Shqiptari nga Medvegja, Marco Muharrem Salihu, kandidat për Parlamentin Evropian

[Albo]

Shqiptari nga Medvegja kandidat për PE: Do të bëhem zëri i shqiptarëve në Evropë



“Do të bëhem zëri i shqiptarëve në Parlamentin Europian”. Me këtë moto shqiptari nga Medvegja, Marco Muharrem Salihu, garon nën siglën Stati Uniti d’Europa me partinë e Emma Boninos në Itali për zgjedhjet europarlamentare që zhvillohen nga data 6-9 qershor dhe në Itali në datat 8-9 qershor.

Prej 32 vitesh në Itali dhe aktualisht sipërmarrës në shumë fusha nga hoteleria, te siguria dhe kultura, Saliu shpalosi në Ditarin me Bruna Çifligun, platformën dhe arsyet e këtij kandidimi, ku spikati reformimi i administratës europiane dhe pasivizimi i adresave, që siç tha ai do të jetë puna që do ta shoqërojë për një kohë të gjatë.

“Jam aktivist i pandalshëm i komunitet tim nga Medvegja, jam afër politikës për të shtyrë përpara kërkesat tona. Reformim i administratës europiane, të ndryshojë mënyrën e funksionimit, sepse kemi një union ekonomik, por jo një union politik, ushtarak dhe sigurie. Eliminimi i të drejtës së vetos. Vendimet të merren me shumicë të cilësuar. Është e domosdoshme që të jetë zëri i shqiptarëve aty, shqiptarët kanë mjaftueshëm për të nxjerrë nga secili shtet nga një eurodeputet dhe për të krijuar një grup parlamentar vetëm nga shqipatrët që jetojnë në Europë. Arsyeja tjetër do të jetë Italia dhe Ballkani Perëndimor është e drejtë që Italia të bëjë më shumë protagonizëm duke tërhequr bashkësinë europiane drejt Ballkanit”.

Jo vetëm zëri i shqiptarëve për porblemet që ata kanë me vendet e origjinës, por Salihu synon që të bëhet zëri i i të gjithë pakicave për çështje që kanë të bëjnë me sigurinë e kontinentit.

“Unë mendoj se do të bëhem zëri i shqiptarëve në Europë për problemet që kanë me vendet e origjinës si votimet, pensionet, ligji Bosi Fini dhe çështje që kërkojnë përgjigje. Unë mendoj se do të bëhem zëri i të gjitha pakicave në botë sidomos ato që kanë të bëjnë me sigurinë e kontinentit tonë. Pasivizimi i adresave do të jetë puna që do të më shoqërojë për një kohë të gjatë. Të arrijmë disa reforma në nivel qendror në Europë që të degëzohen në shtete e të mos merret kohë me probleme veç e veç, pro të zgjidhen në nivel qendror”.

Një tjetër prioritet i tij është edhe problemi i shkollave shqipe në Europë.

“Edhe puna e shkolla është çështje që duhet të disiplinohet sa më shpejt dhe do ngelet një nga prioritet e mia, se problemet që kanë shqiptarët me shkollat e kemi në të gjithë Europën dhe nëse arrijmë që shkollat të hyjnë në funksion sa më shpejt”.

Edhe pse e cilëson garën të fituar, Salihu ëkkron votën jo vetëm të shqipatrëve, por edhe të miqve italianë.

“Unë ua kërkoj italianëve me origjinë shqiptare se janë 144 mijë në zonën ku jetoj unë dhe kjo votë do të jetë zëri i tyre. Shqiptarët më shumë se kurrë kanë nevojë të mobilizohen dhe unë po vërej një entuziazëm të madh, një dukuri që ka munguar për shumë kohë kam takuar përfaqësues të ndryshëm, avokatë, kontabilistë, mjekë. Pritshmëritë; gara është e fituar. Vështirësitë kanë qenë sa është siguruar mandati. Ne numrat i kemi, vota e komunitet tonë është obligim, detyrë është që të marrim votën e miqve që ua kemi dhënë ndër vite. Nëse shtojmë edhe votat e miqve tanë kjo bëhet më e lehtë”.

A2cnn

[Albo]

“Sipërmarrës i suksesshëm, mishëron vlerat dhe aspiratat europiane”/ Këshilli i Ambasadorëve Shqiptarë mbështet kandidaturën e Marco Salihut për PE



Këshilli i Ambasadorëve Shqiptarë përmes një deklarate të shpërndarë për mediat, shprehet se mbështet kandidaturën e Marco Salihut për Parlamentin Evropian.

Në deklaratë vlerësohet Salihu si sipërmarrës i suksesshëm dhe mishërues i vlerave dhe aspiratave europiane të shqiptarëve.

