Pirro Çako

[flory80]

Ehehejej!.Se ky ritem na fton/Ta kendojm sebashku deri naten von/ Ndonse veshur thjeshte e me xhinsa blu/ Ta shijojm ktë jetë ashtu si doni ju"

Të më falin administratoret e forumit që ndoshta po dal pak nga tema, por kënga që ju zoti Agim përmendët këtu, është një nga këngët e mia të preferuara.
Është një nder i madh për ne të të kemi antar të forumit tonë, në fillim kur ju pash këtu kujtova se ishit ndonjë adhurues i Agim Doçit apo diçka e tillë, dhe vetëm tani po e kuptoj se jeni legjenda e teksteve të këngëve të muzikës së lehtë Shqiptare.
Shumica këtu nuk ju njohin ndoshta sepse janë një gjeneratë tjetër, por tekstet tuaja janë të pavdekshme, dhe unë desha të të falenderoj për atë kontribut të paçmuar që keni dhënë në muzikën tonë.

[PINK]

Për një çast më ndali zemra
Timo Flloko - P. Çako

Për një çast më ndali zemra, s'ishe ti,
shpirtin sonte ma trazove përsëri.
Më kujtohet sa shumë prisja,
që të ndjeja erën tënde.
Kthehu! Dhe njëherë unë të Të shihja.

Ëndrra gjumin ma këputi, e më zgjoi,
mbi nënkresë të ndjeva frymën, ku je ti?
Puthjet ende janë nxehta,
s'na i ftoh dot largësia.
Eja, mos u fshih vetëm në ëndrra!

Ref.
Unë dhe ti,
lusnim natën që dhe pak të zgjaste,
të mos kish agim.
Edhe dielli fare të mos lindte.
Vetëm unë dhe ti,
lusnim natën që pafund të zgjaste,
të mos kish mbarim.
Edhe dielli atë ditë të shuhej,
ndarje të mos kish.
Nëse mijëra kilometra sot na ndajnë,
mos më thuaj, humbi dashuria,
më të madhe e bën largësia.
Eja, zemër, netët t'i përcjellim si dikur.

Dashuria nis me ty, mee ty mbaron.
Je kuptimi që merr dita sa fillon.
Puthjet ende janë të nxehta,
s'na i ftoh dot largësia.
Eja, mos u fshih vetëm në ëndrra!

[vagabondo_nyc]

Zyrtare, sopranoja Inva Mula kërkon divorcin me Pirro Çakon

(Dërguar më: 02/04/09)

TIRANE - Inva Mula, sopranoja shqiptare me famë botërore kërkon zyrtarisht divorcin me bashkëshortin e saj, kantautorin Pirro Çako. Lajmi konfirmohet per Gazeta Shqiptare nga burime pranë Gjykatës së Faktit të Tiranës. Sipas këtyre burimeve, të shtunën është hedhur shorti për gjykimin e kërkesës për divorc, e cila i ka "qëlluar" gjyqtares Elona Gjoka. Javën që vjen pritet të caktohet edhe seanca e parë e parë e divorcit. Burimet nuk kanë sqaruar rreth motivit të këtij divorci apo detaje të tjera nga kërkesa e kryer nga Inva Mula. Kërkesë-padia për divorc duket se i jep fund thashethemeve të shumta në lidhje me martesën mes këngëtarit Pirro Çako, djali i të mirënjohurit, Gaqo Çako dhe sopranos me famë botërore, Inva Mula, vajza e këngëtarit lirik Avni Mula. Në fakt, çifti nuk jeton prej vitesh bashkë. 'Bluetooth' publikoi pak kohë më parë rreth ftohjes së marrëdhënieve në çift mes Inva Mulës dhe Pirro Çakos. Madje, edhe kur kthehej nga aktivitetet jashtë vendit, Inva kishte kohë që nuk shkonte në shtëpinë e tyre, në pallatet 6-katëshe pranë sheshit "Avni Rustemi", por qëndronte te prindërit e saj. Po kështu, edhe Pirro qëndron në shtëpinë e tij në afërsi të Liqenit Artificial.

(d.b/BalkanWeb)

[[Perla]]

Kjo eshte nje nga duetet e albumit te Piro Cakos dhe Inva Mules. Cili eshte mendimi juaj per kenget e Piro Cakos?

YLLI IM

Koha iken shpejt, sa shpejt,
E s’kthehet me
Endrrat tona mbeten pas,
Pergjithmone
Te nje yll lart ne qiell,
Une ty te pres
Kur nata gjithesine mbulon
Si nje enderr e pafund eshte dashuria
Ne erresiren pa mbarim,
Ku dal te gjej o ylli im
Pertej kufijsh ne largesi,
Kur syri s’mbrin
Syri s’mbrin
Sa here u ngrita une ne re
Kerkoj ne terr, por dot s’te gjej
Ne mos me shume
Nje rreze con
O ylli im, ylli im

Qielli erret krejt nga rete,
Kur ty s’te shoh
Ankthi me pushton ne shpirt,
Me mundon
Une jam yll qe ndricoj vetem per ty
Kur nata gjithesine mbulon
Si nje enderr e pafund eshte dashuria
Pertej kesaj jete do te mbrrij
Ky malli im, kjo nostalgji
Me vite drit, le pas nje yll
Dhe po u fik
Po u fik
Se koha vitet qe jetojme
Jane vec nje cast ne dashuri
Ne mos me shume
Nje rreze con
O ylli im, ylli im

Mund ta degjoni duke klikuar ketu

Magjike! Me vjen keq qe nuk e kam degjuar me pare

[shigjeta]

Magjike! Me vjen keq qe nuk e kam degjuar me pare

Pirro ka disa duete te bukura. Nje tjeter qe me pelqen eshte edhe me Elsa Lilen.

