e faktesh të stisura nga ekspertë që, mu siç bëhej në gjyqet politike të fashizmit a të komunizmit, edhe aritmetikën e thjeshtë e kanë adaptuar në funksion të programit të partisë, duke provuar kësisoj katërcipërisht në fakt jo fajësinë time të shumëndërruar nga kryetari i opozitës, po koeficientin e lartë të energjisë shkatërruese në jetën politike të Shqipërisë e të vetë këtij kuvendi. Ky komision, si një krijesë e turpshme e politikës së dhunës verbale e të shantazhit tashmë tradicional të pakicës demokrate mbi shumicën socialiste në Parlament, ka sjellë përpara shqiptarëve, nga njëra anë, dëshminë më kuptimplotë të botëkuptimit enverist të opozitës sonë, e cila është një trupë marionetash nën komandën e një diktatori të rënë nga vakti, jo vetëm politikisht e moralisht, po edhe psiqikisht. Dhe, nga ana tjetër, na ka dhënë shembullin më domethënës për dëmet që sjellin marrëveshjet jotransparente politike -në emër të konsensusit e stabilitetit- në kurriz të demokracisë e të zgjedhësve; kompromiset e lexueshme apo aleancat fluide mes grupimeve që shpërfillin vullnetin e zgjedhësve në kurriz të Kushtetutës e të institucioneve; pazaret e hapura a të fshehta mes individëve me mandat në kurriz të qytetarëve që i zgjedhin apo të vetë partive ku bëjnë pjesë, analizat e opinionet televizive të atyre që nganjëherë flasin paraqendè në kurriz të thelbit të çështjeve mirëfilli juridike si kjo e këtij komisioni. Ky komision, si një rezultat mjeran i një optike po aq mjerane -e cila e percepton luftën kundër korrupsionit si një luftë të mosozotshme mes kampesh politike dhe jo mes të Mirës e së Keqes së vendit e shoqërisë sonë, si një betejë aktuale mes "nesh e atyre" në përshtatje me interesin klanor të ditës dhe jo si një sfidë të përhershme mes forcave reformuese e atyre frenuese në një shoqëri të hapur, si një "luftë të re klasash" ndaj kujtdo që futet në rrethin e kundërshtarëve dhe jo si një domosdoshmëri alarmante për modernizimin e shtetit e të institucioneve- na ka dhënë një shfaqje të gjatë e të neveritshme të gjendjes ku është katandisur politika shqiptare, opozita shqiptare dhe i tërë debati politik në Shqipëri. Zotërinj! Në Shqipëri nuk po luftohet korrupsioni. Përkundrazi. Korrupsioni po vazhdon të thithë, thuajse i patrazuar, burimet tona financiare e njerëzore, ndërkohë që, pikërisht në emër të luftës kundër korrupsionit, politika e marrosur nga zelli i luftës për pushtet dhe e shurdhët ndaj zërit të shoqërisë shqiptare, prodhon armë për të bërë gjueti shtrigash ndaj kundërshtarit të radhës. Një armë e tillë është edhe ky komision hetimor parlamentar që u kërkua me një dhunë verbale e shantazh i hapur si rrallë herë në sallën e Kuvendit të Shqipërisë dhe që u lejua të ngrihej përmes një ndryshimi krejt artificial në formulimin e objektit të hetimit. Në funksion të gjoja zbutjes së klimës politike! Të zbusësh klimën politike me artifice të tilla do të thotë ta lësh politikën peng të energjive shkatërruese, të interesave të ngushta partiake, të pazareve misterioze të radhës mes atyre që i ndan, formalisht, përkatësia në parti të ndryshme, po që fatkeqësisht i bashkon filozofia reaksionare apo morali i dyshimtë në raport me vendin, me ligjin, me shtetin, me qytetarët, me anëtarët e thjeshtë të partisë ose me kolegët e tyre të organeve drejtuese të partisë dhe, mbi të gjitha, çka është edhe më e keqja, kur artifice si ngritja e këtij komisioni hetimor, diktojnë vendimarrjen politike, do të thotë që të mos kesh minimumin e respektit për dinjitetin njerëzor, në shërbim të të cilit duhet të jetë politika në rast se nuk ka zgjedhur t'i shërbejë së Keqes. Cila arsye e shëndoshë e pranon dhe cili ligj në cilin vend demokratik e lejon vendosjen nën hetim të një njeriu, cilido qoftë ai, kur nuk ka asnjë provë që ta bëjë të nevojshëm hetimin? Cili moral njerëzor a politik dhe cili ligj në cilën