Princ Leka njofton zyrtarisht divorcin me bashkëshorten e tij, Elia Zaharia

[Albo]

Princ Leka njofton zyrtarisht divorcin me bashkëshorten e tij, Elia Zaharia



Merr fund dilemat rreth ndarjes se Princ Leka me bashkëshorten e tij, Elia Zaharia.

Nëpërmjet një postimi në rrjetet sociale, Princ Leka deklaron publikisht se martesa ka marrë fund dhe se të dyja palët kanë rënë dakord ta zgjidhin atë në gjykatë.

“Përshëndetje miq dhe dashamirës,

Me anë të këtij postimi ju komunikoj zyrtarisht se LTM Princ Leka dhe Elia Zaharia kanë rënë dakord që martesës së tyre t’i jepet fund.

Duke qenë se martesa e ka humbur funksionin e saj, kanë parë të udhës ta zgjidhin atë me pëlqim reciprok duke filluar procedurat e nevojshme ligjore.

Pavarësisht besimit tek instituti i familjes, LTM Princ Leka II beson se vlerat e respektit dhe mirëkuptimit reciprok do të përbëjnë bazën e marrëdhënies në vijimësinë e saj, që do të ketë si motiv rritjen dhe edukimin e LSM Princeshës Geraldinë!!!

Mirëqenia shpirtërore dhe fizike e vajzës, LSM Princeshë Geraldinës, do mbetet në qendër të vëmendjes së tyre, të përkushtuar për të siguruar një jetë të lumtur dhe të sigurt për Geraldinën.

LTM Princ Leka Il nuk do të bëjë deklarata apo komente të mëtejshme dhe kërkon që të respektohet e drejta për privatësi lidhur me këtë çështje”, thuhet në njoftimin zyrtar.

Koha Jone

[Albo]

Elia Zaharia: Ndonjëherë divorci qenka e vetmja rrugëzgjidhje!



Elia Zaharia, po ashtu, njofton se ka nisur procedurat për divorc me Princ Lekën.

Ndonjëherë ndarja qenka e vetmja rrugëzgjidhje, shkruan Elia në një postim në rrjetin social “Instagram”, ndërsa shton se nuk do të donte që vajza e saj të rritej me prindër të ndarë.

“Më duhet t’ju komunikoj që sot filluam procedurat ligjore për zgjidhjen e martesës, pasi vendosëm bashkarisht të kërkojmë zyrtarizimin e divorcit!

Ky nuk është aspak një realitet që më lumturon, pasi besoj në vlerat e familjes si gjënë më të shtrenjtë! Kurrsesi nuk do kisha zgjedhur për vajzën time të rritej me prindër të ndarë, por ndonjëherë ndarja qenka e vetmja rrugëzgjidhje!

Ajo ç’ka ka më shumë rëndësi, është që vogëlushja ime ta përjetojë këtë moment sa më lehtë të jetë e mundur!

Ju falenderoj shumë të gjithëve ju që më keni shkruar e më keni dhënë kurajo! Pavarësisht këtyre muajve të vështirë që kam kaluar, dashamirësia juaj më ka dhënë forcë! Ju uroj shëndet e lumturi në familjet tuaja!”.

Më herët, përmes një reagimi zyrtar, Princ Leka u shpreh se ‘martesa e ka humbur funksionin e saj, dhe e kanë parë të udhës ta zgjidhin atë me pëlqim reciprok duke filluar procedurat e nevojshme ligjore’.

“Përshëndetje miq dhe dashamirës, Me anë të këtij postimi ju komunikoj zyrtarisht se LTM Princ Leka dhe Elia Zaharia kanë rënë dakord që martesës së tyre t’i jepet fund. Duke qenë se martesa e ka humbur funksionin e saj, kanë parë të udhës ta zgjidhin atë me pëlqim reciprok duke filluar procedurat e nevojshme ligjore.

Pavarësisht besimit tek instituti i familjes, LTM Princ Leka Il beson se vlerat e respektit dhe mirëkuptimit reciprok do të përbëjnë bazën e marrëdhënies në vijimësinë e saj, që do të ketë si motiv rritjen dhe edukimin e LSM Princeshës Geraldinë!!!

Koha Jone

[ilia spiro]

E ke lexuar ndonjehere kushtetuten, Shqiperia eshte Republike Parlamentare. Nga na doli "princi", ajo kohe ka vdekur ne 7 prill 1939.

