Guns

[macia_blu]

ben,

[Agim Doçi]

BenAlbani fisnik!
Macja kur e ul dorën mbi kurriz të saj, ajo shtriqet dhe ngre kurrizin e bishtin njëherësh! Kur e ngre dorën lart, macja e ul kurrizin edhe bishtin!.... Kjo është "filozofija" e komportimit me të gjitha macet në përgjithësi, pa marrë parasysh "ngjyrën" dhe prej nga vjen! Urime edhe një herë për PAMFLETIN, Muzat do të vijnë, nëse ti i kerkon!
Përqafime të sinqerta, edhe pse nuk më pëlqen që të shkruash duke u mjaftuar me "kritikat" e maces_blu(!)

TANI DY FJALË ME TY MACE_BLU!!!
Të bësh kujdes me çka shkruan! Kur fatkeqsisht të paskan arrestuar babën tand (tmerr, vetëm pse lexonte At Fishtën e Madh) dhe ti nuk ishe më shumë se 8 vjeçe, burgjet e birucat e Mirditës (krahinë e mbushur me spiunë e të pabesë që ishin peng tek Sigurimi i Shtetit), nga familja ime ishin 15 vetë në burg politik(!)
Heeeeej! MERR VESHT APO JO!?? Po deshe po t'i numëroj:
4 xhaxhallarë, 8 djemt e tyre dhe 3 djem hallash! Ndërkohë im atë i rrinte besnik dhe hijshëm atij regjimi! Kjo është tragjedi, që më vjen keq dhe më dhimbset Sheakespare me ato tragjediçkat e veta! Koha Orwelliane e diktaturës, duhet urgjentisht flakur me përbuzje dhe forcë! JENI JU BREZI I RI E ARDHMJA E SHQYPNISË QË DUHET T'A BANI KËTË! O SOT O KURRË! DHE UNË BESOJ TEK TË GJITHË JU! SEPSE JENI JU QË M'A KENI KRIJUAR KËTË SHPRESË DHE BESIM ME KULTURËN TUAJ ATDHEDASHËSE! Edhe Ti mace!
Boll me llastime prej të persekutuarish! Po të shkruaj një poezi, që përfundimisht të bësh kujdes dhe të mos fyesh askënd! At Gjergj Fishta dhe Faik Konitza - JANË KOLLOSËT E KOMBIT! Ajo "shakaja" yte pa kripë - "kujt i plasi për Konicën!" bën pjesë në mjerimin intelektual, krahinor dhe njerzor të të gjithë atyre që e kanë MERITUAR PERSEKUTIMIN SE KANË QENË ASKARIDE!
Kërko falje! Urgjent! Të lutem!
Ndryshe i lutem stafit të nderuar TË FORUMIT SHQIPTAR TË MË KUPTOJË: UNË do të SHPALL IKJEN NGA KY FORUM QË KURRË NUK DUHET TË MBAJË MIDIS LUKSIT TË VET - askaride!
Dhe tani poezija ime për atë kohë të mallkuar të Qoftëlargut..

NE!

Të përgjuar,
Të mashtruar
Të spiunuar,
Të internuar.
Të arrestuar,
Të torturuar,
Të masakruar,
Të persekutuar,
Të pushkatuar,
Varr - Harruar!!...
Paskeshim qenë shumë të duruar!
Kush na kish mallkuar????
Asnjeri nuk PËRGJIGJET!
Ndoshta e kemi merituar!....

Agim Doçi - Poeti

[nitROSHI]

Nuk e kuptoj arsyen e gjithe ketij zemerimi. Mua mu duk se Macja thjesht tregoi nje histori nga jeta e vet, e kjo nuk mendoj se eshte fyese per ndokend ne forum.
Nese ndonjeri ketu fyhet kur dikush shpreh mendimin e hapur per figurat e letrave shqipe " kujt i plasi per Konicen" une do te thosha se gjithese-cili ka te drejte te japi mendimin e vete.

Une sinqerisht nuk mendoj se Macja duhet te kerkoj falje.


Ben me verte e bukur ajo pjesa me larte.

Niti, tregtar zarzavatesh.

[Brari]

..Poezia juaj " NE" . Mjeshter je Agim..

Meqense kemi kaq ambjent te mrekullueshem ketu ju ftoj Ju Agim dhe Mace-romantiken qe te pim nji kafe mosmarrveshje-sheshuese-miqesore se bashku duke lexuar kte shkrim teper interesant prure ketu nga simpatikja ENI.

------------

Faik Konitza

CA KUJTIME MBI AT GJECHOVIN.