“Jemi shumë krenarë që një nga anëtarët tanë të nderuar po kandidon krah për krah me emra të shquar të politikës italiane dhe evropiane si Emma Bonino dhe Matteo Renzi – në Parlamentin Europian. Marco mishëron vlerat dhe aspiratat evropiane të shqiptarëve, si dhe kontributin e tyre në familjen evropiane. Me përvojën e tij të gjerë si një sipërmarrës shumë i suksesshëm, ai vazhdimisht ka dëshmuar një përkushtim të thellë në mbështetje dhe përparim të kushteve socio-ekonomike të bashkatdhetarëve të tij të dashur në Luginën e Preshevës”, thuhet në deklaratë.

Këshilli i Ambasadorëve Shqiptarë i bën thirrje të gjithëve, veçanërisht shqiptarëve që jetojnë në verilindje të Italisë, të mbështesin kandidaturën e tij për një të ardhme më të mirë për ta dhe fëmijët e tyre.

“Ne besojmë fort se zëri i tij në Bruksel do t’i shërbejë më tej integrimit të shqiptarëve në Itali dhe në mbarë Evropën”, vijon më tej deklarata e Këshillit të Ambasadorëve Shqiptarë.

(BalkanWeb)

[Albo]

“Po dalim të barabartë në shtetin ku jetojmë”/ Shqiptarët e Italisë njëzëri mbështesin Muharrem Salihun



Muharrem Salihu, kandidati i parë shqiptar për deputet në Parlamentin Evropian, vizitoi Padovën dhe Abano Terme për të takuar komunitetin shqiptar dhe për të prezantuar kandidaturën e tij. Në këtë takim të ngrohtë dhe entuziast, Salihu kërkoi mbështetjen e shqiptarëve të Italisë për zgjedhjet evropiane që do të mbahen më 8 dhe 9 qershor.

Gjatë fjalimit të tij, Salihu përsëriti qëndrimin e tij se shqiptarët janë pjesë e pandashme e Evropës dhe se bashkëpunimi është thelbësor. Ai theksoi rëndësinë e një zëri shqiptar në Parlamentin Evropian për të mbrojtur interesat e komunitetit dhe për të shtyrë përpara iniciativat tona.

“Kjo është mundësi e madhe, vështirë e përsëritshme që ne po e shfrytëzojmë dhe po dalim të barabartë në shtetin ku jetojmë”, tha Salihu.

Takimi u përshkua me diskutime dhe shkëmbime mendimesh, duke reflektuar mbështetjen e madhe dhe besimin e plotë që komuniteti shqiptar ka për Salihun.


Balkanweb

[Albo]

Kandidati shqiptar për eurodeputet Muharrem Salihu: Italia lokomotivë e Ballkanit në rrugën drejt BE, kombi ynë e meriton Europën



Në qershor mbahen zgjedhjet për Parlamentin Europian dhe një sipërmarrës shqiptar kandidon për eurodeputet në Itali e ai është Muharrem Salihu, që garon për +Europa.

Salihu, në një intervistë në rubrikën Opinion në News 24 tha se Italia është një lokomotivë për rrugën e Ballkanit Perëndimor drejt BE-së. Ai tha se kombi ynë e meriton Europën, ndërsa ju ka bërë thirrje shqiptarëve që jetojnë në Itali që ta votojnë për eurodeputet.

Muharrem Salihu, kandidat për eurodeputet në Itali: Italia është një lokomotivë për rrugën e Ballkanit drejt BE-së. Janë një milionë shqiptarë në Itali, që japin kontributin e tyre për shtetin italian, punojnë e jetojnë në mënyrë të ndershme. Shqiptarët në Itali nuk janë vetëm punëtorë, por janë kthyer edhe në sipërmarrës të suksesshëm. Sa i përket vizitës së Ramës në Itali, besoj se duhet të mbështetet çdo përfaqësues i shtetit shqiptar në vendin fqinj, pasi shqiptarët duhet të mbështeten, sepse tashmë janë qytetarë me të drejta të barabarta me të tjerët në shtetin italian.

(Balkanweb)

[Albo]

“Do lobojmë për votën e diasporës, çelim kurset e gjuhës shqipe në të gjithë Italinë”, premtimet e Muharrem Salihut, rritet mbështetja ndaj kandidatit shqiptar për eurodeputet në PE



“Jam Muharrem Salihu, në fletë votimin shënohem Marco, ashtu si më kanë shkruar në dokumentat e Serbisë ku jam lindur zyrtarisht, dhe për lehtësi, autoritetet zgjedhore kanë pranuar këtë zgjedhje”- u tha kandidati i vetëm shqiptar në listat e kandidatëve italianë për zgjedhjet europiane, mbi 100 të mbledhurve në mjediset e CNA, Parma, një shoqatë biznesi drejtuar nga ndërmarrësi dhe filantropi shqiptar Shpend Ndreu.

