Liria e shtypit ne diktatin e krimit

[Albo]

Deputeti i PD-së Edi Paloka akuzon kryeministrin për represionin ndaj mediave

Nano udhëheq mafien kundër shtypit

Si e bleu Fatos Nano me njerëzit e tij të afërt TVA-në, dhe si e kontrollon ai shtypin shqiptar

Deputeti i Partisë Demokratike Edi Paloka u shpreh dje në seancën plenare në parlament se shembulli më i mirë i regresit që ka pësuar vendi është sjellja me mediat. "Eshtë e vërtetë që sot kemi me dhjetëra e dhjetëra gazeta, radio e televizione në vend, por fatkeqësisht numri i shumtë i tyre është vetëm pjesë e fasadës demokratike dhe pluraliste të regjimit mafio-diktatorial që është vendosur. Edhe 100 gazeta edhe dhjetëra radio e televizione nuk mund të jenë tregues demokracie e lirie në se ato flasin me të njëjtën gjuhë që i imponohet nga pushteti aktual. Fakti është që sot mafia dhe direkt shefi i kupolës mafioze Fatos Nano, kontrollojnë gati tërësisht mediat dhe rrjedhimisht atë që duhej të ishte fjala e lirë në Shqipëri", u shpreh Paloka.

"Tre janë format që janë përdorur për të nënshtruar mediat; blerja direkte ose indirekte e tyre, presionet e formave të ndryshme dhe në fund dhuna deri në eleminim fizik të atyre që nuk janë nënshtruar" u shpreh deputeti i PD-së.

"Një nga dy televizionet kombëtare, TVA është blerë direkt prej njerëzve më të afërt të kryeministrit Nano dhe jo vetëm kaq, por për të shtënë në dorë paketën e aksioneve të këtij televizioni, janë përdorur të gjitha mjetet antiligjore përfshi këtu dhe forma mafioze për të kërcënuar aksionerë të tjerë të mundshëm. Unë mund t'ju përmend se si Magic Bingo u kthye në Telebingo Kombëtare, se si me paratë e Telebingos, por jo vetëm me ato, u ble TVA, se si u shpallën në kërkim prej qeverisë Nano me akuza absurde aksionerë të tjerë vetëm që ata të përjashtoheshin nga pronësia tek TVA-ja etj., etj., por edhe këtyre do u vijë koha", u shpreh Paloka. Më tej deputeti i PD-së u shpreh se në kundërshtim me ligjin për mediat, një pjesë e shtypit të shkruar dhe e mediave elektronike marrin mbi 70% të reklamave shtetërore dhe nga ana tjetër ka gazeta dhe televizione që ne 5 vjet nuk kanë parë asnjë reklame shtetërore. Sipas tij dy televizione që nuk ndjekin pas qerren e Nanos janë çuar në prag të falimentimit nëpërmjet gjobave të policive financiare e tatimore dhe këtu nuk po flasim për mbyllje lokalesh, që i kanë kërkuar paratë e verës Nanos as për mbyllje kazinosh që kanë guxuar t'i fitojnë paratë kryeministrit, por për televizione. "Vetë shoku Fatos e ka marrë mundimin dhe ka hedhur në gjyq kryeredaktorin e gazetës "Tema", Mero Baze, duke iu dhënë zemër dhe ca goreve këtu në Parlament që ta kërcënonin dhe me vdekje më pas. E megjithatë prapë këto nuk janë rastet më të rënda të presioneve dhe kërcënimeve mbi mediat. Lufta më e egër është bërë për t'iu mbyllur gojën jo atyre që kanë një pozicion të qartë kundër qeverisë, por intelektualëve të pavarur, të cilët ashtu si gjatë qeverisjes demokratike dhe tani nuk dijnë të bëjnë konformistin apo ca më shumë të blihen. Për të mos mbetur pas, bashkëshortja e kryeministrit hodhi pak kohë më parë në gjyq Fatos Lubonjën e pra nuk besoj se ka njeri që të thotë se Lubonja është i PD-së. Por Lubonja e hodhi lumin, në thonjëza, ndërsa një tjetër zë i lirë, ai i Ylli Pangos për pak u shua me metodat demokratike të pushtetarëve", u shpreh Paloka.

[Albo]

Nikoll Lesi publikon mesazhet e Fatos Nanos për blerjen e shtypit

Nano-Lesit: "Bëhu me mua se fiton më shumë pará"

Lesi: Shteti dhe tatimorët ngrihen në punë kur i teket Xhoanës

Deputeti Nikoll Lesi, botues i gazetës Koha Jonë, u shpreh dje në kuvend se qeveria Nano janë të verifikueshëm në përpjekjet e tyre për të kontrolluar dhe blerë shtypin shqiptar. Lesi tha se gjatë muajve të fundit, janë shtuar presionet mbi mediat me qëllim për t'i vënë nën kontroll ato.