Diferenca je ti

Ajri ka filluar prape
te mungoje ne dhomen time
nje miqesi e re shtrengon, ne kraheror
Por une s'kam ndermend te vuaj
te premtoj e shtrenjta ime
dhe pse e pranoj, cdo dite per ty mendoj

Si guxove pa me njojtur
te me puthje ate nate
une kam patur frike gjithmon'
dhe nga shakate
Ky veprim aq diabolik
si sheqer u fut ne gjak
dhe qelizat m'i helmoi, pak nga pak

Ref
Dashurite e medha duke qeshur fillojne
si edhe vet komedite
pastaj qajne pa pushim der' sa vdesin në fund
si te gjithë tragjedite
A do mundem te dal, te shpetoj unë i gjalle
nga kjo dreq histori
kur e di fare mire, ti je vjeshta e arte
kur e di fare mire, ti je dimri me shi
kur e di diferenca për mua
Je ti...

Une per ty jam thjesht momenti
nuk jam zoti, jam njeri
perjetesine nuk e pranoj dot pa kufi
Por nuk vuaj nga manite
me mjafton nje buzeqeshje
dhe sepse te pergjoj çdo dite
çdo nate ne heshtje

Nuk me vjen asnje mesazh
kam filluar te verbohem
qe kur s'ta degjoj me zerin
po trishtohem
Nuk te lut askush te rrish
nuk te ngut njeri të shkosh
veç jepi vetes me shumë kohe
te me kuptosh

Ref
Dashurite e medha duke qeshur fillojne
si edhe vet komedite
pastaj qajne pa pushim deri sa vdesin ne fund
si te gjithe tragjedite
A do mundem te dal, te shpetoj unë i gjalle
nga kjo dreq histori
kur e di fare mire, ti je vjeshta e arte
kur e di fare mire, ti je dimri me shi
kur e di diferenca per mua
Je ti...


Dashurite pak a shume jane te gjitha njesoj
diferenca je ti

Parandjenja me thote mos te pres sa te vdes
ta provoj k'te ndjesi

Vetem se kam shume frike
te shpetoj une i gjalle nga kjo dreq histori
kur e di, ti je gjaku qe rrjedh brenda ne trupin tim.

Ref....

Kur e di fare mire, diferenca je ti
je vetem ti
je vetem ti

[Brari]

nuk e di a ben te postoj kte interviste.. a jo..

..
po meqe ketu eshte pirrua..le te jete dhe inva..

--

Rrefehet INva Mula: Ju luta Pirros që të mos ndaheshim
» Dërguar më: 12/04/2009 - 15:45



