Receta për ëmbëlsirat më të njohura në Shqipëri!

[Fiori]

Me ka shkuar mendja te bej kurabie : ) po kam vite pa bere, ose pa pare njeri qe t'i beje dhe doja sikur te bazohesha diku para se te filloja ndonje aksion ne shtepi.

Kerkova ne forum, por pervec nje recete ne anglisht këtu nuk gjeta gje.

Me poshte po e kthej receten ne shqip, megjithate nq se ndonjeri nga ju di ndonje menyre me te mire per to jeni te mirepritur ta sillni ketu.

------------------------

Kurabie

Përbërësit :

1 gotë kos
3 vezë
1 gotë sheqer
1/2 gote qumësht
1 lugë kafeje, sodë buke
pak vanilje ose lëkurë limoni
1 kg (rreth 35 ounces) miell


Përgatitja

Fillimisht përzieni sodën dhe kosin e më pas i shtoni përbërësit e mësipërm për të formuar brumin. Pasi brumi të jetë bërë i një trajtshëm, ndajeni në forma të ndryshme. Kini parasysh të lyeni tepsinë si dhe format me gjalpë të shkrirë që të mos ju ngjiten kur të piqen.

Sipër kurabiet mund t'i lyeni me vezë të rahura, sheqer pluhur ose arra të coptuara (këto të fundit mund t'ja shtoni dhe brenda po të keni qejf ).

Për të pjekur lërini në zjarr të ngadaltë që të piqen brënda dhe të mos digjen jashtë.

------------------------

p.s. biligoa po te shikosh postimet nga faqja e pare e kesaj teme, recetat me lart jane permendur atje .

[Fiori]

Kjo receta që kam vendosur më lart nga përkthimi i asaj në anglisht, çdo gjë mund të jetë veç për kurabije nuk është

Provova ta gatuaja dje dhe gjëja e parë që më ra në sy para se të përzieja përbërësit ishte mungesa e gjalpit. Mbaj mënd kur i bënte mami gjalpi ishte përbërësi kryesor. Si përfundim i shtova pak gjalpë përbërësve të recetës dhe i përzieva. E në fund poqa ca biskota të mira që të kënaqin lol ...

Për kurabijet më thanë nuk përdoret kos, nuk përdoren vezë, nuk përdoret kaq shumë miell si dhe nuk përdoret sodë buke. Por dhe recetën nuk ma saktësuan mirë që ta shkruaja këtu të plotë ndaj sa ta mbush frigoriferin me biskota që nuk do i ha, po pres ndonjë recetë më të mirë për kurabijet në forum.

[drague]

Ne princp receta eshte ok,se pa veze do dilnin petulla te pjekura.mund ti hidhen karota te grira ne vend te kosit.

[Nyx]

Kabuni me rrush te thate

Për të përgatitur kabun me rrush të thatë për 4-5 persona nevojiten:
Oriz - 1 gotë uji,
Lëng mishi - 2 gota uji,
Rrush i thatë - 1 filxhan kafeje,
Sheqer - 1 filxhan caji,
Gjalp - 3-4 lugë gjelle.

Orizi pastrohet, lahet dhe kaurdiset me gjalpë, pastaj shtohet lëng mishi (mundësisht dashi) ose ujë, rrush i thatë (shpëlahet më parë me ujë të vakët), pak kripë dhe vihet të ziejë. Kur është thithur pothuajse i gjithë lëngu dhe në sipërfaqe janë krijuar vrima, hiqet nga zjarri, përzihet me sheqer, kanellë e karafil të bluar. E mbulojmë me kapak dhe e lemë në një vend të ngrohtë. Masa hidhet në forma ose filxhanë dhe pastaj përmbyset. Për kabuni masa e orizit dhe e lëngut merret si për pilaf të zakonshëm: 1 kg oriz me 2 litra ujë.

Sheqerpare

Për 25 copë duhen:
Për brumin:
Miell 3 gota uji, gjalpë 1 gote,
vezë 1 kokërr ose 2 të verdha,
sodë një majë luge kafeje, pak vanilje,
sheqer 1 gotë uji.
Për shërbetin duhen:
2 gota sheqer, një gotë e gjysmë ujë.