Në fjalimin e tij Lesi evokoi problemet që ka pasur shtypi në kohën që ishte në pushtet Partia Demokratike. Ai theksoi burgosjen e gazetarit Martin Leka dhe dënimin e tij me pesë muaj në qeli. "Por ndërsa ti zoti Nano i ke marrë lekët e burgut tënd, Martin Leka nuk i ka marrë," - theksoi Lesi. Duke e akuzuar Nanon se ka ndryshuar rrënjësisht pas martesës së dytë dhe pas nusërimit të dytë brenda këtij mandati socialist si kryeministër, Lesi akuzoi gruan e tij Xhoana Nano se ushtron presion tek qeveria për të mos pasur transparencë për bizneset e saj. Lesi tha se kryeministri përdor shtetin si çomange kundër shtypit duke ngritur në këmbë të gjitha llojet e policive jo kur kanë ata orarin zyrtar, por kur preken interesat e gruas së tij. Pas disa replikash me Fatos Nanon, Lesi kërkoi fjalën për të publikuar një mesazh joshës që vetë kryeministri Fatos Nano i ka dërguar kohë më parë në përpjekje për ta blerë atë. "Bëhu me mua pasi fiton më shumë pará" ishte mesazhi SMS që gjendej në celularin e Lesit. Ky mesazh i cili u bë publik nga vetë deputeti Lesi, i është dërguar në telefoni i kryeministrit Fatos Nano. Lesi ka sensibilizuar kuvendin në lidhje me këtë mesazh por ka qenë kryeparlamentari Pëllumbi që nuk ka lejuar debatet në lidhje me këtë çështje. Lesi u shpreh se ky mesazh tregon fare qartë sesi Nano ushtron presion mbi mediat apo tenton t'i blejë ato.

[Albo]

Deputeti Sokol Olldashi prezanton dosjen e gjyqeve të "qeverisë Nano" me shtypin

Familja Nano, pronare e shtypit

Olldashi: Ju ftoj publikisht të tërhiqeni dhe të detyroni edhe grigjën tuaj të bëjë të njëjtën gjë. Sigurisht që është zgjedhja juaj në do ta bëni këtë apo jo, por është e sigurt që edhe nëse do të vazhdoni, zor se do të mund të ndryshoni fatin familjar të qeverisjes suaj që nuk e do as gjysma e ministrave që bëjnë pjesë në të

Gjergji Koja

Deputeti i Partisë Demokratike, Sokol Olldashi, e nisi fjalimin e tij duke prezantuar para parlamentit dosjen me të cilën është marrë i pandehur kryeredaktori i gazetës "TemA" Mero Baze, nga kryeministri Fatos Nano. Duke iu referuar fjalimit të zotit Nano, Olldashi prezantoi dosjen para Kuvendit duke theksuar se padia është firmosur nga njeriu që foli pak minuta më parë në këtë sallë dhe kërkoi fakte për shkeljen e lirisë së shtypit.

Olldashi citoi dosjen në të cilën Fatos Nano, i ka kërkuar Prokurorisë së rrethit të Tiranës, të fillojë procedimin penal ndaj kryeredaktorit të gazetës "TemA", Mero Baze, duke pretenduar se në editorialin e datës 16 maj 2003 botuar në këtë gazetë, "është shpifur publikisht ndaj tij, për shkak të detyrës që ai kryen."

Zoti Baze ka krahasuar në editorial, kriteret e ndryshme që janë përdorur për dëmshpërblimin e ish-të burgosurve politikë dhe kompensimet që morën ish-zyrtarët e lartë të regjimit komunist për dënimet që morën në vitet e para të pluralizmit, përfshi dhe zotin Fatos Nano, që as që ka marrë mundimin të përgjigjet në të tjerë raste, kur shtypi ka botuar akuza konkrete si ato të z.Braho, apo si ato për përfshirje të kryeministrit në vrasjen e një qytetari.

Prezantimi i Olldashit ishte irritues për shumë deputetë socialistë në sallë dhe veçanërisht deputetin Gjinushi, i cili kafshonte vazhdimisht buzën ndërsa dëgjonte fjalinë e Olldashit. Shenja nervozizmi shfaqte po ashtu deputetja Makbule Çeço. Në fjalën e tij Olldashi theksoi apelin e 10 gazetarëve dhe redaktorëve kryesorë të shtypit shqiptar, që i kërkonin qeverisë të ndalte fushatën për censurimin dhe gjunjëzimin e medias së pavarur.

Më pas Olldashi citoi një për një paditë kryesore gjyqësore të ngritura ndaj gazetës Tema, gazetës 55 dhe gazetës RD.

Olldashi theksoi se "Gazeta 55", po rifreskon një traditë të hershme të saj për procese gjyqësore. Duke theksuar faktin që gazeta ka fituar emër në Shqipëri gjatë vitit 1997-1998 në kohën e trazirave, kur ajo botoi një sërë raportesh investiguese rreth trazirave në Vlorë dhe Jug të Shqipërisë dhe denoncoi shumë personalitete politike të lidhur me bandat e organizuara në jug, vuri në dukje se shumë nga këta emra ngritën padi ndaj gazetës, duke çuar në mbi 100 numrin e tyre.

Gazeta tjetër opozitare "Rilindja Demokratike", organ i Partisë Demokratike në opozitë, është bërë ndërkohë tabelë qitjeje për shumë zyrtarë të lartë shqiptarë. Kryeredaktori i kësaj gazete Astrit Patozi, dënohet rregullisht për çdo deklaratë të Partisë Demokratike që boton në gazetë. Kjo është e paprecedent, pasi ai nuk mund të censurojë pikëpamjet e Partisë, organ i së cilës është gazeta që ai drejton.

