A mendoni qe eshte aq e veshtire tja dalesh ne Shqiperi?

[Neteorm]

A po tregohem naivë, apo ka edhe njerëz të tjerë që janë dakord me mendimin që mund tja dalësh edhe në Shqipëri?

[Albo]

A po tregohem naivë, apo ka edhe njerëz të tjerë që janë dakord me mendimin që mund tja dalësh edhe në Shqipëri?

Unë jam i fundit që duhet të jap mendim në këtë temë pasi nuk jetoj në Shqipëri prej vitesh dhe nuk e kam vizituar shpesh. Por po ndaj nja dy vrojtime nga njerëz të mi që jetojnë në Shqipëri dhe që kanë ardhur në Amerikë për vizitë e kanë ndarë me mua këndvështrimet e tyre.

Edhe ne jetojmë...

Një i afërmi im kish ardhur në Amerikë para 6 vitesh me shërbim nga puna për të marrë pjesë në një konferencë. Eshtë i martuar, me fëmijë e punon në një nga institucionet e Shqipërisë. Gruaja e tij punon në privat jo në shtet. Të dy kanë punë të mira dhe nga të ardhurat që bëjnë hyjnë në shtresën e mesme: nuk konsiderohen të pasur, por nuk hyjnë as tek shtresa e varfër. Kur e pyeta se si shkon jeta në Shqipëri, ai mu përgjigj teksualisht kështu: "Tani ti i njeh problemet e Shqipërisë e ka probleme pa fund. Nuk mund të krahasohet dot me jetën e Amerikës, por edhe ne jetojmë." Kjo ishte mënyra e tij për të thënë që edhe pse jeta në Shqipëri është e vështirë, për aq kohë sa ambientohesh me problematikën e Shqipërisë, edhe atje mund të jetosh.

Mjeku që do të largohet familjarisht nga Shqipëria

Para disa muajsh, një tjetër i afërm i imi erdhi për vizitë në Amerikë. Ai punon si mjek në një spital me emër në Tiranë dhe ka edhe një klinikë të tijën të vogël private ku shikon pacientë. Nga të ardhurat që ka, ai konsiderohet mbi shtresën e mesme. Nga ana financiare është shumë mirë krahasimisht me të ardhurat e Shqipërisë. Kur erdhi këtë herën e fundit më çuditi pasi më tha që po shikon mundësitë që të lëvizi gjithë familjen, gruan e fëmijët, në Amerikë. U çudita pasi nga të gjithë njerëzit që unë njoh, ai do të ishte mbase i fundit që do të ikte nga Shqipëria. Ka një punë të mirë dhe profesion të nderuar, plus ka 2 dekada përvojë pune në atë vend. U mundova të mësoj se cilat ishin arsyet përse po përpiqej të merrte këtë hap drastik për veten e familjen e tij. Këto janë ato që më tha:

Gjithë mjekët e Shqipërisë po ikin në Zvicër e Gjermani.

Kisha lexuar nëpër lajme që Zvicra e Gjermania po tërheqin shumë mjekë shqiptarë, por nuk e kisha idenë se sa shumë kishin ikur. Ai më bëri të qartë që edhe nga rrethi i tij i ngushtë mjekësor, kish patur mjekë që kishin ikur në Zvicër e Gjermani. Ai vetë kish shkuar për të vizituar Zvicrën për të parë nga afër kushtet e punës dhe çfarë Zvicra ofron. Arsyet përse po ikin mjekët më tha krahas pagesës shumë më të mirë se Shqipëria, është a) qetësia e rehati që nuk e kanë në Shqipëri b) korrupsioni ka depërtuar në çdo qelizë të jetës shqiptare pa kursyer edhe mjekësinë pasi shteti vazhdon të kontrollojë e menaxhojë shumicën dërrmuese të spitaleve të vendit.

Por të afërmit tim nuk ia kish mbushur mendjen Zvicra pasi ai nuk ka një rreth familjar atje dhe gjuhën nuk e fliste. Duke qenë se dinte anglisht dhe kish të afërm që jetojnë këtu, do të preferonte të vinte në Amerikë. Dhe ajo që më çuditi mua ishte gati të bënte çdo lloj pune në fushën e mjekësisë, jo detyrimisht mjek e kirurg. Dhe më tregoi se arsyeja kryesore për të nuk ishin as paraja e as zhurma e Shqipërisë, por se ai nuk shihte se si fëmijët e tij (ende të vegjël e në shkollë) mund të ndërtonin një jetë e një të ardhme në Shqipëri. Pra për të, kjo ishte një sakrificë që ai ishte gati të bënte për fëmijët e tij.

