Berisha: Nano te harroje marreveshjet

[Albo]

Armand Mero
24 shkurt 2004

Në Shqipëri, reforma zgjedhore megjithë ekspertizën ndërkombëtare ka vazhduar pa ndërprerje që prej vitit 1997. Para çdo raundi votimesh, pothuajse gjithmonë me konsulencën e OSBEsë, janë bërë rishikime dhe ndërhyrje. Në përfundim çdo tekst është vlerësuar se i përgjigjet standarteve ndërkombëtare. Por pasi mbyllen zgjedhjet, zbulohen difektet e reja. Këtë fat ka patur edhe kodi i fundit elektoral.

Reforma zgjedhore do të vazhdojë, bëri të qartë sot, ambasadori Osmo Liponen, kryetari i prezencës së OSBEsë në Tiranë. Me daljen pas pak ditësh të raportit përfundimtar të ODHIRit për zgjedhjet e pushtetit vendor, shpjegoi ambasadori Liponen, prezenca e OSBEsë do të fillojë konsultimet politike për të rifilluar vazhdimin e pritshëm të reformës zgjedhore.


Një ditë më parë kjo çështje u ngri edhe nga presidenti Alfred Moisiu në një letër drejtuar kryeministrit Fatos Nano dhe kryetarit të parlamentit Servet Pëllumbi. Presidenti vuri në dukje se gjatë zgjedhjeve të fundit vendore ishin konstatuar probleme serioze duke përmendur këtu që nga vonesat në financimin e partive deri tek parregullsitë në listat e votuesve dhe mosarritjen e balancimit të komisionit qëndror të zgjedhjeve. Presidenti theksonte se çështje të tilla si dhe ato që kanë të bëjnë me krijimin e regjistrit kombëtar të votuesve dhe përmirësimin e administrimit të zgjedhjeve janë probleme që kërkojnë zgjidhje. Për këtë arsye kreu i shtetit është shprehur se puna duhet të nisë sa më shpejt në mënyrë që në zgjedhjet e ardhëshme parlamentare këto pengesa të jenë kaluar.


Sipas presidentit Moisiu ky proces duhet të bëhet në bazën e një vullneti politik me pjesëmarrjen e të gjitha palëve të interesuara. Të njëjtën nevojë ka shprehur edhe ambasadori i OSBEsë. Sipas tij në situatën politike e cila për fat të keq ka parë një mungesë të vullnetit politik, çështje të rëndësishme si reforma zgjedhore, kthimi i pronave dhe reformat territoriale kërkojnë arritjen e një marrëveshje të gjerë politike deklaroi zoti Liponen.


Ambasadori i OSBEsë i bëri këto komente para nisjes së tij në Vienë ku ai do të raportojë për zhvillimet e fundit në vend në Këshillin e Përhershëm të OSBEsë. Ambasadori Liponen vlerësoi edhe njëherë zhvillimin e qetë të manifestimit të fundit të opozitës të shtunën e shkuar. Ai deklaroi se qëllimi i prezencës së OSBEsë në Shqipëri vazhdon të jetë mbështetja e demokratizimit, shtetit ligjor dhe të drejtave të njeriut.

[martin_iden2001]

Bie ere kjo pune, o cuna.

Marreveshje e gjere politike tani qe po kerkohet doreheqja e Nanos dhe bashke me te dhe qeverisjes socialiste?


Ne mjediset e diplomacise nderkombetare kjo teze i ben jehone tezes se socialisteve qe protestat e PD-se nuk po na lene te punojme.


Nga ana tjeter duket sikur i thohet Berishes qe ne nuk i aprovojme kerkesat per zgjedhje politike se "jane per tu bere reformat".

OSBE-ja mbetet organizate kurve dhe qe orientohet gjithmone majtas, megjithese antere e saj jane edhe Sh.B.A.


Diku kam degjuar me humor se
OSCE= Organization for Stupidity and Confusion in Europe


Haj shnet!