Olldashi theksoi se disa biznesmenë të lidhur me qeverinë po përpiqen të investojnë në shtyp, duke i shërbyer politikisht qeverisë, përmes prishjes së tregut, relativizimit të të vërtetave që botohen në gazetat e pavarura, dhe duke nxitur konkurrencën e pandershme. Gazetat e këtij lloji shiten rreth tri herë më lirë në treg se gazetat e pavarura dhe po synojnë falimentimin e shtypit të pavarur. Gazetari i njohur shqiptar Fatos Lubonja, i cili kundërshtoi këto lloj investimesh në shtyp, dhe hapi një fushatë ballafaqimi me botuesin e gazetës "Shekulli", Koço Kokëdhima, gjendet po ashtu në gjykatë për shpifje ndaj tij, ndërkohë që z.Lubonja është një zë shumë përfaqësues i së majtës shqiptare dhe mendimit liberal në Shqipëri.

Madje, përpara Kokëdhimës, kërcënimin ndaj Lubonjës e nisi vetë z.Nano, me padinë e tij kundër z.Lubonja, padi që u transferua nga kryetari i qeverisë tek biznesmeni i qeverisë, ndërsa padia e zotit Nano u trasferua tek zoti Baze.

Zoti Kryeministër, unë ju ftoj publikisht të tërhiqeni dhe të detyroni edhe grigjën tuaj të bëjë të njëjtën gjë, nga dhuna e pashembullt që po ushtroni mbi gazetarët dhe shtypin shqiptar që, falë këmbënguljes suaj, gjendet sot në ditën e tij më të zezë.

Sigurisht që është zgjedhja juaj në do ta bëni këtë apo jo, por është e sigurt që edhe nëse do të vazhdoni, zor se do të mund të ndryshoni fatin familjar të qeverisjes suaj që nuk e do as gjysma e ministrave që bëjnë pjesë në të pa folur më pas për shtypin, opinionin qytetar apo elektoratin në tërësi.

Në të njëjtën kohë, detyrë e këtij Kuvendi është hartimi urgjent i një ligji për shtypin ku të garantohet barazia në shpërndarjen e reklamave, trajtimi i gazetarëve sipas ligjit për shtypin dhe jo sipas Kodit Penal dhe Civil si dhe shmangia e konfliktit të interesave në investimet që bëhen në shtyp Ndryshe, nëse do të lejojmë që kjo situatë të vazhdojë edhe më, shumë shpejt nuk do të kemi më shtyp të pavarur, por do të jemi kthyer në demokracinë e Radio Fllakës që do të raportojë nga arat, fabrikat e kantieret e Robert Çamçakëzit, për sukseset e metodës 007 J në mbarështimin e specieve informative të musaulqinizuara.

Tema

[Orku]

Shekulli

Braçe: “Shekulli”, gazeta më e shitur në vend

TIRANE - “Kam qenë para jush që kam shkruar për botuesin e “Shekullit”, Koço Kokëdhima, që para tre vjetësh. Por më thoni, si shpjegohet që një gazetë e shitur te qeveria, sipas jush, është aktualisht gazeta me tirazhin më të madh në vend? Si shpjegohet që “Shekulli” është gazeta më e shitur në vend, sa 10 gazeta të marra së bashku, kur ju thoni se të gjithë shqiptarët e dinë se ajo është e lidhur me qeverinë?” Kështu u shpreh dje deputeti socialist Erjon Braçe, në fjalën e tij, në debatin e djeshëm në kuvend për lirinë e medias në vend. Braçe ishte i mendimit se e seanca ishte e pavlefshme, pasi një pushtet (legjislativi) nuk mund të vendosë për një pushtet tjetër, siç është ai i medias. Po kështu, sipas tij, nuk mund të debatosh për disa orë, pa dalë në një përfundim konkret, siç ndodhi dje. “Ne nuk kemi asnjë rast apo shembull për të cilin të flasin apo t’i referohemi; nuk kemi më raste të burgosjes së gazetarëve, dhunës ndaj tyre apo mbylljen e ndonjë gazete a televizioni”,- shtoi Braçe.
Deputeti i PS-së, ndërkaq, për të vendosur rregull në marrëdhëniet e medias, propozi diskutimin e një ligji për shtypin, në të cilin të parashikohet barazi për bizneset që merren me mediat si dhe çështjen e ligjit të konfliktit të interesave.

[lis]

Date 24 qershor 2003
POLITIKA

Nano: S’do të tolerohen mediat gjobëvënëse

Kryeministri: Gruaja ime, ka biznes të ligjshëm

Majko: Marrëdhëniet e medias me shtetin, të komplikuara

Blushi: Të krijohet “Urdhri i Gazetarit”

