Liria e shtypit ne diktatin e krimit

[Orku]

Vallja nuk hidhet thuajse kurre vetem. Nuk ka dyshim se qeveria dhe klanet brenda saj kane korruptuar pjesen me te madhe te medias.... por a duhen fajesuar vetem ata per kete ???

E vetmja gje qe mund te thuhet per ta eshte se nga burojne milionat me te cilat blejne aksione, bejne dhurata, japin shperblime , censurojne , manipulojne, mashtrojne etj etj.

Por faji kryesor eshte i atyre qe korruptohen pra konkretisht i mediave qe pranojne nje pazar te tille. Keto media jane ne rolin e prostitutes te cilat shkojne me ate qe i paguan me mire, por ne ndryshim nga prostituta qe shet trupin keta shesin mashtrime, hipokrizi, levdata, sulme dhe shpifje. Ndokujt mund ti duket ky aktivitet me i paster por une mendoj se midis asaj qe jep trupin dhe atij qe le peng shpirtin ky i fundit eshte me i abuzueshem dhe si rrjedhim me keqberes.

Nese duam media te pavarur dhe te lire e vetmja menyre per t'ia arritur qellimit eshte lufta ndaj, korrupsionit, trafiqeve, krimit te organizuar qe sherbejne si burime financime per keto media. Kjo eshte forma e vetem qe shpirti i tyre prej prostitute te ngelet pa klientele dhe i lire.

[Patrioti]

Pershendetje !

Ne Shqiperi asnje media qofte e shkruar, qofte vizive nuk eshte financiarisht e pavarur. Qe do te thote ato te gjitha ne nje fare menyre varen nga persona apo parti te cilat bejne finanincimet perkatese.
Per pasoje ato te gjitha ndjekin pak a shume "politikat" e diktuara nga lart.
Vlen te permenden tre gazetat me kryesore:
Koha Jone: shkruan sipas konjukturave Lesi-Berisha-Nano
Shekulli: Arme ne duart e 2K ( pergjithesisht proqeveritare, se ajo i jep tenderat )
G. Shqiptare: Para shume kohe ndroi K.Redaktorin dhe pak e nga pak u kthye ne kurve te qeverise ( i jep reklama + subvencione )

Faktor tjeter qe ndikon ne "lirine" e mediave eshte dhe bagazhi qe sjellin me vete bashkpunetoret e ketij shtypi ( dallohet nga cilesia e punes qe sjellin ) qe e shikojne median si arme personale ne lufte ndaj armiqve personale.
Nje loje tjeter e poshter qe luhet ne kuriz te publikut eshte kur gazetare te tille behen trumbetues te "aritjeve" qe ka filan shef policie apo kryetar bashkie, per hir te ndonje lajmi apo te drejte televizive qe mund te fitojne me vone.
Per hir te kushteve aktuale them qe mediat shqiptare jane akoma larg te te qenit vertet te pavarura dhe te berit oponence si qeverise ashtu dhe opozites si psh simotrat e tyre ne bote "Der Spiegel" " Times" etj.

[Orku]

Komisioni Evropian i shqetësuar për shkeljen e lirisë e shtypit në Shqipëri



Brukseli: Stop gjyqeve ndaj shtypit



"Ne kemi vendosur që të flasim për këtë problem në njërin nga raundet e ardhshme të negociatave me Shqipërinë, pasi liria e shtypit është një nga principet demokratike më të rëndësishme, e cila duhet respektuar në mënyrë strikte" është shprehur Jose Sanchez, zyrtar i Komisionit Evropian, i cili bën pjesë në grupin negociator me Shqipërinë



Erisa Zykaj

korrespondente nga Brukseli



Pas ankesave që janë paraqitur nga gazetat e përditshme apo mediat e tjera televizive në Shqipëri në lidhje me cënimin e lirisë së shtypit, Komisioni Evropian mendon që të ngrejë këtë çështje përpara qeverisë shqiptare.

Burimet e këtij institucioni të Bashkimit Evropian kanë thënë, se ato janë në dijeni të faktit që qeveria shqiptare ka ushtruar presion ndaj mediave shqiptare, duke e bërë kështu shumë të vështirë përcjelljen korrekte të informacionit. Qëllimi për të diskutuar rreth kësaj çështjeje me autoritetet shqiptare, serviret në formën e një paralajmërimi.