Eni Vasili

Thashetheme të shumta kanë shoqëruar gjithë këto vite martesën dhe prishjen e saj, të dy artistëve, Inva Mula dhe Pirro Çako. Por, tashmë që kërkesa për divorc është bërë fakt i kryer, Inva ka vendosur të flasë. Ka treguar historinë e saj për herë të parë. Ka treguar për lutjet që i ka bërë Pirros për të mos u ndarë. Largimin e tij përfundimtar në 27 dhjetor të vitit 2007... Dhe... Madje, ka folur edhe për marrëdhëniet me biznesmenin Ethem Ramadanin. Në një intervistë për televizionin ‘Alsat’, Inva rrëfen se...
Ju deri sot keni heshtur sa i takon jetës suaj private, ndonëse shtypi shqiptar ka përfolur shumë një ndarje të mundshme tuajën me Pirro Çakon. Së pari do të doja të dija pse kjo heshtje e gjatë dhe së dyti, nëse është e vërtetë kjo, a do të pranonit ta thyeni heshtjen sot me mua?
Sigurisht që kam heshtur për jetën private, se ka qenë private, dhe nuk kam dashur kurrë që ajo të bëhet publike. Sot do ta thyej heshtjen, dhe jam shume e lumtur që jemi përballë për të folur diçka të sinqertë dhe për mos të lënë që jetën time private ta tregojnë të tjerët me imagjinatën e tyre, me thashethemet e tyre dhe me gjëra që nuk janë fare të vërteta. Për mua është shumë e vështirë që ta thyej këtë heshtje, për arsye se nuk kisha marrë kurrë një vendim për të bërë publike jetën time private për artdashësit, por ndoshta kam edhe ndonjë detyrim ndaj tyre. Publiku më shikon gjithmonë në skenë, ku artisti duhet të tregojë një forcë shumë të madhe për të mposhtur paragjykimet dhe emocionet dhe të dalë fitimtare çdo natë në skenë. Duke më parë në këtë prizëm, ndoshta shikojnë në personazhin tim një femër shumë të fortë, e cila nuk ka frikë nga asgjë. Prapa Invës artiste që ju shikoni, fshihet një femër e brishtë, e cila ka momente shumë të vështira personale, të cilat janë momente që kanë filluar prej kohësh në jetën time. Jam munduar t’i riparoj, nuk e di, nuk ia kam arritur qëllimit, dhe jam munduar gjithashtu t’i fsheh dhe t’i mbaj përbrenda. Ju mund të më pyesni dhe unë do vendos pikat mbi gjërat që unë kam nevojë t’i bëjë publike.
Flitet se keni bërë një kërkesë për divorc nga bashkëshorti juaj. Është e vërtetë kjo dhe nëse po, cilat janë arsyet që ju çuan deri këtu?
Po, është e vërtetë. Kam bërë një kërkesë për divorc, dhe ka qenë ky një vendim i marrë me shumë vështirësi. Unë kam vite që kam një raport shumë të vështirë me Pirron, një raport i cili në një moment të caktuar të jetëve tona ndryshoi, dhe mori një formë për të cilën duhet të jepja një zgjidhje të tillë. Por për të arritur deri në këtë zgjidhje, kanë qenë shumë etapa të jetës sime dhe ka qenë shumë e vështirë, kam qenë e konsultuar, e rrethuar nga miqtë. Kam menduar shumë, shumë, shumë dhe sot nëse kjo gjë bëhet e ditur për publikun, pra që kam kërkuar divorcin, duhet të mendojnë të gjithë se përse e kam bërë, ç’më ka shtyrë dhe sa kohë kam që kam reflektuar për një vendim të tillë.
Na i tregoni të gjithë këto.
Unë kam pasur një jetë të shkëlqyer, një dashuri të jashtëzakonshme, tepër romantike. Ka qenë një nga dashuritë që edhe për publikun ka qenë një nga dashuritë, nga ato të parat që nuk harrohen, në bankat e shkollës dhe mendoja, ëndërroja dhe isha e sigurt që kjo gjë do të vazhdonte gjithnjë. Mirëpo, jeta tregoi se njerëzit zhvillohen në kahe të ndryshme gjatë jetës, ka momente të vështira, mundohemi të rregullojmë gabimet, mundohemi t’i përshtatemi njëri-tjetrit deri në një pikë ku nuk mban më dhe shikon që rrugët janë hapur shumë dhe janë devijuar nga njëri-tjetri. Historia ime me Pirron ka qenë një nga më të bukurat, deri në 2005 kur Pirro vendosi që të frekuentonte Shqipërinë dhe aty të mundohej të zhvillohej nga ana profesionale. Ky ka qenë një vendim që ne e morëm së bashku dhe isha absolutisht dakord për një gjë të tillë, për arsye se Pirro është një djalë shumë i talentuar, i cili ka ëndrra të jashtëzakonshme për të arritur në fushën e muzikës dhe ka talentin e duhur për ta bërë një gjë të tillë, ndaj ka qenë një vendim i dyfishtë. Unë isha shumë e lumtur që Pirro ndante jetën e tij ndërmjet Tiranës, që e do aq shumë, dhe Parisit. Deri në momentin kur këto ndarje u bënë shumë të gjata, për arsye se edhe unë profesionalisht duhet të udhëtoja. Frekuentimi që Pirro bënte në Tiranë nuk ishte më si më përpara, por zgjaste jashtëzakonisht shumë. Atëherë filluan edhe çarjet e para të familjes sonë. Jam munduar dhe jemi munduar t’i riparojmë, ju mund të imagjinoni që këto ndarjet e gjata sjellin edhe pasojat e tyre. Disa herë jemi munduar t’i riparojmë duke filluar nga e para, kemi thënë për arsye se na dukej e çuditshme që ne, që ndanim gjithçka bashkë dhe ishim shumë të lumtur, nuk arrinim më të gjenim gjuhën e përbashkët. Kanë qenë nga të dy palët shumë përpjekje për ta rifilluar nga e para, deri në momentin kur në dhjetor të 2007, Pirro me vullnetin e tij vendosi të ikë për herë të parë dhe të fundit përfundimisht nga shtëpia, nga familja, kur them shtëpia, nga Parisi. Ishte vullneti i tij, ishin lutjet e mia për mos ta bërë një gjë të tillë, por e pashë që ai vendim ishte pjekur në kokën e Pirros dhe ai duhet ta realizonte. Që nga ky moment, pra, 27 dhjetori 2007, unë Pirron nuk e kam parë më, nuk kam folur kurrë me të dhe nuk jemi takuar asnjëherë.
