Versioni shumë pranë finales. Ky është edhe punimi që prezantova sot, dhe për të cilën ideja që shpjegova më sipër u pëlqye shumë nga profesori im :).
Pamje (Elevations), Planimetri, lidhja me Pilivesën, etj:
Versioni shumë pranë finales. Ky është edhe punimi që prezantova sot, dhe për të cilën ideja që shpjegova më sipër u pëlqye shumë nga profesori im :).
Pamje (Elevations), Planimetri, lidhja me Pilivesën, etj:
Gjeometria e përgjithshme. "Krahët" që dalin jashtë prej ndërtesës janë të lidhur proporcionalisht me gjatësinë e Pilivesës dhe me gjatësinë e krahëve të saj kur janë në gjëndje të lëshuar (apo të çplodhur). Për gjatësi kam marrë atë mesataren e të dyve, pilivesave meshkuj dhe femër (ato femra janë edhe më të mëdhaja :)):
Pas kritikave të sotçme ripunova planimetrinë e përgjithshme të ndërtesës, dhe e bëra pak më të thyer, dmth më misterjoz, dmth më interesant :). Është ART, dmth ndërtesa i dedikohet mësimit dhe kryerjes së artit, ndaj klasat dhe dhomat s'duhet të jenë "DREJTKËNDËSHA", por të thyera dhe të hapura hapsirishëm. Mbikalimi sipër TRARËVE është gjithnjë në vij të drejtë, por korridori në kat të parë është i thyer. Në hyrje janë edhe shkallët, gjathashtu në fund të ndërtesës janë edhe shkallët e tjera. Besoj se e keni kuptuar nga ilustrimi i mësipërm sesi është ndarë ndërtesa në katër kategori, dmth ato që propozohen nga skema ime.
Në fasadë do të punoj prap, dhe nesër do të filloj të ndërtoj maketin përfundimtarë që është DUE të premten që vjen. Do jetë me e thjeshtë të vendos për fasadën gjatë ndërtimit të maketit, ndaj do ta bëj nesër :).
Do jetë një prezantim shumë i bujshëm, "The Center for the Arts" i qytetit të Pico Riveras ka bërë dhe do të shpërndaj javën që vjen 1400 ftesa për "ekzibimin" e projekteve të klasës tonë. S'kam bërë ndonjë gjë të tillë më parë, dhe kjo është "ARKITEKTURË E VËRTETË".
Shpresoj çdo gjë të shkoj siç është parashikuar :)
drini.
DRINI NE LA, ME PELQEJNE MENDIMET E TUA RRETH PROJEKTIT TEND, GJITHASHTU DHE MENYRA SE SI MENDON. PAC FAT NE EKZIBIMIN E PROJEKTIT!
Alda të falemnderit shumë :). Kjo është edhe Planimetria përfundimtare e ndërtesës. Me ngjyrë të kuqe kam lënë muret që i janë shtuar, dmth që ka qënë projektimi im, ndërsa ato të zezat janë muret ekzistuese. Në të vërtetë ato janë në të gjithë perimetrinë e ndërtesës, por aty ku s'janë i kam zëvëndësuar me mure xhami, dmth xham komplet. Që nga hyrja gjeri tek Galeria e Vogël (#4), dhe Dhoma e takimeve(#5) lartësia e dyshemesë është 2'-6", ndërsa që nga galeria qëndrore (#6) gjeri në fund është në rrafsh me tokën. Pas Galerisë qëndrore shtrova një "grid" (s'di sesi thuhet në Shqip) ku në fakt bazohen devijemet e mureve të klasave dhe të kirridoreve... është Art, dmth një ndërtesë ku mësohet Art, ndaj mendova se muret duhet të jenë të thyer dhe klasat jo drejtëkëndëshe.
Ky është plani ballor i ndërtesës. E kam zhveshur të tërë ktë plan nga muret ekzistueses, dhe në vënd të tyre kam vën xham. Çatinë gjithashtu e hoqa, dhe të renë e lartësova pak. Për ta kuptuar qartë duhet parë maketi që do postoj më tej. Struktura mbajtëse e hyrjes është me I-beams (hekura si shinat e trenit), dhe me metale të thjeshtë. Mund të shofësh sesi është modifikuar Galeria pas hyrjes. Anash janë strehat për skulptorët që punojnë jashtë, (majtas) dhe për recepsione poprap jasht (djathtas).
