Liria e shtypit ne diktatin e krimit

[ALBA]

Një histori e freskët arrestimi për gazetarin Rudi Erebera

24 orë i dënuar pa lënë gjurmë askund

Je i pafat kur ndodh të kapesh para klubit të PD-s edhe pse nuk ke lidhje fare.

Rudi Erebara, Andi Erebara dhe Elton Kasmi u shoqëruan dhe mbajtën në komisariatin 3 të Tiranës, nå ora 11 e natës të datës 18 korrik, se shoferi i furgonit të policisë ishte 24 orë shërbim dhe nuk dinte se ku ta nxirrte dufin.

Pa shkasin më të vogël gjashtë policët e furgonit pasi përleshen me fjalë me punonjësit e lokalit në fjalë afër bankës kombëtare, marrin me vete në rajon për të plotësuar numrin e arrestimeve që tregojnë punën e madhe të policisë kundra krimit të organizuar, tre njerëz që i pyetën a u lodhët dhe i thanë natën e mirë para se të ndaloheshin.

“Pa të drejtë telefoni dhe sqarimi mbetëm në mëshirën e flujksit informativ të policëve të rojës, që prisnin mëngjesin kur shefi i madh, ose një nga shefat do vinte.” Orë pas ore asnjëri nga ne nuk e dinte se cila ishte arsyeja e ndalimit, ndoshta se qëlluam të ishim para lokalit të PDs. Ndoshta se njëri ishte gazetar i “Koha Jonë”, në kërkim të një informacioni ndihmës rreth dorëheqjes së Ilir Metës.

12 orë rresht i gjithë spektri i shefave me shumë yje dhe pa yje kaluan para derës së larë në gjak të dhomës së ndalimit të treshit, ku mund të dalloje edhe shenjat e trupit edhe të gishtave të njeriut të rrahur jo shumë ditë më parë po të dallosh ngjyrën e gjakut, në një masiv rrjedhjesh edhe nëpër mure. Era e urinës dhe bishtave të cigareve ishte kompletuese për ambientin, duke patur parasysh se një herë në gjashtë orë një roje zemërmirë i këtij rajoni të lejonte të shkoje në banjë, duke mbajtur kokën ulur përballë fatit se ligji ishte shkelur bashkarisht nga policët dhe shefat sa për familjaritet.

Ora e madhe 8 kur shefi i krimeve !? do të vinte nga lart dhe të hetonte kaloi derisa u plotësuan fix 12 orët e lejuara nga ligji. Për herë të njëqindtë Rudi Erebara i kujton policit shef ose dicka tjetër se kanë aq orë dhe se përfundimisht nuk e dinë se pse janë ndaluar.

Halli ishte se askush nuk e merrte përsipër me emër këtë shkelje flagrante të ligjeve dhe të drejtave njerëzore dhe gazetareske, pasi nuk kishte një raport fillestar qysh nga casti i ndalimit. Megjithatë sa për verefikim emrat e tyre janë në librin akoma të pagrisur të librit të përshtupjeve: sa ju pëlqen të rrini në këmbë, brenda në burg kur nuk je fajtor.

Familjet e këtyre “kriminelëve” pasi kishin marrë në telefon të gjitha rajonet dhe spitalet përfundimisht gjanë për së gjalli djemtë se askush nuk kishte informacion se ku ishin futur, edhe pse emrat dhe mbiemrat ishin shënuar nga cdo polic në copa letrash.

Megjithatë që të përmblidhej deri në fund solidariteti me neurozat e shoferit të pagjumë dhe të paemër të rajonit, shefi i fundit, edhe pse vazhdimisht i shmangej me një sjellje brutale të vërtetës, i nxjerr në korridorin e rajonit duke u kujtuar se duhej të gjobiteshin por ai me zemërgjerësi do ti falte.

“Kërcënoi disa herë se do të na rikthente në qeli- thotë Rudi Erebara,- por u gjend përballë bindjes se unë do të qëndroja brenda për aq kohë sa ligji të fitonte mbi policin, duke insistuar në gjobitje. Megjithatë dolëm pa asnjë copë letër që të thotë se 12 orë ndalim, ose 24 orë dënim në bazë të ligjit në vlejnë as në policinë e KILIT dhe as në atë të shqiptarëve

[Zarathustra.]

