Fjeti më Zotin Kryepiskopi i Tiranës, Durrësit dhe Gjithë Shqipërisë, ANASTASI

[Albo]

“Uroj të prehet në paqe”/ Ndarja nga jeta e Kryepeshkopit Anastas, Rama: Ngushëllime të gjithë besimtarëve ortodoksë

25 Janar, 2025 12:13



Kryeministri Edi Rama është sot i pranishëm në aktivitetin për 95-vjetorin e vendosjes së Kryegjyshatës Botërore të Bektashinjve në Shqipëri.

Kreu i qeverisë e nisi fjalën me ngushëllimet për ndarjen nga jeta të Kryepeshkopit Anastas Janullatos.

“I keqardhur! Uroj të prehet në paqe dhe shpreh ngushëllimet e mia të gjithë bashkëpunëtorëve të tij dhe anëtarëve të komunitetit të besimtarëve ortodoksë”, tha ai.

VIDEO

Balkanweb

[Albo]

Ndarja nga jeta e Kryepeshkopit Anastas, reagon Mitsotakis: Udhëheqës shpirtëror dhe shërbëtor aktiv i njerëzimit



Kryeministri grek Kyriakos Mitsotakis ka reaguar në lidhje me ndarjen nga jeta të Kryepeshkopit Anastas Janullatos.

Ai tha se kryepeshkopi i ndjerë dha një kontribut të paçmuar për botën ortodokse dhe ka lënë gjurmë të pashlyeshme jo vetëm në Shqipëri.

“Ai ishte njëkohësisht një udhëheqës shpirtëror dhe një shërbëtor aktiv i njerëzimit dhe i të drejtave të tij. Herë si ndihmës i fëmijëve të Afrikës dhe herë si mbështetës i studentëve grekë që i rezistuan diktaturës”, vazhdoi Kryeministri, duke e cilësuar Anastasin si një pionier të kishës në Shqipëri.

“Ndërsa zëri i kryepeshkopit mund të jetë heshtur, ai do të transmetojë përgjithmonë mesazhe të jetës dhe të bashkëjetesës paqësore”, shtoi ai.

Balkanweb

[Albo]

Ndarja nga jeta e Kryepeshkopit Anastas, Berisha mesazh ngushëllimi: Kontribuoi në ringjalljen e Kishës Autoqefale të Shqipërisë



Kryetari i PD Sali Berisha ka shprehur ngushëllimet e tij për ndarjen nga jeta të Kryepeshkopit të Shqipërisë, Anastas Janullatos.

Në një postim në rrjetet sociale, Berisha vlerësoi kontributin e jashtëzakonshëm të Kryepeshkopit Anastas në ringjalljen e Kishës Ortodokse Autoqefale të Shqipërisë pas dekadave të represionit komunist.

“Dielli perëndoi përgjithmonë për Fortlumturinë e tij, Kryepeshkopin e Tiranës, Durrësit dhe gjithë Shqipërisë, Anastasios Janullatos. Sot, me nderim dhe respekt të veçantë, shpreh vlerësimin tim më të madh për kontributin e pavdekshëm të Fortlumturisë së tij në ringjalljen nga shkrumbi i diktaturës komuniste të Kishës Autoqefale të Shqipërisë,” shkroi Berisha.

Ai gjithashtu u shprehu ngushëllimet e tij familjes së Kryepeshkopit, Kishës Ortodokse Autoqefale të Shqipërisë dhe të gjithë besimtarëve ortodoksë në vend. Në përfundim, Berisha shtoi lutjet e tij që “shpirti i ndritur i këtij shërbëtori të pakursyer të Kishës dhe Zotit të gjejë paqen e amshuar.”

Balkanweb

[Albo]

Ndarja nga jeta e Kryepeshkopit Anastas, Baba Mondi: Ringriti Kishën Orthodhokse dhe kontribuoi në harmoninë e bashkëjetesën fetare në Shqipëri



Kryegjyshi Botëror Bektashian, Shenjtëria e Tij, Haxhi Dede Baba, Edmond Brahimaj, nëpërmjet një mesazhi, shpreh ngushëllimet më të sinqerta, për kalimin nga jeta të Kryepeshkopit të Kishës Ortodokse Autoqefale të Shqipërisë, Fortlumturisë së Tij, Anastas Janullatos.

Në mesazhin e Tij, ndër të tjera, Kryegjyshi Botëror, Dede Edmond Brahimaj shkruan:

“Bismilahi Rramani Rrahim! Në emër të Zotit, Mëshiruesit, Mëshirëbërsit!

Me hidhërim të thellë, mora lajmin e hidhur, të kalimit nga kjo jetë e përkohshme, e vëllait tonë, Fortlumturisë së Tij, Kryepeshkopit të Tiranës, Durrësit dhe Gjithë Shqipërisë, Anastas Janullatos.
Fortlumturia e Tij, Kryepeshkopi Anastas, në kushte të vështirësive të mëdha, për më shumë se 30 vite, ringriti Kishën Orthodhokse Autoqefale të Shqipërisë dhe kontribuoi në harmoninë e bashkëjetesën fetare në Shqipëri.

