Pse ne librat fetare nuk esht e shkruar, se cilen gjuhe fliste Adami(Ademi)

[Akuamarini]

Edhe pse kjo pllaka ishte prova e parë e një historie të Noes që vinte nga një kulturë tjetër, arkeologët që atëherë kanë zbuluar pllaka shumë më të vjetra kuneiforme me histori të ngjashme përmbytjesh që sugjerojnë se historia qarkullonte shumë kohë përpara se të shkruhej Bibla Hebraike.

https://www.forumishqiptar.com/threa...mbytjeje-epike

[Eagle Eye.]

Edhe pse kjo pllaka ishte prova e parë e një historie të Noes që vinte nga një kulturë tjetër, arkeologët që atëherë kanë zbuluar pllaka shumë më të vjetra kuneiforme me histori të ngjashme përmbytjesh që sugjerojnë se historia qarkullonte shumë kohë përpara se të shkruhej Bibla Hebraike.

https://www.forumishqiptar.com/threa...mbytjeje-epike

Nuk ka asnje varg ne Bibel apo Kuran qe Noah ka qene hebre. Deri tek Jakobi (i biri i Isaakut) nuk ka patur evidentim hebre apo jo, por besimtar dhe jobesimtar.
Ka nje keqkuptim ne lidhje me Epin e Gilgameshit. Ai eshte nje tregim nga ku jane perzier faktet historike (siç eshte permbytja e madhe) me kreativitetin letrar. Epi i Gilgameshit verteton faktin qe permbytja e madhe ka ekzistuar, por personazhet qe jane te perfshire aty jane fiktive sepse ka kontradikta me shpalljet e Teuratit, Ungjillit dhe Kuranit. Pra mund te lexohet me kureshtje per te kuptuar kulturen e nje vendi, por nuk eshte shpallje, siç pretendojne disa studiues.

[Albo]

Shumë njerëz që kanë përjetuar vdekje klinike për disa minuta - u ka pushuar zemra së rrahuri, nuk kanë pasur puls - dhe janë rikthyer në mënyrë të pashpjegueshme dot nga shkenca përsëri në jetë, flasin për përjetimet e tyre përtej vdekjes. Këta njerëz tregojnë se kanë parë edhe Jisu Krishtin, edhe një dritë të fortë të parrëfyeshme dot me fjalë, dhe se komunikimi me Jisu Krishtin nuk bëhej me fjalë gojë, por në mënyrë psiko-telepatike. Një komunikim zemër-më-zemër ku të dy palët merren vesh, pa nxjerrë asnjë fjalë nga goja. E çuditshme, apo jo? Sigurisht. Shumë shenjtorë të Kishës Orthodhokse në shekuj, edhe në dekadat e fundit, na kanë treguar se shpesh për tu mbrojtur nga vegimet e rreme të princit të errësirës, mbyllnin sytë para këtyre vegimeve. Nëse mbyllja e syve bënte që vegimi të mos u shfaqej më, kjo ishte mënyra se si ata kuptonin se vegimi nuk ishte i Zotit, por një mashtrim i të ligut. Kurse nëse vegimin e shikonin me sytë e shpirtit, edhe pasi i mbyllnin sytë në ballë, kjo ishte shenja që vegimi ishte nga Zoti. Shenjtorët i bënin të gjitha këto që të ruanin shpirtin e tyre nga mashtrimet e princit të errësirës.

