Princ Leka njofton zyrtarisht divorcin me bashkëshorten e tij, Elia Zaharia

[SERAFIM DILO]

Nuk ta mbyshin syrin ty këta Serafim. Ti do kopilin e Bimbashit të Gjirokastrës në krye të Shqipërisë edhe për 50 vjet të tjera. Edhe kopili i Bimbashit sa ishte në pushtet për 50 vjet nuk i la gjë pa thënë për Ahmet Zogun, njeriun që e ktheu Shqipërinë nga tribu në shtet.

E vërtetë është që Çerçiz Topulli e vrau Bimbashin për turpin që na i solli Anesë së Enver Hoxhës?

Albo

Albo prap nuk po kupton asgje.Te jesh Princ ose me sakt trashgimtar i tronit te Shqiperise do te thote te jesh shembull per te gjithe ne te mira e ne te keqija. E kupton apo jo ?
Zogu ishte burre shteti,ndersa djali dhe nipi fatkekqisht i kan dale per Telenovela.




Meqe eshte edhe 8 marsi

[ilia spiro]

Cfare bufonate, ata zihen per pronat e tyre, fakiret i qajne hallin

[Albo]

Te nderohet nje "mbret" qe ia mbath nga syte kembet prej pushtuesit, eshte thjesht tradhetar. Nuk duhet te kete asnje status, duhet cfuqizuar, per keto familje. Ky status eshte nje skandal, sa kohe qe vdiq mbreteria, s`ka pune mbreti. Kur te vije saliu le t`ja ktheje statusin

Kur Kongresi i Lushnjes në 1920 mori vendimin për krijimin e Qeverisë në Tiranë, ushtria italiane mbante të pushtuar gjithë territorin e vendit dhe asnjë shqiptar nuk lëvizte dot pa lejen e italianëve. Dhe italianët nuk e mirëpritën Kongresin e Lushnjës dhe as nuk u bëhej vonë për interesat e shqiptarëve, pasi donin që ta kishin Shqipërinë "bisht të Italisë". Vetem pak vite më parë kishin helmuar në Itali edhe babagjyshin e shtetit shqiptar, Ismail Bej Vlorën. Problemi i delegatëve në Kongresin e Lushnjës ishte: mirë që morëm këto vendime, por kujt ia mban që ti ekzekutojë këto vendime në situatën e pushtimit ku e gjejmë veten sot? I vetmi burrë që me vendimet e Kongresit të Lushnjës çau postoblloqet e italianëve duke u thënë atyre se autoriteti i këtij vendi e këtij populli janë shqiptarët e jo ju, ishte Ahmet Zogu. Në 1920, Ahmet Zogu ishte një djalosh 25 vjeçar. Rubrikat historike të vetë italianëve që e dëshmuan këtë ngjarje me sytë e tyre, ishte se sa të befasuar ishin ata nga guximi dhe trimëria e këtij djaloshi, që bashkë me një grup luftëtarësh nga Mati, shkuan e krijuan Qeverinë në Tiranë, duke e kthyer çifligun e Toptanëve, fshatin Tiranë, në Kryeqytet të Shqipërisë. Dhe duke lëvizur qendrën e qeverisë nga influenca italiane në Durrës me njeriun e tyre Esat Pashë Toptanin, në Tiranë.

Ahmet Zogu nuk iu shmang asnjë beteje e asnjë konflikti. Ai zgjodhi të largohej nga Shqipëria në prill të 1939 duke mos pranuar të bëhej vegël e Musolinit në Tiranë dhe ajo më e rëndësishmja: ai zgjodhi turpin për familjen e tij dhe djalin e sapolindur 7 ditë më parë, që populli i tij të mos derdhte gjak në një luftë që nuk e fitonte dot. Ato ditë në Tiranë rinia e vendit bënin thirrje e protesta që t'i prisnin italianët me luftë. 7 prill 1939 shënon edhe fillimin e Luftës së Dytë Botërore! Gjë që Mbreti Zog e dinte shumë mirë, pasi Musolini kish 15 vjet që përpiqej ta bënte Mbretin Zog vasal të tij e nuk ia doli dot me diplomaci, prandaj e pushtoi me forcë.

