SPAK godet Bandën e Troplinëve që kontrollonte trafikun e kokainës e portin e Durrësit

[Albo]

'Kokainë ...me tonelata! Eshtë negociator i zoti' Ja çfarë dëshmoi Nuredin Dumani për Vis Pojën



Autoritetet italiane nuk kanë asnjë dyshim se Xhevdet Troplini, i njohur si Poja, është kreu i një organizate të fuqishme kriminale që trafikon lëndë të forta narkotike nga Amerika Latine në drejtim të Europës.

Ndërkohë grupet janë të përfshira dhe në furnizimin me heroinë të pastër që vjen nga Turqia, përmes korrierëve, të cilët maskohen si shoferë kamionësh apo punonjës tragetesh që lëvizin mes Durrësit dhe Barit.

Në dosje e gjykatës italiane thuhet se raportet kriminale mes Elvis Doçit ose Visit të Pojës dhe Adi Çobës për llogari të organizatës së Xhevdet Troplinit janë përmendur para prokurorëve të SPAK-ut në Shqipëri edhe nga bashkëpunëtori i drejtësisë, Nuredin Dumani.

Dëshmia kyçe nga Shqipëria

Nuredin Dumani në dëshmitë e tij përballë autoriteteve në Tiranë ka zbardhur rolin e Visit të Pojës dhe lidhjen e tij me Adi Çobën dhe klanet e drogës.

"Pasi e njohu nga një fotografi, Nuredi Dumani dëshmoi se e njihte prej shumë vitesh Elvis Doçin, të cilin e njihte vetëm me emrin 'Visi i Pojës', për shkak të marrëdhënies së ngushtë kriminale që kishte pasur më parë me Fatmir Troplinin i njohur si “Miri”, bir i Xhevdet Troplinit (i quajtur “Poja”(dajal i Elvisit) dhe kushëri i Elvis Doci.

Lidhur me këtë, ai sqaroi ndër të tjera se në ambientin kriminal shqiptar nuk kishte askënd tjetër përveç DOCI Elvis që njihej me nofkën ‘Visi i Pojës’:

“E identifikoj shumë mirë (...) e njoh me emrin VISI. E njoh prej vitesh, që kur isha i vogël (...) Visi është një negociator shumë i aftë (...) për trafikun e heroinës (...) Më pas, në vitin 2013, e la heroinën dhe filloi me kokainën (...) Për heroinë nuk e kam dëgjuar më, por për kokainë po. Me tonelata (...) Të gjithë e quajnë Visi i Pojës (...) Poja është Xhevdet TROPLINI (...) Visi i Pojës është djali i motrës së Xhevdet TROPLINI-t të quajtur Poja (...) nuk ka ndonjë tjetër Visi.” thuhte në dosje.

Grupi kriminal i Pojës është akuzuar publikisht nga kryetari i Partisë Demokratike, Sali Berisha, se ka ndërhyrë në zgjedhjet parlamentare, të zhvilluara në 11 Maj 2025, duke blerë vota apo duke intimiduar qytetarët e Durrësit, në favor të Partisë Socialiste të Edi Ramës.

Vendimi i gjykatës së Barit është miratuar në 21 Shkurt 2025. Por ai u zbatua vetëm këtë të mërkurë, rreth dy javë pas zgjedhjeve parlamentare në Shqipëri.



Syri

[Albo]

Dokumenti që rrëzon Dumanin! Urdhërarrestet u firmosën në shkurt, u ekzektuan pas zgjedhjeve



Ndryshe nga sa deklaroi kryeprokuorori i Posaçëm Altin Dumani për megaoperacionmin ndërkombëtar të trafikut të lëndëve narkotike nga Shqipëria drejt vendeve të BE, se nuk ka lidhje me zgjedhjet, vendimi i Gjykatës italiane të Barit e përgënjeshtron hapur drejtuesin e SPAK.

Syri. Net mëson përmes dosjes hetimore prej mbi 1000 faqesh, se vendimi për 26 urdhërarrestet e lëshuara për biznesmenët shqiptarë dhe bashkëpunëtorët e tyre italianë, që kishin një rol kyç në trafikun ndërkombëtar të kokainës dhe heroinës me origjinë nga Amerika Latine, janë lëshuar që në shkurt të këtij viti.

Nga vendimi, rezulton se gjyqtari Francesco Vittorio Rinaldi ka firmosur urdhërarrestet që më 21.02.2025, një vendim i Gjykatës së Barit, Itali.



Nga urdhërarrestet e lëshuara, rezulton se të përfshirë janë 14 shtetas shqiptarë nga 26 në total, konkretisht:

Ekil Nderjaku
Indrit Tafili
Gertin Aliu
Adi Çoba
Ervis Deti
Agron Ganaj
Zenit Shtraza
Genci Telollari
Redi Tusha
Ervis Doçi
Nuredin Kiptiu
Arsen Leskaj
Erigels Presi
Leonard Shakaj





















Syri

[Albo]

Berisha: Ervis Doçi e ka gjithçka me licencë të Edi dhe Olsi Ramës! Portin e Durrësit e kontrollon Troplini, prandaj u njoftua që të ikte

VIDEO

Lideri i opozitës, në një Sali Berisha, ka bërë akuza të forta ndaj qeverisë, duke lidhur trafikimin e kokainës me portin e Durrësit dhe strukturat e larta të shtetit.

