Përkujtohet në Kosovë 26 vjetori i Epopesë së UÇK-së

[Albo]

26-vjetori i Epopesë së UÇK-së, Vjosa Osmani: Mosndëshkimi i kriminelëve të luftës, ka trimëruar trashëgimtarët e sulmit në Banjskë



Presidentja e Kosovës, Vjosa Osmani, në 26- vjetorin e Epopesë së UÇK-së, ka deklaruar se mungesa e drejtësisë dhe mosndëshkimi i kriminelëve të luftës ka trimëruar trashëgimtarët e sulmit të Banjskës.

Ajo shtoi se Kosova është realitet i pakthyeshëm e shtet i konsoliduar.

“Epopeja e Prekazit solli ndryshimin e kursit për liri e pavarësi. Si çdoherë shprehim vlerësimin e mirënjohjen me përkulje për familjen Jashari dhe të gjithë të rënët e lirisë. Mungesa e drejtësisë dhe mosndëshkimi i kriminelëve të luftës ka trimëruar trashëgimtarët siç ishte sulmi në Banjskë. Por, ua rikujtojmë se Kosova është realitet i pakthyeshëm. Republika e Kosovës është shtet i konsoliduar me Kushtetutë e me institucione të bazuara në vlerat më të larta evropiane”, është shprehur Osmani.

Ajo ka shtuar se 5,6 dhe 7 marsi janë ditë lavdie dhe të krenarie.

“Një armatë e tërë vrastare kundër një familjeje…Nderimi më i lartë për UÇK-në e familjen Jashari është Kosova me demokraci e sovranitet në çdo cep të saj e me aleatët kudo nëpër botë”, ka theksuar Osmani.



Balkanweb

[Albo]

Emocionuese, ushtarët e Kosovës këndojnë këngën “Mora fjalë” (VIDEO)



KOSOVË – Sot po shënohet 26-vjetori i Epopesë së Ushtrisë Çlirimtare të Kosovës. Ministria e Mbrojtjes ka organizuar një sërë aktivitetesh.

Në kuadër të shënimit 26-vjetorit të Epopesë së UÇK-së është bërë inspektimi i kuadrateve nga Presidentja dhe Komandanti i FSK-së.

Presidentja e vendit, Vjosa Osmani ka mbajtur një fjalim rasti.

Osmani po ashtu ka publikuar një video në Facebook, ku ushtarët e Kosovës këndojnë këngën “Mora fjalë”, që i kushtohet komandantit Adem Jashari.



(BalkanWeb)

[Albo]

“Epopeja e UÇK-së” - Kuvendi i këndon Adem Jasharit

[Albo]