Beteja për Himarën: Petro Gjikuria, kthehet nga Amerika në Himarë, të kandidojë si kryetar bashkie

[Albo]

”Pranova ftesën e Ramës”, Gjikuria: Lashë SHBA për të ndihmuar vendin tim! Mbështetja e Belerit, nder



Kandidati i opozitës, Petro Gjikuria ka folur për herë të parë për garën ku është pjesë në Himarë. Ai vuri theksion tek një mbështetje të madhe të himarjotëve në zgjedhjet e pjesshme të 4 gushtit. Në daljen e tij të parë për mediat, si kandidat për Bashkinë e Himarës, Gjikuria tha se mbështetja e Fredi Belerit, për të është një nder.

Ai nuk nguroi as të bënte ironi, duke thënë se iu përgjigj pozitivisht ftesës së bërë nga kryeministri Edi Rama, që si emigrantë të rikthehej në atdhe për të ndihmuar vendin.

“Erdha nga Amerika, iu përgjigja thirrjes së kryeministrit që thotë të kthehen emigrantët të ndihmojnë vendin e tyre, që të ndihmioj Himarën. Përpjekjet e Fredi Belerit për demokraci dhe për shtet të lirë duhet të jenë frymëzim për të gjithë ne, mbështetja e Fredi Belerit, më nderon, është nder shumë i madh për mua. Himara ka një eurodeputet, Fredi Belerin dhe me 4 gusht do të ketë edhe kryetarin e saj të Bashkisë. Kemi filluar fushatën, do i bredh të gjitha fshatrat, jam i sigurt që jam një bir himariot, i lindur në Himarë dhe e shikojë që më përkrahin”, tha ai.

Koha Jone

[Albo]

Zgjedhjet në Himarë, Gjikuria vijon takimet me banorët: Do të merrem çdo ditë me problemet e pronave



Kandidati për kryetar bashkie në Himarë nga radhët e opozitës së bashkuar, Petro Gjikuria ka vazhduar takimet me banorë të zonës. Ndalesa e radhës e tij ka qenë fshati Nivicë, ku të mbledhur në qendër të fshatit me dhjetëra banorë kanë diskutuar një sërë problematikash.

Banorët kanë evidentuar si problemet kryesore që i shqetësojnë zaptimin e pronave të tyre ndër vite si dhe 1001 peripecitë që kalojnë në proceset për marrjen e pronës. Gjithashtu është cilësuar si problem edhe mbyllja e plazhit, pjesës së detit në Kakome, ku megjithëse e kanë shumë pranë nuk mund të shkojnë pasi aty është rrethuar çdo gjë.

Mungesa e ujit të pijshëm, vëmendjes së bashkisë Himarë në 12 vite për investime, ndërprerjet e energjisë elektrike kanë qenë një prej shumë ankesave të nivicjotëve.

I ndalur për të folur për problemet e tyre Gjikuria, tregon se do të krijojë stafin, për t'u marrë cdo ditë me problemet e pronës që kanë banorët jo vetëm të Nivicës por gjithandej.

Gjithashtu premton hapjen përfundimtare të Kakomesë në mënyrë që banorët të shkojnë në pronat e tyre teksa dënon mungesën e gjërave bazike për jetën si uji pijshëm, infrastruktura apo energjia elektrike duke thënë se do të krijojnë projekte për zgjidhjen e problemeve elitare

Afroviti Dhimojani kryetare e partisë demokratike në Himarë, dënon faktin e presioneve që ju bëhen cdo ditë banorëve të zonës për marrjen e pronave të tyre. Ajo thotë se kjo gje duhet të ndalet. Sipas saj Gjikuria ka vizionin e duhur për të sjell ndryshimin teksa di mjaft mirë cfarë duhet në zonë për tu përmirësuar në vazhdimësi që edhe Himara, Nivica të eci përpara

Nivica është një prej fshatrave ku në më tepër se 12 vite nga bashkia e Himarës mungojnë investimet cka ka bërë që kushtet e fshatit të rëndohen së tepërmi duke bërë që një pjesë e mirë e popullsisë të largohet prej andej.