Sipas Berishës, porti i Durrësit është shndërruar në një pikë kryesore të hyrjes së kokainës në Europë, dhe kjo ka ndodhur për shkak të kontrollit të plotë të portit nga grupi i Troplinëve, me mbështetje të nivelit të lartë të qeverisë, përfshirë Edi Ramën dhe Olsi Ramën.

Berisha gjithashtu ka përgëzuar Antimafien Italiane për kontributin e saj në luftën kundër krimit të organizuar në Shqipëri, ndërkohë që ka theksuar se operacionet e drejtësisë shqiptare janë të pasuksesshme dhe se shumë persona të përfshirë janë njoftuar dhe kanë ikur para se të arrestoheshin.

Fjala e plotë:

Këtu unë para jush dhe në mënyrë të përsëritur kam deklaruar se Porti i Durrësit është shndërruar në portin e hyrjes më të madhe të kokainës në Europë.
E kam deklaruar këtë pas faktesh dhe informacionesh të shumta që kam pasur.
Sepse Porti i Durrësit u la jashtë çdo kontrolli.
Pirro Vengu u lartësua në ministër dhe kontrollin e vërtetë të portit e kanë me 100 përqind vetëm Troplinët.
Aty ka grupe të tjera, unë mund t’i citoja, por jo.
Porti i Durrësit dhe kokaina hyn e tëra tani në Shqipëri nëpërmjet Troplinëve.
Në këtë drejtim, unë përshëndes Antimafien Italiane.
Antimafien se Spaku aty ishte, të themi atë që është.
Por ky është operacion në vazhdim.
Të presim, sa u arrestuan. Janë lëshuar 52 urdhra-arresti. Nuk u tha se sa u arrestuan dhe nuk u tha asnjë gjeneralitet.
Të them unë ty, eksponentët kryesorë u njoftuan dhe ikën.
Matriksi vazhdon të funksionojë.
Por unë përgëzoj Antimafien Italiane që është një institucion i shkëlqyer që kontribuon për sigurinë jo vetëm në Itali, por edhe në Shqipëri.
Dhe ky nuk ëshët rasti i parë, janë një seri goditjesh.
I garantoj se Ervis Doçi apo famëziu Poja ka gjithçka me licencë të Edi Ramës dhe Olsi Ramës.
Pra, prapa trafikut monstruoz të kokainës qëndrojnë ata që e kanë lënë portin dhe unë këtë e kam denoncuar me dhjetëra herë që porti i është dorëzuar Troplinit.
Ndaj u njoftua të ikë ai.
Pra, po ta marrim kështu, Toto Rina është në kryeministri, nën-Toto Rina ia mbathi.
Nuk them, tha, gjeneralitete. I kemi sekret.
Po ç’sekret i ke? Ke shkuar dhe ke arrestuar pastruesit dhe shoferët.
Na thuaj pak kush e njoftoi Pojën që iku?
Ai ishte padroni i portit. Dhe natyrisht i zgjedhjeve dhe të gjithave.
Unë ua thashë edhe mbrëmë. Altin Hajri, me dosjen e të cilit është marrë direkt Dumani, ka ndaluar makinën dhe ka shkuar në formë presioni tek kandidatja jonë në Hardhishtë.
Po, vetëm e vetëm si formë presioni që këtu jam unë.
Po ai ka me vete Dumanin dhe Ulsiun, dy kostumet që i thoshte, merrja pak masën atij që t’ia bëjmë dy kostume, se u soll mirë ai, i qëndroi fjalës.
Ka ministrin. Kjo është e vërteta.
Por unë edhe njëherë shpreh vlerësimin më të madh se ajo pak luftë që është bërë kundër narkoshtetit, është bërë nga Antimafia Italiane.

Syri

[Albo]

OPERACIONI URA/ Njoftimi zyrtar i SPAK: Pagesat bëheshin nëpërmjet autobusëve, vlera e transaksioneve shkon në 4.5 milionë euro



Operacion ndërkombëtar kundër trafikut të drogës dhe pastrimit të parave: 52 masa sigurimi dhe miliona euro të sekuestruara në Shqipëri dhe Itali

Në kuadër të një hetimi të përbashkët ndërkombëtar, Prokuroria e Posaçme Kundër Korrupsionit dhe Krimit të Organizuar dhe Prokuroria e Republikës pranë Gjykatës së Barit (DDA), me mbështetjen e Eurojust dhe përmes ngritjes së një Skuadre të Përbashkët Hetimore, ekzekutuan sot, më 21 maj 2025, një operacion të gjerë kundër trafikut ndërkombëtar të lëndëve narkotike dhe pastrimit të produkteve të veprimtarisë kriminale.

Operacioni rezultoi në 52 masa sigurimi personale, përkatësisht:

29 masa sigurimi të vendosura nga Gjykata e Posaçme për anëtarë të grupeve kriminale që vepronin në Shqipëri;
1 urdhër ndalimi i lëshuar nga Prokuroria e Posaçme;
22 masa sigurimi të vendosura nga Gjykata e Barit në Itali.
Në total, janë proceduar 40 shtetas shqiptarë dhe 12 shtetas italianë, të përfshirë në tre grupe të organizuara kriminale – njëra me bazë në Durrës dhe dy të tjera në rajonin e Puglias, Itali.

