Hipertensioni: tensioni i larte i gjakut

[Idmon]

ZOTI MIMI JU PERSHENDET DHE JU UROJ PER SHKRIMIN QE KE BERE NE FORUM PER HIPERTENSIONIN DHE RRUGET QE DUHET NDJEKUR PER KURIMIN E TIJ . KJO ESHTE NJE TEME QE DUHET TE NA PREUKOPOJE TE GJITHEVE PASI TENSIONI NE SHQIPERI ESHTE SHUME E PERAPER SIDOMOS TEK TE MOSHUARIT TE PRINDRIT TANE DHE JO VETEM NE SHQIPERI POR NE GJITH BOTEN .POR NE NE FORUM JEMI MESUAR TE BEJME VETEM POLITIKE DHE DISAVE NUK JU VJEN MIRE TE HAPEN TE TILLA TEMA NE FORUM NE TE ARDHMEN TE UROJ TE SHKRUASH TEMA TE TJERA PER SEMUNDJE TE TJERA QE JANE TE PERHAPURA NE BOTE DHE MENYREN E KURIMIT TE TYRE .

PERSHENDETJE ZOTI MIMI DHE URIME TE SINQERTA NGA MONDI DETROIT

[Mimi_1]

pershendetje te gjitheve

shkrimet e mia i pata publikuar edhe ne forumin e parajsa.com.
bile ata te parajses i botuan mevone edhe ne faqe te pare duke i zbukuar me foto.(shiko shkrimin "diabeti" ne faqen e pare te www.parajsa.com")
kjo me gezon personalisht sepse shkrimi duke qene ne faqe te pare te sitit eshte ne gjendje te klasifikohet ne rezultatet e kerkimit te cdo search engine kur kerkon per ndonje fjale qe ndodhet ne shkrim. nese shkon ne Google.com dhe kerkon per fjalet DIABETI dhe SEMUNDJE. do te shihni se shkrimi im do tju dale ne rezultatet e para.
gezimi im vjen nga fakti se une besoj se shkrimet e mia i afrohen shume se vertetes dhe se tani jane me te lehta per tu gjendur ne internet.

Nese dikush disponon informacione te cilat mund te hedhin me shume drite(=konfirmon ose hedh poshte) ne temen e hapur ju lutem shume coni nje postim se do ta vleresoja shume

pershendetje
Mimi

[sabo]

Mimi i lexova me shum vemendje shkrimet tuaja per mjekimet bravo te qofte je shum i mir informuar ,besoi se ka shum mjek ne Shqiperi qe nuk i din te rejat ne keto fusha .te pergezoj per punen qe ke ber per pasurimin e keti bashkebisedimi Sabo

[DI_ANA]