Ky ishte vetëm takimi i tretë në Parma, i kandidatit shqiptar, me grupe interesi, individë të realizuar, në një komunitet si ai i rreth 6000 shqiptarëve të Parmës, ku kanë të drejtë votimi midis 2500 dhe 3000 vetëve.

Në prezantimin e tij, ai shpjegoi i pyetur nga të pranishmit sesi u gjend në Itali, pas diskriminimit në Republikën e Serbisë, studimeve elitare në Zvicër dhe përqendrimit në Venecia, ku zotëron 12 restorante, një pjesë e administron vetë dhe një pjesë nëpërmjet të tjerëve; biznesit hotelier, atij në fushën e sigurisë dhe ekspozitave itinerante sportive, ku ka të punësuar afro 200 persona.

Kandidati Marco (Salihu) parashtroi disa prej ideve të veta në biznes dhe politikë, duke vlerësuar rolin e Italisë si shtet mikpritës i afro një milionë shqiptarëve dhe që është i vlerësuar nga të gjithë në Ballkan, si emëruesi më i vogël i përbashkët i vendeve që kanë histori konflikti me njeri tjetrin.



“Italia është pëlqyer nga ne dhe gjatë pushtimit, sepse ndikoi në zhvillim, megjithatë-tha ai, i cili shtoi se “Italia duhet të ndjekë shembullin e Gjermanisë për të formuar personelin e punësimit në territor”.

Kandidati shqiptar dha idenë e votimit unik në krejt Europën, dhe jo mbi bazën e shteteve, që krijon mundësinë e zgjedhjes së kandidatëve më të mirë dhe forcon epërsinë e kandidatëve shqiptarë në një territor të bashkuar elektoralisht. Kjo është një ide e tij në frymën e programit të Ema Boninos, politikane veterane, drejtuese e Listës “Shtetet e Bashkuara të Europës”.



Marco (Muharrem Salihu), tha para të pranishmëve se ishte dhuratë të gjendej para ndërmarrësve kryesisht shqiptarë, sepse “ne jemi njerëz që falë sakrificave kemi arritur shumë në jetë, dhe më vjen mirë që dhe ju në pak vite keni shkuar kaq larg”. Ai shpjegoi përbërjen e grupit të vet, duke shpjeguar posacërisht përbërësen e sigurisë në aeroporte ku bëjnë pjesë disa subjekte, si Bosch, Thales, Italsicurezza, Università di Verona, etj.

Ai premtoi se pasi të zgjidhet do të lobonte tek qeveria italiane që të amendonte Ligjin Bosi Fini, që i ndalon rinovimin e lejeve të qëndrimit atyre të huajve që mund të kenë bërë shkelje të vogla në territor, ndonëse të lindur në Itali. Po ashtu ai premtoi se sipas modelit tunizian, që ka frenuar trafikun klandestin në ujrat e veta, do të kërkonte që Italia “’i ofronte kushte lehtësuese bizneseve shqiptare dhe atyre Italiane te vendosura ne Ballkan që shesin produktet e tyre në Itali dhe Evrope”.

Shqipëria ka pozitë preferenciale ndaj qeverisë italiane, për shkak të vendimit për të strehuar disa qendra emigrantësh në Shëngjin, dhe kjo pozitë duhet shfrytëzuar për të kërkuar disa avantazhe. Marco (Salihu), premtoi se do të kërkonte tek kryeministri Rama dhe forcat politike të Shqipërisë të mundësonin votën e diasporës në zgjedhjet nacionale, dhe po ashtu të zgjeronin rrjetin e konsullatave, e të hapnin shkollat shqipe dhe qendrat e kulturës në gjithë territorin italian.



Një takim tjetër i rëndësishëm ishte me disa prej themeluesve të shoqatës “Skanderbeg”, por dhe të tjerëve, ndërmarrës të dëshmuar Italian me origjine Shqiptare, në zyrën e konsulencës së Erion Begajt që bashkë me të shoqen kishin themeluar dhe Shoqatën e kontabilistëve shqiptarë në Itali. Të pranishmit, Shpendi Spahiu, Sara Blliku, Elton Pashaj, Gasper Keka, Mirian Marku, Elsid Guraj, avokati i shquar Gentian Alimadhi, i angazhuar dhe në Kasacionin italian, premtuan mbështetje absolute për kandidatin e vetëm shqiptar në këto zgjedhje.

Zoti Marco (Salihu), vizitoi dhe monumentin e Skënderbeut, heroit tonë kombëtar, në një park publik të bukur në qendër të Parmës, së bashku me iniciatorët e tij.

(BalkanWeb)