Gjatë hetimeve të zhvilluara në periudhën 2020–2025, janë dokumentuar 40 episode të trafikimit të lëndëve narkotike, përfshirë edhe sekuestrimin e sasive të konsiderueshme heroine dhe kokaine në Shqipëri, Itali dhe vende të tjera të Europës. Një nga episodet përfshinte transportin e 255 kg heroinë dhe kokainë në Bari, përmes korrierëve ndërkombëtarë.

Sekuestrimet e pasurive janë kryer paralelisht në të dy vendet dhe përfshijnë:

Në Shqipëri:

2 kompani ndërtimi,
4 shoqëri tregtare dhe restorante,
1 agjenci pasurish të paluajtshme,
1 TV kabllor,
automjete luksoze, para cash, etj.
Më parë, gjatë hetimeve janë sekuestruar 3 milionë euro “cash”.

Në Itali:

9 apartamente,
4 kompani,
7 llogari bankare,
3 automjete, të sekuestruara në kuadër të masës së “sekuestros preventive”.
Hetimet u bazuan në metoda të avancuara hetimore si përgjime telefonike dhe ambientale, regjistrime video,vëzhgime dhe kontrolle,analiza të komunikimeve të koduara në platformën SKYECC, dëshmi të tre bashkëpunëtorëve të drejtësisë.

Autoritetet evidentuan se pagesat për lëndët narkotike kryheshin nga Italia drejt Shqipërisë përmes shoferëve të linjave ndërkombëtare të autobusëve, ndërsa vlera totale e transaksioneve të drogave të dokumentuara arrin në 4.5 milionë euro.

Gjithashtu, është dokumentuar edhe transferimi i mbi 500 mijë dollarëve nga Shqipëria drejt Amerikës Latine, si parapagim për një sasi prej 500 kg kokaine që nisej nga Guayaquil, Ekuador.

Procedurat aktualisht ndodhen në fazën e hetimit paraprak, dhe autoritetet ligjzbatuese në të dy vendet po vijojnë punën për identifikimin e personave të tjerë të përfshirë në aktivitetin kriminal dhe korruptiv.

(BalkanWeb)

[Albo]

Operacioni “Ura”/ “Autoritetet italiane dhe shqiptare i dhanë një goditje tre grupeve kriminale”, EUROJUST: U kapën afër 5 mln euro cash, trafikim të 1800 kg kokainë e heroinë

21 Maj, 2025 19:28



Pas SPAK, edhe EUROJUST del me një njoftim zyrtar, ku jep detaje dhe rezultate nga Operacioni i madh ‘Ura’, teksa janë nën akuzë 52 persona, për të cilët u lëshuan urdhëra-arresti nga Antimafia e Barit në bashkëpunim edhe me SPAK-un në Shqipëri.

Me përgjimet e nisura që nga 2016 dhe hetime të intensifikuara në vitin 2020 ndaj 3 organizatave kriminale italiane dhe shqiptarë, çuan nën akuzë mbi 50 persona.

Njoftimi i plotë i EUROJUST:

“Me ndihmën aktive të Eurojust-it, autoritetet në Itali dhe Shqipëri i kanë dhënë një goditje të madhe tre grupeve të lidhura të krimit të organizuar (OCG) të përfshira në trafikun në shkallë të gjerë të drogës dhe pastrimin e parave. Gjatë një dite aksioni të përbashkët, urdhër-arrestet u lëshuan kundër 52 të dyshuarve, duke përfshirë individë që besohet se ishin në nivelet më të larta në hierarkitë e OCG-ve. Eurojust mbështeti bashkëpunimin midis autoriteteve italiane dhe shqiptare duke ngritur një ekip të përbashkët hetimor (JIT).

Gjatë ditës së aksionit, autoritetet në të dy vendet sekuestruan asete me vlerë të paktën disa milionë euro, përfshirë apartamente dhe kompani, si dhe automjete të ndryshme luksoze. Gjithashtu u sekuestruan sasi të mëdha parash dhe sasi të kokainës dhe heroinës. Një vlerësim i plotë dhe i plotë i sekuestrimeve do të bëhet në ditët në vijim.

Nuk ka asnjë vlerësim të plotë të fitimeve totale të bashkëpunimit midis tre OCG-ve. Megjithatë, informacionet e marra nëpërmjet EPH-së tregojnë se rrjetet kriminale ishin përfshirë në pagesa, shpesh me para në dorë, afërsisht 5 milionë euro dhe trafikim të të paktën 1800 kilogramëve kokainë dhe heroinë.

Hetimet për organizatat kriminale të lidhura u nisën në vitin 2016 nga Prokuroria Publike e Barit dhe Prokuroria Speciale Kundër Korrupsionit dhe Krimit të Organizuar Tiranë dhe Policia shqiptare. Nga ana shqiptare, një OCG, e cila operonte nga Durrësi, ishte përgjegjëse për transportin dhe shpërndarjen me shumicë të sasive të mëdha të kokainës, heroinës dhe kanabisit të trafikuara midis Ballkanit, Evropës Veriore, Amerikës së Jugut dhe Pulias në Itali.

Dy banda kriminale të drejtuara nga Italia kryenin prerjen dhe paketimin e drogave të paligjshme dhe furnizonin kokainë dhe heroinë nga Amerika Latine dhe Turqia për bandat lokale në organizata në Bari, Brindisi dhe Lecce.