"Shqipëria nuk mund të nënshkruajë marrëveshjen e asocimit dhe stabilizimit nëse ajo nuk respekton principe të tilla si ai i lirisë së shtypit"

janë shprehur burimet e Komisionit Evropian. Për këtë institucion, presioni që po ushtron qeveria shqiptare mbi mediat është i papranueshëm.

"Ne kemi vendosur që të flasim për këtë problem në njërin nga raundet e ardhshme të negociatave me Shqipërinë, pasi liria e shtypit është një nga principet demokratike më të rëndësishme, e cila duhet respektuar në mënyrë strikte" është shprehur Jose Sanchez, zyrtar i Komisionit Evropian, i cili bën pjesë në grupin negociator me Shqipërinë. Ai ka thënë, se duke qenë njëkohësisht një nga principet themelore mbi të cilat funksionon demokracia në shtetet anëtare të Bashkimit Evropian, është shumë e rëndësishme që ky princip të ndiqet dhe të respektohet tërësisht edhe nga shtetet anëtare të reja, por edhe nga shtetet të cilat aspirojnë për t'u futur në të ardhmen në këtë organizatë, siç është Shqipëria.

Por situara bëhet qesharake, nëse merret parasysh fakti që respektimi i plotë i lirisë e shtypit është një nga principet që është nënshkruar në kapitullin e parë të marrëveshjes së asocimit dhe stabilizimit. Kapitulli i parë, ashtu siç e ka bërë të ditur gazeta "Tema", ka të bëjë me principet themelore të cilat duhet të respektojë Shqipëria me nënshkrimin e marrëveshjes së asocimit dhe stabilizimit, për funksionimin e vërtetë dhe të shëndoshë të një shteti dhe një shoqërie demokratike. Por, ky kapitull i parë i marrëveshjes është shqyrtuar nga pala shqiptare edhe ajo e Komisionit Evropian që në raundin e parë të negociatave, ndërkohë që aktualisht të dyja palët kanë përfunduar të tretin.

Pra, pala shqiptare, e cila është angazhuar që të kryejë reforma nga më ambiciozet në fusha të ndryshme, tregohet mospërfillëse ndaj respektimit të një principi për të cilin ajo sapo është angazhuar që ta respektojë.

Gazeta "Tema" i kujton lexuesit e saj se raundi i parë është kryer vetëm tre muaj më parë dhe në bazë të eksperiencës së negociatave evropiane, kur kalohet një kapitull, supozohet që qeveria ka dhënë fjalën e saj për zbatimin e tij, aq më tepër kur bëhet fjalë për principet bazë të fillimit. Po për ato që vijojnë?

Nga ana tjetër, zyrtari evropian Jose Sanchez ka bërë të qartë, se diskutimi rreth kësaj çështjeje me palën shqiptare do të bëhet në javët e ardhshme, pasi shkelja e lirisë së shtypit në këtë moment ndërthuret me një tjetër eveniment të rëndësishëm për Shqipërinë. "Shqipëria pritet të zhvillojë në tetor zgjedhjet lokale, të cilat janë të rëndësishme, jo vetëm për vendin, por janë njëkohësisht të rëndësishme për ne për të parë se si do të rrjedhë zhvillimi i këtyre zgjedhjeve.

Shqipëria ka paraqitur në zgjedhjet e mëparshme probleme serioze në këtë drejtim dhe është e rëndësishme që këtë radhë të tregohet që është bërë një hap përpara" ka thënë Sanchez. Sipas tij, ky progres është i domosdoshëm, aq më tepër si rrjedhim i përpjekjeve që janë bërë nga klasa politike shqiptare dhe OSBE për përmirësimin e sistemit elektoral dhe të kodit zgjedhor. "Nëse në zgjedhjet lokale të tetorit do të ketë parregullsi, atëherë kjo do të jetë një minus i mëdh për Shqipërinë" ka thënë Sanchez. Ky i fundit ka shpjeguar, se pikërisht për përcjelljen e këtyre zgjedhjeve, roli i mediave është rol kyç dhe nuk mund të tolerohet që qeveria apo forca të tjera të ushtrojnë presion.

Ky është mesazhi që përçon Komisioni Evropian për lirinë e shtypit në Shqipëri, mesazh që përfaqësuesit e tij do ta transmetojnë drejtpërsëdrejti në Tiranë.