[martin_iden2001]

NANO-BERISHA, NE TRYEZE TE PERBASHKET

Ja pikat kryesore qe vuri ne dukje Lipponen:

- Dy lideret Nano-Berisha duhet te bashkepunojne per reformat

- Shoqeria civile, ka luajtur rolin privilegj te partive

- Rritja ekonomike ne Tirane, popullsia tjeter ende e varfer

- Opozita gati per bashkepunim, sidomos per reformen zgjedhore

- Fatkeqesisht mungon vullneti politik nga partite

- Ka renie te vazhdueshme dhe zhgenjyese te grave ne politike

- Duhet realizuar reforma e pronave, ajo zgjedhore

- Shprehja e publikut, arritje e demokracise etj.

Eglantina Nasi

Me e mira ne situaten politike te krijuar ne Shqiperi, do te ishte qe lideret e dy partive te medha te bashkepunonin. Nje fakt te tille e ka bere te ditur per mediat kreu i Prezences se OSBE-se ne Tirane Osmo Lipponen. Madje, ai ka pohuar se nje gje e tille ka per te ndodhur, gjithmone ne emer te realizimit te reformave. "Me e mira do ishte qe dy lideret te uleshin se bashku, sic besoj se do te ndodhe. Ose te pakten te kete nje diskutim indirekt midis tyre, sepse duhet te kete nje marreveshje per menyren sesi duhet te vazhdoje procesi" deklaroi ai lidhur me kete fakt. Sipas Lipponen,

nese perpiqesh te arrish nje konsensus per ceshtje kyce, do te thote se partite kryesore duhet te arrijne ne nje marreveshje. "Opozita e ka shprehur gadishmerine e saj dhe me sa kuptoj, ka qene gjithmone e gatshme, te pakten persa i perket reformes zgjedhore" shtoi ai duke pohuar gadishmerine e opozites per te cuar para realizimin e reformave ne vend.

Mungon vullneti politik

Fatkeqesisht, ka mungese te vullnetit politik. Me nje shprehje te tille, kreu i Prezences se OSBE-se ka vleresuar gjendjen aktuale ne te cilen gjendet politika shqiptare. Sipas tij, realizimi i ceshtjeve te rendesishme si kthimi dhe kompesimi i pronave, reforma zgjedhore etj, kerkojne arritjen e nje marreveshje te gjere politike. Nga ana tjeter, ambasadori Lipponen vuri ne dukje faktin se sukseset e fundit te shoqerise civile nepermjet Zyres se Mbrojtjes se Qytetareve dhe levizjeve te tjera, jane nje shenje pozitive qe demokracia po zhvillohet ne Shqiperi. "Fakti qe shprehja e publikut nuk eshte me nje privilegj i ngushte i partive politike, perben nje zhvillim qe eshte mirepritur" shtoi ai.

Nder te tjera, nje nga pikat kryesore te raportimit te ambasadorit Liponen para mediave ka qene edhe fakti i planeve qe Prezencaka per kete vit lidhur me Shqiperine. Sipas te dhenave, Prezenca do te perfshije nje sere temash ne punen e saj si transparenca dhe pjesemarrja e publikut ne qeverisje. "Por do i kushtojme vemendje edhe ceshtjes se barazise gjinore duke marre parasysh renien zhgenjyese dhe te vazhdueshme te grave ne politike" tha Lipponen. Nje raportim i tille u be prej tij ndaj mediave shqiptare nje dite para atij qe do te realizohet ne Viene, prane Keshillit te Perhershem te Ambasadoreve te OSBE-se. Burime bejne te ditur se ne raportin e Prezenecs se OSBE-se hartuar posacerisht per zhvillimet e fundit ne Shqiperi, permbahen pika te rendesishme si ato te emergjences qe permbajne er zgjidhje problemet e kthimit dhe kompesimit te pronave, ato te reformes zgjedhore, te ndarjes se re territoriale etj. Nga ana tjeter, ashtu sic e deklaroi edhe gjate konferences se tij per shtyp, kreu i Prezences se OSBE-se ne Tirane do te vere ne dukje edhe rezervat e tij qe kane te bejne me acarimin e klimes politike, mungeses se vullnetit politik, renies se nivelit ekonomik te jeteses etj. Lidhur me kete te fundit, ambasadori i OSBE-se ne Tirane beri te ditur se gjate muajve te fundit ne Shqiperi eshte rritur niveli i jeteses se kryeqytetit, por ne rrethet e tjera, popullsia eshte ende e varfer.

