Kuvendi miraton Statusin e Familjes Mbretërore

[Albo]

TIRANË- Kuvendi miraton ligjin për “Dhënien e statusit të familjes mbretërore”. Me 73 vota pro, 3 kundër dhe 6 abstenime, Parlamenti miratoi statusin për ish-familjen mbretërore. Një projektligj ky i iniciuar nga 43 deputetë, përfaqësues të PLL-së dhe nga radhët e partive të tjera opozitare. Projektligji i miratuar dje për statusin e familjes mbretërore parashikon që për herë të parë të njihen me ligj trashëgimtarë të kësaj familjeje: Leka I Zogu, Suzana I Zogu dhe Leka II Zogu, si dhe pasardhësit e tyre. Statusi parashikon kthimin e eshtrave të mbreti Zog nga Parisi në Tiranë, në varrezat e ish-familjes mbretërore, pas kthimit të pronave. Trashëgimtarët e kësaj familje kanë të drejtë të mbajnë dhe pasurojnë koleksionin e armëve të ish-familjes mbretërore dhe pas kësaj Leka I do të sjellë në Shqipëri dhe pjesën tjetër të koleksionit që ndodhet në SHBA. Për realizimin e saj do të kërkohet një ndryshim në ligjin e “Për përdorimin e armëve”. Çështja e kthimit të pronave kësaj familjeje, do të trajtohet si për të gjithë ish-pronarët e tjerë. Miratimi i statusit nga Parlamenti lejon Këshillin e Ministrave të nxjerrë aktet nënligjore për përfshirjen e anëtarëve të ish-familjes mbretërore në protokollin e shtetit shqiptar. Deputeti i PLL, Bahri Kollçaku, theksoi se miratimi i statusit të familjes mbretërore është "një moment pjekurie dhe civilizimi për Parlamentin shqiptar" dhe sipas legalistëve ky projektligj synon që "të merret në konsideratë dhe kjo periudhë e historisë sonë". Ndërsa kreu i PLL-së, Eqerem Spahia tha se miratimi i këtij ligji fryt i punës njëvjeçare të legalistëve, për të bërë edhe një korrigjim të historisë. Duke argumentuar pozicionin e PS për këtë çështje, z. Braho theksoi se nga pikëpamja juridike dhe historike "mbretëria apo monarkia nuk ekzistojnë më si nocione juridike", pasi sipas tij "ato janë relike me vlerë vetëm për historinë". Sipas tij, për to "duhet të gjykohet në mënyrë objektive, realiste dhe jo spekulative”. Leka i mbërriti për herë të parë në Shqipëri më 1993 pas largimit nga vendi në vitin 1939 të familjes mbretërore të Mbretit Ahmet Zogu. Në vitin 1993 Leka I nuk u lejua të qëndronte në Shqipëri, pasi kishte vetëm dokumente të mbretërisë dhe jo dokumente që të vërtetonin se ai kishte lindur në Shqipëri. Leka I u largua sërish, për t'u kthyer në 1997 pas marrëveshjes së nënshkruar nga partitë politike në mars të këtij viti, sipas së cilës në zgjedhjet e qershorit 1997 do të votohej dhe për formën e regjimit. Pas shpalljes së rezultateve zyrtare në korrik 1997, Leka I largohet përsëri nga Shqipëria për t'u kthyer së bashku me familjen e tij më 22 qershor të vitit 2002. Leka I është pajisur nga qeveria shqiptare me pasaportë diplomatike.
B.Hoti

[Llapi]

“Mbreti Zog, s’më ndizte pasionin, bënte dashuri me protokoll”

Tiranë, (Kosovapress) 30 Qershor 2013 17:18

Deri përpara daljes në qarkullim të librit të gazetares franceze Maria Craipeau, të gjithë njihnin historinë e martesës së vetme të Mbretit të shqiptarëve Ahmet Zogu me konteshën

Por, kur në skenë u shfaq emri i Tanja Visirovës, kërcimtares nudiste të kabareve të famshme të Parisit mondan, historia nuk është se u ngatërrua, por mori tjetër kthesë.

Sepse përpara Geraldinës, në jetën e Zogut ka ekzistuar një tjetër femër, e cilësuar si gruaja e parë e tij, pas një martese morganatike (pa kurorë dhe pa të drejtë trashëgimie), e cila ka ndarë për më shumë se tri vite shtratin në Pallatin Mbretëror.

Nëse e dëgjon për të parën herë historinë e jetës dhe asaj që pasoi pas njohjes me Mbretin e shqiptarëve të kërcimtares ruse Tanja Visirova, ka vend për habi… Pas mantelit që mbante veshur në trup e që më së shumti e flakte tutje gjatë performancave skenike, krejtësisht e zhveshur, erdhi kapitulli i jetës që as nuk mund ta kishte imagjinuar.

Shërbëtore, kuzhinier personal, parfume të shtrenjta, peliçe të rënda, me pak fjalë luks i shfrenuar.

Domosdo, çdo dëshirë e saja ishte urdhër për njeriun që i qëndronte në krah, Mbretin Zog, me të cilin ajo bashkëjetoi nga viti 1929 deri në 1933, referuar librin me titull “Tanja Visirova”, të gazetares franceze Maria Craipeau (në origjinal “Tania Visirova du Caucase au Folie Bergere”.

Sipas gazetës “Panorama” në faqet e tij përshfaqet e gjithë historia e panjohur e kërcimtares së famshme, e cila u kthye në fenomenin “La Visirova”, e për të cilin kish gjithnjë vend në faqet e para të shtypit francez të kohës.

Gjithashtu, në rrëfimin mbresëlënës së saj, kërcimtarja ndan me lexuesit edhe detajet intime… Duket se protokolli u kushtëzonte në çift edhe oraret e të bërit dashuri, ndërsa rusja shkon përtej të zakonshmes, sidomos kur flet për Mbretin e shqiptarëve, i cili me sa duket, sipas librit, nuk ishte i aftë t’i zgjonte ndjenjat pasionante në shtrat, e sillej edhe në të tilla çaste si Mbret.