MISS - ALBANIA 2003

[Ambasadori]

Mbas nje ore fillon miss&Mr Albania 2003.Flitet qe eshte paracaktuar fituesi.Si mendoni a mund te jete e vertete?

[VAZELOS]

U shpallën mis dhe mister Albania 2003, Denisa Kola, 20 vjeç, nga Peshkopia dhe Gerald Shahu, 19 vjeç, nga Tirana.


Mis dhe mister Albania 2003 janë shpallur mbrëmë rreth mesnatës vajza nga Peshkopia, Denisa Kola dhe djali nga Tirana, Gerald Shahu. Denisa Kola, mis Peshkopia, është 20 vjeç dhe ndjek studimet në vitin e dytë në Fakultetin Ekonomik në Tiranë. Ndërsa Mister Albania 2003 u shpall djali me numrin 21, Gerald Shehu, 19 vjeç, i cili studion anglisht në liceun e gjuhëve të huaja në Tiranë, ku ndjek vitin e katërt. Aktorja Ornela Muti, e ftuara speciale këtij spektakli, i ka vendosur kurorën vajzës së shpallur Miss Albania 2003. Shoqëruese e dytë e Mis Albanias u shpall Oneida Sulaj, ndërsa shoqëruese e parë u zgjodh numri 38, Qëndresa Cacaj. Nga ana tjetër, dy shoqëruesit e Mister Albanias u zgjodhën Dritan Shehaj (shoqëruesi i dytë) dhe Arben Bajrami (shoqërues i parë). U zgjodhën gjithashtu edhe Mis Buzëqeshja, Jonida Vokshi dhe Mis Eleganca, Delina Cici si edhe Mis Personaliteti e Mis Miqësia. Këto çmime u dhanë nga juria ndërsa vlerësimi për tre më të bukurat dhe tre më të bukurit u bë me votim dhe mesazhe telefonike. Spektakli ka mbaruar rreth mesnatës, pasi ka nisur me gjysmë ore vonesë. Ishin 40 vajza dhe 20 djem të cilët morën pjesë në garën e Miss dhe Mister Albania 2003”, që synonin kurorën e bukurisë. Djem dhe vajza nga Shqipëria, Kosova, Diaspora, konkurentë në këtë edicion të 11-të një prej dy konkurseve të bukurisë shqiptare. 20 vajza që vinin nga qytete të ndryshme të Shqipërisë, Kosovës dhe Diasporës, dhe 20 vajza nga Tirana, të moshës 17-22 vjeç, janë përzgjedhur mbi bazë të kërkesave të "Komitetit nacional të miss-eve". Kjo sipas organizatorëve është bërë në mënyrë të tillë që të pasqyrohet bukuria e qyteteve të Shqipërisë, Kosovës, dhe Diasporës prej nga janë përzgjedhur, gjatë seleksionimit të organizuar atje që prej datës 15 Shkurt. Ndërsa për të dytën herë pjesë e kësaj gare bukurie janë bërë edhe 20 djem të moshës 19-23 vjeç të përzgjedhur në këtë hapësirë gjeografike për konkursin e "Mister Albania 2003". Gjeografia e pjesëmarrësve përfshinte disa qytete nga veriu deri në jug të vendit, si: Gjirokastra, Bulqiza, Vlora, Puka, Saranda, Lezha, Fieri, Kukësi, Skrapari, Laçi, Berati, Korça, Pogradeci, Durrësi dhe Peshkopia. Morën pjesë gjithashtu në këtë konkurrim, Miss Mjelma e Maqedonisë, Miss Kosova në Diasporë dhe Miss
Diaspora.


Mis Amerika: “Shqiptarët më duken të fortë dhe kuriozë”
Edhe pa grim ajo është shumë e bukur. Ka pranuar menjëherë të vijë në Shqipëri, sapo që Fadil Berisha ia ka kërkuar këtë si një ndër miset më të preferuara të tij, siç shprehet fotografi kosovar, jo vetëm për bukurinë por edhe për inteligjencën. Asaj i pëlqen të eksplorojë vende të tjera. Bosnje, Itali, Hungari, janë disa nga shtetet e tjera ku ajo ka qenë. I pëlqen të eksplorojë edhe kontinentin afrikan. Eksplorimi është edhe pjesë e profesionit të saj. Ajo ka mbaruar shkollën e gazetarisë dhe punon në një televizionin “KBTX” në Nju Jork. Për shqiptarët ajo thotë se i duken të fortë dhe kurajozë si edhe njerëz të hapur e simpatikë. “Dua të vij prapë në Shqipëri, sepse kam dëshirë të shoh detet e saj”, - thotë Mis USA 2001, Candace Crueger nga Teksasi.


Mister Universi:
Ai vjen për herë të dytë në Shqipëri. Ai jeton mes Greqisë dhe Amerikës. Niko Papadakis. I pyetur për përshtypjet e tij për bukurinë shqiptare ai thotë se është një bukuri e veçantë. “Më pëlqen gjithashtu mënyra e të ecurit të femrave shqiptare, që flet për personalitetin e tyre. Kjo është diçka shumë pozitive për to sepse i ndihmon të spikasin më fort. Janë gjithashtu vajza të ëmbla dhe të këndshme”, - thotë Mister Unversi 2001, nga Greqia.


Premtimi pas konkursit
Siç janë shprehur organizatorët vajzat fituese në këtë konkurs bukurie e kanë të siguruar tashmë pjesëmarrjen e tyre në konkurset, "Miss Universi" që organizohet nga Shtetet e Bashkuara të Amerikës, "Miss Bota" që organizohet nga Anglia, "Miss Europa" që organizohet nga Franca. Nga ana tjetër Misteri që do të shpallet fitues do të ketë të drejtën e konkurimit në "Mister Ëord", aktivitet ky që organizohet në Angli.


Ornela Muti: Ky është një rast për t’ju njohur
Aktorja e njohur italiane Ornela Muti, tanimë 48 -vjeçare qe e ftuara më e veçantë e kësaj shfaqje. Pak para se të fillonte spektakli i bukurisë ajo u shpreh se “dëshiroj të jem në lartësinë e miseve shqiptare sonte”. “Nuk di shumë për Shqipërinë dhe ardhja këtu është një rast i mirë për ta prekur dhe ndier realitetin e vendit tuaj”, - tha Ornela gjatë spektaklit. Pyetjes se a është e dashuruar ajo iu përgjigj: “Jam e dashuruar me jetën, njerëzit dhe burrin tim”. Ende e bukur edhe në moshën 48 vjeçare Ornela Muti u shpreh se e rëndësishme është të dish të administrosh bukurinë tënde dhe t’i japësh asaj dimension shpirtëror.

[VAZELOS]

Denisa Kola dhe Gerald Shahu, Miss dhe Mister Albania 2003

[MI CORAZON]

A ka ndonje nga Shupenza qe ta urojme???

Na trego ndonje foto me te qarte te fituesve, Vazelos .

[katana]

ua e kam njohur denisen une. sa po me behet qejfi. bravo goca nga peshkopia.
kjo si yll eshte po ky Geraldi spo ma mbushka syrin.

[^VJOSA^]

ngjaka pak me Valbona Selimllarin me duket,,,po presim ta shofim me qarte....

[Jola]

Ornela Muti duke kurorzuar missin

[Jola]

.
Ja dhe nje tjeter me Arditin

[Kryeplaku]

O njerez ata tallen me ne, na bejne spektakle bukurie qe te harojme urine.

[marsela]

te lezetshem me duken e me vjen shume keq qe se kam ndjekur dot spektaklin..shpresoj te na nderojne e dhe jashte shqiperise