Në Bibël gjithashtu lexojmë, se kur Zoti vinte në Kopshtin e Edenit të vizitonte Adamin dhe Evën, këta të dy e përjetonin Zotin si një fllad ere që prekte trupin e tyre. Nuk e shihnin dot me sytë e tyre, por e ndjenin praninë e Tij. Në Bibël lexojmë: Nëse njeriu do të shikonte fytyrën e Perëndisë, do të bëhej hi. Dhe kjo është arsyeja, përse Perëndia Triun asnjëherë nuk na e ka treguar fytyrën e Vetë, por gjithmonë ka marrë forma të ndryshme: herë si erë, herë si zë që buçon nga qielli, herë si shkurre që digjet zjarr, herë si dritë. Kjo ka qenë edhe justifikimi që shumë breza njerëzish kanë përdorur në shekuj: Si mund të besoj në një Zot që nuk e shikoj dot me sytë e mi, nuk e dëgjoj dot me veshët e mi, e nuk e prek dot me duart e mia? Zoti u dha përgjigjen që këta breza besëpakësh kërkonin, duke u dërguar Birin e Tij të Vetëm të Lindur prej Atit, Jisu Krishtin, Personin e Dytë të Trinisë së Shenjtë. Zoti zbriti nga qielli dhe veshi natyrën njerëzore, duke lindur si njeri nga një virgjëreshë, në mënyrë që njerëzit besëpakë të shikonin Zotin, ta dëgjonin atë, ta preknin. Kjo ishte dëshmia më e madhe dhe e fundit e Zotit për njerëzimin. Profetët e popullit të Izraelit i zunë me gurë dhe i vranë. I njëjti fat e priti edhe Birin e Perëndisë: Jisu Krishtin, të cilin judenjtë e romakët e kryqëzuan në kryq. Por të paktën tani, askush nuk mund të pretendojë më se njerëzit nuk e kanë dëshmuar nga afër Zotin! Gjuha që Jisu Krishti fliste mes popullit hebre në ato vite ishte gjuha aramike.

***

Takova një shqiptar këtu në Amerikë një ditë që vinte në Kishën tonë në Philadelphia. Ishte i shkolluar dhe kish marrë edhe doktoratën. E pyeta një ditë:

- A beson në ato që lexon në Shkrimin e Shenjtë?

- Po, patjetër. Me një përjashtim të vogël, librin e Zanafillës!

Kjo ishte mënyra e tij për të thënë se si shkencëtar që jam, nuk mundem të besoj dot që Zoti krijoi gjithçka me një fjalë goje! Po nuk e kuptova proçesin dhe gjithçka me detaj, nuk kam se si ta besoj si të vërtetë. Ajo që miku im nuk kuptonte ishte se arsyeja përse Zoti nuk na i jep të gjitha detajet e krijimit të gjithësisë dhe njeriut, ka të bëjë me dy arsye:

1. Natyra jonë e krijuar njerëzore nuk mundet dot të kuptojë natyrën e pakrijuar hyjnore të Zotit
2. Zoti nuk krijoi një shërbëtor, krijoi njeriun si krijesën më të dashur për të

Shpesh ne harrojmë, të kondicionuar nga gjendja aktuale e njerëzimit pas rënies në mëkat, se njeriu nuk ishte një krijesë dosido e Zotit. Njeriu është krijesa më madhështore e Zotit! Eshtë krijesa më e dashur e Tij! Të gjitha të tjerat që na shikon syri mbi tokë, nën tokë, apo në qiell, të gjitha u krijuan për njeriun. Dhe asnjë krijese tjetër në tokë apo në qiell, Zoti nuk i krijoi sipas shembëllimit dhe ngjashmërisë së vetë. Dhe asnjë krijesë tjetër nuk mori jetë nga Fryma e Tij e Shenjtë e Jetëdhënëse! Njeriu nuk u krijua për të punuar, ishte sovrani i gjithë krijesës! Zoti gjithçka e krijoi për njerinë! Prandaj në Kopshtin e Edenit Eva dhe Adami jetonin në paqe në prani të Perëndisë, dhe kishin jetë të përjetshme, falë frutave të Pemës së Jetës që Zoti kish krijuar për ta. Nuk kish vdekje, nuk kish mëkat, nuk kish dhembje, nuk kish sëmundje. Zoti nuk ishte një qenie e mistershme dhe e largët, ishte pranë njeriut në atë Kopsht të Edenit, në çdo moment. Prania e Zotit me Adamin dhe Evën është edhe përkufizimi i vetë parajsës: parajsa nuk është gjë tjetër veçse një shpirt njeriu që jeton në prani të Perëndisë! Ferri nuk është gjë tjetër veçse një shpirt njeriu që jeton pa praninë e Perëndisë!