Ndryshuar për herë të fundit nga drini_në_TR : 01-06-2003 më 04:55
Plani lindor dhe prerje e tërthortë, prap nga ana lindore. Hyrja është majtas, siç mund të kuptohet tashmë, dhe në prerjen mund të shohësh për atë që po thoja për dyshemenë, dmth që hyrja është më e lartë sesa që nga Galeria qëndrorer, dhe më tej. Tani mund të shofësh edhe Galerinë Qëndrore dhe po prap I-beams që kam përdorur meqë e hoqa çatinë dhe zëvëndësova me kto metale. Galeria është e mbulurar me xham nga sipër, por muret nuk kan dritare, sepse sipërfaqja e mureve përdoret për ekzibim. Mund të shofësh edhe faqet e jashtme të Hyrjes dmth nga anët anësore, dhe sesi muri i vjetër ndërthuret me xhamin dhe I-beams-at e rinj. Pjesa e pasme është po prap e njëjtë, përveç dy mureve që janë hequr në tre trarët pas Galerisë Qëndrore. Më fal se pamjet duken të përthyera, por "fokal lenght-i" i aparatit s'më lejonte ta bëja foton sikur të skanuar.
Fiori të falemnderit shumë shumë :)
Sapo çova projektin e përfunduar sot tek studioja e Artit të profesorit tim, dhe ndihem shumë i çliruar. Gjëja më e bukur që doli nga Projekti është maketi në vetvete :). Ndaj më e bukura për në fund. Në pamjet që do të postoj mund të shikoni edhe sesi ka marrë formë ndërtesa për të cilat janë fotot në fillim të temës.
Shpersoj që të shijoni, unë me studentët dhe profesorin i shijuam të tërë projektet tek Galeria e tij me nga një gotë verë të bardhë :) Tashmë ato janë gati të shkojnë për ekzibim për dy javë në Galerinë e Artit të qytetit të Pico Rivera-s ku edhe do të rrinë për dy javë atje.
Pamje ballore e Maketit, është shkallë 1/4' dhe gjatësia në truall është 171'-2". Në metra është rreth 1 metër e gjysëm.
Harrova të them, në Maket s'e kam vënë të tërë çatinë qëllimisht, sepse Mektetet në ekzibim do të jenë si lulja mos më prek, ne zakonisht në makete e bëjm çatinë që të hiqen në mynyrë që të shohim sesi është brënda, por meqë atje nuk do të lejohen t'i prekin unë, ashtu si edhe projektet e tjerë vendosëm të vinim vetëm një pjesë të vogël të çatisë thjeshtë për të treguar sesi është ajo, ndëra në tërësi nënkuptohet ;). Kështu mund të shofësh sesi është brënda.
Ktu mund të shihni mbikalimin dhe sesi ngjithesh në të. Nga rruga mund të shohësh ngjitjen sepse fasada është xham.
Ktu mund të shihni sesi janë klasat të ndara në fund të ndërtesës, dhe gjithashtu streha në anën e shikuesit është për skulptorët që të punojnë jasht, atyre u duhet një hapsirë e tillë.
Se harrova, majmuni mbi librin e 3DS Max j'u bën të fala ;)
Ndryshuar për herë të fundit nga drini_në_TR : 01-06-2003 më 17:36
A futemi pak brënda ;)? Mirësevini në qëndrën e Artit :)
Po të ishim tek mbikalimi që shtova mbi trarë. Në fakt trarët i zëvëndësova me shina (I-Beams) në mynyrë që të mbanin peshën e mbikalimit. Përfytyroni nëse ka edhe çatinë, ajo do të të detyronte që të shihje posht nëpër anët se çfarë bëhet nëpër klasat e ndryshme, ndërsa... kur harrinë në Galerinë Qëndrore Çatia "Shpërthen" (është ai vëndi që janë këmbët e Pilivesës) dhe dyshemeja bie edhe më poshtë, siç mund ta shihni tek prerja e tërthortë. Mbikalimi bëhet rrjetë metali ku mund të shohësh posht këmbëve të tua, dhe ndaj në mbikalim je në qëndër të Galerisë, dhe posht mund të shohësh të gjithnjë punimet e ekzibuara. Nuk e di, por mua më pëlqen shumë :).
