Ndëron jetë Papa Françesku, Papa i Romës

[Albo]

Bien këmbanat e vajtimit për ndarjen nga jeta të Papa Françeskut



Këtë të hënë, në orën 18:00, kanë nisur Meshat e Dritës në të gjitha kishat dhe famullitë katolike të Shqipërisë.

Këmbanat e zisë ranë në të njëjtën kohë me fillimin e meshave të përshpirtjes dhe lutjeve për Papën e ndjerë.

Edhe në Katedralen e Shën Palit në Tiranë, u mbajt një akt lutjeje dhe mirënjohjeje për jetën dhe shërbimin e Papës, i cili për vite me radhë udhëhoqi Kishën Katolike me përvujtëri, dashuri dhe frymë ungjillore.

Në Katedralen “Shën Pali” në Tiranë u vendos fotografia e Papës dhe u organizuan homazhe në nder të tij.

Arqipeshkvi Metropolit i Tiranë-Durrësit, Imzot Arjan Dodaj, ftoi meshtarët, rregulltarët dhe të gjithë besimtarët të përqendrojnë lutjet dhe kremtimet eukaristike për shpirtin e Atit të Shenjtë, duke falënderuar Zotin për zërin e tij kumbues në shpalljen e Ungjillit si dritë rrezatuese e Krishtit, Bariut të Mirë, nga Selia e Pjetrit për mbarë botën.



Euronews

[Albo]

Kardinali dom Ernest Simoni-Troshani reagon pas ndarjes nga jeta të Papa Françeskut



Kardinali dom Ernest Simoni-Troshani ka dalë me një mesazh prekës pas ndarjes nga jeta të Papa Françeskut.

Sipas tij, Papa Françesku, në udhëtimin e tij të parë ndërkombëtar pas zgjedhjes në krye të Vatikanit, zgjodhi Shqipërinë dhe popullin shqiptar, duke dhënë një mesazh të fortë dashurie dhe përkrahjeje për kombin tonë.

Kardinali dom Ernest Simoni-Troshani theksoi se Papa Françesku ishte gjithmonë në mbrojtje të fëmijëve, grave, të varfërve dhe njerëzve të prekur nga luftërat.

“Në udhëtimin e tij të parë ndërkombëtar, Papa Françesku zgjodhi popullin shqiptar. Ne jemi shtegtarë në këtë botë, pasi edhe vetë Krishti ka thënë: ‘Mos kini frikë nga vdekja e trupit, por keni frikë për shpirtin’. Papa është përpjekur për mbrojtjen e fëmijëve, grave, të varfërve dhe njerëzve të prekur nga luftërat. Vdekja nuk është fund, por fillimi i një jete të re, të lirë, madhështore dhe të gëzueshme,” tha Kardinali dom Ernest Simoni-Troshani.

Kujtojmë se më 21 shtator 2014, Ati i Shenjtë vizitoi Tiranën, në udhëtimin e tij të parë si Papë në Europë. Qindra mijëra besimtarë të krishterë dhe myslimanë mbushën bulevardin qendror të Tiranës për të përshëndetur nga afër Papën.

Gjatë fjalës së tij nga sheshi “Nënë Tereza”, Papa Françesku u shpreh:

“Erdha për t’ju inkurajuar që të rritet shpresa brenda dhe mes jush. Uroj që shqiponja që keni në flamurin tuaj të mbajë gjithmonë shpresën te Zoti, që nuk zhgënjen dhe qëndron pranë në momente të vështira.”

Papa kremtoi Meshën, përforcoi në fe bashkësinë katolike dhe inkurajoi dialogun ndërfetar në shërbim të së mirës së përbashkët, duke i ftuar shqiptarët të vazhdojnë rrugën drejt demokracisë.

Papa Françesku vizitoi Shqipërinë 21 vite pas Papës Shenjt Gjon Pali II, i cili më 25 prill 1993 rivendosi hierarkinë e Kishës Katolike pas periudhës së errët të komunizmit.

Më 19 nëntor 2016, Papa Françesku emëroi dom Ernest Simoni-Troshanin me titullin Kardinal, si nderim për qëndresën e tij historike gjatë regjimit komunist. Prifti shqiptar, i cili vuajti 18 vite burg gjatë diktaturës, u emërua mes 17 klerikëve të nderuar atë ditë. Gjatë ceremonisë, Papa Françesku i puthi dorën kardinalit të ri, si një akt përulësie dhe respekti të thellë.