(Màrrë fjalë per fjalë prej fletores "Dielli" 18 Marc 1930, nr. 5156, fq. 2.
E perdorem ket artikull me të cillin Ekscelenca e Tij Ministri i Shqypnís në Washington Z. Faik Konitza na e paraqet aq gjáll Françeskanin Shqyptár A. Shtjefnin Gjeçov e me nji stil aq të rrjedhshem, sa tuj na u dukë ky artikull si nji kunorë e çmueshme letratyre, qi Z. Konitza desht të vête mbî bûca të njoma të vorrit të të pervajtueshmit A. Shtjefen, na u duk si detyrë t'a biejshim edhè në ket kryevepren e tij.)

At Gjeçovin e pata njohur me anë letrash disa vjet perpara luftës Ballkanike. Më 1913 shkova në Shkodrë dhe atjè, në Kuvënt të Franciskânëve, nji ditë u-njohmë me sy e me fjalë të gjalla. Mendimet nderimi, që kisha patur për At Gjeçovin për së largu, m'u-shtuan ca mê tepër që kur u-poqmë. I mesmë nga gjatësia e trupit, pakë si i thatë, me një palë sy të zeza ku çkëlqente mendia po dhe zëmërmirsia, At Gjeçovi fitonte menjëherë besimin dhe dashurinë. Fjalët i kish të pakta po kurdoherë në vënt. Vetëm kur në të kuvënduar e sipër takohej nonjë pikë mi të cilën kish dituri të veçantë – si për shembëll Kanuni i Lek Dukagjinit ose vjetëritë greko-romane – At Gjeçovi çelej ca mê gjatë, dhe ahere ish gëzim t'a dëgjonte njeriu. Asì kohe At Gjeçovi ish "famullitar", domethënë prift i ngarkuar me shërbimin e një fshati ose rrethi, dhe rronte në Gomsiqe, i pari katûnt i Mirditës mb'udhë nga Shkodra n'Orosh. A i vemi musafirë At Gjeçovit nonjë ditë të kësáj jave? Më pyeti një herë At Fishta, me të cilin píqesha çdo ditë në Shkodrë. Mendimi i një vizite At Gjeçovit më pëlqeu pa masë. Ashtû, pa humbur kohë, u-nismë. Një gjë për të vënë ré, dhe që më mbushi me habí dhe trishtìm, është se nga Shkodra gjer në Gomsiqe, një udhëtìm shtat' a tet' orësh me kalë, nukë gjetmë as katûnt as shtëpí; veç një hani të varfër, ku qëndruam për të pirë kafé, s'pamë gjëkundi nonjë shënjë gjallësie: një vënt i zbrazur e i shkretë, si i harruar nga Perëndia dhe nga njérëzit. Po mërzia e udhëtimit na u-çpërblye përtèj shpresës posa arrijtëm në Gomsiqe, ose, që të flasim me dréjt, në famullí të Gomsiqes, – se katundi vetë i shpërndarë tutje-tëhû, një shtëpí këtû, një shtëpí nj' a dy mile më tej, as që dukej.

Famullia – një biná prej guri, e ndritur dhe e pastër, gjysm' e zbrazur nga plaçka po e mbushur dhe e zbukuruar nga zëmëra e madhe dhe nga buzëqeshja e të zotit shtëpisë – qëndronte, mirëpritëse dhe e qetë anës një lumi. Këtû ronte At Gjeçovi. Këtû e shkonte jetën, në mes të lutjes e mësimeve, një nga njérëzit më të lartë që ka patur Shqipëria: një lartësí e përulur, në munt t'afròj e të lith dy fjalë aqë të perkûndërta; një lartësí shpirti dhe mendjeje e panjohur nga njeriu vetë, i cili, bir i vërtetë i të Várfërit t' Assisit, në pastërí e në vobësí të zëmrës tij e dinte veten të vogël. Famullia, shkollë dhe vënt këshillash të mira, u jipte fëmiíjëve themelet e stërvitjes, u përndante fjalët e urta dhe ngushëllimet njérësve në nevojë. Kohën që i tepronte, At Gjeçovi j' a kushtonte studimit.

Merej ahere me institutat e vjétëra të Shqipërisë, nga të cilat një që arriu gjer në ditët t'ona është Kanuni i Lekë Dukagjinit. Askùsh nukë munt t'i afrohej At Gjeçovit në diturín' e këtíj Kanuni. Na tregój një dorëshkrìm nj'a dy-mij faqesh, sudiím i palodhur e i hollë ku kish mbledhur, radhitur e ndritur të gjitha sa kanë mbetur nga mendimet juridike të Shqipërisë në Kohën e Mesme, mendime të cilat ngjan t'i kenë rrënjët shumë përtèj Kohës së Mesme.