shoqëri demokratike e pranon, në vend të provës, një pretencë kryekëput politike të opozitës në Parlament dhe për këtë shkak vendos nën hetim parlamentar një njeri, cilido qoftë ai? Cila mendje e padjallëzuar dhe cili ligj në cilin shtet me institucione kushtetuese kontrolli krijon, në bazë të një fushate të mirëfilltë denigrimi politik, një komision hetimor parlamentar si ky juaji? Në cilin cep të Botës së Lirë mund të ndodhë që imuniteti parlamentar i një a më shumë banditëve politikë -si puna e kryetarit të opozitës sonë apo e cilitdo tjetër- të jetë liri e pakufizuar për të marrë nëpër gojë me libër shtëpie cilindo qoftë, për të ngritur akuza nga më të përbindshmet për cilindo qoftë, për të kërcënuar me fjalorin më kriminal cilindo qoftë? Në bazë të cilit kod moral dhe të cilit kod juridik u ngritën nga ky komision hetimor parlamentar akuza penale për personin tim dhe u shpif nga anëtarë të këtij komisioni në adresën time, të njerëzve të familjes sime, të bashkëpunëtorëve të mi të ngushtë, të nëpunësve civilë të administratës së Bashkisë së Tiranës, të sipërmarrjeve të kontratuara nga Bashkia e Tiranës për punët publike, të kompanive ndërtuese në qytetin e Tiranës, të mediave që mbuluan veprimtarinë e këtij komisioni? Nën cilin qiell e mbi cilën tokë të lirë -ku veprimtaria njerëzore rregullohet në bazë të një kushtetute të votuar lirisht e të ligjeve të votuara nga një parlament i zgjedhur me votën e popullit- ndodh që deputetët të marrin mandat për të ushtruar terror psikologjik mbi qytetarët e lirë? Dhe, në fund të fundit, në cilin parlament të një vendi qytetarësh të lirë foltorja kthehet rregullisht në një pështymore mbi njerëzit, të vdekur e të gjallë, të pranishëm e të papranishëm, të fajshëm e të pafajshëm, burra e gra, vendas e të huaj? Të gjitha këto pyetje burojnë nga e vërteta e hidhur se në Shqipëri standardet demokratike përdhunohen nga interesat politike të ditës, Kushtetuta dhe ligjet shkelen nga vetë ligjvënësit në mënyrë flagrante e të vazhdueshme, dinjiteti njerëzor nëpërkëmbet nga logjika e kacafytjes së zhurmshme a të heshtur mes partive e klaneve partiake. Të gjitha këto pyetje unë i ngre sot përpara jush dhe përpara qytetarëve të këtij vendi, pasi për katër muaj rresht vetëm kam dëgjuar të gjitha fjalët e ndyra, shpifjet e papërfytyrueshme, akuzat e turpshme, sentencat e pretencat që janë dhënë në adresën time dhe kam parapëlqyer të mos përgjigjem deri ditën kur do të dilja përpara këtij komisioni hetimor. Pra, deri sot. Por dua t'ju siguroj se këto pikëpyetje unë nuk po jua vë përpara në emër të dinjitetit tim të cenuar. Jo, zotërinj! Të gjitha këto pyetje unë i rreshtova për të mbrojtur jo veten, po filozofinë time në kryerjen e detyrës që më kanë ngarkuar qytetarët e lirë të këtij vendi. Të gjitha këto pyetje unë i rreshtova për të mbrojtur jo veten, po dinjitetin e cenuar të nënave dhe baballarëve që, si pjesë e administratës publike të qeverisë vendore, punojnë orar e pa orar me mua në Bashkinë e Tiranës dhe nuk ia kanë për borxh askujt terrorin psikologjik nën të cilin janë vënë ata vetë, fëmijët e të afërmit e tyre. Të gjitha këto pyetje unë i rreshtova për të mbrojtur jo veten, po dinjitetin e cenuar të sipërmarrjeve dhe sipërmarrësve të lirë të këtij qyteti, të cilët kanë aplikuar apo konkurruar për të fituar të drejtën të punojnë për rindërtimin e Tiranës dhe shpërblimin e kanë marrë përmes punës e sipas punës. Me të ardhurat e fituara me punë sipërmarrësit e vënë nën akuzë kanë ushqyer familjet e tyre, familjet e punëmarrësve të tyre, si edhe kanë paguar taksa për qytetin e shtetin tonë dhe nuk u kanë ndonjë borxh deputetëve që guxuan t'i akuzojnë për vjedhje, ndërkohë që, në rastin më të keq, duhet t'u jenë mirënjohës, kurse në rastin më të mirë duhet të bëjnë ligje më të përshtatshme në mbështetje të sipërmarrjeve shqiptare. Të gjitha këto pyetje