Syri

[Albo]

VIDEO/ Kandidati i opozitës, Petro Gjikuria çel fushatën në Himarë, qindra banorë e presin në takim



Kandidati për kryetar bashkie nga radhët e opozitës së bashkuar, Petro Gjikuria, ka çelur fushatën elektorale, duke zhvilluar një takim prezantues me banorët e Himarës fshat. I mirëpritur nga qindra banorë të fshatit, shtrëngime duarsh dhe përqafime për të treguar mbështetjen në zonë.

Në fjalë e tij Gjikuria falenderon banorët për mbështetjen teksa thekson se rikthehet në Himarë pas kaq shumë vitesh për të sjellë vizionin e tij, për të ndryshuar fshatrat dhe qytetin të cilat ndër vite kanë mbetur të pazhvilluara. Ai tregon se prej vitesh është angazhuar në shoqata të ndryshme himarjote në Amerikë duke mos e harruar atdheun, duke sjell donacione të ndryshme për investime në Shqipëri në shkolla apo azile për pleq.

Vangjel Dule, kreu i PBDNj thotë se Himara do të ketë dy kryetar bashkie tashmë, Petro Gjikurinë për Himarën dhe Fredi Belerin në parlamentin europian. Sipas Dules, Edi Rama ka qënë deri më tani kryetar bashkie në Himarë duke ndryshuar sipas tij maskat e fytyrës duke vendosur njëherë maskën e Goros, më pas të Blerina Balës, Arqile Bollanos dhe tashmë të Vangjel Tavos. Qëllimi sipas Dules është të ndalet shpopullimi i Himarës largimi i qytetarëve nga pronat e veta.

Tedi Blushi, Sekretar i Përgjithshëm i Partisë së Lirisë thotë se Rama vendos në Himarë kandidat për interesat e veta, të cilët kanë për qëllim zaptimin e pronave të Himarës. Blushi ja bën të qartë Ramës në fjalimin e tij duke i kërkuar të mbaj larg nga kutitë e votimit ndryshe do ta pësojë keq. Në 15 muaj kryetarët e bashkisë në Himarë sipas Blushit kanë qënë të korruptuar. Blushi e quan Belerin si të burgosurin politik të Ramës.

Ivi Kaso, Sekretari për Çështjet Ligjore në Partinë Demokratike konfirmon se ka ardhur në Himarë për të shprehur mbështetjen e PD dhe opozitës së bashkuar për Gjikurinë. Ai falenderon himarjotët për qëndresë e treguar kundër sistemit që edhe me kandidatin e burgosur politikisht guxuan, votuan, e shpallën atë fitues.

Në takimin hapës së fushatës në Himarë përshëndetën në fjalën e tyre Petro Beleri, i biri i Fredi Belerit i cili përcolli për himarjotër mesazhin e babait të tij, Afrovita Dhimojani kryetare e PD Himarë si dhe Vasilis Kajo, kryetar i Omonias në Shqipëri.

Syri

[Albo]

Kandidatura/ PBDNJ: Gjikuria do ndalojë grabitjen e pronave nga Rama



Partia Bashkimi për të Drejtat e Njeriut ka renditur arsyet se përse kanë zgjedhur Petro Gjikurian, si kandidat në zgjedhjet e Himarës që priten të mbahen 4 gusht.

PBDNJ thotë se kanë dalë te ky emër pas një sërë konsultimesh intensive me komunitetet përbërëse të Bashkisë Himarë por edhe asosacionet përfaqësuese të tyre në emigracion.

Në deklaratën e tyre, për PBDNJ, në këto zgjedhje në Himarë do të varet fati i standardeve të zhvillimit të zgjedhjeve palamentare të vitit të ardhshëm.

PBDNJ fton himariotët që të votojnë kandidatin e opozitës për të mbrojtur pronat dhe të drejtat e tyre.

NJOFTIMI ZYRTAR

Partia Bashkimi për të Drejtat e Njeriut në bashkëpunim me Bashkimin Demokratik të Minoritetit Etnik Grek “OMONOIA” pas konsultimesh intensive me komunitetet përbërëse të Bashkisë Himarë, por edhe asosacionet përfaqësuese të tyre në emigracion, u propozoi Partive Politike opozitare aleate që në zgjedhjet për Kryetarin e Bashkisë së Himarës të mbështesim kandidaturën e z Petro Gjikuria.