Me një dhunë verbale, të përsëritur tashmë këto javët e fundit, komunikata të egra për shtyp vazhdojnë të mbërrijnë në redaksitë e gazetave. Edhe dje Partia Demokratike e Shqipërisë, nëpërmjet zëdhënësit të saj, ka lëshuar në faksin e redaksisë një komunikatë ku e quante Gazetën Shqiptare "zëdhënëse e klaneve mjaft kriminale të vendit". Dhe e gjitha kjo, kësaj here për faktin se Gazeta kishte publikuar një ditë më parë lajmin se PD do mbështeste Xhaferrin e PDr në Durrës.
Por pa hyrë në vërtetësinë e plotë apo të pjesshme të lajmit në fjalë, përse duhet siluruar e shpifur kështu ndaj një gazete, ndërsa do të mjaftonte një komunikim normal e etik nga ana e PD ku të sqaronte të vërtetën e saj. Cfarë interesi të mbrapshtë mund të ketë një gazetë kur shkruan se x parti do të mbështesë y kandidat të një partie tjetër në zgjedhjet e 12 tetorit? Si mund të trillojë një gazetë kur këtë informacion e thonë për gazetën vetë zyrtarë të lartë të PD? Përse gjithë ky llum fjalësh ndaj një mediaje tashmë të afirmuar në treg si një testatë serioze, e hapur dhe aspak anti-PD? Redaksia e Gazetës është e detyruar të mendojë se disa djem pa integritet politik e pa shtyllë kurrizore, vazhdojnë punën e tyre sistematike, duke stimuluar qëllimisht Berishën, liderin e kësaj partie, në sulme të paprincipta ndaj Gazetës. Doktori mund dhe duhet të ndërhyjë për të qetësuar djemtë e tij të zellshëm në këtë betejë të shfrenuar verbale ndaj nesh. Jo sepse kjo dëmton Gazetën. Por sepse kjo rrezikon seriozisht t'i heqë lidershipit të PD një dimension elementar në demokraci: komunikimin normal dhe etik. Doktori ka ende kohë ta korrigjojë këtë handikap që buron nga disa djem që mban afër. Doktori mund dhe duhet t'u mësojë atyre disa rregulla elementare të komunikimit. Që të flasin më zë të ulët dhë të mos gënjejnë. Sepse edhe në politikë, gënjeshtra i ka këmbët e shkurtra. Neve nuk duan të na besojnë. Të paktën t'ua thotë Doktori.

[Orku]

Une mendoj se perpara se t'i tregoje rregullat etike te komunikimit opinionit kjo gazete do te bente mire te kerkonte falje per mashtrimin e qellimshem qe ajo ben per aresye qe te gjithe i dime .


P.S

Deri para disa muajsh gazeta ne fjale ka qene zeri me i eger ne shtyp kunder edi rames .... ndersa sot e njejta gazete eshte kthyer ne nje gjym te tij ... prej nga dalin genjeshtra per te cilat nuk kerkohet as falje. Te jete valle <> ky ndryshim

[Albo]

