Nga Enkel Demi
Nje lajm entuziast erdhi nga komunikata e rendomte e Ministrise se Rendit. Nje iraken eshte ndaluar ne Lushnje ne kuadrin e masave qe po merret per te ruajtur sinoret e luftuar terrorizmin. Gjynahu iraken eshte prej tete vjetesh ne Shqiperi, dhe kohet e fundit ishte stabilizuar ne Lushnje. Ka nje dyqan te vogel. Eshte qytetarizuar me Lushnjen. Ai nuk i ka dokumentat ne rregull. Policia e ndalon. Ndoshta do ta perzene. Shkruhet ne komunikata. Ngrefet spikerja gjoks-shtrenguar ne lajme. Kenaqim italianet qe na kane kerkuar te ruajme token e detet nga dertet e klandestineve. Realizohet plani i Ministrise se Rendit.
Kur, me ra ne vesh ky lajm, mendova per irakenin e gjore, i cili ka ardhur ne Shqiperi per nje jete me te mire. Ka kryer nje aventure dhe me ne fund ka gjetur paqe ne qytetin e Lushnjes. Atje ka ndertuar nje jete mediokre, por te kendshme per irakenin. E kendshme deri ne diten, kur ne zyren e policise erdhi urdheri per te luftuar klandestinet. Policet shkuan, e ndaluan dhe gezuan shefat qe duan planin e klandestineve per fushaten e korrje-shirrjeve. Policet nuk e vrane mendjen aspak se para nja dy vjetesh vellain e tyre e kane perzene si qen prej Greqie, tek suvatonte vilen e afendikoit. Ne at'bote gazetarja gjoks-shtrenguar bente editoriale per dhunen greke ndaj te pambojtureve, per te famshmin "Operacioni Fshesa". Nuk kalon shume dhe jemi ne shqiptaret qe zeme per fyti nje iraken lushnjar dhe e rrasim brenda. Ai nuk ka dokumenta ne rregull. Zyrtarisht ai njeri nuk ka vize. Nuk ka leje qendrimi. Ose i kane skaduar keto gjera. Sa shqiptare kemi ne kete dite halli ne Angli, SHBA, Itali, Gjermani, France? Pa fund. Cfare mund te mendojne prinderit, te afermit e tyre per irakenin e poshter qe na rri ne dere pa letra ne rregull?
Gjithmone kam menduar gjate operacioneve "Fshesa" se cfare do te benim ne ne vend te grekeve? Fatkeqesisht mendoj edhe sot se do te benim me keq se ta, me keq se italianet, anglezet. Ne deri me sot kemi fshehur koken si struci ne varferine dhe kusurin tone, por sa na thane qe jemi te mire, ne nje krah me vellezerit tane amerikane, ia treguam nenen irakenit prej Lushnje.
Shqiptaret per mua jane raciste. Kete deri me sot nuk kane pasur mundesi ta tregojne me te huajt. Deri me tash thjesht kemi share sho-shoqin "cecene". Ne nje rast te vogel si ky i irakenit lushnjar dhembet e prishur i kemi nxjerre ne drite.
Per te evituar ndonje keqkuptim, une nuk jam aspak per te hapur dyert kat e kat per klandestine e aq me keq qe te behemi trampoline per ta. Nuk me pelqen qe vendi im te kthehet si Kulla e Babilonit, por nuk mund te elltis lajmin entuziast per nje qytetar te rregullt qe perndiqet, sepse keshtu e do zyra e katit te trete ne ministrine filan. Ky njeri qe ka vite qe qendron ne vendin tim, eshte rehatuar ne te, sot i duhet t'ia mbathe, ia kane prishur terezine si ai emigranti i gjore shqiptar ne Greqi qe ne mengjes eshte gdhire ne sheshin "Omonia" e ne darke eshte ngrysur i rrahur ne Kakavije.
Koha jone/e marte 25 mars
Pėrgjigju Duke Cituar
Krijoni Kontakt