Në emër të Selisë së Shenjtë të Kryegjyshatës Botërore Bektashiane, më lejoni të shpreh konsideratën më të lartë, për veprimtarinë e tij gjatë gjithë jetës dhe si për bashkëpunimin e ngushtë me të, për bashkëjetesën fetare në Shqipëri dhe më gjërë.

Ju siguroj se kujtimi i Tij, do të jetë kurdoherë një burim mirësie, për miliona besimtarë ortodoksë, të kundondodhur në botë.

Ngushëllimet më të ndjera për këtë humbje të madhe e të pazëvendësueshme për drejtuesit e lartë të Kishës dhe mbarë komunitetin ortodoks të Shqipërisë!

Të prehet në paqen e merituar!

Amin!

Balkanweb

[Albo]

Ndarja nga jeta e Kryepeshkopit Anastas, reagon Këshilli Botëror i Kishave: Katalizator me ndikim në botën ortodokse dhe një gjigant në sferën ekumenike

25 Janar, 2025 10:48



Këshilli Botëror i Kishave, ka reaguar në lidhje me ndarjen nga jketa ët Kryepeshkopit Anastas Janullatos.

Këshilli ka vlerësuar figurën e Fortlumturisë së Tij, si një katalizator me ndikim në botën ortodokse dhe një gjigant në sferën ekumenike.

Reagimi i plotë:

Një katalizator me ndikim në botën ortodokse dhe një gjigant në sferën ekumenike, Kryepeshkopi Anastas vdiq pas një sëmundjeje të shkurtër.
Anëtar nderi i Akademisë së Athinës dhe ish-president i Këshillit Botëror të Kishave (ËCC), me më shumë se gjashtë dekada në lëvizjen ekumenike, Anastasios njihej si një lajmëtar i paqes dhe i mençurisë në mbarë botën dhe një kampion i dialogut ndërfetar.

“Sot ne kujtojmë dhe nderojmë jo vetëm arritjet intelektuale dhe institucionale dhe përkushtimin ekumenik të Kryepeshkopit Anastasios,” tha sekretari i përgjithshëm i ËCC, Rev. Prof. Dr. Jerry Pillay, “por edhe ripërtëritjen dhe dialogun, madje dhe veçanërisht në kohë dhe vende të vështira. Ai i lë shoqërisë tonë mbarëbotërore një trashëgimi frymëzuese dhe të lakmueshme si një dëshmitar i vërtetë i krishterë për paqen, drejtësinë dhe pajtimin.”

Karriera e Anastasios në shërbesë zgjati më shumë se 60 vjet, nga shërbesa e hershme në Greqi dhe Afrikë, në drejtimin e kishës ortodokse në Shqipëri pasi ajo duroi dekada virulente antifetare si pjesë e bllokut sovjetik, në ndërtimin e kishave dhe institucioneve arsimore në post. -1989 Shqipëria, për riformulimin dhe rinovimin e misionit në një botë ortodokse që ndonjëherë e shmangte atë, për të mbrojtur paqen dhe drejtësia ekologjike në këtë shekull.

Balkanweb

[Albo]

“Ka vënë gurë-themel në historinë moderne shqiptare”, teologu Çomëni: Kryepeshkopi Anastas, ishte gjithmonë disa hapa para



Teologu Thoma Çomëni, i ftuar në rubrikën “Opinion” në News24, ka folur në lidhje me figurën e Kryepeshkopit Anastas Janullatos i cili u nda sot nga jeta.

Ai u shpreh se Kryepeshkopi ishte një person i cili ishte gjithmonë disa hapa para, jo vetëm në mënyrën se si i shihte gjërat, por ehe në përgatitjen e mendimit teologjik.

Çomëni ka vlerësuar se Janullatos ka vendosur gurë-themel në historinë moderne shqiptare.

“Njohja personale nis në 1993 kur nisa studimet teologjike.

VIDEO

Ishte një person me njohuri të thella akademike. Ajo që është e rëndësishme dhe që më ka lënë përshtypje në të gjitha herët që jemi takuar, është që ishte gjithmonë disa hapa para.
Jo thjeshtë në vizionin si shihte gjërat, por përgatitjen e mendimit teologjik gjithashtu.

Ishte një personalitet i shoqërisë shqiptare.

Ka vënë gurë-themel në historinë moderne shqiptare”, tha ai.

Balkanweb

[Albo]

Ndarja nga jeta e Kryepeshkopit Anastas, Duka: Ka dhënë kontribut të madh në shoqëri



Mëngjesin e sotëm ka ndërruar jetë Kryepeshkopi Anastas Janullatos.