DREJTORI I TATIMEVE DHUNON ALSAT

Anila Rama

Edlira Prenga

Drejtoria e Pergjithshme e Tatimeve hyn forcerisht ne mjediset e televizionit ALSAT dhe me pas nderpret transmetimet ne vale tokesore. Policet e tatimores jane gjendur ne mjediset e Alsat, ne oren 1:30 te pasmesnates se djeshme duke terrorizuar punonjesit dhe gazetaret. Urdhri per te nderprere transmetimet e Alsat ka ardhur nga Spanja, ku drejtori i pergjithshem i tatimeve Shpetim Idrizi ndodhet me pushime se bashku me Kryeministrin Fatos Nano. Idrizi ka urdheruar nga tavolina ku drekonte me Nanon qe te nderpritej transmetimi i ketij televizioni. Nderkaq drejtuesit e televizionit kane mundur te zbulojne se edhe ne telefonin e Sefedin Celes eshte bere nje telefonate e tille. Policet e tatimores madje kane shqyer edhe deren e televizionit Alsat. Burime prane deges se tatimeve bejne te ditur se urdhri eshte perseritur nga kreu i tatimeve Idrizi. Qe dje ne mengjes edicionet informative te Alsat kane kaluar tek nje kanal tjeter eleviziv, Vizion Plus. Nga ana tjeter transmetimet ne valet satelitore, kane vazhduar pa probleme, pasi licensa e Alsat ne kete rrjet eshte ne rregull. Konflikti qe ka nxjerre krye dje e ka origjinen qe ne ekzistencen e Alba Tv, ne frekuencen televizive te te cilit transmeton prej gati dy muajsh televizioni Alsat. Keshilli Kombetar i Radio-Televizionit vendosi qe t'i heqe licencen per shkak te detyrimeve te pashlyera qe ky televizion kishte ne organet tatimore dhe per rrogat e pashlyera te punonjesve. Por drejtuesit e Alba TV nuk kane qene dakord me vendimin e KKRT-se, i jane drejtuar Gjykates se faktit per te rikthyer licensen. Nderkaq vendimi i gjykates dhe i permbarimit ka qene ne favor te televizionit Alba. Ne pretendimet e tyre ne gjykate Alba dhe Alsat kane cilesuar faktin se televizioni lokal privat nuk e ka shitur licensen e tij, por eshte ne bashkepunim me televizionin satelitor Alsat. Gjykata ka dhene te drejte duke e pezulluar vendimin e KKRT-se. Pas ketij vendimi KKRT-ja ishte e detyruar qe te rikthente licencen televizionit lokal te kryeqytetit, i cili nderkohe kishte filluar bashkpunimin me Alsat. Pas ketij vendimi ne frekuncen televizive te Albes jane shfaqur transmetimet e Alsat. Por vendimin e gjykates nuk ka dashur ta zbatoje Drejtoria e Pergjithshme e Tatimeve. KKRT-ja ka dhene urdher qe te zbatohet vendimi i gjykates deri ne ankiminin e kestij organi prane Gjykates se Apelit. Megjithe kete televizionit Alsat nuk i eshte leshuar sinjali televiziv deri ne oret e vona te darkes se djeshme. Edhe pse urdheri i dhene nga KKRT-ja pritet te zbatohet nga Drejtoria e Pergjithshme e tatimeve, akoma nuk ka gjetur konkretizim per leshimin e sinjalit.

KJ

[Nard]

Lira e shtypit eshte nje nder problemet me madhore te politikes shqiptare, ajo rrezikohet vertet, ajo neperkembet, ajo blihet, ajo dhunohet, ajo shitet, e ç'fare nuk behet me te.

Ne treg sot per sot nuk ka pothuajse asnje gazete te pavarur, se per kanale televizive as qe behet fjale.

Gazetat e "pavarura" jane me te varura se vete ato te partive politike. Vetem te lexosh titujt e tyre e kupton qarte jo vetem se sa te "pavarura" jane, por dhe ke politikan mbeshtet.

I marrim me rradhe:

Gazeta "Shekulli", mbeshtetese e z.Rama dhe se fundi edhe e z.Nano, arsyeja!!

Gazeta "Korrieri", mbeshtetese e z.Meta dhe e z.Rama, arsyeja!

Gazeta "Koha Jone", mbeshtetese e z.Meta dhe e z.Rama. Per hire te realitetit ka ndryshuar disa here "padrinot", arsyeja!

Gazeta "Albania", mbeshtetese e z.Meta dhe e Reformatorve, arsyeja!

Gazeta etj etj... te gjitha nen ndikime politike dhe afera korruptive!!

Televizoret kombetare:

TVSH dhe TVA nen ndikimin direkt te z.Nano, apo me mire megafone te tij, arsyeja!!

TV Klan nen ndikimin e z.Meta.

TV Shijak, ATN nen ndikimin e z.Berisha.

Pra liria e shtypit jo e rrezikuar por ajo nuk ekziston, padrinot ne pushtet perdorin te gjitha menyrat per ti korruptuar. Me pak lehtesi ja arrijne qellimit, media e sotme ka nevoje per to. Kush reziston falimenton, te tjeret qe sherbejne ecin perpara!

Keto "plage" a'kane sherim, mendoj se po.

