Eksperimente me heshtjen

[Dita]

Koha është flori


Korr mbjelljen e përçartë
me sytë gjysmakë të lojës
në hënën e trupit të patharë
nga puthja e florinjtë e kohës.

[Dita]

Gjëegjëzë


Pëllumbave u këndon në fole çatish
e kthehet në minierë gurësh të çmuar.
Trimëritë mbledh që zgjojnë adhurim,
me naze zonjëzash pulit sytë e shkruar.

Futura zgjon mbi vargje të palindur
e lëshon xixa mbi hundë hollake.
Qëndis vargje në pëlhurën e ëndërrt
me shekujt në gjurmim diamantesh.

Mrekullitë shënjon mbi tabela qitjesh
e i ngjit në kurrize peshqish oqeanesh.
Fushnjarët zhyten nga rëndesa e shkronjtë
prej delfinësh të kaltër vargjesh.


(MUZA)

[Veshtrusja]

Koha është flori


Korr mbjelljen e përçartë
me sytë gjysmakë të lojës
në hënën e trupit të patharë
nga puthja e florinjtë e kohës.

Bukur.

[Liridona]

Të uriturit

Në sytë e perëndimit vdesin damarët e skuqur
Gjatë mbartjes së heshtur të muzgut nga erërat.
Të uriturit për jetë mërgojnë në mitrën e lindjes.""

[Dita]

Veshtrusja dhe Liridona falemnderit!

[Dita]

I treturi (III)


I treturi mes vargjeve ngrihet në pikëpyetjen
e shfryrë me avullin nga kusia e errësirës,
ku vlon boja e shkrimit për shpirtrat e njerëzve,
t’ua mbledhë këmbët në këpucët e dashurisë
në udhën prej gjethesh të rrokaqiellit të drunjtë,
tek zbresin prej tokave të qiellta në dheun e butë.
I treturi mes vargjeve ngrihet në pikëpyetjen
e shfryrë me avullin nga kusia e errësirës.

[Dita]

Në mullirin e kallinjve të mjegullës


I

Në mullirin e kallinjve të mjegullës
bluhen çatitë e kaltra të alpeve
me oxhakët e ngritur të bardhësisë së re,
tempuj budistë në pasqyrimin e lindjes,
minare të humbura në qiej të krishterë.

II

Kali udhërrahës i Pirandelos
humb etjen në rrjedhën e gjallë
të dorës krijuese të jetës.
Në furrën e shekujve të bluar
piqet buka e mullirit të pabindjes.

III

Uji i dielltë i rrezeve ndal frymën
në mullirin e kallinjve të mjegullës.

[Dita]

Festa e halave


Flokët e puthjeve prehen të akullt
mbi rininë truphollë të bredhit të mbartur
pas rritjes në malësinë me shtatin e zënë
për dhjetorin e pritjes në sheshin hijerëndë.

Vargje dritëkaltër stolisin lartësinë,
përqark „Natë e heshtur“ në cicërim.
Mbushur me mushtin trokiten mallet,
bardhësia dimëron festën e halave.




Kur festohet larg të shtrenjtëve ..... Gëzuar Krishtlindjet dhe Vitin e Ri!

[guntheric]

Me vjen me teper keq qe nuk komentohen ashtu sic duhej keto poezi. Vandali beri nje perpjekje per te shkruar dicka per, te pakten, poezite e mesiperme, por kjo perpjekje deshtoi. Mesa duket kam shume kohe pa e bere dhe sikur kam humbur "talentin". Ne fakt arsyeja kryesore eshte qe kam te bej me poezi te Dites, jo te ndonje caraci apo caraceje adoleshente qe "..ashtu u ndje ne momentin qe ktheu ndjenjen ne vargje dhe vargjet i hodhi ne leter", ndaj cdo fjale apo fjali e vandalit do ishte pa kuptim. Poezia e Dites ama ndryshon. Ndaj duhet te shtrrydh trrute, te pakten ato qe na kane ngelur, mire para se te them gje.

Kismet Dita nje dite tjeter gjate ketyre pushimeve.

[Dita]

nga guntheric

Me vjen me teper keq qe nuk komentohen ashtu sic duhej keto poezi. Vandali beri nje perpjekje per te shkruar dicka per, te pakten, poezite e mesiperme, por kjo perpjekje deshtoi. Mesa duket kam shume kohe pa e bere dhe sikur kam humbur "talentin". Ne fakt arsyeja kryesore eshte qe kam te bej me poezi te Dites, jo te ndonje caraci apo caraceje adoleshente qe "..ashtu u ndje ne momentin qe ktheu ndjenjen ne vargje dhe vargjet i hodhi ne leter", ndaj cdo fjale apo fjali e vandalit do ishte pa kuptim. Poezia e Dites ama ndryshon. Ndaj duhet te shtrrydh trrute, te pakten ato qe na kane ngelur, mire para se te them gje.

Kismet Dita nje dite tjeter gjate ketyre pushimeve.

guntheric,

komenti eshte i mirepritur.


Pershendetje,
Dita