Keni tentuar ta bëni?
Kemi tentuar në mes miqve të përbashkët të mundohemi edhe njëherë ta riparojmë një gjë të tillë, por me sa duket kishte ardhur një moment ku ishte e vështirë të riparoje, pasi vendimi i Pirros për të ikur përfundimisht ishte vërtet shumë i pjekur dhe unë nuk kisha asnjë rrugëdalje tjetër veçse ta pranoja një gjë të tillë. Ndaj, dhe sot është e hera e parë që po ju them që nuk kam dashur kurrë që familja ime të prekej dhe të prishej. Isha gati të bëja çdo lloj sakrifice, për arsye se familja është për mua gjëja më e shtrenjtë dhe ka qenë burimi i qetësisë sime shpirtërore, ka qenë burimi i frymëzimit që unë kisha. Shkoja dy ditë në shtëpi, ndoshta vetëm 24 orë, merrja atë ngrohtësi që më jepte Pirro dhe djali dhe shkoja e lumtur në produksionet e mia. Ishte shumë e vështirë për mua dhe ka qenë një moment tepër, tepër i vështirë që të pranoja që kjo familje nuk ekzistonte më. Kanë qenë momente të vështira. Ku unë humba zërin dhe kam anuluar shumë kontrata, të cilat ndoshta i keni ndjekur edhe në shtyp. Asnjëherë nuk kam thënë të vërtetën, kam thënë e jam e sëmurë, me grip, nuk kam thënë arsyen e vërtetë, për shkak se ajo ishte jeta ime private dhe askush nuk duhej te prekte këtë jetë private. U mbylla në vetvete nuk e tregova kurrë as në shtypin shqiptar. E mbajta në heshtjen, në dhimbjen time për familjen tonë, për dashurinë tonë dhe për djalin tonë.
Meqë jemi në komentet e shtypit, flitet prej kohësh që Pirro ka një lidhje tjetër dashurie me një vajzë të cilës i ka kushtuar një këngë që u bë hit verën e kaluar. Gjithë këto gjëra thuhen në shtyp, dhe tani që flasim thuhet se është në një udhëtim SHBA me vajzën në fjalë? A keni komente për këtë?
Nuk kam komente, pasi nuk më takon të komentoj për jetën private të Pirros, këto gjëra i kam dëgjuar, gjithnjë në kuadrin e thashethemeve, në kuadrin e gazetave. Unë asgjë nuk di dhe nuk duhet më ta di një gjë të tillë. E vetmja gjë uroj që Pirro të jetë i lumtur, që Pirro të gjeje paqe, të gjeje ekuilibër në jetën e tij dhe të jetë i dashuruar.
Në shtypin shqiptar është komentuar se keni qenë ju arsyeja dhe shkaktarja kryesore e prishjes së martesës suaj.
Kam bërë përpjekje që kjo kërkesë për divorc të ishte nga të dy palët. Por, me sa duket nuk u pranua nga pala tjetër. Është një vendim i menduar, i reflektuar, i konsultuar me miq, me specialistë dhe në radhë të parë me zemrën time. Kam tentuar që kjo kërkesë të ishte nga të dy palët, për arsye se mendoja që edhe Pirro kishte këtë dëshirë që ne të shkëputeshim edhe ligjërisht, pasi ajo ishte bërë de facto dhe ne tani vetëm duhet të ligjërojmë shkëputjen tonë. E pashë që nuk kishte më vend për përpjekje, gota ishte thyer dhe gjithë kohës ishim munduar t’i ngjisnim copëzat, por tani nuk i gjenim më. Në qoftë se doni të dini formulimin që unë i kam bërë padisë është: “Për shkak se ne nuk jetojmë më së bashku, martesa e ka humbur kuptimin”. Është kërkesa më paqësore që mund të ekzistojë për të ligjëruar atë që ka ndodhur.
Në shtypin shqiptar lakoheni ju si shkaktare e prishjes së martesës për shkak të një marrëdhënie tjetër që keni. Sa e vërtetë është kjo?
Është një mashtrim, një deformim i të vërtetës. Dhe, unë sot përpara jush, dua vërtet të vendosen gjërat në vend. Nuk mund të abuzohet me një tregim të tillë për shkak se nuk qëndron aspak. Ndoshta u ashpërsova për të treguar pikërisht se sa më ka prekur ky informacion, i cili ka qenë edhe lajtmotivi i të gjitha shkrimeve në gazetat shqiptare. Për asnjë gjë në botë, për asnjë njeri në botë nuk do kisha prishur familjen time, nuk do ta kisha prishur as 20 vjeçe, në atë moment kur nuk mendojmë shumë, dhe jo sot që për mua ka qenë burimi i frymëzimit tim dhe burimi i gjithçkaje të bukur që unë kisha, qoftë në jetën time private, qoftë në profesionin tim. Dhe, unë kurrë nuk kam vënë profesionin mbi familjen, dhe të dyja jam munduar t’i ekuilibroj dhe t’i menaxhoj të dyja që ato të rrinin dhe të frymëzonin njëra-tjetrën. Kjo është një gjë që nuk mund ta mbaj mbi supe, është një gjë e padrejtë. Në këto momente kam vetëm gati një urrejtje për ata njerëz që nuk dinë të respektojnë punën dhe jetën e një njeriu që mundohet të bëjë mirë në jetë, që mundohet të punojë me ndershmërinë më të madhe, me sakrificat më të mëdha dhe më në fund të ketë dhe të mbaj mbi supe një thashetheme, i cili është krejtësisht i gënjeshtërt.
Kush është zoti Ethem Ramadani për ju, ku dhe si e keni njohur?