Gjinushi: Opozita po shpif, ka frikë nga gjykatat

Braçe: “Shekulli”, gazeta më e shitur në vend

Beja: Mediat, trafik influencash

Zogaj: Gazetat të shpërndahen edhe në fshatra

Shkarkohet nga puna gruaja e Fatos Klosit


Po te vini re ne titujt kryesore ne lidhje me median e shkruar dhe ate elektronike do te arrini te kuptoni se qeveria eshte e vendosur te ruaje fatin dhe karrigen e saj edhe per nje kohe ta pacaktuar.
Liria e shtypit deri me sot nuk ka qene ashtu sikur parashikohej dhe paraqitej.
Ndersa gazeta "koha jone" filloi fushaten sensibilizuese ne lidhje aferat qe behen me emigrantet dhe qeverine shqiptare, tashme duket sikur nga loja difensive ato i rikthehen ofensives duke perdorur cdo lloj metode per te mposhtur edhe ate pak fjale te lire qe eksiston neper median e shkruar.
Ky do te jete krimi me i madh qe ka pare Shqiperia dhe populli i saj mbas 50 vjeteve rregjim nendiktature.
Media e lire nuk cenon asnjeri pervecese nxjerr ne pah te metat dhe aferat e dyshimta qe luhen mbi shpinen e nje populli fukara dhe te pafat.
Te cenosh gazeten e opozites, ti besh presione etj etj, kjo do te thote kulmi i rikthimit te diktatures komuniste.
Jne egersuar sepse nuk duan te hyjne neper burgjet e sajuara nga vete ata.

[Orku]

Aresye perse Shekulli eshte gazeta me e shitur eshte aq e thjeshte sa edhe Brace me pak perpjekje mund ta kuptoje ..... Gazeta Shekulli eshte e perditshmja me me shume faqe, ka cilesine e letres me te mire se asnje gazete tjeter, paguan honoraret me te shtrenjta ne krahasim me gazetat e tjera, si dhe ka nje staf shume te gjere gazetaresh ..... deri ketu ne dukje nuk ka asgje te keqe por problemi eshte tek cmimi ..... vetem 20 leke te reja .... qe eshte edhe cmimi me i lire i tregut per gazetat .

Sigurisht qe me nje cmim te tille kjo gazete veshtire se do te paguante shtypshkronjen, per te mos llogaritur stafin dhe penat mercenare ..

Pergjigja eshte shume e thjeshte gazeta del me nje cmim me te ulet se kosto e prodhimit .... ajo financohet nga bizneset e Kokedhimes te cilat jane kryesisht tendera qe i jepen jashte cdo norme (sic ishte ai i bashkise kur kishte fituar tenderin edhe pse ishte terhequr) nga qeveria dhe administrata e shtetit. Pra Koko nuk e ka problem ta shperndaje edhe gratis, gazeten qe lavderon qeverine, sepse kjo eshte pjese e nje biznesi me te gjere qe perkthehet ndryshe korrupsion ekonomik dhe politik.

Sot konkurenca e shtypit per te mbijetuar eshte zhvendosur nga tregu ne zyrat e qeverise, ministrise se rendit dhe shikut .... aty botuesit angazhohen ne nje gare te ethshme servilizmi per te fituar statusin e mantenutes e cila nuk paguhet me leket e vjedhura te Fantocit(dhendri) apo Cigares(Gramoz Ruci) por drejt per drejt nga taksat tona.

Pra sic shikohet qarte Shekulli eshte gazeta me e shitur pasi e blejme ose jo , na pelqen ose jo, ajo financohet njelloj me parate tona !

[ALBA]

NANO NE FADROME KUNDER MEDIAS

Fatos Nano ka filluar te lexoje gazetat ne mengjes me Mark Nikollin, drejtorin e Policise ndertimore, nje mirditor dikur i flakte per liri e tani i zbutur kioskave te Tiranes. Sapo sheh ndonje artikull kritik, urdheron drejtorin e ndertimores: bej gati fadromen per ndertesen e gazetes x apo y. Shpesh, ne leximin e shtypit te mengjesit, Nano fton edhe Drejtorin e Tatimoreve. Shpetim Idrizin, nje biznesmen i suksesshem para se te behej drejtor i madh. Kur nxjerr krye nje qendrim oponent urdheron: dergoi policet tatimore ne redaksi. Si gjithnje pas perdes eshte Agim Isaku. Sa here urdheron Nano, ai perforcon: Bjeru eger qenave! Dhe harron se eshte vete nje frymor qe zvogelohet perdite pershkak te keshillave te mbrapshta qe I jep te zotit.

Kjo eshte sjellja e pergjithshme, prej kohesh e kryeqeverisesit. Ajo qe bie vecanerisht ne sy, eshte nje beteje qeveritare qe ka nisur kunder gazetes "Koha Jone", dhe grupit mediatik "Klan". Nano ndjehet i shqetesuar dhe i ngacmuar nga oponenca politike dhe linjat editoruese te ketyre dy qendrave kryesore te medias ne vend.

