Pogradec: Rilindasi dhunon për vdekje biznesmenin Eglantin Proga. Policia mbulon krimin.

[Albo]

Berisha publikon foton: Ja pse Rama nuk e arrestoi vrasësin e Egli Progës

Kreu i Partisë Demokratike, Sali Berisha, ka publikuar sot në rrjetin e tij Facebook, të dhënë të reja për vrasjen e 42 vjeçarit, baba i dy fëmijëve në Pogradec nga autori Denis Meçe, të dhëna që e lidhin Meçen me Partinë Socialiste, lidhje që dyshohen të jenë edhe shkaku i moszbardhjes në kohë të ngjarjes dhe ndryshimit të akuzës nga drejtësia e re, e komanduar nga Edi Rama dhe qeveria e tij.

Një denoncim i një qytetari tregon një foto të dajës së autorit krah për krahë me Edi Ramën. Lidhja mes të dyve është asryeja kryesore pse ngjarja e Pogradecit po përpiqet të mbyllet dhe autori po mbahet 'me hatër'.

POSTIMI I PLOTË





Syri

[Albo]

Vrasja e Progës/ Xhemollari:Bizneset kanë frikë të hapin kamerat, bandat e krimi i terrorizojnë! Duhet dekriminalzim i Policisë!

Rigels Xhemollari, drejtues i Qëndresës Qytetare thotë se autoritetet tentuan haptazi ta manipulonin ngjarjen e Pogradecit. I ftuar në edicionin e pasdites në Syri Tv me moderatore Armela Ferko, Xhemollari tha se të gjitha institucionet përgjegjëse për zbardhjen e vrasjes së Egli Progës, gënjyen për rastin në fjalë. Ka qenë pikërisht kjo arsyeja, përse qytetarët sipas Xhemollarit kanë thirrur ditën e sotme një marshim-protestë. Sipas Xhemollarit, bizneset kanë frikë të hapin kamerat, pasi bandat e krimi i terrorizojnë.

VIDEO

‘Nxori në pah një shtet që gënjen qytetarët e vet. Rrumbullaku gënjeu në raportimet e bëra për ngjarjen, gënjeu urgjenca kombëtare. Me një makinë të zakonshme mbërrin për 2 minuta e jo më me ambulancë. Gënjeu kryeministri, gënjeu prokuroria. Ragimi qytatetar sa ka ardhur dhe është rritur, s’mund të na gënjejë një shtet që mbahet me taksat tona. Në momentin që kërkojmë drejtësi, atëherë ne marrim gënjeshtra. Kjo ka indinjuar njerëzit që të jemi pjesë e një marshimi proteste, pasi qeveria dhe instancat nuk reagojnë. Normalisht që momentin kur kemi të bejmë në një shtet policor, atëherë do ketë reagim. Kur SPAK na thotë që 300 policië kanë qenë të përfshirë në veprat kriminale, atëherë kur Rama del e mbron këtë strukturë dhe bën avokatin, atëherë edhe kryeministri duhet të shkojë në fund bashkë me to. Të gjithë janë përgjegjës në këtë situatë. Ne kemi dyshuar për manipulimin e ngjarjes, askush nuk foli me kompetencë, ishte e sigurtë që s’ishte ngjarje për gjobëvënie, duhet të fliste Gjykata jo Rrumbullaku. Rama foli nga informatat e Policisë së Shtetit, nuk u bë hetim i gjerë dhe i gjithëanshëm. Ajo që më shqetëson, Pogradeci është qytet i qetë, është kthyer në një qytet ku bizneset kanë frikë të japin dhe të hapin kamerat, pasi bandat e krimi terrorizojnë bizneset për të bashkëpunuar. Policia bashkëpunon më parë me bandat se me qytetarët. Në s’do të ishte për mediat, ngjarja do të kalonte si gjithë ngjarjet e tjera.

‘Nuk besoj se me një marshim zgjidhet çdo gjë, se besoj të ketë ndryshim të akuzës, përmes protestave dhe reagime të përditshme, duke u bërë ne pjesë e demokracisë normalisht që do ketë ndikim’, tha Xhemollari.