P.S. e Shihni Pilivesën tani nëse përfytyroni jeni duke ecur në mbikalim? Pikërisht je në qëndër të saj :)
Ja edhe pjesa e Galerisë, mund të shohësh sesi zbret posht korridori qëndror, dhe sesi të hedh në Galeri, kur hyn kalon në mes të dy mureve, zbret posht dhe çatia shpërthehn, është tamam celebrues :)
Nga ana tjetër, le të shpresojmë që kjo projekt-ide një ditë të bëhet realitet :)
Përshëndetje :)
ne kete forum hyj thjesht si adhuruese e arkitektures dhe ne pergjithesi artit.ajo qe vleresova jashte mase ishte studimi qe kishe bere mbi qytetin, historine etj si dhe lidhja qe ke bere me pilivesen. kush tha se arkitektet nuk jane mendimtare!;)
maketi me pelqeu, por nuk mundem te bej perfytyrimin e brendshem te nderteses.( kjo ndoshta nga mungesa e imagjinates vizuale).nje pyetje kam: kur je brenda a mund te besosh se je brenda nje insekti apo a mundesh te besosh se ky projekt nuk eshte nje rastesi, por nje studim me shume dashuri?
p.s. sa per dashurine qe ke derdhur , ajo duket tej per tej.
te pershendes per pasionin!
Buna të falemnderit për fjalët e mira. Në rradhë të parë thjeshtë desha të të thoja që mos ki ndrojtje të shkruash ose të japësh mendime përsa i përket Arkitekturës. Unë dhe Don Alda (më vonë mbase edhe të tjerë) do të postojmë edhe më shumë projekte që bëj në shkollat që jemi, ndaj rri mes nesh ;).
Një nga kritikat që morra gjatë zhvillimit të projektit (kritikat janë në çdo faz të ecurisë ku profesori/ja nxjerrin të pah çfarë duhet ndryshuar) ishte se ndërtesa s'kishte pse të dukesh 100% si një pilivesë. Në fakt po të dukesh si një pilivesë do të ishte shumë e mërzitshme sepse njerëzve do t'u humbte kurreshtja. Ndërsa po të ndryshohesh ngapak, secila pjesë të marrë forma të reja, ose të veçanta, kalimtarëve do t'i binte syri, dhe do të pyesinin: "çfarë është kjo ndërtesë?" Atë gjë u mundova të bëja në fasadë gjatë restaurimit dhe në fakt po të shikosh një nga skicat e para (kliko këtu) që bëra, dhe pikërisht atë që ka xhamat si sy pilivese, fillimisht unë isha në afrimin e formës plotësisht si pilivesë, por hoqa dorë, sepse ndërtesa duhet të ishte pak më misterioze. Potë shikosh foton tek posti #33, mund të shohësh mbikalimin, dhe pas tyre trarët prej hekuri që shkoj vertikalisht. Ato janë në pjesën e Galerisë, dhe kur hyn në atë pjesë mund të duket sikur je bërnda Pilivesës. Pjesa për të cilën flasë (poprap Galeria) është edhe në fotot e posteve #34 dhe 35 :)nje pyetje kam: kur je brenda a mund te besosh se je brenda nje insekti apo a mundesh te besosh se ky projekt nuk eshte nje rastesi, por nje studim me shume dashuri?
Megjithatë falemnderit Buna për të gjitha fjalët e mira :)
të përshëndes
sinqerisht
drini.
Kjo është diagrama që ndodhet në ekspozitë. Është që të kuptohet pse ndërtesa është kthyer në një mynyrë, dmth si në maketin.
Vajta në ekspozitë, hapa derën, dhe ngela i befasuar :). Projektin tim e kishin vënë ballorë me hyrjen :)
Pamje gjatë prezantimit bërballë Jurisë. Morra disa kritika shumë të vlefshme të cilat do mundohem t'i aplikoj. Modelin do mundohem ta rindërtoj në PC, dhe aty të vazhdoj ose të mbaroj ato çfarë më thanë kritikët. Por ideja dhe mynyra e përhapjes, konceptimi në tre dimensione, dhe sidomos mbikalimi mbi trarë u pëlqye shumë :)
Krijoni Kontakt