Hipertensioni arterial është ngritja e presionit në enët e gjakut. Shkaqet janë të shumta dhe për këtë arsye ndahet në dy grupe të mëdha: Hipertensioni arterial esencial, i cili edhe pas një sërë ekzaminimesh nuk kuptohet se nga vjen. Shpesh ka origjinë trashëgimie ose stresi, pra origjinë të brendshme. Grupi i dytë është hipertensioni arterial sekondar, që tregon se ka një shkak të ndryshëm, që mund të jetë një person që ka vuajtur nga veshkat, nefriti apo infeksione të veshkave dhe quhet hipertension renovaskular. Shkak tjetër mund të jenë sëmundje të tilla të veshkave, si p.sh ngushtimi i arteries renale, që furnizon veshkën me gjak. Duke mos u furnizuar si duhet, në veshkë krijohen çrregullime të prodhimit të hormoneve dhe për pasojë ngritje të tensionit. Shkak tjetër janë problemet me gjëndrat e tiroides, prodhimi i tepërt të hormonit të tiroides shton rrahjet e zemrës, e për pasojë shkakton rritje të tensionit të enëve të gjakut. Shkaqe të tjera janë diabeti dhe tumori i gjëndrave mbiveshkore.
Cilat janë grupmoshat më të rrezikuara
Nga tensioni vuan gati 12-20 për qind e popullatës dhe me rritjen e moshës, rritet dhe përqindja e të prekurve. Shkaqet për këtë janë trashëgimia, stresi, duhani, sëmundjet e veshkave etj. Por më të predispozuar për t'u prekur nga kjo sëmundje është mosha mbi 45-50 vjeç për burrat dhe 50-55 vjeç për gratë. Te gratë kjo lidhet me hyrjen në periudhën e menopauzës dhe çrregullimet hormonale karakteristike të kësaj periudhe, ndërsa te burrat me çrregullimet që pësojnë enët e gjakut, përdorimin e kripës, duhanit, alkoolit. Enët e gjakut humbasin elasticitetin, ngushtohen dhe nisin problemet me tensionin e gjakut. Kohët e fundit po vihet re se hipertensioni po shfaqet dhe te moshat e reja. "Fajtorët" për këtë duhen kërkuar te trashëgimia, por dhe stili i jetës, aktiviteti i ulët fizik dhe regjimi ushqimor me kalori të tepërta dhe pa vlera ushqimore.
Si ndikon stresi në shfaqjen e hipertensionit
Stresi krijon një dominante në sistemin nervor, e cila shton prodhimin e adesteronit në veshka, e për pasojë çon në ngushtimin e enëve të gjakut dhe shfaqjen e hipertensionit.
Cila është periudha më problematike për këta të sëmurë?
Periudha e dimrit, për shkak të së ftohtit, por dhe luhatjeve të theksuara të temperaturave. I ftohti ngushton enët e gjakut dhe rrit tensionin. Prandaj këtyre pacientëve u rekomandohet të jenë korrekt në marrjen e ilaçeve dhe të kenë kujdes me menynë dhe stilin e jetës. Të sëmurët duhet të eliminojnë daljet në ditët shumë të ftohta, të dalin vetëm gjatë orëve të ngrohta dhe të vishen mirë.
Si ndikon periudha e menopauzës në hipertension
Kjo lidhet me çrregullimet në prodhimin e hormoneve, sidomos estrogjenit që ndihmon në mbrojtjen e enëve të gjakut nga arteriosklerozat. Kur këto hormone janë në nivele të ulëta, nis formimi i arterosklerozave e për pasojë shkaktojnë hipertensionin. Edhe përdorimi i duhanit shton rrezikun për shfaqjen e hipertensionit arterial. Nikotina që përmban duhani çon në ngushtim të enëve të gjakut dhe sjell rritjen e presionit të gjakut. Mosha më problematike te burrat për shfaqjen e problemeve me tensionin e lartë është 45 vjeç. Ndërsa te gratë mosha më problematike për shfaqjen e problemeve me tensionin e lartë është 50 vjeç.

Marre nga: TiranaObserver

[DI_ANA]

Më mirë tension të ulët apo të lartë të gjakut?

Doktor Mihai Georgiade dhe studiues të tjerë analizuan të dhënat e rreth 50 mijë pacientëve amerikanë që kanë pësuar infarkt. Infarkti ndodh kur zemra nuk arrin të shpërndajë gjak të mjaftueshëm në të gjitha organet e tjera të trupit.

Sipas një studimi të publikuar në Gazetën e Shoqatës Amerikane të Mjekësisë, ekspertët analizuan tensionin sistolik të gjakut – që është presioni që ushtrohet kur zemra kontraktohet. Ata zbuluan se një njeri që vjen në spital me infarkt dhe të cilit zemra i pompon ende mjaft gjak për të pasur tension të lartë, ka më shumë mundësi për të jetuar sesa një njeri me tension të ulët. “Gjatë kohës që pacienti arrin në spital, duket se është më mirë që ai të ketë tension të lartë të paktën për disa orë, sepse kjo tregon se zemra është më e fortë”, thotë mjeku Mihai Georgiade.

Kur kontraktimet janë më të dobëta, kjo mund të tregojë se pacienti ka sëmundje më të avancuar dhe mundësi më të pakta për të jetuar. Mihai Georgiadei shpjegon: “Pra, tensioni i lartë në vetvete nuk është gjë e mirë, por është një masë treguese për forcën e zemrës.” Studiuesit thonë se duke ditur nëse pacienti ka ardhur në spital me tension të ulët apo të lartë, kjo jep informacion të vlefshëm për mënyrën se si duhet trajtuar.