Rrëmbimi i mandatit të Kryetarit të Bashkisë së Himarës z Fredi Beleri dhe dhunimi i vullnetit të sovranit nga Kryeministri Edi Rama duke instrumentalizuar individë dhe segmente të Policisë së Shtetit, Drejtësisë, KQZ -së dhe vetë Presidentin e Republikës përbën precedentin më të rrezikshëm në historinë posttotalitare të vendit për votën e lirë, shtetin e së drejtës, demokracinë funksionale dhe të drejtat e njeriut duke rritur kështu edhe më shumë distancën që na ndan nga standartet dhe praktikat më të mira Evropiane.

Për rrjedhojë, në zgjedhjet e pjesshme në Himarë nuk do të varet vetëm fati i drejtimit të Bashkisë për pjesën e mbetur të mandatit, por edhe fati i standarteve të zhvillimit të zgjedhjeve palamentare të vitit të ardhshëm.

Ndaj, le t’u bëhemi të gjithë krahë Himarjotëve në këtë mision fisnik për zgjedhje të lira dhe të ndershme që me aq përkushtim, vendosmëri dhe sakrifica i kanë shërbyer dhe po i shërbejnë për të mbrojtur dinjitetin, të drejtat dhe vullnetin e tyre, por njëherësh edhe pronën që po ua rrëmben autokrati me oligarkët e tij.

Syri

[Albo]

Beleri kthehet në burgun e Fierit: Gjikuria nuk ka lidhje me mercenarët e pushtetit



Eurodeputeti Fredi Beleri është kthyer në burgun e Fierit për të kryer dënimin e mbetur pas konstituimit të Parlamentit Europian. Ndërsa Beleri kthehet në burgun e Fierit shoqërohej nga kandidati i opozitës për Himarën, Petro Gjikuria.

Në një prononcim për mediat, Beleri tha se ka kërkuar lirinë me kusht, ndërsa theksoi se shpreson që drejtësia të veprojë kësaj here pa u ndikuar. Ai vlerësoi kandidaturën e Gjikurisë, duke thënë se nuk ka lidhje me mercenarët që sjell pushteti për të komanduar Himarën.

“Siç u kisha thënë, u ktheva sot në burg. Nuk përdora imunitetin tim si eurodeputet. U ktheva se këtu në Shqipëria është shtëpia ime dhe jam i bindur për drejtësinë time, në mos gjykatat këtu, në gjykatat europiane. Jam shumë i gëzuar që më shoqëroi sot në burg kandidati për bashkinë e Himarës, Petro Gjikuria një djalë i mirëfilltë nga Himara që s’ka lidhje me mercenarët që sjell pushteti për të komanduar Himarën.

Himara në duart e Petro Gjikurisë do jetë e sigurt, do ketë vend në Bruksel, Amerikë dhe që këtej e tutje na presin vetëm ditë të mira. Për mua ishte një eksperiencë e veçantë, isha i gëzuar, emocionuar dhe i kënaqur nga besueshmëria e votuesve grekë. Atje është një detyrim i madh dhe një angazhim për të dalë faqebardhë dhe për të mbështetur të drejta tona.

Kam kërkuar lirim me kusht, e drejtë e imja, dhe shpresoj që drejtësia këtë herë të mos ndikohet. Nuk më vajti në mendje të mos kthehem se këtu është shtëpia ime, këtu është jeta ime. Nuk kam arsye të mos kthehem”, the Beleri.

Lapsi

[ilia spiro]

Pse u kthye nga SHBA,nuk ishte mire atje???
Edhe z. Vangjel Tavo eshte minoritar grek,por minoritar dhe qytetar i vertete i Shqiperise edhe pse nuk mohon kombesine e tij. Dhe punon per popullin dhe do te punoje edhe per himariotet, sic ka punuar deri me sot. Nuk kerkon shkeputjen e pjeseve me idiotizmat e vorio epirit sic kerkon gjikuria, (se per kete eshte kthyer e nuk e ha malli per himaren). Si pjesetar i forumit vorio epirot te SHBA, nuk do beje gje tjeter vecse do nxise armiqesite mes himarioteve dhe te ketyre me pjesen tjeter te qytetareve shqiptare.
Besoj ne zgjuaresine e himarioteve, te cilet do te dine ti japin pergjigjen e merituar ideve shoviniste, bile edhe ata me kombesi greke. Himara u beson puneve jo llafeve.
Himara nuk do te besoje me ne mesjeten e erret, por ne mireqenien e saj.