Artisti argjentinas Maximiliano Bagnasco në Tiranë për të krijuar një murale për Ismail Kadarenë

[Albo]

Maximiliano Bagnasco, një argjentinas në Tiranë për të realizuar një murale për Ismail Kadare



Albert Vataj

Argjentinasi Maximiliano Bagnasco, i konsideruar si një nga muralistët më të mirë në botë, po pikturon shkrimtarin tonë madh, Ismail Kadare, në fasadën e një ndërtese tek ish-stacioni i trenit. Kjo vepër, jo vetëm do t’i shtohet serisë së veprave të tilla impresionuese në kryeqytetin Tirana, por ajo do të jetë gjithashtu edhe një homazh për emrin dhe veprën monumentale të Kadare. Edhe pse Ismail Kadare dorëzoi frymën e fundit më 1 korrik 2024, ai është i gjallë në testamentin e tij letrar që i la traditës sonë letrare dhe gjeneratave, siç do t’i përkasë edhe metropolit shqiptar, me këtë pikturë murale madhështore, që po realizohet nga një mjeshtër. Një portret gjigand për një kolos, për ta patur gjithnjë aty në madhëshëtinë e vet, si vlerësim dhe si mirënjohe.

Cili është ai, të cilit i është besuar kjo përgjegjësi krijuese, pesha e madhështisë së shqiptarëve?

Maximiliano Bagnasco është një artist muralist argjentinas, i njohur për veprat e tij të mëdha dhe të detajuara, të cilat shpesh bëhen pika referimi kulturore dhe turistike. Ai u bë veçanërisht i famshëm me murale kushtuar figurës ikonike të Diego Maradonës, duke përfshirë një mural 40 metra të lartë që mund të shihet nga ajri në Canning, Argjentinë ​(Ezeiza Hoy, DIARIO CON VOS). Këto vepra kanë ndikim të thellë në komunitetet lokale, siç ishte rasti me muralin e tij në Napoli, që shndërroi një shkollë në një pikë turistike të njohur dhe ndikoi në emërtimin e rrugëve​(Ezeiza Hoy).

Bagnasco ka pikturuar gjithashtu murale me tema politike dhe sociale. Për shembull, ai krijoi një vepër kundër luftës në Palermo, si një protestë artistike ndaj luftës në Ukrainë, duke përfshirë një referencë për fotografinë ikonike të “Vajzës së Napalm-it” nga Lufta e Vietnamit ​(PAGINA12).

Bagnasco e shikon artin si një mënyrë për të komunikuar protesta dhe për të transformuar hapësira, duke e bërë atë një figurë me ndikim global në artin e rrugës.

Koha Jone

[Albo]

FOTOLAJM/ Kolosi i letrave shqipe, Ismail Kadare përkujtohet me pikturën murale në kryeqytet. Veliaj publikon pamjet



Ka nisur edicioni i gjashtë i Mural Fest Tirana, me pjesëmarrjen e artistëve nga 11 shtete të ndryshme të botës. Një prej veprave të realizuara për këtë edicion është dhe përjetësimi i portretit të shkrimtarit të mirënjohur Ismail Kadare.

Kryetari i Bashkisë së Tiranës, Erion Veliaj ka publikuar foton e murales së realizuar në një pallat në këtë zonë, pranë ish-stacionit të Trenit.

“E gjeni dot se ku po realizohet kjo murale e mrekullueshme e Ismail Kadaresë në Tiranë?”, ka shkruar kryebashkiaku.


Vepra është realizuar nga piktori me famë ndërkombëtare Maximiliano Bagnasco.

Ky është edicioni i gjashtë i ‘Mural Fest’ në Tiranë, ndërsa prej 4 vitësh kurohet nga piktori Helidon Haliti. Këtë vit tematika është ‘inteligjenca artificiale’, ndërsa pjesë e projektit janë 14 murale, teksa 80% e artistëve janë vajza.

Ismail Kadare u nda nga jeta në moshën 88-vjeçare në 1 korrik të këtij viti, ndërsa nuk ka kaluar shumë kohë para se portreti i tij të bëhej pjesë tashmë e pandashme e kryeqytetit.

Kandidati për Nobel në Letërsi, Ismail Kadare njihet si një ndër shkrimtarët më të mëdhenj bashkëkohorë, punimet e tij shquhen kryesisht për prozë, por kontributi i tij shtrihet edhe në dramaturgji, poezi dhe përkthime.

(BalkanWeb)