Nano pergatiti nje fjalim te tere kunder gazetes "Koha Jone" ne parlament, gjate debatit te kerkuar nga opozita, ne fillim te kesaj jave. "Informale, informale, ilegale.", keto ishin vleresimet e kryeministrit per kete kompani mediatike. Ka qene zelli I tij per t'u pozicionuar, pa iu permbajtur principit :"Shih se pari veten!". Ne kete kembengulje te luftes kunder "Kohes", kryeqeverisesi harron se informalitetin e ka vete qe ne prag e perreth tij. Madje ne emer te ketij informalizmi ai perdor urdherimin kryeqeverises. Nderkohe qe inati dhe deshperimi I tij paskesaj rendon mbi policet e tij, te nisur yrysh pas leximit te shtypit te dites, drejt selise se "KJ", prej ku kthehen duarbosh. As me te voglen gjurme te informalitetit. Tjeter gje thone policet e specializuar per kete pune per financat dhe letrat e "KJ", tjeter Nano ne parlament.Ne kete pike kryeqeverisesi Nano ka rene ne reminishence me Blerim Celen e PD-se, se dikurshme. Edhe Cela atehere dergonte grupe kontrolli te policise financiare sa here e kritikonte gazeta "Koha Jone". Sa informale duket kjo mosperputhje mes asaj qe turren per te kapur e asaj qe del nga kontrolli. Tamam si bashkejetesa e Nanos! Nga ana tjeter, inspektimet "ad hock" urbanistike, ne kerkim te ndonje informaliteti te drejtuesve te medias i kane dhene Nanos mundesi te reja presioni. Pronaret kryesore te Klanit, cdo dite gdhihen te shqetesuar dhe presin uturimen e fadromes. Gazeta dhe televizioni qe ka ky grup mediatik nuk po dorezohen. Ne barrikaden e fjales se lire ne ate front mediatik kane dale te mirenjohurit Frangaj, Fevziu, Shkullaku dhe Bushati, qete kater gazetare e drejtues te se pares gazete te pavarur ne Shqiperi, "Koha Jone". Oponenca e tyre ka sjelle repliken e Nanos. Kesaj radhe fjalimi eshte i shkurter jo si ai ne parlament per gazeten "KJ". Madje fjalimi eshte krejt i shkurter, vetem nje fjale: Mark Nikolli, dhe me pas kuptohet vete, te shkulen vilat e Klanit ne Durres. Dhe fadroma shfaqen ne skene si nje garante e paprekshmerise se figures se zeusit. Kjo metafore reale e kryeqeverisesit ne marredhenien aktuale me mediat, eshte tipike.

Por cfare ndodh aktualisht ne gazeten "Koha Jone" dhe ne median e Klanit. Ne te dy rastet Nano ka perballe nje grup gazetaresh anti-konformiste qe po e kritikojne shpesh ne lidhje me keqqeverisjen dhe abuzimet e tij. Kjo eshte nje oponence parimore qe bazohet vetem ne principet profesionale dhe detyrimet karshi lexuesit. Eshte Nano vete qe e lidh kete pune me Meten. Perpara se zv-kryeministri te nxirrte letren, gazetaret e "KJ" dhe "Klan", kane publikuar me dhjetra dhe qindra letra ku denoncojne nepotizmin, trafikun e influences, pushtimin e zyrave te shtetit nga njerez besnike te kryeministrit, etj.

Keto jane karakteristika te "KJ" dhe gazetareve te Klanit, madje berja e oponences jane ne thelb keto dy entitete te medias. Nano nuk mund te ndryshoje nje gje qe ka lindur keshtu dhe ka ardhur deri ketu pa u deformuar. Jane te gabuara perpjekjet e tij. Ai kishte dhe ka ne dore te permiresoje dhe te beje ndryshe qeverisjen e tij. Vetem keshtu do te ndjente edhe qendrimet vleresuese te gazetareve, te cilet nuk jane nihiliste te lindur. Nje pune e mire gjithnje pershendetet, pavaresisht kriticizmit.

Gazetaret e "KJ" dhe te Klanit jane berthama qe ne fillim te shtypit te lire, pasi kane lindur nga nje dere, i cili quhet Universiteti i Medias "Koha Jone". Duke ruajtur lirine, keta gazetare kane paguar shume, pasi jane nen trysni dhe dhune vazhdimisht. Pushteti i meparshem dogji redaksine, pushteti i sotem ka hypur ne fadrome. Pavaresisht kesaj, shtypi i lire dhe gazetaret antikonformiste do te fitojne sepse puna e tyre eshte e ngritur mbi parime. Ndersa presionet qeveritare kane per te deshtuar sepse jane ngritur mbi morale te prishura. Historia ka treguar se pushteti ka humbur perballe medias.

Redaksia e "KJ"

[deniel]

shikoni se ctha aleksander frangaj pronari i rrjetit televiziv klan .kur fatos klosi do jepte interviste tek top chanell ateher iku policia financiare tek piramida per kontroll per lori kafen pra ishte provokim ose presion i qarte cdonte lori kafe te piramida ose tek zyrat e top chanellit

[Redi]

Fatos Nano dhe pushteti i sotem eshte Produkt i Koha Jone. Ata dhane nje kontribut jo te vogel ne instalimin e ketij pushteti dhe keshtu qe kane pritur perfitimet te cilat nuk kane ardhur.
Te jesh Antikonformist eshte nje gje, por ta propagandosh me cfare ke mundesi, eshte dicka tjeter.