[ALBA]

Fatos Nano kërkon burgosjen e kryeredaktorit të gazetës "TemA"



Kryeministri i Shqipërisë, Fatos Nano, i ka kërkuar Prokurorisë së rrethit të Tiranës, të fillojë procedimin penal ndaj kryeredaktorit të gazetës "TemA", Mero Baze, duke pretenduar se në editorialin e datës 16 maj 2003 botuar në këtë gazetë, "është shpifur publikisht ndaj tij, për shkak të detyrës që ai kryen."

Prokurori Sokol Stojani ka njoftuar kryeredaktorin e gazetës "TemA" të paraqitet pranë prokurorisë së rrethit të Tiranës më 3 qershor për të filluar hetimet për këtë akuzë të ngritur nga kryeministri.

Në editorialin e datës 16 maj 2003, autori shpreh pikëpamjen e tij se dhuna ndaj ish të burgosurve politikë nga polica dhe moszgjidhja e kërkesave të tyre, vjen për shkak të një mentaliteti të shtetit klasor që ekziston në Shqipëri dhe që aplikohet nga kryeministri Fatos Nano. Zoti Baze ka krahasuar në editorial, kriteret e ndryshme që janë përdorur për dëmshpërblimin e ish të burgosurve politikë dhe kompensimet që morën ish zyrtarët e lartë të regjimit komunist për dënimet që morën në vitet e para të pluralizmit, përfshi dhe zotin Fatos Nano.

Zoti Baze tha se do t'i përgjigjej thirrjes së prokurorisë duke u njohur më hollësisht me akuzën. Ai tha se ndihej i habitur nga reagimi i kryeministrit, i cili nuk ka ka reaguar kur shtypi ka botuar akuza konkrete ku flitet për përfshirje të kryeministrit në vrasjen e një qytetari. Kjo shton dyshimet se padia është ngritur për të mbajtur nën tension gazetën, e cila nuk ka pranuar të bëjë kompromise me qeverinë. Nga ana tjetër zoti Baze nuk përjashtoi mundësinë që padia të jetë frymëzuar nga bashkëshortja e kryeministrit, e cila mund të ndihet e prekur nga përshkrimi i kushteve të jetesës në burgun e Bënçës për kryeministrin Fatos Nano.

Padia e kryeministrit Fatos Nano ndaj kryeredaktorit të gazetës "TemA" kulmon një fushatë gjyqesh ndaj tij, inicuar nga zyrtarë të lartë dhe bashkëpunëtorë të tyre.

Dy ditë më parë gazeta është përballur në gjykatë me ish kryetarin e Kuvendit Skënder Gjinushi, ndërsa po vazhdon procedurën për në gjykatën e shkallës së dytë me nënkryetaren e Kuvendit, Makbule Çeço.

Nënkryetarja e Parlamentit shqiptar, Makbule Çeço, i kërkon atij një dëmshpërblim prej rreth 40 mijë eurosh, për shkak se gazeta ka cituar një parlamentar shqiptar të thotë se shumë deputetë që kanë mbështetur ish shefin e Shërbimit Sekret, Fatos Klosi, kanë qenë të shtrënguar ta bëjnë këtë, për shkak të problemeve që kanë me drejtësinë. Gjykata e Shkallës së parë e dënoi zotin Baze sipas nenit 617 dhe 625 të Kodit civil.

Prokuroria e Tiranës e ka marrë zotin Baze të pandehur për shkak të një padie ngritur ndaj tij nga ish kryetari i Parlamentit, Skënder Gjinushi, aktualisht kryetar i Partisë Social Demokrate, aleate e socialistëve në pushtet, për shkak të një editoriali të tij, ku përmendte të kaluarën problematike, të zotit Gjinushi me bandat dhe grupet e krimit të organizuar në Vlorë gjatë vitit 1997. Nëse gjendet fajtor, mund të dënohet deri në dy vjet burg. Zoti Baze është marrë i pandehur në bazë të nenit 240/2 të Kodit Penal.