[Albo]

martin_iden2001, euripiane politike te tyre ndjekin gjithmone fjalen e urte shqiptare "mishi te piqet, helli te mos digjet". Qe do te thote qe ata po perpilojne strategjine e re qe ua kalon pushtetin atyre qindra mijra protestuesve ne shesh, pa sjell shkaterrimin qe solli 1997.

Pushteti kalon me vote por ne nje Shqiperi qe nuk garanton dot zgjedhje te lira dhe demokratike, i bie qe nderkombetaret te nderhyjne qe rotacioni i pushtetit te ndodhi sa me shpejt qe te evitohet perplasja e atyre qindra mijrave ne shesh me ate kliken qe ka uzurpuar kryet e institucioneve shqiptare.

Nano vdiq, nderkombetaret po pergatisin ceremonin e varrimit te tij.

Albo

[Brari]

tema

------

EDITORIALI

A ka shanse Marrëveshja e Re?

Nga Mero Baze

Faktori ndërkombëtar dhe kryesisht Prezenca e OSBE-së në Tiranë, po përpiqen të shtyjnë qeverinë drejt lëshimeve të pjesshme kundrejt kërkesave të opozitës për garancitë institucionale që ata duan për zgjedhjet e reja në Shqipëri. Me një ton kritik paralajmërues për qeverinë, ambasadori Liponnen kërkoi pak a shumë përsëritjen e një marrëveshjeje të re Nano-Berisha, e cila, sipas tij, mund të shmangë destabilitetin. Por sa ka shanse një Marrëveshje e Re mes dy grupimeve të mëdha politike?

Rrethanat në të cilat lidershipi politik shkoi drejt një marrëveshjeje në pranverën e vitit 2002, u kushtëzuan pikësëpari nga nevoja e opozitës për të forcuar besimin tek institucioni i zgjedhjeve dhe nevoja e socialistëve për të mos shkuar drejt zgjedhjeve të reja, për shkak të presidentit. Presioni ndërkombëtar i formës së prerë, u inkuadrua ndërkohë si shtrat mbi të cilin nisën dhe përfunduan bisedimet nga të cilat, secila palë merrte përfitimin e saj. Opozita, e dërrmuar nga manipulimi policor dhe ligjor i zgjedhjeve të 2001-shit, kishte nevojë t'u tregonte shqiptarëve se kjo epokë do të marrë fund nga zgjedhja e një presidenti të pranuar nga të dy palët, ndërsa socialistët kishin arsye t'u dëshmonin të vetëve, se po sakrifikonin postin e Presidentit për të pastruar mandatin. Pra ishte një marrëveshje nga e cila fitonin të dyja palët. Në rrethanat e tanishme, opozita është rikthyer në gjendjen e para Marrëveshjes së 2002-shit, pasi elektorati i saj dhe ajo, jo vetëm që janë zhgënjyer nga besimi që ngritën te procesi zgjedhor, por institucioni që prodhoi Marrëveshja e tyre, u kthye në institucion manipulues. Ndërsa socialistët nuk janë në gjendjen e para Marrëveshjes. Ata nuk kanë nevojë të sakrifikojnë, kanë nevojë vetëm të rezistojnë. Për këtë arsye, nuk mund të shkohet më drejt një marrëveshjeje pa krizë institucionale. Protestat e opozitës, të cilat kanë ngjallur zërat për marrëveshje, po përpiqen të injorohen nga qeveria dhe kjo është e vetmja shenjë se kriza do të piqet shpejt dhe do të kemi një konflikt, i cili mund të zgjidhet me marrëveshje. Fyerja që po i bën protestës Kryeministri, mendjelehtësia me të cilën shikojnë protestën socialistët e tjerë, dhe heshtja solemne e diplomatëve, ka shanse të na çojë në një protestë maratonë pas datës 20 mars, e cila do ta bllokojë qeverisjen e vendit. Dhe duket se të gjitha palët, përfshi dhe diplomatët që Nano i llogarit si aleatë, po e shtyjnë atë drejt përballjes. Pas kësaj mund të kemi një marrëveshje, por palët do të jenë të dëmtuara në përfaqësim, pasi arbitër do të mbetet sheshi i mbushur.