Arrestimet në Itali dhe Shqipëri janë rezultat i një bashkëpunimi afatgjatë nëpërmjet EPH. Kjo përfshinte përdorimin e përgjimeve, vëzhgimin intensiv me video, monitorimin e të dyshuarve dhe analizën e bisedave të koduara. Këto biseda u dekriptuan pas bashkëpunimit intensiv përmes Eurojust-it.

Që nga viti 2020, Eurojust ka mbështetur autoritetet në Itali dhe Shqipëri me JIT. Gjithashtu, Agjencia ka ofruar asistencë në realizimin e kërkesave për ndihmë të ndërsjellë juridike gjatë ditës së veprimit dhe ka dhënë mbështetje gjyqësore ndërkufitare. Shqipëria është një nga dymbëdhjetë vendet jashtë Bashkimit Evropian me një prokuror ndërlidhës në Eurojust. Hetimet u koordinuan dhe u mbështetën gjithashtu nga zyra e ekspertit të përkushtuar të sigurisë në Ambasadën Italiane në Tiranë.

Bashkëpunimi gjyqësor ndërmjet Italisë dhe Shqipërisë është treguar tashmë efektiv vitet e fundit. Ndërmjet viteve 2018 dhe 2021, Drejtoria e Hetimit Antimafia e Barit lëshoi ​​dhe ekzekutoi 118 urdhër-arreste kundër trafikantëve të dyshuar të drogës që vepronin në të dy vendet. Për pasojë, të pandehur të ndryshëm u dënuan deri në 20 vjet burgim.

Operacioni i kësaj jave u krye me kërkesë dhe nga autoritetet e mëposhtme:

Itali: Prokuroria Publike Bari – Drejtoria e Qarkut Antimafia; Drejtoria e Hetimit Antimafia Bari, nen koordinimin e Drejtorise Kombetare Antimafia dhe Antiterrorizmit Rome, me mbeshtetjen e Zyres se Ekspertit te Sigurise prane Ambasades Italiane ne Tirane.

Shqipëri: Prokuroria Speciale Kundër Korrupsionit dhe Krimit të Organizuar (SPAK) e Tiranës; Policia Shqiptare”.

(BalkanWeb)

[Albo]

Tonelata kokainë nga Amerika Latine në Evropë/ Zbulohet kush është ‘Visi i Pojës’, arriti t’i shpëtojë prangave - FOTO



Ky person që shihni në foton e siguruar nga SYRI, është Elvis Doçi, apo i njohuri me nofkën “Visi i Pojës”. Një personazh me emër për drejtësinë shqiptare, jo vetëm, por edhe ndërkombëtarisht.



Një vit më parë në banesën e këtij shtetasi u zhvilluan kontrolle nga SPAK ku iu sekuestruan rreth 3 milionë euro cash në banesë.

Emri i tij u denoncua edhe gjatë fushatës elektorale nga lideri i opozitës për blerje votash e shantazhim tek qytetarët kundrejt. Por, asnjë nga denoncimet publike nuk u mor për bazë qoftë nga Policia apo SPAK.

Sot, emri ‘Visi i Pojës’ është i përfolur në kronikën e zezë, për shkak të operacionit të bërë nga autoritetet italiane.

I njohur edhe si nipi i Xhevdet Troplinit, Elvis Doçi arriti ti shpëtonte prangave të policisë, ndërsa akuzohet për vepra të rënda penale në fushën e narkotikëve. Vallë, u lajmërua për urdhër-arrestin e lëshuar ndaj tij? Edhe këtë do ta tregojnë hetimet në vijim.

Kujtojmë që mëngjesin së mërkurës, autoritetet italiane njoftuan finalizimin e operacionit ‘Ura’, një aksion ku u përfshinë edhe autoritetet shqiptare për ekzekutimin e masave në disa qytete të vendit, përfshirë Tiranën, Durrësin, Fierin dhe Vlorën, në kuadër të hetimeve për trafik ndërkombëtar droge dhe pastrim parash.

Operacioni i koduar “Ura” është fokusuar në goditjen e një rrjeti të strukturuar kriminal që dyshohet për trafik heroine dhe kokaine nga Ballkani drejt vendeve të Bashkimit Evropian.

Burime nga grupi hetimor bëjnë me dije se janë lëshuar 52 urdhër-arreste në Shqipëri dhe Itali me akuzat për trafik droge, shpërdorim detyre dhe pastrim parash ndërsa janë sekuestruar pasuri me vlerë miliona euro. Sipas mediave italiane, në listën e urdhër-arresteve ka edhe punonjës policie, avokatë dhe emra të njohur të botës së krimit, të dyshuar për përfshirje në rrjetin e trafikut dhe për shpërdorim detyre.

Syri

[Albo]

U amnistua nga SPAK, antimafia nuk fal Visin e Pojës/ Alba Kepi skanon operacionin kundër Troplinëve

Gazetarja Alba Kepi, e ftuar në emisionin “Task Force”, ka komentuar zhvillimet më të fundit lidhur me megaoperacionin ndërkombëtar antidrogë, duke theksuar rëndësinë e këtij aksioni dhe përmasat e tij ndërkombëtare.



