Pirro Çako

**[Perla]** · 04-01-2011, 10:24

Boke, nuk degjohet

e kane hequr videon

**PINK** · 04-01-2011, 10:25

Postuar më parë nga [Perla]

Boke, nuk degjohet

e kane hequr videon

Nuk e kane hequr, aty double click.

Thank you Boke, kjo eshte.

**[Perla]** · 04-01-2011, 10:26

Postuar më parë nga PINK

Nuk e kane hequr, aty double click.

Thank you Boke, kjo eshte.

Mua me thote qe e ka heq kjo mizerja mi :S

**BOKE** · 16-06-2011, 12:06

Pirro Cako operohet nga zemra në Francë me Inva Mulën pranë

Pirro Cako operohet nga zemra në Francë me Inva Mulën pranëTIRANE- Pirro Çako operohet nga koronaret në Francë. Pas një periudhe 6- mujore kontrollesh e vizitash, pas problemit serioz me zemrën, kantautori i njohur, falë Zotit shpëtoi nga ndërhyrja e bisturisë franceze, shkruan dje Bluetooth. Lajmin për problemin e tij e bënë të ditur mjekë në Qendrën Spitalore Universitare, ku ai pati konsultat e para. Çako ndodhet ende nën kujdesin e mjekëve, ndërsa ish-gruaja, Inva Mula i ka qëndruar pranë në këtë rast emergjent. Ndërkaq, pas daljes me sukses të operacionit të ish-bashkëshortit, Inva Mula ka shkuar për të festuar 60-vjetorin e të bashkëshortit të saj tashmë zyrtar, Hetem Ramadani.

5 qershor 2011
(s.g/BalkanWeb)

**TikTak** · 16-06-2011, 13:51

e ka lodh shum zemren pirro. fryu shfryu do bote bam i dite

**shigjeta** · 16-05-2012, 01:28

Zbulohet lidhja e re e Pirro Çakos me 21-vjeçaren nga Shkodra

Ai ka një karrierë në kulmin e vet, të cilën e ndan me të gjithë njerëzit, por ka edhe një histori dashurie po aq të realizuar e të zjarrtë, të cilën nuk preferon t’ia tregojë askujt, ose më saktë vetëm miqve të tij më të ngushtë. Kantautori i njohur, Pirro Çako, ka mbi tre vjet që është i dashuruar me Sesilan, që miqtë e quajnë Sisi, e mbase koha e gjatë që kanë bashkë, ka thyer të gjitha parashikimet e mundshme të djalit që mbas një martese të përfunduar në divorc me Inva Mulën, zor se mund të besoje të kishte predispozitën e duhur për t’ia nisur një lidhjeje impenjative si kjo me Sisin, ose të paktën jo menjëherë. Historia me Anjushkën, së cilës i bëri edhe një këngë, zgjati shumë më pak se suksesi i vetë këngës, aq sa na krijoi idenë se tashmë, për një farë kohe, në jetën e kantatutorit do të kishte vetëm flirte apo lidhje kalimtare, të domosdoshme për një burrë single, por sidomos për një artist që ka nevojë të frymëzohet. Por në rastin e Sisit, me sa duket themelet u hodhën të forta që në fillim. Të njohur në një ambient miqsh të përbashkët, ajo e pëlqeu, sepse ai është Pirro Çako dhe vajzave ia njohim tashmë dobësinë për njërin nga artistët më romantikë të muzikës. Ndërkohë, ai e pëlqeu sepse ajo ishte e bukur, dhe si fillim mjafton për t’u afruar e njohur. Që nga ajo kohë çifti ka jetuar një lidhje intensive dashurie, paçka se axhendat e tyre kanë qenë mjaft të ndryshme.
Sesilia që ka prindërit në Shkodër, ka ardhur në Tiranë për të vazhduar shkollën e lartë në një universitet privat, ndërkohë që Pirro i ka hyrë seriozisht krijimtarisë muzikore. Madje thuhet se edhe Sisi ka shumë talent për të kënduar, por i çuditshëm është fakti se si ka mundësi të jetosh kaq pranë një kompozitori si Pirro dhe të mos kesh mundësi të këndosh të paktën një këngë të kompozuar prej tij. Tani e dashura e Pirros, rreth 27 vite më e re se ai, ka mbaruar shkollën dhe është në kërkim të një pune, kështu që ka më shumë kohë të lirë, prandaj dhe pjesën më të madhe të kohës e kalon në shtëpinë e tij, ndërkohë që e shoqëron Pirron në të gjitha udhëtimet e tij jashtë, kryesisht në Maqedoni ku ai bën orkestrimin e këngëve të veta te kompozitori Darko Dimitrov. Në lokalet e natës dalin fare rrallë, disa herë janë parë tek “Magic four”, një pub karaoke në zonën e ish-Bllokut, ndërkohë që drekojnë shpesh në një lokal afër shtëpisë së Pirros tek Liqeni Artificial. Me shumë rezerva çifti shfaqet edhe në ndonjë bar të Tiranës në zonën e ish-Bllokut, ashtu siç ndodhi disa javë më parë, teksa paparaci ynë i fotografoi tek lokali i mikes dhe koleges së Pirros, Rovena Dilos, ku ata kishin tentuar të maskoheshin mirë prapa disa luleve, por pa sukses. Natyrisht çifti nuk mund ta mbajë gjatë të fshehur lidhjen në një vend si Tirana, ku nuk fsheh dot asgjë, dhe nuk mund t’i kufizojë kaq shumë lëvizjet. A thua se po bëjnë ndonjë krim; Aq më tepër që koha e gjatë që kanë kaluar bashkë, vërteton se ata po kalojnë një lidhje të bukur dhe shpresojmë që të ketë edhe një finalizim po kaq të bukur.

Panorama