‘Të zgjedhurit tanë nuk e cojnë në fund çdo kauzë që ne na shqetëson. Duhet ta mbrojmë ne të drejtën tonë, edhe të shëndetit. Nisur nga postimi i motrës së të ndjerit, u bëra pjesë e marshimit e të ndjerit. I prekur dhe i bindur se nuk ka sesi të keqpërdorë ngjarjen e vëllait të vet, iu bashkova këtij marshimi. Nëse agjenda të ndryshme kërkojnë të përfitojnë nga ngjarja, s’është normale dhe e turpshme. Nëse dikush tenton të marrë flamurin, atëherë do sfumohet ngjarja. Të kërkojnë ashpërsim të masës, çdokush duhet të shkojë në seancë për të marrë dijeni për sa ka ndodhur. Na tregoi shumë, pasi s’kemi siguri në vendin tonë. Imagjino se çfarë ndodh në ato qytete ku ka aktivitet më të madh kriminal. Kemi policinë më të inkriminuar në 33 vitee, nga kanabizimi, deri te dosjet e revanshit, apo sky dhe metamorfoza. Policia cënon qytetarët, shëndetin e tyre, nuk parandalon dhe inkurajon krimin për t’u përfshirë në aktivitete kriminale. Nëse ka një gjë që duhet bërë, është dekriminalizimi i policisë së shtetit, Kemi parë polici që dhunon e frikëson protestuesit. Duhet të ketë formatim të gjithë strukturës, reagimi qytetar do të jetë kundërpërgjigja me çdo formë e mjet’.

Syri

[Albo]

Akt-ekspertiza e vdekjes së Egli Progës, reagon e motra: Me çfarë mjeti u shkaktuan dëmtimet? Po përpiqen ta reduktojnë krimin

Motra e Egli Progës, që vdiq pasi u rrah për vdekje në Pogradec, ka reaguar, pas publikimit të akt-ekspertizës ligjore të rastit të të vëllait.

Jonida Proga pyet mjekët ligjorë për akt-ekspertizën, për vdekjen e vëllait të saj. Ajo ngre pyetjen se me çfarë mjeti janë shkaktuar dëmtimet. Jonida Proga thotë se po përpiqen ta reduktojnë krimin në “një grusht”. Ajo thotë se a nuk mund të jetë goditje me dorezë hekuri, ajo që ka shkaktuar vdekjen e Egli Progës?

REAGIMI I PLOTE

Të dashur miq,

Sot për të tretën herë Policia e Shtetit ka përdhosur kujtimin e vëllait tim të dashur Eglit. Me një paturpësi të papërshkrueshme shpërndanë për publikim herët në mëngjes pjesë të shkëputura nga raporti mjeko ligjor i vdekjes së Eglit duke tentuar të fshihen pas gënjeshtrave e të deformojnë të vërtetën. Policia që dështoi në mënyrë të turpshme në hetimin e vrasjes së Eglit kur vrasja sapondodhi, dështoi në mbledhjen e provave, që dështoi edhe me kapjen në FLAGRANCË TË AUTORËVE vazhdon të dezinformojë. Mbrëmë në emisionin “Opinion” një përfaqësues policie tentoi të justifikojë live të vërtetën e shkatërrimit të provave në sy të kamerave televizive.

Ishte ora 19:20 e ditës së mallkuar 10 gusht kur mediat fiksuan me kamerat e tyre vendin e ngjarjes, trotuarin me gjak, makinën tek e cila kriminelët rrëzuan Eglin. Në Tv dallohen kriminelët që bënin sehir GJYSMË ORE PAS VRASJES NË TË NJËJTIN VEND KRIMI.

Asnjë polic në botë nuk mund të justifikojë lëvizjen e makinës së bardhë me targa AD049T nga vendi i krimit. Asnjë polic i ndershëm shqiptar nuk do lejonte që ajo makinë me prapakolp lyer me gjak të largohej nga vendi i krimit rrethuar me piketa policie. E kundërta ndodhi në sy të POLICISË, Arjan Manellari merr makinën e Leonidha Guçes dhe largohet. Asnjë polic në planet nuk do bënte sehir pak minuta pas vrasjes nëse do shihte si pinin kafe te STROPCKA kriminelët Arjan Manellari, Leonidha Guçe bashkë me Voltan Shkulakun që NUK PANË ASGJË. Kriminelat rrinin ulur pa u shqetësuar te vendi I KRIMIT Z. POLIC. Ata nuk janë njerëz që ndaluan për kafe në vendin e një krimi. Ata janë kriminelët e sigurt që JU NUK I ARRESTONI Z. POLIC.

Familjarët e mi nuk mbyllin dot sytë se kanë parë fotot e fytyrës së masakruar të vëllait tim. Një vëlla, një bir, një bashkëshort i gjakosur nga koka te këmbët në organet jetike dhe delikate, i gjithë integriteti fizik i Eglit u prek rëndë derisa vdiq dhe kanë guximin të thonë me lehtësi të pabesueshme se ishte “grusht”, se “kishte pirë”. Qoftë Prokurorja që iku nga çështja, qoftë kryepolici që foli një ditë më pas, qoftë policët që lane kriminelat të ikin, qoftë dy mjekët ligjor që bënë një akt të çalë, Gjergji Kaçauni me Klevis Shella të gjithë do mbajnë përgjegjësi para LIGJIT për vrasjen e Eglit që kërkohet të mbulohet.