[ALBA]

Të ndëshkuarit e mëdhenj janë gazetarë të opozitës dhe për herë të parë kanë filluar të bëhen padi edhe për opinione, çka nuk ndodh në asnjë vend tjetër. Tashmë gazetarët merren të pandehur penalisht

Gazetarët në gjyqe, fitojnë politikanët

Mentor Beqa

Prej disa kohësh ka nisur një furtunë gjyqesh kundër gazetarëve të shtypit të shkruar, medias elektronike dhe gazetarëve të pavarur. Pothuajse të gjithë gjyqet që janë kryer apo janë të ende në proces në gjykatën e Tiranës, kundër gazetarëve, janë prej politikanëve ose njerëzve të lidhur ngushtë me politikën. Ajo që të bën përshtypje është se sipas Gjykatës pothuajse asnjë prej këtyre gazetarëve nuk ka pasur të drejtë në ato që ka shkruar. Gjykata gjithnjë ka dhënë një vendim që ka nxjerrë fitues pushtetarët apo politikanët akuzues. Në 15 raste gjyqesh kryesore që janë regjistruar vitet e fundit dhe që janë vënë në dispozicion nga Gjykata e Tiranës kemi vetëm dy raste kur janë pushuar çështjet në ngarkim të gazetarëve Astrit Patozi, i hedhur në gjyq nga Bashkim Fino, dhe Fatos Baxhaku, i hedhur në gjyq nga Maks Haxhia. Kjo ka ndodhur pasi paditësit nuk janë paraqitur në gjyq. Disa prej vendimeve të Gjykatës së faktit janë apeluar, por janë shumë pak raste kur vendimi që shpall fajtor gazetarin është rrëzuar. Rasti i fundit është rrëzimi i vendimit të Gjykatës së Faktit nga Gjykata e Apelit, që e shpallte fajtor Top channel duke e dënuar me 3 milion lekë gjobë. E vetmja gjë që Gjykata e Faktit ka bërë është ulja në disa raste e gjobave marramendëse që kanë kërkuar paditësit që shkojnë deri në 100 milion lekë të vjetra. Shkrimet e gazetarëve të hedhur në gjyq nuk e kanë nxitur asnjëherë gjykatën që të pezullojë çështjen me qëllim që prokuroria të hetojë njëherë ato që thuhen në shkrime dhe më pas gjykata të japë vendimin. Praktika e hedhjes në gjyq të gazetarëve nuk është një praktikë e re që po ndiqet nga pushtetarët e kohës, por shumë e përhapur edhe më parë. Një rol të madh në sensibilizimin e kësaj çështje ka luajtur hedhja në gjyq e gazetarit Fatos Lubonja nga Koço Kokëdhima, një person që vetë Lubonja e ka etiketuar për lidhje të ngushta me politikën, për shkak të bizneseve të tij që jetojnë nga taksat publike. Ky është një proces që vijon të zhvillohet, por që edhe këtu u tentua të manipulohej, derisa vetë Lubonja kërkoi zëvendësimin e gjyqtares me një gjyqtare tjetër. Nga pesë seanca të zhvilluara deri tani në këtë gjyq të gjykuar nga Anila Capo, në dy prej tyre gazetari Lubonja nuk është lejuar të japë sqarime për një prej pikave të akuzës së paditësit. Një faktor tjetër sensibilizues është hedhja në gjyq e gazetarit Mero Baze nga nënkryetarja e Kuvendit Makbule Çeço. Kryeredaktori i gazetës Tema tani po përballet edhe me një sërë gjyqesh të tjera që janë ende në proces dhe këto vijnë pikërisht nga kupola e shtetit. Gjyqi më i fundit i regjistruar ndaj tij është ai me kryeministrin Fatos Nano. Një gjyq tjetër është edhe ai me kryetarin e Partisë Socialdemokrate Skënder Gjinushi.

Liria e shtypit është një problem që sipas Lubonjës ka të bëjë me qëndrueshmërinë e sistemit demokratik në vend. "Nëse dhunohet fjala e lirë, nëse gazetarët nuk kanë minimumin e mbrojtjes përballë politikanëve, atëherë vihet në dyshim ekzistenca e një prej shtyllave të demokracisë, që është shtypi i lirë", ka thënë ai. Gazetarët janë fare të ekspozuar para çdo presioni dhe gjyqi ndaj politikanëve. E ndërsa politikanët akuzojnë njëri tjetrin përditë për afera korruptive, asnjëherë çështjet nuk janë zgjidhur në gjyq dhe asnjë prej tyre nuk është dënuar me burg apo me gjobë nga gjykatat. Ndërsa në përballjen në Gjykata, të gazetarëve me politikanët, i habitshëm është fakti se gazetarët asnjëherë nuk kishin pasur të drejtë. Asnjëherë nuk arriti gjykata që të nxjerrë pushtetarët fajtorë. Një problem i madh është se, kur gazetari përfundon në gjyq në Shqipëri, nuk ekziston ai postulati, që ekziston kudo në botën e qytetëruar "çdo gjë e dyshimtë është në favor të tij". Këtu tek ne kthehet në "çdo gjë e dyshimtë është në favor pushtetarit." Raportet e pafundme ndërkombëtare që vijnë me kritika, rekomandime e sugjerime për ndryshimet e nevojshme në qeverisjen shqiptare, kanë si një ndër pikat më të rëndësishme "ruajtjen e lirisë së shtypit". Edhe Presidenti i Republikës Alfred Moisiu ka shprehur indinjatën e vet për ndërhyrjet e qeverisë dhe personave të tjerë me pushtet në cënimin e lirisë së mediave. Ai u ka bërë thirrje institucioneve më të lartë të drejtimit të vendit që të kenë shumë kujdes me shtypin. Ai ka premtuar angazhim në zgjidhjen e këtij problemi kaq vital për një shoqëri që pretendon të jetë demokratike. Duke parë nënshtrimin e shumicës së mediave nga pushtetarët, fenomeni i gjyqeve ndaj gazetarëve, bëhet ende më shqetësues. Tashmë edhe ata pak gazetarë që kanë ngelur për të thënë të vërtetën, për të kryer atë detyrë të shenjtë përballë publikut, rrezikohen seriozisht për t'u nxjerrë nga kjo lojë mediatike aspak e ndershme. Gjobat që kërkojnë politikanët, që kapin shifra të paimagjinueshme për të ardhurat e një gazetari, deri në 100 milionë lekë të vjetra, janë haptazi një presion, një shantazh, një kërcënim për t'u nënshtruar për të bërë atë që të thonë të tjerët, duke u shndërruar në një "sejmen" besnik ndaj "spahiut" tënd dhe i gatshëm për çdo shërbim ndaj tij. Ky është kërcënimi më i madh ndaj gazetarisë shqiptare dhe i demokracisë së brishtë së bashku me të.