***

Gjëja tjetër që duhet të kuptoni është se Biri i Vetëmlindur i Zotit, lindi prej Atit para gjithë kohërave. Biri i Perëndisë është edhe Fjala e Tij! Që do të thotë se Zoti krijoi gjithçka me Fjalën e Tij! Që do të thotë, se për Fjalën e Perëndisë, nuk ka asgjë të panjohur. Fjala e Perëndisë di gjithçka. Prandaj në Ungjillin e Joanit mësojme se Jisu Krishti është Fjala e Mishëruar e Perëndisë! Pra Biri i Vetëmlindur i Zotit - Fjala e Tij - lindi nga një Virgjëreshë dhe u bë Perëndi-Njeri! Nuk rreshti së qeni Zot e nuk rreshti së qeni njeri. Të dyja natyra jetonin brenda Tij. Prandaj Ai na mëson e na thotë: "Unë jam e Vërteta, Udha, Jeta. Nuk ka rrugë tjetër për tek Ati, vetëm nëpërmjet meje!" Kjo është në thelb theologjia e krishterë orthodhokse. Këto janë ato që vetë Perëndia na ka dëshmuar për veten, dhe Kisha e brezat e besimtarëve i kanë trashëguar brez pas brezi.

***

Një tjetër pyetje që mund ti bëni vetes është: Pse popujt e botës flasin kaq shumë gjuhë të ndryshme? Pse tek Kulla e Babelit, njerëzit u "dënuan nga Zoti të flasin gjuhë të ndryshme"? Në ka një gjë që Perëndia urren është krenaria! Kulla e Babelit ishte një akt krenarie e njerëzve. Jisu Krishti na mësoi se çelësi që hap Portën e Parajsës në Qiell është Përulësia! Në librin Filokalia, një përmbledhje e gjithë shkrimeve të hershme të murgjve e shenjtorëve të Kishës, mësojmë: "Krenaria është nëna e të gjitha mëkateve!" Si e gënjeu djalli Evën dhe Adamin me anën e gjarprit? Po hëngrët nga Pema e ndaluar e Diturisë në Kopshtin e Edenit, ju do të do bëheni zot vetë! Ishte krenaria që e shtyu Evën dhe Adamin të bënin atë mëkat që u kushtoi aq shumë.

Por Zoti është i gjithëditur, dhe ne si njerëz shpesh nuk i kuptojmë qëndrimet e Tij. Na duken sikur janë ndëshkime, kur në fakt ato janë bekime të Tij për ne. Si një prind i mirë, ai përkujdeset për ne. Na parandalon që të bëjmë gjëra të dëmshme për jetën e shëndetin tonë. Çfarë jemi duke përjetuar në kohën tonë sot? Një grusht njerëzish, adhuruesit të Satanait, që i kanë shitur shpirtin e tyre atij për të blerë para, famë e pushtet, po përpiqen të skllavërojnë gjithë njerëzit e kësaj bote. Dëgjoni për lëvizje të reja si "lëvizja transhumaniste", ku njeriu krahasohet me kafshën dhe duhet damkosur e mbyllur në një tufë si bagëtitë. Dëgjon po këta njerëz që flasin për "bota është mbipopulluar" dhe prapa skenës bëjnë plane se e si t'i sjellin vdekjen miljarda njerëzve të pafajshëm në botë me viruse të prodhuara në laboratore, luftrat pa pushim, dhe shkatërrimin e kulturave dhe popujve. Përse këta njerëz insistojnë rikrijimin e një "Babiloni të Ri", një Kulle të Re të Babelit! Programi i tyre politik është një qeveri që qeveris gjithë botën.

Mjatfon të kuptoni realitetin e botës në të cilin jetoni sot e kësaj dite, për të kuptuar që edhe "dënimi i Zotit" për të folur në shumë gjuhë të ndryshme, ishte në vetvete një bekim i Tij për ne. Mendoni sa më të lehtë do ta kishin adhuruesit e Satanait punën e tyre nëse të gjithë ne do të flisnim një gjuhë te vetme. Në ka një mësim të madh nga e gjitha kjo, ky mësim është që gjithçka nuk duhet ta shikojmë me sytë tanë, por me sytë e Perëndisë. Dhe atje ku nuk kuptojmë, t'i lutemi Zotit që të na ndihmojë të kuptojmë planet e Vullnetin e Tij.

Albo