Në kat të sipërm të famullisë, permi një tryezë të madhe, ishin shtruar një tok vjetërsirash greko-romane, të zbulúara e të mblédhura një nga një, me një fatbardhësí të rrallë dhe me një shie të mbaruar, nga dora vetë e At Gjeçovit. Mbaj mënt, veçàn, një enë të vogël të qojtur "lacrumatorium" lotore, asìsh që të vjétërit, në besim se të vdékurit qajnë të shkúarit e jetës tyre, i mbulojin në varr bashkë me të vdékurin që ky të kish se kû t'i mblithte lottë. Nuk më shkonte ahere kurrë nër mënt se pas ca vjet sicilidò prej nesh, miq dhe admironjës të tij, do të kishim nevojë qi në gjallësí për nga një lotore ku të mbledhim lottë t'ona për At Gjeçovin…

Bir i përulët i Shën Franciskut, e ditur me një diturí pa tingëllìm, po dhe Shqipëtár i kthiellt, At Gjeçovit, që përkiste çdo mirësí, nuk i mungój asnjë hidhërim, asnjë çpifje, më e çudítshmia e të cilave ndoshta është të mohúarit se ay ish Shqipëtár. Sepsè ish lindur në një kufí gjúhërash, në një kufí ku sot mbaròn shqípia dhe nis një tjatër, ca mëndje të klasës katërt, të pazonjat të kuptojnë se fólësit e shqipes në vijën me të përparuara janë stërnípërit e atýreve që me qëndrimin e tyre në Kohën e Mesme dhe pastaj ndaluan të mbrápsurit e vijës më tehû, ca mëndje të klasës katërt e përmbysin të vërtetën dhe e kthejnë në të sharë atë që është një lavdí.

Po At Gjeçovi është përmi çdo sharje. Emëri i këtíj njeriu të rrallë do të vejë duke u-ritur – dhe një ditë famullia e Gomsiqes do të jetë një nga gurët e shëntëruar të Shqipëtarësisë.

--------------

thx per kafen dhe lezetin.

[Agim Doçi]

Ju kërkoj ndjesë të gjithëve, por dola nga takti sepse u trondita nga ti Mace_Blu! U trondita se ty të dua shumë! Megjithse ndoshta jemi nxituar të dy! Ti që shkruaje "kujt i plasi për Konicën" dhe unë që të shpraza gjithë atë rrebesh fjalësh! Nejse më falni se më iku inati, kaq e pati i mallkuari inat! Sa inat më vjen që u nxeha aq shumë! Premtoj se nuk do të nervozohem më! Për të patur besim në premtimin tim më lejoni të vendos një poezi të shkurtër timen dhe le të shërbejë si MIRËKUPTIM MIDIS NESH! Mace, të përqafoj fort! Mirë, u pajtuam ë?!
Ju dua shumë të gjithëve! Jeni shumë të mirë! Sot nuk kam qenë mirë mesaduket! Mace_Blue të dua shumë! Edhe ty BenAlban, ty miku im fisnik Brari, NitRoshin opo të gjithëve!
Tashti ja dhe poezia që po e përsëris:

I NDËSHKUAR PËRJETSISHT

Tërë jetën kam bërë gabime dhe do bëj përsëri(!)...
Ndonse u ndëshkova.
Bile, jam ndëshkuar në vazhdimësi!
Shpesh padrejtësisht, bile në rastet kur nuk gabova...(!)
Gabuan të tjerët me mua dhe kurrë falje
nuk më kërkuan.(?)
Jo se më hynte në punë, por më duhesh
T‘ua jepja si lëmoshë
kur ata gabuan!

Ju përqafoj të gjithëve me mall
Agim Doçi _Poeti

[Dita]

Shume e bukur Ben!
Pergezime!

Dita

[macia_blu]

me trego, cfare shenje ke ne horoskop.?

Une jam peshku...
po as macia, as peshku,
nuk ma rrezojne dot fisnikerine e
elinda markut....