unë i rreshtova për të mbrojtur jo veten, po dinjitetin e cenuar të atyre përfaqësuesve të pushtetit të katërt, të cilët -brenda kuadrit ligjor të Republikës së Shqipërisë- kanë nënshkruar me shtetin kontrata qiraje për disa hapësira të braktisura në të cilat kanë investuar miliona dollarë, kanë punësuar qindra njerëz, kanë organizuar dhjetëra aktivitete e, mbi të gjitha, kanë sanksionuar në mënyrë të pakthyeshme të drejtën kushtetuese të shqiptarëve për informacion të lirë e të pavarur. Pra, me fjalë të tjera, që nuk ia kanë për borxh asnjë prokurori politik akuzën për dëm ekonomik ndaj këtij shteti me poture në fund të këmbëve që, pa këto ekrane të vëna poshtërsisht nën akuzë, s'do të mund ta kishte çuar akoma gjuhën e unifikuar shqipe matanë Llogarasë e jo më në trojet shqiptare në Kosovë e Maqedoni. Të gjitha këto pyetje unë i rreshtova për të mbrojtur jo veten, po dinjitetin e cenuar të të gjithë atyre partnerëve, donatorëve e sponsorve, të huaj apo vendas, të cilët kanë ofruar bujarisht ndihmë për të restauruar e ndërtuar godinën e Bashkisë së re, për të pastruar mbi njëqind mijë tonë inerte nga lumi i Lanës, për të shtruar rrugën e Oxhakut apo rrugën "Don Bosko", për të ndërtuar terrene sportive në shkolla të mesme të Tiranës, për të mbjellë pemë në segmente të ndryshme të kryeqytetit, për të ndriçuar disa rrugë ku llambat qenë djegur qysh me rënien e regjimit të vjetër apo për të vendosur kosha mbeturinash që pastaj shabanët e opozitës t'i shkelmojnë si topa futbolli gjatë natës e të tjera e të tjera. Dhe që, afërmendsh, nuk ia kanë borxh as Çobanit të Partisë Demokratike dhe asnjërës prej deleve të vathës së asaj partie, që t'u ulërasë a t'u blegërijë si të ishin pastrues parash të pista. Po, mbi të gjitha, unë jam këtu sot për të mbrojtur investimin shpirtëror, moral e financiar të atyre mijëra e mijëra banorëve të kryeqytetit nga Bregu i Lumit te Kodra e Priftit, nga Alliasi në Kombinat, nga Selita në Sauk e deri në sheshin "Skënderbej", të cilët jo vetëm i kanë paguar detyrimet bashkiake, po edhe nuk na e kanë kursyer fjalën e mirë për punët që, si Bashki e Tiranës, kemi bërë në këto vite të kthesës historike, qoftë për infrastrukturën dhe qoftë për cilësinë e jetës në këtë qytet që e gjetëm në rrokullimën drejt greminës e që, dalëngadalë, me mund e pasion po e ringremë në këmbë. Zotërinj deputetë. Në emër të të gjithë këtyre njerëzve të punës së ndershme e të jetës së vështirë, veçanërisht në emër të të moshuarve dhe të rinjve të mrekullueshëm të këtij qyteti ku kam fatin të jem ky që jam, unë, Edi Rama, djali i Kristaqit dhe Netës, aktualisht kryetar i Bashkisë së Tiranës, betohem se gjithçka që do të them sot në këtë sallë, do të jetë e vërteta, vetëm e vërteta dhe asgjë tjetër përveçse e vërteta. Duke e mbyllur këtë deklaratë, dëshiroj të shtoj vetëm diçka "të vogël" për tërë banorët e Tiranës, që po më ndjekin përmes ekranit: Të dashur bashkëqytetarë. Kam filluar të dëgjoj se ka ndër ju që, duke folur për mua thonë: "Hallall, edhe në qoftë se ka marrë lekë, shyqyr që na ka bërë tërë këto punë!" Kurse unë ju them: Cilido prej jush që ka votuar apo nuk ka votuar për mua dhe që në zgjedhjet e ardhshme ka ndër mend të ma japë votën,megjithëse mendon se unë mund të kem përfituar parà në mënyrë të paligjshme, është i lutur që të mos e bëjë një gjë të tillë. Pra, është i lutur të mos ma japë votën. Unë kërkoj vetëm votën e atyre që besojnë të vërtetën time të thjeshtë e të goditur me ngulm kriminal nga kundërshtarët e mi. Kjo e vërtetë është se unë jam një qytetar i lirë e i ndershëm i Tiranës, në xhepat e të cilit nuk ka e nuk do të ketë kurrë asnjë qindarkë të përfituar në rrugë të paligjshme. Jini të sigurt, se Koha nuk do të provojë asnjëherë të kundërtën, ashtu siç jam unë i sigurt se Zoti nuk do të na lerë vetëm në këtë luftë me parazitët llapaqenj të këtij vendi.