---tema--

[Albo]

Kryesia e socialistëve miraton paketën për Paktin e Stabilitetit me opozitën. Kryesia: Nano Ok

Nano: PS gati për marrëveshje me PD

“Ne do të jemi të gatshëm të bashkëpunojmë edhe për reformën zgjedhore dhe infrastrukturën e saj”

Darina Tanushi

TIRANË – Kryesia e PS-së ka miratuar dje, idenë për një pakt stabiliteti me opozitën për reformat e integrimit të vendit. Pas mbledhjes, kryeministri Fatos Nano, deklaroi se ai dhe PS-ja janë të gatshëm “për t’u bërë iniciatorë apo bashkëveprues në dialog a marrëveshje, të cilat çojnë deri në një pakt stabiliteti për reformat e integrimit euroatlantik me cilindo në spektrin parlamentar legjitim që është realisht i interesuar për progresin dhe përshpejtimin e zhvillimit të vendit në këtë drejtim”. Në këtë mbledhje, pasi u diskutua dhe u raportua nga të gjithë të deleguarit nëpër aktivet e degëve të PS-së në rrethe, u miratua edhe një rezolutë, në bazë të së cilës, socialistët do të mund të bëhen nismëtarë, apo edhe do të mund të pranojnë të bashkëpunojnë me forcat parlametare progresiste për dy drejtime kryesore, integrimin në BE dhe në NATO. Qeveria dhe grupi parlamentar do të vlerësojnë çdo propozim që vjen “nga forca progresiste politike të çfarëdo ngjyre”, që në thelb kanë rritjen e standardeve ligjore dhe demokratike të funksionimit të shtetit të së drejtës, “por ne do të jemi të gatshëm të thellojmë bashkëpunimin edhe për çështje sensitive si reforma zgjedhore dhe infrastruktura e saj, reforma mbi kthimin dhe kompensimin e pronave dhe për trajtimin e merituar të shtresës së të përndjekurve politikë”, -tha Nano. Kryesia e PS-së fton gjithë opozitën që në vend të provokimit të disa zgjidhjeve të përkohshme, të sforcuara dhe artificiale, që kanë rezultuar të dështuara edhe në dëm të progresit të vendit në të kaluarën, t’i përgjigjet ftesës sonë të përsëritur për të thelluar bashkëpunimin institucional për çështje me interes kombëtar siç janë integrimi i Shqipërisë në BE dhe NATO, duke hartuar së bashku dhe nënshkruar një Pakt Stabiliteti për reforma të integrimit euroatlantik.
Kryeministri Nano konfirmoi se nga të gjitha aktivet e zhvilluara në rrethe qeveria e drejtuar prej tij ka marrë mbështetje për ecurinë e reformave. Madje, reagimi i bazës socialiste ndaj parullës së opozitës “Nano ik”, ka qenë me një tjetër parullë “Nano OK”. Anëtarët e kryesisë kanë rënë dakord që të miratojnë një paketë të posaçme të veprimeve politike dhe qeverisëse në shërbim të zbatimit më të mirë dhe më efikas të programit politik të vitit 2004, i cili, tha Nano, “ngarkon me detyra specifike përfaqësuesit tanë në ekzekutiv, në legjislativ, në pushtetin vendor dhe në forumet drejtuese vendore dhe qendrore të socialistëve, së bashku me “Koalicionin për Integrim” me të cilët do të ndajmë të njëjtat përgjegjësi edhe në këtë rast”. Kryesia e PS-së fton të gjithë anëtarësinë dhe simpatizantët e saj të reflektojnë me përgjegjësi dhe përkushtim mbi rolin e socialistëve dhe progresistëve në këtë proces të analizave në funksion të përtëritjes me zgjedhje të forumeve tona vendore dhe kombëtare deri në zgjedhjet e ardhshme. Kryesia e PS-së vlerësoi se interesat e stabilitetit, të progresit të vendit dhe të reformave, si dhe objektivat e maxhorancës dhe të misionit të saj për modernizimin dhe integrimin euroatlantik të Shqipërisë nuk mund të rrezikohen nga njerëz të papërgjegjshëm që mandati politik apo përfaqësues, detyrat si administratorë publikë etj. i shndërrojnë në mjete për përfitime të paligjshme private, të cilëve u mungon vullneti apo aftësia për ta përdorur mandatin përfaqësues në dobi të përshpejtimit të reformave kombëtare rajonale apo lokale për zhvillim. Nuk mund të zhvillohet me njerëz që nuk e meritojnë besimin dhe mbështetjen e shtetasve ndaj socialistëve reformatorë dhe aleatëve të tyre progresistë.

