Albanistan: Partia e padukshme në zgjedhje, Partia e Krimit të Organizuar në koalicion me Edi Ramën

[Albo]

Berisha: Krimi futi në parlament 28 deputetë



Kryetari i Partisë Demokratike, Sali Berisha deklaroi ditën e sotme se si rezultat i zgjedhjeve parlamentare të 11 majit, krimi futi në parlament 28 deputetë. Në një konferencë për mediat, Berisha ka denoncuar me emra konkretë nga kandidatët e PS-së; Sara Mile, Arkend Balla, Ani Dyrmishi dhe Blendi Xhabafti. Berisha tha se vetëm tre nga këta kandidatë ose katër nga këta kandidatë, kanë 80 mijë vota të regjistruara.

“11 Maji, do ndalem vetëm në një aspekt. Në aspektin me të cilin fillova. Ky shtet është ndërmarrje e përbashkët me krimin e organizuar. Krahas patronazhistëve, krahas blerjes publike të votave, bota e krimit në këto zgjedhje ishte më zyrtare se kurrë. Ishte zyrtare! Ajo veproi në ombrellën e prokurorisë dhe politikës, Edi Ramës, me të gjithë mjetet e veta. Bandat në qytetet e mëdha të vendit, por jo vetëm ato, arritën të fusin në parlament, të punojnë për 28 deputetë. Para jush, në fushatë, unë kam denoncuar bashkërendimin e bandave të Durrësit dhe Elbasanit, darkat e shpeshta tek një lokal në Shkëmbin e Kavajës, në mos gabohem diçka me kuajt ka ky lokal, ku darkonin së bashku Ergys Agasi, Elvis Doçi, Suel Çela, Vangjush Dako. Tani, pas këtij denoncimi, ata u transferuan nga lokali Kodra e Kuajve, tek shtëpia e Dakos në Bllok. Aty janë organizuar të gjitha takimet.

Lapsi

[Albo]

Zhupa: Treni i Europës ishte tren bullgar! Votat u blenë, legjitimitetin nuk ua jep as Sueli, as Bajrat, as Troplinët

VIDEO

Deputetja e PD-së, Ina Zhupa denoncoi ashpër farsën zgjedhore të 11 majit, ku votat u blenë dhe u manipuluan me skema kriminale, patronazhistë dhe u bënë trukime masive të votës së diasporës nga Partia Socialiste. Ajo tha se oligarkët dhe klientët e qeverisë kishin "target" të qartë për investime dhe vota, për të marrë më pas prona publike dhe projekte strategjike.

Nga foltorja e Kuvendit Zhupa ironizoi përqindjet identike në kutitë e votimit nga diaspora si “matematikë magjike”, duke thënë se stilolapsi blu prodhoi kryqe njësoj. Denoncoi se patronazhistët kishin detyrim të siguronin 20 vota nga jashtë vendit.

Zhupa vuri në pah se shteti u bë një me fushatën, me bashki që funksiononin si zyra elektorale për kandidatët e PS-së dhe institucione që shpërndanin fonde në fushatë. “Nuk dinim ku fillonte shteti dhe ku mbaronte partia,” tha ajo.

Kjo është arsyeja, tha Zhupa, pse opozita ka detyrimin të flasë dhe të kërkojë standarde zgjedhore.

“Legjitimitetin nuk ua japin votat e blera, as Sueli, as Bajrat, as Troplinët,” deklaroi ajo, duke akuzuar PS-në për tjetërësim të vullnetit qytetar dhe blerje të analistëve për të fshehur të vërtetën.

Fjala e Ina Zhupës

Ju mendoni cfarë të ndodhë unë prapë do të fitoj. Sa më shumë i shau i masakroi shqiptarët aq më shumë u rrit në votë. E shpjegon dot njeri këtë?
Po se treni i Europës që fliste Spiropali para pak dhe Rama gjatë fushatës ishte tren bullgar. Ata oligarkët që sot kanë marrë gati vendimet e radhës për të marrë pronat shtetërore dhe investimet strategjike ata e kishin me target, sa vota e sa para duhet të hidhnin. Ata që sot përgatiten të marrin pronat e ushtrisë e dinin që dje dhe e kishin target çfarë duhet të bëjnë.