GSH

[ALBA]

Pse cfar mendon ti se Edi Rama do pranoj akuzat?Ai ne ate gjuhe do flasi, se nuk ka kuptim te thote qe jam hajdut, se ka deshir te ruaj postin.Ashtu si dhe Helmut Kohli i cili e vodhi parat qe kishin dhuruar shoqerit bamirese,por ai nuk u cua e tha qe i kam vjedh,por kjo gje doli ne shesh nga kontrolli qe ju be.Keshtu dhe Edi Rama nuk ka se si te pranoj,por faktet tregojn ndryshe.Presim si do ti vi fundi.Ishalla me hajer kjo pune,ne favor te popullit.
pershendetje

[helios]

Alba_D,nuk dua te bej krahasime midis njohurive ligjore te komisionereve gjermane dhe atyre shqiptare. Kjo per faktin se nga menyra sesi i formulojne 'pyetjet-akuze' (duke shkelur ligjet e vete komisionit)keta te fundit duket qarte qe kane qellim parimor denigrimin e figures se E.Rames ne syte asaj pjese te popullsise kryeqytetase qe nuk dine te dallojne akoma te bardhen nga e zeza. Ketu se pari futen te gjithe te ardhurit e periferive(gati gjysma e Tiranes apo jo?) qe kane zaptuar tokat 'pa zot' qysh prej '93,dhe qe sigurisht nuk i ben pershtypje Sheshi Skenderbej,Parku Rinia apo Lana,futen te gjithe 'ish te privilegjuarit' korruptues te pushtetit te athershem te djathte qe ngelen me gisht ne goje kur pane pertoke kioskat e tyre qe 'me aq mund' i ngriten.