[christina54]

Simbas disa shkrimeve zoti Berisha nuk do pranoj tavolin me Nanon.Kjo i leverdis sot me teper se kurr Nanos kjolevizje por opozita nuk e pranon kurr dicka te till.Sa per nderkombtaret atyre pak ju intereson se qfar behet brenda perbrenda vendit per ato e rendesishme eshte qe konflikti te mos dal perjashta.Besoj se Berisha e ka mesuar kete dhe kesaj rradhe do beje deshiren e popullit.Tek gazeta Tema pash Nanon ne fotografi ishte ber gati per ne boten tjeter.

[Albo]

Kryetari i PD-së tha se qëndrimi i tij varet nga vendimet e partive të opozitës. “Korrespondenca e Moisiut, fyerje për lëvizjen “Nano ik”

Berisha: Ulem me Nanon po vendosi tryeza e opozitës


Nevila Përndoj

TIRANE - Lideri i opozitës Sali Berisha nuk mund të ulet sërish në një tryezë me kryeministrin Fatos Nano, pa marrë aprovimin e partive të opozitës. Menjëherë pas përfundimit të tryezës së partive të opozitës, kryetari i demokratëve Berisha, i është përgjigjur interesimit të gazetarëve, nëse do të pranonte një marrëveshje të dytë me kryeministrin Nano, për reformën zgjedhore dhe ndarjen administrative. Kjo kërkesë u bë e ditur dy ditë më parë nga ambasadori i OSBE-së, në Tiranë, Osmo Lipponen. “Dua të theksoj se, unë personalisht nuk mund të marr vendime të tjera jashtë kësaj tryeze. Kjo duhet të jetë shumë e qartë ashtu sikurse mirëkuptoj tendencën ose qëllimin e kërkesës së ambasadorit Lipponen, por vlerësoj shumë denoncimin, që ambasadori bëri dje para medias atyre që dhunuan marrëveshjen ndërpartiake dhe Kodin Zgjedhor, që në fakt autori i vërtetë është Fatos Nano dhe vegël e përdorur është presidenti i Republikës Moisiu. Pra unë vlerësoj këtë qëndrim dhe angazhohem në të gjithë përpjekjet e mia, që kjo lëvizje të kurorëzohet sa më shpejt për largimin përfundimtar të qeverisjes “Nano”, -tha dje Berisha. Kryetari i demokratëve, shtoi gjithashtu se korrespondenca e presidentit Moisiu me kryeministrin Nano është një fyerje për lëvizjen “Nano ik”. Ndër të tjera, lideri i opozitës shprehu gatishmërinë që tryeza e zhvilluar të mbetet e hapur ndaj përfaqësive të OSBE-së, ndaj zyrës së NATO-s, ndaj FMN-së, ndaj Bankës Botërore, ndaj OKB-së, ndaj përfaqësisë së Komisionit Europian etj.