Kur vazhdova ta pyes për të mësuar më mirë pse ai mendon se fëmijët e tij nuk kanë të ardhme në Shqipëri, ai më tregoi për familjen e tij. Kur bleva apartamentin tha, e bleva në një zonë që kish një shesh të madh përpara, me shpresën se fëmijët e mi mund të luanin në atë shesh siç kemi luajtur edhe ne kur ishim dikur fëmijë. Sot jo vetëm që fëmijët e mi nuk luajnë në atë shesh, por nuk ka më as shesh. Lokalet e restorantet e kanë zaptuar të gjithë sheshin me tavolinat e tyre për klientët. Tani ti e imagjinon zhurmën pa pushim që këto lokale sjellin ditën e natën, por kjo nuk është më e keqja. E keqja fare tha është se shumë nga të rinjtë pijnë hashash në këto lokale, dhe kur kalojmë për të hyrë në pallat, të mbyt era e hashashit. Detyrohemi tha që t'i ruajmë fëmijët nga këto gjëra duke mos i lënë që të luajnë lirshëm si fëmijë, por duke i aktivizuar në sporte e aktivitete pas shkolle, sa më larg pallatit e shtëpisë së tyre. Në një situatë të tillë, ai ndihej i pafuqishëm si qytetar për të bërë diçka për fëmijët e tij e për fëmijët e 200 familjeve të tjera që jetojnë në atë zonë.

Albo

[Neteorm]

Sidoqë të jetë, êshtë atdheu ynë me të mirat e këqijat e tij, në kohët që jetojmë është më mirë të krijosh dicka në vendin tënd, pasi edhe europa (të marim rastin ku emigrojnë më shumë shqiptarët) nuk është më si dikur, ku mundësitë ishin më të mira..

[SERAFIM DILO]

Ne menyre normale me pune-djerse,barazi-drejtesi eshte shume e veshtire,ndersa e kunderta per ata qe "i bien shkurt" vjedhin,trafikojn,zaptojn,nuk zbatojne ligjin eshte shume e lehte. Vete politika qe eshte baza e gjithçkaje ne Shqiperi ka ndihmuar dhe ndihmon kategorine e padrejtesise.

Mjafton te thuash,per ate vend;qe ka 30 vjet qe nuk arin te beje nje pal zgjedhje normale dhe i ke thene te gjitha.

[Jetmiraaa]

Është si jo.
Ktu fitojn servilar,ato që kanë lekun e mikun.
Unë po e filloj nga vetja.
Unë me diplomë universiteti,përfundova roje burgu.
E disa pa shkollë, punojnë në bashki .
E tillë është jeta.
Lum ne që jetojmë në Shqipëri.

[Lulke]

Teme e bukur Neteorm dhe sje aspak naiv .

Ai vend nuk ka qeveri dhe peshku qelbet nga truri thon te mocmit! Nese do kishte qeveri dhe mireqenie minimum shendetesine se shneti vjen mbi cdo gje nje rikthim ne Shqiperi do ishte i mundur .
Un e dua shum vendin tim.

Po ne kto kushte eshte shume e veshtire po si Eshte ajo shprehja : shpresa vdes e fundit ku i dihet do behet Edhe ai vendi jon strehe jetese edhe jo thjeshte per te kaluar pushimet si tani

[ATMAN]

Rregullimi i një vendi si Shqipëria, në përputhje me vizionin tim, do të përfshinte një kombinim të aspekteve shoqërore, ekonomike dhe shpirtërore për të krijuar një shoqëri që promovon paqen, drejtësinë dhe zhvillimin e të gjithë individëve. Disa nga aspektet kyçe që mund të merren në konsideratë për të arritur këtë qëllim janë:

Fuqizimi i arsimimit: Investimi në arsimin e nivelit të lartë dhe promovimi i një kulture të vazhdueshme të mësimit për të gjithë qytetarët. Edukimi i të rinjve në vlerat e përbashkëta të respektit, empatisë dhe bashkëpunimit do të ndikonte në kriimin e një shoqërie më të harmonizuar dhe të përgjegjshme.

Promovimi i drejtësisë sociale dhe ekonomike: Përdorimi i politikave të drejtësisë sociale për të zvogëluar ndarjen e pasurisë dhe për të siguruar që të gjithë qytetarët të kenë mundësinë për të pasur një nivel jetese më të mirë. Kjo mund të përfshijë përmirësimin e aksesit në shëndetësi, arsim, strehim dhe punësim për të gjithë.

Mbështetja e qeverisjes së mirë: Krijimi i institucioneve të forta dhe transparente që përfaqësojnë interesat e të gjithë qytetarëve dhe promovojnë llogaridhënien dhe drejtësinë. Kjo do të përfshijë luftën kundër korrupsionit dhe sundimit të ligjit, si dhe përmirësimin e transparencës në proceset qeverisëse.

Mbrojtja e mjedisit: Adoptimi i politikave dhe praktikave që mbrojnë mjedisin dhe resurset natyrore për të siguruar që të gjeneratat e ardhshme të kenë një vend të qëndrueshëm dhe të shëndetshëm për të jetuar.

Promovimi i paqes dhe bashkëpunimit ndërkombëtar: Përfshirja aktive në iniciativa ndërkombëtare për të promovuar paqen, dialogun dhe bashkëpunimin ndërmjet vendeve dhe kulturave. Kjo do të ndihmonte në ndërtimin e urave të mëdha dhe në zbatimin e mësimeve të shpirtit të përbashkët njerëzor për bashkëjetesën paqësore.

Përmes këtyre përpjekjeve dhe përmes përkushtimit të një numri të gjerë njerëzish për të ndryshuar për të mirën, Shqipëria do të mund të ndiqte një rrugë drejt një shoqërie më të përparuar dhe më të harmonizuar, në përputhje me vizionin social shpirteror për një botë më të mirë dhe më të lumtur.