Tjeter, me vjen keq qe nuk e ke kuptuar te pakten ti se cfare kam thene me ate "kujt i plasi per konicen"
Nuk dua ta lendoj fisnikun tend, Ben, as fisnikun Tone Ben..gje ne te cilen as qe nuk kam guxuar te dyshoj....
Jane te rralle dhe iu rri aq larg ata per te cilet ua ve ne dyshim fisnikerine . Duhet te besosh se Beni nuk me eshte dukur ndryshe vecse fisnik...perndryshe nuk do kisha denjuar te flas, ndonse shtrenber. As ne asnjerin fisnik .duke patur parasysh se i kam rrahur gishtat ne tastiere dhe kam dashur te derdh dashuri ndonese ndonjehere fjala nuk me bindet....deri ke besimi juaj.

Ajo per konicen , ka qene ne kontekstin qe te me pranoje beni, saper te plasur per konicen a ndokend tjeter me duket se jo vetem mua nuk me plas( nqs nuk me plas.)

hej gim se te harrova, ke filluar te nxefesh si macet e cfare do lloj ngjyre qofshin.
po te le pa perqafim sot..o gimo.... me eshte ngrefur bishti...
Ty ben po te perqaf duke te kerkuar ndjese jo me, per sa ka ndodhur me lart, por se po vazhdojme akoma ne faqen tende.
tani u kuptuam, s'u kuptuam
u pajtuam, s'u pajtuam....
une po iki sa pa me zene ndonje mashe....kembeve.(dmth nga kjo faqe ku lakohet konica , beni, fisnikeria , macia...)

(ballin e kam te shpetuar , po gjitjthesesi ku i dihet duhen ruajtur edhe te shpetuarit....)

urime te gjitheve.....

[buna]

ndenja,ndenja si spektatore.degjova dhe degjova.qesha,u gezova,u habita,u mahnita, hapa syte fort,u zgerdhiva,u perpoqa te kuptoj....jane shume ato qe kam provuar gjate ketyre diteve.vetem se o shoke ose o zoterinj si te preferoni bejeni cilesimin deri ketu.nuk mbaj dot me.duhet te flas.duhet te flas qe te mos iu shoh sesi adhuroni deri ne ngerdheshje njeri-tjetrin,sesi pergezoni duke bere shenja te tjera pas kurrizit,sesi lavderoni duke filluar te poshteroni edhe ate: qellimin.
shoh njerez te cuditshem qe vijne hyjne ketu dhe pretendojne se bejne letersi,po kjo nuk me nervozon,sepse jam demokrate.u kam falur te gjitheve te drejten e te shkruarit.
shoh te tjere njerez qe shkruajne letersi.
shoh edhe ca te tjere qe bejne sikur shkruajne dhe dine se jane dicka dhe duan te marrin ne dore ne forum ate qe s'e marrin dot ne te vertete.adhurimin e lexuesit.
shoh edhe me ka hypur ne koke t'iu fus nje dacke te gjitheve per bejtet qe beni per njeri-tjetrin.me sa lehtesi!harruat o njerez se krijimi eshte mundim?!si leshoni dy-tre vargje ashtu ne ere?pse me vjen era e dasmave te vjetra?
jeni ne forumin e letersise.heeeeeeeeej.
por,tani ne fund, pashe edhe dike tjeter.sikur te kete nje shpate ne dore.na kercenon se do iki.e ftuam gje?na ve para zgjedhjeve?o ate o ....ne c'kohera na kthen,o njeriiiiiii! ne po e kapercejme ate kohe.po perpiqemi ta harrojme,ta fshijme ate menyre jodemokratike nga ndergjegja jone akoma e pandergjegjshme.dhe ti guxon e na flet perseri me tone diktuese???ndaj kujt??me cfare guximi???me cfare te drejte???
kohes tende i ka kaluar koha i dashur(shyqyr).ketu flasim c'te duam brenda kufijve te artit.(tek e fundit te atij arti qe mund te beje secili).
mos guxo te ngresh zerin e te tundesh gishtin,se je...vertet kush je ti???
cilat jane librat e tua te botuara dhe te pabotuara?pervec teksteve te festivalit une nuk mbaj mend asgje.pyeta dhe te tjere.asnje s'di gje.ndersa ti qenke poet.dhe ketu je dy here poet.me ke ngjan krijimtaria jote? ciles rryme i perket? cfare ideologjie?cfare qellimi?do desha te pergjigjeshe larg miredashjes tende.te pakten jepi fjales ate qe je.ashtu si ate dite kur kercenove.ji vetvetja dhe pergjigju. ose ne se nuk mund te te pergjigjesh mos me kerceno!!jam larg.

[Brari]

Se pas dimrit vjen nji vere
Qe do kthehemi nje here
Anes Vjoses Anes Bunes
Prane Vatres prane Punes.