Presidenti i Federatës Shqiptare të Futbollit, Armand Duka, nëpërmjet një postimi në rrjetet sociale, vlerësoi kontributin e dhënë prej tij në shoqëri.

“Në këtë moment të vështirë, le të kujtojmë mesazhet e tij të dashurisë dhe mirëkuptimit, që mbeten një shembull frymëzues për të gjithë ne. Kujtimi i tij do të jetojë gjithmonë si një dritë shprese dhe paqeje.
Qoftë shpirti i tij i qetë në paqe të përjetshme!”, shkruan Duka.

Postimi:

Me dhimbje mësova për ndarjen nga jeta të Kryepeshkopit Anastas Janullatos, një figurë e jashtëzakonshme shpirtërore dhe humane, që i kushtoi jetën e tij shërbimit ndaj njerëzve, vlerave të paqes dhe bashkëjetesës.

Kryepeshkopi Anastas ishte një udhëheqës shpirtëror i cili, përmes urtësisë dhe përkushtimit të tij, solli një kontribut të jashtëzakonshëm në konsolidimin e Kishës Ortodokse në Shqipëri dhe në promovimin e harmonisë ndërfetare, që është kaq e çmuar për shoqërinë tonë.

Si President i Federatës Shqiptare të Futbollit, shpreh ngushëllimet e mia më të sinqerta për Kishën Ortodokse Autoqefale të Shqipërisë dhe të gjithë ata që gjetën frymëzim dhe mbështetje tek Ai.

Në këtë moment të vështirë, le të kujtojmë mesazhet e tij të dashurisë dhe mirëkuptimit, që mbeten një shembull frymëzues për të gjithë ne. Kujtimi i tij do të jetojë gjithmonë si një dritë shprese dhe paqeje.

Qoftë shpirti i tij i qetë në paqe të përjetshme!

Me respekt dhe solidaritet,
Armand Duka



Balkanweb

[Albo]

In memoriam Kryepeshkopi Anastas/ Rimëkëmbësi i kishës ortodokse u prit në Rinas nga Át Zef Pllumi



Ish-drejtuesi i Kishës Ortodokse të Shkodrës, Atë Aleksandër Petani, rrëfeu pak kohë më parë përpjekjet e klerikëve shqiptarë në vitet ’90 për të zgjedhur një drejtues për Kishen ortodokse në Shqipëri.

Ai kujton momentin e ardhjes së Kryepeshkopit Anastas Janullatos në vend dhe sfidat që shoqëruan periudhën e parë të udhëheqjes së tij, përfshirë vizitat në qytete të ndryshme dhe pranimin e bashkëpunimit me besime të tjera fetare.

Atë Aleksandri gjithashtu thekson arritjet akademike dhe kulturore të Kryepeshkopit Anastas.

VIDEO

Balkanweb

[Albo]

“I përkushtuar për bashkëjetesën paqësore fetare”/ Shuarja e Kryepeshkopit Anastas, Ambasada Gjermane: Qoftë vepra e tij, burim frymëzimi për brezat e ardhshëm



Ambasada Gjermane në Shqipëri ka ndarë një mesazh ngushëllimi nëpër ndarjen nga jeta të Kryepeshkopit Anastas Janullatos.

Në një postim në rrjetet sociale, ambasada shkruan se besimi i tij i thellë dhe përkushtimi i palodhur për rindërtimin e Kishës Ortodokse, si dhe për bashkëjetesën paqësore fetare në Shqipëri, do të mbeten gjithmonë në kujtesën e të gjithëve

“Me pikëllim të thellë morëm lajmin për ndarjen nga jeta të Kryepeshkopit të Tiranës, Durrësit dhe i Gjithë Shqipërisë, Anastas. Besimi i tij i thellë dhe përkushtimi i palodhur për rindërtimin e Kishës Ortodokse, si dhe për bashkëjetesën paqësore fetare në Shqipëri, do të mbeten gjithmonë në kujtesën tonë. Qoftë vepra e tij një burim i vazhdueshëm frymëzimi për brezat e ardhshëm”, shkruhet në postim.

Balkanweb

[Albo]

Imzot Arjan Dodaj mesazh për ndarjen nga jeta të Kryepeshkopit Anastas: Gëzo për amshim jetën e pasosur



Me një mesazh ngushëllimi, ipeshkëv i kryedioqezës së Tiranë-Durrësit, imzot Arjan Dodaj, ka shprehur vlerësimin për Kryepeshkopin Anastas Janullatos, i cili ka ndërruar jetë mëngjesine sotëm në moshën 95-vjeçare.

“Pushofsh në paqe i dashur Arqipeshkvi Metropolit Anastas #Janullatos! Gëzo për amshim jetën e pasosur në Zotin tonë Jezus Krishti sëbashku me Nënën e TënZot Thetokos e me shenjtërit dhe engjejt! Faleminderit për vellazërinë në unitetin e të krishterëve dhe dialogun ndërfetar RIP”, thuhet në mesazhin e Dodaj.

Balkanweb