Fortlumturia e Tij, Kryepiskopi Joan viziton Patriarkanën Ekumenike në Kostandinopojë

[Albo]

NJOFTIM

Kisha Orthodhokse Autoqefale e Shqipërisë njofton se nga dt. 13 deri më 17 qershor 2025, Fortlumturia e Tij, Kryepiskopi i Tiranës, Durrësit dhe i Gjithë Shqipërisë, Imzot Joani, së bashku me një delegacion, do të kryejë vizitë zyrtare paqësore në Patriarkanën Ekumenike në Stamboll.

Delegacioni do të përbëhet nga Mitropoliti i Fierit dhe Apollonisë, Hirësi Nikolla; i Beratit, Hirësi Asti; Episkopi i Krujës, Hirësi Anastasi, njëkohësisht Protosingjel i Kryepiskopatës së Shenjtë; Protopresviter Atë Jani Mërkuri, Epitrop Arkihieratik i Mitropolisë së Shenjtë të Gjirokastrës; Kryedhjakoni Johan Koroveshi dhe z. Andrea Rëmbeci, Profesor i Universitetit të Tiranës dhe drejtor i Fondacionit “Frymë Dashurie”.

Vizita kryhet në kuadrin e vizitave tradicionale paqësore që kryejnë Primatët e Kishave Orthodhokse, që nisin nga Patriarkana Ekumenike, e cila mban vendin e parë të nderit, dhe vijojnë në të gjitha Kishat Orthodhokse.

Kjo vizitë është shprehje e unitetit të Kishës në Shpirtin e Shenjtë.

Zyra e Shtypit
Kisha Orthodhokse Autoqefale e Shqipërisë
Tiranë, 11 qershor 2025


Pritja zyrtare e Fortlumturisë së Tij, Kryepiskopit Joan, në Patriarkanën Ekumenike të Kostandinopojës



Mbërritja e Fortlumturisë së Tij, Kryepiskopit Joan, në Kostandinopojë.

Mbërritja e Fortlumturisë së Tij, Kryepiskopit Joan, në Kostandinopojë.

Ditën e premte, më 13 qershor 2025, në orën 15:00, Fortlumturia e Tij, Kryepiskopi i Tiranës, Durrësit dhe i gjithë Shqipërisë, Joani, mbërriti në Aeroportin Ndërkombëtar të Stambollit, i shoqëruar nga delegacioni zyrtar i Kishës Orthodhokse Autoqefale të Shqipërisë.

Në zonën VIP të aeroportit, Kryepiskopi Joan dhe delegacioni që e shoqëron u pritën me nderime nga Hirësia e Tij, Mitropoliti i Sillivrisë, z. Maksim dhe nga Nënsekretari i Sinodit të Hirshëm dhe të Shenjtë të Patriarkanës së Kostantinopojës, dhjakon Oikoumenios. Në pritje mori pjesë gjithashtu edhe Konsulli i Përgjithshëm i Republikës së Shqipërisë në Stamboll, z. Armand Shandro, duke shprehur vlerësimin dhe mbështetjen e përfaqësisë diplomatike shqiptare për këtë vizitë të rëndësishme kishtare.

Pas mbërritjes, delegacioni u zhvendos dhe u akomodua në hotelin “Grand Hyatt Istanbul”, ku do të vijojnë qëndrimin në kuadër të vizitës zyrtare.

Vizita e Kryepiskopit Joan në Patriarkanën Ekumenike të Kostandinopojës përbën një moment të rëndësishëm për marrëdhëniet ndërkishtare dhe për dialogun vëllazëror brenda Kishës Orthodhokse.











KOASH

[Albo]

Dhoksologjia Në Patriarkanën Ekumenike, Me Rastin E Vizitës Paqësore Të Kryepiskopit Joan (14.06.2025)

[Albo]

Pritja e Kryepiskopit Joan nga Tërëshenjtëria e Tij, Patriarku Ekumenik, z. Vartholome.

Fjalët e rastit të mbajtura nga Patriarku Ekumenik, Tërëshenjtëria e Tij, Vartholomeu dhe Kryepiskopi i Shqipërisë, Fortlumturia e Tij, Joani, në ceremoninë e pritjes së Kryepiskopit Joan dhe delegacionit të Kishës Orthodhokse Autoqefale të Shqipërisë në Patriarkanën Ekumenike. 14.06.2025

[Albo]

Fjala përshëndetëse e Kryepiskopit Joan drejtuar Patriarkut Ekumenik z. Vartholome

[Albo]

Foto Album nga pritja zyrtare e Fortlumturisë së Tij, Kryepiskopit Joan, në Patriarkanën Ekumenike të Kostandinopojës.

Pritja zyrtare e Fortlumturisë së Tij, Kryepiskopit Joan, në Patriarkanën Ekumenike të Kostandinopojës

Të shtunën, më 14 qershor 2025, Fortlumturia e Tij, Kryepiskopi i Tiranës, Durrësit dhe i gjithë Shqipërisë, Joani, u prit në vizitë zyrtare në Patriarkanën Ekumenike të Kostandinopojës, në kuadër të marrëdhënieve vëllazërore mes dy kishave.

Në orën 10:30, Kryepiskopi Joan, së bashku me delegacionin që e shoqëron, u nis nga hoteli drejt Patriarkanës së Kostandinopojës, i shoqëruar nga Mitropoliti i Smirnit, hirësia e tij Vartholomeu dhe Singjeli i Madh, atë Jeronimi.

Në orën 11:00, në hyrje të Patriarkanës, Kryepiskopi Joan dhe delegacioni i tij u pritën me nderime nga Mitropoliti i Kalqedonës, hirësia e tij Emanueli, anëtarë të oborrit patriarkal, si dhe nga klerikë të Kryepiskopatës fort të Shenjtë të Kostandinopojës dhe të Mitropolive të Kalqedonës, të Dherkon dhe të Prinkiponisit.

Në kishën patriarkale të Shën Gjergjit u zhvillua Dhoksologjia, e kryesuar nga Fortlumturia e Tij, Kryepiskopi Joan, me praninë e Mitropolitit të Kalqedonës, hirësi Emanuelit, njëherësh Kryetar i Komisionit për Çështjet Ndërorthodhokse.

Më pas, në Sallën e Fronit u zhvillua ceremonia zyrtare e mirëseardhjes nga Tërëshenjtëria e Tij, Patriarku Ekumenik, Vartholomeu. Pas përshëndetjes dhe fjalës së ngrohtë të Patriarkut Ekumenik, Kryepiskopi Joan mbajti fjalën e tij të rastit, duke theksuar rëndësinë e unitetit orthodhoks dhe të bashkëpunimit të ndërsjellë.









































KOASH

[Albo]