Dallimi mes një fëmije dhe një burri nuk është vetëm në moshë, është në gjykim. Burrat i peshojnë fjalët që nxjerrin nga goja dhe vendimet që marrin. Fëmijët i lëshojnë fjalët pa menduar e gjykuar fare.

Albo

[ilia spiro]

..................................................

[Albo]

Albo prap nuk po kupton asgje.Te jesh Princ ose me sakt trashgimtar i tronit te Shqiperise do te thote te jesh shembull per te gjithe ne te mira e ne te keqija. E kupton apo jo ?
Zogu ishte burre shteti,ndersa djali dhe nipi fatkekqisht i kan dale per Telenovela.

Sic e thashë më lart, monarkët nuk kanë fituar imunitet ndaj dramave familjare. Ata janë njerëz si ne e detyrimisht bëjnë gabime e përballen me drama familjare si gjithë ne të tjerët. Nëse do ta gjykosh këtë, je i lirë ta bësh. Kur mësova se u martua me zonjën në fjalë, kjo ishte një prishje protokolli. Elia Zaharia nuk vinte nga një prej familjeve të monarkëve të Evropës. Mbase ky ishte problemi, mbase problemi ishte princi në moshë të re dhe i papjekur që u dashurua. Nuk më takon mua t'i gjykoj.

Telenovelën nuk e krijoi Princi. Telenovelën nëpër ekranet e televizioneve dhe faqet e gazetave e krijuan ata që duan ta sulmojnë e dëmtojnë imazhin e familjes mbretërore: nipi i shoferit të Mbretit Zog që sot e gjen veten kryeministër të Shqipërisë! Kuja në këtë lajm është që çdo shqiptar që depoziton një provë në polici apo në shtet e gjykatë, duhet të mendohet mirë, pasi ajo provë mund të bëjë xhiron e botës!

Si ka ngelur ajo shprehja: "Nuk bën dot stan me lepura!" Mbase duhet të nxjerrim edhe një shprehje të re: "Nuk bën dot shtet demokratik me çobenë!"

Albo

[Albo]

Sherri i dhunshëm me Princ Lekën, Elia Zaharia thyen heshtjen: Kuptuan dhimbjen time…

Elia Zaharia ka reaguar për herë të parë pas videos së bujshme me Princ Lekën. Ajo ka falenderuar miqtë dhe dashamirësit për mbështetjen dhe kurajon. Elia ka shprehur falënderime për ata që e kanë mbështetur, sidomos aktorët, që kanë firmosur dhe një peticion, ku i kanë dalë në mbrojtje pas rastit që u publikua. Në media u publikuan pamjet ku shihej një sherr i dhunshëm mes ish-çiftit, të cilët kanë dhe një vajzë 3-vjeçare nga martesa e tyre.

Mesazhi

Miq dhe dashamirës, ndjej dhe dëshiroj të shpreh mirënjohjen time më të thellë për mbështetjen dhe kurajon që më keni dhënë përgjatë këtyre ditëve kaq shqetësuese për mua dhe familjen time!

U jam falenderuese të gjithë atyre që u ulën dhe më shkruan fjalë zemre, atyre që kuptuan dhe ndjenë dhimbjen time!

Artistë të shquar e të nderuar të vendit tim, nga brezat që na kanë bërë e vazhdojnë të na bëjnë krenarë e që janë një pasuri kombëtare, deri te brezat e rinj të artit e kulturës në vend, u bashkuan në një peticion sensibilizues në mbështetje të një dinjiteti njerëzor! Ju jam përulësisht mirënjohëse, deri në lot!



