MISS - ALBANIA 2003

[Arjeta]

Edhe une mendoj qe nga Misset me te bukurat ishin Denisa Kola dhe kosovarja Miss Zvicrra Qendresa Cacaj ndersaa misteret ja kisha dhene voten Kosovarit Arben Bajramit dhe Dritan Shehut sepse qe te dy kishin rendesi dhe qendrim ne skene...por edhe pjesemarresit tjere ishin te bukur!!

te
fala
arjeta

[rrufiani]

Flm MISS kuqja,sapo pashe fotot dhe nga gocat te gjitha dukeshin te hijeshme ne vecanti Mariola dhe Aida ishin me fgurantet.Ndersa per djemte mendoj qe ai qe e fitoi se te gjithe te tjeret kishin pozuar sikur i kishe nxjerre nga ndonje kamp perqendrimi,pra fituesi e meritonte per mendimin tim.

[KaMeLaaa]

Mesa pash une pjesemarresit...fituesja sme pelqeu...mua me teper me pelqeu njera prej shoqerueseve...dmth Qendresa dhe Drenusha Jatipi ishte e lezetshme ...ndersa nga cunat...fituesi simpatik duket...gjithashtu me pelqeu: Bledi, Enuar dhe Kledi...

[Di68]

Pervec linkut qe na ka ofruar Kuqja, a di ndonjeri te jene publikuar foto te pjesemarresve ne ndonje faqe tjeter por qe te jene me cilesi te mire, sic kane qene te publikuara vitet e kaluara?

[Sykaltri-GB-US]

Ju lutem jepni mendimet tuaja persa i perket spektakleve, misseve, dhe shtoni ndonje foto nese keni.

Psh; Per miss albania 2003 nuk mendoj qe ajo goca e meritonte kuroren. Ajo ishte e bukur por ama kishte edhe me te bukura. But i suppose one has to win aftreall.

Shikoni yjet tjera ne parajsa .com me duket

[Sykaltri-GB-US]

Ketu mund te shikoni te gjitha kandidatet....oh my god they are stunning...all of them except the boys....

[arkl]

E LEZECME...............

[ChuChu]

Denisa Kola: Pse u vlerësua inteligjenca ime

Nga Ermira Shpëtimi @ SPEKTRI


Përsëri çifti Grabocka-Gjebrea godet në shenjë në përzgjedhjen e vajzës më të bukur shqiptare për në Miss Bota. Titulli Miss Dituria, pagëzon Denisa Kolën si më të zgjuarën ndër 106 mise të botës.

Ka mbetur akoma i freskët në kujtesën tonë emocioni i konkursit ndërkombëtar të bukurisë kur vajza shqiptare me emrin Anisa Kospiri u zgjodh një ndër 10 më të bukurat e botës. Vendi ynë, gati i padukshëm në hartë bëri jehonë në një konkurs ku përzgjedhja nuk qe aspak e lehtë dhe konkurenca shumë e fortë.
Vera Grabocka dhe Ardit Gjebrea, të mëdhenjtë e spektakleve shqiptare, asnjëherë nuk u mjaftuan me një konkurs kombëtar të pagëzuar "Miss Albania". Ai u pasurua para dy vjetësh me zgjedhjen e djalit më të bukur shqiptar dhe si gjithmonë sytë mbaheshin nga bota, nga konkurset e bukurisë që zhvilloheshin atje, të përballeshin pra vajzat tona me bukuritë e përtej kufinjve. Kështu ndodhi edhe sivjet. Denisa Kola, e zgjedhur si Miss Albania 2003, këtë vit mori pjesë në dy konkurse ndërkombëtare: Miss Universi nga ku ajo mori dhe vendin e dytë si trupi më i bukur dhe u cilësua si vajza me bukurinë më natyrale dhe në Miss Word (një konkurs mjaft i freskët ky për ne) ku ajo mori çmimin Miss Dituria ose Miss Shkollarja. Pra Vera Grabocka dhe Ardit Gjebrea morën kështu shpërblimin e një investimi të jashtëzakonshëm dhe një pune e këmbënguljeje të madhe që vajza shqiptare të konkuronte krah bukurosheve të botës, por edhe të sillte që andej një çmim. Duket pra sikur po bëhet një farë riti që këto vajza të kthehen me një trofe në vendin e tyre, që Shqipëria e vogël të spikasë me Misin e saj. Denisa sapo është kthyer nga ky konkurs dhe flet për emocionet që ajo provoi atje...