Buna, kush do te bej letersi mund te beje.
Nuk ka pengese nga era miqesore qe fryn ketu mes nesh.
Shkrimi juaj eshte me shum mllef.
Nese i kemi bere njeri tjetrit bejte ose poezi (quaji si te duash) e kemi bere sepse eshte nji forme e shprehjes se miqesive, respektit dhe vllazerimit mes bashkatdhetareve. Kjo forme eshte dhe ne traditen shqiptare dhe eshte shume me letrare dhe njerzore se debatet akademike ose ato "brylat" qe Xhaxhi ja tregonte shokve ne pleniume.

Ne lidhje me Poetin tone per te cilin treguam gezimin e mirseardhjes ju beni vrejtje se Ai "dikton me gisht". Gabohesh.
Ardhja e Gimit eshte ngjarje dhe per kete do bindesh nji dite dhe ti.
Vertet Ai nuk ka libra te famshem dhe as ne nuk kerkojme libra te famshem prej Atij por dhe Ai vet nuk pretendon se eshte i famshem si shkrimtar.
GIMI eshte nji NJERI i thjeshte...shume i thjeshte por Njeri me zemer te madhe. Per ate e duan njerzit.

GIMI ben poezi per Kenget dhe kenget e Gimit i kendojne populli.
Ai i ka kenduar dashurise dhe viteve te fundit Kosoves dhe aspirates sone kombetare.
Tani na kendoi dhe neve ketu. C'te keqe ka?
Neve na shqetson kallashi qe mer jet njerezish ne Atdhe e jo Poezia e Agimit.
Ai eshte model i njerzillekut e i mirkuptimit. Duhet te jesh ne ore te keqe qe te te ngeli hatri nga Gimi ose tip egoist gje qe nuk do ju a deshiroja juve.

Dont uorri bunaaaaaa !
Na prano keshtu sic jemi zojush Buna.


Buna eshte nji lum historik por dhe letrar....nji simbol i qetesise..butesise e bukurise..
Ju u treguat si prrua mali qe kur bie shi vjen me uturime e ..vrull e merr perpara gure e drure dhe...ububuja..
Ne te kemi xhan perseri Buna jon simpatike e pak nevrike..

[BenAlbani]

Meqenese debati zhvillohet ne nje nga temat qe kam filluar une, ndihem pak si "i zoti i shtepise" dhe keto ngacmimet e fundit me nxisin te them dy fjale edhe vete.

Une per vete jam partizan i idese se krijimtaria nuk duhet te kete asnje lloj kufizimi. Per kete arsyet forumet jane vende ideale per tu shprehur si thote populli "pa teklif".

Marrim si shembull shkrimin tim. Dikujt, Maces Blu ne kete rast, nuk i pelqeu edhe aq dhe me dergoi komentin e saj. E cfare te keqe ka ketu? Asnje, per mendimin tim. Edhe une ju pergjigja, duke shprehur mendimin e kundert.

Ata qe me lavderuan i falenderova. Me ata qe nuk me pelqyen u perpoqa te shpjegohem.

E rendesishme eshte te mos kritikosh te drejten e tjetrit per te shprehur mendimin e vet. Edhe demokracia ka kufij. Jane ata qe ndalojne hedhjen poshte te vete demokracise.

Per mua Agimi i ka keqinterpretuar nje shprehje te Maces. Une besoj se e kuptova drejt qe ne fillim ( dhe me siguron per kete komenti i saj i mevonshem ) dhe ne fakt nuk i jam pergjigjur.

Une them se edhe sikur dikush te kritikoje ndonje figure ketu ne forum, nuk duhet te jete objekt "skandali" per askend. Keshtu shkon jeta. Njerezit jane mendje mendje.

Eshte interesant reagimi i Bunes. Nga njera ane kritikon Agimin per kritikat e ketij ndaj shprehjes se Maces, duke vene theksin sidomos tek "tonet diktuese" te ketij etj. etj. Nga ana tjeter kalon vete ne tone shume pavend te cilat me mos "diktuese" jane dicka shume e ngjashme.

Kujdes me ekseset. Pastaj me duket se Agimi me Macen po dialogonin me njeri tjetrin me se miri, pa patur nevoje per mediatore.

Nuk po zgjatem.

Pershendetje
BenAlbani

P.S. - Maces. Nje nga keto dite duhet te ulem dhe te te shkruaj dicka ( natyrisht pozitive ) ne lidhje me vargjet e tua dhe jo vetem per to.

Perse mendon se kam qene ndonjehere i zemeruar me ty? Nuk kam qene, pra nuk kam gje per te te falur.