Koha Jone

[Albo]

”Ajo që ndodhi ishte rrufe në qiell të hapur”, Elia Zaharia: Për hir të vajzës sime kam zgjedhur që…



Aktorja Elia Zaharia është kryefjalë e divorcit dhe sherrit të bujshëm me Princ Lekën. Në një lidhje telefonike në emisionin “Zona Zero”, ajo rrëfeu detaje nga situata e ndodhur mes familjes së saj dhe ish-bashkëshortit, Princit Leka. Zaharia tha për gazetarin Milaim Zeka se konflikti me ish-bashkëshortin ishte “një rrufe në qiell të hapur”, pasi deri në ato momente, procesi i ndarjes po shkonte paqësisht. Ajo tha se vajza e tyre Princesha Geraldina ishte e pranishme në konfliktin e ndodhur mes Princit Leka me babait të saj Gjergj Zaharia.

Zeka: Si jeni njohur me Princin?

Elia Zaharia: Jemi njohur në Tiranë gjatë pushimeve verore, kur unë kthehesha një herë në vit për të takuar familjarët.

Zeka: Kishe dëgjuar që nga oborri mbretëror ishte planifikuar që Princi të martohej me vajzën e ish-presidentit Rugova, Teutën?

Elia Zaharia: Asnjëherë, nuk janë diskutuar këto gjëra. Nuk kam një koment se nuk është diçka që më përfshin.

Zeka: Pse keni reaguar në mënyrë aq të rreptë apo agresive, në video?

Elia Zaharia: Unë arsyet i kam sqaruar edhe në organet përkatëse. Për shkak të konfrontimit që pashë midis ish-bashkëshortit tim dhe babait. Nuk do të kisha zgjedhur kurrë që kjo të ndodhte, dhe aq më tepër të servirej kjo, pasi është një moment intim, familjar. Përpos statusit, unë jam njeri prej mishi, gjaku dhe shpirti.

Zeka: Reagimi yt lidhet me atë anë njerëzore…

Elia Zaharia: Po por nuk do të doja të zgjatesha për diçka që është në organet hetimore. Nuk ka asnjë arsye tjetër, çdo gjë ka qenë e sqaruar paraprakisht. Kjo që na ndodhi për familjen time ishte një rrufe në qiell të hapur, pasi ndarja po shkonte normalisht.

Zeka: Vajza si e ka pritur këtë?

Elia Zaharia: Në konfrontimin tim me Princ Lekën, vajza nuk ka qenë e pranishme, por ka qenë e pranishme gjatë konfrontimit të tij me babain tim, për këtë jam e lënduar. Për hir të vajzës time kam zgjedhur të mos baltos kërkënd. Çdo gur që sot hidhet mbi mua apo babain e saj, nesër do të kthehet në peshë për të.

Koha Jone

[Albo]

Princ Leka 1 vit urdhër mbrojtje nga ish-vjehrri Gjergj Zaharia

Me vendim të Gjykatës Civile është miratuar sot urdhri i mbrojtjes me 1 vit për Princ Lekën. Ky i fundit kishte denoncuar më herët se ishte dhunuar nga ish-vjehrri dhe ish-gruaja.

Pretendim për “dhunë në familje” pati edhe Elia Zaharia ndaj Princit. Seanca për këtë të fundit, është shtyrë me kërkesë të mbrojtjes pasi nuk ishin gati të gjitha provat.

Kujtojmë se më 5 mars çifti u përplasën fizikisht me njëri-tjetrit brenda rezidencës mbretërore, sherr ku u përfshi edhe babai i Elia Zaharisë, Gjergj Zaharia dhe pamjet u bënë edhe virale Në videon e regjistruar nga Princ Leka aktorja shikohet duke e goditur, kurse babai i saj, Gjergj Zaharia mban në dorë një statujë druri.