Për të parandaluar atakun në zemër ka mjete të ndryshme. I tillë është tubi zgjerues që i ngjan një rrjete të vogël, zakonisht prej metali, i cili vendoset brenda një arterieje për të bërë të mundur qarkullimin e një sasie më të madhe gjaku. Për t’i veshur këta tuba përdoren ilaçe të ndryshme, si për shembull antibiotikë. Rreth 6 milionë njerëz në të gjithë botën kanë tuba të veshur me ilaçe të vendosur në arteriet e tyre. Disa kardiologët thonë tani se tubat e veshur me antibiotikë mund të shkaktojnë mpiksje gjaku. Dr. Michael Lincoff shpjegon: “Në tub formohen mpiksje të cilat e bllokojnë atë dhe ndalojnë gjakun që rrjedh në arterie. Në këtë rast, kjo pjesë e muskulit të zemrës pëson një atak.” Disa studiues mendojnë se tubat e veshur me antibiotikë mund të kenë shkaktuar çdo vit rreth 6 mijë atake në zemër në Shtetet e Bashkuara. Doktor Craig Smith thotë: “Pavarësisht se debatet për këtë çështje vazhdojnë, rreziku duket se është më i madh se ç’është menduar më parë.” Dr. Lincoff thotë se është shumë e rëndësishme që pacientët që kanë tuba të veshur me ilaçe të vazhdojnë të marrin mjekime për hollimin e gjakut për të mos lejuar mpiksjet. Tani, shkencëtarët po testojnë një lloj tubi që mund të thithet nga muret e arteries pasi të ketë kryer funksionin e tij.

"Revista Jone"

[dp17ego]

Tema eshte vertet e bukur dhe aktuale.

Doja te shtoja qe tensioni arterial i larte i instaluar nuk sherohet. Ky eshte nje pasoje, nje sekele e nje varg semundjeve te tjera.

Neqoftese eshte e nevojshme qe te fillohet mjekimi, duhet filluar sa me pare dhe pa ngurim.
Kam vene re se njerzint kane nje fare ngurimi per te filluar mjekimin. Ata shpesh pyesin: Po po e fillova ilacin, mos duhet ta vazhdoj te gjithe jeten?
Sigurisht qe po qe se ti je i semure, mjekimi vazhdohet per te gjithe jeten dhe kjo jo per faj te mjekimit, por per faj te semundjes.

Mjekimi, te shpeton nga pasojat e hipertensionit, te cilat jane jo te lehta dhe shpesh here rrezikojne edhe jeten.

[suada dr]

Kam shum informacion ne lidhje me kete teme por po shkruaj ato qe them se skan shum fjale qe i kuptojn vetem mjeket.


Sistemi kardio vascular

Hipertensioni prek stukturen dhe funksionin e vaskulatures koronare dhe ventrikulin e majte HTAgjithashtu aktivizon sistemin renin angiotenzin aldossteron
Duke shkaktuar vazokonstriksion sistemik.Kjo con ne rritjen kerkesses se miokardit per oksigjen me rritjen e tensionit te paretit ventricular te majte Qe con ne hipertrofi te ventrikulit te majte dhe kompresion koronar.
Gjate emergjence hypertensive,ventrikuli I majte nuk mund te perballoje rezistencen sistemike vaskulare.

Shpeshtesia

Hipertensioni prek afersisht 25% te popullsise.Prevalenca e HTa
Shtohet me rritjen e moshes.Me shume se gjysma 60-70 vecareve
Dhe afersisht tre cereku i> 70 vjecareve jane te prekur nga kjo semundje.
Kriza hypertensive prek 1% te adulteve hypertensive

Nerkombetare

Ne mare boten 1 billion njerez kane HTA

Semudshmeria dhe vdekshmria e emergjences hypertensive varet nga shtrija e
E disfunksionit te organit te prekur dhe nga shkalla me te cilen eshte
Kontrolluar me vone.Me nje TA te mbajtur nen kontroll dhe dhe mjekim te pranushem
10 vjecari I mbijeteses tek pacientet me krize hypertensive arrin 70%

*Vdekshmeria ne vitin e pare per nje emergjence hypertensive eshte 79%
*Vdekshmeria per 5 vjet te mbijetuar eshte 74%.
Seksi

Ne pergjithesi,prevalenca dhe incidence e HTA eshte lehtesisht me e rritur ne burra sesa tek grate.Krizat hypertensive jane 2 here me te shpeshta tek burrat se tek grate
Mosha

Krizat hypertensive jane me te shpeshta tek te moshuarit

[DI_ANA]

“Fajtorët e jashtëm” të shfaqjes së hipertensionit

• Stresi, menopauza, jeta sedentare, ushqimi, janë këto disa nga “shkaktarët e jashtëm” të shfaqjes së hipertensionit arterial.