Rrihet gjalpi me sheqer, shtohen vezët pjesë-pjesë duke i rrahur vazdimisht dhe në fund hidhet mielli i perzier me sodë. Zihet brumi i cili pritet ne forma dhe shtrohen në tavë të lyer me yndyrë. Lihet të piqet për 20-25 minuta, hiqet nga furra dhe kur të vlohet i hidhet shërbet i aromatizuar me vanilje. Duhet pasur kujdes që shërbeti të mos i hidhet i nxehtë pasi sheqerparet qullosen

Krem Karamel
Merret pak sheqer, hidhet në tigan dhe vihet në zjarr derisa të shkrihet dhe të marrë ngjyrë të errët, por jo të digjet. Sheqeri i karamelizuar hidhet nëpër forma ose në tavën me korent.
Në një enë porcelani ose plastmasi (jo alumini) rrihen vezët me sheqer, pak e nga pak shtohet, qumësht i nxehtë, duke e përzier vazhdimisht derisa të shkrihet sheqeri. Në fund shtohet vanilje ose cipë limoni dhe sipas dëshirës mund të shtohet pak sheqer i djegur i shkrirë me ujë, për t'i dhënë aromë dhe ngjyrë. Masa e përgatitur hidhet nëpër forma që vendosen në tavë me ujë të vakët dhe vihen në furrë derisa të mpiksen dhe në sipërfaqe të krijohet një cipë e kuqe.
Në mungesë të furrës krem karameli mund të përgatitet edhe mbi zjarr duke i vendosur format në një tenxhere të cekët. Hidhet ujë derisa të arrijnë përgjysmë, mbulohen me kapak dhe lihen sa të mpiksen. Në këtë rast në sipërfaqe nuk krijohet cipë e kuqe.
Në qoftë se krem karameli përgatitet në tavë me korent, atëhere gjatë pjekjes ajo vendoset në një tavë tjetër me ujë të vakët. Kjo bëhet që ajo të mos piqet më tepër nga sa duhet dhe të mos lëshojë lëng. Në qoftë se nuk kemi kushte për ta vendosur tavën në ujë të vakët, atëherë shtohen vezë më tepër dhe piqet si zakonisht.
Për 1 litër qumësht duhen:
vezë 5-6 kokrra, sheqer 1 filxhan çaji, vanilje ose lëkurë limoni.

[XX22]

Ju djem dhe vajza qe jetoni ne Tiron jane disa biskota me arra dhe mjalt.Po kan shume arra dhe jane ne forme te rrumbullaket disa i bejne edhe dyshe ne mes me recel dicka e tille kam pare ne nje si tip barake e madhe prane piramides edhe diku tjeter qe nuk ia mbaj mend emrin atij vendi tani por vetem ketu kam gjetur une.Nese jeni kujtuar per cfare biskotash e kam fjalen na jepni nese ka mundesi receten.Ne pritje dhe shpresoj ta kem shpjeguar sado pak dhe ndonjeri prej jush ti dije receten se nuk pres deri sa te shkoj ne shqipo

[Qyfyre]

po per kasata e ka njeri receten ?

[LAINA]

Fiori, po te jap nje recete per kurabie te verteta, por nuk me kujtohet dhe aq mire masa e miellit qe do perdoret, lol... keshtu qe duhet te gjykosh me sy...
Merret nje sasi gjalpi, mundesisht i shkrire, nese eshte i fresket duhet ta shkrish vete dhe ta pastrosh. Pasi te kete valuar perzihet mire dhe lihet menjane te ftohet ca, pastaj nxehet prape dhe trazohet deri sa te ndahet gjalpi nga sasia e qumeshtit dhe te tjerat. Do perdoresh vetem gjalpin qe ka dale ne siperfaqe, pa pjesen e papastertive.
E le pra gjalpin te ngrije, dhe kur te jete ngurtesuar, ne temperature ambjenti, e rreh ne mikser per rreth 10-15 minuta derisa te zbardhet dhe te fryhet. Per gjysme kg gjalpe do te te nevojiten 5-6 luge sheqer dhe nje filxhan me bajame te pjekura dhe te copetuara trashe. Pasi te kemi rrahur gjalpin, i shtojme sheqerin dhe vaxhdojme ti rrahim derisa te krijojne nje mase te fryre dhe disi shkumoze. Nderkohe fillojme te shtojme miell dhe e perziejme brumin me dore, aty nga fundi shtojme dhe 1 ose 2 te verdha vezesh si dhe bajamet e pjekura, dhe vetem nje maje luge sode(shume pak, sa kapin gishtat). Brumi i perftuar duhet te jete lehtesisht i shkerrmoqshem dhe jo i bute. Me kete brume mund te formosh me dore topa te rregullt ne madhesine e nje arre ose pak me te medhenj, ose i pret me forma te ndryshme dhe i vendosim ne nje tave te shtruar me leter furre. I pjekim kurabiet ne temperature 180 grade per rreth 40 minuta por nuk duhet ti leme te skuqen shume ne siperfaqe. I nxjerrim, dhe ashtu sic jane, te nxehta, i shtrojme ne nje ene ku kemi hedhur me pare nje shtrese me sheqer puder, pastaj kurabie, prape sheqer puder e keshtu me rradhe dhe i leme te ftohen... Sorry per masat, por do shoh ti rigjej dhe ti postoj te sakta...