Euronews

[Albo]

Meshë përkujtimore për Papa Françeskun, ja kur do të mbahet



Meshë përkujtimore për Papa Françeskun do të shërbehen në Moskë, Shën Petersburg dhe Kaliningrad, njoftoi Kryepeshkopata Katolike Romake e Nënës së Zotit në Moskë në kanalin e saj Telegram.

“Të enjten, më 24 prill, nunci apostolik në Rusi, Kryepeshkopi Giovanni D’Aniello, do të kryesojë meshën e shenjtë në Katedralen e Konceptimit të Papërlyer të Virgjëreshës së Bekuar në Moskë në orën 19:00 [koha e Moskës]. Mesazhet do t’i lexojnë Kryepeshkopi Paolo Pezzi.”

Gjithashtu më 24 prill, peshkopi Nikolai Dubinin do të udhëheqë një meshë solemne të rekuemit në Katedralen e Fjetjes së Virgjëreshës së Bekuar në Shën Petersburg në orën 19:00 me orën e Moskës”, tha kryepeshkopata.

Në Kaliningrad, peshkopi Nikolai do të kryejë meshën në kishën e Shën Adalbertit më 25 prill.

Kryepeshkopata katolike e Moskës njofton se Kryepeshkopi Paolo Pezzi, kreu i Konferencës së Ipeshkvijve Katolik të Rusisë, u kërkon të gjithë priftërinjve që të shërbejnë meshën e shenjtë për Papa Françeskun në përputhje me udhëzimet liturgjike që do të marrin në të ardhmen e afërt.

Euronews

[Albo]

Mjeku i Vatikanit: Papa vdiq nga një goditje në tru



Doktori i Vatikanit Andrea Arcangeli në një certifikatë vdekjeje të lëshuar të hënën për Papën, tha se Papa Françesku vdiq nga një goditje në tru dhe dështim i pakthyeshëm i zemrës dhe si pasojë e dështimit të pakthyeshëm të zemrës.

Certifikata, e cila u botua nga Vatikani, thoshte se Papa kishte rënë në koma para vdekjes së tij herët të hënën.

“Shenjtëria e tij Françesku (Jorge Mario Bergoglio) lindi në Buenos Aires (Argjentinë) më 17 dhjetor 1936, banor i Vatikanit, qytetar i Vatikanit, vdiq në orën 7:35 të mëngjesit të datës 21.04.2025 në banesën e tij në St. Kolapsit kardiak i parapriu një episod i dështimit akut të frymëmarrjes me pneumoni bilaterale multi-mikrobike, bronkiektazi të shumëfishta dhe presion të lartë të gjakut”, thuhet në deklaratë.

Në deklaratë thuhet gjithashtu se Papa vuante nga diabeti i tipit 2.

Më 23 mars, 88-vjeçari Françesku doli nga spitali pas gati 40 ditësh trajtim për pneumoni të dyfishtë. Gjatë shtrimit në spital, ai pati disa sulme të frymëmarrjes. Ai mund të kishte vdekur dy herë, por u ringjall. Papës iu dha një regjim i rreptë pushimi. Ai filloi ta shkelte duke ardhur me karrocë për t’u falur në Katedralen e Shën Pjetrit nga hoteli i Vatikanit, që ishte rezidenca e tij. Në prag të Pashkëve, ai jo vetëm që bekoi besimtarët, por edhe kaloi me makinë nëpër sheshin e Shën Pjetrit me një papmobile.

Të hënën në mbrëmje u shpall vdekja e Papës së 266-të dhe u lexua testamenti i tij, në të cilin ai tha se dëshiron të pushojë në Kishën e Zojës së Madhe (Santa Maria Maggiore).

Euronews

[Albo]

Vatikani bën publik testamentin e Papa Françeskut



Testamenti i Papa Françeskut për vendin se ku dëshironte të varrosej, është bërë publik.

Ky dokument është shkruar më 29 qershor 2022, ku ka dhënë udhëzime për varrimin.

Sipas këtij dokumenti Papa dëshironte që të varrosej në Bazilikën e Shën Mërisë në Romë dhe jo në atë brenda në Vatikan.

Sipas njoftimit papa kishte vendosur që shpenzimet e funeralit të tij të mbuloheshin nga një donator anonim.

Kujtojmë se dëshira e tij ishte bërë e ditur më herët kur jetonte por publikimi i këtij dokumenti ka një vlerë të veçantë, sipas Vatikanit.

Syri.net- iefimerida