Princ Leka hodhi në gjyq ish-bashkëshorten, me të cilën ka një vajzë, Geraldina dhe ish-vjehrrin. Po ashtu edhe baba e bijë paditën për dhunë 42-vjeçarin.

Gjykata Civile e Tiranës ka firmosur më herët dy urdhër mbrojtje për Princ Lekën dhe ish-bashkëshorten Elia Zaharia. Çifti duhet të mbajnë distancë 5 m, nga njëri-tjetri dhe Leka duhet të takojë vajzën e vogël jo në prezencë të Elias, por të dados.

Koha Jone

[Albo]

Divorci/ Princ Leka i vë kushte Elia Zaharias: E humbet pasurinë nëse krijon lidhje



Pas dhunës që mori gjatë procesit të divorcit, duket se Princ Lekës nuk i del e keqja. Nga 25 prilli 2024, çifti janë zyrtarisht të divorcuar me vendim gjykate. Princi u tregua bujar me pasurinë që i la ish-bashkëshortes, por kjo nuk erdhi pa “pasoja”.

Elia Zaharia është pronare e një apartamenti 257 m2 në qendër të Tiranës, pas ish-hotel Dajtit, një dyqani 134 m2 në katin – 1 të këtij pallati si dhe dy parkime 47 m2. Vetëm këto të fundit kapin vlerën e 100 mijë eurove. Apartamentet 3-6 mijë euro/m2, ndërsa dyqani 7-10 mijë euro/m2.

Por kjo pasuri i ikën nga duart ish-bashkëshortes të Princit, nëse bie në dashuri.

“Kur Geraldina të bëhet madhore, nëna i humbet të drejtat në rast të krijimit të një marrëdhënieje të re martesore ose bashkëjetese”.

Pra, Elia Zaharia duhet të mos ketë shokë, të bashkëjetojë apo martohet me njeri, pasi Geraldina të mbushë 18 vjeç. Ky është kushti i Leka Zogut.

Ndërkohë ky i fundit po jeton romancën me parteren e re, forografen Blerta Celibashi.Edhe pse plot 16 vite diferencë, duket se shifrat nuk përbëjnë aspak problem në këtë romancë.

ORA NEWS

[Albo]

Mbyllet hetimi/ Kush e nxorri filmimin e sherrit mes Lekës dhe Eljas



Prokuroria e kryeqytetit, pasi ka çuar për gjykim dosjen për dhunë në familje ndaj Princ Lekës, Elia Zaharisë dhe babait të saj, ka pushuar çështjen për nxjerrjen e sekretit hetimor.

Bëhet fjalë për hetimet që nisën pas publikimit në rrjet të videos së bujshme, ku Princ Leka dhe Elia Zaharia sulmonin fizikisht njëri-tjetrin.

Në deklarimet publike, Princ Leka ka hedhur dyshimin se kjo video është nxjerrë nga strukturat e policisë, apo nga prokuroria kur ai dorëzoi videon.

Gazetarja Dorjana Bezat bën me dije se Prokuroria e Tiranës ka hetuar dhe ka dalë në konkluzionin se kjo video ka dalë nga vetë princ Leka, i cili ishte krijuesi dhe poseduesi i këtij materiali filmik.

Celulari është kërkuar nga prokuroria por ky i fundit nuk e ka dorëzuar, duke deklaruar se e ka thyer nga stresi.

Nga verifikimet ka rezultuar se kjo video i është dërguar mikeshës së tij me të cilën dyshohet se është në lidhje, Blerta Celibashi.

Kjo e fundit pasi ka marrë videon, pamjet i dërguar në kancelari për t’i kaluar në usb. Kur prokuroria i ka kërkuar celularin Blertës, ajo ka deklaruar se e ka futur në lavatriçe.

Është bërë verifikimi në kancelari, por punonjësja që ka asistuar Blertën ka thënë që është fshirë dhe nuk ka pasur mundësi ta shpërndajë.