P.S. Mos i mbaj ne frigorifer sepse marrin lageshti, me mire jashte, ne nje biskotiere me kapak...

[RaPSouL]

Ëmbëlsirë 'tiramisu' me fruta

Përgatitja:

* 1 kek i gatshëm me kakao i ndarë në dy pjesë, ose mund ta përgatisni vetë me 3 gota qumësht, 3,5 lugë miell, 3-4 lugë sheqer.
* luleshtrydhe
* kivi
* 2 gota nga (200 gr) me nescafe me qumësht të ftohtë

Së pari përgatisni kek-un, duke e përzier me qumështin, miellin dhe sheqerin në mënyrë të tillë që të mos krijohen toptha të miellit. Më pas lëreni të ftohet. Vendoseni gjysmën e poshtme të kekut në një pjatë të madhe dhe spërkateni atë mirë me një gotë me nescafe me qumësht të ftohtë.

Më pas shtroni sipër saj gjysmën e fillit të ftohtë dhe më tutje shtoni kivi të prerë hollë në formë rrethi. Pas kësaj vini katin e dytë të kekut dhe spërkateni dhe atë me një gotë tjetër me nescafe dhe qumësht të ftohtë dhe shtroni fillin e mbetur. Më pas zbukurojeni atë me luleshtrydhe dhe kivi.

Ndryshe, kivi në mes jep një aromë shumë interesante dhe të mirë, të krijon përshtypjen se është përdorur liker në të. Nëse do ta bëni pa fruta ju këshillojmë që fillit t’i shtoni vanilje për shtim arome dhe variacion si dhe në shtresën e dytë të mos vini fill, por ta mbyllni me kafe, kakao të spërkatur pasi të keni hedhur gotën me nescafe dhe qumësht të ftohtë. Po ashtu, mund të përdorni arra, lajthi, rrush të terur.

[RaPSouL]

Kek me karota

* 380 gr miell
* 100 gr gjalpë/margarinë
* 100 gr bajame
* arra të grira
* 300 gr karota të grira
* 3 kokrra vezë
* 3 lugë gjelle sheqer sodë buke

Në një tas të thellë përzihet mielli, soda, sheqeri, vezët dhe gjalpi i cili duhet të jetë i butë (në temperaturë dhome). Rrihen derisa të bëhet masa homogjene dhe pastaj duke vazhduar përzierjen i hidhni bajamet e grira dhe karotat e grira. Pastaj hidhet në tavë (të lyer me pak gjalpë dhe pak miell që të mos ketë ngjitje) dhe futet në furrë në 175-180 gradë për 40 minuta.

[RaPSouL]

Ëmbëlsirë me çokollatë

Përbërësit:

* 1 tas me çokollata të copëtuara ( rreth 9 copëza çokollate)
* 1 lugë gjelle gjalpë, e shkrirë
* 2 copa krem djathi i butë
* 1 cope krem djathi me 1/3 më pak i butë
* 1 gotë sheqer
* 3 lugë gjelle miell
* 1 lugë gjelle përbërje vanilje
* 3 të bardha vezësh
* 1 vezë
* 30g çokollatë

Përgatitja:

1 - Ngroheni paraprakisht furrën në 325 gradë.
2 - Vendosni copëzat e çokollatës në një tigan duke i ngrohur dhe duke i shkrirë me gjalpë. Përziejeni atë derisa të shkrihet. I fusni në 325 gradë për 8 minuta.
Hidhni në një tas të madh kremin e djathit, përziejeni mirë, shtoni miellin, të bardhat e vezëve, vezën, përziejeni masën derisa të bëhet një përzierje e njëtrajt¬shme. Hidhni përzierjen e sapo bërë në tiganin me çokollatë.
Vendosni çokollatën në një mikrovalë të vogël, në ‘High’1, 1/2 minuta, dhe e përziejmë për 45 sekonda (çokollata nuk duhet të shkrihet plotësisht). Përziejeni derisa të zbutet. Hidhni çokollatë të shkrirë në përzierjen e miellit për të formuar 9 pjesëza. Hidheni çokollatën sipër përzierjes së miellit dhe i piqni për 35 minuta në 325 gradë.
Ftoheni duke e vendosur në një letër alumini dhe e lini për 2 orë, pastaj servireni.