Zoti Ramadani është lakuar gjithë këtë periudhe në gazetat shqiptare. Në radhë të parë, më ka ardhur keq mënyra se si është komentuar ky personazh. Në muajin mars, kur ndodhi historia e Gërdecit dhe më pas kam lexuar për herë të parë si zoti Ramadani erdhi me dëshirën e tij në Shqipëri për të kontribuar në atë katastrofë dhe për të ndihmuar sadopak ato familje të varfra që kishin humbur gjithçka. Ka bërë përpjekje të jashtëzakonshme humanitare në Shqipëri, në Kosovë për gjithë shqiptarët kudo që janë. Kanë qenë gjithmonë anonime përpjekjet e tij personale, të pakomentuara nga shtypi dhe do të thosha që zoti Ramadani është një nga filantropët më të vullnetshëm shqiptarë, gjëra që nuk i kemi parë diku. Më pas ai bëri një gjest të jashtëzakonshëm, duke dhënë disa çmime për 15 artistë shqiptarë. Ishte një gjest që nuk kishte precedencë, ishte një gjest nga më të bukurat që mund t’i bëhet një artisti, i cili ka bërë një karrierë dhe është paguar shumë pak për atë që ka bërë. Sot është pensionist, bëhet një njeri i zakonshëm, një njeri që ndoshta duhet të numëroj dhe paratë në fund të muajit, dhe papritmas një njeri humanitar kërkon që këtyre njerëzve t’u jap një shpërblim modest, duke qenë se këta njerëz kishin ndërtuar në vite një konto emocionale në këtë njeri. Pra, ishte një gjest i jashtëzakonshëm që nuk e kishim parë më parë. Nuk e kam njohur zotin Ramadani absolutisht në këtë periudhë, vetëm kam dëgjuar dhe njohja me të ka qenë rastësisht në fund të muajit shtator të vitit 2008, në një festë familjare, dhe më pas jemi takuar në muajin tetor, pikërisht për të marrë një vendim të përbashkët në krijimin e një fondacioni shqiptar, i cili do ndihmonte më në fund talentet e reja. Një fondacion që filloi të lëshonte bulëzat e para të këtyre iniciativave që gjithmonë i kisha ëndërruar dhe nuk i realizoja dot, dhe në këtë rast ishte një takim shumë i rëndësishëm, i cili është bërë me 5 tetor 2008 këtu në Paris dhe është një nga takimet më të bukura, në kuptimin si mund të bëhet arti pjesë e biznesit dhe e kundërta, biznesi të ndihmojë artin. Ka qenë një nga ëndrrat e mia për të realizuar disa projekte duke qenë se gjithnjë më është varur mbi supe slogani i misionares së artit shqiptar kudo në botë dhe gjithnjë ndjehesha në pamundësi për të realizuar projekte, të cilat në Shqipëri ndoshta kushtojnë shumë dhe sot për sot shteti shqiptar nuk është në gjendje që t’i realizojë. Duke parë ndjenjën e filantropizmit tek zoti Ramadani, i kërkova të kontribuonte. Personaliteti im, dëshirat e mia dhe ajo iniciativë që kishte filluar prej kohësh të flinte në mendjen time, pashë që mund të realizohej nëpërmjet këtij bashkëpunimi, dhe filluan bulëzat e para të këtij fondacioni. Sot për sot është një fondacion që ende nuk e kemi shpallur në shtyp, për arsye se shtypi nuk na la kohë që ta bënim këtë pasi na vuri epitete të tjera të cilat duhet t’i sqarojmë përpara një kauze kaq të rëndësishme siç është kjo e fondacionit. Në këtë rast kemi ndërtuar bordin, ku bëjnë pjesë intelektualët më të shquar shqiptarë, jo vetëm në Shqipëri, por kudo ku flitet shqip. Duke qenë se është një kombinim i shkëlqyer mes artit dhe biznesit, nuk ngelet vetëm në kuadrin e biznesmenit Ramadani, por është një iniciativë që po shtrihet edhe në biznese të tjera, pra, do të jetë një fondacion i shkëlqyer për artin shqiptar dhe për të ndihmuar iniciativat private, gjëra që janë shumë të vështira për t’u realizuar në Shqipëri. Ideja ime ka qenë kjo, kur kam ardhur në Francë për herë të parë, kam ardhur me 50 dollarë dhe nuk kisha ku të mbështetesha për të realizuar ëndrrën time, për të ardhur sot dhe për të kënduar në operën e Parisit, dhe unë e di sa talente ka Shqipëria, unë e di sa mundësi janë në këtë popull kaq të talentuar për të bërë diçka, por gjithmonë mungon mbështetja. Dhe, këtë mbështetje unë kam dashur gjithmonë ta kem, por financiarisht nuk ia kam arritur qëllimit dhe ky ishte kombinimi, ishte takimi me 5 tetor 2008, mes meje dhe zotit Ramadani. Pra, ne sot flasim për një fondacion shumë të rëndësishëm dhe nëse shtypi shqiptar, dhe nëse thashethemet duan ta kombinojnë dhe duan të flasin që prishja e familjes sime ka ardhur nga mua dhe pikërisht nga kjo lidhje, është komplet e gënjeshtërt.
Meqë kemi ardhur në fund të këtij rrëfimi, për çfarë ju vjen më tepër keq në gjithë këtë histori?
Sigurisht që më vjen keq në radhë të parë për thyerjen e ëndrrës që një dashuri duhet të jetojë përgjithnjë, gjë që unë mendoja që e kisha, por ja që çdo gjë paska limitin e vet dhe gjërat ndryshojnë në jetë. Kjo është gjëja që më vret më shumë, dhe kjo është dhimbja që unë kam.
Inva, si e shikoni të ardhmen tuaj tani dhe çfarë kërkoni më tepër nga jeta?
Në gjithë këtë histori, personi i cili është lënduar dhe po lëndohet nga kjo ndarje është djali, është Antoni, dhe ka qenë një moment shumë i vështirë për mua, pse ndodhi në familjen tonë të mrekullueshme. Mund të kishte edhe një ndarje e cila për atë erdhi në mënyrë të papritur, pasi djali nuk i dinte gjithë këto konflikte që unë kisha me Pirron. Detyra ime kryesore është që të mbroj në shpirtin e tij atë ndjenjë të bukur, e cila është thyer për t’i parë të dy prindërit së bashku. Gjëja që unë sot uroj është që djali të rritet përkrah babait të tij dhe do bëj gjithçka për këtë, të rritet përkrah babait të tij për t’u bërë burrë, dhe përkrah nënës së tij për t’i dhënë zemër.
(marrë nga Al sat)

