Eksperimente me heshtjen

[Dita]

Afresket


-I Miri-

Orë të numëruara brenda lakut të qiellit.
Nëntoka e magjive zgjat kthetrat drejt trupit,
të mallkuarit të heshtjes së syve të farkëtuar
në kallëpë kamash të luginave të smirës.
Brenda lakut të qiellit do ndalë frymën I Miri.

Vrasësit mjelin lotët për pastrimin e shpirtit.


-I Keqi-

Në ngërdheshje i shkëlqejnë rruazat.
Kokërdhokët i lundrojnë pa direkë
në gurrën e ujit të mashtrimeve.
Nga froni bymehet mbi sovranin:
“Vdiq idhulli i pagëzuar si i Miri.
Do të ndrij mbi ju sa jetë të keni.”
Në ngërdheshje i shkëlqejnë rruazat.


-Zëri-

Shpatullë e muratorit të jetës!

Gjakosi trajtat e kohës
e ngjizi në afreske luftërash!
Në kupolën e botës së djegur
përtej ëndrrës të fitojë i Miri.

[Dita]

MORTI I JANARIT


(Djerron toka shqiptare.
Thundrat vdesin fatin e jetës.)


Rënkon terri.
Trupat ngrijnë në morgun e detit.

Vdes anija.
Lotët rëndojnë mbi kryet e varrezës.

Rrënqethen frymët.
Qirinjtë shkrijnë në dhimbjen e zemrës.

Flakëron njerëzia.
Piskama kallet nga tragjedia.

Thyhen dhëmbët.
Kanceri pushton lukuninë e llahtarit.

Nxin dielli.
Vaji pafund përcjell Mortin e Janarit.


(Djerron toka shqiptare.
Thundrat vdesin fatin e jetës.)



12 janar 2004

[Dita]

Paralel i shpresës

U linda në erën e maçokëve të territ.
Varra më ndezin me gërvishtjet.
Bluajnë qeshje nën mustaqet e plakura
e vidhen në drejtim të varrave të reja.
Thonë se gjëmimi i frymës së tyre,
ndrydhja në torbën e erës së trembëdhjetë
(që në kohë lufte shtegton e vdes
në oqeanin paqësor),
çliron ditën nga prapaqielli.
(E unë dua ta çliroj ditën time.)

Thonë se era e trembëdhjetë
po rritet në një qoshe qielli.

E enda torbën me gëzim,
i ndoqa gjurmët me besim,
po frymët nuk i zura dot;
pluskojnë në shpirtëra njerëzish
(e për shpirtërat më mësuan,
se të mirë a të ligë qofshin,
është fryma e shenjtë që i mbron.
Me frymën që përkund gjethet
në pemën e jetës nuk më bëhet të luftoj.
Ajo më ngjit në paralelen e shpresës,
prej nga trishtueshëm vështroj,
si fytyra e kohës sime qeshet përzishëm.)

U linda në erën e maçokëve të territ.
Dita mbetet lidhur në prapaqiellin.

[drini_në_TR]

Thonë se era e trembëdhjetë
po rritet në një qoshe qielli.

Era e trembëdhjetë nuk ekziston, por SHPIKET. Gjeri sa ta thërrasësh do të të afrohet, por kur e kupton se është vetëm shpikje, ajo shuhet si retë kur i përhap dielli që shtyn erën nëpër qiej.

Me frymën që përkund gjethet
në pemën e jetës nuk më bëhet të luftoj

Arma më e fortë është të JESH kush JE.
Prandaj edhe nëse s'të bëhet të luftosh, nuk ka gjë. Je gjithçka që të bën triumfuse vetem TI si QENIE në vetvete.

U linda në erën e maçokëve të territ.
Dita mbetet lidhur në prapaqiellin.

Jemi me fat që kemi prapaqiell, sepse pa dhimbje, nuk do të dinim se çfarë ndjesie ka kënaqësia (Dashuri-Vërtetësi-Gëzim)

Koment, apo përgjigjie?
Poezia jote është shumë e bukur,
por unë zakonisht lexoj esencën e fjalëve

Për TY
përzemërsisht,
Drini.

[Dita]

Me e gjere Drini, shume me e gjere.