Sipas Kepit, hetimet për këtë çështje kanë nisur nga prokuroria e antimafias së Barit, si rrjedhojë e disa sinjalizimeve të rëndësishme që çuan në një bashkëpunim të ngushtë mes autoriteteve italiane dhe atyre shqiptare. Ajo theksoi se një ndër momentet më të rëndësishme të këtij operacioni është ai i datës 18 maj 2024, kur u sekuestruan rreth 3 milionë euro në banesën e një prej personazheve kyç të dosjes hetimore në Durrës, të njohur si “Visi i Pojës”, ose Elvis Doçi.

Në vijim, gazetarja përmendi edhe disa episode të mëparshme që lidhen me këtë hetim të gjerë. Më 5 nëntor 2020, në portin e Kalabrisë u kapën rreth 932 kilogramë kokainë të fshehura në një kontejner që transportonte midhje të ngrira. Ndërsa një tjetër operacion i rëndësishëm u zhvillua në Bari, ku u arrestua një çift shqiptar me mbiemrin Gjini, të cilët kishin në zotërim 400 kilogramë marijuanë të fshehura në arka me qepë dhe hudhra, të importuara nga Spanja.

Sipas Kepit, këto elemente përbëjnë bazën e dosjes hetimore që ka mundësuar një bashkëpunim të thelluar mes prokurorisë së Barit, drejtorisë qendrore të antimafias në Romë dhe autoriteteve shqiptare, përfshirë SPAK dhe strukturat hetimore në vend.

Ajo shtoi se hetimi ka një ndarje të qartë gjeografike, duke përfshirë territore në të dyja vendet, si dhe kompetenca të ndryshme për ekzekutimin e urdhrave. Në këtë kuadër, Kepi nënvizoi rëndësinë e pranisë në Shqipëri të drejtuesve më të lartë të antimafias italiane, jo vetëm të prokurorit të Barit, por edhe të kreut të drejtorisë së përgjithshme të Romës, çka sipas saj tregon jo vetëm peshën e këtij operacioni, por edhe mbështetjen që autoritetet shqiptare kanë kërkuar përballë kritikave të opozitës.

Operacioni ka një veçanti tjetër: janë dokumentuar rreth 4.5 milionë euro të transportuara në mënyrë të paligjshme përmes korridorit Durrës-Bari, gjë që hedh dritë mbi rolin e këtij itinerari në trafikun ndërkombëtar të drogës. Sipas gazetares, kjo është veçanërisht e rëndësishme në kontekstin e situatës së fundit në Durrës, qytet i cili ka qenë në fokus edhe për zhvillimet mbi krimet zgjedhore të ditëve të fundit.

Gjithashtu, Kepi theksoi se në këtë operacion janë përfshirë 40 shtetas shqiptarë dhe se arrestimet janë kryer edhe në qytete të tjera të njohura për aktivitet kriminal, si Fieri, Vlora dhe Shkodra.

Kepi: Është një hetim i cili ka nisur me prokurorinë e antimafias së Barit por në bazë të disa sinjalizimeve të rëndësishme.

Operacioni i fundit është data 18 maj 2024, një operacion i koordinuar nga antimafia italiane në bashkëpunim me autoritet shqiptare kapin rreth 3 milionë euro në banesën në Durrës të një prej personazheve kryesorë të këtij operacioni, të ‘Visit të Pojës’, apo Elvis Doçi.
Ky është një nga elementet kyç të përfshirë në këtë dosje hetimore.
Më 5 nëntor të 2020, në portin e Kalabrisë kapen rreth 932 kilogramë kokainë në një kontejner i cili transportonte midhje të ngrira.

Më pas kemi një tjetër operacion, i ekzekutuar në Bari, ku arrestohet një çift shqiptar me mbiemrin Gjini, dhe ka në zotërim të 400 kilogramë marihuanë të fshehura në arka qepësh dhe hudhrash që eksportoheshin nga Spanja.

Këto janë elementet kyç të përfshira në këtë operacion të cilat kanë sjellë edhe këtë bashkëpunim mes antimafias së Barit, drejtorisë qendrore të antimafias në Romë dhe padyshim dhe autoriteteve të SPAK dhe gjithë hallkave hetuese në Shqipëri.

Dimë që ka një ndarje territorialiteti gjeografik, sa i takon hetimeve jo vetëm në territorin mes dy vende por edhe në faktin e ekzekutimit të urdhrave të tillë.

Fakti se sot ka zbarkuar edhe drejtuesi kryesor i antimafias italiane, jo vetëm kreu i prokurorisë së Barit po edhe i drejtorisë së përgjithshme së Romës, tregon jo vetëm rëndësinë e këtij operacioni por mendoj se ka qenë edhe një bashkëpunim apo kërkesë e autoriteteve shqiptare për të pasur pikërisht një mbështetje në ato kritika që lehtësisht edhe opozita shqiptare hedh.
Ky operacion ka këtë veçanti pasi janë dokumentuar 4.5 milionë euro të transportuara në mënyrë të paligjshme pikërisht duke përdorur këtë tranzitin e transportit mes Durrësit dhe Barit. Dhe mendoj se kjo është mjaft e rëndësishme për të kuptuar edhe territorin se ku është ekzekutuar ky operacion, kemi të bëjmë me qytetin e Durrësit, një nga problematikat edhe për atë çka ka ndodhur në javën e fundit sa i takon zgjedhjeve.