[resina]

Vertet me vjen keq per ndarjen e tyre,por ky eshte vendimi qe kane marre te dy dhe jeta private e tyre,qe nuk na takon ,ne ,ti gjykojme.
Ju uroj shume suksese ne jeten e tyre artistike.

[saura]

Dashurit dhe zbehen ,nuk kemi pse ti paragjykojme ,po Ivna shume e ka dash Pirron ,jane rrite bashke .
Pirro ka qene me i bukur se Ivna ,por nuk kishin te krahasuar nga talenti .
Tani me thene te drejten ,ju e dini qe une i them gjerat siç jane familjet nuk kane te krahasuar bashke .
Ajo e Inves, jane njerez zotni ne plot kuptimin e fjales kurse mamaja e Pirros zihej rrugeve me dashnoren e burrit me çader hahaha dhe e mbajti ,keto pune jane dhe nje çike genetike .
Siç trashegon nga pasardhesit e tu zerin ,syte ,lekuren etj ,trashegon dhe hormonet dhe zotnillikun ,kaq kisha .
Jepeni çesarit ate qe eshte e çesarit.

[Brari]

akoma nuk e kam lexuar intervisten megjithse vet e postova..
cka eshte me rendesi ne kto raste..
qe te dy palet te cfaqin qytetarine..
c'eshte qytetaria...
eshte njerzillek..e asgje tjater..

ku duket njerzilleku..ne kto raste..
qe asnjera pale te mos rendoje njera tjetren..
ku eshte pika qe rendon me shume ne ksi ngjarjesh..
eshte femija..
pra ne se kan femije ky cift..do duhet ti japin mundesi te dy familjeve.. krushke te mos perjetojne ndarjen me niperit e femijet..
pra si avniu e nina.. si gaqo e papaluiza.. .. te kene mundesi pa kufizime te shikojne takojne e shijojne femijet e pirros e inves..
besoj se duke qene te dy..si inva e si pirro njerez.. te qyteteruar nuk do kene te tilla probleme..


pastaj ato problemosat e tjera jo kujt i takon minderi jo kujt frigoriferi.. kalohen lehte..lol..

[veletini]

Piro Çako,Inva Mula,fëmija-djali i tyre...
Divorc...
Keq.

[[Perla]]

http://www.youtube.com/watch?v=jj2VDlOlbo0

E humba une durimin se qeni nje udhetar
ne stacionet e largeta te autobuseve inter-urbane
nga biletat e lemuara te avioneve te hirte
e te pa shpirt

Te gjitha do ti nderroja per te pire me ty nje kafe
ne kafenete plot zhurme, te nje mbremjeje tiranase,
te gjitha do ti lija, per nje capitje ne shetitore,
me ty per dore

Kudo vec emisione lajmesh genjeshtare
reklama llotarish e ulje cmimesh ne dyqane,
ndersa une vetem enderroja
ne rrugicat e perbaltura, ty te takoja
dhe emrin tend ne xhamat e mjegulluara te vizitoja

Kunda dhimbjes radiot flisnin per mjeke popullore,
por mua sme beri derman asnje ilac, as nje doktor
sherimin e mendoja ne nje stol te kalbur buze liqenit
te tperqafoja

Kudo vec emisione lajmesh genjeshtare
politika kishte helmuar pellgjet
dhe cdo gote neper lokale
ndersa une do ti flakja tej te gjitha
per mundesine qe ne te rrinim prane e prane
ne nje autobus qe gulcon rrugeve ne Tirane
kudo lajme genjeshtare, reklama llotarish
e ulje cmimesh ne dyqane,
ndersa une vetem enderroja
ne rrugacat e perbaltura, ty te takoja,
dhe emrin tend
ne xhamat e mjegulluara te vizatoja, te vizatoja

E humba durimin se qeni nje udhetar
ne stacionet e largeta te autobuseve inter-urbane
te gjitha do ti nderroja,
qe dhe njehere te rrinim prane e prane,
ne nje autobus te vjeter, rrugeve ne Tirane

[[Perla]]

Nen nje hene amerikane,
befas ti se mu ringjalle,
ironike, delikate,
sy dremitur, si nje mace

Qetesisht e pyeta veten,
pse vazhdon ta dashurosh
qe te shtosh vetmine, braktisjen?!
Ti ne djall te shkosh!

Mua sme dehu dashuria,
por me dehu nje kokteil qe piva kot,
brenda gotes mbyt vetmia,
dhe une goten smund qe ta thyej dot

Me vonese aty kuptova,
se ne djall ti skishe shkuar,
ishe ulur me cigare
zemres sime hidhje valle

Ndaj nga kontinenti tjeter,
ne mesnate me dhimbje shkrova,
kater vargje poezie
mbi kete leter

Mua sme dehu dashuria,
por me dehu nje kokteil qe piva kot,
brenda gotes mbyt vetmia,
dhe une goten smund qe ta thyej dot

Per here te pare e pashe se dashuria,
kjo fatkeqesi mbreterore nuk vjen vetem,
ndaj te lutem: Kthema zemren!
por, asnjehere keto vardhe sti dergova,
nje tjeter shans te fundit te afrova,
une te dya, ty te shkrova

Mua sme dehu dashuria,
por me dehu nje kokteil qe piva kot

(2x)
Mua sme dehu dashuria,
por me dehu nje kokteil qe piva kot,
brenda gotes mbyt vetmia,
dhe une goten smund qe ta thyej dot

[[Perla]]

Ne Jemi Si Dy Brigje - Pirro Cako



Ne jemi si dy brigje, dy brigje te nje lumi
ne endrra qajme e qeshim te dy bashke
te flas pa fund gjithe diten,
por ti nuk me pergjigjesh
i rende na paska qene per ne ky fat

Nje ure dua te ngre te lidhen brigjet tona
me zemer dhe me endrra do ta mbaj
te vij, te mbeshtes koken, mbi supin tend te fle
pastaj te hesht, te qesh, te qaj

(refreni)
Ne jemi si dy brigje te nje lumi
perjete perballe, perjete te ndare
ndertojme ne endrra naten ne nje ure,
ndersa diten mbetemi te huaj si me pare

Nje dite po nuk me pe ne vendim tim ngujuar
nje nate pa hene po sme dallove dot
mos u beso shume fjaleve qe thone te kam harruar
beso te une, me shume sesa ne zot

