Parti politike apo organizatë kriminale? Polici që Rama e bëri kryebashkiak përfundon në SPAK

[Albo]

Kryebashkiakët trafikantë nuk kanë të mbaruar/ Polici që Rama e bëri kryebashkiak përfundon në SPAK



Leonard Hide, kreu i Bashkisë Libohovë ka përfunduar në SPAK, nën dyshimet se në kohën kur ka qenë shef krimesh në Gjirokastër ka favorizuar kultivimin e kanabisit në zonë.

Ky lajm është bërë i ditur nga kreu i FRPD-së, Besart Xhaferri. Xhaferri ka deklaruar se Hide është vetëm një ushtar i thjeshtë në armatën e policisë së inkriminuar që Edi Rama e vendosi në shërbim të krimit të organizuar.

Kreu i FRPD-së shkruan se, PS është kthyer në organizatë kriminale që numrin më të madh të eksponentëve e ka në burg.

“Favorizoi bosët e kanabisit, polici që Rama e bëri Kryebashkiak përfundon në SPAK!

Arben Ahmetaj në rrëfimin e tij e konfirmoi më zë dhe figurë se kanabizimi ka qenë një projekt qeveritar, që rrënoi ekonominë, inkriminoi policinë dhe kriminalizoi rininë.

Leonard Hide, kreu i Bashkisë Libohovë ka përfunduar në SPAK, nën dyshimet se në kohën kur ka qenë Shef Krimesh në Gjirokastër ka favorizuar kultivimin e kanabisit në zonë.

Si shpërblim Edi Rama e kandidoi për Bashkinë Libohovë dhe me paratë e kanabisit ai bleu zgjedhjet.

Hide është vetëm një ushtar i thjeshtë në armatën e policisë së inkriminuar që Edi Rama e vendosi në shërbim të krimit të organizuar.

Nuk ka asnjë dyshim se Partia Socialiste është kthyer nga Edi Rama në organizatën kriminale më të rrezikshme në vend, teksa ka numrin më të madh të eksponentëve në burg ose nën hetim.

Largimi i Edi Ramës është emergjencë kombëtare dhe çdo minutë që kalon, rreziku për vendin është gjithnjë e më i madh”, shkruan Xhaferri.

Syri

[Albo]

Lejoi mbjelljen e kanabisit/ Kryebashkiaku i Libohovës i pandehur në SPAK, përfundon në gjyq



Leonard Hide i Libohovës, tjetër kryebashkiak socialist është marrë i pandehur nga Prokuroria e Posaçme për shpërdorim detyre me dyshimet se në kohën kur ka qenë Shef Seksionit të Krimeve në Komisariatin e Gjirokastrës ka lejuar përkundrejt përfitimit kultivimin e bimëve narkotike.

E teksa SPAK ka përfunduar hetimet dhe kaluar kërkesën për gjykim pranë Gjykatës së Posaçme Kundër Korrupsionit dhe Krimit të Organizuar, në ngarkim të kryebashkiakut të Libohovës Leonard Hide dhe disa personave të tjerë mes të cilëve edhe funksionar policor, ende nuk është caktuar një datë për seancën paraprake.

GJKKO e ka marrë me nge vendimmarrjen ndaj zyrtarit të lartë për të cilin ka dyshime të ketë bashkëpunuar me grupe kriminale të kultivimit të narkotikëve në kohën kur kishte funksione drejtuese në Policinë e Shtetit.

‘Nisur nga të dhënat që disponohen nga shërbimet si dhe ngjarjet e fundit të ndodhura në njësitë administrative ‘Cepo’ dhe ‘Picar’ krijojnë dyshime të arsyeshme se përveç personave të përfshirë në këtë aktivitet janë implikuar edhe punonjës policie të cilët kanë pasur detyrimin ligjor për zbulimin e aktivitetit kriminal, por ata kundrejt shpërblimeve si dhe nëpërmjet veprimeve dhe mosveprimeve të tyre e kanë lejuar këtë aktivitet’-thuhet në dosjen hetimore.

Operacioni i Policisë së Shtetit në bashkëpunim me Shërbimin për Çështjet e Brendshme dhe Prokurorinqë e Gjirokastrës, nisi datën 1 shtator 2021 ku janë zbuluar disa plantacione droge me qindra bimë narkotike.

Më ndërhyrjen nga Tirana, u konstatua se disa kontrolle nga policia lokale ishin shmangur, ndërsa në rrugë informative mbërrinin të dhëna për bashkëpunim me policinë.

Emri i Leonard Hides është futur mes disa emrave të tjerë, që ndonëse hetohet prej muajsh, nuk është lakuar asnjëherë publikisht deri më tani.

Bashkia, e cila përbëhet nga qyteza e Libohovës dhe njësitë administrative Libohovë Qendër dhe Zagorie, drejtohet prej kohësh tashmë nga një i pandehur, por përkundër shembullit të njëjtë me atë të kryebashkiakut të Kuçovës Kreshnik Hajdari, të Rrogozhinës Edison Memolla, apo i Mallakastrës Qerim Ismailaj, për Leonard Hidën qytetarët e tij në Libohovë nuk e njohin gjerësisht faktin.

Përfshirja e Hides në këtë aktivitet doli në kuadër të hetimeve me metoda proaktive dhe transkriptimeve nga Prokuroria e Gjirokastrës, e cila regjistroi procedimin penal.

Por në kohën kur konstatoi përfshirjen e zyrtarëve policor në aktivitetin kriminal, shpalli mos-kompetencë duke ia kaluar SPAK-ut.

Syri

[Albo]

Kryebashkiaku i PS merret i pandehur nga SPAK



Leonard Hide, kryebashkiaku socialist i Libohovës është marrë i pandehur nga Prokuroria e Posaçme, për veprën penale të shpërdorimit të detyrës.

Ai do të paraqitet në seancën paraprake në GJKKO.

Hide u mor i pandehur për shpërdorim detyre në kohën kur ka qenë shef krimesh në komisariatin e Gjirokastrës. Ai akuzohet se ka lejuar kultivimin e bimëve narkotike përkundrejt përfitimit.

“Kur kandidova për kryetar bashkie nuk isha në dijeni të hetimit. Nëse është e nevojshme do largohem si kryetar bashkie për t’u përballur me drejtësinë“, ka thënë Hide para gazetarëve.


Koha Jone