Në këto kushte janë pushuar hetimet, por Prokuroria bën përgjegjës Princ Lekën sepse pamjet e shpërndara në media janë më të gjata se ato që ka prokuroria.

Mbyllja e hetimeve
Prokuroria e Tiranës mbylli hetimet dhe ka dërguar për gjykim Princ Lekën, ish-bashkëshorten e tij Elia Zaharian dhe babanë e kësaj të fundit Gjergj Zaharia, më 8 qershor.

Princ Leka, ish-bashkëshortja e tij Elia Zaharia dhe babai i kësaj të fundit, Gjergj Zaharia, akuzohen për dhunë në familje. Hetimet nisën pas publikimit të një video dhe kallëzimit në prokurori për dhunë në familje. Më 25 prill Gjykata e Tiranës vendosi zgjidhjen e kurorës martesore mes Princ Lekës dhe aktores së njohur.

Në vendimin e Gjykatës thuhet se çifti, prindër të një vajze të vogël, kanë vendosur të ndahen pasi kanë pasur konflikte të vazhdueshme, mungesë komunikimi dhe se kishin ndërprerë bashkëjetesën. Kështu hidhet poshtë se martesa është zgjidhur për shkak të tradhtisë së Princ Lekës ndaj Elia Zaharias.

Konfliktet e çiftit u bënë publike pas qarkullimit të një videoje, ku Leka, babai i Elias dhe vetë ajo, konfliktoheshin fizikisht mes tyre. Ndërkohë pas këtyre pamjeve, ata përfunduan në Gjykatë, me urdhër mbrojtjeje ndaj njëri-tjetrit.
Ndërsa Elia i është rikthyer jetës së saj profesionale dhe ngjitjes në skenë me disa vepra, nga ana tjetër Leka po shijon lidhjen e tij të të dashurisë.

Si nisi sherri i bujshëm dhe dëshmitë e plota:

Gjithçka ka nisur kur Princ Leka ka shkuar të takojë të bijën në shtëpinë e tij më 5 mars të këtij viti, ku jeton bashkë me të ëmën, Elia Zaharia. Siç rrëfen Princ Leka në dëshminë e tij, në ato momente vajza e mitur ka qenë me Gjergj Zaharinë, ish-vjehrri i tij, i cili po kujdesej për mbesën, pasi Elia nuk ndodhej në banesë.

Këtë takim të dy e përshkruan të dhunshëm, teksa Princi pretendon se është dhunuar nga Gjergj Zaharia, ndërsa ky i fundit ka thënë se është i moshuar dhe s’mund të dhunojë askënd.

Madje, në dëshminë e tij, Princ Leka pretendon se është dhunuar me sende të forta si statuja e drurit, ndërsa thotë se ish-vjehrri i ka grisur edhe xhupin në sy të vajzës. Ai thotë se sherri nisi nga ana e Gjergj Zaharia që “ka filluar me fjale fyese e kërcënuese në drejtimin tim duke më thënë t’i duhet të ndërrosh rrugën kur të më shikosh mua”.

‘Në këto momente situata ka agravuar shtetasi Gjergj Zaharia, më është afruar duke më shtyrë e goditur me shkelma tek këmbët e mia. Reagimi im ka qene vetëm mbrojtës’-pretendon princi.

Dëshmia e plotë e Princ Lekës:

“Ka qenë në ora 15:20 minuta në banesën time në rrugën “Murat Toptani” rezidenca familjes mbretërore Nr.6, Tirane për të takuar vajzën time të moshës 3-vjeçare, pasi me ish-bashkëshorten shtetasen Elia Zogu jemi në proces divorci. Unë fillimisht jam takuar me Shefin e administratës së Oborrit shtetasin Syl Mulosmanaj të cilin e kam pyetur në lidhje me një dollap që ishte boshatisur në kundërshtim me marrëveshjen. Më pas unë i kam kërkuar Sylës që të më shoqëronte deri tek vajza ime për ta takuar, për të cilën me një marrëveshje për zgjidhje martese kemi rënë dakord me ish-bashkëshorten.