Ky komision per mendimin tim po zevendeson disi detyren e mitingjeve zhgenjyese qe ka sipermarre e djathta me satelitet e saj. Jo se nuk kane per te bere mitingje,nuk i dihet deri kur te fillojne cfare do permendin nese falimenton ky 'mision i shenjte',sigurisht do ankohen per 'bllokim hetimesh' a ku di une.
Deri kur 'faktet' qe e djathta permend te mos shkojne me provat e sakta dhe konkrete ne gjykate dhe kjo e fundit te kryeje detyren e saj ,asnje 'akuze' nuk eshte e pranueshme kundrejt personit ne fjale.

PS. te pershendes me Shaggy...It wasn't me!

[Brari]

RD

-------

Dëshmia kolektive në kundërshtim me ligjet e vendit dhe ato ndërkombëtare

Hetimi për Ramën, pengesë droga e Kadriovskit dhe Xhafës

"Ka interesa droge janë paratë e Kadriovskit që denoncova edhe dje në Kuvend, janë paratë e personit që u arrestua në Itali, i njohur si njeri i Fatmir Xhafës, i cili u ndalua me çantën plot drogë"

Ideja e kryetarit të Bashkisë dhe socialistëve për të bërë dëshmi kolektive para Komisionit Hetimor parlamentar të drejtuar nga deputeti Olldashi, është vlerësuar nga kryetari i Partisë Demokratike si në kundërshtim me ligjet e vendit dhe praktikat ndërkombëtare.

Duke komentuar këmbënguljen e Ramës për të dëshmuar bashkë me ekipin e drejtorëve të Bashkisë, kryetari i PD-së, tha për gazetarët se, «ja çfarë po bën krokodili i patru, gorilla i korrupsionit, do që të bëjë dëshmi kolektive. Ai është një idjot, një kretin total, pasi nuk ekziston faji koletiv, nuk ekziston dëshmi koletive, ky është një kretin, një krokodil i patru. Ai mendon se kur e hap shpellën e tij të pistë, shkruan ligjet».

Siç tha Berisha, «shoqëria njerëzore nuk pranon fajin kolektiv dhe dëshminë kolektive dhe kjo është e shkruar që nga Kodi i Napolonit deri më sot. Edvinët e Bashkisë duan të na imponojnë dëshmi kolektive, për shkakun e vetëm se kanë ndarë paratë me bashkëhajdutët. Ata do të merren në prokurori, por do të merret veç e veç sipas ligjit dhe Kushtetutës, pasi nuk ekziston dëshmia kolektive».

Ky njeri nuk ka nocionin për ligjin, për shtetin, ky është një hajdut, që nuk njeh ansjë lloj kufiri, tha Berisha. Për këtë, kryetari i PD-së solli si shembull mes të tjerash edhe faktin se si ai ka pushuar nga puna gjatë këtyre viteve rreth 150 vetë, për shkak se ai nuk ka nocion elementar të ligjit dhe të shtetit. Berisha paralajmëroi se Rama po përpiqet me çdo kusht të provokojë konflikte në Tiranë, për të shpëtuar nga krimet që ka kryer.

Kryetari i PD, Sali Berisha, e veçoi qëndrimin e kryetarit të Parlamentit, Servet Pëllumbi, nga veprimtaria e deputetëve socialistë në Komisionin Hetimor.

Berisha deklaroi se, kryetari i Parlamentit ka denoncuar si të paligjshëm veprimtarinë e Agasit dhe të atyre që lajnë paratë e drogës me Edi Ramën. Sepse, siç pohoi kreu i PD-së, «aty ku ka interesa droge janë paratë e Kadriovskit që denoncova edhe dje në Kuvend, janë paratë e personit që u arrestua në Itali, i njohur si njeri i Fatmir Xhafës, i cili u ndalua me çantën plot drogë». Pra këtu ka interesa droge, u shpreh kryetari i PD-së, por, sipas tij kryetari i Parlamentit ka bërë detyrën. Edhe unë e kam vlerësuar dhe e vlerësoj atë. Ne, pohoi ai, jemi për funksionimin e shtetit.