Ne radhe te pare shtypi duhet te kete lehtesi ne taksa dhe tatime.

Se dyti shtypi duhet te kete subvencion nga shteti per energjine elektrike dhe impulset telefonike.

Se treti gazetaret duhen te jene profesioniste dhe duhen te kene kontrata pune.

Se katerti te gjithe pronaret e mediave nuk duhet te merren me biznese te tjera.

Se pesti te gjitha keto duhen te sanksionohen me ligj dhe mos te ndryshojne, vetem te kete permiresime.

[Shijaksi-London]

Leter e hapur z. Nano

Demokracia e cunguar e shtypit


--------------------------------------------------------------------------------

Erjon Tase

Zoti kryeministër!
Jeni mësuar së fundi të merrni shumë letra të hapura. Por pothuaj të gjitha bëjnë fjalë për qeverinë, partinë apo pushtetin tuaj personal. Këtë herë, po ju shkruajmë për një argument krejt të ndryshëm, që për ne është shumë i rëndësishëm: mbijetesën e lirisë së shtypit. Në të kaluarën, kur ju ishit në opozitë, ky argument ishte mjaft i rëndësishëm edhe për ju. Tashmë që jeni ju që keni marrë në dorë frenat e vendit, mesa duket e keni harruar. Duke menduar se fjala "Europë" do të thotë vetëm luftë ndaj skafeve, GDP dhe reforma legjislative, mesa duket keni lënë mënjanë për pak kohë lirinë e shtypit dhe shprehjes. Për të sqaruar çdo keqkuptim: Lirinë e shtypit nuk po e rrezikon aspak censura, por anarkia e tregut që qeveria juaj dhe të gjithë institucionet po e legjitimojnë. Duke përfituar nga kjo indiferencë e juaja, disa grupe të fuqishme po tentojnë të krijojnë oligopolin e informacionit, duke kontrolluar kështu tregun e ideve dhe në këtë mënyrë edhe të politikës. Gjendja është më e rëndë seç duket dhe çuditërisht edhe vëzhguesit ndërkombëtarë që janë aq të vëmendshëm ndaj çështjeje të brendshme të Shqipërisë, nuk kanë dashur të harxhojnë as edhe një fjalë për këtë argument.
Ju e dini mjaft mirë, se që prej vitit 1998 ekziston një ligj që ndalon shitjen e gazetave nën kosto. Sot në Shqipëri rreth 90 për qind e gazetave shiten nën kosto. Pra, pothuaj të gjithë po shkelin ligjin dhe qeveria juaj po hesht. Edhe ju vetë nuk jeni shprehur kurrë për këtë argument. Si rrjedhojë, sot kushdo biznesmen, politikan, mafioz apo fshatar mund të hapë gazetën apo televizionin e tij dhe t'i imponohet tregut sepse më tepër sesa cilësia e informacionit ka rëndësi që ai dhurohet. Ju nuk po kujdeseni në fakt as për interesin tuaj: Pjesa më e madhe e këtij shtypi nën kosto po tregohet më tepër se agresiv me ju dhe qeverinë tuaj. Heshtja juaj mund të interpretohet si një vetëpërmbatje politikani, por në fakt është përsëri indiferencë ndaj një çështjeje mjaft thelbësore siç është liria e të shprehurit.
Ju ndërhytë menjëherë në çështjen e piraterisë televizive, por nuk keni bërë asgjë për piraterinë e shtypit. Si është e mundur që ju shqetësojnë më tepër të drejtat televizive që i duhen paguar kompanisë të filmave "Worner Bros", sesa demokracia ekonomike e vendit tuaj? Ironia arriti deri aty, sa komisioni i konkurencës, i cili po hetonte mbi këtë argument, deklaroi dje se nuk kishte patur asnjë provë për gazetat nën kosto. Meqënëse vetë pronarët e gazetave kishin dorëzuar bilance mbi koston apo nuk i ishin përgjigjur fare kësaj kërkese, atëherë komisioni e quan të mbyllur këtë çështje. Duke zhdukur në këtë mënyrë të vetmen fije shprese për të ndryshuar diçka.