Në adresë të kësaj gazete janë inkurajuar një sërë procesesh të tjera gjyqësore nga subjekte afër qeverisë, dhe persona mbi të cilët rëndojnë shumë probleme nga e kaluara


--------------------------------------------------------------------------------



Urrejtje e qartë



Nga Mero Baze



Në zyrën time, dje, trokiti një nga pjesëmarrrësit e protestës në bulevard pas përleshjes me policinë. Nuk erdhi për t'u ankuar për shkopinjtë e policit, por për të më shpjeguar një fakt tronditës që zbulon thelbin klasor të shtetit të sotëm shqiptar. Qytetari është nipi i një dëshmori të njohur në Korçë dhe i dënuar në vitet '70 me burg politik. Ai po proteston, bashkë me miqtë e tij, për të marrë lekët e burgut. Dhe ka fare pak besim se do t'i marrë, nëse nuk "përmbyset" qeveria, siç thotë ai. Ai kujton, duke u dridhur nga inati, se si zëvendëskryeministri Ilir Meta ka shpërndarë para disa muajsh rreth 400 statuse "familje dëshmori" në Fier, një rreth që në fakt nuk shquhet për shumë partizanë. Të njëjtën gjë e ka bërë dhe në rrethe të tjera. Familjes sonë, tha ai, nuk iu dha ky status përsëri, pasi ne na trajtojnë si familje që kemi shkelur "mbi gjakun e dëshmorëve". I pakompensuar edhe për luftën si familje që trashëgon një dëshmor, edhe për burgun e pasluftës.

Ky qëndrim buron nga thelbi i këtij shteti, i cili përpiqet ta përdorë të shkuarën si kapital elektoral dhe luftë klasore dhe jo si një mjet pajtimi. Qartësia e tij për mungesën e shpresës ndaj qeverisë së Fatos Nanos dhe zhgënjimi i thellë nga gjesti i Ilir Metës me dëshmorët e sajuar në Myzeqe, e kishin bërë atë një njeri të vendosur për të vdekur në bulevard përballë Fatos Nanos. Për herë të parë këto pesë vite kam parë një kamikaz të gjallë, i cili është i qartë përse qeveria nuk u jep të burgosurve politikë paratë. Atij njeriu nuk ia hidhte dot Blendi Klosi me faturat që i tundte para syve. Ai e dinte se qeveria shqiptare po përpiqet ta kanalizojë si problem ekonomik dhe pamundësi financiare, çështjen e kompensimit të mijëra të burgosurve të kohës së diktaturës që po përleshen me policinë para zyrës së kryeministrit, duke qenë në të vërtetë një qëndrim i qartë klasor që shton dëshpërimin dhe rrit egërsinë e reagimit. Qeveria, e cila është përgjegjëse për të nxjerrë një faturë të saktë të kompensimit, e trajton këtë çështje njësoj si kreditorët që kanë humbur lekët tek "Gjallica", për të cilët, disa fatura gjenden dhe disa të tjera nuk gjenden. E vërteta e kompensimeve të të burgosurve të diktaturës, është e vërteta më e dokumentuar në historinë e pesëdhjetë viteve komunizëm. Ata njerëz që kanë mbajtur një numër rendor në shpinë, kanë të dokumentuar gjithçka: që nga gramët e bukës që kanë ngrënë, takimet me familjarët, metra kubët e mineralit që kanë nxjerrë nga miniera dhe veprat e tjera të mëdha me të cilat krenohej diktatura. Dhe për ta bërë më shpërthyes zemërimin e tyre, është rasti i burgut të Fatos Nanos, i cili u shpërblye me 7 milionë, kur dihet që e vetmja punë që ka bërë në burg ka qenë ndonjë takim intim me ndonjë vizitore të maskuar si militante nën sytë që nuk "shikonin" të rojeve të burgut, dhe që, pas vitit 1997, mund të ketë përfunduar nën ndonjë rrotë makine. E gjithë kjo i ka bërë të pashpresë të burgosurit që nuk kanë kohë të presin Fatos Nanon për t'i rifyer. Këto 12 vite nuk ka pasur kurrë njerëz më të pashpresë dhe më të fyer se ata nga shteti. Dhe më të qartë në urrejtjen e tyre për ata që kthyen shtetin klasor.

[Brari]

nga TEMA e Mero Bazes:

-------

POLITIKA

Gazeta Tema arrin të zbardhë numrin e telefonit nga ku dërgohen mesazhe kërcënuese me vdekje

Mesazhi kërcënues nga telefon deputeti

Telefoni celular me numër 068 20 30 419, rezulton i regjistruar në AMC me emrin e një deputeti për të cilin të hënën pritet të nisin hetimet