1) I padituri- Gazeta Albania

Paditësi - Bashkim Fino

Objekti i Padisë - Cënim i nderit dhe personalitetit me anë të shpifjes, dhe shpërblim i i dëmit jopasuror.

Gjykata e Fakit Tiranë, më 29 shtator jep vendimin duke e shpallur kolektivisht gazetën 'Albania' si fajtore për akuzën e pretenduar nga i pandehuri dhe e gjobit me një shumë prej 2 milion lekësh. Çështja më pas ka kaluar në gjykatën e Apelit ku edhe ajo ka lënë në fuqi vendimin e gjykatës së Faktit vetëm se ka parë të arsyeshme të ulë gjobën në 1 milion lekë. Gazeta është gjobitur pasi më 7 korrik 1998 kishte publikuar një artikull me titull "Fino, drejtuesi i kontrabandës nga Greqia". Shkrimi sjell të dhëna për kontrabandën e cigareve në jug të Shqipërisë. Aty ka dëshmi reale por të paidentifikuara.

2) I akuzuari - Gazeta Rilindja Demokratike

Paditësi - Bashkim Fino

Objektii i padisë - Shpifje dhe fyerje

Kjo çështje është mbyllur nga Gjykata e Faktit pasi paditësi Bashkim Fino nuk u paraqit në gjyq.

Kjo padi është bërë për një artikull në gazetën RD më 23.02.2000 me titull " Fino, vjedhja e radhës"

3) I pandehur - Artan Hoxha, gazetar i " Gazeta Shqiptare"

Paditësi - Ndre Legisi

Akuza- Shpifje

Më 12 gusht 1999 Legisi depoziton kërkesë padinë kundër gazetarit dhe në përfundim Gjykata dha vendimin, duke e shpallur fajtor gazetarin për veprën e "shpifjes".

Gazetari u hodh në gjyq për një artikull të botuar më 11 gusht 1999, "Legisi e Dokle, kontrabandistë". Artikulli përmban komente mbi një mbledhje të ministrisë së Rendit ku përmendet emri i Ndre Legisit si konrabandist.

4) Të akuzuar- Erion Tase dhe Fatos Baxhaku

Paditësi- Maks Haxhia

Akuza - Shpifje e kryer botërisht, vepër e parashikuar në kodin penal.

Paditësi Haxhia është tërhequr nga padia dhe gjykata e ka mbyllur gjykimin mbi këtë çështje.

Gazetarët janë hedhur në gjyq pasi kishin botuar një artikull në "Gazeta Shqiptare" më 26.05.1998 me titull "Prokuroria, Avokati të kthejë paratë e VEFA-s". Në këtë artikull përmenden shuma të mëdha të tërhequra nga subjekte të ndryshme nga firmat piramidale.

5)- I akuzuar- Astrit Patozi kryeredaktor i gazetës RD

Paditësi- Petro Koçi

Akuza- Shpifje dhe fyerje publike, vepër penale e parashikuar nga Kodi penal

Gjykata e Fakit vendosi deklarimin fajtor të Patozit dhe dënimin e tij me 5 mijë dollarë gjobë. Shkrimi për të cilin Patozi është hedhur në gjyq është botuar në 'Rilindja Demokratike' dhe flet për një lidhje të Koçit me një firmë karburantesh.

6) I akuzuar - Pandi Gjata, gazetar në Koha Jonë

Paditësi - Skënder Gjinushi

Akuza- Shpifje e kryer botërisht, vepër penale e kryer botërisht

Gjykata e Faktit pas shqyrtimit të çështjes vendosi dënimin me gjobën 20 mijë lekë të gazetarit.

Kjo është çudia më e madhe në vendimet që ka dhënë gjykata, pasi gazetari është deklaruar fajtor pasi citimin e Dekanit të fakultetit të ekonomisë Dhori Kule e ka përdorur si titull në gazetën "Koha Jonë" në një artikull me titull "Gjinushi, ky mafioz i rrezikshëm i politikës"

7) I akuzuar - Astrit Patozi, Rilindja Demokratike

Paditës - Monika Kryemadhi

Akuza - Shpifje, veëpër penale e parashikuar nga neni 120 i kodit penal

Gjykata e Faktit Tiranë vendosi të shpallë fajtor Astrit Patozin, për veprën e shpifjes dhe e dënoi atë me një gjobë prej 600 mijë lekësh të reja.