"Konkursi Miss Word ishte një eveniment që i kalonte totalisht parashikimet e mia. Akoma pa u 'ftohur' nga emocionet e Miss Albania, zonja Vera Grabocka dhe Ardit Gjebrea më krijojnë mundësinë që unë të marr pjesë në një konkurs kaq madhështor. Isha me fat për faktin se konkursi bëhej në Kinë dhe krahas tij unë pata mundësi që të shoh vende të jashtëzakonshme si dhe të bëja shoqëri me 105 vajza nga të gjitha vendet e botës. Natyrisht emocionet qenë të mëdha, kënaqësia po aq. Ishte shumë interesant fakti se një ditë shkonim në një vend me borë dhe ditën tjetër në një vend me temperaturë 30 gradë ku mund të bëje plazh. Kina na njohu ne dhe ne njohëm Kinën me shëtitjet tona. Pastaj mikpritja e atij vendi ishte e pa fjalë. Festat që bëheshin për ne ishin të jashtëzakonshme, dilnin e na prisnin me elefantë, bëheshin kokteje me sponsor të ndryshëm. Edhe një detaj tjetër shumë i këndshëm, në çdo vend ku ne shkonim, dilnin e na prisnin me lule 106 fëmijë, pra për aq mise sa ishim."


- Cila qe e veçanta e këtij konkursi në krahasim me Miss Universin?
- Kërkohej imazhi i një femre që bën shumë për të tjerët, sepse bamirësia aty ishte qëllim kryesor. Dhe këtij qëllimi dukej sikur iu përgjigjën të gjithë. Biletat aty u shitën në ankand dhe ka patur raste kur një biletë u shit edhe 40 mijë dollarë.
- Çfarë ndryshimi kishte midis fazës përgatitore të Miss Albanias dhe asaj të Miss Botës?
- Faza përgatitore ngjante shumë me konkursin kombëtar që ne bëjmë këtu. Këtu kemi bërë një muaj prova, atje biles më pak se një muaj. Nuk kam ndjerë ndonjë ndryshim të madh sepse edhe organizatorët këtu punojnë shumë për Miss Albanian, kështu që kjo fazë për mua nuk qe shumë impenjative po ta krahasojmë me konkursin tonë. Pra ambientoheshim me kamerat, objektivat e fotografëve, koreografitë etj.
- Gjatë fazës përgatitore, duke parë edhe konkurentet e tjera, a e mendoje veten për një çast Miss Bota?
- Dihet që në një konkurs shkohet për të fituar, por të them të drejtën çmimi i diturisë që mu dha ishte ai që unë kisha më për zemër.
- Më fol pak për fazën përgaditore, pra për testin që kaluat për të arritur tek ky çmim...
- Testi u bë dy javë para shfaqjes. Kryetari i jurisë ishte profesor i një prej kolegjeve më të famshme në Londër. Asgjë nuk mësova paraprakisht për çmimin. Lajmin e mora vesh në skenë njëlloj si spektatorët dhe telespektatorët.
- Më thuaj diçka më konkrete për testin, pra si funksiononte ai?
- Ishte test mjaft interesant, shpesh më dukej edhe si thikë me dy presa ku ti si përgjigje duhej të zgjidhje një të mesme të artë. Psh më pyesnin nëse respektohen në Shqipëri të drejtat e njeriut. Unë duke u nisur edhe nga fakti se jam studente në vitin e dytë për ekonomik, u përgjigja që normalisht respektohen, por infrastruktura që ne kemi ndoshta nuk na ndihmon që gjithçka të ecë si duhet. Psh shumë të rinj do të donin të vazhdonin shkollat e larta, por jo të gjithë e realizojnë sepse ka një numër të caktuar studentësh që përballë një numri profesorësh dhe vendesh në konvikte, apo një sërë problemesh të tjera, është mjaft i lartë dhe i papërballueshëm. Pra po të thoja që në vendin tim shkelen të drejtat e njeriut, më dukej e padrejtë, të thoja që ato respektoheshin totalisht, përsëri do të pohoja një të pavërtetë, kështu që dhashë një përgjigje disi të zbutur.
Gjithashtu më thonin, "më jep një arsye pse duhet të vij unë për të vizituar Shqipërinë". Unë i përgjigjesha se ka më shumë se një arsye pse ju duhet të vini në Shqipëri. Në rrallë të parë shqiptarët janë një popull i vogël por mjaft mikpritës, e dyta jetojmë në një vend me vlera turistike të jashtëzakonshme, me një bregdet shkëmbor dhe ranor, me lumenj, liqene, male. Aty pra gjen gjithçka. Fill pas kësaj njëri nga anëtarët e komisionit më tha: "Unë do të vij në Shqipëri, më binde."
Do t'ju tregoj edhe një detaj tjetër. Pyeteshin të gjitha vajzat se si i thonë fluturës në gjuhën e secilës, më pyetën edhe mua dhe unë iu përgjigja. Më pas ato më thanë: "pse ka flutura në vendin tuaj, akoma nuk i kanë vrarë?" Aty kuptova për imazhin që kishin krijuar ato rreth Shqipërisë. Dhe unë replikova duke iu thënë se ne jemi një vend në paqe, nuk vrasim askënd, por mundohemi të punojmë për të ndërtuar jetën tonë. Më pyetën se çfarë do të bëje ti po të ishte ministre e ekonomisë. Dhe unë iu përgjigja që do t'i jepja prioritet turizmit si një pikë e fortë dhe mjaft fitimprurëse për vendin tonë me një potencial që duhet të shfytëzohet. Gjithashtu do të punoja që Shqipëria të përfshihej në BE.
- Kjo përgjigje ishte sa për testin apo të ka vajtur ndonjëherë në mendje për tu marrë me politikë?