Eshtë e qartë se këta pronarë-piratë gazetash nuk i hedhin në lumë qindra milion lekë në vit për të financuar këto gazeta nën kosto. Sepse ata e kanë kuptuar se mund të fitojnë shumë më tepër nga gazetat. Mund të fitojnë me tenderimet, me shantazhet dhe marrëveshjet politike. Eshtë mjaft e turpshme që as ju, as opozita, por as strukturat e tjera shtetërore që e kanë për detyrë kontrollin në këtë sektor, nuk reagojnë kundër kësaj situate skandaloze.
Shteti që drejtoni, po dënon pluralizmin ekonomik të shtypit edhe në një mënyrë tjetër. Prej pak kohësh po përgatitet hapja e kanalit të dytë të televizionit shtetëror, i cili do të kushtojë mbi një milion Euro. Ky stacion i ri do të përballet në konkurrencën e tregut të televizioneve private, duke shfrytëzuar jo vetëm fondet publike të siguruara nga taksat që paguajmë të gjithë ne, por edhe financimet e televizioneve publike të huaja. Televizioni gjerman ZDF dhe ai europian EBU, do të jenë donatorët kryesorë të këtij kanali të dytë televiziv. A mund të përballen financimet e sforcuara të televizioneve private me ato miliardare të dy shteteve dhe të një kontinenti? Kjo sigurisht që do të jetë vdekja e konkurencës. Ndërkohë, programacioni i kanalit të ri shtetëror do të kopjohet 100 për qind nga një tjetër televizion privat, "News 24". Pra, shteti i vjedh idetë privatëve, i realizon me fondet publike dhe pastaj u bën konkurencë. E vetmja ide origjinale e drejtorëve tuaj do të jetë ajo e ngjyrës së ekranit: në vend të blusë, do të jetë e kuqe.
Televizioni publik, ashtu si në kohërat kur zotëronte monopolin në tregun televiziv, vazhdon të kërkojë dhe të marrë ndihmë nga televizionet e tjera të huaja. Edhe kjo është një shkelje e hapur e konkurrencës së ndershme, për të cilën nuk është përgjegjëse vetëm RTSH, por edhe ato qeveri europiane që pranojnë të afrojnë lëmoshat e tyre. Nëse "Top Channel", "TV Shijak" apo "TV Klan" (janë vetëm një shembull) kanë nevojë për një studio të re lëvizëse, telekamera apo aparatura të tjera, duhet t'i blenë ato. Ndërsa RTSH nuk ka nevojë të blerë, sepse i merr ato si dhuratë. Në këtë mënyrë mund t'i lejojë vetes luksin dhe shpenzimet që privatët i kanë të ndaluara, duke përfshirë këtu edhe të drejtën për të hapur një kanal të dytë. Edhe pse vazhdon të ketë një cilësi të dobët programesh, RTSH vazhdon të marrë financime të mëdha nga shteti, vetëm e vetëm sepse është një firmë shtetërore.
Ju zoti kryeministër, keni verifikuar ndonjëherë se si përdoren fondet e televizionit publik? Mund ta bëni këtë kontroll dhe t'i tregoni rezultatet e kontrollit edhe të tjerëve.
Nga ana tjetër, konkurenca e pandershme e kanalit të ri shtetëror, do të godasë televizionet private edhe në aspektin publicitar. Duke marrë një thelë të madhe të reklamave, ky stacion i ri do të shtojë dyfish barrën e konkurencës ndaj privatëve. Zoti Kryeministër. Me heshtjen tuaj po lejoni që shteti dhe institucionet e tjera përgjegjëse, të godasin në dy mënyra shtypin: Së pari duke legalizuar konkurencën e pandershme të televizionit publik. Nëse projekti i oligopolit të TVSH do të funksionojë, pas pak kohësh do të kemi vetëm një treg të mbizotëruar nga gazetat-kioska të grupeve të caktuara politike, që do të dhurohen dhe tre apo katër televizione, vasale të televizionit publik. Me pak fjalë, pas një boom-i të vërtetë demokracie mediatike të këtyre viteve të fundit, do të rrezikojmë të rishohim një shtyp të para viteve '90. Nëse do të ndodhë vërtet kjo, nuk do ndihmojë asnjë reformë zoti kryeministër. Sepse pa shtyp të lirë, Europa nuk do të na i hapë kurrë portat.