Sa i përket elementeve të përfshirë në këtë operacion, janë 40 shqiptarë, është kryer dhe në qytete të tjera problematike si është Fieri, Vlora dhe Shkodra.

Syri

[Albo]

‘Kili’ i kokainës bënte namin në Durrës/ Si kishte ndërtuar laborator droge pranë hotelit të tij



Një tjetër emër i fuqishëm i krimit të organizuar në Shqipëri del në dritë nga dosjet e hetimeve të drejtësisë italiane dhe dëshmia tronditëse e bashkëpunëtorit të drejtësisë, Nuredin Dumani. Bëhet fjalë për shtetasin Ekil Nderjaku, i njohur me nofkën “Kili”, i cili sipas burimeve të sigurisë, ishte pjesë e një grupi kriminal me shtrirje ndërkombëtare dhe me lidhje të forta në rrjetin e trafikut të kokainës në Itali e më gjerë.

Dumani ka deklaruar se: “Akil Nderjaku. Unë e njoh si Kili. Merrnim kokainë nga ai. Nuk kam pasur kontakte me të sepse ai u bë pjesë e një grupi rival. U bë shumë i fortë. Bleu tre makina të blinduara. Ishte në kontakt me një grup shumë të fuqishëm që operonte përtej Italisë, kishte kontakte në gjithë Evropën. Kishte ngritur një laborator për përpunimin e saj pranë hotel-restorant Koral”.

Nga hetimet e kryera përmes platformës së komunikimit të enkriptuar SKY ECC, ka dalë në dritë se më 7 shtator 2020, Kili kishte marrë porosi për 2 kilogramë kokainë, që u dorëzua në Itali nga bashkëpunëtorët e tij me çmimin 38 mijë euro për kilogram.

Dumani thekson se pas një periudhe bashkëpunimi, rrugët e tij me Kilin u ndanë, pasi ky i fundit “u bë pjesë e një grupi rival dhe shumë më të fuqishëm”, me lidhje që kalonin përtej Italisë, në të gjithë Evropën. “Ai bleu tre makina të blinduara,” shprehet Dumani, duke nënvizuar rritjen e fuqisë ekonomike dhe logjistike të Kilit.

Biseda mes hetuesve dhe Dumanit:

Dumani: “E identifikoj foton numër dy.”

Hetuesi: Si quhet personi?

Dumani: “Kil, Akil NDERJAKU. E njoh si Kili. Jeton në një zonë të quajtur ‘Plazh’ në Durrës. Në njësinë numër 13. Me emër identifikoj foton numër pesë.”

Hetuesi: Jo, jo prit, prit, kthehemi te fotografia numër dy. Na thuaj gjithçka që di për NDERJAKUN. Çfarë di?

Dumani: “Te Kili merrnim kokainën sepse kishte laboratorin në lokalin e tij.”

Hetuesi: Laboratori në lokalin e tij? Çfarë laboratori?

Dumani: “Laboratori i kokainës.”

Hetuesi: Ku?

Dumani: “Aty pranë hotel-restorantit KORAL, i njohur gjithashtu si RUOTA ROSSA.”

Hetuesi: Pra, kishte laboratorin e kokainës në restorantin e tij?

Dumani: “Jo në restorantin e tij, por pranë restorantit KORAL. Sepse restoranti KORAL është tjetër, janë ngjitur. Janë afër. Emrin e restorantit të Akilit nuk e di, por është pranë hotelit KORAL, në të njëjtin lagje të quajtur RUOTA ROSSA.”

Hetuesi: Në ç’periudhë ke marrë kokainë prej tij?

Dumani: “Kokainën e kam marrë nga ai, nga Akil NDERJAKU, bashkë me vëllain tim sepse ai ishte mik me vëllain tim.”

Hetuesi: Kur e keni marrë?

Dumani: “Ne vitin 2013.”

Hetuesi: Sa sasi?

Dumani: “Merrnim 50 gram, 20 gram, sipas kërkesës.”

Hetuesi: Sa shpesh?

Dumani: “Çdo dhjetë ditë, çdo pesëmbëdhjetë ditë, çdo muaj… nuk kishte ndonjë fluks të madh.”

Hetuesi: Ke thënë që di nofkën e këtij personi?

Dumani: “Kili.”

Hetuesi: E di nëse e quanin edhe Genti?

Dumani: Nuk dua të them gënjeshtra.

Hetuesi: A di nëse ky person ka vazhduar trafikun e kokainës?

Dumani: E di, por unë nuk kam pasur më të bëj me të sepse ai u bë pjesë e një grupi rival ndaj meje.

Hetuesi: Pra, si pjesë e një grupi tjetër, nuk merrje më prej tij.

Dumani: “Jam shkëputur plotësisht.”

Hetuesi: Dhe si e di që ai ka vazhduar me drogën?

Dumani: “Sepse ne gjithmonë interesoheshim për kundërshtarët tanë.”

Hetuesi: Ti bashkë me grupin tënd?

Dumani: Po, po. Në vitin 2019, kushëriri i parë i Kilit erdhi të më takonte. Nuk më kujtohet tani emri, por erdhi dhe më kërkoi të bëja një takim me Kilin.”

Hetuesi: E bëre këtë takim?