- Kjo pyetje më duket me vend, pasi titulli që unë mora shpërblehej me një bursë studimi në Amerikë ose Angli. Unë dua të mbaroj studimet e larta këtu dhe për këtë arsye e kërkova bursën si një master për ta bërë mbas universitetin, por për ekonomi politike. Kam ambicie pra në këtë fushë.
- Po afër skenës e sheh veten?
- Posi jo, do të shfrytëzoj çdo mundësi që do të më jepet sidomos po të ma ofronte Vera Grabocka, regjizore me të cilën gjithmonë e kam patur ëndërr të bashkëpunoj.
- Do të të pëlqente të ishte prezantuese në krah të Ardit Gjebreas?
- Shumë, por nuk e di nëse do të isha në lartësinë e duhur për të qenë në krah të tij.
- Emocionet e tua në skenë janë aq të forta sa të të prishin punë?
- Jo, tashmë jam miqësuar me kameran dhe ndjehem mirë para saj, nuk kam probleme, jam e çlirët. Jam një tip që ambientohem.
- A mendon se kurora e misit u vu në kokën e duhur, ti vetë kishe ndonjë preferencë?
- I shikoja vajzat dhe në momente të ndryshme zgjidhja me mëndjen time vajza të ndryshme si mise, pra një herë më pëlqente njëra më shumë, pastaj tjetra, nuk kisha shumë siguri. Ishte shumë e vështirë, por gjithsesi mu duk shumë interesante Miss Gjeorgjia, vajza që fitoi Talent Show. Ajo kishte fytyrë ëngjëllore, sy ëngjëllor dhe megjithëse ishte vetëm 18 vjeç ishte mjaft inteligjente.
- A të ka vajtur ndonjëherë nëpër mend, kuptohet para pjesmarrjes tënde në miss, se jeta jote do të ishte ndryshe nga të tjerat?
- Kur kam qenë e vogël i kam thënë një herë mamasë se kur të rritem unë do të bëhem dikush, do të bëhem e famshme, por kam qenë shumë e vogël kur e kam thënë.
- Çmimi që ti more a i kënaqi dy menaxherët e tu, Verën dhe Arditin?
- Mendoj se po. Ato kanë patur shumë besim tek unë në të dy konkurset dhe jam e kënaqur që besimi iu shpërblye me një çmim kaq fisnik.
- Si të duket pamja jote Denisa?
- Në përgjithsi jam e kënaqur. Tek konkursi Miss Universi u quajta si vajza me bukuri natyrale, sepse nuk kisha një pjesë silikoni apo diçka tjetër, gjithçka ishte natyrale. Edhe truku që unë përdor është shumë i lehtë, nuk ndjehem mirë me shumë truk. Kam pozuar për revistën Vogue dhe pata gjithashtu dhe një ofertë në Amerikë për të punuar në një agjensi mode me përkrahjen e fotografit të famshëm shqiptar Fadil Berisha. U detyrova ta refuzoj sepse për momentin më intereson shkolla.
- Si vishet Denisa?
- Shumë thjeshtë, pëlqej të zezën dhe të kuqen, tani ka filluar të më pëlqejë edhe e bardha, përdor veshje praktike që më bëjnë të ndjehem rehat. Takat i kam fiksim megjithëse jam e gjatë, nuk i heq kurrë.
- Po të kishe mundësi, çfarë do të ndryshoje nga vetja jote?
- Do të më pëlqente të isha më fotozhenike se sa jam. Kam bërë disa fotografi tek Fadil Berisha dhe ai kur mbaroi, mi tregoi fotografitë duke më thënë: po t'i tregoj këto foto për të të bindur që nuk është e vërtetë që nuk je fotozhenike. Por gjithsesi mua nuk më pëlqen vetja ime kur e shoh në televizor, më duket ndryshe.
Më pëlqen gjithashtu të ndryshoj look-un tim, psh t'i bëj flokët e zeza ose bionde, por kam frikë të eksperimentoj.
- Ku do të jesh mbas 10 vitesh?
- Me familjen time të re dhe me një fëmijë, mundësisht djalë.
- E ke gjetur atë me të cilin do ta bësh djalin?
- (Qesh) Top sekret.
- Çfarë raporti ke me mediat?
- Dua të jem afër tyre, më pëlqen kur e shoh veten në një kopertinë psh. Mediat bëhen promovuese me punën që bëjnë dhe mjaft mbështetëse gjithashtu.
- Si të duken miset që janë zgjedhur ndër vite, rruga që secila nga ato kanë ndjekur mbas kurorës?
- Gjithmonë e kam ndjekur këtë spektakël pa e ditur që një ditë do të isha edhe unë aty. Më pëlqen shumë Valbona Selimllari edhe për angazhimet që ajo ka patur mbas titullit të misit, Monika Zguro të cilën e kam për zemër edhe si njeri. Por gjithsesi secila prej tyre ka patur mundësi që ta gjejë veten aty ku duhet. Por nuk mendoj se titulli i misit të krijon shumë ambicie për karrierë, sepse nuk mjafton, nëse ajo ka me të vërtetë talent për tu futur në botën e spektaklit, dyert pa diskutim që janë të hapura për to dhe jo vetëm për miset vlen kjo.
- Sa për qind je euforike dhe sa për qind me këmbë në tokë në këto momente që po flasim?
- Jam 10 për qind euforike dhe 90 për qind me këmbë në tokë. Dhe euforia ekziston për faktin se më erdhi shumë mirë që u përmend Shqipëria në atë aktivitet. Por gjithsesi ky titull nuk më bën të mendoj se kam arritur gjithçka.
- Së fundi cila është pika e fortë e tipit tënd?
- Sinqeriteti, fakti që flas hapur me çdo njeri, i them gjërat ashtu siç i mendoj. Dhe me po këtë cilësi mund të më hyjë dikush në zemër.