Unë jam ngjitur sipër së bashku me Sylën edhe kam gjetur vajzën time të vogël Geraldina Zogu e moshës 3-vjeç e cila ka qene ne shoqërinë e gjyshit të saj babit të ish-bashkëshortes shtetasit Gjergj Zaharia.

Në këtë momente unë kam përqafuar vajzën time edhe shtetasi Gjergj Zaharia ka filluar me fjale fyese e kërcënuese në drejtimin tim duke më thënë t’i duhet të ndërrosh rrugën kur të më shikosh mua.

Reagimi im para kësaj situate ka qenë duke ju drejtuar Gjergjit që të mos më ofendoj e kërcënojë sidomos në prani të vajzës edhe i kam kërkuar që ai të largohet nga dhoma ku unë po qëndroja me vajzën.

Në këto momente situata ka agravuar shtetasi Gjergj Zaharia, më është afruar duke më shtyrë e goditur me shkelma tek këmbët e mia. Reagimi im ka qene vetëm mbrojtës, por Gjergji ka vazhduar duke më goditur edhe më ka grisur xhupin si edhe ka marrë edhe një send të fortë (statujë druri) me të cilin më ka goditur.”

Por nga ana e tij, Gjergj Zaharia pretendon të kundërtën duke u shprehur se “ai është i moshuar dhe nuk qëndron dot në këmbë, kështu nuk ka mundësi që të dhunojë Princin e cili është 2 metra i gjatë”. Ai e akuzon Lekën se e ka dhunuar dhe e ka fyer me fjalë të rënda.

Dëshmia e Gjergj Zaharisë

“Princi ishte i dhunshëm ndaj meje dhe më ka folur me një gjuhë të ashpër. Nuk e kam dhunuar, vetëm jam mbrojtur. Unë jam 70 e ca kusur vjeç dhe nuk qëndroj dot në këmbët e mia, jo më të godas me shkelma princin që është 2 metra i gjatë”.

Pas këtij episodi të dy janë paraqitur në polici, ku u është bërë akt ekspertimi mjekoligjor dhe i janë drejtuar gjykatës për urdhër mbrojtje. Pas kësaj, edhe Elia i është drejtuar komisariatit me pretendime për dhunë nga ish-bashkëshorti.
Pas denoncimit për dhunë, të Princ Lekës dhe Elia Zaharias, ka reaguar Policia, cila thotë se të dyja palët pretendojnë se janë dhunuar nga njëri-tjetri dhe janë pajisur me urdhër mbrojtjeje.

Çfarë ka ndodhur me çiftin mbretëror?

Princ Leka njoftoi ndarjen më 15 janar, ku tha se kanë nisur dhe procedurat e nevojshme ligjore. Pas tij reagoi edhe Elia Zaharia, dhe mesazhi i përbashkët ishte se mirëqenia e vajzës së tyre do të mbetet në qendër të vëmendjes. Përmes një reagimi zyrtar, Princ Leka u shpreh se ‘martesa e ka humbur funksionin e saj, dhe e kanë parë të udhës ta zgjidhin atë me pëlqim reciprok duke filluar procedurat e nevojshme ligjore’.

“Ajo ç’ka ka më shumë rëndësi, është që vogëlushja ime ta përjetojë këtë moment sa më lehtë të jetë e mundur”, reagoi më pas Zaharia.

Ndarja e Princit nga Elia Zaharia bëri bujë të madhe, me dyshimet ku thuhet se çifti ishin prej kohësh në një martesë të krisur. Shkak thuhet se është bërë lidhja e princ Lekës me fotografen e ish-çiftit, Blerta Celibashi. Madje ata janë shfaqur shpesh herë në publik bashkë, por ende nuk e kanë zyrtarizuar marrëdhënien e tyre.

Top Channel