Perzemersisht,
Dita

[Dita]

I treturi (IV)

Në mollëzat e viteve qeshin rrezet e zemrës.
I treturi në Ditën e mbarsur në dashuri
përkund djepin e “Ushtarit të fatit“,
të lindurit në barkun e një lufte,
të rriturit në zinë e mortit gurëzues
nga duart e arta të nënës së mjerë,
të ndeshurit me vdekjet në varganin e bishave :
“Edhe një më pak në na ime, edhe një më pak
zemër e lënduar për të ndriçuar përjetë.”

(Thonë se heronjtë i lindin vuajtjet
për t’i madhështuar shkretëtira e luftës.)

Në mollëzat e viteve i treturi përkund djepin në jetë,
tek “Ushtari i fatit” puth sytë e familjes së shtrenjtë.

[Dita]

Jehonat

I

Deri në prag të një fundlufte,
kur vdekja hermafrodite i kalli në pabesi,
jehonat kalëronin mes maleve
të shpërthyer prej truallit në buzë thellësish,
të hapura nga topuzët e bajlozëve
në pafundësinë e etheve për gjakosjen e zemrës.
Shpirtërat atëbotë e mbrujtën hirin në qëndismën e gjuhës,
të gdhirës në agimin e lashtësisë,
për t’u ngjitur në qiellin jetëplot me avullimin e ujit,
burimit të shpresës, që i shkon truallit përmes,
ku trashëgimtarët njomen me dashurinë e dheut at e mëmë.

II

Deri në prag të një mijëvjeçari të ri,
kur besimtarët e fundbotës ngjetheshin prej orëve në zbritje,
errësira përdhoste dashurinë vëllazërore.
Por me ashtin dërrmuar nga topuzi i bajlozit më të fundit,
mbi jug-veriun e rrjedhshëm të mëkuar me shenjtëri,
malet në të djathtë atëbotë gjëmuan: „Vëllezër, ndihmë!“
e malet në të majtë iu bënë vend në gjegjen e madhe:
„Vëllezër të shtrenjtë, është dhe i juaji dheu ynë.“
Lotë tragjikë shkitën e mbushën shtretër lumenjsh foshnjorë,
ku mëma dhe ati i tokës mbarsën të ardhmen,
duke rilinduar jehonat në lule mbarëshqiptare.

III

Era e re mbart polenin ndër brezat e zemrës.

[Dita]

Prushi

Lirika e përhime luan gishtat e mashës
në prushin mes valëve të zjarrit ku shkrihet
fryma e pranverës qiellçelur, verës shtatzënë,
vjeshtës nën kërcëllitjen e kuqerremtë të rënies.
Me jetën bubulake ngrohet shpirti
që mardhet nën borërimin e dimrit.
Lirika e përskuqur çel buzët në sythe stinësh.

[Brari]

Dita..

Bukur po i ben kto poezi por..


provo dhe stil tjeter..

Me vargje si ky psh..

"vjeshtës nën kërcëllitjen e kuqerremtë të rënies..."

behet poezia e veshtire.. aq e veshtire sa per ti shkuar ne fund duhet nje Marins amerikan me te mbajt me zor me kallash te koka me i mbajt .. syte ne kompjuter..

Je ti pa te bej vrejtje.. se te ish tjeter kush i kisha lene pa shkruar kto fjale..

Meri vrejtjet si Akullore ..lol.


Po bej nje Poezi te vogel.. per mikeshat e mija.. ashtu..tak fak si i bej une..



Po vjen pranvera..
Po e thone zogjte..
Po e thote ajri..
Sythet neper degza
Po e thone burimet e malit..
Po e tregon dhe Dielli
Qe me lart i ngjitet Qiellit
Po Zemrat tona cfar po thone...




....

[Dita]

Brari - Akullore e quaj nderhyrjen tende me kete verejtje.


"vjeshtës nën kërcëllitjen e kuqerremtë të rënies" - vjeshta me shenje dalluese renien e gjetheve qe kane marre ngjyre te kuqerremte dhe qe bejne krrap-krrap, tek i shkel permbi.
Ka stil te lehte dhe jo aq te lehte te shkruari Brar.


P.S. Lexo PATJETER artikullin e Wall Street Journal qe e perkteva per ta sjelle tek tema e Kosoves tek shtypi i dites (po keshtu dhe tek ceshtja kombetare)