[Jetmiraaa]

Eh vipat lool.
Të kishim edhe ne probleme sikur i kanë kta.

[Albo]

E ke lexuar ndonjehere kushtetuten, Shqiperia eshte Republike Parlamentare. Nga na doli "princi", ajo kohe ka vdekur ne 7 prill 1939.

Lirinë time si njeri nuk e mora nga Kushtetuta. E mora kur linda, nga Zoti. Dhe si një njeri i lirë, unë, ti, e kushdo, mund të zgjedhim të jemi edhe princ, edhe mbret, edhe çoban në majë të malit. Kjo është liria. Kushtetuta dhe shteti ekzistojnë vetëm për të mbrojtur dhe jo për të kufizuar këto liri.

Nëse Princi do të jetë princ, edhe pse Ilia Spiro nuk e njeh si të tillë, kjo është e drejta e tij. Ashtu si ti ke të drejtë të mos e njohësh si princ. Shkundeni mentalitetin e skllavit që ju bën të besoni gjepurat se liritë i marrim nga një copë letër si kushtetuta apo nga një shtet. Sa kushtetuta e shtete ka patur Shqipëria në këto 100 vitet e fundit? Lirinë e kemi të lindur nga natyra jonë njerëzore, e krijuar nga Krijuesi i Gjithëditur, që vetëm njeriun e krijoi sipas ngjashmërisë dhe shëmbëlltyrës së Vetë. Asnjë krijesë tjetër në qiell apo në tokë nuk i ngjan Perëndisë, vetëm njeriu!

[ilia spiro]

Lirinë time si njeri nuk e mora nga Kushtetuta. E mora kur linda, nga Zoti. Dhe si një njeri i lirë, unë, ti, e kushdo, mund të zgjedhim të jemi edhe princ, edhe mbret, edhe çoban në majë të malit. Kjo është liria. Kushtetuta dhe shteti ekzistojnë vetëm për të mbrojtur dhe jo për të kufizuar këto liri.

Nëse Princi do të jetë princ, edhe pse Ilia Spiro nuk e njeh si të tillë, kjo është e drejta e tij. Ashtu si ti ke të drejtë të mos e njohësh si princ. Shkundeni mentalitetin e skllavit që ju bën të besoni gjepurat se liritë i marrim nga një copë letër si kushtetuta apo nga një shtet. Sa kushtetuta e shtete ka patur Shqipëria në këto 100 vitet e fundit? Lirinë e kemi të lindur nga natyra jonë njerëzore, e krijuar nga Krijuesi i Gjithëditur, që vetëm njeriun e krijoi sipas ngjashmërisë dhe shëmbëlltyrës së Vetë. Asnjë krijesë tjetër në qiell apo në tokë nuk i ngjan Perëndisë, vetëm njeriu!

Po pra, kur thashe une, ketu ka nje ceshtje qe eshte "anakronizmi".Edhe vendimi per t`u shpallur mbret Ahmet Zogolli, me nje cope leter eshte dekretuar. Por qe te thirret "princ" i nipi, pas 100 vjetesh kjo eshte me te vertete mentalitet skllavi dhe jo e kunderta. Ne vende te tjera bashkepunetoret e nazi-fashizmit nuk lejohen te jene qytetare pale me t`u kthehen pronat, e marra me grabitje si gjithe feudalet e cifligaret, si dhe duke vjedhur arken e shtetit,..., keshtu qe nuk eshte tek une mentaliteti i skllavit,...ore shpalleni cfare te doni po me ligje, ...por fatkeqesisht principet e shtetit ligjor sapo kane filluar ne Shqiperi,...., liria eshte e sanksionuar ne "leter" pra ne kushtetute, ose edhe ne digjital, ..."republike parlamentare",....., te jesh skllav i ligjit nuk do te thote te kesh mentalitet "skllavi"...kete e ka thene edhe Shen Pavli, apo jo, diku ku flet per "pushtetet"///

[Albo]

“Kur të më shohësh mua, të ndërrosh rrugën”/ Zbardhet dëshmia e plotë e Princ Lekës: Ish-vjehrri më goditi me shkelma, më grisi xhupin



Zbardhet dëshmia e plotë e Princ Lekës, i cili akuzon për dhunë ish-vjehrrin e tij, Gjergj Zaharia. Sherri mes tyre ka përfunduar në dyert e policisë, pasi të dyja palët kanë bërë denoncim dhe se kanë kërkuar urdhër mbrojtje.