Kryetari i PD në vazhim të komentit të tij bëri të ditur se, «ne jemi të qartë se pas këtyre qëndrimeve fshihet zoti Nano, i cili për hir të së vërtetës ka marrë shpërblimet më të mëdha në natyrë gjatë këtyre tre muajve të fundit nga Edvin Rama. ».

Berisha shprehu në fund vendosmërinë e opozitës për t’i çuar çështjet hetimore deri në fund. Ai i komentoi qëndrimet bllokuese të socialistëve si «dëshmi të tmerrit të tyre të brendshëm për krimet që kanë kryer».

M.B.



Morri Braçe i vërsulet gazetarit të "RD"

Gorja i Edvin Ramës e Fatos Nanos, kryeredaktori i "Zërit të Popullit", Erion Braçe, ka treguar dje gjithë urrejtjen e tij ndaj shtypit të lirë e mediave antiqeveritare, me një sulm banditesk e burracakt në të njëjtën kohë, që i bëri gazetarit të "Rilindjes Demokratike" Armand Maho. Duke shfrytëzuar një moment kur Maho po linte sallën në Kryesinë e Kuvendit të Shqipërisë, ku po mbahej seanca e ballafaqimit e Edvin Ramës me anëtarët e Komisionit Hetimor, morri Braçe i turret gazetarit nga prapa e me fjalë fyese, duke e shtyrë i kërkon që të mbyllë gojën e të mos e shikonte më në sy se e destabilizonte. Maho i ka nxjerrë deputetit Braçe distinktivin, duke i deklaruar se ishte gazetar i "RD"-së, por kjo s'i ka mjaftuar Braçes, që ka vijuar sulmin fizik ndaj gazetarit të opozitës, njëkohësisht me kërcënimet për punonjësit e shërbimit të Kuvendit që të mos i afroheshin, meqenëse ishte një njeri me imunitet. Përplasja ka ndodhur në sytë e të gjithë anëtarëve të komisionit dhe ka ardhur si rrjedhojë e përpjekjeve të morrit Brace për t'u shfaqur sa më solidar me qëndrimet e Edvinit që për disa minuta me radhë ka kërcënuar një sërë gazetarësh të pavarur, se do t'ua mbyllte gojën si dhe ka ndërhyrë në punimet e komisionit, duke kërkuar që të dilnin jashtë fytyrat që s'i pëlqenin. Morri Braçe ka deklaruar më pas në komision se nuk e kishte sulmuar atë që thoshte se ishte gazetar, por vetëm e kishte nxjerrë jashtë, duke i kërkuar që ta shante atje, me nënë e me motër e jo ta shihte në sy gjatë punimeve të komisionit, pasi kështu e destabilizonte. Morri Braçe nuk ka treguar se në ç'mënyrë e destabilizonte shikimi i gazetarit të "RD"-së, megjithatë ai është bërë objekt i kritikave të anëtarëve të tjerë të komisionit. Disa ditë më përpara, media publikoi edhe njoftimin se, Braçe kishte kërcënuar me vdekje kryeredaktorin e "TemA"-s Mero Baze, ndërkohë që vazhdimisht ai ushtron presion mbi mediat që të mos pasqyrojnë skandalet në të cilat përfshihet rrugëve e nënrrugëve të Tiranës.

Mjaft pamje filmike janë marrë nga momentet e sulmit të Braçes mbi Mahon e ato pritet të depozitohen në Prokurorinë e Tiranës si prova së bashku me denoncimin ndaj Gores së Nanos e Edvinit.

Marre nga RD

----
------------


Dy fjale...

Respekt meriton Paloka, Berisha e Olldashi me shok.

Te perballesh me bandat e Rucit , Braces, Brahos e Metes nuk eshte loj.
Duhet guxim i madh personal.

I lumte... ka burra Shqiperia..


...

[olsen]

nqs se edi rama shpallet i fajshem nga prokuroria ,atehere ai jo vetem qe duhet te pushohet nga puna por duhet patjeter te futet ne burg ashtu sic thote kushtetuta.



no one is above the law!!