Ata që do të shkatërrojnë shkollën ekokampus në Sarandë për ta bërë hotele e resorte dhe pse janë harxhuar para nga buxheti i shtetit e kishin me target çfarë duhet të sillnin dhe çfarë duhet të prodhonin nga kutitë e votimit. Ishte e qartë. Thasët e Taulantit kishin modelin e përqindje. Nuk ka ndodhur në historinë njerëzore që të hapen të gjitha kutitë dhe të gjitha kutitë të kenë të njëjtën përqindje të ndarë sipas diasporës. Çdo kuti e diasporëse qarku të Vlorës kishte të njëjtën përqindje. 70% PS. Po një kuti Ulsi do të kishim dalë 25% apo 30% . Por ishte matematike. Nuk e di ai stilolapsi magjik nuk e di si prodhoi aq shumë. Ai stilolapsi blu, ai kryqi njësoj. Keni të drejtë të talleni, sepse me paratë që u vidhni shqiptarëve dhe paratë e buxhetit të shtetit tjetërsoni votat.

Cdo patronazhist kishte detyrim jo vetëm votat brenda Shqipërisë, por dhe 20 vota jashtë Shqipërisë. Edhe pse e bllokuat Tik Tok aty dilnin votat nga diaspora. Po të numërosh votat e Tik Tik dhe ato në kuti nuk dalin llogaritë. Kemi më shumë foto sesa vota. Hajde shpjego se çfarë masakre keni bërë me thasët e diasporës. Ju i vodhët dhe njëri tjetrin. Nxorrët Olta Xhaçkën deputete të diasporës dhe nuk lejuat të ankohet.

Pa më thoni, cili emigrant zgjohet në mëngjes e thotë do votoj Olta Xhaçkën. Për çfarë arsye duhet ta votojë? Për çfarë e mbajnë mend, vecse investitore strategjike. Ma shpjegoni ju dhe ta kuptojmë dhe ne. Flisni për listat.

Vetëm për lista nuk mund të flisni. Se lista tuaja janë listat më qesharake që ka pasur historia e këti vëndi. Listat më të turpshme me njerëz që nuk dinin të fillonin dhe të mbaronin një fjali dëftore. Me njerëz që edhe në mitingun tuaj nxirrnin celularin tuan për të bërë ëllëllë...

Kjo është cilësia që një njeri të çohej në mëngjes e të thoshte do dal të votoj Zeqinenë e Sarën. Askush nuk ka guximin të flasë që ka pas standarde në këto zgjedhje. Dilnin në qarku në Vlorës, në Sarandë, në Konispol, në Finiq dhe në Dilvin, dilnin hapur të gjithë strukturat e shtetit.

Dilnin hapur, hapnin shkollat për takime me kandidatët. Venin në inaugurime, shkonin me kandidatët. Shkonin shpërndanin fondet e bujqësisë me kandidatët. U bë shteti njësh me kandidatët. Nuk dinin ku fillon të njëri dhe ku mbaron të tjetri.

Ishin të pandarë. Të pandarë në zullum, të pandar në vënje në shërbim të shtetit në funksion të kandidatit dhe të zgjedhjeve. Aq sa bashkitë u kthyen në zyra elektorale të kandidatëve. Dhe kandidatët tuaj mund ta dëshmojnë shumë mirë vetë kandidatët e listës së hapur se si ndikuan bashkitë për njërin kandidat, apo për kandidatin tjetër.

E thonë vetë ata, pyetini, dhe ja u thonë. Mirë po, atë që ata e thonë në nën zë, ne kemi detyrimin të themi me zë të lartë. Ne kemi detyrimin që kudo të themi të vërtetën në bëj këto zgjedje, që kudo të kërkojmë standart në bëj proceset elektorale në Shqipëri. Asgjë nuk e ndalon opozitën në kërkimin e së vërtetës, nuk e ndalon opozitën në përballjen me të keqen, sepse legjitimitetin nuk ua japin votat e blera.