Dumani: Jo, nuk u bë, unë nuk pranova.”

Hetuesi: Kur thua nuk pranuam, ti dhe grupi yt nuk pranuat?

Dumani: Jo, unë nuk pranova, unë vetë.”

Hetuesi: A di nëse ka vazhduar me drogën edhe pas vitit 2019?

Dumani: “Është bërë shumë i fuqishëm. Ka blerë tre makina të blinduara. Dy G-Class dhe një Cadillac Escalade fuoristradë.”

Hetuesi: Të blera me çfarë para?

Dumani: “Normale me kokainë, ndryshe nuk i blen dot ato. Sepse ishin makina që kushtonin 500 mijë euro të tria bashkë.”

Hetuesi: A di nëse Kili trafikonte drogë edhe në Itali?

Dumani: “Unë e krijova lidhjen me grupin me të cilin ai kishte kontakt. Ata ishin shumë më të fortë dhe shkonin përtej Italisë.”

Syri

[Albo]

‘Ura'/ Kush është administratori i 'Ligori Travel'! Zbardhet roli i tij në grupin kriminal që trafikonte drogë drejt Italisë



Mes 52 urdhër-arresteve të lëshuara në kuadër të operacionit ndërkombëtar të koduar “Ura”, është edhe administrator i kompanisë së autobusëve të linjës Shqipëri- Itali, “Ligori Travel”.

Sipas burimeve, Çombashi është arrestuar në orët e para të mëngjesit të sotëm (21 maj) në banesën e tij në Sheq Marinas.

Ai nuk është një person i panjohur për policinë, pasi në vitin 2016 është arrestuar për kontrabandë mallrash në Vlorë.

Burime nga fshati Sheq Marinas bëjnë me dije se Ligor Çombashi e ka nisur aktivitetin e tij pas viteve 90, fillimisht me furgonë.

Dyshohet se Çombashi transportonte shuma parash nga aktivitetet e paligjshme të personave në Itali drejt të afërmve të tyre në Shqipëri.

Njoftimi i SPAK:

Në kuadër të një hetimi të përbashkët ndërkombëtar, Prokuroria e Posaçme Kundër Korrupsionit dhe Krimit të Organizuar dhe Prokuroria e Republikës pranë Gjykatës së Barit (DDA), me mbështetjen e Eurojust dhe përmes ngritjes së një Skuadre të Përbashkët Hetimore, ekzekutuan sot, më 21 maj 2025, një operacion të gjerë kundër trafikut ndërkombëtar të lëndëve narkotike dhe pastrimit të produkteve të veprimtarisë kriminale.

Operacioni rezultoi në 52 masa sigurimi personale, përkatësisht:

29 masa sigurimi të vendosura nga Gjykata e Posaçme për anëtarë të grupeve kriminale që vepronin në Shqipëri;
1 urdhër ndalimi i lëshuar nga Prokuroria e Posaçme;
22 masa sigurimi të vendosura nga Gjykata e Barit në Itali.

Në total, janë proceduar 40 shtetas shqiptarë dhe 12 shtetas italianë, të përfshirë në tre grupe të organizuara kriminale – njëra me bazë në Durrës dhe dy të tjera në rajonin e Puglias, Itali.

Gjatë hetimeve të zhvilluara në periudhën 2020–2025, janë dokumentuar 40 episode të trafikimit të lëndëve narkotike, përfshirë edhe sekuestrimin e sasive të konsiderueshme heroine dhe kokaine në Shqipëri, Itali dhe vende të tjera të Europës. Një nga episodet përfshinte transportin e 255 kg heroinë dhe kokainë në Bari, përmes korrierëve ndërkombëtarë.

Sekuestrimet e pasurive janë kryer paralelisht në të dy vendet dhe përfshijnë:

Në Shqipëri:

2 kompani ndërtimi,
4 shoqëri tregtare dhe restorante,
1 agjenci pasurish të paluajtshme,
1 TV kabllor,
automjete luksoze, para cash, etj.

Më parë, gjatë hetimeve janë sekuestruar 3 milionë euro “cash”.

Në Itali:

9 apartamente,
4 kompani,
7 llogari bankare,
3 automjete, të sekuestruara në kuadër të masës së “sekuestros preventive”.

Hetimet u bazuan në metoda të avancuara hetimore si përgjime telefonike dhe ambientale, regjistrime video,vëzhgime dhe kontrolle,analiza të komunikimeve të koduara në platformën SKYECC, dëshmi të tre bashkëpunëtorëve të drejtësisë.

Autoritetet evidentuan se pagesat për lëndët narkotike kryheshin nga Italia drejt Shqipërisë përmes shoferëve të linjave ndërkombëtare të autobusëve, ndërsa vlera totale e transaksioneve të drogave të dokumentuara arrin në 4.5 milionë euro.

Gjithashtu, është dokumentuar edhe transferimi i mbi 500 mijë dollarëve nga Shqipëria drejt Amerikës Latine, si parapagim për një sasi prej 500 kg kokaine që nisej nga Guayaquil, Ekuador.

Procedurat aktualisht ndodhen në fazën e hetimit paraprak, dhe autoritetet ligjzbatuese në të dy vendet po vijojnë punën për identifikimin e personave të tjerë të përfshirë në aktivitetin kriminal dhe korruptiv.