Telefoni celular prej nga është shkruar mesazhi që ka kërcënuar me vdekje kryeredaktorin e gazetës "TemA", duket se i përket një deputeti socialist. Pas hetimeve private të gazetës "TemA" mbi numrin e telefonit, na rezulton se celulari i përket një deputeti socialist, shumë aktiv në Komisionin anti-Rama, i cili dhe gjatë mbledhjeve të Komisionit ka kërcënuar në mënyrë të vazhdueshme gazetën. Deputeti, i cili është i njohur për disa lidhje me grupe kriminale në Berat, si dhe një histori droge gjatë një vizite të fundit në Itali, ka përdorur, - së paku deri ditën që ka marrë mesazhin Kryeredaktori i gazetës, - atë numër telefoni. Telefoni celular me numër 068 20 30 419, rezulton i regjistruar në AMC me emrin e tij, të cilin ne nuk po e bëjmë publik, derisa prokuroria të nisë hetimet.

Ajo që ende nuk kemi verifikuar është nëse mesazhet e mëparshme kërcënuese për marrje personash peng, janë të bëra nga njerëz të grupit të këtij deputeti apo jo.

Dje në mesditë është regjistruar mesazhi i fundi i ardhur nga numri tjetër i telefonit që përdorin kërcënuesit, në të cilin thuhet: "U frikee ë?". Ky mesazh tregon lidhjen që ekziston mes këtij deputeti dhe kërcënimeve të mëparshme që ka marrë kryeredaktori i gazetës.

Megjithëse numri është bërë publik, askush nga Prokuroria nuk është interesuar për rrethanat dhe administrimin e këtyre provave. Ditën e hënë, Kryeredaktori i gazetës do të dorëzojë në prokurori gjithë listën e këtyre mesazheve të ruajtuara në telefonin e tij privat.


--------------------------------




E more Mero Bazja... nuk te degjoj Saliu athere kur e braktise Votimin e the... po na rrahin komisioneret e votim me dajak ska..

Saliu vazhdoj e i pranoj Votimet e tani perpelitet..

Vone eshte..


Deputeti sotshem Socialist eshte 1000 here: me brutal, me vulgar, me i pa vlere , me stalinist , me hajdut, me i shitur ne spiunazhe te huaja, me i pa ftyre e me dinak se Deputetet e Kohes se Enver-Mehmet-Carcaneve.


....

[ALBA]

mesazhi kercenues

[ALBA]

Eshte nje traume e vertete e shoqerise sone ndeshkimi i njerezve per motive politike.Keto jane forma me te cilat kane ardhur në pushtet te gjitha diktaturat, pavaresisht emrave qe kanë patur, fashiste apo komuniste".Fatin e ketyre kan qindra e qinra Shqiptare qe kerkojn ne demokraci fjalen e lire,dhe luftojn korrupsjonin qe i ka mbytur politikanet Shqiptar.

[Orku]

Tjetër gjyq i dyshes Nano-Rama kundër shtypit

Edi Rama merr të pandehur drejtorin e gazetës "55"

Drejtori i gazetës "55", Fahri Balliu, është marrë i pandehur nga prokuroria, për shkak të një padie që ka ngritur ndaj tij, kryetari i Bashkisë së Tiranës, Edi Rama, pasi gazeta ka akuzuar për korrupsion dhe kosto të larta ndërtimi, shumë nga projektet e drejtuara nga kryebashkiaku. Një Komision parlamentar po heton këto abuzime, por prokuroria nuk e ka ndalur procesin dhe zoti Balliu rrezikon deri në dy vjet burg, nëse gjendet fajtor.

Po ashtu zoti Fahri Balliu është dënuar në mungesë, pa u njoftuar për një proces gjyqësor nga Nënkryetarja e Parlamentit Makbule Çeço, për një shkrim në të cilin theksoheshin problemet që ka Nënkryetarja e Parlamentit me disa grupe të krimit të organizuar në Shqipëri dhe disa investime të dyshimta.

[Orku]

Akuza që vijnë prej heshtjes

Rasti i parë: Disa ditë më parë në Tv Klan ndodhi një krizë. Një ditë lajmet munguan në ekran dhe kur rifilluan, u pa qartë se ekrani dhe zëri imitonin sjelljet politike të Fatos Nanos. Kryeredaktori u shkarkua pasi u rrah publikisht në mbledhje të redaksisë, ndërsa një grup gazetarësh u pushuan nga puna për rebelim. Në shtyp nuk është shkruar asgjë rreth kësaj, por personazhet janë të gatshëm t'i tregojnë këto histori deri në kafene.