Në konkursin Miss Bota 2003 vajza më e madhe në konkurim ishte 25 vjeç, më e vogla 17 vjeç, por mbizotëronin vajzat që studionin në shkolla të larta.

Vajza që fitoi Miss Bota mori si premio 100 mijë dollarë, duke vertetuar edhe një herë shprehjen e famshme popullore që paraja shkon tek paraja, meqë ajo është vajzë e prindërve të famshëm dhe shumë e pasur.

Një ditëlindje ndryshe

Denisa pati edhe një kënaqësi tjetër në kohën e qëndrimit në Kinë. Më 4 dhjetor ajo mbushi 20 vjeç dhe të gjitha vajzat i kënduan njëkohësisht "Shumë urime për ty" në të gjitha gjuhët që ato flisnin. Nuk mungoi torta gjigande, por gjëja më fantastike ishte fakti se ajo gjithmonë ditëlindjen e ka festur me xhup, sepse e ka në dimër dimër, ndërsa këtë rrallë e festoi me rroba banjo në pishinë në cepin tjetër të botës.

Peshkopia në festë
Që kur ka marrë titullin e Miss Albanias gjithë qyteti i Peshkopisë dhe vendlindja e Denisës ka bërë tifo për të. Kur ajo mori dhe titullin prestigjos të Miss Diturisë në Miss Bota aty është bërë festë e madhe dhe të gjithë kanë votuar për të.
"Unë kam qenë në dhjetëshen më të votuar nga teleshikuesit me internet dhe mendoj që shumë nga këto vota mi ka dhënë qyteti im". - shprehet Denisa.

Skeda personale

Ditëlindja 4 dhjetor 1983
Shenja në horoskop: Shigjetari
Gjatësia: 177cm
Pesha: 57 kg
Përmasat: 89-61-90 (Përmasat e saj në Miss Bota u cilësuan si mjaft të mira)
Tiparet e saj u quajtën tipike mesdhetare, e ëmbël dhe nganjëherë edhe e egër, megjithëse kjo e fundit tingëllon pak si çuditshëm po të shohim fytyrën gjithmonë të qeshur të Denisës.