Syri

[Albo]

Si e mashtruan Rama dhe Dumani antimafian italiane dhe vijuan biznesin me grupin kriminal të Visit të Pojës



Në kuadër të operacionit të koduar “Ura”, Antimafia italiane në bashkëpunim me SPAK, goditi një grup kriminal të trafikut ndërkombëtar të kokainës dhe heroinës me bazë në Durrës, teksa në total u lëshuan 51 masa sigurie, ku janë ekzekutuar 40 pprej tyre.

Dyshohet se në krye të grupit kriminal qëndronte Xhevdet Troplini, i njohur si “Poja”, teksa vitet e fundit drejtimin e organizatës ia kishte lënë nipit të tij, Elvis Doçi, i njohur ndryshe dhe si “Visi i Pojës”, i cili ka mundur t’i shpëtojë arrestimit.

Hetuesit bënë me dije se kanë dokumentuar 30 episode të trafikut të drogës në Itali dhe 10 raste të tjera në Shqipëri dhe në vende të tjera të Evropës, teksa dosja bazohet në komunikimet në “Sky Ecc”, si dhe dëshmitë e të penduarve të drejtësisë.

Më poshtë, Syri po sjell ekskluzivisht dokumentin që vërteton se nga ana e autoriteteve të antimafias, Elvis Doci është identifikuar që ka përdorur telefonin dhe është zbuluar dhe kompania që ka marrë leje me rindertimin, pra, për t’u përfituar lehtësira nga shteti për shmangie detyrimesh.

Po ashtu dokumenti tregon qartë se një aksion i nisur 5 vite më parë nga antimafia është zvarritur qëllimisht nga shteti shqiptar dhe veçanërisht nga SPAK-u. Për shembull, Audi A8 i grupit kriminal është sekuestruar që në vitin 2020 dhe nuk dihet asgjë më se çfarë është bërë me të. Po ashtu ky grup kriminla ka patur veç Eldemar Construction edhe një kompani tjetër, “Rock Kavaja”, kompani e cila ka marrë leje ndërtimi nga Edi Rama për ndërtime në bregdet.

Kompani të cilat nuk janë sekuestruar dhe kanë vijuar aktivitetin qetësisht nën hundët e SPAK.

Po ashtu, janë dokumentuar edhe 30 transaksione të dërgimit të parave nga Italia drejt Shqipërisë me vlerë rreth 5 milionë euro, teksa pasuritë dhe vlerat cash të sekuestruara u tha se kapin vlerën e rreth 7 milionë eurove. SPAK tha se janë sekuestruar 3 restorante dhe një bar-kafe në Durrës, gjashtë shoqëri dhe një stacion televiziv privat në Vlorë.

Nën sekuestro është vendosur dhe shoqëria “Marquez” e Ervin Zeqirit, “Felix Vinum” e Adi Çobës, “Majestic Konstruksion” e Juxhin Drazhit, “Portside” e Elvis Doçit, “Dubai Im” e Nexhmedin Danajt, “Vlora Cable” po ashtu e Nexhmedin Danajt, si dhe një kompani tregtare për shitblerje makinash në pronësi të Olgert Shqevit.

Por, “Portside” nuk është i vetmi biznes që zotëron Elvis Doçi, i njohur si “Visi i Pojës” dhe i konsideruar dhe si një prej krerëve të organizatës kriminale.

Ai gjithashtu është dhe pronar i kompanisë “Eldemar Construction”, të cilën e zotëron 100% dhe si objekt të veprimtarisë ka:

“Studim, projektim, zbatim te punimeve dheu dhe murature,betoni,betonarmeje,marrja persiper e sipermarrjeve per kryerjen e puneve ndertuese e rrugore,detare ,hidraulike,elektrike te çdo lloji,sistemim agrar dhe pyjor gjelberim publik dhe arredime perkatese publike dhe restaurim e mirëmbajtje te tyre per llogari te vet ose te trete.Sherbime punesimi ne fusha te ndryshme, Krpentier, hekuthyes, murator, suvatues hidraulik, elektricist, brigada specialistesh dhe punonjesish pa profesion etj. Shit-blerje te mallrave te ndryshme industriale. Import-eksport i tyre. Tregtim brenda dhe jashte vendit te te gjitha llojeve te ushqimeve per kafshet, importimi dhe eksportimi i artikujve te ndryshem dhe i materialeve qe kane te bejne me kete veprimtari. Kryerja e cdo lloj veprimtarie tjeter ekonomike, tregtare.”

Një vit më parë, kompania “Eldemar Construction” e Elvis Doçit ka marrë leje për ndërtimin e një hoteli 10 kate me papafingo dhe me 3 kate shërbimi nën tokë në qytetin e Durrësit. Leja i është dhënë nga Këshilli Kombëtar i Territorit, i drejtuar nga Edi Rama, në mbledhjen e datës 2 Prill 2024.

Ky është një rast i pastër se si paratë e krimit të organizuar pastrohen në ndërtim me “bekimin” e Qeverisë me leje për kulla, hotele dhe resorte.

Elvis Doçi, është një personazh i njohur i botës së krimit dhe i dënuar për trafik droge, teksa njl vit më parë, gjatë një aksioni të SPAK, gjatë kontrollit në banesën e tij u gjetën 3 milionë euro cash të futura në fuçi.













Syri