(refreni)(2x)
Ne jemi si dy brigje te nje lumi
perjete perballe, perjete te ndare
ndertojme ne endrra naten ne nje ure,
ndersa diten mbetemi te huaj si me pare

Nje dite po nuk me pe ne vendim tim ngujuar
nje nate pa hene po sme dallove dot
mos u beso shume fjaleve qe thone te kam harruar
beso te une, me shume sesa ne zot

Ne jemi si dy brigje te nje lumi
perjete perballe, perjete te ndare
ndertojme ne endrra naten ne nje ure,
ndersa diten mbetemi te huaj si me pare

Ps. Nqs dikush e ka si mp3 (as ne youtube nuk ishte) , ju lutem me beni te ditur

[PINK]

Xhulit
Teodor Keko - P. Çako

Nga dashuria që kam per ty,
mund të të shquaj edhe në mjegull.
Nga dashuria u ktheva sy,
xhind, bohem, djalosh i rregullt.

Ref.
Nga dashuria në qiell u shtriva,
me kokë në diell unë fjeta gjatë.
Dhe s’u pendova që aq të desha,
ndërmend e kam të të dua prapë.

Nga dashuria ditët e gjata,
në bukë i ktheva dhe gurë tespihe.
Me to të gjallë e mbajta ndjenjën,
me to sfidova ankthin në pritje.

Ref.
Nga dashuria në qiell u shtriva,
me kokë në diell une fjeta gjatë.
Dhe s’u pendova që aq të desha,
ndërmend e kam të të dua prapë

[Agim Doçi]

Te nderuar bashkeforumas.

Kjo teme per diken asht vetem shuarje kurioziteti. INVA dhe PIRRO jane bijt e 4 artisteve te medhenj.
konkretisht:
INVA -
bija e Artistit te Popullit dhe NDERIT TE KOMBIT - AVNI MULA
bija e Artistes se Merituar - NINA MULA

PIRRO -
biri i GAQO ÇAKOS - Artist i Popullit
biri LUIZA PAPA (VRETO) - Artiste e Merituar.

KJO NDARJE APO PRISHJE E FAMILJES - asht rezultat i mosfunksionimit te lidhjes bashkeshortore.
KUR NUK PERPUTHEN KARAKTERET - keshtu asht shkruar ne Kodin e Procedures Civile, Ligja qe pranon DIVORCIN, mendoj qe asht GABIM!!!
Ndarja ka ardhun si rezultat i PERPUTHJES SE KARAKTEREVE.
KJO DO TE THOTE QE:
1. INVA - PERSONALITET
2. PIRRO PERSONALITET

3. INVA - ARTISTE DHE INTERPRWETUESE E MADHE
4. PIRRO - KOMPOZITOR E KRIJUES I I MADH

5. INVA - NDERI I KOMBIT
6. PIRRO - NDERI I FAMILJES (!)

7. INVA - DESHIRON ME I RESPEKTU PRINDERIT E VET DUKE MOS NENVLEFTESUAR PRINDERIT E PIRROS
8. PIRRO - RESPEKTON PRINDERIT E VET, POR PAK OSE ASPAK RESPEKTON PRINDERIT E INVES

(Mos harroni qe talentin Pirro e ka dhunti, por ndihmesa e Avni Mules ka qene 100 here ma e madhe sesa ndihmesa e Gaqo Çakos!)

9. INVA - KA AKTIVITET NDERKOMBETAR
10. PIRRO - RRALL HERE KA AKTIVITET VETEM KOMBETAR....

MENDIMI IM:
te dy jane dashuruar tejet te rinj, pa e njohur mire njeri tjetrin! Te dy harram e paçin qe trondisin prinderit dhe familjet e tyre, opinionin shqipytar, QE I DON DHE I RESPEKTON KETA DY ARTISTA TE MREKULLUESHEM.
KONKLUZION: MEQE JANE NDARE TE GJITHA FORCAT POLITIKE NE 2 APO 3 PARTIÇKA TE TJERA, MOS U SHQETSONI SHUME QE DHE INVA ME PIRRON P[O NDAHEN NE DYSH.

[noel*]

10. PIRRO - RRALL HERE KA AKTIVITET VETEM KOMBETAR....

Edhe ai aktivitet kombetar qe ka, limitohet pothuajse vetem ne ekranin e "BBF"-s...

Megjithate nuk duhet gjykuar shume edhe ai, se per te mbijetuar e ben...

[Brari]