Rasti i dytë: Dy ditë më parë Preç Zogaj denoncoi në Top Channel kryebashkiakun Edi Rama se ka dirigjuar fushatën e manipulimit të medias për pistën e atentatit të Ylli Pangos. Pati kurajon ta bënte disa minuta pas Preç Zogajt edhe Ylli Rakipi, botuesi i gazetës "Albania", i cili pranoi se dhe gazeta e tij ishte përdorur për këtë pistë perverse nga të njëjtat kanale shtetërore. U përfol dhe kryeredaktori i gazetës "Shekulli", por ai, edhe këtë herë, si në rastin e Lubonjës, i bëri një shpjegim kinez burimit të këtij infomacioni dhe ia faturoi Berishës.

Rasti i tretë: Për herë të parë në gjithë historinë e gjyqeve me personazhe shtetërore, dy ditë më parë jam kujdesur vetë për të shpërndarë njoftimin mbi gjyqin me kryeministrin Fatos Nano. U kam faksuar redaksive kryesore padinë e prokurorisë dhe një njoftim për shtyp të gazetës. Thuajse të gjitha gazetave, televizioneve dhe ambasadave në Tiranë. Më parë, s'e kam bërë kurrë këtë. Dhe gazetat kanë shkruar. Disa kanë kërkuar madje dhe intervista.

Dje në mëngjes, për herë të parë, e pashë me sytë e mi ç'do të thotë pushtet i plotë i kryeministrit mbi shtypin. Pothuajse asnjë gazetë, përveç gazetës "55" dhe "RD"-së, dhe asnjë stacion televiziv, nuk e botoi lajmin mbi padinë e kryeministrit ndaj një kryeredaktori. Në një kohë që ai është një lajm shumë më i rëndësishëm se sa gjyqi i të njëjtit kryeredaktor me Makbule Çeçon, Skënder Gjinushin apo ndonjë mafioz italian. Nuk mund t'i akuzoj deri në fund kolegët e mi gazetarë për këtë, pasi ata janë në dorë të kryeredaktorëve. As këta të fundit nuk mund t'i akuzoj deri në fund, pasi shumica e tyre më telefonuan për solidaritet, por lajmin nuk e botuan.

Janë tre raste brenda një jave që përcillen me heshtje dhe frikë. Heshtje ndaj një pushtimi brutal i medias nga njerëzit e kryeministrit dhe kryebashkiakut, dhe frikë nga botimi qoftë, edhe i një lajmi të rëndomtë si kronikë gjyqësore. Unë nuk mund të këshilloj kolegët e mi që heshtin, për të ngritur zërin, unë nuk mund të paragjykoj as nevojën që kanë për rrogë dhe kartvizitë false si kryeredaktor dikush prej tyre. Atë që mund të akuzoj pa frikë deri në fund, është njeriu që ka vendosur pushtetin e frikës në shtyp. Ai është Fatos Nano. Shtypi shqiptar 13 vite pas rënies së komunizmit, po prodhon "heronj të heshtur", njerëz të rebeluar që nuk ngrenë dot zërin për të thënë se janë dëshmitarë të kësaj historie. Por dhe kështu ata vlejnë si ilustrim i frikës për të folur kundër pushtetit të Fatos Nanos.

[Honezmi]

Po c'far munde te preshes nga nje qeveri BANDITESH dhe hajdute, qe e ka kthyer vendin ne nje PALERMO.
Socjalistet per te qendruar ne pushtet do ti perdorin te gjitha format ,SANTAZHIN e VRASJET.Ata e din mire se cfar po bejne.Dihet qe po u larguan nga pushteti,do te japin llogari per te gjitha qe kan bere,dhe duke e ditur qe jane qe te gjithe te inkriminuar dhe duke patur pervojen e PP-es:-te bashkuar rreth partise-do te mundohen qe te qendrojne ne pushtet nepermjet kercenimeve, forces dhe vrasjeve.
Sa per heshtjen e shtypit ,per skandalet e qeveritarve e te "deputetve " hajdute te PS-se, nuk kane faje ata, sepse (ata) jane vetem rrogetar e jo gazetare.Pra geta "gazetare" jane vet pjellat e qeveritarve hajdute te PS-se.
Po ketu nuk mbeten mbrapa dhe LAROT dhe BENJAMINET(qe jane dhe ketu ) qe veprimet e ketyre krriminelve mundohen ti justifikojne me paturpesi.Nje fare e keqe qe ka pllakosur ne Shqiperi....