Legitimitetin tuaj nuk ja u jep do të as Sueli, as Bajrat, as Troplinat, askush që sot përpiqet në media me analistë të blerë dhe të shitur të tregojë për suksesin e PS-së. Nuk ka formulë në botë që një pensionisti i premtohet pensioni minimal 200 euro. Si një biznes që do të ketë taksën 6 – 10% zgjedh të masakrohet nga qeveria e Ramës, zgjedh të vidhet. Askusht nuk e zjedh këtë nëse do të kishte zjedh je të lira dhe të ndershme. Por, kur tjetërsohet, kur vidhet dhe kur i hidhet hi syve shqiptarëve, pa tjetër që gjithçka mund të ndodhë.

Syri

[Albo]

Berisha denoncon skandalin: Deputeti Arkend Balla u punësua në kompaninë e kartelit të Troplinëve

Kreu i Partisë Demokratike, Sali Berisha, në një konferencë për media ka komentuar zhvillimet pas zgjedhjeve të 11 majit 2025, të cilat i cilësoi si një farsë elektorale e ndikuar rëndë nga krimi i organizuar dhe kartelet e drogës.

Berisha akuzoi qeverinë dhe veçanërisht kryeministrin Edi Rama për lidhje të drejtpërdrejta me përfaqësues të botës kriminale, duke përmendur rastin e Arkend Ballës, të cilin e cilësoi si përfaqësues të kartelit famëkeq “Troplini” dhe si kandidatin më të votuar në qarkun e Durrësit, me mbi 5200 vota më shumë se vetë Rama.

Pjesë nga deklarata:

Farsa elektorale e 11 Majit 2025, kishte si njërin nga tiparet më kardinale, rolin përcaktues të karteleve të drogës dhe organizatave kriminale.

Është bërë i njohur, i famshëm përfaqësuesi i kartelit Troplini, kartelit më të madh të kokainës në Europë, pas spostimit nga vendet e tjera dhe zotërimit nga ky kartel të portit të Durrësit.

Përfaqësuesi i këtij karteli dhe Edi Ramës, Arkend Balla, i parashikuar si ministër i Brendshëm, njeriu që mori 5200 vota më shumë se Edi Rama në qarkun e Durrësit, është i lidhur shpirt dhe xhep me këtë kartel.

Nga leximi i dokumenteve të tij, Arkend Balla, i cili pas largimit të një deputeti të PS, u fut në parlament, ka deklaruar veten të punësuar vetëm në universitetin e Durrësit.

Por, po të shihet me kujdes deklarata e pasurisë së tij, rezulton se nga data 1 qershor e vitit 2021 deri me datën 5.8.2023, famozi Arkend Balla, ka qenë i punësuar në kompaninë Nisatel.

Kompania Nisatel, një nga ortakët themelues ka Sidrit Danajn, i cili sot zotëron 100 përqind të aksioneve.

Kjo është një kompani që ofron shërbime interneti, telekomunikacioni, televizioni.

Për periudhën 2015-2025, kjo kompani ka përfituar nga institucionet shtetërore 900 mijë euro pagesa.

Nisatel është një kompani që adresën primare ku ushtron aktivitetin e ka në Vlorë, dhe kjo pas hulumtimeve, është gjetur se si Arkend Balla u përzgjodh nga kjo kompani për t’u punësuar pranë saj.

Pra, Arkendi me 5200 vota më shumë se Edi Rama në këto zgjedhje krahasuar me vitin 2021, ishte i punësuari i Nisatelit.

Prej majit të vitit 2018, ortak i vetëm i Nisatel është shtetasi Sadrit Danaj, një personazh i denoncuar në mënyrë të përsëritur nga PD për kryerjen e veprave penale në kohën kur u emërua kryetar qarku në Vlorë nga Edi Rama.

Sadriti është vëllai i Nexhmedin dhe Vexhi Danaj.

Nexhmedin Danaj pas një hetimi 5-vjeçar të Antimafias Italiane është akuzuar për trafik ndërkombëtar droge në bashkëpunim me shtetasin Elvis Doçi apo Visi i Pojës.

Pra, Danajt janë pjesë kryesore e kartelit Troplini.

Syri