[Albo]

Kreu i PD-së tha se ky është mashtrimi i kryeministrit, në përpëlitjet e fundit. “Xhefri më përgëzoi për protestat”

Berisha: Nano ta harrojë marrëveshjen


N. Perndoj

TIRANE - Kryetari i Partisë Demokratike Sali Berisha ka fshirë çdo fije dyshimi për një marrëveshje të dytë me kryeministrin Fatos Nano për çështjen e reformës zgjedhore apo për reformat e tjera të integrimit në NATO e BE që kryeministri propozoi një ditë më parë. Ndryshe nga e mërkura kur Berisha tha se nuk mund të marrë vendime personale jashtë tryezës së partive të opozitës, dje ai është shprehur hapur se vendimi i kryesisë së PS-së për një Pakt Stabiliteti me Partinë Demokratike është një mashtrim i hapur nga ana e tyre. “Ky është mashtrimi i radhës i një kryeministri, që po përpëlitet në kohën që po largohet. Këto janë përpëlitjet e fundit”, -tha ai. Dy netë më parë, kryesia e Partisë Socialiste ftoi përmes një rezolute të gjithë opozitën në vend për të thelluar bashkëpunimin institucional për çështje me interesa kombëtare siç janë integrimi i Shqipërisë në BE dhe NATO, duke hartuar dhe nënshkruar së bashku një Pakt Stabiliteti për reforma të integrimit euroatlantik. Kjo pjesë e rezolutës që u përforcua dje edhe nga kryeministri Fatos Nano pas mbledhjes së kryesisë, për liderin e opozitës Sali Berisha është cilësuar vetëm një serum për kreun e ekzekutivit. “Këto janë si serumet që përpiqet që t’i bëjë vetvetes njëlloj si ato serumet, që bëri para protestës së 21 shkurtit kur u shtrua në spital. Ai është e pashpresë, qeveria është e pashpresë dhe atij nuk i shkon njeri prapa. Vetëm KPD-arët”, -tha ai. Rikthimi i një marrëveshje të dytë mes kryeministrit Fatos Nano dhe liderit të opozitës Sali Berisha u kërkua në një konferencë për shtyp nga ambasadori i OSBE-së në Tiranë, Osmo Lipponen. Ai deklaroi se, për çështje të reformës zgjedhore dhe ndarjes administrative, Nano dhe Berisha duhet të uleshin në një tryezë të përbashkët, por nisur nga situata politike në vend, Lipponen nuk përjashtoi edhe mundësinë e një kontakti indirekt mes tyre. Berisha bëri të ditur dje edhe përshëndetjen e ambasadorit amerikan Xheims Xhefri për protestën paqësore që opozita zhvilloi në datën 21 shkurt. "Ambasadori i SHBA-së edhe një herë përgëzoi opozitën për protestën madhështore dhe vendosmërinë e saj për të vazhduar një lëvizje jo dhune", -tha Berisha, pas takimit të zhvilluar me ambasadorin amerikan Xheims Xhefri.

[manoklla]

Ja shtiu i her tosi sales ene sja ma mo sales me bo marrveshje, hahaha, ka te forta ktu ne shqiperi. Njoni me katran se tjetri dhe robt qe dalin neper mitingje si lopet ne vend qe te punojn, ska rendsi, pes lek jon pes lek.