AIDA MALAJ

Në një intervistë për “Panorama”, mjeku kardiolog, Valer Manushi, shpjegon se si ndikojnë konkretisht këta faktorë në organizmin e një njeriu të predispozuar të shfaqë probleme me tensionin e lartë:
Doktor, është e vërtetë që hipertensioni po përhapet gjithmonë e më tepër në moshat e reja?
Sëmundja e hipertensionit arterial prek të gjitha moshat që nga ajo fëminore deri në moshat e rritura. Hipertensioni që shfaqet në moshat e reja para 50 vjetëve ka të bëjë më shumë me hipertensionin arterial sekondar, kurse pjesa tjetër që haset në moshat e rritura mbi 50 vjeç, është hipertension arterial primar. Në përgjithësi konsiderohet si sëmundje e moshës së rritur, por vihet re se është mjaft e përhapur në moshat e reja. “Fajtorët” për këtë duhen kërkuar te trashëgimia, por dhe stili i jetës, aktiviteti i ulët fizik dhe regjimi ushqimor me kalori të tepërta dhe pa vlera ushqimore.
Është e vërtetë që stresi është nga faktorët që ndikon në shfaqjen e hipertensionit arterial?
Po. Stresi konsiderohet si një nga faktorët që ndikojnë në shfaqjen e hipertensionit. Kjo sepse stresi krijon një dominante në sistemin nervor e cila shton prodhimin e adesteronit në veshka, e për pasojë çon në ngushtimin e enëve të gjakut dhe shfaqjen e hipertensionit.
Doktor, është e vërtetë që menopauza ndikon në shfaqjen e kësaj sëmundjeje?
Po. Te gratë kjo konsiderohet si një nga faktorët që ndikon në shfaqjen e sëmundjes. Kjo lidhet me çregullimet në prodhimin e hormoneve,sidomos estrogjenit që ndihmon në mbrojtjen e enëve të gjakut nga arteriosklerozat. Në moment që këto hormone janë në nivele të ulta, nis formimi i arteriosklerozave,e për pasojë hipertensionin.
Doktor, është e vërtetë që jeta sedentare “akuzohet” si një nga faktorët që ndikon në shfaqjen e sëmundjes?
Jeta sedentare është cilësuar si një ndër faktorët kryesorë të rrezikut për shfaqjen e sëmundjeve kardiovaskulare. Zemra është organ muskulor dhe si i tillë, ajo duhet mbajtur në formë. Me një aktivitet fizik të rregullt zemra bëhet më e fortë dhe i reziston lodhjes. Nga ana tjetër, shtohet kërkesa për oksigjen nga ana e trupit dhe shtohet puna e zemrës dhe mushkërive, duke bërë qarkullimin e gjakut më të lehtë, e për pasojë uljen e vlerave të presionit të gjakut. Në të njëjtën kohë mbajtja nën kontroll e presionit të gjakut ul rrezikun për shfaqjen e sëmundjeve kardiake apo hipertensionin.
Po duhani si ndikon?
Nikotina që përmban duhani çon në ngushtim të enëve të gjakut, e për pasojë rritjen e presionit të gjakut dhe shfaqjen e hipertensionit.
Është e vërtetë që kripa duhet të kufizohet te ky kontingjent i të sëmurëve?
Po. Marrja e kripës nëpërmjet ushqimeve në sasi të tepërt, depozitohet në muskulaturën e mureve të enëve të gjakut, i fryn ato dhe shkakton rritje të tensionit të gjakut.


Çfarë është sëmundja

Hipertensioni arterial është ngritja e presionit në enët e gjakut. Kjo shkaktohet nga disa shkaqe dhe për këtë arsye ndahet në dy grupe të mëdha: a) hipertension arterial esencial, i cili edhe pse bëhen një sërë ekzaminimesh nuk arrin të kuptohet se nga vjen. Kjo shpesh ka origjinë trashëgimie ose stresi, pra ka origjinë të brendshme.
Grupi i dytë është hipertensioni arterial sekondar, që tregon se ka një shkak të ndryshëm që mund të jetë një person që ka vuajtur nga veshkat, gjendrat e tiroides, diabeti, tumori i gjendrave mbiveshkore, etj.

Marre nga "Panorama"

[DI_ANA]

Hipertensioni arterial: Si ta kontrolloni?

