Eksperimente me heshtjen

[dikeafajtore]

Eshte gjeja me e bukur qe kam lexuar prej teje

Sa herë jam nisur në fillin e hekurt me çantat në shpinë
e njëherë të vetme s’e mora rrugën për në Trenin tënd,
të njerëzve të urtë që zgjojnë ditën me punë,
t’u mëkojnë çlodhjen kockave kur nata zë vend.

Thonë me trishtim se në thëllime dimrash,
në kohë mbjelljesh e korrjesh që viti i sjell në jetë,
frymët e të shumtëve të rropatur fushash e kodrash
zgjohen nën flamurin fqinj që i shkel me këmbë.


...

Në fillin e hekurt ndodhemi, që na njeh sot për banorë
E po e ndrydhim ajrin me fjalët e përcjelljes ne të tre.
Edhe pak do të mbërrijmë në stacionin e zhurmshëm,
në krahët e një zogu të të nisim për në atdhe.

Nje skene qe s'ka nevoje per shume fjale..urime

[Dita]

Dikea falemnderit!

[Dita]

Për simotrën time L.


Fosfor

Deti shkundet nga vorbullat e thellësisë së errët.
Në limanin e anijeve të reja lëkunden trarët.
Guacka po i afrohet cektinës së turbullt.
Si fosfor ndrit zemra për yjet e valëve.




Doruntina

Flokët e shpërhapur të Doruntinës
Në shtratin e gjymtyrëve të mpira
Buzëve të çelura në zërin e ulët
Syve të pulitur në buzëqeshje.
Puthje e jetës në gushën e frikës
Dremitje në heshtjen e largësisë
Mall për këngën e ëndrrës.
Në shtratin e gjymtyrëve të mpira
Flokët e shpërhapur të Doruntinës.




E para

E para e borëve në stinën e artë
Ngriti siparin për teatrin të dimrit.
Flokët ndukën ajrin përzjerë me shi
Mbuluan birat e plasjes së tokës.

Mbërthecka e hekurt në dritaren
Që ngjyros me botë sytë e dhomës
Pret bojën mbuluese të ndryshkut
Lajmësi i plagosjes së gjoksit.




Butë

Gjethet zgjohen në tokën e lagësht
Butë i zbriti verdhësia e gjumit.
Zemra ngrohet me sythat e rinj
Mbarsjen e ujitur nga lumi i jetës.



24-25 tetor 2003

[Dita]

I treturi


I treturi ne driten e Henes rri mbyllur
ne nje qoshe te dhomes se erret
te dimrit larg nisjes se bute prej Mesdheu
i dergjur ne erera endrre prej valesh deti
te veshura mbi gjymtyre te shtrenguara
nga duar te medha te pertejkohes
te lindura me buzeqeshje diejsh
yjesh te rene, henash ne eklipse.
I treturi ne driten e Henes rri mbyllur
ne nje qoshe te dhomes se erret.

[drini_në_TR]

Për Ditën

Është një diell atje në qiell
dhe një erë që vjen e shkon
dita dhe nata duke trazuar
retë që me shi tokën lotojnë

Të gjitha bashkë
lulet shumngjyrshe çelin
mbi bimët dhe pemët
që me fryt farën hedhin

Dhe vjen një ditë
që kjo farë bie mbi dhé
e ka një cipë të fortë
që askush të shikoj brënda nuk lé

Tretet kjo cipë
që frytin përbërnda mbron
hikën kjo mburojë
që frytit vetminë i dhurojë.

Pas një cipe
pas një bllokimi
pas një muri
gjen gjithnjë vazhdimin
një gëzim me të papritura
me çlirim dhe të paditura.

Ah, sa e bukur është kjo botë
kur cipën të tretet e shikoj
sepse fryti është gjithnjë përbrënda
të lutem vështroji lulet kur t'i çeli koha.

p.s. Përgjigje ndaj "I Treturi"

Drini.

[Shiu]

Drini, unë një fare të shkurtër, por nga zemra:

nuk lind
një si Dita
çdo ditë

[Dita]

Ju falenderoj te dyve Drini e Shiu. Jeni vellezer shume te mire

[Dita]

I Treturi (II)


Në dhomën e errët jeton plaga e eshtrave
Pa u mpiksur në harresën e mendjeve
Të bijve që u lindën mbi tokën e vrarë
T’i rrisnin kërcejtë në lutje drejt të Madhit
Të qiejve, dheut e nëndheut të lashtë,
Të dhomës së magjepsur që mban në vete
Eshtrat e burgosura në paemërsi.

(Thonë bijtë e gjakësve për bijtë e eshtrave,
se orët iu këndojnë në të shkuarën.)

Në qiellin e natës merr frymë piktura e përjetësisë:
syvrarë nga lotët një bir puth yjet
që sjellin dritën e atit të mirë.

[Brari]

E ke pare filmin Lion King?

Shikoje ne se nuk e ke pare..Skena kur Simbes i cfaqet Babai..e i jep Porosi..
Muzika e mrekullueshme plus mjeshteria e Piktoreve e bejn te paharrueshem ate skene..

Shum e bukur kjo Poezi..

Genc Sina la buken pergjys e iku ne detyre..
Rri i tha e shoqja..Rri i tha i biri te luajm bashk..

Kishte 4 ore qe priste Vrasesi me ate Kucedren..

Dita .. Kujtojeni ATE.. por mendo se .. Ai eshte krenar per ty sepse jetojne Shpirterat e Njerzve..
A ishe ne Kosov?
A mesuat dicka te re ne lihje me...

Cdo te mire..

[Dita]

nga Brari

Dita .. Kujtojeni ATE.. por mendo se .. Ai eshte krenar per ty sepse jetojne Shpirterat e Njerzve..

Ashtu qofte!


Te mira edhe per ty Brari!