Eksperimente me heshtjen

[Lexuesja]

E dashur Dita !Albumi i poezive tua eshte nje nder albumet qe me kan pelqyer me shume , ne kete forum dhe i lexoj me shume kenaqesi. Nuk di cfare te them ,por jane me te vertet nje art i vecante modern, me nje fantazi qe une nuk gjej fjale per ta pershkruar .Bravo! Je vajza qe me ke pelqyer me shume ne kete forum, si nga kultura, edukata, inteligjenca etj.Te uroj shume suksese ne jete qe te arrish qellimit tend.Jam nje lexuese e regullt e shkrimeve te tua si politike dhe ato kulturore e letrare.

Pershendetje nga Lexuesja

[Dita]

Ju jam mirenjohese Zonje!

Dita

[Dita]

FLAMURI

Deti mbin shkumë mbi përgjumjen e ilirëve.
Shekujt arbërorë zhveshën robërinë prej supeve.
Rapsodët rrënqethën lahutat me “liridona”.
Plisi i Kosovës ngrihet mbi kryet e statujës,
jeleku prehet mbi rrjedhën e lashtë të gjakut,
qëndisma e flaktë lidh në jetë cungimin e trupit.
Troku i shekullit ngrin hapat me Isa Boletinin
Në njomjen e buzëve me lotët e flamurit.

[shigjeta]

Vertet ke qendisur flamurin shqiptar me keto vargje....
Te lumte dora, Dita!

[Mjellma]

Ata gishta i ke flori moj xhan

Te pershndes
Mjellma

[Dita]

Falemnderit Shigjeta dhe Mjellma. Uroj qe ta keni festuar gezueshem 28 Nentorin.

Pershendetje,
Dita

[Dita]

Procesi


Mbarset dhuntia e hyjnisë,
ujitet durimi i urtisë,
korret gjeniu i vetmisë,
mbillen farat e mrekullisë.

[Dita]

Bozaxhiu prizrenas


I

Qepallërënduar nga lodhja e ditës
nuk iu zbraz kurrizi nga rëndesa,
fresku është kthyer në qytetin e lashtë,
boza mbeti pa u derdhur në grykët e etura,
etja iku me erën e parë të vjeshtës.

II

Fytyrëmbuluar kalojnë vashat e reja,
me sytë e bukur, fytyrën qumështore;
nuk vuri gjumë në sy djaloshi, të dashurën
do e marrë i premtuari i djepit të gdhendur,
eh i varfri djalë që ia piu sytë e kulluar.

III

Këpucëplakur ndalet në stolin e drunjtë,
në poret e lëkurës i rrjedh njomështia e lumit,
nginjen veshët me dallgëzimet vogëloshe
të ujit të rënë mes gurëve kërkëllitës
para stinës së ngarkimit të maleve.

IV

Fytyrëzbuluar shkel rruginën një vajzë
me hire të papara e çudinë mbërthyer
në këmbët hollake zbuluar deri mbi gjunjtë,
trupi i dëfren nën veshjen e lehtë,
flokët i shkrihen mbi supet e bardhë.

V

Syzgjuar tronditet djaloshi prizrenas,
goja nuk i hapet nën thirrjen e njohur,
kurrizi është një pupël që e fryn era,
trupin ia mbulojnë cohë të panjohura.
Në gjumin e syve fluturuan qindra vitet.

[Dita]

Mballomat

Vende-vende është ndryshkur qielli nga vetëtimat.
Një saldator fluturon në kahet pa fund të kaltërsisë
E me mballoma mirësie të mbledhura ndër njerëzit
Mjekon pikat e rrëgjuara të viktimës së ndryshkut.

[Dita]

Të uriturit

Në sytë e perëndimit vdesin damarët e skuqur
Gjatë mbartjes së heshtur të muzgut nga erërat.
Të uriturit për jetë mërgojnë në mitrën e lindjes.