Patozi u gjobit për një artikull të botuar në Rilindja demokratike me titull "Monika Kryemadhi, gjashtë mijë dollarë në muaj tek Rogneri". Në artikull shtrohen pyetje se ku i gjen këto para gruaja e Ilir Metës në atë kohë kryeministër.

8)- I akuzuar- Redin Hafizi

Paditës - Monika Kryemadhi

Akuza- Shpifje, vepër penale e parashikuar në kodin penal

Gjykata e faktit vendosi të gjobisë me 500 mijë lekë të reja gazetarin Hafizi. Vendimi u çua edhe në dy shkallët e tjerë të gjyqësorit, por nuk u ndryshua.

Gazetari është hedhur në gjyq për një artikull të botuar në "RD" me titull "Dy të vdekur në pronën e çiftit Meta" dhe ka në qendër vdekjen aksidentale të dy punëtorëve të një guroreje në Zall-Dajt. Pikërisht për vdekjen e tyre, Hafizi bën fajtore të shoqen e ish-kryeministrit.

9)- I akuzuar- Shemsi Peposhi

Paditës- Monika Kryemadhi

Akuza- Shpifje

Gjykata e Faktit shpalli fajtor gazetarin për akuzën e shpifjes duke e dënuar atë me një gjobë prej 500 mijë lekësh të reja.

Tri ditë pas shkrimit të Hafizit që u gjobit nga gjykata është shkruar një shkrim tjetër nga Peposhi që në formën e komentit shtron një sërë pyetjesh për Kryemadhin ku i kërkon që të sqarojë akuzat që ishin hedhur mbi të. Megjithëse nuk kishte fyer apo cënuar ndokënd gjykata vendosi për dënimin e tij.

10)- I paditur Artur Bega dhe Astrit Patozi, gazetar në Rilindja Demokratike

Paditës - Arben Malaj

Objekti i padisë - Shpërblim me shumën 4 milion lekë të dëmit moral si rezultat i cënimit të nderit dhe dinjitetit me anë të shpifjes publike

Gjykata vendosi më 09.07.2002 pranimin e pjesshëm të akuzës duke e detyruar të akuzuarin Artur Bega të paguajë një gjobë prej 500 mijë lekësh të reja ndërsa ka vendosur përjashtimin nga akuza të kryeredaktorit Astrit Patozi. Artikulli i datës 26.03.2002 "prova të reja për grabitjet e Kryetarit të Grupit Parlamentar të Partisë Socialiste", ka disa faksimile të firmës rentiere "Cenaj co", dhe gjatë artikullit del edhe emri i Arben Malaj si Drejtor i studimeve shkencore të kësaj firme.

11- I paditur- Gazeta Republika

Paditës - Bashkim Fino

Objekti i padisë- Shpërblim me shumën e 4 milion lekëve të reja të dëmit moral si rezultat i cënimit të nderit dhe dinjitetit me anë të shpifjes publike

Gjykata vendosi më 25.01.2001, dënimin me 4 milion lekë gjobë të gazetës Republika

Gazeta është hedhur në gjyq pasi më 18 korrik 2001 ka botuar një artikull me titull " Bashkim Fino me apartament 4+1 në Selanik". Me këtë shkrim synohet të jepen informacione për jetën luksoze të pushtetarëve shqiptar.

12)- I paditur- Gazeta 55

Paditës - Makbule Çeço

Objekti i padisë - Shlyerje e dëmi moral duke paguar 5 milion lekë të reja, pasi dëmi është shkaktuar me anë të shpifjes publike.

Vendimi i gjykatës u dha më 13.11.2002 ku gazeta u gjobit me 1 milion lekë të reja dhe detyrim për të përgënjeshtruar artikullin.

Gazeta u hodh në gjyq për një artikull me titull "Deputetët që zgjodhi Klosi me 1.8 miliard lekë"

13)- I paditur - Gazeta Tema

Paditësi - Makbule Çeço

Objekti i padisë - Përgënjeshtrim të artikullit të botuar në gazetën Tema "Deputetët të shtrënguar të mbrojnë Klosin".

Gjykata vendosi gjobitjen me 500 mijë lekë të reja të gazetës Tema të përfaqësuar nga kryeredaktori Mero Baze.

Në këtë artikull jepen të dhëna mbi deputetët që në atë kohë prëkrahnin Fatos Klosin.

14 - I paditur - Top Channel

Paditësi Vjollca Uruçi

Objekti i padisë - Shpërblim dëmi me shumën 10 milion lekë të reja për cënin të nderit personal

Gjykata vendosi të dënojë 'Top channel' me një gjobë prej 3 milion lekësh të reja.

Këtë vendim e ka hedhur poshtë Gjykata e Apelit duke e nxjerrë televizionin të pafajshëm për akuzën e shpifjes.

Top channel u hodh në gjyq pasi kishte trasmetuar një intervistë Fillo Lilës që akuzonte një juriste të presidencës Vjollca Uruçi për ryshfete.

15 -I padituri - Rilindja Demokratike

Paditës - Dashamir Uruçi

Objekti i padisë - Shpërblim të dëmit moral me një shumë prej 1 milion lekësh të reja.

Gjykata vendosi dënimin e gazetës me po 1 milion lekë të reja për disa artikuj që janë botuar më datë 05.06.2001 dhe më pas për çiftin Uruçi.