Disa udhëzime të shkurtra si të jeni në gjendje që të kontrolloni hipertensionin tuaj arterial.

Nëse interesoheni të dini se a mund të rregulloni tensionin e gjakut pa marrë ilaçe, përgjigja është tepër optimiste. Sipas specialistëve, në disa raste tensioni i lartë i gjakut, d.m.th. hipertensioni jo shumë i lartë mund të përballohet me sukses duke realizuar disa ndryshime në jetën e përditshme si dhe në regjimin ushqimor. Të njëjtat udhëzime vlejnë edhe për rastet e hipertensionit të mesëm dhe atij shumë të lartë, por gjithmonë në kombinim me terapitë- mjekësore për të pasur rezultat më të mirë.

Simptomat

Hipertensioni zakonisht zhvillohet pa shumë ndërlikime, por në raste të tensionit të lartë paraqet simptoma të tilla sikurse:
* Dhimbje koke
* Marramendje
* Dhimbje dhe ndjenje rëndese në gjoks
* Pagjumësi
* Urinim i shpeshtë
* Etje e madhe
* Dobësi muskulore dhe humbje ekuilibri.

Rreziqet

*40% e të sëmurëve me tension rrezikojnë të pësojnë hemorragji cerebrale. *16% e tyre rrezikojnë të pësojnë infarkte në zemër. * Sëmundja kërcënon organe të trupit sikurse veshkat etj.

Hipertensioni në shifra
* 25-30% e evropianëve të rritur vuajnë nga hipertensioni. *14% e amerikanëve të rritur vuajnë nga hipertensioni.
* 80% e të sëmurëve me hipertension nuk i nënshtrohen udhëzimeve për përmirësimin e tensionin te tyre, fakt që kushtëzohet nga mungesa e përditshme e ilaçeve, kostoja e lartë e tyre, frika nga reaksione të mundshme të terapisë me ilaçe (rënie e shpejtë e tensionit, kollë etj.) si dhe nga mungesa e komunikimit dhe besimit tek i sëmuri dhe mjeku.
* 95% e rasteve me hipertension nuk i dedikohen ndonjë sëmundje tjetër (p.sh. çrregullime nervore, probleme hor¬monale).

Humbisni kilogramët e tepërt

Mungesa e peshës është një hap tepër i rëndësishëm në nor¬malizimin e hipertensionit. Madje nuk është e rastit që shpesh personat që vuajnë nga hipertensioni përfshihen në kategorinë e njerëzve me mbipeshë. Rreziku nga kilogramët e tepërt është më i madh kur mbipesha është grumbulluar në disa pjesë të trupit, konkretisht në bark dhe kraharor. Të mirat e mungesës së mbipeshës janë të shumta. Përveç se ajo ndikon në uljen e ten¬sionit të lartë arterial, vepron edhe në rënien e nivelit të koles¬terolit etj. Gjithashtu, ndihmon në rregullim e niveleve të sheqerit në gjak në rast diabeti. Mos harroni se kombinimi i tensionit të lartë, i kolesterolit në rritje dhe diabetit përbën një faktor tepër rëndues për funksionimin normal të sistemit kardiologjik.

Shëtisni

Specialistët ju këshillojnë të sëmurëve me tension të lartë që të ecin të paktën 2-3 herë në javë për 45 minuta (është kjo koha që nevojitet mesatarisht për të përshkuar një distancë prej 4 kilometrash). Përkundrazi, ata ndalojnë ushtrimet me peshë pasi në këtë mënyrë rritet shumë presioni arterial dhe vonon që të vijë në nivele fiziologjike. Ndërkaq, nuk përjashtohet që një i sëmurë me hipertension të kryejë ushtrime me pesha, por kjo do të realizohet vetëm pasi ai të ketë nisur tashmë një program aer¬obie, sipas këshillave të mjekut të tij dhe në bazë të rezultateve të analizave të domosdoshme (si psh. test i lodhjes etj.).

Ndërprisni duhanin
Duhani shkakton çarjen e kapilareve dhe ndikon në humbjen e elasticitetit të tyre. Është provuar se akoma edhe një cigare është e aftë të shkaktojë çarje dhe kjo sepse presioni i gjakut, që qarkullon në brendësi të kapilarëve, rritet. Përveç tensionit të gjakut, shpeshtohen edhe rrahjet e zemrës pasi kjo e fundit është e detyruar të punojë më tepër me qëllim që të mbulojë nevojat e organizmit me oksigjen. Me ndërprerjen e duhanit muret e kapilareve bëhen më elastike, ndërsa zemra punon me ritëm normal dhe nuk lodhet.