Pirro Cako: Merr 3 shtëpi nga Inva për divorcin, por nuk mjaftonet

21/03/2010 - 09:02






Divorci i dy personazheve VIP, Iva Mula dhe Pirro Çako prej më se një viti është bërë pjesë e kronikave rozë. Dhe padyshim, me arsye. Ajo është sopranoja që ka korrur sukses mbarëkombëtar dhe që nderon emrin Shqipëri, dhe ai një nga kantautorët e njohur shqiptarë. Të dy fëmijë të dy familjeve me emër në vend në fushën e muzikës. Një arsye që do të bënte bujë që prej dekadash kur çifti u dashura, fejua, martua dhe u largua nga Shqipëria. Gjithë këta faktorë justifikojnë zhurmën që bëri divorci i tyre. prej më se një viti, në Gjykatën e Tiranës ka nisur procesi i divorcit mes çiftit. Prej mbi një viti Inva Mula është dashuruar dhe gati të martohet me supermiliarderin kosovar, Et’hem Ramadani. Prej mbi dy vjetësh Pirro Çako ra në dashuri me vajzën Anja, së cilës i kushtoi edhe këngën “Anjushka”. Por çfarë ka ndodhur tashmë me divorcin e tyre? Përse ai është tejzgjatur kaq shumë, në një kohë që të dy personazhet jetojnë jetët përkatëse larg njëri-tjetrit?
Divorci
Para se divorci të mediatizohej, çifti Inva Mula dhe Pirro Çako kishin rënë dakord për ndarjen. Prej mbi katër vjetësh Pirro Çako u kthye në Shqipëri për të vazhduar jetën e vet, ashtu sikurse edhe Inva të sajën, mes suksesit dhe fitimeve marramendëse. Pirro nisi kështu t’u kthehej si dikur këngëve, kompozimeve, dashurive pse jo, si një djalosh beqar. Pakti ishte bërë; ndarje pa bujë. Më pas Inva do të binte në dashuri me një miliarder, që ia vlente pse jo edhe të martohej. Lidhja u publikua shpejt dhe kjo duket se e irritoi këngëtarin Çako. Nuk kaloi shumë dhe Inva mendoi ta konkretizonte marrëdhënien e saj në martesë me Et’hemin. Por për këtë, më parë i duhej të divorcohej nga Pirro. Kështu në fund të marsit të vitit që shkoi (Dt. e regjistrimit: 31.03.2009), Inva Mula dorëzoi në Gjykatën e Tiranës kërkesën për divorc nga bashkëshorti dhe në datë 22 prill 2009 u zhvillua seanca e parë gjyqësore. Aktualisht janë zhvilluar rreth 14 seanca mes dy palëve. Ende nuk është arritur divorci. Seancën e të mërkurës avokatët e Çakos kërkuan që të vijë djali Anthony që të zgjedhë se me cilin nga prindërit do të jetojë, për shkak se ai është në shkollë. Aktualisht është vendosur që ai të vijë në seancën e radhës në 15 maj.
Arsyet e vonesës
Por, cilat janë arsyet e tejzgjatjes së këtij divorci të shumëpërfolur dhe të kërkuar me insistim të mbyllej sa më shpejt. “Bluetooth” ka investiguar së fundmi dhe ka zbuluar se gjithë vonesat vijnë nga kantautori Pirro Çako. Pak para se të niste divorci, Inva kishte rënë dakord me Pirron për t’u ndarë pa zhurmë. Ishte bërë edhe një marrëveshje mes të dyve, e cila zbulohet sot për herë të parë në faqet e suplementit tonë. Dihet që Inva ka të ardhura të majme nga puna e saj. Përveç pasurisë së saj, vetëm në Shqipëri numërohen tri vendbanime të sopranos; një vilë në fshatin turistik pranë Golemit, një apartament në zonën e Golemit dhe një shtëpi shumë e madhe pranë liqenit në Tiranë. Akordi mes çiftit ishte, që Pirro të mbante dy shtëpitë; apartamentin në Golem, (ku kalojnë pushimet çdo vit prindërit e Pirros) atë tek zona e liqenit (ku aktualisht jeton Pirro), si edhe një apartament të vogël në Paris, të cilin Inva ia ka falur Pirros. Kjo ishte marrëveshja. Dhuratë tri shtëpi për një firmë divorci. Fillimisht Pirro ishte dakord. Aq më tepër që nuk ishin gjëra të fituara me djersën e tij, por dhurata të mirëfillta nga bashkëshortja, Inva. Por ja që rrugës marrëveshja u thye nga Pirro. Ai nuk u kënaq me kaq. Thuhet se Pirro i kërkon më tepër se kaq Invës. Ai po e stërzgjat divorcin me pretendimin se do të marrë kujdestarinë e të birit, Anthony, në një kohë që prej 4 vjetësh ai shihet shumë rrallë me të birin (hera e fundit, Anthony erdhi të ndiqte të atin në Festivalin në RTSH në fund të dhjetorit), pasi ai jeton në Paris me të ëmën, e cila i ka krijuar të gjitha kushtet për një jetesë më se luksoze. Siç thonë njerëzit, ai vetë dëshiron të jetojë me Invën. Megjithatë, avokatët e Çakos dhe ky vetë, këtë përgjigje e kërkojnë nga vetë Anthony, i cili pritet ta pohojë dëshirën e tij këtë mars.


Inva dhe Et'hemi
Historia e dashurisë, e lindur në dasmën e vajzës së regjisores Vera Grabocka dhe aktorit Timo Flloko në Jerusalem, (vend ku u zhvillua dasma) mes sopranos Inva Mula dhe biznesmenit kosovar Et’hem Ramadani, vazhdon me të njëjtin pasion edhe sot. Ajo që u tha si nisje e një bashkëpunimi në ndihmë të artit mes dy personazheve u kurorëzua në një lidhje, që sot pretendon altarin. Por gjatë kësaj rruge, pengesa e kësaj dëshire mbetet divorci ende i parealizuar mes Invës dhe Pirros. Pas tij ndoshta do të kemi një dasmë vërtet madhështore, siç edhe e kanë pohuar miqtë e përbashkët të çiftit.

blkanwebiu

[Agim Doçi]

Brari miku im!
Divorcit prej vitesh i ka fryre papaluiza!....Inva asht Nderi Kombit. Pirro asht halabak interesaxhi. Vera Grabocka shquhet dhe shqyhet per shtriganira...Mos u merrni me kete teme, se askujt nuk j iep kenaqesi.

[PINK]

Pirro is great, plas ti Agim Doci. LoL

[mia@]

Mund te them se ne nje cift qe ndahen te dy jane ne nje fare menyre fajtore.
Kush jemi ne te gjykojme njehere jeten e te tjereve?!