Gazetari Igli Çelmeta ka siguruar të plotë dëshminë e Princ Lekës.

DESHMIA

Ka qenë në ora 15:20 minuta në banesën time në rrugën “Murat Toptani” rezidenca familjes mbretërore Nr.6, Tirane për të takuar vajzën time te moshës 3-vjeçari, pasi me ish-bashkëshorten shtetasen Elia Zogu jemi ne proces divorci. Unë fillimisht jam takuar me Shefi i administratës se Oborrit shtetasin Syl Mulosmanaj të cilin e kam pyetur në lidhje me një dollap që ishte boshatisur në kundërshtim me marrëveshjen.

Me pas unë i kam kërkuar Syles që të më shoqëronte deri tek vajza ime për ta takuar për të cilën me një marrëveshje për zgjidhje martese kemi rënë dakord me ish-bashkëshorten. Unë jam ngjitur sipër së bashku me Sylën edhe kam gjetur vajzën time te vogël Geraldina Zogu, e moshës 3 vjeç, e cila ka qenë në shoqërinë e gjyshit të saj, babit të-ish bashkëshortes shtetasit Gjergj Zaharia.

Në këtë momente unë kam përqafuar vajzën time edhe shtetasi Gjergj Zaharia ka filluar me fjalë fyese e kërcënuese në drejtimin tim duke me thënë; t’i duhet të ndërosh rrugën kur të më shikosh mua.

Reagimi im para kësaj situatë ka qenë duke ju drejtuar Gjergjit që të mos me ofendoj e kërcënoj, sidomos në prani të vajzës edhe i kam kërkuar qe ai të largohet nga dhoma ku unë po qëndroja me vajzën.
Në këto momente situata ka agravuar. Shtetasi Gjergj Zaharia me është afruar duke me shtyrë e goditur me shkelma tek këmbët e mia. Reagimi im ka qene vetëm mbrojtës, por Gjergji ka vazhduar duke me goditur edhe me ka grisur xhupin si edhe ka marrë edhe një send të fortë (statujë druri) me të cilin më ka goditur.

Balkanweb

[Albo]

New York Post: Divorci mes Princ Lekës dhe Elia Zaharisë u parashikua nga një fallxhore!



TIRANE

Disa ditë më parë Elia Zaharia (Zogu) zyrtarizoi divorcin me Princ Leka II pas 7 vitesh martesë. Edhe vetë Princ Leka nëpërmjet një njoftimi zyrtar lajmëroi se ka nisur procedurat për divorcin.

Lajmi bëri bujë në Shqipëri, por edhe në botë, ku ka marrë vëmendjen e shumë mediave të huaja.

Një ndër to është dhe New York Post, e cila shkruan se ndarjen e Princit Leka me Elian e ka parashikuar një fallxhore, Sally Morgan.
Kur ajo e bëri të ditur këtë, të gjitha aluduan se bëhej fjalë për Harry-n dhe Meghan-in.

“Një fallxhore pretendoi se një çift mbretëror do të shkonte drejt divorcit në vitin 2024, sipas News International.
Megjithatë nuk ishin Duka dhe Dukesha e Sussex, por Princi i Kurorës së Shqipërisë”, thuhet në shkrim.



Balkanweb

[Albo]

“Më dhunuan”, Princ Leka denoncon në polici ish-bashkëshorten Elia Zaharia dhe babanë e saj



Një ngjarje e paprecedentë ka përfshirë Princ Lekën dhe ish-bashkëshortja e tij, Elia Zaharia.

Kjo e fundi akuzohet nga princi se e ka dhunuar, bashkë me babain e saj, Gjergj Zaharia.Mësohet se Leka ka shkuar për të takuar vajzën, e cila jeton në oborrin Mbretëror me mamanë e saj, por është përballur me ofendimet e ish-vjehrrit dhe me pas me dhune fizike ndaj tij.

Gazetari Igli Çelmeta raporton për BalkanWeb se princ Leka ka kërkuar edhe urdhër mbrojtje, po ashtu edhe Zaharia. Kujtojmë se Princ Leka dhe Elia Zaharia janë ndarë, ndërsa flitet se princi ka nisur një lidhje të re dashurie me fotografen Blerta Celibashi.

Video

Balkanweb

[Albo]

Videon mund ta shikoni ne YouTube.