Kontrolloni stresin
Megjithëse kjo këshillë është e vështirë që të zbatohet, pasi stresi është i pranishëm në jetën tonë të përditshme, e vërteta është se nëse dëshironi ta përballoni me sukses hipertensionin duhet të kontrolloni stresin. Me fjale të tjera, stresi funksionon sikurse duhani, duke çuar në rritjen e tensionit të gjakut. Personat e brezit të tretë janë më të prekur nga hipertensioni pasi kapilarët e tyre janë më të fortë, më shumë pak elasticitet, për shkak të moshës.

Kini kujdes regjimin ushqimor

Preferoni: Peshk-zarzavate

* Peshqit (si sardelet, salmoni etj.) përmbajnë tre përbërje yndyrore të cilat është provuar se ndihmojnë në uljen e tensionit të gjakut. Studimet rreth kësaj çështje janë realizuar në popuj të cilët konsumojnë shumë peshk, si p.sh. eskimezët. Natyrisht që efekti i këtyre përbërjeve tek ju varet nga shpeshtësia e konsumimit të peshkut. Mirë është që të preferoni të hani peshk dy herë në javë dhe të kufizoni konsumin e mishit të viçit; derrit, pulës etj. deri në një herë në javë.
* Frutat dhe zarzavatet kanë në përbërjen e tyre lëndë të cilat ndihmojnë në ruajtjen e kapilarëve në gjendje sa më të mirë. Pjesa e brendshme e tyre "sulmohet" nga tensioni i lartë i gjakut, kolesteroli dhe diabeti. Në saje të lëndëve të vlefshme që përmbajnë frutat dhe zarzavatet, kapilarët qëndrojnë hapur duke lehtësuar qarkullimin sa më nor¬mal të gjakut. Specialistët propozojnë që vaktet tuaja të kenë në përbërjen e tyre fruta, zarzavate dhe pak yndyrë mishi.

Rregulloni temperaturën e shtëpisë

I ftohti është një faktor rëndues për hipertensionin, megjithëse shumë e injorojnë. Nuk është e rastit që në verë kardiologët zvogëlojnë sasinë e ilaçeve kundër hipertensionit, për shkak se nxehtësia ul tensionin. Përkundrazi, ndenja në të ftohtë rrit presionin arterial. Ndaj është e rëndësishme që shtëpia juaj të jetë e ngrohtë.

"Telegrafi"

[DI_ANA]

Matni siç duhet tensionin

Përpara se të vendosni të matni tensionin e gjakut, lexoni të rejat e fundit

Siguroni shëndetin e zemrës tuaj: në çdo vizitë kërkoni nga mjeku juaj t’ju matë tensionin ose mateni vetë në shtëpi. Kini parasysh se, konsumimi i ushqimeve të caktuara, disa zakone ose qëndrimi i gabuar i trupit mund të japin rezultate jo të vërteta. Që të bëhet më e saktë matja e tensionit, ndiqni rregullat e mëposhtme.

- Përpara matjes: shmangni kafeinën dhe duhanin, të paktën 30 minuta përpara matjes, sepse mund të rritin tensionin. Të njëjtat rezultate mund të ketë edhe një fshikëz urinare e “fryrë”, për këtë arsye kujdesuni të vizitoni banjën.

- Gjatë matjes: kujdesuni që kurrizi juaj të prekë mirë në karrige (mungesa e mbështetjes mund të rritë tensionin), këmbët të prekin tokën dhe dora juaj të jetë e mbështetur në tavolinë.

- Bërryli juaj të jetë në vijë të drejtë me lartësinë e gjoksit. Mos u përkulni përpara dhe shmangni isedat; edhe nëse ju ajo që dëgjoni, rezultati mund të jetë i gabuar.

Pas matjes: kontrolloni përsëri nëse tensioni juaj ishte pa arsye i lartë ose i ulët. Mateni tensionin edhe në dorën tjetër (rezultatet mund të mos jenë të njëjta). Matja më e lartë është më e sakta. Nëse rezultatet nuk janë fiziologjike, lajmëroni mjekun tuaj. Preferoni që matja të bëhet me matësin klasik, atë me matës dore.

"Telegrafi"