Pyetja për dy mjekët ligjor ishte: Me çfarë mjeti janë shkaktuar këto dëmtime?

Përgjigja e tyre: Këto dëmtime janë shkaktuar me mjet të fortë mbretës, siç mund të jetë edhe goditja me grusht.

Përse kërkoni ta çoni vrasjen te GRUSHTI “MJEKË”? A nuk mund të jetë goditje me dorëz hekuri, me levë, a me mjete të rënda MBRETËSE? Pyetja nuk ishte “A janë shkaktuar me grusht ose jo dëmtimet ZOTËRINJ MJEK.

Tani kam unë një pyetje për ju: A ka punuar Anduena Kaçauni, motra e njërit prej jush si vartëse e ish drejtorit të Posta Korçë, Valter Gora daja i kriminelit Denis Meçe?

Nëse po atëherë edhe unë kam të drejtën që të dyshoj që Akt ekpertimi mjekoligjor numër 70 nuk ka treguar të vërtetën e vdekjes së Eglit, pasi ka mangësi dhe shtrembërime të pyetjeve të hetimit që mund të jenë shkaktuar nga shkaqe si ato që vijnë nga NDIKIMI I KORRUPSIONIT.

AKTI DO RIBËHET ZOTËRINJ MJEKË TË IML!

Po e vazhdoj vetë hetimin e vrasjes së Eglit se askush nuk më ka dhënë përgjigje pse e vranë Eglin. Po përpiqen ta reduktojnë krimin në një “grusht”. Shoh heshtje, frikë dhe dorëzim përballë kriminelëve që po terrorizojnë qytetin e Pogradecit, atyre që kanë lidhje me policinë, me drejtësinë, me pushtetin e lartë vendor në Pogradec.

Ka ende shumë pyetje pa përgjigje që do u shkoj deri në fund.

Si u dorëzua me Range Rover brenda në Komisariat krimineli Denis Meçe?

Kush polic negocioi me të kur ai nuk “gjendej” dot askund se ku dhe me kë po “flinte gjumë”?

Pse nuk u kontrollua kurrë shtëpia e tij në Pogradec por “u trokit” vetëm te gjyshërit e tij në Buçimas?

Çfarë kërkonte Leonidha Guçe në dyert e spitalit një orë pasi e vranë Eglin?

Çfarë bisedonte një orë më pas në dyert e Komisariatit Pogradec me miqtë e tij policë ky kriminel?

Pse u la të pastrohej vendi i krimit, lokali Stropcka nga brenda dhe jashtë, sidomos tualeti, nga pronari bashkpunëtori në krim Voltan Shkulaku dhe më pas u bë këqyrja?

Pse nuk u mbyll që në çastin kur mbërriti policia në vendngjarje lokali që të fiksohej çdo gjë? A nuk vdiq një njeri????

Me kë ka komunikuar Valter Gora, më datë 10 gusht? Po në 11 gusht?

Kam me dhjetra pyetje të tjera që do t’ua marr përgjigjet medoemos.

Po kërkoj vetëm të vërtetën. Kam dëshmi e prova që po i mbledh me vështirësi pavarësisht se njerëzit kanë frikë të flasin, se kanë frikë nga kriminelat. Frika ka mbërthyer zemrat e tyre sepse askush nuk i mbron në Pogradec. Janë bashkë. Kriminelat lëvizin lirshëm, fshihen prapa krahëve të atyre që duhej të kishin bërë drejtësi. Ata që duhej të ruanin provat, ata që lejuan të pastrohej vendi i krimit, ata që duhej të kishin ndaluar krimin, heshtën dhe kthyen sytë nga ana tjetër.

Do kërkoj pafund e deri në fund DREJTËSI PËR EGLIN. Vrasësit që janë jashtë, ai brenda dhe gjithë ata që ndihmuan në fshehjen e së vërtetës do paguajnë me dënim para ligjit që nga zyrtari më i vogël që ka shpërdoruar detyrën e është korruptuar deri te ai më i larti. Ky është vetëm fillimi i betejës sime për drejtësi. Për të vërtetën e VRASJES që duhet të dalë me çdo çmim në dritë.

Ju përulem me mirënjohje të gjithë njerëzve që kanë ndihmuar Eglin dhe familjen e tij.

Ju përulem me respekt të gjithë atyre që më janë gjendur dhe më kanë ndihmuar në këto ditë të vështira.



ORA NEWS