Sali Berisha rikthehet në Kuvend pas 11 muajsh: Unë futem, “metamorfoza” del
Kreu i Partisë Demokratike, Sali Berisha është rikthyer në Parlament pas 11 muajsh mungesë në seancat plenare.
I pyetur nga gazetarët para Parlamentit pyetur në lidhje me rikthimin e tij në sallën e Kuvendit , ish-kryeministri u shpreh se “Berisha futet, metamorfoza del”.
Koha Jone
Ndryshuar për herë të fundit nga Albo : 04-12-2024 më 11:27
Berisha: Rikthimi më i suksesshëm në histori i Sali Berishës do jetë rikthimi i tretë
Lideri i Partisë Demokratike, Sali Berisha, përfundoi fjalën e tij në Kuvend duke theksuar se, ndonëse mazhoranca ishte përpjekur që ta hiqte nga jeta politike, rikthimi i tij në politikë do të jetë më i fuqishëm se kurrë. Berisha u shpreh se opozita është shpresa e fundit e shqiptarëve dhe se ata nuk do t’i zhgënjejnë qytetarët.
FJALA E BERISHËS:
Unë e kuptoj që ju ishit që unë të mos flisja më në këtë sallë, por ju siguroj që rikthimi më i suksesshëm në histori i Sali Berishës do jetë rikthimi i tretë.
Në këtë aspekt, jeni të pashpresë.
Ju të pashpresë, shqiptarët me shpresë.
Ju të pashpresë, shqiptarët me shpresë të madhe.
Ne jemi shpresa e fundit e shqiptarëve, ne nuk do i zhgënjejmë ata.
Syri
Berisha: Sot ja ku jam! Unë vij këtu me mesazhin e fitores. Vij këtu për të udhëhequr opozitën drejt fitores
Lideri i opozitës, Sali Berisha, është rikthyer në Kuvendin e Shqipërisë pas një viti mungesë për shkak të burgosjes së padrejtë politike.
Gjatë fjalës së tij, Berisha vuri në dukje se vendimi për largimin e tij nga parlamenti ishte një akt i paprecedentë, i motivuar nga frika e qeverisë ndaj fjalës së tij. Ai e cilësoi këtë veprim si një grusht shteti kundër opozitës dhe akuzoi Ramën për lidhje me agjenda të huaja antidemokratike.
Berisha u shpreh se rikthimi i tij në parlament është mesazh i qartë i fitores së opozitës.
FJALA E BERISHËS:
Po mbaheni me shpirt ndër dhëmbë.
Unë erdha, ju e dini vetë...
E shoh çehren që u ka rënë, por ia bëtë vetes dhe ju qofshi.
Të nderuar deputetë, të dashur qytetarë.
11 muaj më parë, me datën 21 dhjetor të vuitit të kaluar, Edi Rama mendoi se realizoi ëndrrën e tij që të mos shihte më në këtë sallë Sali berishën, ëndrrën e tij atërore të një Shqipërie pa opozitë.
Në një vendim që zgjati gjithsej 8 minuta, me pasion dhe histeri të madhe, gjysma prej jush atë ditë tentuan të varrosin demokracinë, pluralizmin në Shqipëri.
Votuat duke më mohuar të drejtën e fjalës, sepse fjala ime tmerronte narkodiktatorin dhe shumë prej jush.
Votuat duke mbushur parlamentin me mbi 50 gardistë.
Votuat pa më dhënë fjalën, me mendimin se kjo do ishte dita e fundit e Sali Berishës në parlamentin e Shqipërisë.
Rikujtuat në këtë mënyrë se ishte dhjetor. Në dhjetor të vitit 1946, Enver Hoxha vendosi të eliminojë opozitën e Shqipërisë.
Edi Rama, për të nderuar kujtimin e tij, zgjodhi pikërisht dhjetorin për të larguar Sali Berishën nga parlamenti, për të arrestuar Sali Berishën pa asnjë provë, pa asnjë fakt, pa asnjë dokument, pa asnjë dosje.
Mirëpo i bëtë llogaritë të gabuara sepse nuk ishte viti 1946.
Është e vërtetë se ju për fatkeqësinë e kombit amerikan, kishit mbështetjen e atyre që ishin larguar nga parimet e mëdha të lirisë të atij kombit dhe ndiqnin axhendën e Xhorxh Sorosit, kësaj monstre të njerëzimit, këtij armiku të egër të kombit amerikan, pastaj edhe miqve të tyre kudo.
Pra, ju me 21 dhjetor votuat për të kompletuar grushtin e shtetit ndaj opozitës shqiptare.
Mirëpo, sot ja ku jam. Unë vij këtu me mesazhin e fitores.
Vij këtu fitimtar, vij këtu për të udhëhequr opozitën drejt fitores.
Edi Rama nxin aty si Edi Metamorfoza, nxin si banor i bodrumeve më të zeza të mafies shqiptare.
Nxin si hajduti më i madh në historinë e kombit shqiptar.
Nxin si armiku më i egër i qenies shqiptare në kohëra.
Nxin sepse në 12 vite u angazhua me të gjitha mjetet për të dhunuar, për të kontrolluar vullnetin politik të shqiptarëve njëlloj si etërit e tij.
U angazhua me çdo mjet për të vjedhur fondet dhe pasuritë publike të shqiptarëve, për t’u bërë miliarder me pronat e shqiptarëve.
U angazhua në mënyrën më makabër kundër Kosovës, kundër interesit kombëtar të shqiptarëve në Kosovë, në zbatim të politikës së serbomadhnisë.
U angazhua duke përdorur armiq persekutorët e presidentit Donald Trump, si McGonigal, kundër Sali Berishës dhe opozitës shqiptare.
U angazhua duke shpenzuar miliona lobime e mashtrime në të katër anët e botës kundër një opozite, e cila ishte në kod, në Kushtetutë dhe në çdo vend të lirë, pushteti moral i vendit dhe pa të cilën demokracia nuk mund të ekzistojë.
Syri
Berisha çon në këmbë Kuvendin/ Parlamenti mban 1 minutë heshtje për Sami Repishtin
VIDEO
Kryetari i opozitës, Sali Berisha, pas rikthimit në Kuvend, kërkoi 1 minutë heshtje për aktivistin e shquar shqiptar, Sami Repishti.
Kjo kërkesë u plotësua nga drejtuesja e seancës.
“Këto ditë është ndarë nga jeta një kolos i mendimit intelektual shqiptar, një avokat i pamposhtur i çështjes kombëtare, një luftëtar i paepur kundër diktaturës komuniste, një martir i gjallë që përjetoi në vitet e para të diktaturës barbaritë dhe torturat më çnjerëzore, profesor Sami Repishti.
Profesor Sami Repishti ishte ndër më të shquarit shqiptarë në diasporën dhe emigracionin tonë.
Fjala dhe penda e tij nuk rreshti kurrë së mbrojturi çështjen kombëtare dhe interesin kombëtar.
Ai, një antikomunist i vendosur, i dëshmoi me shkrimet e tij mbarë botës, fytyrën e vërtetë të regjimit të Hitlerit shqiptar të pasluftës, Enver Hoxhës.
Por, dha një kontribut dhe fjala e tij u dëgjua në të gjitha instancat e shtetit amerikan për të drejtat e shqiptarëve të pushtuar në Kosovë.
Për të gjitha këto, unë ftoj parlamentin ta nderojmë këtë burrë të shquar të kombit shqiptar me një minutë heshtje,” tha Berisha.
VIDEO
Syri
Regullat e Postimit
Përgjigju Duke Cituar
Krijoni Kontakt